{॥ ଉଚ୍ଛିଷ୍ଟଗଣେଶସ୍ତଵରାଜଃ ॥}
ଶ୍ରୀ ଗଣେଶାଯ ନମଃ ।
ଦେଵ୍ଯୁଵାଚ ।
ପୂଜାନ୍ତେ ହ୍ଯନଯା ସ୍ତୁତ୍ଯା ସ୍ତୁଵୀତ ଗଣନାଯକମ୍ ।
ନମାମି ଦେଵଂ ସକଲାର୍ଥଦଂ ତଂ ସୁଵର୍ଣଵର୍ଣଂ ଭୁଜଗୋପଵୀତମ୍ ।
ଗଜାନନଂ ଭାସ୍କରମେକଦନ୍ତଂ ଲମ୍ବୋଦରଂ ଵାରିଭଵାସନଂ ଚ ॥ ୧॥

କେଯୁରିଣଂ ହାରକିରୀଟଜୁଷ୍ଟଂ ଚତୁର୍ଭୁଜଂ ପାଶଵରାଭଯାନି ।
ସୃଣିଂ ଚ ହସ୍ତଂ ଗଣପଂ ତ୍ରିନେତ୍ରଂ ସଚାମରସ୍ତ୍ରୀଯୁଗଲେନ ଯୁକ୍ତମ୍ ॥ ୨॥

ଷଡକ୍ଷରାତ୍ମାନମନଲ୍ପଭୂଷଂ ମୁନୀଶ୍ଵରୈର୍ଭାର୍ଗଵପୂର୍ଵକୈଶ୍ଚ ।
ସଂସେଵିତଂ ଦେଵମନାଥକଲ୍ପଂ ରୂପଂ ମନୋଜ୍ଞଂ ଶରଣଂ ପ୍ରପଦ୍ଯେ ॥ ୩॥

ଵେଦାନ୍ତଵେଦ୍ଯଂ ଜଗତାମଧୀଶଂ ଦେଵାଦିଵନ୍ଦ୍ଯଂ ସୁକୃତୈକଗମ୍ଯମ୍ ।
ସ୍ତମ୍ବେରମାସ୍ଯଂ ନନୁ ଚନ୍ଦ୍ରଚୂଡଂ ଵିନାଯକଂ ତଂ ଶରଣଂ ପ୍ରପଦ୍ଯେ ॥ ୪॥

ଭଵାଖ୍ଯଦାଵାନଲଦହ୍ଯମାନଂ ଭକ୍ତଂ ସ୍ଵକୀଯଂ ପରିଷିଞ୍ଚତେ ଯଃ ।
ଗଣ୍ଡସ୍ରୁତାମ୍ଭୋଭିରନନ୍ଯତୁଲ୍ଯଂ ଵନ୍ଦେ ଗଣେଶଂ ଚ ତମୋଽରିନେତ୍ରମ୍ ॥ ୫॥

ଶିଵସ୍ଯ ମୌଲାଵଵଲୋକ୍ଯ ଚନ୍ଦ୍ରଂ ସୁଶୁଣ୍ଡଯା ମୁଗ୍ଧତଯା ସ୍ଵକୀଯମ୍ ।
ଭଗ୍ନଂ ଵିଷାଣଂ ପରିଭାଵ୍ଯ ଚିତ୍ତେ ଆକୃଷ୍ଟଚନ୍ଦ୍ରୋ ଗଣପୋଽଵତାନ୍ନଃ ॥ ୬॥

ପିତୁର୍ଜଟାଜୂଟତଟେ ସଦୈଵ ଭାଗୀରଥୀ ତତ୍ର କୁତୂହଲେନ ।
ଵିହର୍ତୁକାମଃ ସ ମହୀଧ୍ରପୁତ୍ର୍ଯା ନିଵାରିତଃ ପାତୁ ସଦା ଗଜାସ୍ଯଃ ॥ ୭॥

ଲମ୍ବୋଦରୋ ଦେଵକୁମାରସଙ୍ଘୈ କ୍ରୀଡନ୍କୁମାରଂ ଜିତଵାନ୍ନିଜେନ ।
କରେଣ ଚୋତ୍ତୋଲ୍ଯ ନନର୍ତ ରମ୍ଯଂ ଦନ୍ତାଵଲାସ୍ଯୋ ଭଯତଃ ସ ପାଯାତ୍ ॥ ୮॥

ଆଗତ୍ଯ ଯୋଚ୍ଚୈର୍ହରିନାଭିପଦ୍ମଂ ଦଦର୍ଶ ତତ୍ରାଶୁ କରେଣ ତଚ୍ଚ ।
ଉଦ୍ଧର୍ତୁମିଚ୍ଛନ୍ଵିଧିଵାଦଵାକ୍ଯଂ ମୁମୋଚ ଭୂତ୍ଵା ଚତୁରୋ ଗଣେଶଃ ॥ ୯॥

ନିରନ୍ତରଂ ସଂକୃତଦାନପଟ୍ଟେ ଲଗ୍ନାଂ ତୁ ଗୁଞ୍ଜଦ୍ଭ୍ରମରାଵଲୀଂ ଵୈ ।
ତଂ ଶ୍ରୋତ୍ରତାଲୈରପସାରଯନ୍ତଂ ସ୍ମରେଦ୍ଗଜାସ୍ଯଂ ନିଜହୃତ୍ସରୋଜେ ॥ ୧୦॥

ଵିଶ୍ଵେଶମୌଲିସ୍ଥିତଜହ୍ନୁକନ୍ଯାଜଲଂ ଗୃହୀତ୍ଵା ନିଜପୁଷ୍କରେଣ ।
ହରଂ ସଲୀଲଂ ପିତରଂ ସ୍ଵକୀଯଂ ପ୍ରପୂଜଯନ୍ହସ୍ତିମୁଖଃ ସ ପାଯାତ୍ ॥ ୧୧॥

ସ୍ତମ୍ବେରମାସ୍ଯଂ ଘୁସୃଣାଙ୍ଗରାଗଂ ସିନ୍ଦୂରପୂରାରୁଣକାନ୍ତକୁମ୍ଭମ୍ ।
କୁଚନ୍ଦନାଶ୍ଲିଷ୍ଟକରଂ ଗଣେଶଂ ଧ୍ଯାଯେତ୍ସ୍ଵଚିତ୍ତେ ସକଲେଷ୍ଟଦଂ ତମ୍ ॥ ୧୨॥

ସ ଭୀଷ୍ମମାତୁର୍ନିଜପୁଷ୍କରେଣ ଜଲଂ ସମାଦାଯ କୁଚୌ ସ୍ଵମାତୁଃ ।
ପ୍ରକ୍ଷାଲଯାମାସ ଷଡାସ୍ଯପୀତୌ ସ୍ଵାର୍ଥଂ ମୁଦେଽସୌ କଲଭାନନୋଽସ୍ତୁ ॥ ୧୩॥

ସିଞ୍ଚାମ ନାଗଂ ଶିଶୁଭାଵମାପ୍ତଂ କେନାପି ସତ୍କାରଣତୋ ଧରିତ୍ର୍ଯାମ୍ ।
ଵକ୍ତାରମାଦ୍ଯଂ ନିଯମାଦିକାନାଂ ଲୋକୈକଵନ୍ଦ୍ଯଂ ପ୍ରଣମାମି ଵିଘ୍ନମ୍ ॥ ୧୪॥

ଆଲିଙ୍ଗିତଂ ଚାରୁରୁଚା ମୃଗାକ୍ଷ୍ଯା ସମ୍ଭୋଗଲୋଲଂ ମଦଵିହ୍ଵଲାଙ୍ଗମ୍ ।
ଵିଘ୍ନୌଘଵିଧ୍ଵଂସନସକ୍ତମେକଂ ନମାମି କାନ୍ତଂ ଦ୍ଵିରଦାନନଂ ତମ୍ ॥ ୧୫॥

ହେରମ୍ବ ଉଦ୍ଯଦ୍ରଵିକୋଟିକାନ୍ତଃ ପଞ୍ଚାନନେନାପି ଵିଚୁମ୍ବିତାସ୍ଯଃ ।
ମୁନୀନ୍ସୁରାନ୍ଭକ୍ତଜନାଂଶ୍ଚ ସର୍ଵାନ୍ସ ପାତୁ ରଥ୍ଯାସୁ ସଦା ଗଜାସ୍ଯଃ ॥ ୧୬॥

ଦ୍ଵୈପାଯନୋକ୍ତାନି ସ ନିଶ୍ଚଯେନ ସ୍ଵଦନ୍ତକୋଟ୍ଯା ନିଖିଲଂ ଲିଖିତ୍ଵା ।
ଦନ୍ତଂ ପୁରାଣଂ ଶୁଭମିନ୍ଦୁମୌଲିସ୍ତପୋଭିରୁଗ୍ରଂ ମନସା ସ୍ମରାମି ॥ ୧୭॥

କ୍ରୀଡାତଟାନ୍ତେ ଜଲଧାଵିଭାସ୍ଯେ ଵେଲାଜଲେ ଲମ୍ବପତିଃ ପ୍ରଭୀତଃ ।
ଵିଚିନ୍ତ୍ଯ କସ୍ଯେତି ସୁରାସ୍ତଦା ତଂ ଵିଶ୍ଵେଶ୍ଵରଂ ଵାଗ୍ଭିରଭିଷ୍ଟୁଵନ୍ତି ॥ ୧୮॥

ଵାଚାଂ ନିମିତ୍ତଂ ସ ନିମିତ୍ତମାଦ୍ଯଂ ପଦଂ ତ୍ରିଲୋକ୍ଯାମଦଦତ୍ସ୍ତୁତୀନାମ୍ ।
ସର୍ଵୈଶ୍ଚ ଵନ୍ଦ୍ଯଂ ନ ଚ ତସ୍ଯ ଵନ୍ଦ୍ଯଃ ସ୍ଥାଣୋଃ ପରଂ ରୂପମସୌ ସ ପାଯାତ୍ ॥ ୧୯॥

ଇମାଂ ସ୍ତୁତିଂ ଯଃ ପଠତୀହ ଭକ୍ତ୍ଯା ସମାହିତପ୍ରୀତିରତୀଵ ଶୁଦ୍ଧଃ ।
ସଂସେଵ୍ଯତେ ଚେନ୍ଦିରଯା ନିତାନ୍ତଂ ଦାରିଦ୍ର୍ଯସଙ୍ଘଂ ସ ଵିଦାରଯେନ୍ନଃ ॥ ୨୦॥

॥ ଇତି ଶ୍ରୀରୁଦ୍ରଯାମଲତନ୍ତ୍ରେ ହରଗୌରୀସଂଵାଦେ

ଉଚ୍ଛିଷ୍ଟଗଣେଶସ୍ତୋତ୍ରଂ ସମାପ୍ତମ୍ ॥



Encoded and proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Ucchishta Ganesha Stavaraja Lyrics in Oriya PDF
% File name : uchchhiShTagaNeshastavarAjaH.itx
% Category : stavarAja
% Location : doc\_ganesha
% Author : Traditional
% Language : Sanskrit
% Subject : philosophy/hinduism/religion
% Transliterated by : Ravin Bhalekar ravibhalekar at hotmail.com
% Proofread by : Ravin Bhalekar ravibhalekar at hotmail.com
% Description-comments : rudrayaamaletantre haragauriisa.nvaade
% Latest update : September 06, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website