{॥ ಶ್ರೀಆಞ್ಜನೇಯಸಹಸ್ರನಾಮಸ್ತೋತ್ರಮ್ ॥}
ಋಷಯ ಊಚುಃ
ಕೋ ಮನ್ತ್ರಃ ಕಿಮು ತದ್ಧ್ಯಾನಂ ತನ್ನೋ ಬ್ರೂಹಿ ಯಥಾರ್ಥತಃ ।
ಕಥಾಸುಧಾರಸಂ ಪೀತ್ವಾ ನ ತೃಪ್ಯಾಮಃ ಪರನ್ತಪ ॥ ೧॥

ವಾಲ್ಮೀಕಿರುವಾಚ
ಮನ್ತ್ರಂ ಹನುಮತೋ ವಿದ್ಧಿ ಭುಕ್ತಿಮುಕ್ತಿಪ್ರದಾಯಕಮ್ ।
ಮಹಾರಿಷ್ಟಮಹಾಪಾಪಸರ್ವದುಃಖನಿವಾರಣಮ್ ॥ ೨॥

ಓಂ ಐಂ ಹ್ರೀಂ ಶ್ರೀಂ । ಹನೂಮತೇ ರಾಮದೂತಾಯ
ಲಙ್ಕಾವಿಧ್ವಂಸನಾಯಾಞ್ಜನಾಗರ್ಭಸಮ್ಭೂತಾಯ
ಶಾಕಿನೀ ಡಾಕಿನೀ ವಿಧ್ವಂಸನಾಯ ಕಿಲಿಕಿಲಿ ಭುಭುಕಾರಿಣೇ ವಿಭೀಷಣಾಯ
ಹನುಮತೇ ದೇವಾಯ ಓಂ ಹ್ರೀಂ ಹ್ರೌಂ ಹ್ರಾಂ ಹ್ರೂಂ ಫಟ್ ಸ್ವಾಹಾ ॥

ಅನ್ಯಂ ಹನುಮತೋ ಮನ್ತ್ರಂ ಸಹಸ್ರಂ ನಾಮಸಞ್ಜ್ಞಿತಮ್ ।
ಜಾನನ್ತು ಋಷಯಃ ಸರ್ವೇ ಮಹಾದುರಿತನಾಶನಮ್ ॥ ೩॥

ಯಸ್ಯ ಸಂಸ್ಮರಣಾತ್ ಸೀತಾಂ ಲಬ್ಧ್ವಾ ರಾಜ್ಯಮಕಣ್ಟಕಮ್ ।
ವಿಭೀಷಣಾಯ ಚ ದದಾವಾತ್ಮಾನಂ ಲಬ್ಧವಾನ್ ಯಥಾ ॥ ೪॥

ಋಷಯ ಊಚುಃ
ಸಹಸ್ರನಾಮಸನ್ಮನ್ತ್ರಂ ದುಃಖಾಘೌಘನಿವಾರಣಮ್ ।
ವಾಲ್ಮೀಕೇ ಬ್ರೂಹಿ ನಸ್ತೂರ್ಣಂ ಶುಶ್ರೂಷಾಮಃ ಕಥಾಂ ಪರಾಮ್ ॥

ವಾಲ್ಮೀಕಿರುವಾಚ
ಶೃಣ್ವನ್ತು ಋಷಯಃ ಸರ್ವೇ ಸಹಸ್ರನಾಮಕಂ ಸ್ತವಮ್ ।
ಸ್ತವಾನಾಮುತ್ತಮಂ ದಿವ್ಯಂ ಸದರ್ಥಸ್ಯ ಪ್ರಕಾಶಕಮ್ ॥

ಅಸ್ಯ ಶ್ರೀಹನುಮತ್ಸಹಸ್ರನಾಮಸ್ತೋತ್ರಮಹಾಮನ್ತ್ರಸ್ಯ ಶ್ರೀರಾಮಚನ್ದ್ರ ಋಷಿಃ,
ಹನೂಮಾನ್ ದೇವತಾ । ಅನುಷ್ಟುಪ್ ಛನ್ದಃ । ಹ್ರಾಂ ಹ್ರೀಂ ಹ್ರೂಂ ಹ್ರಃ ಬೀಜಮ್ । ಶ್ರೀರಿತಿ ಶಕ್ತಿಃ ।
ಕಿಲಿಕಿಲಿ ಭ್ರೂ ಭ್ರೂ ಕಾರೇಣೇತಿ ಕೀಲಕಮ್ । ಲಙ್ಕಾವಿಧ್ವಂಸನಾಯೇತಿ ಕವಚಮ್ ।
ಮಮ ಸರ್ವೋಪದ್ರವಶಾನ್ತ್ಯರ್ಥಂ ಸರ್ವಕಾಮಾನಾಂ ಸಿದ್ಧ್ಯರ್ಥಂ ಜಪೇ ವಿನಿಯೋಗಃ ।
ಓಂ ಐಂ ಹ್ರೀಂ ಹನುಮತೇ ರಾಮದೂತಾಯ ಅಙ್ಗುಷ್ಠಾಭ್ಯಾಂ ನಮಃ ।
ಲಙ್ಕಾವಿಧ್ವಂಸನಾಯ ತರ್ಜನೀಭ್ಯಾಂ ನಮಃ ।
ಅಞ್ಜನಾಗರ್ಭಸಮ್ಭೂತಾಯ ಮಧ್ಯಮಾಭ್ಯಾಂ ನಮಃ ।
ಶಾಕಿನೀ ಡಾಕಿನೀ ವಿಧ್ವಂಸನಾಯ ಅನಾಮಿಕಾಭ್ಯಾಂ ನಮಃ ।
ಓಂ ಕಿಲಿ ಕಿಲಿ ಭ್ರೂ ಭ್ರೂ ಕಾರೇಣ ವಿಭೀಷಣಾಯ ಹನೂಮತೇ ದೇವಾಯ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಶ್ರೀಂ ಹ್ರೀಂ ಹ್ರೂಂ ಹ್ರಾಂ ಫಟ್ ಸ್ವಾಹಾ ಕರತಲಕರಪೃಷ್ಠಾಭ್ಯಾಂ ನಮಃ ।
ಓಂ ಹನುಮತೇ ರಾಮದೂತಾಯ ಹೃದಯಾಯ ನಮಃ ।
ಲಙ್ಕಾವಿಧ್ವಂಸನಾಯ ಶಿರಸೇ ಸ್ವಾಹಾ ನಮಃ ।
ಓಂ ಹ್ರೌಂ ಅಞ್ಜನಾಗರ್ಭಸಮ್ಭೂತಾಯ ಶಿಖಾಯೈ ವೌಷಟ್ ।
ಓಂ ಹ್ರಾಂ ಶಾಕಿನೀಡಾಕಿನೀ ಧ್ವಂಸನಾಯ ಕವಚಾಯ ಹುಮ್ ।
ಓಂ ಕಿಲಿ ಕಿಲಿ ಭ್ರೂ ಭ್ರೂ ಕಾರೇಣ ವಿಭೀಷಣಾಯ ಹನುಮತೇ ದೇವಾಯ ನೇತ್ರತ್ರಯಾಯ ವೌಷಟ್ ।
ಓಂ ಶ್ರೀಂ ಹ್ರೀಂ ಹ್ರೌಂ ಹ್ರಾಂ ಫಟ್ ಸ್ವಾಹಾ । ಅಸ್ತ್ರಾಯ ಫಟ್ ।
ಧ್ಯಾನಮ್
ಪ್ರತಪ್ತಸ್ವರ್ಣವರ್ಣಾಭಂ ಸಂರಕ್ತಾರುಣಲೋಚನಮ್ ।
ಸುಗ್ರೀವಾದಿಯುತಂ ಧ್ಯಾಯೇತ್ ಪೀತಾಮ್ಬರಸಮಾವೃತಮ್ ॥

ಗೋಷ್ಪದೀಕೃತವಾರಾಶಿಂ ಪುಚ್ಛಮಸ್ತಕಮೀಶ್ವರಮ್ ।
ಜ್ಞಾನಮುದ್ರಾಂ ಚ ಬಿಭ್ರಾಣಂ ಸರ್ವಾಲಙ್ಕಾರಭೂಷಿತಮ್ ॥

ವಾಮಹಸ್ತಸಮಾಕೃಷ್ಟದಶಾಸ್ಯಾನನಮಣ್ಡಲಮ್ ।
ಉದ್ಯದ್ದಕ್ಷಿಣದೋರ್ದಣ್ಡಂ ಹನೂಮನ್ತಂ ವಿಚಿನ್ತಯೇತ್ ॥

ಹನೂಮಾನ್ ಶ್ರೀಪ್ರದೋ ವಾಯುಪುತ್ರೋ ರುದ್ರೋ ನಯೋಽಜರಃ ।
ಅಮೃತ್ಯುರ್ವೀರವೀರಶ್ಚ ಗ್ರಾಮವಾಸೋ ಜನಾಶ್ರಯಃ ॥ ೧॥

ಧನದೋ ನಿರ್ಗುಣಾಕಾರೋ ವೀರೋ ನಿಧಿಪತಿರ್ಮುನಿಃ ।
ಪಿಙ್ಗಾಕ್ಷೋ ವರದೋ ವಾಗ್ಮೀ ಸೀತಾಶೋಕವಿನಾಶನಃ ॥ ೨॥

ಶಿವಃ ಶರ್ವಃ ಪರೋಽವ್ಯಕ್ತೋ ವ್ಯಕ್ತಾವ್ಯಕ್ತೋ ಧರಾಧರಃ ।
ಪಿಙ್ಗಕೇಶಃ ಪಿಙ್ಗರೋಮಾ ಶ್ರುತಿಗಮ್ಯಃ ಸನಾತನಃ ॥ ೩॥

ಅನಾದಿರ್ಭಗವಾನ್ ದಿವ್ಯೋ ವಿಶ್ವಹೇತುರ್ನರಾಶ್ರಯಃ ।
ಆರೋಗ್ಯಕರ್ತಾ ವಿಶ್ವೇಶೋ ವಿಶ್ವನಾಥೋ ಹರೀಶ್ವರಃ ॥ ೪॥

ಭರ್ಗೋ ರಾಮೋ ರಾಮಭಕ್ತಃ ಕಲ್ಯಾಣಪ್ರಕೃತೀಶ್ವರಃ ।
ವಿಶ್ವಮ್ಭರೋ ವಿಶ್ವಮೂರ್ತಿರ್ವಿಶ್ವಾಕಾರೋಽಥ ವಿಶ್ವಪಃ ॥ ೫॥

ವಿಶ್ವಾತ್ಮಾ ವಿಶ್ವಸೇವ್ಯೋಽಥ ವಿಶ್ವೋ ವಿಶ್ವಧರೋ ರವಿಃ ।
ವಿಶ್ವಚೇಷ್ಟೋ ವಿಶ್ವಗಮ್ಯೋ ವಿಶ್ವಧ್ಯೇಯಃಕಲಾಧರಃ ॥ ೬॥

ಪ್ಲವಙ್ಗಮಃ ಕಪಿಶ್ರೇಷ್ಠೋ ಜ್ಯೇಷ್ಠೋ ವೇದ್ಯೋ ವನೇಚರಃ ।
ಬಾಲೋ ವೃದ್ಧೋ ಯುವಾ ತತ್ತ್ವಂ ತತ್ತ್ವಗಮ್ಯಃ ಸಖಾ ಹ್ಯಜಃ ॥ ೭॥

ಅಞ್ಜನಾಸೂನುರವ್ಯಗ್ರೋ ಗ್ರಾಮಸ್ಯಾನ್ತೋ ಧರಾಧರಃ ।
ಭೂರ್ಭುವಃಸ್ವರ್ಮಹರ್ಲೋಕೋ ಜನೋಲೋಕಸ್ತಪೋಽವ್ಯಯಃ ॥ ೮॥

ಸತ್ಯಮೋಙ್ಕಾರಗಮ್ಯಶ್ಚ ಪ್ರಣವೋ ವ್ಯಾಪಕೋಽಮಲಃ ।
ಶಿವಧರ್ಮಪ್ರತಿಷ್ಠಾತಾ ರಾಮೇಷ್ಟಃ ಫಲ್ಗುನಪ್ರಿಯಃ ॥ ೯॥

ಗೋಷ್ಪದೀಕೃತವಾರೀಶಃ ಪೂರ್ಣಕಾಮೋ ಧರಾಪತಿಃ ।
ರಕ್ಷೋಘ್ನಃ ಪುಣ್ಡರೀಕಾಕ್ಷಃ ಶರಣಾಗತವತ್ಸಲಃ ॥ ೧೦॥

ಜಾನಕೀಪ್ರಾಣದಾತಾ ಚ ರಕ್ಷಃಪ್ರಾಣಾಪಹಾರಕಃ ।
ಪೂರ್ಣಃ ಸತ್ಯಃ ಪೀತವಾಸಾ ದಿವಾಕರಸಮಪ್ರಭಃ ॥ ೧೧॥

ದ್ರೋಣಹರ್ತಾ ಶಕ್ತಿನೇತಾ ಶಕ್ತಿರಾಕ್ಷಸಮಾರಕಃ ।
ಅಕ್ಷಘ್ನೋ ರಾಮದೂತಶ್ಚ ಶಾಕಿನೀಜೀವಿತಾಹರಃ ॥ ೧೨॥

ಬುಭೂಕಾರಹತಾರಾತಿರ್ಗರ್ವಪರ್ವತಮರ್ದನಃ ।
ಹೇತುಸ್ತ್ವಹೇತುಃ ಪ್ರಾಂಶುಶ್ಚ ವಿಶ್ವಕರ್ತಾ ಜಗದ್ಗುರುಃ ॥ ೧೩॥

ಜಗನ್ನಾಥೋ ಜಗನ್ನೇತಾ ಜಗದೀಶೋ ಜನೇಶ್ವರಃ ।
ಜಗತ್ಶ್ರಿತೋ ಹರಿಃ ಶ್ರೀಶೋ ಗರುಡಸ್ಮಯಭಞ್ಜಕಃ ॥ ೧೪॥

ಪಾರ್ಥಧ್ವಜೋ ವಾಯುಪುತ್ರಃ ಸಿತಪುಚ್ಛೋಽಮಿತಪ್ರಭಃ ।
ಬ್ರಹ್ಮಪುಚ್ಛಃ ಪರಬ್ರಹ್ಮಪುಚ್ಛೋ ರಾಮೇಷ್ಟಕಾರಕಃ ॥ ೧೫॥

ಸುಗ್ರೀವಾದಿಯುತೋ ಜ್ಞಾನೀ ವಾನರೋ ವಾನರೇಶ್ವರಃ ।
ಕಲ್ಪಸ್ಥಾಯೀ ಚಿರಞ್ಜೀವೀ ಪ್ರಸನ್ನಶ್ಚ ಸದಾಶಿವಃ ॥ ೧೬॥

ಸನ್ಮತಿಃ ಸದ್ಗತಿರ್ಭುಕ್ತಿಮುಕ್ತಿದಃ ಕೀರ್ತಿದಾಯಕಃ ।
ಕೀರ್ತಿಃ ಕೀರ್ತಿಪ್ರದಶ್ಚೈವ ಸಮುದ್ರಃ ಶ್ರೀಪ್ರದಃ ಶಿವಃ ॥ ೧೭॥

ಉದಧಿಕ್ರಮಣೋ ದೇವಃ ಸಂಸಾರಭಯನಾಶನಃ ।
ವಾಲಿಬನ್ಧನಕೃದ್ವಿಶ್ವಜೇತಾ ವಿಶ್ವಪ್ರತಿಷ್ಠಿತಃ ॥ ೧೮॥

ಲಙ್ಕಾರಿಃ ಕಾಲಪುರುಷೋ ಲಙ್ಕೇಶಗೃಹಭಞ್ಜನಃ ।
ಭೂತಾವಾಸೋ ವಾಸುದೇವೋ ವಸುಸ್ತ್ರಿಭುವನೇಶ್ವರಃ ॥

ಶ್ರೀರಾಮರೂಪಃ ಕೃಷ್ಣಸ್ತು ಲಙ್ಕಾಪ್ರಾಸಾದಭಞ್ಜನಃ ।
ಕೃಷ್ಣಃ ಕೃಷ್ಣಸ್ತುತಃ ಶಾನ್ತಃ ಶಾನ್ತಿದೋ ವಿಶ್ವಭಾವನಃ ॥ ೨೦॥

ವಿಶ್ವಭೋಕ್ತಾಽಥ ಮಾರಘ್ನೋ ಬ್ರಹ್ಮಚಾರೀ ಜಿತೇನ್ದ್ರಿಯಃ ।
ಊರ್ಧ್ವಗೋ ಲಾಙ್ಗುಲೀ ಮಾಲೀ ಲಾಙ್ಗೂಲಾಹತರಾಕ್ಷಸಃ ॥ ೨೧॥

ಸಮೀರತನುಜೋ ವೀರೋ ವೀರಮಾರೋ ಜಯಪ್ರದಃ ।
ಜಗನ್ಮಙ್ಗಲದಃ ಪುಣ್ಯಃ ಪುಣ್ಯಶ್ರವಣಕೀರ್ತನಃ ॥ ೨೨॥

ಪುಣ್ಯಕೀರ್ತಿಃ ಪುಣ್ಯಗೀತಿರ್ಜಗತ್ಪಾವನಪಾವನಃ ।
ದೇವೇಶೋಽಮಿತರೋಮಾಽಥ ರಾಮಭಕ್ತವಿಧಾಯಕಃ ॥ ೨೩॥

ಧ್ಯಾತಾ ಧ್ಯೇಯೋ ಜಗತ್ಸಾಕ್ಷೀ ಚೇತಾ ಚೈತನ್ಯವಿಗ್ರಹಃ ।
ಜ್ಞಾನದಃ ಪ್ರಾಣದಃ ಪ್ರಾಣೋ ಜಗತ್ಪ್ರಾಣಃ ಸಮೀರಣಃ ॥ ೨೪॥

ವಿಭೀಷಣಪ್ರಿಯಃ ಶೂರಃ ಪಿಪ್ಪಲಾಶ್ರಯಸಿದ್ಧಿದಃ ।
ಸಿದ್ಧಃ ಸಿದ್ಧಾಶ್ರಯಃ ಕಾಲಃ ಕಾಲಭಕ್ಷಕಪೂಜಿತಃ ॥ ೨೫॥

ಲಙ್ಕೇಶನಿಧನಸ್ಥಾಯೀ ಲಙ್ಕಾದಾಹಕ ಈಶ್ವರಃ ।
ಚನ್ದ್ರಸೂರ್ಯಾಗ್ನಿನೇತ್ರಶ್ಚ ಕಾಲಾಗ್ನಿಃ ಪ್ರಲಯಾನ್ತಕಃ ॥ ೨೬॥

ಕಪಿಲಃ ಕಪಿಶಃ ಪುಣ್ಯರಾತಿರ್ದ್ವಾದಶರಾಶಿಗಃ ।
ಸರ್ವಾಶ್ರಯೋಽಪ್ರಮೇಯಾತ್ಮಾ ರೇವತ್ಯಾದಿನಿವಾರಕಃ ॥ ೨೭॥

ಲಕ್ಷ್ಮಣಪ್ರಾಣದಾತಾ ಚ ಸೀತಾಜೀವನಹೇತುಕಃ ।
ರಾಮಧ್ಯಾಯೀ ಹೃಷೀಕೇಶೋ ವಿಷ್ಣುಭಕ್ತೋ ಜಟೀ ಬಲೀ ॥ ೨೮॥

ದೇವಾರಿದರ್ಪಹಾ ಹೋತಾ ಧಾತಾ ಕರ್ತಾ ಜಗತ್ಪ್ರಭುಃ ।
ನಗರಗ್ರಾಮಪಾಲಶ್ಚ ಶುದ್ಧೋ ಬುದ್ಧೋ ನಿರನ್ತರಃ ॥ ೨೯॥

ನಿರಞ್ಜನೋ ನಿರ್ವಿಕಲ್ಪೋ ಗುಣಾತೀತೋ ಭಯಙ್ಕರಃ ।
ಹನುಮಾಂಶ್ಚ ದುರಾರಾಧ್ಯಸ್ತಪಃಸಾಧ್ಯೋ ಮಹೇಶ್ವರಃ ॥ ೩೦॥

ಜಾನಕೀಘನಶೋಕೋತ್ಥತಾಪಹರ್ತಾ ಪರಾಶರಃ ।
ವಾಙ್ಮಯಃ ಸದಸದ್ರೂಪಃ ಕಾರಣಂ ಪ್ರಕೃತೇಃ ಪರಃ ॥ ೩೧॥

ಭಾಗ್ಯದೋ ನಿರ್ಮಲೋ ನೇತಾ ಪುಚ್ಛಲಙ್ಕಾವಿದಾಹಕಃ ।
ಪುಚ್ಛಬದ್ಧೋ ಯಾತುಧಾನೋ ಯಾತುಧಾನರಿಪುಪ್ರಿಯಃ ॥ ೩೨॥

ಛಾಯಾಪಹಾರೀ ಭೂತೇಶೋ ಲೋಕೇಶಃ ಸದ್ಗತಿಪ್ರದಃ ।
ಪ್ಲವಙ್ಗಮೇಶ್ವರಃ ಕ್ರೋಧಃ ಕ್ರೋಧಸಂರಕ್ತಲೋಚನಃ ॥ ೩೩॥

ಕ್ರೋಧಹರ್ತಾ ತಾಪಹರ್ತಾ ಭಕ್ತಾಭಯವರಪ್ರದಃ ।
ಭಕ್ತಾನುಕಮ್ಪೀ ವಿಶ್ವೇಶಃ ಪುರುಹೂತಃ ಪುರನ್ದರಃ ॥ ೩೪॥

ಅಗ್ನಿರ್ವಿಭಾವಸುರ್ಭಾಸ್ವಾನ್ ಯಮೋ ನಿರೃತಿರೇವ ಚ ।
ವರುಣೋ ವಾಯುಗತಿಮಾನ್ ವಾಯುಃ ಕುಬೇರ ಈಶ್ವರಃ ॥ ೩೫॥

ರವಿಶ್ಚನ್ದ್ರಃ ಕುಜಃ ಸೌಮ್ಯೋ ಗುರುಃ ಕಾವ್ಯಃ ಶನೈಶ್ಚರಃ ।
ರಾಹುಃ ಕೇತುರ್ಮರುದ್ದಾತಾ ಧಾತಾ ಹರ್ತಾ ಸಮೀರಜಃ ॥ ೩೬॥

ಮಶಕೀಕೃತದೇವಾರಿರ್ದೈತ್ಯಾರಿರ್ಮಧೂಸೂದನಃ ।
ಕಾಮಃ ಕಪಿಃ ಕಾಮಪಾಲಃ ಕಪಿಲೋ ವಿಶ್ವಜೀವನಃ ॥ ೩೭॥

ಭಾಗೀರಥೀಪದಾಮ್ಭೋಜಃ ಸೇತುಬನ್ಧವಿಶಾರದಃ ।
ಸ್ವಾಹಾ ಸ್ವಧಾ ಹವಿಃ ಕವ್ಯಂ ಹವ್ಯವಾಹಃ ಪ್ರಕಾಶಕಃ ॥ ೩೮॥

ಸ್ವಪ್ರಕಾಶೋ ಮಹಾವೀರೋ ಮಧುರೋಽಮಿತವಿಕ್ರಮಃ ।
ಉಡ್ಡೀನೋಡ್ಡೀನಗತಿಮಾನ್ ಸದ್ಗತಿಃ ಪುರುಷೋತ್ತಮಃ ॥

ಜಗದಾತ್ಮಾ ಜಗದ್ಯೋನಿರ್ಜಗದನ್ತೋ ಹ್ಯನನ್ತರಃ ।
ವಿಪಾಪ್ಮಾ ನಿಷ್ಕಲಙ್ಕೋಽಥ ಮಹಾನ್ ಮಹದಹಙ್ಕೃತಿಃ ॥ ೪೦॥

ಖಂ ವಾಯುಃ ಪೃಥಿವೀ ಚಾಪೋ ವಹ್ನಿರ್ದಿಕ್ ಕಾಲ ಏಕಲಃ ।
ಕ್ಷೇತ್ರಜ್ಞಃ ಕ್ಷೇತ್ರಪಾಲಶ್ಚ ಪಲ್ವಲೀಕೃತಸಾಗರಃ ॥ ೪೧॥

ಹಿರಣ್ಮಯಃ ಪುರಾಣಶ್ಚ ಖೇಚರೋ ಭೂಚರೋ ಮನುಃ ।
ಹಿರಣ್ಯಗರ್ಭಃ ಸೂತ್ರಾತ್ಮಾ ರಾಜರಾಜೋ ವಿಶಾಂ ಪತಿಃ ॥ ೪೨॥

ವೇದಾನ್ತವೇದ್ಯ ಉದ್ಗೀಥೋ ವೇದಾಙ್ಗೋ ವೇದಪಾರಗಃ ।
ಪ್ರತಿಗ್ರಾಮಸ್ಥಿತಃ ಸದ್ಯಃ ಸ್ಫೂರ್ತಿದಾತಾ ಗುಣಾಕರಃ ॥ ೪೩॥

ನಕ್ಷತ್ರಮಾಲೀ ಭೂತಾತ್ಮಾ ಸುರಭಿಃ ಕಲ್ಪಪಾದಪಃ ।
ಚಿನ್ತಾಮಣಿರ್ಗುಣನಿಧಿಃ ಪ್ರಜಾದ್ವಾರಮನುತ್ತಮಃ ॥ ೪೪॥

ಪುಣ್ಯಶ್ಲೋಕಃ ಪುರಾರಾತಿಃ ಮತಿಮಾನ್ ಶರ್ವರೀಪತಿಃ ।
ಕಿಲ್ಕಿಲಾರಾವಸನ್ತ್ರಸ್ತಭೂತಪ್ರೇತಪಿಶಾಚಕಃ ॥ ೪೫॥

ಋಣತ್ರಯಹರಃ ಸೂಕ್ಷ್ಮಃ ಸ್ಥೂಲಃ ಸರ್ವಗತಿಃ ಪುಮಾನ್ ।
ಅಪಸ್ಮಾರಹರಃ ಸ್ಮರ್ತಾ ಶ್ರುತಿರ್ಗಾಥಾ ಸ್ಮೃತಿರ್ಮನುಃ ॥ ೪೬॥

ಸ್ವರ್ಗದ್ವಾರಂ ಪ್ರಜಾದ್ವಾರಂ ಮೋಕ್ಷದ್ವಾರಂ ಯತೀಶ್ವರಃ ।
ನಾದರೂಪಂ ಪರಂ ಬ್ರಹ್ಮ ಬ್ರಹ್ಮ ಬ್ರಹ್ಮಪುರಾತನಃ ॥ ೪೭॥

ಏಕೋಽನೇಕೋ ಜನಃ ಶುಕ್ಲಃ ಸ್ವಯಞ್ಜ್ಯೋತಿರನಾಕುಲಃ ।
ಜ್ಯೋತಿರ್ಜ್ಯೋತಿರನಾದಿಶ್ಚ ಸಾತ್ವಿಕೋ ರಾಜಸಸ್ತಮಃ ॥ ೪೮॥

ತಮೋಹರ್ತಾ ನಿರಾಲಮ್ಬೋ ನಿರಾಕಾರೋ ಗುಣಾಕರಃ ।
ಗುಣಾಶ್ರಯೋ ಗುಣಮಯೋ ಬೃಹತ್ಕಾಯೋ ಬೃಹದ್ಯಶಾಃ ॥

ಬೃಹದ್ಧನುರ್ಬೃಹತ್ಪಾದೋ ಬೃಹನ್ಮೂರ್ಧಾ ಬೃಹತ್ಸ್ವನಃ ।
ಬೃಹತ್ಕರ್ಣೋ ಬೃಹನ್ನಾಸೋ ಬೃಹದ್ಬಾಹುರ್ಬೃಹತ್ತನುಃ ॥ ೫೦॥

ಬೃಹದ್ಗಲೋ ಬೃಹತ್ಕಾಯೋ ಬೃಹತ್ಪುಚ್ಛೋ ಬೃಹತ್ಕರಃ ।
ಬೃಹದ್ಗತಿರ್ಬೃಹತ್ಸೇವೋ ಬೃಹಲ್ಲೋಕಫಲಪ್ರದಃ ॥ ೫೧॥

ಬೃಹದ್ಭಕ್ತಿರ್ಬೃಹದ್ವಾಞ್ಛಾಫಲದೋ ಬೃಹದೀಶ್ವರಃ ।
ಬೃಹಲ್ಲೋಕನುತೋ ದ್ರಷ್ಟಾ ವಿದ್ಯಾದಾತಾ ಜಗದ್ಗುರುಃ ॥ ೫೨॥

ದೇವಾಚಾರ್ಯಃ ಸತ್ಯವಾದೀ ಬ್ರಹ್ಮವಾದೀ ಕಲಾಧರಃ ।
ಸಪ್ತಪಾತಾಲಗಾಮೀ ಚ ಮಲಯಾಚಲಸಂಶ್ರಯಃ ॥ ೫೩॥

ಉತ್ತರಾಶಾಸ್ಥಿತಃ ಶ್ರೀಶೋ ದಿವ್ಯೌಷಧಿವಶಃ ಖಗಃ ।
ಶಾಖಾಮೃಗಃ ಕಪೀನ್ದ್ರೋಽಥ ಪುರಾಣಃ ಪ್ರಾಣಚಞ್ಚುರಃ ॥ ೫೪॥

ಚತುರೋ ಬ್ರಾಹ್ಮಣೋ ಯೋಗೀ ಯೋಗಿಗಮ್ಯಃ ಪರೋಽವರಃ ।
ಅನಾದಿನಿಧನೋ ವ್ಯಾಸೋ ವೈಕುಣ್ಠಃ ಪೃಥಿವೀಪತಿಃ ॥ ೫೫॥

ಅಪರಾಜಿತೋ ಜಿತಾರಾತಿಃ ಸದಾನನ್ದದ ಈಶಿತಾ ।
ಗೋಪಾಲೋ ಗೋಪತಿರ್ಯೋದ್ಧಾ ಕಲಿಃ ಸ್ಫಾಲಃ ಪರಾತ್ಪರಃ ॥ ೫೬॥

ಮನೋವೇಗೀ ಸದಾಯೋಗೀ ಸಂಸಾರಭಯನಾಶನಃ ।
ತತ್ತ್ವದಾತಾಽಥ ತತ್ತ್ವಜ್ಞಸ್ತತ್ತ್ವಂ ತತ್ತ್ವಪ್ರಕಾಶಕಃ ॥ ೫೭॥

ಶುದ್ಧೋ ಬುದ್ಧೋ ನಿತ್ಯಯುಕ್ತೋ ಭಕ್ತಾಕಾರೋ ಜಗದ್ರಥಃ ।
ಪ್ರಲಯೋಽಮಿತಮಾಯಶ್ಚ ಮಾಯಾತೀತೋ ವಿಮತ್ಸರಃ ॥ ೫೮॥

ಮಾಯಾನಿರ್ಜಿತರಕ್ಷಾಶ್ಚ ಮಾಯಾನಿರ್ಮಿತವಿಷ್ಟಪಃ ।
ಮಾಯಾಶ್ರಯಶ್ಚ ನಿಲೇರ್ಪೋ ಮಾಯಾನಿರ್ವರ್ತಕಃ ಸುಖೀ ॥

ಸುಖೀ(ಖಂ) ಸುಖಪ್ರದೋ ನಾಗೋ ಮಹೇಶಕೃತಸಂಸ್ತವಃ ।
ಮಹೇಶ್ವರಃ ಸತ್ಯಸನ್ಧಃ ಶರಭಃ ಕಲಿಪಾವನಃ ॥ ೬೦॥

ರಸೋ ರಸಜ್ಞಃ ಸನ್ಮಾನೋ ರೂಪಂ ಚಕ್ಷುಃ ಶ್ರುತೀ ರವಃ ।
ಘ್ರಾಣಂ ಗನ್ಧಃ ಸ್ಪರ್ಶನಂ ಚ ಸ್ಪರ್ಶೋ ಹಿಙ್ಕಾರಮಾನಗಃ ॥ ೬೧॥

ನೇತಿ ನೇತೀತಿ ಗಮ್ಯಶ್ಚ ವೈಕುಣ್ಠಭಜನಪ್ರಿಯಃ ।
ಗಿರಿಶೋ ಗಿರಿಜಾಕಾನ್ತೋ ದುರ್ವಾಸಾಃ ಕವಿರಙ್ಗಿರಾಃ ॥ ೬೨॥

ಭೃಗುರ್ವಸಿಷ್ಠಶ್ಚ್ಯವನೋ ನಾರದಸ್ತುಮ್ಬುರುರ್ಹರಃ ।
ವಿಶ್ವಕ್ಷೇತ್ರಂ ವಿಶ್ವಬೀಜಂ ವಿಶ್ವನೇತ್ರಂ ಚ ವಿಶ್ವಪಃ ॥ ೬೩॥

ಯಾಜಕೋ ಯಜಮಾನಶ್ಚ ಪಾವಕಃ ಪಿತರಸ್ತಥಾ ।
ಶ್ರದ್ಧಾ ಬುದ್ಧಿಃ ಕ್ಷಮಾ ತನ್ದ್ರಾ ಮನ್ತ್ರೋ ಮನ್ತ್ರಯಿತಾ ಸುರಃ ॥ ೬೪॥

ರಾಜೇನ್ದ್ರೋ ಭೂಪತೀ ರೂಢೋ ಮಾಲೀ ಸಂಸಾರಸಾರಥಿಃ ।
ನಿತ್ಯಃ ಸಮ್ಪೂರ್ಣಕಾಮಶ್ಚ ಭಕ್ತಕಾಮಧುಗುತ್ತಮಃ ॥ ೬೫॥

ಗಣಪಃ ಕೇಶವೋ ಭ್ರಾತಾ ಪಿತಾ ಮಾತಾಽಥ ಮಾರುತಿಃ ।
ಸಹಸ್ರಮೂರ್ಧಾ ಸಹಸ್ರಾಸ್ಯಃ ಸಹಸ್ರಾಕ್ಷಃ ಸಹಸ್ರಪಾತ್ ॥ ೬೬॥

ಕಾಮಜಿತ್ ಕಾಮದಹನಃ ಕಾಮಃ ಕಾಮ್ಯಫಲಪ್ರದಃ ।
ಮುದ್ರೋಪಹಾರೀ ರಕ್ಷೋಘ್ನಃ ಕ್ಷಿತಿಭಾರಹರೋ ಬಲಃ ॥ ೬೭॥

ನಖದಂಷ್ಟ್ರಾಯುಧೋ ವಿಷ್ಣುಭಕ್ತೋ ಭಕ್ತಾಭಯಪ್ರದಃ ।
ದರ್ಪಹಾ ದರ್ಪದೋ ದಂಷ್ಟ್ರಾಶತಮೂರ್ತಿರಮೂರ್ತಿಮಾನ್ ॥ ೬೮॥

ಮಹಾನಿಧಿರ್ಮಹಾಭಾಗೋ ಮಹಾಭರ್ಗೋ ಮಹರ್ದ್ಧಿದಃ ।
ಮಹಾಕಾರೋ ಮಹಾಯೋಗೀ ಮಹಾತೇಜಾ ಮಹಾದ್ಯುತಿಃ ॥

ಮಹಾಕರ್ಮಾ ಮಹಾನಾದೋ ಮಹಾಮನ್ತ್ರೋ ಮಹಾಮತಿಃ ।
ಮಹಾಶಮೋ ಮಹೋದಾರೋ ಮಹಾದೇವಾತ್ಮಕೋ ವಿಭುಃ ॥ ೭೦॥

ರುದ್ರಕರ್ಮಾ ಕ್ರೂರಕರ್ಮಾ ರತ್ನನಾಭಃ ಕೃತಾಗಮಃ ।
ಅಮ್ಭೋಧಿಲಙ್ಘನಃ ಸಿದ್ಧಃ ಸತ್ಯಧರ್ಮಾ ಪ್ರಮೋದನಃ ॥ ೭೧॥

ಜಿತಾಮಿತ್ರೋ ಜಯಃ ಸೋಮೋ ವಿಜಯೋ ವಾಯುವಾಹನಃ ।
ಜೀವೋ ಧಾತಾ ಸಹಸ್ರಾಂಶುರ್ಮುಕುನ್ದೋ ಭೂರಿದಕ್ಷಿಣಃ ॥ ೭೨॥

ಸಿದ್ಧಾರ್ಥಃ ಸಿದ್ಧಿದಃ ಸಿದ್ಧಃ ಸಙ್ಕಲ್ಪಃ ಸಿದ್ಧಿಹೇತುಕಃ ।
ಸಪ್ತಪಾತಾಲಚರಣಃ ಸಪ್ತರ್ಷಿಗಣವನ್ದಿತಃ ॥ ೭೩॥

ಸಪ್ತಾಬ್ಧಿಲಙ್ಘನೋ ವೀರಃ ಸಪ್ತದ್ವೀಪೋರುಮಣ್ಡಲಃ ।
ಸಪ್ತಾಙ್ಗರಾಜ್ಯಸುಖದಃ ಸಪ್ತಮಾತೃನಿಷೇವಿತಃ ॥ ೭೪॥

ಸಪ್ತಲೋಕೈಕಮಕುಟಃ ಸಪ್ತಹೋತ್ರಃ ಸ್ವರಾಶ್ರಯಃ ।
ಸಪ್ತಸಾಮೋಪಗೀತಶ್ಚ ಸಪ್ತಪಾತಾಲಸಂಶ್ರಯಃ ॥ ೭೫॥

ಸಪ್ತಚ್ಛನ್ದೋನಿಧಿಃ ಸಪ್ತಚ್ಛನ್ದಃ ಸಪ್ತಜನಾಶ್ರಯಃ ।
ಮೇಧಾದಃ ಕೀರ್ತಿದಃ ಶೋಕಹಾರೀ ದೌರ್ಭಾಗ್ಯನಾಶನಃ ॥ ೭೬॥

ಸರ್ವವಶ್ಯಕರೋ ಗರ್ಭದೋಷಹಾ ಪುತ್ರಪೌತ್ರದಃ ।
ಪ್ರತಿವಾದಿಮುಖಸ್ತಮ್ಭೋ ರುಷ್ಟಚಿತ್ತಪ್ರಸಾದನಃ ॥ ೭೭॥

ಪರಾಭಿಚಾರಶಮನೋ ದುಃಖಹಾ ಬನ್ಧಮೋಕ್ಷದಃ ।
ನವದ್ವಾರಪುರಾಧಾರೋ ನವದ್ವಾರನಿಕೇತನಃ ॥ ೭೮॥

ನರನಾರಾಯಣಸ್ತುತ್ಯೋ ನವನಾಥಮಹೇಶ್ವರಃ ।
ಮೇಖಲೀ ಕವಚೀ ಖಡ್ಗೀ ಭ್ರಾಜಿಷ್ಣುರ್ಜಿಷ್ಣುಸಾರಥಿಃ ॥

ಬಹುಯೋಜನವಿಸ್ತೀರ್ಣಪುಚ್ಛಃ ಪುಚ್ಛಹತಾಸುರಃ ।
ದುಷ್ಟಹನ್ತಾ ನಿಯಮಿತಾ ಪಿಶಾಚಗ್ರಹಶಾತನಃ ॥ ೮೦॥

ಬಾಲಗ್ರಹವಿನಾಶೀ ಚ ಧರ್ಮನೇತಾ ಕೃಪಾಕರಃ ।
ಉಗ್ರಕೃತ್ಯಶ್ಚೋಗ್ರವೇಗ ಉಗ್ರನೇತ್ರಃ ಶತಕ್ರತುಃ ॥ ೮೧॥

ಶತಮನ್ಯುಸ್ತುತಃ ಸ್ತುತ್ಯಃ ಸ್ತುತಿಃ ಸ್ತೋತಾ ಮಹಾಬಲಃ ।
ಸಮಗ್ರಗುಣಶಾಲೀ ಚ ವ್ಯಗ್ರೋ ರಕ್ಷೋವಿನಾಶನಃ ॥ ೮೨॥

ರಕ್ಷೋಽಗ್ನಿದಾವೋ ಬ್ರಹ್ಮೇಶಃ ಶ್ರೀಧರೋ ಭಕ್ತವತ್ಸಲಃ ।
ಮೇಘನಾದೋ ಮೇಘರೂಪೋ ಮೇಘವೃಷ್ಟಿನಿವಾರಣಃ ॥ ೮೩॥

ಮೇಘಜೀವನಹೇತುಶ್ಚ ಮೇಘಶ್ಯಾಮಃ ಪರಾತ್ಮಕಃ ।
ಸಮೀರತನಯೋ ಧಾತಾ ತತ್ತ್ವವಿದ್ಯಾವಿಶಾರದಃ ॥ ೮೪॥

ಅಮೋಘೋಽಮೋಘವೃಷ್ಟಿಶ್ಚಾಭೀಷ್ಟದೋಽನಿಷ್ಟನಾಶನಃ ।
ಅರ್ಥೋಽನರ್ಥಾಪಹಾರೀ ಚ ಸಮರ್ಥೋ ರಾಮಸೇವಕಃ ॥ ೮೫॥

ಅರ್ಥೀ ಧನ್ಯೋಽಸುರಾರಾತಿಃ ಪುಣ್ಡರೀಕಾಕ್ಷ ಆತ್ಮಭೂಃ ।
ಸಙ್ಕರ್ಷಣೋ ವಿಶುದ್ಧಾತ್ಮಾ ವಿದ್ಯಾರಾಶಿಃ ಸುರೇಶ್ವರಃ ॥ ೮೬॥

ಅಚಲೋದ್ಧಾರಕೋ ನಿತ್ಯಃ ಸೇತುಕೃದ್ರಾಮಸಾರಥಿಃ ।
ಆನನ್ದಃ ಪರಮಾನನ್ದೋ ಮತ್ಸ್ಯಃ ಕೂರ್ಮೋ ನಿಧಿಃ ಶಯಃ ॥ ೮೭॥

ವರಾಹೋ ನಾರಸಿಂಹಶ್ಚ ವಾಮನೋ ಜಮದಗ್ನಿಜಃ ।
ರಾಮಃ ಕೃಷ್ಣಃ ಶಿವೋ ಬುದ್ಧಃ ಕಲ್ಕೀ ರಾಮಾಶ್ರಯೋ ಹರಿಃ ॥ ೮೮॥

ನನ್ದೀ ಭೃಙ್ಗೀ ಚ ಚಣ್ಡೀ ಚ ಗಣೇಶೋ ಗಣಸೇವಿತಃ ।
ಕರ್ಮಾಧ್ಯಕ್ಷಃ ಸುರಾರಾಮೋ ವಿಶ್ರಾಮೋ ಜಗತೀಪತಿಃ ॥

ಜಗನ್ನಾಥಃ ಕಪೀಶಶ್ಚ ಸರ್ವಾವಾಸಃ ಸದಾಶ್ರಯಃ ।
ಸುಗ್ರೀವಾದಿಸ್ತುತೋ ದಾನ್ತಃ ಸರ್ವಕರ್ಮಾ ಪ್ಲವಙ್ಗಮಃ ॥ ೯೦॥

ನಖದಾರಿತರಕ್ಷಶ್ಚ ನಖಯುದ್ಧವಿಶಾರದಃ ।
ಕುಶಲಃ ಸುಧನಃ ಶೇಷೋ ವಾಸುಕಿಸ್ತಕ್ಷಕಸ್ತಥಾ ॥ ೯೧॥

ಸ್ವರ್ಣವರ್ಣೋ ಬಲಾಢ್ಯಶ್ಚ ಪುರುಜೇತಾಽಘನಾಶನಃ ।
ಕೈವಲ್ಯದೀಪಃ ಕೈವಲ್ಯೋ ಗರುಡಃ ಪನ್ನಗೋ ಗುರುಃ ॥ ೯೨॥

ಕ್ಲೀಕ್ಲೀರಾವಹತಾರಾತಿಗರ್ವಃ ಪರ್ವತಭೇದನಃ ।
ವಜ್ರಾಙ್ಗೋ ವಜ್ರವಕ್ತ್ರಶ್ಚ ಭಕ್ತವಜ್ರನಿವಾರಕಃ ॥ ೯೩॥

ನಖಾಯುಧೋ ಮಣಿಗ್ರೀವೋ ಜ್ವಾಲಾಮಾಲೀ ಚ ಭಾಸ್ಕರಃ ।
ಪ್ರೌಢಪ್ರತಾಪಸ್ತಪನೋ ಭಕ್ತತಾಪನಿವಾರಕಃ ॥ ೯೪॥

ಶರಣಂ ಜೀವನಂ ಭೋಕ್ತಾ ನಾನಾಚೇಷ್ಟೋಽಥ ಚಞ್ಚಲಃ ।
ಸ್ವಸ್ಥಸ್ತ್ವಸ್ವಾಸ್ಥ್ಯಹಾ ದುಃಖಶಾತನಃ ಪವನಾತ್ಮಜಃ ॥ ೯೫॥

ಪವನಃ ಪಾವನಃ ಕಾನ್ತೋ ಭಕ್ತಾಙ್ಗಃ ಸಹನೋ ಬಲಃ ।
ಮೇಘನಾದರಿಪುರ್ಮೇಘನಾದಸಂಹೃತರಾಕ್ಷಸಃ ॥ ೯೬॥

ಕ್ಷರೋಽಕ್ಷರೋ ವಿನೀತಾತ್ಮಾ ವಾನರೇಶಃ ಸತಾಙ್ಗತಿಃ ।
ಶ್ರೀಕಣ್ಠಃ ಶಿತಿಕಣ್ಠಶ್ಚ ಸಹಾಯಃ ಸಹನಾಯಕಃ ॥ ೯೭॥

ಅಸ್ಥೂಲಸ್ತ್ವನಣುರ್ಭರ್ಗೋ ದೇವಸಂಸೃತಿನಾಶನಃ ।
ಅಧ್ಯಾತ್ಮವಿದ್ಯಾಸಾರಶ್ಚಾಪ್ಯಧ್ಯಾತ್ಮಕುಶಲಃ ಸುಧೀಃ ॥ ೯೮॥

ಅಕಲ್ಮಷಃ ಸತ್ಯಹೇತುಃ ಸತ್ಯದಃ ಸತ್ಯಗೋಚರಃ ।
ಸತ್ಯಗರ್ಭಃ ಸತ್ಯರೂಪಃ ಸತ್ಯಃ ಸತ್ಯಪರಾಕ್ರಮಃ ॥ ೯೯॥

ಅಞ್ಜನಾಪ್ರಾಣಲಿಙ್ಗಂ ಚ ವಾಯುವಂಶೋದ್ಭವಃ ಶ್ರುತಿಃ ।
ಭದ್ರರೂಪೋ ರುದ್ರರೂಪಃ ಸುರೂಪಶ್ಚಿತ್ರರೂಪಧೃಕ್ ॥ ೧೦೦॥

ಮೈನಾಕವನ್ದಿತಃ ಸೂಕ್ಷ್ಮದರ್ಶನೋ ವಿಜಯೋ ಜಯಃ ।
ಕ್ರಾನ್ತದಿಙ್ಮಣ್ಡಲೋ ರುದ್ರಃ ಪ್ರಕಟೀಕೃತವಿಕ್ರಮಃ ॥ ೧೦೧॥

ಕಮ್ಬುಕಣ್ಠಃ ಪ್ರಸನ್ನಾತ್ಮಾ ಹ್ರಸ್ವನಾಸೋ ವೃಕೋದರಃ ।
ಲಮ್ಬೋಷ್ಠಃ ಕುಣ್ಡಲೀ ಚಿತ್ರಮಾಲೀ ಯೋಗವಿದಾಂ ವರಃ ॥ ೧೦೨॥

ವಿಪಶ್ಚಿತ್ ಕವಿರಾನನ್ದವಿಗ್ರಹೋಽನಲ್ಪನಾಶನಃ ।
ಫಾಲ್ಗುನೀಸೂನುರವ್ಯಗ್ರೋ ಯೋಗಾತ್ಮಾ ಯೋಗತತ್ಪರಃ ॥ ೧೦೩॥

ಯೋಗವಿದ್ಯೋಗಕರ್ತಾ ಚ ಯೋಗಯೋನಿರ್ದಿಗಮ್ಬರಃ ।
ಅಕಾರಾದಿಕ್ಷಕಾರಾನ್ತವರ್ಣನಿರ್ಮಿತವಿಗ್ರಹಃ ॥ ೧೦೪॥

ಉಲೂಖಲಮುಖಃ ಸಿದ್ಧಸಂಸ್ತುತಃ ಪರಮೇಶ್ವರಃ ।
ಶ್ಲಿಷ್ಟಜಙ್ಘಃ ಶ್ಲಿಷ್ಟಜಾನುಃ ಶ್ಲಿಷ್ಟಪಾಣಿಃ ಶಿಖಾಧರಃ ॥ ೧೦೫॥

ಸುಶರ್ಮಾಽಮಿತಧರ್ಮಾ ಚ ನಾರಾಯಣಪರಾಯಣಃ ।
ಜಿಷ್ಣುರ್ಭವಿಷ್ಣೂ ರೋಚಿಷ್ಣುರ್ಗ್ರಸಿಷ್ಣುಃ ಸ್ಥಾಣುರೇವ ಚ ॥ ೧೦೬॥

ಹರೀ ರುದ್ರಾನುಕೃದ್ವೃಕ್ಷಕಮ್ಪನೋ ಭೂಮಿಕಮ್ಪನಃ ।
ಗುಣಪ್ರವಾಹಃ ಸೂತ್ರಾತ್ಮಾ ವೀತರಾಗಃ ಸ್ತುತಿಪ್ರಿಯಃ ॥ ೧೦೭॥

ನಾಗಕನ್ಯಾಭಯಧ್ವಂಸೀ ಕೃತಪೂರ್ಣಃ ಕಪಾಲಭೃತ್ ।
ಅನುಕೂಲೋಽಕ್ಷಯೋಽಪಾಯೋಽನಪಾಯೋ ವೇದಪಾರಗಃ ॥ ೧೦೮॥

ಅಕ್ಷರಃ ಪುರುಷೋ ಲೋಕನಾಥಸ್ತ್ರ್ಯಕ್ಷಃ ಪ್ರಭುರ್ದೃಢಃ ।
ಅಷ್ಟಾಙ್ಗಯೋಗಫಲಭೂಃ ಸತ್ಯಸನ್ಧಃ ಪುರುಷ್ಟುತಃ ॥ ೧೦೯॥

ಶ್ಮಶಾನಸ್ಥಾನನಿಲಯಃ ಪ್ರೇತವಿದ್ರಾವಣಕ್ಷಮಃ ।
ಪಞ್ಚಾಕ್ಷರಪರಃ ಪಞ್ಚಮಾತೃಕೋ ರಞ್ಜನೋ ಧ್ವಜಃ ॥ ೧೧೦॥

ಯೋಗಿನೀವೃನ್ದವನ್ದ್ಯಶ್ರೀಃ ಶತ್ರುಘ್ನೋಽನನ್ತವಿಕ್ರಮಃ ।
ಬ್ರಹ್ಮಚಾರೀನ್ದ್ರಿಯವಪುರ್ಧೃತದಣ್ಡೋ ದಶಾತ್ಮಕಃ ॥ ೧೧೧॥

ಅಪ್ರಪಞ್ಚಃ ಸದಾಚಾರಃ ಶೂರಸೇನೋ ವಿದಾರಕಃ ।
ಬುದ್ಧಃ ಪ್ರಮೋದ ಆನನ್ದಃ ಸಪ್ತಜಿಹ್ವಪತಿರ್ಧರಃ ॥ ೧೧೨॥

ನವದ್ವಾರಪುರಾಧಾರಃ ಪ್ರತ್ಯಗ್ರಃ ಸಾಮಗಾಯನಃ ।
ಷಟ್ಚಕ್ರಧಾಮಾ ಸ್ವರ್ಲೋಕಭಯಹೃನ್ಮಾನದೋ ಮದಃ ॥ ೧೧೩॥

ಸರ್ವವಶ್ಯಕರಃ ಶಕ್ತಿರನನ್ತೋಽನನ್ತಮಙ್ಗಲಃ ।
ಅಷ್ಟಮೂರ್ತಿಧರೋ ನೇತಾ ವಿರೂಪಃ ಸ್ವರಸುನ್ದರಃ ॥ ೧೧೪॥

ಧೂಮಕೇತುರ್ಮಹಾಕೇತುಃ ಸತ್ಯಕೇತುರ್ಮಹಾರಥಃ ।
ನನ್ದೀಪ್ರಿಯಃ ಸ್ವತನ್ತ್ರಶ್ಚ ಮೇಖಲೀ ಡಮರುಪ್ರಿಯಃ ॥ ೧೧೫॥

ಲೋಹಿತಾಙ್ಗಃ ಸಮಿದ್ವಹ್ನಿಃ ಷಡೃತುಃ ಶರ್ವ ಈಶ್ವರಃ ।
ಫಲಭುಕ್ ಫಲಹಸ್ತಶ್ಚ ಸರ್ವಕರ್ಮಫಲಪ್ರದಃ ॥ ೧೧೬॥

ಧರ್ಮಾಧ್ಯಕ್ಷೋ ಧರ್ಮಫಲೋ ಧರ್ಮೋ ಧರ್ಮಪ್ರದೋಽರ್ಥದಃ ।
ಪಞ್ಚವಿಂಶತಿತತ್ತ್ವಜ್ಞಸ್ತಾರಕೋ ಬ್ರಹ್ಮತತ್ಪರಃ ॥ ೧೧೭॥

ತ್ರಿಮಾರ್ಗವಸತಿರ್ಭೀಮಃ ಸರ್ವದುಷ್ಟನಿಬರ್ಹಣಃ ।
ಊರ್ಜಃಸ್ವಾಮೀ ಜಲಸ್ವಾಮೀ ಶೂಲೀ ಮಾಲೀ ನಿಶಾಕರಃ ॥ ೧೧೮॥

ರಕ್ತಾಮ್ಬರಧರೋ ರಕ್ತೋ ರಕ್ತಮಾಲ್ಯವಿಭೂಷಣಃ ।
ವನಮಾಲೀ ಶುಭಾಙ್ಗಶ್ಚ ಶ್ವೇತಃ ಶ್ವೇತಾಮ್ಬರೋ ಯುವಾ ॥ ೧೧೯॥

ಜಯೋಽಜೇಯಪರೀವಾರಃ ಸಹಸ್ರವದನಃ ಕವಿಃ ।
ಶಾಕಿನೀಡಾಕಿನೀಯಕ್ಷರಕ್ಷೋಭೂತಪ್ರಭಞ್ಜನಃ ॥ ೧೨೦॥

ಸದ್ಯೋಜಾತಃ ಕಾಮಗತಿರ್ಜ್ಞಾನಮೂರ್ತಿರ್ಯಶಸ್ಕರಃ ।
ಶಮ್ಭುತೇಜಾಃ ಸಾರ್ವಭೌಮೋ ವಿಷ್ಣುಭಕ್ತಃ ಪ್ಲವಙ್ಗಮಃ ॥ ೧೨೧॥

ಚತುರ್ಣವತಿಮನ್ತ್ರಜ್ಞಃ ಪೌಲಸ್ತ್ಯಬಲದರ್ಪಹಾ ।
ಸರ್ವಲಕ್ಷ್ಮೀಪ್ರದಃ ಶ್ರೀಮಾನಙ್ಗದಪ್ರಿಯವರ್ಧನಃ ॥ ೧೨೨॥

ಸ್ಮೃತಿಬೀಜಂ ಸುರೇಶಾನಃ ಸಂಸಾರಭಯನಾಶನಃ ।
ಉತ್ತಮಃ ಶ್ರೀಪರೀವಾರಃ ಶ್ರೀಭೂರುಗ್ರಶ್ಚ ಕಾಮಧುಕ್ ॥ ೧೨೩॥

ಸದಾಗತಿರ್ಮಾತರಿಶ್ವಾ ರಾಮಪಾದಾಬ್ಜಷಟ್ಪದಃ ।
ನೀಲಪ್ರಿಯೋ ನೀಲವರ್ಣೋ ನೀಲವರ್ಣಪ್ರಿಯಃ ಸುಹೃತ್ ॥ ೧೨೪॥

ರಾಮದೂತೋ ಲೋಕಬನ್ಧುರನ್ತರಾತ್ಮಾ ಮನೋರಮಃ ।
ಶ್ರೀರಾಮಧ್ಯಾನಕೃದ್ವೀರಃ ಸದಾ ಕಿಮ್ಪುರುಷಸ್ತುತಃ ॥ ೧೨೫॥

ರಾಮಕಾರ್ಯಾನ್ತರಙ್ಗಶ್ಚ ಶುದ್ಧಿರ್ಗತಿರನಾಮಯಃ ।
ಪುಣ್ಯಶ್ಲೋಕಃ ಪರಾನನ್ದಃ ಪರೇಶಪ್ರಿಯಸಾರಥಿಃ ॥ ೧೨೬॥

ಲೋಕಸ್ವಾಮೀ ಮುಕ್ತಿದಾತಾ ಸರ್ವಕಾರಣಕಾರಣಃ ।
ಮಹಾಬಲೋ ಮಹಾವೀರಃ ಪಾರಾವಾರಗತಿರ್ಗುರುಃ ॥ ೧೨೭॥

ತಾರಕೋ ಭಗವಾಂಸ್ತ್ರಾತಾ ಸ್ವಸ್ತಿದಾತಾ ಸುಮಙ್ಗಲಃ ।
ಸಮಸ್ತಲೋಕಸಾಕ್ಷೀ ಚ ಸಮಸ್ತಸುರವನ್ದಿತಃ ।
ಅಈತಾಸಮೇತಶ್ರೀರಾಮಪಾದಸೇವಾಧುರನ್ಧರಃ ॥ ೧೨೮॥

ಇದಂ ನಾಮಸಹಸ್ರಂ ತು ಯೋಽಧೀತೇ ಪ್ರತ್ಯಹಂ ನರಃ ।
ದುಃಖೌಘೋ ನಶ್ಯತೇ ಕ್ಷಿಪ್ರಂ ಸಮ್ಪತ್ತಿರ್ವರ್ಧತೇ ಚಿರಮ್ ।
ವಶ್ಯಂ ಚತುರ್ವಿಧಂ ತಸ್ಯ ಭವತ್ಯೇವ ನ ಸಂಶಯಃ ॥ ೧೨೯॥

ರಾಜಾನೋ ರಾಜಪುತ್ರಾಶ್ಚ ರಾಜಕೀಯಾಶ್ಚ ಮನ್ತ್ರಿಣಃ ।
ತ್ರಿಕಾಲಂ ಪಠನಾದಸ್ಯ ದೃಶ್ಯನ್ತೇ ಚ ತ್ರಿಪಕ್ಷತಃ ॥ ೧೩೦॥

ಅಶ್ವತ್ಥಮೂಲೇ ಜಪತಾಂ ನಾಸ್ತಿ ವೈರಿಕೃತಂ ಭಯಮ್ ।
ತ್ರಿಕಾಲಪಠನಾದಸ್ಯ ಸಿದ್ಧಿಃ ಸ್ಯಾತ್ ಕರಸಂಸ್ಥಿತಾ ॥ ೧೩೧॥

ಬ್ರಾಹ್ಮೇ ಮುಹೂರ್ತೇ ಚೋತ್ಥಾಯ ಪ್ರತ್ಯಹಂ ಯಃ ಪಠೇನ್ನರಃ ।
ಐಹಿಕಾಮುಷ್ಮಿಕಾನ್ ಸೋಽಪಿ ಲಭತೇ ನಾತ್ರ ಸಂಶಯಃ ॥ ೧೩೨॥

ಸಙ್ಗ್ರಾಮೇ ಸನ್ನಿವಿಷ್ಟಾನಾಂ ವೈರಿವಿದ್ರಾವಣಂ ಭವೇತ್ ।
ಜ್ವರಾಪಸ್ಮಾರಶಮನಂ ಗುಲ್ಮಾದಿವ್ಯಾಧಿವಾರಣಮ್ ॥ ೧೩೩॥

ಸಾಮ್ರಾಜ್ಯಸುಖಸಮ್ಪತ್ತಿದಾಯಕಂ ಜಪತಾಂ ನೃಣಾಮ್ ।
ಯ ಇದಂ ಪಠತೇ ನಿತ್ಯಂ ಪಾಠಯೇದ್ವಾ ಸಮಾಹಿತಃ ।
ಸರ್ವಾನ್ ಕಾಮಾನವಾಪ್ನೋತಿ ವಾಯುಪುತ್ರಪ್ರಸಾದತಃ ॥ ೧೩೪॥

॥ ಶ್ರೀ ಆಞ್ಜನೇಯಸಹಸ್ರನಾಮಸ್ತೋತ್ರಂ ಹನುಮತ್ಸಹಸ್ರನಾಮಸ್ತೋತ್ರಂ ಚ ಸಮ್ಪೂರ್ಣಮ್ ॥


From Hanumatstutimanjari, Mahaperiaval Publication
Duplicate encoding by Saraswathy Ravishankar Mayavaram
Proofread by PSA Easwaran psaeaswaran at gmail.com
This text differs from commonly given in Gitapress publication
(especially verses 12, 18, and portion after 123).
That is said to be from mantramahArNava, pUrvakhaNDa, navamataranga,
and is supposed to be rAmakRitam. With such variations in Sanskrit texts,
the reader is forewarned to be practical and bring up devotion selecting any
text rather than getteing caught in details.
With such variations, there is no loss of generality.

Please send corrections to sanskrit@cheerful.com
Last updated ತ್oday
http://sanskritdocuments.org

Anjaneya Sahasranama Stotram Lyrics in Kannada PDF
% File name : anjaneya1000.itx
% Category : sahasranAma
% Location : doc\_hanumaana
% Language : Sanskrit
% Subject : philosophy/hinduism/religion
% Transliterated by : Saraswathi, Shri Devi Kumar, PSA Easwaran
% Proofread by : PSA Easwaran psaeaswaran at gmail
% Description-comments : From Hanumatstutimanjari, Mahaperiaval Publication
% Acknowledge-Permission: Late Vaidya S.V. Radhakrishna Sastri
% Latest update : April 7, 2015
% Send corrections to : Sanskrit@cheerful.com
% Site access : http://sanskritdocuments.org

%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website