{॥ ಶ್ರೀಸೂರ್ಯಾಷ್ಟೋತ್ತರಶತನಾಮಸ್ತೋತ್ರಮ್ ॥}
ಸೂರ್ಯ ಬೀಜ ಮನ್ತ್ರ - ಓಂ ಹ್ರಾँ ಹ್ರೀಂ ಹ್ರೌಂ ಸಃ ಸೂರ್ಯಾಯ ನಮಃ ॥

ಅರುಣಾಯ ಶರಣ್ಯಾಯ ಕರುಣಾರಸಸಿನ್ಧವೇ ।
ಅಸಮಾನಬಲಾಯಾಽರ್ತರಕ್ಷಕಾಯ ನಮೋ ನಮಃ ॥ ೧॥

ಆದಿತ್ಯಾಯಾಽದಿಭೂತಾಯ ಅಖಿಲಾಗಮವೇದಿನೇ ।
ಅಚ್ಯುತಾಯಾಽಖಿಲಜ್ಞಾಯ ಅನನ್ತಾಯ ನಮೋ ನಮಃ ॥ ೨॥

ಇನಾಯ ವಿಶ್ವರೂಪಾಯ ಇಜ್ಯಾಯೈನ್ದ್ರಾಯ ಭಾನವೇ ।
ಇನ್ದಿರಾಮನ್ದಿರಾಪ್ತಾಯ ವನ್ದನೀಯಾಯ ತೇ ನಮಃ ॥ ೩॥

ಈಶಾಯ ಸುಪ್ರಸನ್ನಾಯ ಸುಶೀಲಾಯ ಸುವರ್ಚಸೇ ।
ವಸುಪ್ರದಾಯ ವಸವೇ ವಾಸುದೇವಾಯ ತೇ ನಮಃ ॥ ೪॥

ಉಜ್ಜ್ವಲಾಯೋಗ್ರರೂಪಾಯ ಊರ್ಧ್ವಗಾಯ ವಿವಸ್ವತೇ ।
ಉದ್ಯತ್ಕಿರಣಜಾಲಾಯ ಹೃಷೀಕೇಶಾಯ ತೇ ನಮಃ ॥ ೫॥

ಊರ್ಜಸ್ವಲಾಯ ವೀರಾಯ ನಿರ್ಜರಾಯ ಜಯಾಯ ಚ ।
ಊರುದ್ವಯಾಭಾವರೂಪಯುಕ್ತಸಾರಥಯೇ ನಮಃ ॥ ೬॥

ಋಷಿವನ್ದ್ಯಾಯ ರುಗ್ಘನ್ತ್ರೇ ಋಕ್ಷಚಕ್ರಚರಾಯ ಚ ।
ಋಜುಸ್ವಭಾವಚಿತ್ತಾಯ ನಿತ್ಯಸ್ತುತ್ಯಾಯ ತೇ ನಮಃ ॥ ೭॥

ಋಕಾರಮಾತೃಕಾವರ್ಣರೂಪಾಯೋಜ್ಜ್ವಲತೇಜಸೇ ।
ಋಕ್ಷಾಧಿನಾಥಮಿತ್ರಾಯ ಪುಷ್ಕರಾಕ್ಷಾಯ ತೇ ನಮಃ ॥ ೮॥

ಲುಪ್ತದನ್ತಾಯ ಶಾನ್ತಾಯ ಕಾನ್ತಿದಾಯ ಘನಾಯ ಚ ।
ಕನತ್ಕನಕಭೂಷಾಯ ಖದ್ಯೋತಾಯ ತೇ ನಮಃ ॥ ೯॥

ಲೂನಿತಾಖಿಲದೈತ್ಯಾಯ ಸತ್ಯಾನನ್ದಸ್ವರೂಪಿಣೇ ।
ಅಪವರ್ಗಪ್ರದಾಯಾಽರ್ತಶರಣ್ಯಾಯ ನಮೋ ನಮಃ ॥ ೧೦॥

ಏಕಾಕಿನೇ ಭಗವತೇ ಸೃಷ್ಟಿಸ್ಥಿತ್ಯನ್ತಕಾರಿಣೇ ।
ಗುಣಾತ್ಮನೇ ಘೃಣಿಭೃತೇ ಬೃಹತೇ ಬ್ರಹ್ಮಣೇ ನಮಃ ॥ ೧೧॥

ಐಶ್ವರ್ಯದಾಯ ಶರ್ವಾಯ ಹರಿದಶ್ವಾಯ ಶೌರಯೇ ।
ದಶದಿಕ್ಸಮ್ಪ್ರಕಾಶಾಯ ಭಕ್ತವಶ್ಯಾಯ ತೇ ನಮಃ ॥ ೧೨॥

ಓಜಸ್ಕರಾಯ ಜಯಿನೇ ಜಗದಾನನ್ದಹೇತವೇ ।
ಜನ್ಮಮೃತ್ಯುಜರಾವ್ಯಾಧಿವರ್ಜಿತಾಯ ನಮೋ ನಮಃ ॥ ೧೩॥

ಓಉನ್ನತ್ಯಪದಸಞ್ಚಾರರಥಸ್ಥಾಯಾತ್ಮರೂಪಿನೇ ।
ಕಮನೀಯಕರಾಯಾಽಬ್ಜವಲ್ಲಭಾಯ ನಮೋ ನಮಃ ॥ ೧೪॥

ಅನ್ತರ್ಬಹಿಃಪ್ರಕಾಶಾಯ ಅಚಿನ್ತ್ಯಾಯಾಽತ್ಮರೂಪಿಣೇ ।
ಅಚ್ಯುತಾಯ ಸುರೇಷಾಯ ಪರಸ್ಮೈಜ್ಯೋತಿಷೇ ನಮಃ ॥ ೧೫॥

ಅಹಸ್ಕರಾಯ ರವಯೇ ಹರಯೇ ಪರಮಾತ್ಮನೇ ।
ತರುಣಾಯ ವರೇಣ್ಯಾಯ ಗ್ರಹಾಣಾಮ್ಪತಯೇ ನಮಃ ॥ ೧೬॥

ಓಂ ನಮೋ ಭಾಸ್ಕರಾಯಾಽದಿಮಧ್ಯಾನ್ತರಹಿತಾಯ ಚ ।
ಸೌಖ್ಯಪ್ರದಾಯ ಸಕಲಜಗತಾಮ್ಪತಯೇ ನಮಃ ॥ ೧೭॥

ನಮಃ ಸೂರ್ಯಾಯ ಕವಯೇ ನಮೋ ನಾರಾಯಣಾಯ ಚ ।
ನಮೋ ನಮಃ ಪರೇಶಾಯ ತೇಜೋರೂಪಾಯ ತೇ ನಮಃ ॥ ೧೮॥

ಓಂ ಶ್ರೀಂ ಹಿರಣ್ಯಗರ್ಭಾಯ ಓಂ ಹ್ರೀಂ ಸಮ್ಪತ್ಕರಾಯ ಚ ।
ಓಂ ಐಂ ಇಷ್ಟಾರ್ಥದಾಯಾಽನುಪ್ರಸನ್ನಾಯ ನಮೋ ನಮಃ ॥ ೧೯॥

ಶ್ರೀಮತೇ ಶ್ರೇಯಸೇ ಭಕ್ತಕೋಟಿಸೌಖ್ಯಪ್ರದಾಯಿನೇ ।
ನಿಖಿಲಾಗಮವೇದ್ಯಾಯ ನಿತ್ಯಾನನ್ದಾಯ ತೇ ನಮಃ ॥ ೨೦॥

ಯೋ ಮಾನವಃ ಸನ್ತತಮರ್ಕಮರ್ಚಯನ್ಪಠೇತ್ಪ್ರಭಾತೇ ವಿಮಲೇನ ಚೇತಸಾ ।
ಇಮಾನ್ ನಾಮಾನಿ ಚ ತಸ್ಯ ಪುಣ್ಯಮಾಯುರ್ಧನಂ ಧಾನ್ಯಮುಪೈತ್ತಿ ನಿತ್ಯಮ್ ॥೨೧॥

ಇಮಂ ಸ್ತವಂ ದೇವವರಸ್ಯ ಕೀರ್ತಯೇಚ್ಛ್ರುಣೋತಿ ಯೋಽಯಂ ಸುಮನಾಃ ಸಮಾಹಿತಃ ।
ಸ ಮುಚ್ಯತೇ ಶೋಕದವಾಗ್ನಿಸಾಗರಾಲ್ಲಭೇತ ಸರ್ವಂ ಮನಸೋ ಯಥೇಪ್ಸಿತಮ್ ॥

ಇತಿ ಶ್ರೀಮದಥರ್ವಣರಹಸ್ಯೇ ಸೂರ್ಯಾಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ।

Provided by Manda Krishna shrikanth mandaksk at gmail.com
Proofread by KSR Ramachandran ramachandran\_ksr at yahoo.ca

Please send corrections to sanskrit@cheerful.com
Last updated ತ್oday
http://sanskritdocuments.org

Surya Ashtottara Shatanama Stotram ( From Atharvana Rahasya ) Lyrics in Kannada PDF
% File name : sUrya108nAmastotra.itx
% Category : aShTottarashatanAma
% Location : doc\_z\_misc\_navagraha
% Language : Sanskrit
% Subject : philosophy/hinduism/religion
% Transliterated by : Manda Krishna Srikanth mandaksk at gmail.com
% Proofread by : KSR Ramachandran ramachandran\_ksr at yahoo.ca
% Latest update : November 19, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website