श्री यक्षराजाष्टकम्

रत्नभद्राङ्गजोद्‌भूत ! पूर्णभद्रसुतोत्तम !| निर्विघ्नं कुरु मे यक्ष ! काशीवासं शिवाप्तये || 1 ||

धन्योयक्षःपूर्णभद्रो धन्याकाञ्चनकुण्डला | ययोर्जठरपीठेऽभूर्दण्डपाणे ! महामते ! || 2 ||

जययक्षपते ! धीर जयपिङ्गललोचन !| जयपिङ्ग ! जटाभार ! जयदण्ड ! महायुध ! || 3 ||

अविमुक्तमहाक्षेत्रसूत्रधारोग्रतापस !| दण्डनायक ! भीमास्य ! जयविश्वेश्वरप्रिय ! || 4 ||

सौम्यानां सौम्यवदनभीषणानां भयानक !| क्षेत्रपापधियांकालमहाकालमहाप्रिय ! || 5 ||

जय प्राणद ! यक्षेन्द्र ! काशीवासान्नमोक्षद ! | महारत्नस्फुरद्रश्मिचयचर्चितविग्रह ! || 6 ||

महासम्भ्रान्तिजनक ! महोद्‌भ्रान्तिप्रदायक ! अभक्तानां च भक्तानां सम्भ्रान्त्युद्‌भ्रान्तिनाशक ! || 7 ||

प्रान्तनेपथ्यचतुर ! जयज्ञाननिधिप्रद ! | जय गौरीपदाब्जाले ! मोक्षेक्षणविचक्षण ! || 8 ||

यक्षराजाष्टकं पुण्यमिदंनित्यं त्रिकालतः | जपामिमैत्रावरूणे ! वाराणस्याप्तिकारणम् ! || 9 ||

दण्डपाण्यष्टकंधीमान् जपन्विघ्नैर्नजातुचित् | श्रद्धयापरिभूयेतकाशीवासफलंलभेत् ! || 10 ||


॥ इति श्री स्कन्दप्रणीतं श्री यक्षराजाष्टकम् संपूर्णम् ॥

Text Source stotram.co.in
PDF file is generated [ October 11, 2015 ] at Stotram Website