{॥ ସୂର୍ଯକଵଚ ॥}
ଶ୍ରୀଭୈରଵ ଉଵାଚ
ଯୋ ଦେଵଦେଵୋ ଭଗଵାନ୍ ଭାସ୍କରୋ ମହସାଂ ନିଧିଃ।
ଗଯତ୍ରୀନାଯକୋ ଭାସ୍ଵାନ୍ ସଵିତେତି ପ୍ରଗୀଯତେ ॥ ୧॥

ତସ୍ଯାହଂ କଵଚଂ ଦିଵ୍ଯଂ ଵଜ୍ରପଞ୍ଜରକାଭିଧମ୍।
ସର୍ଵମନ୍ତ୍ରମଯଂ ଗୁହ୍ଯଂ ମୂଲଵିଦ୍ଯାରହସ୍ଯକମ୍ ॥ ୨॥

ସର୍ଵପାପାପହଂ ଦେଵି ଦୁଃଖଦାରିଦ୍ର୍ଯନାଶନମ୍।
ମହାକୁଷ୍ଠହରଂ ପୁଣ୍ଯଂ ସର୍ଵରୋଗନିଵର୍ହଣମ୍ ॥ ୩॥

ସର୍ଵଶତ୍ରୁସମୂହଘ୍ନଂ ସମ୍ଗ୍ରାମେ ଵିଜଯପ୍ରଦମ୍।
ସର୍ଵତେଜୋମଯଂ ସର୍ଵଦେଵଦାନଵପୂଜିତମ୍ ॥ ୪॥

ରଣେ ରାଜଭଯେ ଘୋରେ ସର୍ଵୋପଦ୍ରଵନାଶନମ୍।
ମାତୃକାଵେଷ୍ଟିତଂ ଵର୍ମ ଭୈରଵାନନନିର୍ଗତମ୍ ॥ ୫॥

ଗ୍ରହପୀଡାହରଂ ଦେଵି ସର୍ଵସଙ୍କଟନାଶନମ୍।
ଧାରଣାଦସ୍ଯ ଦେଵେଶି ବ୍ରହ୍ମା ଲୋକପିତାମହଃ ॥ ୬॥

ଵିଷ୍ଣୁର୍ନାରାଯଣୋ ଦେଵି ରଣେ ଦୈତ୍ଯାଞ୍ଜିଓଷ୍ଯତି।
ଶଙ୍କରଃ ସର୍ଵଲୋକେଶୋ ଵାସଵୋଽପି ଦିଵସ୍ପତିଃ ॥ ୭॥

ଓଷଧୀଶଃ ଶଶୀ ଦେଵି ଶିଵୋଽହଂ ଭୈରଵେଶ୍ଵରଃ।
ମନ୍ତ୍ରାତ୍ମକଂ ପରଂ ଵର୍ମ ସଵିତୁଃ ସାରମୁତ୍ତମମ୍ ॥ ୮॥

ଯୋ ଧାରଯେଦ୍ ଭୁଜେ ମୂର୍ଧ୍ନି ରଵିଵାରେ ମହେଶ୍ଵରି।
ସ ରାଜଵଲ୍ଲଭୋ ଲୋକେ ତେଜସ୍ଵୀ ଵୈରିମର୍ଦନଃ ॥ ୯॥

ବହୁନୋକ୍ତେନ କିଂ ଦେଵି କଵଚସ୍ଯାସ୍ଯ ଧାରଣାତ୍।
ଇହ ଲକ୍ଷ୍ମୀଧନାରୋଗ୍ଯ-ଵୃଦ୍ଧିର୍ଭଵତି ନାନ୍ଯଥା ॥ ୧୦॥

ପରତ୍ର ପରମା ମୁକ୍ତିର୍ଦେଵାନାଅମପି ଦୁର୍ଲଭା।
କଵଚସ୍ଯାସ୍ଯ ଦେଵେଶି ମୂଲଵିଦ୍ଯାମଯସ୍ଯ ଚ ॥ ୧୧॥

ଵଜ୍ରପଞ୍ଜରକାଖ୍ଯସ୍ଯ ମୁନିର୍ବ୍ରହ୍ମା ସମୀରିତଃ।
ଗାଯତ୍ର୍ଯଂ ଛନ୍ଦ ଇତ୍ଯୁକ୍ତଂ ଦେଵତା ସଵିତା ସ୍ମୃତଃ ॥ ୧୨॥

ମାଯା ବୀଜଂ ଶରତ୍ ଶକ୍ତିର୍ନମଃ କୀଲକମୀଶ୍ଵରି।
ସର୍ଵାର୍ଥସାଧନେ ଦେଵି ଵିନିଯୋଗଃ ପ୍ରକୀର୍ତିତଃ ॥ ୧୩॥

ଓଂ ଅଂ ଆଂ ଇଂ ଈଂ ଶିରଃ ପାତୁ ଓଂ ସୂର୍ଯୋ ମନ୍ତ୍ରଵିଗ୍ରହଃ।
ଉଂ ଊଂ ଋଂ ୠଂ ଲଲାଟଂ ମେ ହ୍ରାଂ ରଵିଃ ପାତୁ ଚିନ୍ମଯଃ ॥ ୧୪॥

ଌଂ ୡଂ ଏଂ ଐଂ ପାତୁ ନେତ୍ରେ ହ୍ରୀଂ ମମାରୁଣସାରଥିଃ।
ଓଂ ଔଂ ଅଂ ଅଃ ଶ୍ରୁତୀ ପାତୁ ସଃ ସର୍ଵଜଗଦୀଶ୍ଵରଃ ॥ ୧୫॥

କଂ ଖଂ ଗଂ ଘଂ ପାତୁ ଗଣ୍ଡୌ ସୂଂ ସୂରଃ ସୁରପୂଜିତଃ।
ଚଂ ଛଂ ଜଂ ଝଂ ଚ ନାସାଂ ମେ ପାତୁ ଯା^ର୍ଂ ଅର୍ଯମା ପ୍ରଭୁଃ ॥ ୧୬॥

ଟଂ ଠଂ ଡଂ ଢଂ ମୁଖଂ ପାଯାଦ୍ ଯଂ ଯୋଗୀଶ୍ଵରପୂଜିତଃ।
ତଂ ଥଂ ଦଂ ଧଂ ଗଲଂ ପାତୁ ନଂ ନାରାଯଣଵଲ୍ଲଭଃ ॥ ୧୭॥

ପଂ ଫଂ ବଂ ଭଂ ମମ ସ୍କନ୍ଧୌ ପାତୁ ମଂ ମହସାଂ ନିଧିଃ।
ଯଂ ରଂ ଲଂ ଵଂ ଭୁଜୌ ପାତୁ ମୂଲଂ ସକନାଯକଃ ॥ ୧୮॥

ଶଂ ଷଂ ସଂ ହଂ ପାତୁ ଵକ୍ଷୋ ମୂଲମନ୍ତ୍ରମଯୋଇ ଧ୍ରୁଵଃ।
ଳଂ କ୍ଷଃ କୁକ୍ଷ୍ସିଂ ସଦା ପାତୁ ଗ୍ରହାଥୋ ଦିନେଶ୍ଵରଃ ॥ ୧୯॥

ଙଂ ଞଂ ଣଂ ନଂ ମଂ ମେ ପାତୁ ପୃଷ୍ଠଂ ଦିଵସନାଯକଃ।
ଅଂ ଆଂ ଇଂ ଈଂ ଉଂ ଊଂ ଋଂ ୠଂ ନାଭିଂ ପାତୁ ତମୋପହଃ ॥ ୨୦॥

ଌଂ ୡଂ ଏଂ ଐଂ ଓଂ ଔଂ ଅଂ ଅଃ ଲିଙ୍ଗଂ ମେଽଵ୍ଯାଦ୍ ଗ୍ରହେଶ୍ଵରଃ।
କଂ ଖଂ ଗଂ ଘଂ ଚଂ ଛଂ ଜଂ ଝଂ କଟିଂ ଭାନୁର୍ମମାଵତୁ ॥ ୨୧॥

ଟଂ ଠଂ ଡଂ ଢଂ ତଂ ଥଂ ଦଂ ଧଂ ଜାନୂ ଭାସ୍ଵାନ୍ ମମାଵତୁ।
ପଂ ଫଂ ବଂ ଭଂ ଯଂ ରଂ ଲଂ ଵଂ ଜଙ୍ଘେ ମେ।ଆଵ୍ଯାଦ୍ ଵିଭାକରଃ ॥ ୨୨॥

ଶଂ ଷଂ ସଂ ହଂ ଳଂ କ୍ଷଃ ପାତୁ ମୂଲଂ ପାଦୌ ତ୍ରଯିତନୁଃ।
ଙଂ ଞଂ ଣଂ ନଂ ମଂ ମେ ପାତୁ ସଵିତା ସକଲଂ ଵପୁଃ ॥ ୨୩॥

ସୋମଃ ପୂର୍ଵେ ଚ ମାଂ ପାତୁ ଭୌମୋଽଗ୍ନୌ ମାଂ ସଦାଵତୁ।
ବୁଧୋ ମାଂ ଦକ୍ଷିଣେ ପାତୁ ନୈ{ଋ}ତ୍ଯା ଗୁରରେଵ ମାମ୍ ॥ ୨୪॥

ପଶ୍ଚିମେ ମାଂ ସିତଃ ପାତୁ ଵାଯଵ୍ଯାଂ ମାଂ ଶନୈଶ୍ଚରଃ।
ଉତ୍ତରେ ମାଂ ତମଃ ପାଯାଦୈଶାନ୍ଯାଂ ମାଂ ଶିଖୀ ତଥା ॥ ୨୫॥

ଊର୍ଧ୍ଵଂ ମାଂ ପାତୁ ମିହିରୋ ମାମଧସ୍ତାଞ୍ଜଗତ୍ପତିଃ।
ପ୍ରଭାତେ ଭାସ୍କରଃ ପାତୁ ମଧ୍ଯାହ୍ନେ ମାଂ ଦିନେଶ୍ଵରଃ ॥ ୨୬॥

ସାଯଂ ଵେଦପ୍ରିଯଃ ପାତୁ ନିଶୀଥେ ଵିସ୍ଫୁରାପତିଃ।
ସର୍ଵତ୍ର ସର୍ଵଦା ସୂର୍ଯଃ ପାତୁ ମାଂ ଚକ୍ରନାଯକଃ ॥ ୨୭॥

ରଣେ ରାଜକୁଲେ ଦ୍ଯୂତେ ଵିଦାଦେ ଶତ୍ରୁସଙ୍କଟେ।
ସଙ୍ଗାମେ ଚ ଜ୍ଵରେ ରୋଗେ ପାତୁ ମାଂ ସଵିତା ପ୍ରଭୁଃ ॥ ୨୮॥

ଓଂ ଓଂ ଓଂ ଉତ ଓଂ{ଉ}{ଓଂ} ହ ସ ମ ଯଃ ସୂରୋଽଵତାନ୍ମାଂ ଭଯାଦ୍।
ହ୍ରାଂ ହ୍ରୀଂ ହ୍ରୁଂ ହହହା ହସୌଃ ହସହସୌଃ ହଂସୋଽଵତାତ୍ ସର୍ଵତଃ।
ସଃ ସଃ ସଃ ସସସା ନୃପାଦ୍ଵନଚରାଚ୍ଚୌରାଦ୍ରଣାତ୍ ସଂକଟାତ୍।
ପାଯାନ୍ମାଂ କୁଲନାଯକୋଽପି ସଵିତା ଓଂ ହ୍ରୀଂ ହ ସୌଃ ସର୍ଵଦା ॥ ୨୯॥

ଦ୍ରାଂ ଦ୍ରୀଂ ଦ୍ରୂଂ ଦଧନଂ ତଥା ଚ ତରଣିର୍ଭାଂଭୈର୍ଭଯାଦ୍ ଭାସ୍କରୋ
ରାଂ ରୀଂ ରୂଂ ରୁରୁରୂଂ ରଵିର୍ଜ୍ଵରଭଯାତ୍ କୁଷ୍ଠାଚ୍ଚ ଶୂଲାମଯାତ୍।
ଅଂ ଅଂ ଆଂ ଵିଵିଵୀଂ ମହାମଯଭଯଂ ମାଂ ପାତୁ ମାର୍ତଣ୍ଡକୋ
ମୂଲଵ୍ଯାପ୍ତତନୁଃ ସଦାଵତୁ ପରଂ ହଂସଃ ସହସ୍ରାଂଶୁମାନ୍ ॥ ୩୦॥

ଇତି ଶ୍ରୀକଵଚ୍ଚଂ ଦିଵ୍ଯଂ ଵଜ୍ରପଞ୍ଜରକାଭିଧମ୍।
ସର୍ଵଦେଵରହସ୍ଯଂ ଚ ମାତୃକାମନ୍ତ୍ରଵେଷ୍ଟିତମ୍ ॥ ୩୧॥

ମହାରୋଗଭଯଘ୍ନଂ ଚ ପାପଘ୍ନଂ ମନ୍ମୁଖୋଦିତମ୍।
ଗୁହ୍ଯଂ ଯଶସ୍କରଂ ପୁଣ୍ଯଂ ସର୍ଵଶ୍ରେଯସ୍କରଂ ଶିଵେ ॥ ୩୨॥

ଲିଖିତ୍ଵା ରଵିଵାରେ ତୁ ତିଷ୍ଯେ ଵା ଜନ୍ମଭେ ପ୍ରିଯେ।
ଅଷ୍ଟଗନ୍ଧେନ ଦିଵ୍ଯେନ ସୁଧାକ୍ଷୀରେଣ ପାର୍ଵତି ॥ ୩୩॥

ଅର୍କକ୍ଷୀରେଣ ପୁଣ୍ଯେନ ଭୂର୍ଜତ୍ଵଚି ମହେଶ୍ଵରି।
କନକୀକାଷ୍ଠଲେଖନ୍ଯା କଵଚଂ ଭାସ୍କରୋଦଯେ ॥ ୩୪॥

ଶ୍ଵେତସୂତ୍ରେଣ ରକ୍ତେନ ଶ୍ଯାମେନାଵେଷ୍ଟଯେଦ୍ ଗୁଟୀମ୍।
ସୌଵର୍ଣେନାଥ ସଂଵେଷ୍ଠ୍ଯ ଧାରଯେନ୍ମୂର୍ଧ୍ନି ଵା ଭୁଜେ ॥ ୩୫॥

ରଣେ ରିପୂଞ୍ଜଯେଦ୍ ଦେଵି ଵାଦେ ସଦସି ଜେଷ୍ଯତି।
ରାଜମାନ୍ଯୋ ଭଵେନ୍ନିତ୍ଯଂ ସର୍ଵତେଜୋମଯୋ ଭଵେତ୍ ॥ ୩୬॥

କଣ୍ଠସ୍ଥା ପୁତ୍ରଦା ଦେଵି କୁକ୍ଷିସ୍ଥା ରୋଗନାଶିନୀ।
ଶିରଃସ୍ଥା ଗୁଟିକା ଦିଵ୍ଯା ରାକଲୋକଵଶଙ୍କରୀ ॥ ୩୭॥

ଭୁଜସ୍ଥା ଧନଦା ନିତ୍ଯଂ ତେଜୋବୁଦ୍ଧିଵିଵର୍ଧିନୀ।
ଵନ୍ଧ୍ଯା ଵା କାକଵନ୍ଧ୍ଯା ଵା ମୃତଵତ୍ସା ଚ ଯାଙ୍ଗନା ॥ ୩୮॥

କଣ୍ଠେ ସା ଧାରଯେନ୍ନିତ୍ଯଂ ବହୁପୁତ୍ରା ପ୍ରଜାଯଯେ।
ଯସ୍ଯ ଦେହେ ଭଵେନ୍ନିତ୍ଯଂ ଗୁଟିକୈଷା ମହେଶ୍ଵରି ॥ ୩୯॥

ମହାସ୍ତ୍ରାଣୀନ୍ଦ୍ରମୁକ୍ତାନି ବ୍ରହ୍ମାସ୍ତ୍ରାଦୀନି ପାର୍ଵତି।
ତଦ୍ଦେହଂ ପ୍ରାପ୍ଯ ଵ୍ଯର୍ଥାନି ଭଵିଷ୍ଯନ୍ତି ନ ସଂଶଯଃ ॥ ୪୦॥

ତ୍ରିକାଲଂ ଯଃ ପଠେନ୍ନିତ୍ଯଂ କଵଚଂ ଵଜ୍ରପଞ୍ଜରମ୍।
ତସ୍ଯ ସଦ୍ଯୋ ମହାଦେଵି ସଵିତା ଵରଦୋ ଭଵେତ୍ ॥ ୪୧॥

ଅଜ୍ଞାତ୍ଵା କଵଚଂ ଦେଵି ପୂଜଯେଦ୍ ଯସ୍ତ୍ରଯୀତନୁମ୍।
ତସ୍ଯ ପୂଜାର୍ଜିତଂ ପୁଣ୍ଯଂ ଜନ୍ମକୋଟିଷୁ ନିଷ୍ଫଲମ୍ ॥ ୪୨॥

ଶତାଵର୍ତଂ ପଠେଦ୍ଵର୍ମ ସପ୍ତମ୍ଯାଂ ରଵିଵାସରେ।
ମହାକୁଷ୍ଠାର୍ଦିତୋ ଦେଵି ମୁଚ୍ଯତେ ନାତ୍ର ସଂଶଯଃ ॥ ୪୩॥

ନିରୋଗୋ ଯଃ ପଠେଦ୍ଵର୍ମ ଦରିଦ୍ରୋ ଵଜ୍ରପଞ୍ଜରମ୍ ।
ଲକ୍ଷ୍ମୀଵାଞ୍ଜାଯତେ ଦେଵି ସଦ୍ଯଃ ସୂର୍ଯପ୍ରସାଦତଃ ॥ ୪୪॥

ଭକ୍ତ୍ଯା ଯଃ ପ୍ରପଠେଦ୍ ଦେଵି କଵଚଂ ପ୍ରତ୍ଯହଂ ପ୍ରିଯେ।
ଇହ ଲୋକେ ଶ୍ରିଯଂ ଭୁକ୍ତ୍ଵା ଦେହାନ୍ତେ ମୁକ୍ତିମାପ୍ନୁଯାତ୍ ॥ ୪୫॥

ଇତି ଶ୍ରୀରୁଦ୍ରଯାମଲେ ତନ୍ତ୍ରେ ଶ୍ରୀଦେଵିରହସ୍ଯେ
ଵଜ୍ରପଞ୍ଜରାଖ୍ଯସୂର୍ଯକଵଚନିରୂପଣଂ ତ୍ରଯସ୍ତ୍ରିଂଶଃ ପଟଲଃ ॥ ୩୩ ॥



Surya kavacha is attributed to Rudrayamala and quoted in Devirahasya

Encoded by Mike Magee
%Saturday, July 22, 2000 5:14 AM

Please send corrections to sanskrit@cheerful.com
Last updated ତ୍oday
http://sanskritdocuments.org

Surya Kavacha ( By Bhairava ) Lyrics in Oriya PDF
% File name : suuryakavach.itx
% Category : kavacha
% Location : doc\_z\_misc\_navagraha
% Author : Traditional
% Language : Sanskrit
% Subject : philosophy/hinduism/religion
% Transliterated by : Mike Magee mike.magee at theregister.co.uk
% Proofread by : Mike Magee mike.magee at theregister.co.uk
% Latest update : August 23, 2000
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website