{॥ ନରସିମ୍ହପୁରାଣେ ସୂର୍ଯାଷ୍ଟୋତ୍ତରଶତନାମସ୍ତୋତ୍ରଂ ଵିଶ୍ଵକର୍ମକୃତ ॥}
ଭରଦ୍ଵାଜ ଉଵାଚ --
ଯୈଃ ସ୍ତୁତୋ ନାମଭିସ୍ତେନ ସଵିତା ଵିଶ୍ଵକର୍ମଣା ।
ତାନ୍ଯହଂ ଶ୍ରୋତୁମିଚ୍ଛାମି ଵଦ ସୂତ ଵିଵସ୍ଵତଃ ॥ ୧॥

ସୂତ ଉଵାଚ --
ତାନି ମେ ଶ୍ରୃଣୁ ନାମାନି ଯୈଃ ସ୍ତୁତୋ ଵିଶ୍ଵକର୍ମଣା ।
ସଵିତା ତାନି ଵକ୍ଷ୍ଯାମି ସର୍ଵପାପହରାଣି ତେ ॥ ୨॥

ଆଦିତ୍ଯଃ ସଵିତା ସୂର୍ଯଃ ଖଗଃ ପୂଷା ଗଭସ୍ତିମାନ୍ ।
ତିମିରୋନ୍ମଥନଃ ଶମ୍ଭୁସ୍ତ୍ଵଷ୍ଟା ମାର୍ତଣ୍ଡ ଆଶୁଗଃ ॥ ୩॥

ହିରଣ୍ଯଗର୍ଭଃ କପିଲସ୍ତପନୋ ଭାସ୍କରୋ ରଵିଃ ।
ଅଗ୍ନିଗର୍ଭୋଽଦିତେଃ ପୁତ୍ରଃ ଶମ୍ଭୁସ୍ତିମିରନାଶନଃ ॥ ୪॥

ଅଂଶୁମାନଂଶୁମାଲୀ ଚ ତମୋଘ୍ନସ୍ତେଜସାଂ ନିଧିଃ ।
ଆତପୀ ମଣ୍ଡଲୀ ମୃତ୍ଯୁଃ କପିଲଃ ସର୍ଵତାପନଃ ॥ ୫॥

ହରିର୍ଵିଶ୍ଵୋ ମହାତେଜାଃ ସର୍ଵରତ୍ନପ୍ରଭାକରଃ ।
ଅଂଶୁମାଲୀ ତିମିରହା ଋଗ୍ଯଜୁସ୍ସାମଭାଵିତଃ ॥ ୬॥

ପ୍ରାଣାଵିଷ୍କରଣୋ ମିତ୍ରଃ ସୁପ୍ରଦୀପୋ ମନୋଜଵଃ ।
ଯଜ୍ଞେଶୋ ଗୋପତିଃ ଶ୍ରୀମାନ୍ ଭୂତଜ୍ଞଃ କ୍ଲେଶନାଶନଃ ॥ ୭॥

ଅମିତ୍ରହା ଶିଵୋ ହଂସୋ ନାଯକଃ ପ୍ରିଯଦର୍ଶନଃ ।
ଶୁଦ୍ଧୋ ଵିରୋଚନଃ କେଶୀ ସହସ୍ରାଂଶୁଃ ପ୍ରତର୍ଦନଃ ॥ ୮॥

ଧର୍ମରଶ୍ମିଃ ପତଂଗଶ୍ଚ ଵିଶାଲୋ ଵିଶ୍ଵସଂସ୍ତୁତଃ ।
ଦୁର୍ଵିଜ୍ଞେଯଗତିଃ ଶୂରସ୍ତେଜୋରାଶିର୍ମହାଯଶାଃ ॥ ୯॥

ଭ୍ରାଜିଷ୍ଣୁର୍ଜ୍ଯୋତିଷାମୀଶୋ ଵିଜିଷ୍ଣୁର୍ଵିଶ୍ଵଭାଵନଃ ।
ପ୍ରଭଵିଷ୍ଣୁଃ ପ୍ରକାଶାତ୍ମା ଜ୍ଞାନରାଶିଃ ପ୍ରଭାକରଃ ॥ ୧୦॥

ଆଦିତ୍ଯୋ ଵିଶ୍ଵଦୃଗ୍ ଯଜ୍ଞକର୍ତା ନେତା ଯଶସ୍କରଃ ।
ଵିମଲୋ ଵୀର୍ଯଵାନୀଶୋ ଯୋଗଜ୍ଞୋ ଯୋଗଭାଵନଃ ॥ ୧୧॥

ଅମୃତାତ୍ମା ଶିଵୋ ନିତ୍ଯୋ ଵରେଣ୍ଯୋ ଵରଦଃ ପ୍ରଭୁଃ ।
ଧନଦଃ ପ୍ରାଣଦଃ ଶ୍ରେଷ୍ଠଃ କାମଦଃ କାମରୂପଧୃକ୍ ॥ ୧୨॥

ତରଣିଃ ଶାଶ୍ଵତଃ ଶାସ୍ତା ଶାସ୍ତ୍ରଜ୍ଞସ୍ତପନଃ ଶଯଃ ।
ଵେଦଗର୍ଭୋ ଵିଭୁର୍ଵୀରଃ ଶାନ୍ତଃ ସାଵିତ୍ରିଵଲ୍ଲଭଃ ॥ ୧୩॥

ଧ୍ଯେଯୋ ଵିଶ୍ଵେଶ୍ଵରୋ ଭର୍ତା ଲୋକନାଥୋ ମହେଶ୍ଵରଃ ।
ମହେନ୍ଦ୍ରୋ ଵରୁଣୋ ଧାତା ଵିଷ୍ଣୁରଗ୍ନିର୍ଦିଵାକରଃ ॥ ୧୪॥

ଏତୈସ୍ତୁ ନାମଭିଃ ସୂର୍ଯଃ ସ୍ତୁତସ୍ତେନ ମହାତ୍ମନା ।
ଉଵାଚ ଵିଶ୍ଵକର୍ମାଣଂ ପ୍ରସନ୍ନୋ ଭଗଵାନ୍ ରଵିଃ ॥ ୧୫॥

ଭ୍ରମିମାରୋପ୍ଯ ମାମତ୍ର ମଣ୍ଡଲଂ ମମ ଶାତଯ ।
ତ୍ଵତ୍ବୁଦ୍ଧିସ୍ଥଂ ମଯା ଜ୍ଞାତମେଵମୌଷ୍ଣ୍ଯଂ ଶମଂ ଵ୍ରଜେତ୍ ॥ ୧୬॥

ଇତ୍ଯୁକ୍ତୋ ଵିଶ୍ଵକର୍ମା ଚ ତଥା ସ କୃତଵାନ୍ ଦ୍ଵିଜ ।
ଶାନ୍ତୋଷ୍ଣଃ ସଵିତା ତସ୍ଯ ଦୁହିତୁର୍ଵିଶ୍ଵକର୍ମଣଃ ॥ ୧୭॥

ସଂଜ୍ଞାଯାଶ୍ଚାଭଵଦ୍ଵିପ୍ର ଭାନୁସ୍ତ୍ଵଷ୍ଟାରମବ୍ରଵୀତ୍ ।
ତ୍ଵଯା ଯସ୍ମାତ୍ ସ୍ତୁତୋଽହଂ ଵୈ ନାମ୍ନାମଷ୍ଟଶତେନ ଚ ॥ ୧୮॥

ଵରଂ ଵୃଣୀଷ୍ଵ ତସ୍ମାତ୍ ତ୍ଵଂ ଵରଦୋଽହଂ ତଵାନଘ ।
ଇତ୍ଯୁକ୍ତୋ ଭାନୁନା ସୋଽଥ ଵିଶ୍ଵକର୍ମାବ୍ରଵୀଦିଦମ୍ ॥ ୧୯॥

ଵରଦୋ ଯଦି ମେ ଦେଵ ଵରମେତଂ ପ୍ରଯଚ୍ଛ ମେ ।
ଏତୈସ୍ତୁ ନାମଭିର୍ଯସ୍ତ୍ଵାଂ ନରଃ ସ୍ତୋଷ୍ଯତି ନିତ୍ଯଶଃ ॥ ୨୦॥

ତସ୍ଯ ପାପକ୍ଷଯଂ ଦେଵ କୁରୁ ଭକ୍ତସ୍ଯ ଭାସ୍କର ॥ ୨୧॥

ତେନୈଵମୁକ୍ତୋ ଦିନକୃତ୍ ତଥେତି
ତ୍ଵଷ୍ଟାରମୁକ୍ତ୍ଵା ଵିରରାମ ଭାସ୍କରଃ ।
ସଂଜ୍ଞାଂ ଵିଶଙ୍କାଂ ରଵିମଣ୍ଡଲସ୍ଥିତାଂ
କୃତ୍ଵା ଜଗାମାଥ ରଵିଂ ପ୍ରସାଦ୍ଯ ॥ ୨୨॥

ଇତି ଶ୍ରୀନରସିଂହପୁରାଣେ ଏକୋନଵିଂଶୋଽଧ୍ଯାଯଃ ॥ ୧୯॥


From Narasimhapurana adhyAya 19
https://archive.org/details/NarsimhaPuranGitapress
Proofread by Singanallur Ganesan singanallur at gmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Surya Ashtottara Shatanama Stotram ( From Narasimha Puranam) Lyrics in Oriya PDF
% File name : sUryAShTottarashatanAmavishvakarmaNP.itx
% Category : aShTottarashatanAma
% Location : doc\_z\_misc\_navagraha
% Language : Sanskrit
% Subject : philosophy/hinduism/religion
% Proofread by : Singanallur Ganesan singanallur at gmail.com
% Translated by : https://archive.org/details/NarsimhaPuranGitapress
% Description-comments : Narasimhapurana adhyAya 19
% Latest update : June 6, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website