ଶ୍ରୀ ହରିହରାଷ୍ଟୋତ୍ତରଶତନାମ ସ୍ତୋତ୍ରମ୍

ଗୋଵିନ୍ଦମାଧଵମୁକୁନ୍ଦହରେମୁରାରେ ! ଶମ୍ଭୋ ! ଶିଵେଶ ! ଶଶିଶେଖର ! ଶୂଲପାଣେ ! |
ଦାମୋଦରାଚ୍ଯୁତ ! ଜନାର୍ଦନ ! ଵାସୁଦେଵ ! ତ୍ଯାଜ୍ଯା ଭଟା ଯ ଇତି ସନ୍ତତମାମନନ୍ତି || 1 ||


ଗଙ୍ଗାଧରାନ୍ଧକରିପୋ ! ହର ! ନୀଲକଣ୍ଠ ! ଵୈକୁଣ୍ଠ ! କୈଟଭରିପୋ ! କମଠାବ୍ଜପାଣେ ! |
ଭୂତେଶ ! ଖଣ୍ଡପରଶୋ ! ମୃଡ ! ଚଣ୍ଡିକେଶ ! ତ୍ଯାଜ୍ଯା ଭଟା ଯ ଇତି ସନ୍ତତମାମନନ୍ତି || 2 ||


ଵିଷ୍ଣୋ ! ନୃସିଂହ ! ମଧୁସୂଦନ ! ଚକ୍ରପାଣେ ! ଗୌରୀପତେ ! ଗିରିଶ ! ଶଙ୍କର ! ଚନ୍ଦ୍ରଚୂଡ ! |
ନାରାଯଣାସୁରନିବର୍ହଣ ! ଶାର୍ଙ୍ଗପାଣେ ! ତ୍ଯାଜ୍ଯା ଭଟା ଯ ଇତି ସନ୍ତତମାମନନ୍ତି || 3 ||


ମୃତ୍ଯୁଞ୍ଜଯୋଗ୍ରଵିଷମେକ୍ଷଣ ! କାମଶତ୍ରୋ ! ଶ୍ରୀକାନ୍ତ ! ପୀତଵସନାମ୍ବୁଦନୀଲଶୌରେ ! |
ଈଶାନ ! କୃତ୍ତିଵସନ ! ତ୍ରିଦଶୈକନାଥ ! ତ୍ଯାଜ୍ଯା ଭଟା ଯ ଇତି ସନ୍ତତମାମନନ୍ତି || 4 ||


ଲକ୍ଷ୍ମୀପତେ ! ମଧୁରିପୋ ! ପୁରୁଷୋତ୍ତମାଦ୍ଯ ! ଶ୍ରୀକଣ୍ଠ ! ଦିଗ୍ଵସନ ! ଶାନ୍ତପିନାକପାଣେ ! |
ଆନନ୍ଦକନ୍ଦ ! ଧରଣୀଧର ! ପଦ୍ମନାଭ ! ତ୍ଯାଜ୍ଯା ଭଟା ଯ ଇତି ସନ୍ତତମାମନନ୍ତି || 5 ||


ସର୍ଵେଶ୍ଵର ! ତ୍ରିପୁରସୂଦନ ! ଦେଵଦେଵ ! ବ୍ରହ୍ମଣ୍ଯଦେଵ ! ଗରୁଡଧ୍ଵଜ ! ଶଙ୍ଖପାଣେ ! |
ତ୍ର୍ଯକ୍ଷୋରଗାଭରଣବାଲମୃଗାଙ୍କମୌଲେ ! ତ୍ଯାଜ୍ଯା ଭଟା ଯ ଇତି ସନ୍ତତମାମନନ୍ତି || 6 ||


ଶ୍ରୀରାମରାଘଵରମେଶ୍ଵର ! ରାଵଣାରେ ! ଭୂତେଶ ! ମନ୍ମଥରିପୋ ! ପ୍ରମଥାଧିନାଥ ! |
ଚାଣୂରମର୍ଦନହୃଷୀକପତେ ! ମୁରାରେ ! ତ୍ଯାଜ୍ଯା ଭଟା ଯ ଇତି ସନ୍ତତମାମନନ୍ତି || 7 ||


ଶୂଲିନ୍ ! ଗିରୀଶ ! ରଜନୀଶକଲାଵତଂସ ! କଂସପ୍ରଣାଶନ ! ସନାତନ ! କେଶିନାଶ ! |
ଭର୍ଗ ! ତ୍ରିନେତ୍ର ! ଭଵ ! ଭୂତପତେ ! ପୁରାରେ ! ତ୍ଯାଜ୍ଯା ଭଟା ଯ ଇତି ସନ୍ତତମାମନନ୍ତି || 8 ||


ଗୋପୀପତେ ! ଯଦୁପତେ ! ଵସୁଦେଵସୂନୋ ! କର୍ପୂରଗୌର ! ଵୃଷଭଧ୍ଵଜ ! ଭାଲନେତ୍ର ! |
ଗୋଵର୍ଦ୍ଧନୋଦ୍ଧରଣ ! ଧର୍ମଧୁରୀଣ ! ଗୋପ ! ତ୍ଯାଜ୍ଯା ଭଟା ଯ ଇତି ସନ୍ତତମାମନନ୍ତି || 9 ||


ସ୍ଥାଣୋ ! ତ୍ରିଲୋଚନ ! ପିନାକଧର ! ସ୍ମରାରେ ! କୃଷ୍ଣାନିରୁଦ୍ଧ ! କମଲାକର ! କଲ୍ମଷାରେ ! |
ଵିଶ୍ଵେଶ୍ଵର ! ତ୍ରିପଥଗାର୍ଦ୍ରଜଟାକଲାପ ! ତ୍ଯାଜ୍ଯା ଭଟା ଯ ଇତି ସନ୍ତତମାମନନ୍ତି || 10 ||


ଅଷ୍ଟୋତ୍ତରାଧିକଶତେନ ସୁଚାରୁନାମ୍ନାଂ ସଂଦର୍ଭିତାଂ ଲଲିତରତ୍ନକଦମ୍ବକେନ |
ସନ୍ନାଯକାଂ ଦୃଢଗୁଣାଂ ଦ୍ଵିଜକଣ୍ଠଗାଂ ଯଃକୁର୍ଯାଦିମାଂ ସ୍ରଜମହୋ ସ ଯମଂ ନ ପଶ୍ଯେତ୍ |
ଇତ୍ଥଂ ଦ୍ଵିଜେନ୍ଦ୍ରନିଜଭୃତ୍ଯଗଣାନ୍ ସଦୈଵସଂଶିକ୍ଷଯେଦଵନିଗାନ୍ସହି ଧର୍ମରାଜଃ |
ଅନ୍ଯେଽପି ଯେ ହରିହରାଙ୍କଧରାଧରାଯାଂ ତେ ଦୂରତଃପୁନରହୋ ପରିଵର୍ଜନୀଯାଃ |

ଅଗସ୍ତିରୁଵାଚ
ଯୋ ଧର୍ମରାଜରଚିତାଂ ଲଲିତପ୍ରବନ୍ଧାଂ ନାମାଵଲୀଂ ସକଲକଲ୍ମଷବୀଜହନ୍ତ୍ରୀମ୍ |
ଧୀରୋଽତ୍ର କୌସ୍ତୁଭଭୃତଃ ଶଶିଭୂଷଣସ୍ଯ ନିତ୍ଯଂ ଜପେତ୍ସ୍ତନରସଂ ସ ପିବେନ୍ନ ମାତୁଃ |
ଇତି ଶ୍ରୃଣ୍ଵନ୍କଥାଂ ରମ୍ଯାଂ ଶିଵଶର୍ମା ପ୍ରିଯେଽନଘାମ୍ |
ପ୍ରହୃଷ୍ଟଵକ୍ତ୍ରଃ ପୁରତୋ ଦଦର୍ଶାପ୍ସରସାଂ ପୁରୀମ୍ ||

|| ଶ୍ରୀ ହରିହରାଷ୍ଟୋତ୍ତରଶତନାମ ସ୍ତୋତ୍ରମ୍ ସମାପ୍ତମ୍ ||

Text Source stotram.co.in
PDF file is generated [ October 11, 2015 ] at Stotram Website