{॥ ಶ್ರೀಸುಬ್ರಹ್ಮಣ್ಯಕವಚಸ್ತೋತ್ರಮ್ ॥}
ಅಸ್ಯ ಶ್ರೀ ಸುಬ್ರಹ್ಮಣ್ಯಕವಚಸ್ತೋತ್ರಮಹಾಮನ್ತ್ರಸ್ಯ ಬ್ರಹ್ಮ ಋಷಿಃ,
ಅನುಷ್ಟುಪ್ಛನ್ದಃ, ಶ್ರೀ ಸುಬ್ರಹ್ಮಣ್ಯೋ ದೇವತಾ । ಓಂ ನಮ ಇತಿ ಬೀಜಮ್ ।
ಭಗವತ ಇತಿ ಶಕ್ತಿಃ । ಸುಬ್ರಹ್ಮಣ್ಯಾಯೇತಿ ಕೀಲಕಮ್ ।
ಸುಬ್ರಹ್ಮಣ್ಯಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥

ಕರನ್ಯಾಸಃ ॥

ಸಾಂ ಅಂಗುಷ್ಠಾಭ್ಯಾಂ ನಮಃ
ಸೀಂ ತರ್ಜನೀಭ್ಯಾಂ ನಮಃ
ಸೂಂ ಮಧ್ಯಮಾಭ್ಯಾಂ ನಮಃ
ಸೈಂ ಅನಾಮಿಕಾಭ್ಯಾಂ ನಮಃ
ಸೌಂ ಕನಿಷ್ಠಿಕಾಭ್ಯಾಂ ನಮಃ
ಸಃ ಕರತಲಕರಪೃಷ್ಠಾಭ್ಯಾಂ ನಮಃ ॥

ಅಙ್ಗ ನ್ಯಾಸಃ ॥

ಸಾಂ ಹೃದಯಾಯ ನಮಃ
ಸೀಂ ಶಿರಸೇ ಸ್ವಾಹಾ
ಸೂಂ ಶಿಕಾಯೈ ವಷಟ್
ಸೈಂ ಕವಚಾಯ ಹುಂ
ಸೌಂ ನೇತ್ರತ್ರಯಾಯ ವೌಷಟ್
ಸಃ ಅಸ್ತ್ರಾಯ ಫಟ್
ಭೂರ್ಭುವಃಸುವರೋಮಿತಿ ದಿಗ್ಬನ್ಧಃ ॥

ಧ್ಯಾನಮ್ ॥

ಸಿನ್ದೂರಾರುಣಮಿನ್ದುಕಾನ್ತಿವದನಂ ಕೇಯೂರಹಾರಾದಿಭಿಃ
ದಿವ್ಯೈರಾಭರಣೇರ್ವಿಭೂಷಿತತನುಂ ಸ್ವರ್ಗಾದಿಸೌಖ್ಯಪ್ರದಮ್ ।
ಅಂಭೋಜಾಭಯಶಕ್ತಿಕುಕ್ಕುಟಧರಂ ರಕ್ತಾಂಗರಾಗೋಜ್ವಲಂ
ಸುಬ್ರಹ್ಮಣ್ಯಮುಪಾಸ್ಮಹೇ ಪ್ರಣಮತಾಂ ಭೀತಿಪ್ರಣಾಶೋದ್ಯತಮ್ ॥

ಸುಬ್ರಹ್ಮಣ್ಯೋಗ್ರತಃ ಪಾತು ಸೇನಾನೀಃ ಪಾತು ಪೃಷ್ಠತಃ ।
ಗುಹೋ ಮಾಂ ದಕ್ಷಿಣೇ ಪಾತು ವಹ್ನಿಜಂ ಪಾತು ವಾಮತಃ ॥ ೧॥

ಶಿರಃ ಪಾತು ಮಹಾಸೇನಃ ಸ್ಕನ್ದೋ ರಕ್ಷೇಲ್ಲಲಾಟಕಮ್ ।
ನೇತ್ರೋ ಮೇ ದ್ವಾದಶಾಕ್ಷಶ್ಚ ಶ್ರೋತ್ರೇ ರಕ್ಷತು ವಿಶ್ವಭೃತ್ ॥ ೨॥

ಮುಖಂ ಮೇ ಷಣ್ಮುಖಃ ಪಾತು ನಾಸಿಕಾಂ ಶಙ್ಕರಾತ್ಮಜಃ ।
ಓಷ್ಠೌ ವಲ್ಲೀಪತಿಃ ಪಾತು ಜಿಹ್ವಾಂ ಪಾತು ಷಡಾನನಃ ॥ ೩॥

ದೇವಸೇನಾಪತಿರ್ದನ್ತಾನ್ ಚುಬುಕಂ ಬಹುಲಾತ್ಮಜಃ । var ಬಹೂಲೋದ್ಭವಃ
ಕಣ್ಠಂ ನಾರಕಜಿತ್ ಪಾತು ಬಾಹು ದ್ವಾದಶಬಾಹುಮಾನ್ ॥ ೪॥

var ತಾರಕಜಿತ್ಪಾತು ಬಾಹುದ್ವಾದಶ ಬಾಹುಕಃ
ಹಸ್ತೌ ಶಕ್ತಿಧರಃ ಪಾತು ವಕ್ಷಃ ಪಾತು ಶರೋದ್ಭವಃ ।
ಹೃದಯಂ ವಹ್ನಿಭೂಃ ಪಾತು ಕುಕ್ಷಿಂ ಪಾತ್ವಮ್ಬಿಕಾಸುತಃ ॥ ೫॥

ನಾಭಿಂ ಶಂಭುಸುತಃ ಪಾತು ಕಟಿಂ ಪಾತು ಹರಾತ್ಮಜಃ ।
ಊರು ಪಾತು ಗಜಾರೂಢೋ ಜಾನೂ ಮೇ ಜಾಹ್ನವೀಸುತಃ ॥ ೬॥

ಜಙ್ಘೇ ವಿಶಾಖೋ ಮೇ ಪಾತು ಪಾದೌ ಮೇ ಶಿಖಿವಾಹನಃ ।
ಸರ್ವಾಣ್ಯಙ್ಗಾನಿಭೂತೇಶಃ ಸರ್ವಧಾತುಂಶ್ಚಪಾವಕಿಃ ॥ ೭॥

var ಸರ್ವಧಾತಂಶ್ಚ ತಾವಕಿಃ
ಸನ್ಧ್ಯಾಕಾಲೇ ನಿಶೀಥಿನ್ಯಾಂ ದಿವಾಪ್ರಾತರ್ಜಲೇಗ್ನಿಷು ।
ದುರ್ಗಮೇ ಚ ಮಹಾರಣ್ಯೇ ರಾಜದ್ವಾರೇ ಮಹಾಭಯೇ ॥ ೮॥

ತುಮುಲೇರಣ್ಯಮಧ್ಯೇ ಚ ಸರ್ವದುಷ್ಟಮೃಗಾದಿಷು ।
ಚೋರಾದಿಸಾಧ್ವಸೇಭೇದ್ಯೇ ಜ್ವರಾದಿವ್ಯಾಧಿ ಪೀಡನೇ ॥ ೯॥

ದುಷ್ಟಗ್ರಹಾದಿಭೀತೌ ಚ ದುರ್ನಿಮಿತ್ತಾದಿ ಭೀಷಣೇ ।
ಅಸ್ತ್ರಶಸ್ತ್ರನಿಪಾತೇ ಚ ಪಾತು ಮಾಂ ಕ್ರೌಞ್ಚರನ್ಧಕೃತ್ ॥ ೧೦॥

ಯಃ ಸುಬ್ರಹ್ಮಣ್ಯಕವಚಂ ಇಷ್ಟಸಿದ್ಧಿಪ್ರದಂ ಪಠೇತ್ ।
ತಸ್ಯ ತಾಪತ್ರಯಂ ನಾಸ್ತಿ ಸತ್ಯಂ ಸತ್ಯಂ ವದಾಮ್ಯಹಮ್ ॥ ೧೧॥

ಧರ್ಮಾಥೀ ಲಭತೇ ಧರ್ಮಮರ್ಥಾರ್ಥೀ ಚಾರ್ಥಮಾಪ್ನುಯಾತ್ ।
ಕಾಮಾರ್ಥಿ ಲಭತೇ ಕಾಮಂ ಮೋಕ್ಷಾರ್ಥೀಮೋಕ್ಷಮಾಪ್ನುಯಾತ್ ॥ ೧೨॥

ಯತ್ರ ಯತ್ರ ಜಪೇದ್ಭಕ್ತ್ಯಾ ತತ್ರ ಸನ್ನಿಹಿತೋ ಗುಹಃ ।
ಪೂಜಾಪ್ರತಿಷ್ಠಾಕಾಲೇ ಚ ಜಪಕಾಲೇ ಪಠೇದಿದಮ್ ॥ ೧೩॥

ತೇಷಾಮೇವಫಲಾವಾಪ್ತಿಃ ಮಹಾಪಾತಕನಾಶನಮ್ ।
ಯಃ ಪಠೇಚ್ಛೃಣುಯಾದ್ಭಕ್ತ್ಯಾ ನಿತ್ಯಂದೇವಸ್ಯ ಸನ್ನಿಧೌ ॥ ೧೪॥

॥ ಇತಿ ಕುಮಾರತನ್ತ್ರೇ ಕೌಶಿಕಪ್ರಶ್ನೇ ಮಹಾ ಸಂಹಿತಾಯಾಂ

ಸುಬ್ರಹ್ಮಣ್ಯಕವಚಂ ಸಮಾಪ್ತಃ ॥



Encoded and proofread by antaratma at Safe-mail.net
Corrected by Vinayak Nagaraj vinayak at econ.lse.ac.uk

Please send corrections to sanskrit@cheerful.com
Last updated ತ್oday
http://sanskritdocuments.org

Subrahmanya Kavacham Lyrics in Kannada PDF
% File name : subrakavacha.itx
% Category : kavacha
% Location : doc\_subrahmanya
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Description-comments : kumaaratantre kaushikaprashne mahaa saMhitaayaam
% Latest update : March 15, 2006
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website