{॥ ଶ୍ରୀମଦାଞ୍ଜନେଯ ଭୁଜଙ୍ଗପ୍ରଯାତସ୍ତୋତ୍ରମ୍ ୧ ॥}
ମନୋଜଵଂ ମାରୁତତୁଲ୍ଯଵେଗମ୍
ଜିତେନ୍ଦ୍ରିଯଂ ବୁଦ୍ଧିମତାଂ ଵରିଷ୍ଠମ୍ ।
ଵାତାତ୍ମଜଂ ଵାନରଯୂଥମୁଖ୍ଯମ୍
ଶ୍ରୀରାମଦୂତଂ ଶରଣଂ ପ୍ରପଦ୍ଯେ ॥

ବୁଦ୍ଦିର୍ବଲଂ ଯଶୋ ଧୈର୍ଯଂ ନିର୍ଭଯତ୍ଵଂ ଅରୋଗତା ।
ଅଜାଡ୍ଯଂ ଵାକ୍ପଟୁତ୍ଵଂ ଚ ହନୁମତ୍ସ୍ମରଣାଦ୍ ଭଵେତ୍ ॥

ଓଂ ଆଞ୍ଜନେଯାଯ ଵିଦ୍ମହେ ଵାଯୁପୁତ୍ରାଯ ଧୀମହି ତନ୍ନୋ ହନୁମତ୍ ପ୍ରଚୋଦଯାତ୍ ॥

ଓଂ ଫ୍ରୌଂ ।
ଓଂ ନମୋ ହନୁମତେ ଆଵେଷେ ଆଵେଷେ ସ୍ଵାହା ।
ଓଂ ହୂଂ ହନୁମତେ ରୁଦ୍ରାତ୍ମକାଯେ ହୂଂ ଫଟ୍ ସ୍ଵାହା ।
ଓଂ ଐଂ ଭ୍ରୀଂ ହନୁମତେ ଶ୍ରୀରାମଦୂତାଯ ନମଃ ।
ଓଂ ହ୍ରୀଂ ହରି ମର୍କଟ ମର୍କଟାଯ ସ୍ଵାହା ।
ଅଥ ସ୍ତୋତ୍ରମ୍ ।
ପ୍ରପନ୍ନାନୁରାଗଂ ପ୍ରଭାକାଞ୍ଚନାଭଂ
ଜଗଦ୍ଭୀତିଶୌର୍ଯଂ ତୁଷାରାଦ୍ରିଧୈର୍ଯମ୍ ।
ତୃଣୀଭୂତହେତିଂ ରଣୋଦ୍ଯଦ୍ଵିଭୂତିଂ
ଭଜେ ଵାଯୁପୁତ୍ରଂ ପଵିତ୍ରାପ୍ତମିତ୍ରମ୍ ॥ ୧॥

ଭଜେ ପାଵନଂ ଭାଵନାନିତ୍ଯଵାସଂ
ଭଜେ ବାଲଭାନୁ ପ୍ରଭାଚାରୁଭାସମ୍ ।
ଭଜେ ଚନ୍ଦ୍ରିକାକୁନ୍ଦ ମନ୍ଦାରହାସଂ
ଭଜେ ସନ୍ତତଂ ରାମଭୂପାଲ ଦାସମ୍ ॥ ୨॥

ଭଜେ ଲକ୍ଷ୍ମଣପ୍ରାଣରକ୍ଷାତିଦକ୍ଷଂ
ଭଜେ ତୋଷିତାନେକ ଗୀର୍ଵାଣପକ୍ଷମ୍ ।
ଭଜେ ଘୋରସଙ୍ଗ୍ରାମ ସୀମାହତାକ୍ଷଂ
ଭଜେ ରାମନାମାତି ସମ୍ପ୍ରାପ୍ତରକ୍ଷମ୍ ॥ ୩॥

କୃତାଭୀଲନାଦଂ କ୍ଷିତିକ୍ଷିପ୍ତପାଦଂ
ଘନକ୍ରାନ୍ତ ଭୃଙ୍ଗଂ କଟିସ୍ଥୋରୁ ଜଙ୍ଘମ୍ ।
ଵିଯଦ୍ଵ୍ଯାପ୍ତକେଶଂ ଭୁଜାଶ୍ଲେଷିତାଶ୍ମଂ
ଜଯଶ୍ରୀ ସମେତଂ ଭଜେ ରାମଦୂତମ୍ ॥ ୪॥

ଚଲଦ୍ଵାଲଘାତଂ ଭ୍ରମଚ୍ଚକ୍ରଵାଲଂ
କଠୋରାଟ୍ଟହାସଂ ପ୍ରଭିନ୍ନାବ୍ଜଜାଣ୍ଡମ୍ ।
ମହାସିଂହନାଦା ଦ୍ଵିଶୀର୍ଣତ୍ରିଲୋକଂ
ଭଜେ ଚାଞ୍ଜନେଯଂ ପ୍ରଭୁଂ ଵଜ୍ରକାଯମ୍ ॥ ୫॥

ରଣେ ଭୀଷଣେ ମେଘନାଦେ ସନାଦେ
ସରୋଷେ ସମାରୋପିତେ ମିତ୍ରମୁଖ୍ଯେ ।
ଖଗାନାଂ ଘନାନାଂ ସୁରାଣାଂ ଚ ମାର୍ଗେ
ନଟନ୍ତଂ ଵହନ୍ତଂ ହନୂମନ୍ତ ମୀଡେ ॥ ୬॥

କନଦ୍ରତ୍ନ ଜମ୍ଭାରି ଦମ୍ଭୋଲିଧାରଂ
କନଦ୍ଦନ୍ତ ନିର୍ଧୂତକାଲୋଗ୍ର ଦନ୍ତମ୍ ।
ପଦାଘାତଭୀତାବ୍ଧି ଭୂତାଦିଵାସଂ
ରଣକ୍ଷୋଣିଦକ୍ଷଂ ଭଜେ ପିଙ୍ଗଲାକ୍ଷମ୍ ॥ ୭॥

ମହାଗର୍ଭପୀଡାଂ ମହୋତ୍ପାତପୀଡାଂ
ମହାରୋଗପୀଡାଂ ମହାତୀଵ୍ରପୀଡାମ୍ ।
ହରତ୍ଯାଶୁ ତେ ପାଦପଦ୍ମାନୁରକ୍ତୋ
ନମସ୍ତେ କପିଶ୍ରେଷ୍ଠ ରାମପ୍ରିଯୋଯଃ ॥ ୮॥

ସୁଧାସିନ୍ଧୁମୁଲ୍ଲଙ୍ଘ୍ଯ ନାଥୋଗ୍ର ଦୀପ୍ତଃ
ସୁଧାଚୌଷଦୀସ୍ତାଃ ପ୍ରଗୁପ୍ତପ୍ରଭାଵମ୍ ।
କ୍ଷଣଦ୍ରୋଣଶୈଲସ୍ଯ ସାରେଣ ସେତୁଂ
ଵିନା ଭୂଃସ୍ଵଯଂ କସ୍ସମର୍ଥଃ କପୀନ୍ଦ୍ରଃ ॥ ୯॥

ନିରାତଙ୍କମାଵିଶ୍ଯ ଲଙ୍କାଂ ଵିଶଙ୍କୋ
ଭଵାନେନ ସୀତାତିଶୋକାପହାରୀ ।
ସମୁଦ୍ରାନ୍ତରଙ୍ଗାଦି ରୌଦ୍ରଂ ଵିନିଦ୍ରଂ
ଵିଲଙ୍ଘ୍ଯୋରୁ ଜଙ୍ଘସ୍ତୁତାଽମର୍ତ୍ଯସଙ୍ଘଃ ॥ ୧୦॥

ରମାନାଥ ରାମଃ କ୍ଷମାନାଥ ରାମଃ
ଅଶୋକେନ ଶୋକଂ ଵିହାଯ ପ୍ରହର୍ଷମ୍ ।
ଵନାନ୍ତର୍ଘନଂ ଜୀଵନଂ ଦାନଵାନାଂ
ଵିପାଟ୍ଯ ପ୍ରହର୍ଷାତ୍ ହନୂମତ୍ ତ୍ଵମେଵ ॥ ୧୧॥

ଜରାଭାରତୋ ଭୂରିପୀଡାଂ ଶରୀରେ
ନିରାଧାରଣାରୂଢ ଗାଢ ପ୍ରତାପେ ।
ଭଵତ୍ପାଦଭକ୍ତିଂ ଭଵଦ୍ଭକ୍ତିରକ୍ତିଂ
କୁରୁ ଶ୍ରୀହନୂମତ୍ପ୍ରଭୋ ମେ ଦଯାଲୋ ॥ ୧୨॥

ମହାଯୋଗିନୋ ବ୍ରହ୍ମରୁଦ୍ରାଦଯୋ ଵା
ନ ଜାନନ୍ତି ତତ୍ତ୍ଵଂ ନିଜଂ ରାଘଵସ୍ଯ ।
କଥଂ ଜ୍ଞାଯତେ ମାଦୃଶେ ନିତ୍ଯମେଵ
ପ୍ରସୀଦ ପ୍ରଭୋ ଵାନରେନ୍ଦ୍ରୋ ନମସ୍ତେ ॥ ୧୩॥

ନମସ୍ତେ ମହାସତ୍ତ୍ଵଵାହାଯ ତୁଭ୍ଯଂ
ନମସ୍ତେ ମହାଵଜ୍ର ଦେହାଯ ତୁଭ୍ଯମ୍ ।
ନମସ୍ତେ ପରୀଭୂତ ସୂର୍ଯାଯ ତୁଭ୍ଯଂ
ନମସ୍ତେ କୃତମର୍ତ୍ଯ କାର୍ଯାଯ ତୁଭ୍ଯମ୍ ॥ ୧୪॥

ନମସ୍ତେ ସଦା ବ୍ରହ୍ମଚର୍ଯାଯ ତୁଭ୍ଯଂ
ନମସ୍ତେ ସଦା ଵାଯୁପୁତ୍ରାଯ ତୁଭ୍ଯମ୍ ।
ନମସ୍ତେ ସଦା ପିଙ୍ଗଲାକ୍ଷାଯ ତୁଭ୍ଯଂ
ନମସ୍ତେ ସଦା ରାମଭକ୍ତାଯ ତୁଭ୍ଯମ୍ ॥ ୧୫॥

ହନୁମଦ୍ଭୁଜଙ୍ଗପ୍ରଯାତଂ ପ୍ରଭାତେ
ପ୍ରଦୋଷେଽପି ଵା ଚାର୍ଧରାତ୍ରେଽପ୍ଯମର୍ତ୍ଯଃ ।
ପଠନ୍ନଶ୍ନତୋଽପି ପ୍ରମୁକ୍ତାଘଜାଲଂ
ସଦା ସର୍ଵଦା ରାମଭକ୍ତିଂ ପ୍ରିଯାତି ॥ ୧୬॥

ସମ୍ପୂର୍ଣଂ

Proofread by Kiran Kumar, Sunder Hattangadi

Please send corrections to sanskrit@cheerful.com
Last updated ତ୍oday
http://sanskritdocuments.org

Anjaneya ( Hanumath ) Bhujangaprayata Stotram Lyrics in Oriya PDF
% File name : hanUmatbhujangaprayAtastotra.itx
% Category : bhujanga
% Location : doc\_hanumaana
% Author : Adi Shankaracharya ??
% Language : Sanskrit
% Subject : philosophy/hinduism/religion
% Proofread by : Kiran Kumar, Sunder Hattangadi, NA
% Latest update : June 6, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website