श्री मार्गबन्धुस्तोत्रम्

शंभो महादेव देव
शिव शंभो महादेव देवेश शंभो
शंभो महादेव देव

फालावनम्रत्किरीटं
फालनेत्रार्चिषा दग्ध पञ्चॆषुकीटम् |
शूलाहतारातिकूटं
शुद्धमर्धेन्दुचूडं भजे मार्गबन्धुम् || .. शंभो...

अङ्गॆ विराजद्भुजङ्गं
अभ्र गंगा तरंगाभि रामोत्तमांगम् |
ओंकारवाटी कुरंगं
सिद्ध संसेविताङ्घ्रिं भजे मार्गबन्धुम् || .. शंभो...

नित्यं चिदानंदरूपं
निह्नुताशेष लोकेश वैरिप्रतापम् |
कार्तस्वरागेन्द्र चापं
कृत्तिवासं भजे दिव्य सन्मार्गबन्धुम् || .. शंभो...

कन्दर्प दर्पघ्नमीशं
कालकण्ठं महेशं महाव्योमकेशम् |
कुन्दाभदन्तं सुरेशं
कोटिसूर्यप्रकाशं भजे मार्गबन्धुम् || .. शंभो...

मन्दारभूतेरुदारं
मन्दरागेन्द्रसारं महाघौर्यदूरम् |
सिन्धूर दूर प्रचारं
सिन्धुराजातिधीरं भजे मार्गबन्धुम् || .. शंभो...

अप्पय्ययज्वेन्द्रगीतं स्तोत्रराजं पठेद्यस्तु भक्त्या प्रयाणे |
तस्यार्थसिद्दिं विधत्तॆ मार्गमध्येऽभयं चाशुतोषी महेशः ||

शंभो महादेव देव शिव शंभो महादेव
देवेश शंभो शंभो महादेव देव

|| इति श्री अप्पय्य दीक्षितप्रणितम् श्रीमार्गबन्धुस्तोत्रम् संपूर्णम् ||

Text Source stotram.co.in
PDF file is generated [ October 11, 2015 ] at Stotram Website