શ્રીહનુમદ્વન્દનમ્
{ શ્રીહનુમદ્વન્દનમ્ }
અઞ્જનાનન્દનં વીરં જાનકીશોકનાશનમ્
કપીશમક્ષહન્તારં વન્દે લઙ્કાભયઙ્કરમ્ ૧
અઞ્જનીગર્ભસમ્ભૂત કપીન્દ્રસચિવોત્તમ
રામપ્રિય નમસ્તુભ્યં હનૂમન્ રક્ષ સર્વદા ૨
અતુલિતબલધામં સ્વર્ણશૈલાભદેહં
દનુજવનકૃશાનું જ્ઞાનિનામગ્રગણ્યમ્
સકલગુણનિધાનં વાનરાણામધીશં
રઘુપતિપ્રિયભક્તં વાતજાતં નમામિ ૩
અપરાજિત પિઙ્ગાક્ષ નમસ્તે રાજપૂજિત
દીને મયિ દયાં કૃત્વા મમ દુઃખં વિનાશય ૪
અશેષલઙ્કાપતિસૈન્યહન્તા શ્રીરામસેવાચરણૈકકર્તા
અનેકદુઃખાહતલોકગોપ્તા ત્વસૌ હનૂમાન્મમ સૌખ્યકર્તા ૫
આઞ્જનેયં પાટલાસ્યં સ્વર્ણાદ્રિસમવિગ્રહમ્
પારિજાતદ્રુમૂલસ્થં વન્દે સાધકનન્દનમ્ ૬
આઞ્જનેયમતિપાટલાનનં કાઞ્ચનાદ્રિકમનીયવિગ્રહમ્
પારિજાતતરુમૂલવાસિનં ભાવયામિ પવમાનનન્દનમ્ ૭
આધિવ્યાધિમહામારિગ્રહપીડાપહારિણે
પ્રાણાપહર્ત્રે દૈત્યાનાં રામપ્રાણાત્મને નમઃ ૮
આપન્નાખિલલોકાર્તિહારિણે શ્રીહનૂમતે
અકસ્માદાગતોત્પાતનાશનાય નમોઽસ્તુ તે ૯
ઉદ્યત્કોટ્યર્કસઙ્કાશં જગત્પ્રક્ષોભહારકમ્
શ્રીરામાઙ્ઘ્રિધ્યાનનિષ્ઠં સુગ્રીવપ્રમુખાર્ચિતમ્
વિત્રાસયન્તં નાદેન રાક્ષસાન્ મારુતિં ભજે ૧૦
ઉદ્યદાદિત્યસઙ્કાશમુદારભુજવિક્રમમ્
કન્દર્પકોટિલાવણ્યં સર્વવિદ્યાવિશારદમ્ ૧૧
શ્રીરામહૃદયાનન્દં ભક્તકલ્પમહીરુહમ્
અભયં વરદં દોર્ભ્યાં કલયે મારુતાત્મજમ્ ૧૨
ઉદ્યન્માર્તણ્ડકોટિપ્રકટરુચિયુતં ચારુવીરાસનસ્થં
મૌઞ્જીયજ્ઞોપવીતારુણરુચિરશિખાશોભનં કુણ્ડલાઙ્કમ્
ભક્તાનામિષ્ટદં તં પ્રણતમુનિજનં મેઘનાદપ્રમોદં
વન્દે દેવં વિધેયં પ્લવગકુલપતિં ગોષ્પદીભૂતવાર્ધિમ્ ૧૩
ઉલ્લઙ્ઘ્ય સિન્ધોઃ સલિલં સલીલં યઃ શોકવહ્નિં જનકાત્મજાયાઃ
આદાય તેનૈવ દદાહ લઙ્કાં નમામિ તં પ્રાઞ્જલિરાઞ્જનેયમ્ ૧૪
કદાપિ શુભ્રૈર્વરચામરૈઃ પ્રભું ગાયન્ ગુણાન્ વીજયતિ સ્થિતોઽગ્રતઃ
કદાપ્યુપશ્લોકયતિ સ્વનિર્મિતૈઃ સ્તવૈઃ શુભૈઃ શ્રીહનુમાન્ કૃતાઞ્જલિઃ૧૫
કરાત્તશૈલશસ્ત્રાય દ્રુમશસ્ત્રાય તે નમઃ
બાલૈકબ્રહ્મચર્યાય રુદ્રમૂર્તિધરાય ચ ૧૬
કારાગૃહે પ્રયાણે ચ સઙ્ગ્રામે દેશવિપ્લવે
સ્મરન્તિ ત્વાં હનૂમન્તં તેષાં નાસ્તિ વિપત્તદા ૧૭
કૃતક્રોધે યસ્મિન્નમરનગરી મઙ્ગલરવા
નવાતઙ્કા લઙ્કા સમજનિ વનં વૃશ્ચતિ સતિ
સદા સીતાકાન્તપ્રણતિમતિવિખ્યાતમહિમા
હનૂમાનવ્યાન્નઃ કપિકુલશિરોમણ્ડનમણિઃ ૧૮
ગોષ્પદીકૃતવારાશિં મશકીકૃતરાક્ષસમ્
રામાયણમહામાલારત્નં વન્દેઽનિલાત્મજમ્ ૧૯
જાનુસ્થવામબાહું ચ જ્ઞાનમુદ્રાપરં હરિમ્
અધ્યાત્મચિત્તમાસીનં કદલીવનમધ્યગમ્
બાલાર્કકોટિપ્રતિમં વન્દે જ્ઞાનપ્રદં હરિમ્ ૨૦
જ્વલત્કાઞ્ચનવર્ણાય દીર્ઘલાઙ્ગૂલધારિણે
સૌમિત્રિજયદાત્રે ચ રામદૂતાય તે નમઃ ૨૧
તપ્તચામીકરનિભં ભીઘ્નં સંવિહિતાઞ્જલિમ્
ચલત્કુણ્ડલદીપ્તાસ્યં પદ્માક્ષં મારુતિં ભજે ૨૨
દ્વિભુજં સ્વર્ણવર્ણાભં રામસેવાપરાયણમ્
મૌઞ્જીકૌપીનસહિતં તં વન્દે રામસેવકમ્ ૨૩
દહનતપ્તસુવર્ણસમપ્રભં ભયહરં હૃદયે વિહિતાઞ્જલિમ્
શ્રવણકુણ્ડલશોભિમુખામ્બુજં નમત વાનરરાજમિહાદ્ભુતમ્ ૨૪
નખાયુધાય ભીમાય દન્તાયુધધરાય ચ
વિહઙ્ગાય ચ શર્વાય વજ્રદેહાય તે નમઃ ૨૫
નાદબિન્દુકલાતીતં ઉત્પત્તિસ્થિતિવર્જિતમ્
સાક્ષાદીશ્વરસદ્રૂપં હનૂમન્તં ભજામ્યહમ્ ૨૬
પઞ્ચાસ્યમચ્યુતમનેકવિચિત્રવર્ણવક્ત્રં શશાઙ્કશેખરં કપિરાજવર્યમ્
પીતામ્બરાદિમુકુટૈરુપશોભિતાઙ્ગં પિઙ્ગાક્ષમાદ્યમનિશં મનસા સ્મરામિ ૨૭
પદ્મરાગમણિકુણ્ડલત્વિષા પાટલીકૃતકપોલમણ્ડલમ્
દિવ્યહેમકદલીવનાન્તરે ભાવયામિ પવમાનનન્દનમ્ ૨૮
પ્રતપ્તસ્વર્ણવર્ણાભં સંરક્તારુણલોચનમ્
સુગ્રીવાદિયુતં વન્દે પીતામ્બરસમાવૃતમ્
ગોષ્પદીકૃતવારીશં (રાશિં) પુચ્છમસ્તકમીશ્વરમ્
જ્ઞાનમુદ્રાં ચ બિભ્રાણં સર્વાલઙ્કારભૂષિતમ્ ૨૯
બુદ્ધિર્બલં યશો ધૈર્યં નિર્ભયત્વમરોગતા
અજાડ્યં વાક્પટુત્વં ચ હનૂમત્સ્મરણાદ્ભવેત્ ૩૦
ભાન્વિન્દૂચરણારવિન્દયુગલં કૌપીનમૌઞ્જીધરં
કાઞ્ચિશ્રેણિધરં દુકૂલવસનં યજ્ઞોપવીતાજિનમ્
હસ્તાભ્યાં ધૃતપુસ્તકં ચ વિલસદ્ધારાવલિં કુણ્ડલં
ખેચાલં વિશિખં પ્રસન્નવદનં શ્રીવાયુપુત્રં ભજે ૩૧
મનોજવં મારુતતુલ્યવેગં જિતેન્દ્રિયં બુદ્ધિમતાં વરિષ્ઠમ્
વાતાત્મજં વાનરયૂથમુખ્યં શ્રીરામદૂતં શિરસા નમામિ ૩૨
મરુત્સુતં રામપદારવિન્દવન્દારુબૃન્દારકમાશુ વન્દે
ધીશક્તિભક્તિદ્યુતિસિદ્ધયો યં કાન્તં સ્વકાન્તા ઇવ કામયન્તે ૩૩
મર્કટેશ મહોત્સાહ સર્વશત્રુહરોત્તમ
શત્રું સમ્હર માં રક્ષ શ્રીમન્નાપદ ઉદ્ધર ૩૪
મર્કટેશ મહોત્સાહ સર્વાતઙ્કનિવારક
અરીન્સમ્હર માં રક્ષ સુખં દાપય મે પ્રભો ૩૫
મહાશૈલં સમુત્પાટ્ય ધાવન્તં રાવણં પ્રતિ
તિષ્ઠ તિષ્ઠ રણે દુષ્ટ ઘોરરાવં સમુચ્ચરન્ ૩૬
લાક્ષારસારુણં વન્દે કાલાન્તકયમોપમમ્
જ્વલદગ્નિલસન્નેત્રં સૂર્યકોટિસમપ્રભમ્
અઙ્ગદાદ્યૈર્મહાવીરૈર્વેષ્ટિતં રુદ્રરૂપિણમ્ ૩૭
મારુતિં વીરવજ્રાઙ્ગં ભક્તરક્ષણદીક્ષિતમ્
હનૂમન્તં સદા વન્દે રામમન્ત્રપ્રચારકમ્ ૩૮
યત્ર યત્ર રઘુનાથકીર્તનં તત્ર તત્ર કૃતમસ્તકાઞ્જલિમ્
બાષ્પવારિપરિપૂર્ણલોચનં મારુતિં નમત રાક્ષસાન્તકમ્ ૩૯
યો વારાંનિધિમલ્પપલ્વલમિવોલ્લઙ્ઘ્ય પ્રતાપાન્વિતો
વૈદેહીઘનશોકવહ્નિહરણો વૈકુણ્ઠભક્તપ્રિયઃ
અક્ષાદ્યર્જિતરાક્ષસેશ્વરમહાદર્પાપહારી રણે
સોઽયં વાનરપુઙ્ગવોઽવતુ સદા ચાસ્માન્ સમીરાત્મજઃ ૪૦
રાજદ્વારિ બિલદ્વારિ પ્રવેશે ભૂતસઙ્કુલે
ગજસિમ્હમહાવ્યાઘ્રચૌરભીષણકાનને ૪૧
શરણાય શરણ્યાય વાતાત્મજ નમોસ્તુ તે
નમઃ પ્લવગસૈન્યાનાં પ્રાણભૂતાત્મને નમઃ ૪૨
રામેષ્ટં કરુણાપૂર્ણં હનૂમન્તં ભયાપહમ્
શત્રુનાશકરં ભીમં સર્વાભીષ્ટફલપ્રદમ્ ૪૩
પ્રદોષે ત્વાં પ્રભાતે વા યે સ્મરન્ત્યઞ્જનાસુતમ્
અર્થસિદ્ધિં યશઃપૂર્તિં પ્રાપ્નુવન્તિ ન સંશયઃ ૪૪
લાક્ષારસારુણં વન્દે કાલાન્તકયમોપમમ્
જ્વલદગ્નિલસન્નેત્રં સૂર્યકોટિસમપ્રભમ્
અઙ્ગદાદ્યૈર્મહાવીરૈર્વેષ્ટિતં રુદ્રરૂપિણમ્ ૪૫
વજ્રદેહાય કાલાગ્નિરુદ્રાયામિતતેજસે
બ્રહ્માસ્ત્રસ્તમ્ભનાયાસ્મૈ નમઃ શ્રીરુદ્રમૂર્તયે ૪૬
વજ્રાઙ્ગં પિઙ્ગકેશાઢ્યં સ્વર્ણકુણ્ડલમણ્ડિતમ્
નિયુદ્ધમુપસઙ્ક્રમ્ય પારાવારપરાક્રમમ્ ૪૭
વામહસ્તગદાયુક્તં પાશહસ્તકમણ્ડલુમ્
ઉદ્યદ્દક્ષિણદોર્દણ્ડં હનૂમન્તં વિચિન્તયે ૪૮
વજ્રાઙ્ગં પદ્મનેત્રં કનકમયલસત્કુણ્ડલાક્રાન્તગણ્ડં
દમ્ભોલિસ્તમ્ભસારપ્રહરણસુવશીભૂતરક્ષોઽધિનાથમ્
ઉદ્યલ્લાઙ્ગૂલસપ્તાચલવિચલકરં ભીમમૂર્તિં કપીન્દ્રં
વન્દે તં રામચન્દ્રપ્રમુખદૃઢતરં સત્પ્રસારં પ્રસન્નમ્ ૪૯
વન્દે બાલદિવાકરદ્યુતિનિભં દેવારિદર્પાપહં
દેવેન્દ્રપ્રમુખૈઃપ્રશસ્તયશસં દેદીપ્યમાનં રુચા
સુગ્રીવાદિસમસ્તવાનરયુતં સુવ્યક્તતત્ત્વપ્રિયં
સંરક્તારુણલોચનં પવનજં પીતામ્બરાલઙ્કૃતમ્ ૫૦
વન્દે રણે હનુમન્તં કપિકોટિસમન્વિતમ્
ધાવન્તં રાવણં જેતું દૃષ્ટ્વા સત્વરમુત્થિતમ્ ૫૧
લક્ષ્મણં ચ મહાવીરં પતિતં રણભૂતલે
ગુરું ચ ક્રોધમુત્પાદ્ય ગૃહીત્વા ગુરુપર્વતમ્ ૫૨
હાહાકારૈઃ સદર્પૈશ્ચ કમ્પયન્તં જગત્ત્રયમ્
બ્રહ્માણ્ડં સ સમાવાપ્ય કૃત્વા ભીમકલેવરમ્ ૫૩
વન્દે વાનરસિમ્હખગરાટ્ ક્રોડાશ્વવક્ત્રાન્વિતં
દિવ્યાલઙ્કરણં ત્રિપઞ્ચનયનં દેદીપ્યમાનં રુચા
હસ્તાબ્જૈરસિખેટપુસ્તકસુધાકુમ્ભાઙ્કુશાદ્રીન્ હલં
ખટ્વાઙ્ગં ફણિભૂરુહં દશભુજં સર્વારિવીરાપહમ્ ૫૪
વામહસ્તે મહાવૃક્ષં દશાસ્યકરખણ્ડનમ્
ઉદ્યદ્દક્ષિણદોર્દણ્ડં હનૂમન્તં વિચિન્તયે ૫૫
વામે કરે વૈરિભિદં વહન્તં શૈલં પરે શૃઙ્ખલહારટઙ્કમ્
દધાનમચ્છચ્છવિયજ્ઞસૂત્રં ભજે જ્વલત્કુણ્ડલમાઞ્જનેયમ્ ૫૬
વામે જાનુનિ વામબાહુમપરં તં જ્ઞાનમુદ્રાયુતં
હૃદ્દેશે કલયન્ વૃતો મુનિગણૈરધ્યાત્મદત્તેક્ષણઃ
આસીનઃ કદલીવને મણિમયે બાલાર્કકોટિપ્રભો
ધ્યાયન્ બ્રહ્મ પરં કરોતુ મનસઃ સિદ્ધિં હનૂમાન્મમ ૫૭
વામે શૈલં વૈરિભિદં વિશુદ્ધં ટઙ્કમન્યતઃ
દધાનં સ્વર્ણવર્ણં ચ વન્દે કુણ્ડલિનં હરિમ્ ૫૮
સદા રામ રામેતિ નામામૃતં તં સદા રામમાનન્દનિષ્યન્દકન્દમ્
પિબન્તં નમન્તં સુદન્તં હસન્તં હનૂમન્તમન્તર્ભજે તં નિતાન્તમ્ ૫૯
સપીતકૌપીનમુદઞ્ચિતાઙ્ગુલિમ્ સમુજ્જ્વલન્મૌઞ્જ્યજિનોપવીતિનમ્
સકુણ્ડલં લમ્બશિખાસમાવૃતં તમાઞ્જનેયં શરણં પ્રપદ્યે ૬૦
સર્વારિષ્ટનિવારકં શુભકરં પિઙ્ગાક્ષમક્ષાપહં
સીતાન્વેષણતત્પરં કપિવરં કોટીન્દુસૂર્યપ્રભમ્
લઙ્કાદ્વીપભયઙ્કરં સકલદં સુગ્રીવસમ્માનિતં
દેવેન્દ્રાદિસમસ્તદેવવિનુતં કાકુત્સ્થદૂતં ભજે ૬૧
સંસારસાગરાવર્તકર્તવ્યભ્રાન્તચેતસામ્
શરણાગતમર્ત્યાનાં શરણ્યાય નમોઽસ્તુ તે ૬૨
સીતારામપદામ્બુજે મધુપવદ્યન્માનસં લીયતે
સીતારામગુણાવલી નિશિ દિવા યજ્જિહ્વયા પીયતે
સીતારામવિચિત્રરૂપમનિશં યચ્ચક્ષુષોર્ભૂષણં
સીતારામસુનામધામનિરતં તં સદ્ગુરું તં ભજે ૬૩
સીતાવિયુક્તશ્રીરામશોકદુઃખભયાપહ
તાપત્રિતયસમ્હારિન્નાઞ્જનેય નમોઽસ્તુ તે ૬૪
સીતાશીર્વાદસમ્પન્ન સમસ્તાવયવાક્ષત
લોલલાઙ્ગૂલપાતેન મમારાતીન્નિવારય ૬૫
સ્ફટિકાભં સ્વર્ણકાન્તિં દ્વિભુજં ચ કૃતાઞ્જલિમ્
કુણ્ડલદ્વયસંશોભિમુખામ્બુજમહં ભજે ૬૬
સ્વાનન્દહેતોર્ભજતાં જનાનાં મગ્નઃ સદા રામકથાસુધાયામ્
અસાવિદાનીં ચ નિષેવમાણો રામં પતિં કિમ્પુરુષે કિલાસ્તે ૬૭
હનુમન્તં મહાવીરં વાયુતુલ્યપરાક્રમમ્
મમાભીષ્ટાર્થસિદ્ધયર્થં પ્રણમામિ મુહુર્મુહુઃ ૬૮
હનૂમાન્ રામપાદાબ્જસઙ્ગી વર્ણિવરઃ શુચિઃ
સઞ્જીવનોપહર્તા મે દીર્ઘમાયુર્દદાત્વિહ ૬૯
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail
Please send corrections to sanskrit@cheerful.com
Last updated ત્oday
http://sanskritdocuments.org
અઞ્જનાનન્દનં વીરં જાનકીશોકનાશનમ્
કપીશમક્ષહન્તારં વન્દે લઙ્કાભયઙ્કરમ્ ૧
અઞ્જનીગર્ભસમ્ભૂત કપીન્દ્રસચિવોત્તમ
રામપ્રિય નમસ્તુભ્યં હનૂમન્ રક્ષ સર્વદા ૨
અતુલિતબલધામં સ્વર્ણશૈલાભદેહં
દનુજવનકૃશાનું જ્ઞાનિનામગ્રગણ્યમ્
સકલગુણનિધાનં વાનરાણામધીશં
રઘુપતિપ્રિયભક્તં વાતજાતં નમામિ ૩
અપરાજિત પિઙ્ગાક્ષ નમસ્તે રાજપૂજિત
દીને મયિ દયાં કૃત્વા મમ દુઃખં વિનાશય ૪
અશેષલઙ્કાપતિસૈન્યહન્તા શ્રીરામસેવાચરણૈકકર્તા
અનેકદુઃખાહતલોકગોપ્તા ત્વસૌ હનૂમાન્મમ સૌખ્યકર્તા ૫
આઞ્જનેયં પાટલાસ્યં સ્વર્ણાદ્રિસમવિગ્રહમ્
પારિજાતદ્રુમૂલસ્થં વન્દે સાધકનન્દનમ્ ૬
આઞ્જનેયમતિપાટલાનનં કાઞ્ચનાદ્રિકમનીયવિગ્રહમ્
પારિજાતતરુમૂલવાસિનં ભાવયામિ પવમાનનન્દનમ્ ૭
આધિવ્યાધિમહામારિગ્રહપીડાપહારિણે
પ્રાણાપહર્ત્રે દૈત્યાનાં રામપ્રાણાત્મને નમઃ ૮
આપન્નાખિલલોકાર્તિહારિણે શ્રીહનૂમતે
અકસ્માદાગતોત્પાતનાશનાય નમોઽસ્તુ તે ૯
ઉદ્યત્કોટ્યર્કસઙ્કાશં જગત્પ્રક્ષોભહારકમ્
શ્રીરામાઙ્ઘ્રિધ્યાનનિષ્ઠં સુગ્રીવપ્રમુખાર્ચિતમ્
વિત્રાસયન્તં નાદેન રાક્ષસાન્ મારુતિં ભજે ૧૦
ઉદ્યદાદિત્યસઙ્કાશમુદારભુજવિક્રમમ્
કન્દર્પકોટિલાવણ્યં સર્વવિદ્યાવિશારદમ્ ૧૧
શ્રીરામહૃદયાનન્દં ભક્તકલ્પમહીરુહમ્
અભયં વરદં દોર્ભ્યાં કલયે મારુતાત્મજમ્ ૧૨
ઉદ્યન્માર્તણ્ડકોટિપ્રકટરુચિયુતં ચારુવીરાસનસ્થં
મૌઞ્જીયજ્ઞોપવીતારુણરુચિરશિખાશોભનં કુણ્ડલાઙ્કમ્
ભક્તાનામિષ્ટદં તં પ્રણતમુનિજનં મેઘનાદપ્રમોદં
વન્દે દેવં વિધેયં પ્લવગકુલપતિં ગોષ્પદીભૂતવાર્ધિમ્ ૧૩
ઉલ્લઙ્ઘ્ય સિન્ધોઃ સલિલં સલીલં યઃ શોકવહ્નિં જનકાત્મજાયાઃ
આદાય તેનૈવ દદાહ લઙ્કાં નમામિ તં પ્રાઞ્જલિરાઞ્જનેયમ્ ૧૪
કદાપિ શુભ્રૈર્વરચામરૈઃ પ્રભું ગાયન્ ગુણાન્ વીજયતિ સ્થિતોઽગ્રતઃ
કદાપ્યુપશ્લોકયતિ સ્વનિર્મિતૈઃ સ્તવૈઃ શુભૈઃ શ્રીહનુમાન્ કૃતાઞ્જલિઃ૧૫
કરાત્તશૈલશસ્ત્રાય દ્રુમશસ્ત્રાય તે નમઃ
બાલૈકબ્રહ્મચર્યાય રુદ્રમૂર્તિધરાય ચ ૧૬
કારાગૃહે પ્રયાણે ચ સઙ્ગ્રામે દેશવિપ્લવે
સ્મરન્તિ ત્વાં હનૂમન્તં તેષાં નાસ્તિ વિપત્તદા ૧૭
કૃતક્રોધે યસ્મિન્નમરનગરી મઙ્ગલરવા
નવાતઙ્કા લઙ્કા સમજનિ વનં વૃશ્ચતિ સતિ
સદા સીતાકાન્તપ્રણતિમતિવિખ્યાતમહિમા
હનૂમાનવ્યાન્નઃ કપિકુલશિરોમણ્ડનમણિઃ ૧૮
ગોષ્પદીકૃતવારાશિં મશકીકૃતરાક્ષસમ્
રામાયણમહામાલારત્નં વન્દેઽનિલાત્મજમ્ ૧૯
જાનુસ્થવામબાહું ચ જ્ઞાનમુદ્રાપરં હરિમ્
અધ્યાત્મચિત્તમાસીનં કદલીવનમધ્યગમ્
બાલાર્કકોટિપ્રતિમં વન્દે જ્ઞાનપ્રદં હરિમ્ ૨૦
જ્વલત્કાઞ્ચનવર્ણાય દીર્ઘલાઙ્ગૂલધારિણે
સૌમિત્રિજયદાત્રે ચ રામદૂતાય તે નમઃ ૨૧
તપ્તચામીકરનિભં ભીઘ્નં સંવિહિતાઞ્જલિમ્
ચલત્કુણ્ડલદીપ્તાસ્યં પદ્માક્ષં મારુતિં ભજે ૨૨
દ્વિભુજં સ્વર્ણવર્ણાભં રામસેવાપરાયણમ્
મૌઞ્જીકૌપીનસહિતં તં વન્દે રામસેવકમ્ ૨૩
દહનતપ્તસુવર્ણસમપ્રભં ભયહરં હૃદયે વિહિતાઞ્જલિમ્
શ્રવણકુણ્ડલશોભિમુખામ્બુજં નમત વાનરરાજમિહાદ્ભુતમ્ ૨૪
નખાયુધાય ભીમાય દન્તાયુધધરાય ચ
વિહઙ્ગાય ચ શર્વાય વજ્રદેહાય તે નમઃ ૨૫
નાદબિન્દુકલાતીતં ઉત્પત્તિસ્થિતિવર્જિતમ્
સાક્ષાદીશ્વરસદ્રૂપં હનૂમન્તં ભજામ્યહમ્ ૨૬
પઞ્ચાસ્યમચ્યુતમનેકવિચિત્રવર્ણવક્ત્રં શશાઙ્કશેખરં કપિરાજવર્યમ્
પીતામ્બરાદિમુકુટૈરુપશોભિતાઙ્ગં પિઙ્ગાક્ષમાદ્યમનિશં મનસા સ્મરામિ ૨૭
પદ્મરાગમણિકુણ્ડલત્વિષા પાટલીકૃતકપોલમણ્ડલમ્
દિવ્યહેમકદલીવનાન્તરે ભાવયામિ પવમાનનન્દનમ્ ૨૮
પ્રતપ્તસ્વર્ણવર્ણાભં સંરક્તારુણલોચનમ્
સુગ્રીવાદિયુતં વન્દે પીતામ્બરસમાવૃતમ્
ગોષ્પદીકૃતવારીશં (રાશિં) પુચ્છમસ્તકમીશ્વરમ્
જ્ઞાનમુદ્રાં ચ બિભ્રાણં સર્વાલઙ્કારભૂષિતમ્ ૨૯
બુદ્ધિર્બલં યશો ધૈર્યં નિર્ભયત્વમરોગતા
અજાડ્યં વાક્પટુત્વં ચ હનૂમત્સ્મરણાદ્ભવેત્ ૩૦
ભાન્વિન્દૂચરણારવિન્દયુગલં કૌપીનમૌઞ્જીધરં
કાઞ્ચિશ્રેણિધરં દુકૂલવસનં યજ્ઞોપવીતાજિનમ્
હસ્તાભ્યાં ધૃતપુસ્તકં ચ વિલસદ્ધારાવલિં કુણ્ડલં
ખેચાલં વિશિખં પ્રસન્નવદનં શ્રીવાયુપુત્રં ભજે ૩૧
મનોજવં મારુતતુલ્યવેગં જિતેન્દ્રિયં બુદ્ધિમતાં વરિષ્ઠમ્
વાતાત્મજં વાનરયૂથમુખ્યં શ્રીરામદૂતં શિરસા નમામિ ૩૨
મરુત્સુતં રામપદારવિન્દવન્દારુબૃન્દારકમાશુ વન્દે
ધીશક્તિભક્તિદ્યુતિસિદ્ધયો યં કાન્તં સ્વકાન્તા ઇવ કામયન્તે ૩૩
મર્કટેશ મહોત્સાહ સર્વશત્રુહરોત્તમ
શત્રું સમ્હર માં રક્ષ શ્રીમન્નાપદ ઉદ્ધર ૩૪
મર્કટેશ મહોત્સાહ સર્વાતઙ્કનિવારક
અરીન્સમ્હર માં રક્ષ સુખં દાપય મે પ્રભો ૩૫
મહાશૈલં સમુત્પાટ્ય ધાવન્તં રાવણં પ્રતિ
તિષ્ઠ તિષ્ઠ રણે દુષ્ટ ઘોરરાવં સમુચ્ચરન્ ૩૬
લાક્ષારસારુણં વન્દે કાલાન્તકયમોપમમ્
જ્વલદગ્નિલસન્નેત્રં સૂર્યકોટિસમપ્રભમ્
અઙ્ગદાદ્યૈર્મહાવીરૈર્વેષ્ટિતં રુદ્રરૂપિણમ્ ૩૭
મારુતિં વીરવજ્રાઙ્ગં ભક્તરક્ષણદીક્ષિતમ્
હનૂમન્તં સદા વન્દે રામમન્ત્રપ્રચારકમ્ ૩૮
યત્ર યત્ર રઘુનાથકીર્તનં તત્ર તત્ર કૃતમસ્તકાઞ્જલિમ્
બાષ્પવારિપરિપૂર્ણલોચનં મારુતિં નમત રાક્ષસાન્તકમ્ ૩૯
યો વારાંનિધિમલ્પપલ્વલમિવોલ્લઙ્ઘ્ય પ્રતાપાન્વિતો
વૈદેહીઘનશોકવહ્નિહરણો વૈકુણ્ઠભક્તપ્રિયઃ
અક્ષાદ્યર્જિતરાક્ષસેશ્વરમહાદર્પાપહારી રણે
સોઽયં વાનરપુઙ્ગવોઽવતુ સદા ચાસ્માન્ સમીરાત્મજઃ ૪૦
રાજદ્વારિ બિલદ્વારિ પ્રવેશે ભૂતસઙ્કુલે
ગજસિમ્હમહાવ્યાઘ્રચૌરભીષણકાનને ૪૧
શરણાય શરણ્યાય વાતાત્મજ નમોસ્તુ તે
નમઃ પ્લવગસૈન્યાનાં પ્રાણભૂતાત્મને નમઃ ૪૨
રામેષ્ટં કરુણાપૂર્ણં હનૂમન્તં ભયાપહમ્
શત્રુનાશકરં ભીમં સર્વાભીષ્ટફલપ્રદમ્ ૪૩
પ્રદોષે ત્વાં પ્રભાતે વા યે સ્મરન્ત્યઞ્જનાસુતમ્
અર્થસિદ્ધિં યશઃપૂર્તિં પ્રાપ્નુવન્તિ ન સંશયઃ ૪૪
લાક્ષારસારુણં વન્દે કાલાન્તકયમોપમમ્
જ્વલદગ્નિલસન્નેત્રં સૂર્યકોટિસમપ્રભમ્
અઙ્ગદાદ્યૈર્મહાવીરૈર્વેષ્ટિતં રુદ્રરૂપિણમ્ ૪૫
વજ્રદેહાય કાલાગ્નિરુદ્રાયામિતતેજસે
બ્રહ્માસ્ત્રસ્તમ્ભનાયાસ્મૈ નમઃ શ્રીરુદ્રમૂર્તયે ૪૬
વજ્રાઙ્ગં પિઙ્ગકેશાઢ્યં સ્વર્ણકુણ્ડલમણ્ડિતમ્
નિયુદ્ધમુપસઙ્ક્રમ્ય પારાવારપરાક્રમમ્ ૪૭
વામહસ્તગદાયુક્તં પાશહસ્તકમણ્ડલુમ્
ઉદ્યદ્દક્ષિણદોર્દણ્ડં હનૂમન્તં વિચિન્તયે ૪૮
વજ્રાઙ્ગં પદ્મનેત્રં કનકમયલસત્કુણ્ડલાક્રાન્તગણ્ડં
દમ્ભોલિસ્તમ્ભસારપ્રહરણસુવશીભૂતરક્ષોઽધિનાથમ્
ઉદ્યલ્લાઙ્ગૂલસપ્તાચલવિચલકરં ભીમમૂર્તિં કપીન્દ્રં
વન્દે તં રામચન્દ્રપ્રમુખદૃઢતરં સત્પ્રસારં પ્રસન્નમ્ ૪૯
વન્દે બાલદિવાકરદ્યુતિનિભં દેવારિદર્પાપહં
દેવેન્દ્રપ્રમુખૈઃપ્રશસ્તયશસં દેદીપ્યમાનં રુચા
સુગ્રીવાદિસમસ્તવાનરયુતં સુવ્યક્તતત્ત્વપ્રિયં
સંરક્તારુણલોચનં પવનજં પીતામ્બરાલઙ્કૃતમ્ ૫૦
વન્દે રણે હનુમન્તં કપિકોટિસમન્વિતમ્
ધાવન્તં રાવણં જેતું દૃષ્ટ્વા સત્વરમુત્થિતમ્ ૫૧
લક્ષ્મણં ચ મહાવીરં પતિતં રણભૂતલે
ગુરું ચ ક્રોધમુત્પાદ્ય ગૃહીત્વા ગુરુપર્વતમ્ ૫૨
હાહાકારૈઃ સદર્પૈશ્ચ કમ્પયન્તં જગત્ત્રયમ્
બ્રહ્માણ્ડં સ સમાવાપ્ય કૃત્વા ભીમકલેવરમ્ ૫૩
વન્દે વાનરસિમ્હખગરાટ્ ક્રોડાશ્વવક્ત્રાન્વિતં
દિવ્યાલઙ્કરણં ત્રિપઞ્ચનયનં દેદીપ્યમાનં રુચા
હસ્તાબ્જૈરસિખેટપુસ્તકસુધાકુમ્ભાઙ્કુશાદ્રીન્ હલં
ખટ્વાઙ્ગં ફણિભૂરુહં દશભુજં સર્વારિવીરાપહમ્ ૫૪
વામહસ્તે મહાવૃક્ષં દશાસ્યકરખણ્ડનમ્
ઉદ્યદ્દક્ષિણદોર્દણ્ડં હનૂમન્તં વિચિન્તયે ૫૫
વામે કરે વૈરિભિદં વહન્તં શૈલં પરે શૃઙ્ખલહારટઙ્કમ્
દધાનમચ્છચ્છવિયજ્ઞસૂત્રં ભજે જ્વલત્કુણ્ડલમાઞ્જનેયમ્ ૫૬
વામે જાનુનિ વામબાહુમપરં તં જ્ઞાનમુદ્રાયુતં
હૃદ્દેશે કલયન્ વૃતો મુનિગણૈરધ્યાત્મદત્તેક્ષણઃ
આસીનઃ કદલીવને મણિમયે બાલાર્કકોટિપ્રભો
ધ્યાયન્ બ્રહ્મ પરં કરોતુ મનસઃ સિદ્ધિં હનૂમાન્મમ ૫૭
વામે શૈલં વૈરિભિદં વિશુદ્ધં ટઙ્કમન્યતઃ
દધાનં સ્વર્ણવર્ણં ચ વન્દે કુણ્ડલિનં હરિમ્ ૫૮
સદા રામ રામેતિ નામામૃતં તં સદા રામમાનન્દનિષ્યન્દકન્દમ્
પિબન્તં નમન્તં સુદન્તં હસન્તં હનૂમન્તમન્તર્ભજે તં નિતાન્તમ્ ૫૯
સપીતકૌપીનમુદઞ્ચિતાઙ્ગુલિમ્ સમુજ્જ્વલન્મૌઞ્જ્યજિનોપવીતિનમ્
સકુણ્ડલં લમ્બશિખાસમાવૃતં તમાઞ્જનેયં શરણં પ્રપદ્યે ૬૦
સર્વારિષ્ટનિવારકં શુભકરં પિઙ્ગાક્ષમક્ષાપહં
સીતાન્વેષણતત્પરં કપિવરં કોટીન્દુસૂર્યપ્રભમ્
લઙ્કાદ્વીપભયઙ્કરં સકલદં સુગ્રીવસમ્માનિતં
દેવેન્દ્રાદિસમસ્તદેવવિનુતં કાકુત્સ્થદૂતં ભજે ૬૧
સંસારસાગરાવર્તકર્તવ્યભ્રાન્તચેતસામ્
શરણાગતમર્ત્યાનાં શરણ્યાય નમોઽસ્તુ તે ૬૨
સીતારામપદામ્બુજે મધુપવદ્યન્માનસં લીયતે
સીતારામગુણાવલી નિશિ દિવા યજ્જિહ્વયા પીયતે
સીતારામવિચિત્રરૂપમનિશં યચ્ચક્ષુષોર્ભૂષણં
સીતારામસુનામધામનિરતં તં સદ્ગુરું તં ભજે ૬૩
સીતાવિયુક્તશ્રીરામશોકદુઃખભયાપહ
તાપત્રિતયસમ્હારિન્નાઞ્જનેય નમોઽસ્તુ તે ૬૪
સીતાશીર્વાદસમ્પન્ન સમસ્તાવયવાક્ષત
લોલલાઙ્ગૂલપાતેન મમારાતીન્નિવારય ૬૫
સ્ફટિકાભં સ્વર્ણકાન્તિં દ્વિભુજં ચ કૃતાઞ્જલિમ્
કુણ્ડલદ્વયસંશોભિમુખામ્બુજમહં ભજે ૬૬
સ્વાનન્દહેતોર્ભજતાં જનાનાં મગ્નઃ સદા રામકથાસુધાયામ્
અસાવિદાનીં ચ નિષેવમાણો રામં પતિં કિમ્પુરુષે કિલાસ્તે ૬૭
હનુમન્તં મહાવીરં વાયુતુલ્યપરાક્રમમ્
મમાભીષ્ટાર્થસિદ્ધયર્થં પ્રણમામિ મુહુર્મુહુઃ ૬૮
હનૂમાન્ રામપાદાબ્જસઙ્ગી વર્ણિવરઃ શુચિઃ
સઞ્જીવનોપહર્તા મે દીર્ઘમાયુર્દદાત્વિહ ૬૯
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail
Please send corrections to sanskrit@cheerful.com
Last updated ત્oday
http://sanskritdocuments.org
Hanuman Vandanam Lyrics in Gujarati PDF
% File name : hanumadvandanam.itx
% Location : doc\_hanumaana
% Language : Sanskrit
% Subject : philosophy/hinduism/religion
% Transliterated by : Processed by Sowmya Ramkumar
% Proofread by : PSA Easwaran psaeaswaran at gmail
% Description-comments : From Hanumatstutimanjari, Mahaperiaval Publication
% Latest update : September 18, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : hanumadvandanam.itx
% Location : doc\_hanumaana
% Language : Sanskrit
% Subject : philosophy/hinduism/religion
% Transliterated by : Processed by Sowmya Ramkumar
% Proofread by : PSA Easwaran psaeaswaran at gmail
% Description-comments : From Hanumatstutimanjari, Mahaperiaval Publication
% Latest update : September 18, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website