ಶ್ರೀಹನುಮದ್ವನ್ದನಮ್
{॥ ಶ್ರೀಹನುಮದ್ವನ್ದನಮ್ ॥}
ಅಞ್ಜನಾನನ್ದನಂ ವೀರಂ ಜಾನಕೀಶೋಕನಾಶನಮ್ ।
ಕಪೀಶಮಕ್ಷಹನ್ತಾರಂ ವನ್ದೇ ಲಙ್ಕಾಭಯಙ್ಕರಮ್ ॥ ೧॥
ಅಞ್ಜನೀಗರ್ಭಸಮ್ಭೂತ ಕಪೀನ್ದ್ರಸಚಿವೋತ್ತಮ ।
ರಾಮಪ್ರಿಯ ನಮಸ್ತುಭ್ಯಂ ಹನೂಮನ್ ರಕ್ಷ ಸರ್ವದಾ ॥ ೨॥
ಅತುಲಿತಬಲಧಾಮಂ ಸ್ವರ್ಣಶೈಲಾಭದೇಹಂ
ದನುಜವನಕೃಶಾನುಂ ಜ್ಞಾನಿನಾಮಗ್ರಗಣ್ಯಮ್ ।
ಸಕಲಗುಣನಿಧಾನಂ ವಾನರಾಣಾಮಧೀಶಂ
ರಘುಪತಿಪ್ರಿಯಭಕ್ತಂ ವಾತಜಾತಂ ನಮಾಮಿ ॥ ೩॥
ಅಪರಾಜಿತ ಪಿಙ್ಗಾಕ್ಷ ನಮಸ್ತೇ ರಾಜಪೂಜಿತ ।
ದೀನೇ ಮಯಿ ದಯಾಂ ಕೃತ್ವಾ ಮಮ ದುಃಖಂ ವಿನಾಶಯ ॥ ೪॥
ಅಶೇಷಲಙ್ಕಾಪತಿಸೈನ್ಯಹನ್ತಾ ಶ್ರೀರಾಮಸೇವಾಚರಣೈಕಕರ್ತಾ ।
ಅನೇಕದುಃಖಾಹತಲೋಕಗೋಪ್ತಾ ತ್ವಸೌ ಹನೂಮಾನ್ಮಮ ಸೌಖ್ಯಕರ್ತಾ ॥ ೫॥
ಆಞ್ಜನೇಯಂ ಪಾಟಲಾಸ್ಯಂ ಸ್ವರ್ಣಾದ್ರಿಸಮವಿಗ್ರಹಮ್ ।
ಪಾರಿಜಾತದ್ರುಮೂಲಸ್ಥಂ ವನ್ದೇ ಸಾಧಕನನ್ದನಮ್ ॥ ೬॥
ಆಞ್ಜನೇಯಮತಿಪಾಟಲಾನನಂ ಕಾಞ್ಚನಾದ್ರಿಕಮನೀಯವಿಗ್ರಹಮ್ ।
ಪಾರಿಜಾತತರುಮೂಲವಾಸಿನಂ ಭಾವಯಾಮಿ ಪವಮಾನನನ್ದನಮ್ ॥ ೭॥
ಆಧಿವ್ಯಾಧಿಮಹಾಮಾರಿಗ್ರಹಪೀಡಾಪಹಾರಿಣೇ ।
ಪ್ರಾಣಾಪಹರ್ತ್ರೇ ದೈತ್ಯಾನಾಂ ರಾಮಪ್ರಾಣಾತ್ಮನೇ ನಮಃ ॥ ೮॥
ಆಪನ್ನಾಖಿಲಲೋಕಾರ್ತಿಹಾರಿಣೇ ಶ್ರೀಹನೂಮತೇ ।
ಅಕಸ್ಮಾದಾಗತೋತ್ಪಾತನಾಶನಾಯ ನಮೋಽಸ್ತು ತೇ ॥ ೯॥
ಉದ್ಯತ್ಕೋಟ್ಯರ್ಕಸಙ್ಕಾಶಂ ಜಗತ್ಪ್ರಕ್ಷೋಭಹಾರಕಮ್ ।
ಶ್ರೀರಾಮಾಙ್ಘ್ರಿಧ್ಯಾನನಿಷ್ಠಂ ಸುಗ್ರೀವಪ್ರಮುಖಾರ್ಚಿತಮ್ ।
ವಿತ್ರಾಸಯನ್ತಂ ನಾದೇನ ರಾಕ್ಷಸಾನ್ ಮಾರುತಿಂ ಭಜೇ ॥ ೧೦॥
ಉದ್ಯದಾದಿತ್ಯಸಙ್ಕಾಶಮುದಾರಭುಜವಿಕ್ರಮಮ್ ।
ಕನ್ದರ್ಪಕೋಟಿಲಾವಣ್ಯಂ ಸರ್ವವಿದ್ಯಾವಿಶಾರದಮ್ ॥ ೧೧॥
ಶ್ರೀರಾಮಹೃದಯಾನನ್ದಂ ಭಕ್ತಕಲ್ಪಮಹೀರುಹಮ್ ।
ಅಭಯಂ ವರದಂ ದೋರ್ಭ್ಯಾಂ ಕಲಯೇ ಮಾರುತಾತ್ಮಜಮ್ ॥ ೧೨॥
ಉದ್ಯನ್ಮಾರ್ತಣ್ಡಕೋಟಿಪ್ರಕಟರುಚಿಯುತಂ ಚಾರುವೀರಾಸನಸ್ಥಂ
ಮೌಞ್ಜೀಯಜ್ಞೋಪವೀತಾರುಣರುಚಿರಶಿಖಾಶೋಭನಂ ಕುಣ್ಡಲಾಙ್ಕಮ್ ।
ಭಕ್ತಾನಾಮಿಷ್ಟದಂ ತಂ ಪ್ರಣತಮುನಿಜನಂ ಮೇಘನಾದಪ್ರಮೋದಂ
ವನ್ದೇ ದೇವಂ ವಿಧೇಯಂ ಪ್ಲವಗಕುಲಪತಿಂ ಗೋಷ್ಪದೀಭೂತವಾರ್ಧಿಮ್ ॥ ೧೩॥
ಉಲ್ಲಙ್ಘ್ಯ ಸಿನ್ಧೋಃ ಸಲಿಲಂ ಸಲೀಲಂ ಯಃ ಶೋಕವಹ್ನಿಂ ಜನಕಾತ್ಮಜಾಯಾಃ ।
ಆದಾಯ ತೇನೈವ ದದಾಹ ಲಙ್ಕಾಂ ನಮಾಮಿ ತಂ ಪ್ರಾಞ್ಜಲಿರಾಞ್ಜನೇಯಮ್ ॥ ೧೪॥
ಕದಾಪಿ ಶುಭ್ರೈರ್ವರಚಾಮರೈಃ ಪ್ರಭುಂ ಗಾಯನ್ ಗುಣಾನ್ ವೀಜಯತಿ ಸ್ಥಿತೋಽಗ್ರತಃ ।
ಕದಾಪ್ಯುಪಶ್ಲೋಕಯತಿ ಸ್ವನಿರ್ಮಿತೈಃ ಸ್ತವೈಃ ಶುಭೈಃ ಶ್ರೀಹನುಮಾನ್ ಕೃತಾಞ್ಜಲಿಃ॥೧೫॥
ಕರಾತ್ತಶೈಲಶಸ್ತ್ರಾಯ ದ್ರುಮಶಸ್ತ್ರಾಯ ತೇ ನಮಃ ।
ಬಾಲೈಕಬ್ರಹ್ಮಚರ್ಯಾಯ ರುದ್ರಮೂರ್ತಿಧರಾಯ ಚ ॥ ೧೬॥
ಕಾರಾಗೃಹೇ ಪ್ರಯಾಣೇ ಚ ಸಙ್ಗ್ರಾಮೇ ದೇಶವಿಪ್ಲವೇ ।
ಸ್ಮರನ್ತಿ ತ್ವಾಂ ಹನೂಮನ್ತಂ ತೇಷಾಂ ನಾಸ್ತಿ ವಿಪತ್ತದಾ ॥ ೧೭॥
ಕೃತಕ್ರೋಧೇ ಯಸ್ಮಿನ್ನಮರನಗರೀ ಮಙ್ಗಲರವಾ
ನವಾತಙ್ಕಾ ಲಙ್ಕಾ ಸಮಜನಿ ವನಂ ವೃಶ್ಚತಿ ಸತಿ ।
ಸದಾ ಸೀತಾಕಾನ್ತಪ್ರಣತಿಮತಿವಿಖ್ಯಾತಮಹಿಮಾ
ಹನೂಮಾನವ್ಯಾನ್ನಃ ಕಪಿಕುಲಶಿರೋಮಣ್ಡನಮಣಿಃ ॥ ೧೮॥
ಗೋಷ್ಪದೀಕೃತವಾರಾಶಿಂ ಮಶಕೀಕೃತರಾಕ್ಷಸಮ್ ।
ರಾಮಾಯಣಮಹಾಮಾಲಾರತ್ನಂ ವನ್ದೇಽನಿಲಾತ್ಮಜಮ್ । ೧೯
ಜಾನುಸ್ಥವಾಮಬಾಹುಂ ಚ ಜ್ಞಾನಮುದ್ರಾಪರಂ ಹರಿಮ್ ।
ಅಧ್ಯಾತ್ಮಚಿತ್ತಮಾಸೀನಂ ಕದಲೀವನಮಧ್ಯಗಮ್ ।
ಬಾಲಾರ್ಕಕೋಟಿಪ್ರತಿಮಂ ವನ್ದೇ ಜ್ಞಾನಪ್ರದಂ ಹರಿಮ್ ॥ ೨೦॥
ಜ್ವಲತ್ಕಾಞ್ಚನವರ್ಣಾಯ ದೀರ್ಘಲಾಙ್ಗೂಲಧಾರಿಣೇ ।
ಸೌಮಿತ್ರಿಜಯದಾತ್ರೇ ಚ ರಾಮದೂತಾಯ ತೇ ನಮಃ ॥ ೨೧॥
ತಪ್ತಚಾಮೀಕರನಿಭಂ ಭೀಘ್ನಂ ಸಂವಿಹಿತಾಞ್ಜಲಿಮ್ ।
ಚಲತ್ಕುಣ್ಡಲದೀಪ್ತಾಸ್ಯಂ ಪದ್ಮಾಕ್ಷಂ ಮಾರುತಿಂ ಭಜೇ ॥ ೨೨॥
ದ್ವಿಭುಜಂ ಸ್ವರ್ಣವರ್ಣಾಭಂ ರಾಮಸೇವಾಪರಾಯಣಮ್ ।
ಮೌಞ್ಜೀಕೌಪೀನಸಹಿತಂ ತಂ ವನ್ದೇ ರಾಮಸೇವಕಮ್ ॥ ೨೩॥
ದಹನತಪ್ತಸುವರ್ಣಸಮಪ್ರಭಂ ಭಯಹರಂ ಹೃದಯೇ ವಿಹಿತಾಞ್ಜಲಿಮ್ ।
ಶ್ರವಣಕುಣ್ಡಲಶೋಭಿಮುಖಾಮ್ಬುಜಂ ನಮತ ವಾನರರಾಜಮಿಹಾದ್ಭುತಮ್ ॥ ೨೪॥
ನಖಾಯುಧಾಯ ಭೀಮಾಯ ದನ್ತಾಯುಧಧರಾಯ ಚ ।
ವಿಹಙ್ಗಾಯ ಚ ಶರ್ವಾಯ ವಜ್ರದೇಹಾಯ ತೇ ನಮಃ ॥ ೨೫॥
ನಾದಬಿನ್ದುಕಲಾತೀತಂ ಉತ್ಪತ್ತಿಸ್ಥಿತಿವರ್ಜಿತಮ್ ।
ಸಾಕ್ಷಾದೀಶ್ವರಸದ್ರೂಪಂ ಹನೂಮನ್ತಂ ಭಜಾಮ್ಯಹಮ್ ॥ ೨೬॥
ಪಞ್ಚಾಸ್ಯಮಚ್ಯುತಮನೇಕವಿಚಿತ್ರವರ್ಣವಕ್ತ್ರಂ ಶಶಾಙ್ಕಶೇಖರಂ ಕಪಿರಾಜವರ್ಯಮ್ ।
ಪೀತಾಮ್ಬರಾದಿಮುಕುಟೈರುಪಶೋಭಿತಾಙ್ಗಂ ಪಿಙ್ಗಾಕ್ಷಮಾದ್ಯಮನಿಶಂ ಮನಸಾ ಸ್ಮರಾಮಿ ॥ ೨೭॥
ಪದ್ಮರಾಗಮಣಿಕುಣ್ಡಲತ್ವಿಷಾ ಪಾಟಲೀಕೃತಕಪೋಲಮಣ್ಡಲಮ್ ।
ದಿವ್ಯಹೇಮಕದಲೀವನಾನ್ತರೇ ಭಾವಯಾಮಿ ಪವಮಾನನನ್ದನಮ್ ॥ ೨೮॥
ಪ್ರತಪ್ತಸ್ವರ್ಣವರ್ಣಾಭಂ ಸಂರಕ್ತಾರುಣಲೋಚನಮ್ ।
ಸುಗ್ರೀವಾದಿಯುತಂ ವನ್ದೇ ಪೀತಾಮ್ಬರಸಮಾವೃತಮ್ ।
ಗೋಷ್ಪದೀಕೃತವಾರೀಶಂ (ರಾಶಿಂ) ಪುಚ್ಛಮಸ್ತಕಮೀಶ್ವರಮ್
ಜ್ಞಾನಮುದ್ರಾಂ ಚ ಬಿಭ್ರಾಣಂ ಸರ್ವಾಲಙ್ಕಾರಭೂಷಿತಮ್ ॥ ೨೯॥
ಬುದ್ಧಿರ್ಬಲಂ ಯಶೋ ಧೈರ್ಯಂ ನಿರ್ಭಯತ್ವಮರೋಗತಾ ।
ಅಜಾಡ್ಯಂ ವಾಕ್ಪಟುತ್ವಂ ಚ ಹನೂಮತ್ಸ್ಮರಣಾದ್ಭವೇತ್ ॥ ೩೦॥
ಭಾನ್ವಿನ್ದೂಚರಣಾರವಿನ್ದಯುಗಲಂ ಕೌಪೀನಮೌಞ್ಜೀಧರಂ
ಕಾಞ್ಚಿಶ್ರೇಣಿಧರಂ ದುಕೂಲವಸನಂ ಯಜ್ಞೋಪವೀತಾಜಿನಮ್ ।
ಹಸ್ತಾಭ್ಯಾಂ ಧೃತಪುಸ್ತಕಂ ಚ ವಿಲಸದ್ಧಾರಾವಲಿಂ ಕುಣ್ಡಲಂ
ಖೇಚಾಲಂ ವಿಶಿಖಂ ಪ್ರಸನ್ನವದನಂ ಶ್ರೀವಾಯುಪುತ್ರಂ ಭಜೇ ॥ ೩೧॥
ಮನೋಜವಂ ಮಾರುತತುಲ್ಯವೇಗಂ ಜಿತೇನ್ದ್ರಿಯಂ ಬುದ್ಧಿಮತಾಂ ವರಿಷ್ಠಮ್ ।
ವಾತಾತ್ಮಜಂ ವಾನರಯೂಥಮುಖ್ಯಂ ಶ್ರೀರಾಮದೂತಂ ಶಿರಸಾ ನಮಾಮಿ ॥ ೩೨॥
ಮರುತ್ಸುತಂ ರಾಮಪದಾರವಿನ್ದವನ್ದಾರುಬೃನ್ದಾರಕಮಾಶು ವನ್ದೇ ।
ಧೀಶಕ್ತಿಭಕ್ತಿದ್ಯುತಿಸಿದ್ಧಯೋ ಯಂ ಕಾನ್ತಂ ಸ್ವಕಾನ್ತಾ ಇವ ಕಾಮಯನ್ತೇ ॥ ೩೩॥
ಮರ್ಕಟೇಶ ಮಹೋತ್ಸಾಹ ಸರ್ವಶತ್ರುಹರೋತ್ತಮ ।
ಶತ್ರುಂ ಸಮ್ಹರ ಮಾಂ ರಕ್ಷ ಶ್ರೀಮನ್ನಾಪದ ಉದ್ಧರ ॥ ೩೪॥
ಮರ್ಕಟೇಶ ಮಹೋತ್ಸಾಹ ಸರ್ವಾತಙ್ಕನಿವಾರಕ ।
ಅರೀನ್ಸಮ್ಹರ ಮಾಂ ರಕ್ಷ ಸುಖಂ ದಾಪಯ ಮೇ ಪ್ರಭೋ ॥ ೩೫॥
ಮಹಾಶೈಲಂ ಸಮುತ್ಪಾಟ್ಯ ಧಾವನ್ತಂ ರಾವಣಂ ಪ್ರತಿ ।
ತಿಷ್ಠ ತಿಷ್ಠ ರಣೇ ದುಷ್ಟ ಘೋರರಾವಂ ಸಮುಚ್ಚರನ್ ॥ ೩೬॥
ಲಾಕ್ಷಾರಸಾರುಣಂ ವನ್ದೇ ಕಾಲಾನ್ತಕಯಮೋಪಮಮ್ ।
ಜ್ವಲದಗ್ನಿಲಸನ್ನೇತ್ರಂ ಸೂರ್ಯಕೋಟಿಸಮಪ್ರಭಮ್ ।
ಅಙ್ಗದಾದ್ಯೈರ್ಮಹಾವೀರೈರ್ವೇಷ್ಟಿತಂ ರುದ್ರರೂಪಿಣಮ್ ॥ ೩೭॥
ಮಾರುತಿಂ ವೀರವಜ್ರಾಙ್ಗಂ ಭಕ್ತರಕ್ಷಣದೀಕ್ಷಿತಮ್ ।
ಹನೂಮನ್ತಂ ಸದಾ ವನ್ದೇ ರಾಮಮನ್ತ್ರಪ್ರಚಾರಕಮ್ ॥ ೩೮॥
ಯತ್ರ ಯತ್ರ ರಘುನಾಥಕೀರ್ತನಂ ತತ್ರ ತತ್ರ ಕೃತಮಸ್ತಕಾಞ್ಜಲಿಮ್ ।
ಬಾಷ್ಪವಾರಿಪರಿಪೂರ್ಣಲೋಚನಂ ಮಾರುತಿಂ ನಮತ ರಾಕ್ಷಸಾನ್ತಕಮ್ ॥ ೩೯॥
ಯೋ ವಾರಾಂನಿಧಿಮಲ್ಪಪಲ್ವಲಮಿವೋಲ್ಲಙ್ಘ್ಯ ಪ್ರತಾಪಾನ್ವಿತೋ
ವೈದೇಹೀಘನಶೋಕವಹ್ನಿಹರಣೋ ವೈಕುಣ್ಠಭಕ್ತಪ್ರಿಯಃ ।
ಅಕ್ಷಾದ್ಯರ್ಜಿತರಾಕ್ಷಸೇಶ್ವರಮಹಾದರ್ಪಾಪಹಾರೀ ರಣೇ
ಸೋಽಯಂ ವಾನರಪುಙ್ಗವೋಽವತು ಸದಾ ಚಾಸ್ಮಾನ್ ಸಮೀರಾತ್ಮಜಃ ॥ ೪೦॥
ರಾಜದ್ವಾರಿ ಬಿಲದ್ವಾರಿ ಪ್ರವೇಶೇ ಭೂತಸಙ್ಕುಲೇ ।
ಗಜಸಿಮ್ಹಮಹಾವ್ಯಾಘ್ರಚೌರಭೀಷಣಕಾನನೇ । ೪೧
ಶರಣಾಯ ಶರಣ್ಯಾಯ ವಾತಾತ್ಮಜ ನಮೋಸ್ತು ತೇ ।
ನಮಃ ಪ್ಲವಗಸೈನ್ಯಾನಾಂ ಪ್ರಾಣಭೂತಾತ್ಮನೇ ನಮಃ ॥ ೪೨॥
ರಾಮೇಷ್ಟಂ ಕರುಣಾಪೂರ್ಣಂ ಹನೂಮನ್ತಂ ಭಯಾಪಹಮ್ ।
ಶತ್ರುನಾಶಕರಂ ಭೀಮಂ ಸರ್ವಾಭೀಷ್ಟಫಲಪ್ರದಮ್ ॥ ೪೩॥
ಪ್ರದೋಷೇ ತ್ವಾಂ ಪ್ರಭಾತೇ ವಾ ಯೇ ಸ್ಮರನ್ತ್ಯಞ್ಜನಾಸುತಮ್ ।
ಅರ್ಥಸಿದ್ಧಿಂ ಯಶಃಪೂರ್ತಿಂ ಪ್ರಾಪ್ನುವನ್ತಿ ನ ಸಂಶಯಃ ॥ ೪೪॥
ಲಾಕ್ಷಾರಸಾರುಣಂ ವನ್ದೇ ಕಾಲಾನ್ತಕಯಮೋಪಮಮ್ ।
ಜ್ವಲದಗ್ನಿಲಸನ್ನೇತ್ರಂ ಸೂರ್ಯಕೋಟಿಸಮಪ್ರಭಮ್ ।
ಅಙ್ಗದಾದ್ಯೈರ್ಮಹಾವೀರೈರ್ವೇಷ್ಟಿತಂ ರುದ್ರರೂಪಿಣಮ್ ॥ ೪೫॥
ವಜ್ರದೇಹಾಯ ಕಾಲಾಗ್ನಿರುದ್ರಾಯಾಮಿತತೇಜಸೇ ।
ಬ್ರಹ್ಮಾಸ್ತ್ರಸ್ತಮ್ಭನಾಯಾಸ್ಮೈ ನಮಃ ಶ್ರೀರುದ್ರಮೂರ್ತಯೇ ॥ ೪೬॥
ವಜ್ರಾಙ್ಗಂ ಪಿಙ್ಗಕೇಶಾಢ್ಯಂ ಸ್ವರ್ಣಕುಣ್ಡಲಮಣ್ಡಿತಮ್ ।
ನಿಯುದ್ಧಮುಪಸಙ್ಕ್ರಮ್ಯ ಪಾರಾವಾರಪರಾಕ್ರಮಮ್ ॥ ೪೭॥
ವಾಮಹಸ್ತಗದಾಯುಕ್ತಂ ಪಾಶಹಸ್ತಕಮಣ್ಡಲುಮ್ ।
ಉದ್ಯದ್ದಕ್ಷಿಣದೋರ್ದಣ್ಡಂ ಹನೂಮನ್ತಂ ವಿಚಿನ್ತಯೇ ॥ ೪೮॥
ವಜ್ರಾಙ್ಗಂ ಪದ್ಮನೇತ್ರಂ ಕನಕಮಯಲಸತ್ಕುಣ್ಡಲಾಕ್ರಾನ್ತಗಣ್ಡಂ
ದಮ್ಭೋಲಿಸ್ತಮ್ಭಸಾರಪ್ರಹರಣಸುವಶೀಭೂತರಕ್ಷೋಽಧಿನಾಥಮ್ ।
ಉದ್ಯಲ್ಲಾಙ್ಗೂಲಸಪ್ತಾಚಲವಿಚಲಕರಂ ಭೀಮಮೂರ್ತಿಂ ಕಪೀನ್ದ್ರಂ
ವನ್ದೇ ತಂ ರಾಮಚನ್ದ್ರಪ್ರಮುಖದೃಢತರಂ ಸತ್ಪ್ರಸಾರಂ ಪ್ರಸನ್ನಮ್ ॥ ೪೯॥
ವನ್ದೇ ಬಾಲದಿವಾಕರದ್ಯುತಿನಿಭಂ ದೇವಾರಿದರ್ಪಾಪಹಂ
ದೇವೇನ್ದ್ರಪ್ರಮುಖೈಃಪ್ರಶಸ್ತಯಶಸಂ ದೇದೀಪ್ಯಮಾನಂ ರುಚಾ ।
ಸುಗ್ರೀವಾದಿಸಮಸ್ತವಾನರಯುತಂ ಸುವ್ಯಕ್ತತತ್ತ್ವಪ್ರಿಯಂ
ಸಂರಕ್ತಾರುಣಲೋಚನಂ ಪವನಜಂ ಪೀತಾಮ್ಬರಾಲಙ್ಕೃತಮ್ ॥ ೫೦॥
ವನ್ದೇ ರಣೇ ಹನುಮನ್ತಂ ಕಪಿಕೋಟಿಸಮನ್ವಿತಮ್ ।
ಧಾವನ್ತಂ ರಾವಣಂ ಜೇತುಂ ದೃಷ್ಟ್ವಾ ಸತ್ವರಮುತ್ಥಿತಮ್ ॥ ೫೧॥
ಲಕ್ಷ್ಮಣಂ ಚ ಮಹಾವೀರಂ ಪತಿತಂ ರಣಭೂತಲೇ ।
ಗುರುಂ ಚ ಕ್ರೋಧಮುತ್ಪಾದ್ಯ ಗೃಹೀತ್ವಾ ಗುರುಪರ್ವತಮ್ ॥ ೫೨॥
ಹಾಹಾಕಾರೈಃ ಸದರ್ಪೈಶ್ಚ ಕಮ್ಪಯನ್ತಂ ಜಗತ್ತ್ರಯಮ್ ।
ಬ್ರಹ್ಮಾಣ್ಡಂ ಸ ಸಮಾವಾಪ್ಯ ಕೃತ್ವಾ ಭೀಮಕಲೇವರಮ್ ॥ ೫೩॥
ವನ್ದೇ ವಾನರಸಿಮ್ಹಖಗರಾಟ್ ಕ್ರೋಡಾಶ್ವವಕ್ತ್ರಾನ್ವಿತಂ
ದಿವ್ಯಾಲಙ್ಕರಣಂ ತ್ರಿಪಞ್ಚನಯನಂ ದೇದೀಪ್ಯಮಾನಂ ರುಚಾ ।
ಹಸ್ತಾಬ್ಜೈರಸಿಖೇಟಪುಸ್ತಕಸುಧಾಕುಮ್ಭಾಙ್ಕುಶಾದ್ರೀನ್ ಹಲಂ
ಖಟ್ವಾಙ್ಗಂ ಫಣಿಭೂರುಹಂ ದಶಭುಜಂ ಸರ್ವಾರಿವೀರಾಪಹಮ್ ॥ ೫೪॥
ವಾಮಹಸ್ತೇ ಮಹಾವೃಕ್ಷಂ ದಶಾಸ್ಯಕರಖಣ್ಡನಮ್ ।
ಉದ್ಯದ್ದಕ್ಷಿಣದೋರ್ದಣ್ಡಂ ಹನೂಮನ್ತಂ ವಿಚಿನ್ತಯೇ ॥ ೫೫॥
ವಾಮೇ ಕರೇ ವೈರಿಭಿದಂ ವಹನ್ತಂ ಶೈಲಂ ಪರೇ ಶೃಙ್ಖಲಹಾರಟಙ್ಕಮ್ ।
ದಧಾನಮಚ್ಛಚ್ಛವಿಯಜ್ಞಸೂತ್ರಂ ಭಜೇ ಜ್ವಲತ್ಕುಣ್ಡಲಮಾಞ್ಜನೇಯಮ್ ॥ ೫೬॥
ವಾಮೇ ಜಾನುನಿ ವಾಮಬಾಹುಮಪರಂ ತಂ ಜ್ಞಾನಮುದ್ರಾಯುತಂ
ಹೃದ್ದೇಶೇ ಕಲಯನ್ ವೃತೋ ಮುನಿಗಣೈರಧ್ಯಾತ್ಮದತ್ತೇಕ್ಷಣಃ ।
ಆಸೀನಃ ಕದಲೀವನೇ ಮಣಿಮಯೇ ಬಾಲಾರ್ಕಕೋಟಿಪ್ರಭೋ
ಧ್ಯಾಯನ್ ಬ್ರಹ್ಮ ಪರಂ ಕರೋತು ಮನಸಃ ಸಿದ್ಧಿಂ ಹನೂಮಾನ್ಮಮ ॥ ೫೭॥
ವಾಮೇ ಶೈಲಂ ವೈರಿಭಿದಂ ವಿಶುದ್ಧಂ ಟಙ್ಕಮನ್ಯತಃ ।
ದಧಾನಂ ಸ್ವರ್ಣವರ್ಣಂ ಚ ವನ್ದೇ ಕುಣ್ಡಲಿನಂ ಹರಿಮ್ ॥ ೫೮॥
ಸದಾ ರಾಮ ರಾಮೇತಿ ನಾಮಾಮೃತಂ ತಂ ಸದಾ ರಾಮಮಾನನ್ದನಿಷ್ಯನ್ದಕನ್ದಮ್ ।
ಪಿಬನ್ತಂ ನಮನ್ತಂ ಸುದನ್ತಂ ಹಸನ್ತಂ ಹನೂಮನ್ತಮನ್ತರ್ಭಜೇ ತಂ ನಿತಾನ್ತಮ್ ॥ ೫೯॥
ಸಪೀತಕೌಪೀನಮುದಞ್ಚಿತಾಙ್ಗುಲಿಮ್ ಸಮುಜ್ಜ್ವಲನ್ಮೌಞ್ಜ್ಯಜಿನೋಪವೀತಿನಮ್ ।
ಸಕುಣ್ಡಲಂ ಲಮ್ಬಶಿಖಾಸಮಾವೃತಂ ತಮಾಞ್ಜನೇಯಂ ಶರಣಂ ಪ್ರಪದ್ಯೇ ॥ ೬೦॥
ಸರ್ವಾರಿಷ್ಟನಿವಾರಕಂ ಶುಭಕರಂ ಪಿಙ್ಗಾಕ್ಷಮಕ್ಷಾಪಹಂ
ಸೀತಾನ್ವೇಷಣತತ್ಪರಂ ಕಪಿವರಂ ಕೋಟೀನ್ದುಸೂರ್ಯಪ್ರಭಮ್ ।
ಲಙ್ಕಾದ್ವೀಪಭಯಙ್ಕರಂ ಸಕಲದಂ ಸುಗ್ರೀವಸಮ್ಮಾನಿತಂ
ದೇವೇನ್ದ್ರಾದಿಸಮಸ್ತದೇವವಿನುತಂ ಕಾಕುತ್ಸ್ಥದೂತಂ ಭಜೇ ॥ ೬೧॥
ಸಂಸಾರಸಾಗರಾವರ್ತಕರ್ತವ್ಯಭ್ರಾನ್ತಚೇತಸಾಮ್ ।
ಶರಣಾಗತಮರ್ತ್ಯಾನಾಂ ಶರಣ್ಯಾಯ ನಮೋಽಸ್ತು ತೇ ॥ ೬೨॥
ಸೀತಾರಾಮಪದಾಮ್ಬುಜೇ ಮಧುಪವದ್ಯನ್ಮಾನಸಂ ಲೀಯತೇ
ಸೀತಾರಾಮಗುಣಾವಲೀ ನಿಶಿ ದಿವಾ ಯಜ್ಜಿಹ್ವಯಾ ಪೀಯತೇ ।
ಸೀತಾರಾಮವಿಚಿತ್ರರೂಪಮನಿಶಂ ಯಚ್ಚಕ್ಷುಷೋರ್ಭೂಷಣಂ
ಸೀತಾರಾಮಸುನಾಮಧಾಮನಿರತಂ ತಂ ಸದ್ಗುರುಂ ತಂ ಭಜೇ ॥ ೬೩॥
ಸೀತಾವಿಯುಕ್ತಶ್ರೀರಾಮಶೋಕದುಃಖಭಯಾಪಹ ।
ತಾಪತ್ರಿತಯಸಮ್ಹಾರಿನ್ನಾಞ್ಜನೇಯ ನಮೋಽಸ್ತು ತೇ ॥ ೬೪॥
ಸೀತಾಶೀರ್ವಾದಸಮ್ಪನ್ನ ಸಮಸ್ತಾವಯವಾಕ್ಷತ ।
ಲೋಲಲಾಙ್ಗೂಲಪಾತೇನ ಮಮಾರಾತೀನ್ನಿವಾರಯ ॥ ೬೫॥
ಸ್ಫಟಿಕಾಭಂ ಸ್ವರ್ಣಕಾನ್ತಿಂ ದ್ವಿಭುಜಂ ಚ ಕೃತಾಞ್ಜಲಿಮ್ ।
ಕುಣ್ಡಲದ್ವಯಸಂಶೋಭಿಮುಖಾಮ್ಬುಜಮಹಂ ಭಜೇ ॥ ೬೬॥
ಸ್ವಾನನ್ದಹೇತೋರ್ಭಜತಾಂ ಜನಾನಾಂ ಮಗ್ನಃ ಸದಾ ರಾಮಕಥಾಸುಧಾಯಾಮ್ ।
ಅಸಾವಿದಾನೀಂ ಚ ನಿಷೇವಮಾಣೋ ರಾಮಂ ಪತಿಂ ಕಿಮ್ಪುರುಷೇ ಕಿಲಾಸ್ತೇ ॥ ೬೭॥
ಹನುಮನ್ತಂ ಮಹಾವೀರಂ ವಾಯುತುಲ್ಯಪರಾಕ್ರಮಮ್ ।
ಮಮಾಭೀಷ್ಟಾರ್ಥಸಿದ್ಧಯರ್ಥಂ ಪ್ರಣಮಾಮಿ ಮುಹುರ್ಮುಹುಃ ॥ ೬೮॥
ಹನೂಮಾನ್ ರಾಮಪಾದಾಬ್ಜಸಙ್ಗೀ ವರ್ಣಿವರಃ ಶುಚಿಃ ।
ಸಞ್ಜೀವನೋಪಹರ್ತಾ ಮೇ ದೀರ್ಘಮಾಯುರ್ದದಾತ್ವಿಹ ॥ ೬೯॥
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail
Please send corrections to sanskrit@cheerful.com
Last updated ತ್oday
http://sanskritdocuments.org
ಅಞ್ಜನಾನನ್ದನಂ ವೀರಂ ಜಾನಕೀಶೋಕನಾಶನಮ್ ।
ಕಪೀಶಮಕ್ಷಹನ್ತಾರಂ ವನ್ದೇ ಲಙ್ಕಾಭಯಙ್ಕರಮ್ ॥ ೧॥
ಅಞ್ಜನೀಗರ್ಭಸಮ್ಭೂತ ಕಪೀನ್ದ್ರಸಚಿವೋತ್ತಮ ।
ರಾಮಪ್ರಿಯ ನಮಸ್ತುಭ್ಯಂ ಹನೂಮನ್ ರಕ್ಷ ಸರ್ವದಾ ॥ ೨॥
ಅತುಲಿತಬಲಧಾಮಂ ಸ್ವರ್ಣಶೈಲಾಭದೇಹಂ
ದನುಜವನಕೃಶಾನುಂ ಜ್ಞಾನಿನಾಮಗ್ರಗಣ್ಯಮ್ ।
ಸಕಲಗುಣನಿಧಾನಂ ವಾನರಾಣಾಮಧೀಶಂ
ರಘುಪತಿಪ್ರಿಯಭಕ್ತಂ ವಾತಜಾತಂ ನಮಾಮಿ ॥ ೩॥
ಅಪರಾಜಿತ ಪಿಙ್ಗಾಕ್ಷ ನಮಸ್ತೇ ರಾಜಪೂಜಿತ ।
ದೀನೇ ಮಯಿ ದಯಾಂ ಕೃತ್ವಾ ಮಮ ದುಃಖಂ ವಿನಾಶಯ ॥ ೪॥
ಅಶೇಷಲಙ್ಕಾಪತಿಸೈನ್ಯಹನ್ತಾ ಶ್ರೀರಾಮಸೇವಾಚರಣೈಕಕರ್ತಾ ।
ಅನೇಕದುಃಖಾಹತಲೋಕಗೋಪ್ತಾ ತ್ವಸೌ ಹನೂಮಾನ್ಮಮ ಸೌಖ್ಯಕರ್ತಾ ॥ ೫॥
ಆಞ್ಜನೇಯಂ ಪಾಟಲಾಸ್ಯಂ ಸ್ವರ್ಣಾದ್ರಿಸಮವಿಗ್ರಹಮ್ ।
ಪಾರಿಜಾತದ್ರುಮೂಲಸ್ಥಂ ವನ್ದೇ ಸಾಧಕನನ್ದನಮ್ ॥ ೬॥
ಆಞ್ಜನೇಯಮತಿಪಾಟಲಾನನಂ ಕಾಞ್ಚನಾದ್ರಿಕಮನೀಯವಿಗ್ರಹಮ್ ।
ಪಾರಿಜಾತತರುಮೂಲವಾಸಿನಂ ಭಾವಯಾಮಿ ಪವಮಾನನನ್ದನಮ್ ॥ ೭॥
ಆಧಿವ್ಯಾಧಿಮಹಾಮಾರಿಗ್ರಹಪೀಡಾಪಹಾರಿಣೇ ।
ಪ್ರಾಣಾಪಹರ್ತ್ರೇ ದೈತ್ಯಾನಾಂ ರಾಮಪ್ರಾಣಾತ್ಮನೇ ನಮಃ ॥ ೮॥
ಆಪನ್ನಾಖಿಲಲೋಕಾರ್ತಿಹಾರಿಣೇ ಶ್ರೀಹನೂಮತೇ ।
ಅಕಸ್ಮಾದಾಗತೋತ್ಪಾತನಾಶನಾಯ ನಮೋಽಸ್ತು ತೇ ॥ ೯॥
ಉದ್ಯತ್ಕೋಟ್ಯರ್ಕಸಙ್ಕಾಶಂ ಜಗತ್ಪ್ರಕ್ಷೋಭಹಾರಕಮ್ ।
ಶ್ರೀರಾಮಾಙ್ಘ್ರಿಧ್ಯಾನನಿಷ್ಠಂ ಸುಗ್ರೀವಪ್ರಮುಖಾರ್ಚಿತಮ್ ।
ವಿತ್ರಾಸಯನ್ತಂ ನಾದೇನ ರಾಕ್ಷಸಾನ್ ಮಾರುತಿಂ ಭಜೇ ॥ ೧೦॥
ಉದ್ಯದಾದಿತ್ಯಸಙ್ಕಾಶಮುದಾರಭುಜವಿಕ್ರಮಮ್ ।
ಕನ್ದರ್ಪಕೋಟಿಲಾವಣ್ಯಂ ಸರ್ವವಿದ್ಯಾವಿಶಾರದಮ್ ॥ ೧೧॥
ಶ್ರೀರಾಮಹೃದಯಾನನ್ದಂ ಭಕ್ತಕಲ್ಪಮಹೀರುಹಮ್ ।
ಅಭಯಂ ವರದಂ ದೋರ್ಭ್ಯಾಂ ಕಲಯೇ ಮಾರುತಾತ್ಮಜಮ್ ॥ ೧೨॥
ಉದ್ಯನ್ಮಾರ್ತಣ್ಡಕೋಟಿಪ್ರಕಟರುಚಿಯುತಂ ಚಾರುವೀರಾಸನಸ್ಥಂ
ಮೌಞ್ಜೀಯಜ್ಞೋಪವೀತಾರುಣರುಚಿರಶಿಖಾಶೋಭನಂ ಕುಣ್ಡಲಾಙ್ಕಮ್ ।
ಭಕ್ತಾನಾಮಿಷ್ಟದಂ ತಂ ಪ್ರಣತಮುನಿಜನಂ ಮೇಘನಾದಪ್ರಮೋದಂ
ವನ್ದೇ ದೇವಂ ವಿಧೇಯಂ ಪ್ಲವಗಕುಲಪತಿಂ ಗೋಷ್ಪದೀಭೂತವಾರ್ಧಿಮ್ ॥ ೧೩॥
ಉಲ್ಲಙ್ಘ್ಯ ಸಿನ್ಧೋಃ ಸಲಿಲಂ ಸಲೀಲಂ ಯಃ ಶೋಕವಹ್ನಿಂ ಜನಕಾತ್ಮಜಾಯಾಃ ।
ಆದಾಯ ತೇನೈವ ದದಾಹ ಲಙ್ಕಾಂ ನಮಾಮಿ ತಂ ಪ್ರಾಞ್ಜಲಿರಾಞ್ಜನೇಯಮ್ ॥ ೧೪॥
ಕದಾಪಿ ಶುಭ್ರೈರ್ವರಚಾಮರೈಃ ಪ್ರಭುಂ ಗಾಯನ್ ಗುಣಾನ್ ವೀಜಯತಿ ಸ್ಥಿತೋಽಗ್ರತಃ ।
ಕದಾಪ್ಯುಪಶ್ಲೋಕಯತಿ ಸ್ವನಿರ್ಮಿತೈಃ ಸ್ತವೈಃ ಶುಭೈಃ ಶ್ರೀಹನುಮಾನ್ ಕೃತಾಞ್ಜಲಿಃ॥೧೫॥
ಕರಾತ್ತಶೈಲಶಸ್ತ್ರಾಯ ದ್ರುಮಶಸ್ತ್ರಾಯ ತೇ ನಮಃ ।
ಬಾಲೈಕಬ್ರಹ್ಮಚರ್ಯಾಯ ರುದ್ರಮೂರ್ತಿಧರಾಯ ಚ ॥ ೧೬॥
ಕಾರಾಗೃಹೇ ಪ್ರಯಾಣೇ ಚ ಸಙ್ಗ್ರಾಮೇ ದೇಶವಿಪ್ಲವೇ ।
ಸ್ಮರನ್ತಿ ತ್ವಾಂ ಹನೂಮನ್ತಂ ತೇಷಾಂ ನಾಸ್ತಿ ವಿಪತ್ತದಾ ॥ ೧೭॥
ಕೃತಕ್ರೋಧೇ ಯಸ್ಮಿನ್ನಮರನಗರೀ ಮಙ್ಗಲರವಾ
ನವಾತಙ್ಕಾ ಲಙ್ಕಾ ಸಮಜನಿ ವನಂ ವೃಶ್ಚತಿ ಸತಿ ।
ಸದಾ ಸೀತಾಕಾನ್ತಪ್ರಣತಿಮತಿವಿಖ್ಯಾತಮಹಿಮಾ
ಹನೂಮಾನವ್ಯಾನ್ನಃ ಕಪಿಕುಲಶಿರೋಮಣ್ಡನಮಣಿಃ ॥ ೧೮॥
ಗೋಷ್ಪದೀಕೃತವಾರಾಶಿಂ ಮಶಕೀಕೃತರಾಕ್ಷಸಮ್ ।
ರಾಮಾಯಣಮಹಾಮಾಲಾರತ್ನಂ ವನ್ದೇಽನಿಲಾತ್ಮಜಮ್ । ೧೯
ಜಾನುಸ್ಥವಾಮಬಾಹುಂ ಚ ಜ್ಞಾನಮುದ್ರಾಪರಂ ಹರಿಮ್ ।
ಅಧ್ಯಾತ್ಮಚಿತ್ತಮಾಸೀನಂ ಕದಲೀವನಮಧ್ಯಗಮ್ ।
ಬಾಲಾರ್ಕಕೋಟಿಪ್ರತಿಮಂ ವನ್ದೇ ಜ್ಞಾನಪ್ರದಂ ಹರಿಮ್ ॥ ೨೦॥
ಜ್ವಲತ್ಕಾಞ್ಚನವರ್ಣಾಯ ದೀರ್ಘಲಾಙ್ಗೂಲಧಾರಿಣೇ ।
ಸೌಮಿತ್ರಿಜಯದಾತ್ರೇ ಚ ರಾಮದೂತಾಯ ತೇ ನಮಃ ॥ ೨೧॥
ತಪ್ತಚಾಮೀಕರನಿಭಂ ಭೀಘ್ನಂ ಸಂವಿಹಿತಾಞ್ಜಲಿಮ್ ।
ಚಲತ್ಕುಣ್ಡಲದೀಪ್ತಾಸ್ಯಂ ಪದ್ಮಾಕ್ಷಂ ಮಾರುತಿಂ ಭಜೇ ॥ ೨೨॥
ದ್ವಿಭುಜಂ ಸ್ವರ್ಣವರ್ಣಾಭಂ ರಾಮಸೇವಾಪರಾಯಣಮ್ ।
ಮೌಞ್ಜೀಕೌಪೀನಸಹಿತಂ ತಂ ವನ್ದೇ ರಾಮಸೇವಕಮ್ ॥ ೨೩॥
ದಹನತಪ್ತಸುವರ್ಣಸಮಪ್ರಭಂ ಭಯಹರಂ ಹೃದಯೇ ವಿಹಿತಾಞ್ಜಲಿಮ್ ।
ಶ್ರವಣಕುಣ್ಡಲಶೋಭಿಮುಖಾಮ್ಬುಜಂ ನಮತ ವಾನರರಾಜಮಿಹಾದ್ಭುತಮ್ ॥ ೨೪॥
ನಖಾಯುಧಾಯ ಭೀಮಾಯ ದನ್ತಾಯುಧಧರಾಯ ಚ ।
ವಿಹಙ್ಗಾಯ ಚ ಶರ್ವಾಯ ವಜ್ರದೇಹಾಯ ತೇ ನಮಃ ॥ ೨೫॥
ನಾದಬಿನ್ದುಕಲಾತೀತಂ ಉತ್ಪತ್ತಿಸ್ಥಿತಿವರ್ಜಿತಮ್ ।
ಸಾಕ್ಷಾದೀಶ್ವರಸದ್ರೂಪಂ ಹನೂಮನ್ತಂ ಭಜಾಮ್ಯಹಮ್ ॥ ೨೬॥
ಪಞ್ಚಾಸ್ಯಮಚ್ಯುತಮನೇಕವಿಚಿತ್ರವರ್ಣವಕ್ತ್ರಂ ಶಶಾಙ್ಕಶೇಖರಂ ಕಪಿರಾಜವರ್ಯಮ್ ।
ಪೀತಾಮ್ಬರಾದಿಮುಕುಟೈರುಪಶೋಭಿತಾಙ್ಗಂ ಪಿಙ್ಗಾಕ್ಷಮಾದ್ಯಮನಿಶಂ ಮನಸಾ ಸ್ಮರಾಮಿ ॥ ೨೭॥
ಪದ್ಮರಾಗಮಣಿಕುಣ್ಡಲತ್ವಿಷಾ ಪಾಟಲೀಕೃತಕಪೋಲಮಣ್ಡಲಮ್ ।
ದಿವ್ಯಹೇಮಕದಲೀವನಾನ್ತರೇ ಭಾವಯಾಮಿ ಪವಮಾನನನ್ದನಮ್ ॥ ೨೮॥
ಪ್ರತಪ್ತಸ್ವರ್ಣವರ್ಣಾಭಂ ಸಂರಕ್ತಾರುಣಲೋಚನಮ್ ।
ಸುಗ್ರೀವಾದಿಯುತಂ ವನ್ದೇ ಪೀತಾಮ್ಬರಸಮಾವೃತಮ್ ।
ಗೋಷ್ಪದೀಕೃತವಾರೀಶಂ (ರಾಶಿಂ) ಪುಚ್ಛಮಸ್ತಕಮೀಶ್ವರಮ್
ಜ್ಞಾನಮುದ್ರಾಂ ಚ ಬಿಭ್ರಾಣಂ ಸರ್ವಾಲಙ್ಕಾರಭೂಷಿತಮ್ ॥ ೨೯॥
ಬುದ್ಧಿರ್ಬಲಂ ಯಶೋ ಧೈರ್ಯಂ ನಿರ್ಭಯತ್ವಮರೋಗತಾ ।
ಅಜಾಡ್ಯಂ ವಾಕ್ಪಟುತ್ವಂ ಚ ಹನೂಮತ್ಸ್ಮರಣಾದ್ಭವೇತ್ ॥ ೩೦॥
ಭಾನ್ವಿನ್ದೂಚರಣಾರವಿನ್ದಯುಗಲಂ ಕೌಪೀನಮೌಞ್ಜೀಧರಂ
ಕಾಞ್ಚಿಶ್ರೇಣಿಧರಂ ದುಕೂಲವಸನಂ ಯಜ್ಞೋಪವೀತಾಜಿನಮ್ ।
ಹಸ್ತಾಭ್ಯಾಂ ಧೃತಪುಸ್ತಕಂ ಚ ವಿಲಸದ್ಧಾರಾವಲಿಂ ಕುಣ್ಡಲಂ
ಖೇಚಾಲಂ ವಿಶಿಖಂ ಪ್ರಸನ್ನವದನಂ ಶ್ರೀವಾಯುಪುತ್ರಂ ಭಜೇ ॥ ೩೧॥
ಮನೋಜವಂ ಮಾರುತತುಲ್ಯವೇಗಂ ಜಿತೇನ್ದ್ರಿಯಂ ಬುದ್ಧಿಮತಾಂ ವರಿಷ್ಠಮ್ ।
ವಾತಾತ್ಮಜಂ ವಾನರಯೂಥಮುಖ್ಯಂ ಶ್ರೀರಾಮದೂತಂ ಶಿರಸಾ ನಮಾಮಿ ॥ ೩೨॥
ಮರುತ್ಸುತಂ ರಾಮಪದಾರವಿನ್ದವನ್ದಾರುಬೃನ್ದಾರಕಮಾಶು ವನ್ದೇ ।
ಧೀಶಕ್ತಿಭಕ್ತಿದ್ಯುತಿಸಿದ್ಧಯೋ ಯಂ ಕಾನ್ತಂ ಸ್ವಕಾನ್ತಾ ಇವ ಕಾಮಯನ್ತೇ ॥ ೩೩॥
ಮರ್ಕಟೇಶ ಮಹೋತ್ಸಾಹ ಸರ್ವಶತ್ರುಹರೋತ್ತಮ ।
ಶತ್ರುಂ ಸಮ್ಹರ ಮಾಂ ರಕ್ಷ ಶ್ರೀಮನ್ನಾಪದ ಉದ್ಧರ ॥ ೩೪॥
ಮರ್ಕಟೇಶ ಮಹೋತ್ಸಾಹ ಸರ್ವಾತಙ್ಕನಿವಾರಕ ।
ಅರೀನ್ಸಮ್ಹರ ಮಾಂ ರಕ್ಷ ಸುಖಂ ದಾಪಯ ಮೇ ಪ್ರಭೋ ॥ ೩೫॥
ಮಹಾಶೈಲಂ ಸಮುತ್ಪಾಟ್ಯ ಧಾವನ್ತಂ ರಾವಣಂ ಪ್ರತಿ ।
ತಿಷ್ಠ ತಿಷ್ಠ ರಣೇ ದುಷ್ಟ ಘೋರರಾವಂ ಸಮುಚ್ಚರನ್ ॥ ೩೬॥
ಲಾಕ್ಷಾರಸಾರುಣಂ ವನ್ದೇ ಕಾಲಾನ್ತಕಯಮೋಪಮಮ್ ।
ಜ್ವಲದಗ್ನಿಲಸನ್ನೇತ್ರಂ ಸೂರ್ಯಕೋಟಿಸಮಪ್ರಭಮ್ ।
ಅಙ್ಗದಾದ್ಯೈರ್ಮಹಾವೀರೈರ್ವೇಷ್ಟಿತಂ ರುದ್ರರೂಪಿಣಮ್ ॥ ೩೭॥
ಮಾರುತಿಂ ವೀರವಜ್ರಾಙ್ಗಂ ಭಕ್ತರಕ್ಷಣದೀಕ್ಷಿತಮ್ ।
ಹನೂಮನ್ತಂ ಸದಾ ವನ್ದೇ ರಾಮಮನ್ತ್ರಪ್ರಚಾರಕಮ್ ॥ ೩೮॥
ಯತ್ರ ಯತ್ರ ರಘುನಾಥಕೀರ್ತನಂ ತತ್ರ ತತ್ರ ಕೃತಮಸ್ತಕಾಞ್ಜಲಿಮ್ ।
ಬಾಷ್ಪವಾರಿಪರಿಪೂರ್ಣಲೋಚನಂ ಮಾರುತಿಂ ನಮತ ರಾಕ್ಷಸಾನ್ತಕಮ್ ॥ ೩೯॥
ಯೋ ವಾರಾಂನಿಧಿಮಲ್ಪಪಲ್ವಲಮಿವೋಲ್ಲಙ್ಘ್ಯ ಪ್ರತಾಪಾನ್ವಿತೋ
ವೈದೇಹೀಘನಶೋಕವಹ್ನಿಹರಣೋ ವೈಕುಣ್ಠಭಕ್ತಪ್ರಿಯಃ ।
ಅಕ್ಷಾದ್ಯರ್ಜಿತರಾಕ್ಷಸೇಶ್ವರಮಹಾದರ್ಪಾಪಹಾರೀ ರಣೇ
ಸೋಽಯಂ ವಾನರಪುಙ್ಗವೋಽವತು ಸದಾ ಚಾಸ್ಮಾನ್ ಸಮೀರಾತ್ಮಜಃ ॥ ೪೦॥
ರಾಜದ್ವಾರಿ ಬಿಲದ್ವಾರಿ ಪ್ರವೇಶೇ ಭೂತಸಙ್ಕುಲೇ ।
ಗಜಸಿಮ್ಹಮಹಾವ್ಯಾಘ್ರಚೌರಭೀಷಣಕಾನನೇ । ೪೧
ಶರಣಾಯ ಶರಣ್ಯಾಯ ವಾತಾತ್ಮಜ ನಮೋಸ್ತು ತೇ ।
ನಮಃ ಪ್ಲವಗಸೈನ್ಯಾನಾಂ ಪ್ರಾಣಭೂತಾತ್ಮನೇ ನಮಃ ॥ ೪೨॥
ರಾಮೇಷ್ಟಂ ಕರುಣಾಪೂರ್ಣಂ ಹನೂಮನ್ತಂ ಭಯಾಪಹಮ್ ।
ಶತ್ರುನಾಶಕರಂ ಭೀಮಂ ಸರ್ವಾಭೀಷ್ಟಫಲಪ್ರದಮ್ ॥ ೪೩॥
ಪ್ರದೋಷೇ ತ್ವಾಂ ಪ್ರಭಾತೇ ವಾ ಯೇ ಸ್ಮರನ್ತ್ಯಞ್ಜನಾಸುತಮ್ ।
ಅರ್ಥಸಿದ್ಧಿಂ ಯಶಃಪೂರ್ತಿಂ ಪ್ರಾಪ್ನುವನ್ತಿ ನ ಸಂಶಯಃ ॥ ೪೪॥
ಲಾಕ್ಷಾರಸಾರುಣಂ ವನ್ದೇ ಕಾಲಾನ್ತಕಯಮೋಪಮಮ್ ।
ಜ್ವಲದಗ್ನಿಲಸನ್ನೇತ್ರಂ ಸೂರ್ಯಕೋಟಿಸಮಪ್ರಭಮ್ ।
ಅಙ್ಗದಾದ್ಯೈರ್ಮಹಾವೀರೈರ್ವೇಷ್ಟಿತಂ ರುದ್ರರೂಪಿಣಮ್ ॥ ೪೫॥
ವಜ್ರದೇಹಾಯ ಕಾಲಾಗ್ನಿರುದ್ರಾಯಾಮಿತತೇಜಸೇ ।
ಬ್ರಹ್ಮಾಸ್ತ್ರಸ್ತಮ್ಭನಾಯಾಸ್ಮೈ ನಮಃ ಶ್ರೀರುದ್ರಮೂರ್ತಯೇ ॥ ೪೬॥
ವಜ್ರಾಙ್ಗಂ ಪಿಙ್ಗಕೇಶಾಢ್ಯಂ ಸ್ವರ್ಣಕುಣ್ಡಲಮಣ್ಡಿತಮ್ ।
ನಿಯುದ್ಧಮುಪಸಙ್ಕ್ರಮ್ಯ ಪಾರಾವಾರಪರಾಕ್ರಮಮ್ ॥ ೪೭॥
ವಾಮಹಸ್ತಗದಾಯುಕ್ತಂ ಪಾಶಹಸ್ತಕಮಣ್ಡಲುಮ್ ।
ಉದ್ಯದ್ದಕ್ಷಿಣದೋರ್ದಣ್ಡಂ ಹನೂಮನ್ತಂ ವಿಚಿನ್ತಯೇ ॥ ೪೮॥
ವಜ್ರಾಙ್ಗಂ ಪದ್ಮನೇತ್ರಂ ಕನಕಮಯಲಸತ್ಕುಣ್ಡಲಾಕ್ರಾನ್ತಗಣ್ಡಂ
ದಮ್ಭೋಲಿಸ್ತಮ್ಭಸಾರಪ್ರಹರಣಸುವಶೀಭೂತರಕ್ಷೋಽಧಿನಾಥಮ್ ।
ಉದ್ಯಲ್ಲಾಙ್ಗೂಲಸಪ್ತಾಚಲವಿಚಲಕರಂ ಭೀಮಮೂರ್ತಿಂ ಕಪೀನ್ದ್ರಂ
ವನ್ದೇ ತಂ ರಾಮಚನ್ದ್ರಪ್ರಮುಖದೃಢತರಂ ಸತ್ಪ್ರಸಾರಂ ಪ್ರಸನ್ನಮ್ ॥ ೪೯॥
ವನ್ದೇ ಬಾಲದಿವಾಕರದ್ಯುತಿನಿಭಂ ದೇವಾರಿದರ್ಪಾಪಹಂ
ದೇವೇನ್ದ್ರಪ್ರಮುಖೈಃಪ್ರಶಸ್ತಯಶಸಂ ದೇದೀಪ್ಯಮಾನಂ ರುಚಾ ।
ಸುಗ್ರೀವಾದಿಸಮಸ್ತವಾನರಯುತಂ ಸುವ್ಯಕ್ತತತ್ತ್ವಪ್ರಿಯಂ
ಸಂರಕ್ತಾರುಣಲೋಚನಂ ಪವನಜಂ ಪೀತಾಮ್ಬರಾಲಙ್ಕೃತಮ್ ॥ ೫೦॥
ವನ್ದೇ ರಣೇ ಹನುಮನ್ತಂ ಕಪಿಕೋಟಿಸಮನ್ವಿತಮ್ ।
ಧಾವನ್ತಂ ರಾವಣಂ ಜೇತುಂ ದೃಷ್ಟ್ವಾ ಸತ್ವರಮುತ್ಥಿತಮ್ ॥ ೫೧॥
ಲಕ್ಷ್ಮಣಂ ಚ ಮಹಾವೀರಂ ಪತಿತಂ ರಣಭೂತಲೇ ।
ಗುರುಂ ಚ ಕ್ರೋಧಮುತ್ಪಾದ್ಯ ಗೃಹೀತ್ವಾ ಗುರುಪರ್ವತಮ್ ॥ ೫೨॥
ಹಾಹಾಕಾರೈಃ ಸದರ್ಪೈಶ್ಚ ಕಮ್ಪಯನ್ತಂ ಜಗತ್ತ್ರಯಮ್ ।
ಬ್ರಹ್ಮಾಣ್ಡಂ ಸ ಸಮಾವಾಪ್ಯ ಕೃತ್ವಾ ಭೀಮಕಲೇವರಮ್ ॥ ೫೩॥
ವನ್ದೇ ವಾನರಸಿಮ್ಹಖಗರಾಟ್ ಕ್ರೋಡಾಶ್ವವಕ್ತ್ರಾನ್ವಿತಂ
ದಿವ್ಯಾಲಙ್ಕರಣಂ ತ್ರಿಪಞ್ಚನಯನಂ ದೇದೀಪ್ಯಮಾನಂ ರುಚಾ ।
ಹಸ್ತಾಬ್ಜೈರಸಿಖೇಟಪುಸ್ತಕಸುಧಾಕುಮ್ಭಾಙ್ಕುಶಾದ್ರೀನ್ ಹಲಂ
ಖಟ್ವಾಙ್ಗಂ ಫಣಿಭೂರುಹಂ ದಶಭುಜಂ ಸರ್ವಾರಿವೀರಾಪಹಮ್ ॥ ೫೪॥
ವಾಮಹಸ್ತೇ ಮಹಾವೃಕ್ಷಂ ದಶಾಸ್ಯಕರಖಣ್ಡನಮ್ ।
ಉದ್ಯದ್ದಕ್ಷಿಣದೋರ್ದಣ್ಡಂ ಹನೂಮನ್ತಂ ವಿಚಿನ್ತಯೇ ॥ ೫೫॥
ವಾಮೇ ಕರೇ ವೈರಿಭಿದಂ ವಹನ್ತಂ ಶೈಲಂ ಪರೇ ಶೃಙ್ಖಲಹಾರಟಙ್ಕಮ್ ।
ದಧಾನಮಚ್ಛಚ್ಛವಿಯಜ್ಞಸೂತ್ರಂ ಭಜೇ ಜ್ವಲತ್ಕುಣ್ಡಲಮಾಞ್ಜನೇಯಮ್ ॥ ೫೬॥
ವಾಮೇ ಜಾನುನಿ ವಾಮಬಾಹುಮಪರಂ ತಂ ಜ್ಞಾನಮುದ್ರಾಯುತಂ
ಹೃದ್ದೇಶೇ ಕಲಯನ್ ವೃತೋ ಮುನಿಗಣೈರಧ್ಯಾತ್ಮದತ್ತೇಕ್ಷಣಃ ।
ಆಸೀನಃ ಕದಲೀವನೇ ಮಣಿಮಯೇ ಬಾಲಾರ್ಕಕೋಟಿಪ್ರಭೋ
ಧ್ಯಾಯನ್ ಬ್ರಹ್ಮ ಪರಂ ಕರೋತು ಮನಸಃ ಸಿದ್ಧಿಂ ಹನೂಮಾನ್ಮಮ ॥ ೫೭॥
ವಾಮೇ ಶೈಲಂ ವೈರಿಭಿದಂ ವಿಶುದ್ಧಂ ಟಙ್ಕಮನ್ಯತಃ ।
ದಧಾನಂ ಸ್ವರ್ಣವರ್ಣಂ ಚ ವನ್ದೇ ಕುಣ್ಡಲಿನಂ ಹರಿಮ್ ॥ ೫೮॥
ಸದಾ ರಾಮ ರಾಮೇತಿ ನಾಮಾಮೃತಂ ತಂ ಸದಾ ರಾಮಮಾನನ್ದನಿಷ್ಯನ್ದಕನ್ದಮ್ ।
ಪಿಬನ್ತಂ ನಮನ್ತಂ ಸುದನ್ತಂ ಹಸನ್ತಂ ಹನೂಮನ್ತಮನ್ತರ್ಭಜೇ ತಂ ನಿತಾನ್ತಮ್ ॥ ೫೯॥
ಸಪೀತಕೌಪೀನಮುದಞ್ಚಿತಾಙ್ಗುಲಿಮ್ ಸಮುಜ್ಜ್ವಲನ್ಮೌಞ್ಜ್ಯಜಿನೋಪವೀತಿನಮ್ ।
ಸಕುಣ್ಡಲಂ ಲಮ್ಬಶಿಖಾಸಮಾವೃತಂ ತಮಾಞ್ಜನೇಯಂ ಶರಣಂ ಪ್ರಪದ್ಯೇ ॥ ೬೦॥
ಸರ್ವಾರಿಷ್ಟನಿವಾರಕಂ ಶುಭಕರಂ ಪಿಙ್ಗಾಕ್ಷಮಕ್ಷಾಪಹಂ
ಸೀತಾನ್ವೇಷಣತತ್ಪರಂ ಕಪಿವರಂ ಕೋಟೀನ್ದುಸೂರ್ಯಪ್ರಭಮ್ ।
ಲಙ್ಕಾದ್ವೀಪಭಯಙ್ಕರಂ ಸಕಲದಂ ಸುಗ್ರೀವಸಮ್ಮಾನಿತಂ
ದೇವೇನ್ದ್ರಾದಿಸಮಸ್ತದೇವವಿನುತಂ ಕಾಕುತ್ಸ್ಥದೂತಂ ಭಜೇ ॥ ೬೧॥
ಸಂಸಾರಸಾಗರಾವರ್ತಕರ್ತವ್ಯಭ್ರಾನ್ತಚೇತಸಾಮ್ ।
ಶರಣಾಗತಮರ್ತ್ಯಾನಾಂ ಶರಣ್ಯಾಯ ನಮೋಽಸ್ತು ತೇ ॥ ೬೨॥
ಸೀತಾರಾಮಪದಾಮ್ಬುಜೇ ಮಧುಪವದ್ಯನ್ಮಾನಸಂ ಲೀಯತೇ
ಸೀತಾರಾಮಗುಣಾವಲೀ ನಿಶಿ ದಿವಾ ಯಜ್ಜಿಹ್ವಯಾ ಪೀಯತೇ ।
ಸೀತಾರಾಮವಿಚಿತ್ರರೂಪಮನಿಶಂ ಯಚ್ಚಕ್ಷುಷೋರ್ಭೂಷಣಂ
ಸೀತಾರಾಮಸುನಾಮಧಾಮನಿರತಂ ತಂ ಸದ್ಗುರುಂ ತಂ ಭಜೇ ॥ ೬೩॥
ಸೀತಾವಿಯುಕ್ತಶ್ರೀರಾಮಶೋಕದುಃಖಭಯಾಪಹ ।
ತಾಪತ್ರಿತಯಸಮ್ಹಾರಿನ್ನಾಞ್ಜನೇಯ ನಮೋಽಸ್ತು ತೇ ॥ ೬೪॥
ಸೀತಾಶೀರ್ವಾದಸಮ್ಪನ್ನ ಸಮಸ್ತಾವಯವಾಕ್ಷತ ।
ಲೋಲಲಾಙ್ಗೂಲಪಾತೇನ ಮಮಾರಾತೀನ್ನಿವಾರಯ ॥ ೬೫॥
ಸ್ಫಟಿಕಾಭಂ ಸ್ವರ್ಣಕಾನ್ತಿಂ ದ್ವಿಭುಜಂ ಚ ಕೃತಾಞ್ಜಲಿಮ್ ।
ಕುಣ್ಡಲದ್ವಯಸಂಶೋಭಿಮುಖಾಮ್ಬುಜಮಹಂ ಭಜೇ ॥ ೬೬॥
ಸ್ವಾನನ್ದಹೇತೋರ್ಭಜತಾಂ ಜನಾನಾಂ ಮಗ್ನಃ ಸದಾ ರಾಮಕಥಾಸುಧಾಯಾಮ್ ।
ಅಸಾವಿದಾನೀಂ ಚ ನಿಷೇವಮಾಣೋ ರಾಮಂ ಪತಿಂ ಕಿಮ್ಪುರುಷೇ ಕಿಲಾಸ್ತೇ ॥ ೬೭॥
ಹನುಮನ್ತಂ ಮಹಾವೀರಂ ವಾಯುತುಲ್ಯಪರಾಕ್ರಮಮ್ ।
ಮಮಾಭೀಷ್ಟಾರ್ಥಸಿದ್ಧಯರ್ಥಂ ಪ್ರಣಮಾಮಿ ಮುಹುರ್ಮುಹುಃ ॥ ೬೮॥
ಹನೂಮಾನ್ ರಾಮಪಾದಾಬ್ಜಸಙ್ಗೀ ವರ್ಣಿವರಃ ಶುಚಿಃ ।
ಸಞ್ಜೀವನೋಪಹರ್ತಾ ಮೇ ದೀರ್ಘಮಾಯುರ್ದದಾತ್ವಿಹ ॥ ೬೯॥
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail
Please send corrections to sanskrit@cheerful.com
Last updated ತ್oday
http://sanskritdocuments.org
Hanuman Vandanam Lyrics in Kannada PDF
% File name : hanumadvandanam.itx
% Location : doc\_hanumaana
% Language : Sanskrit
% Subject : philosophy/hinduism/religion
% Transliterated by : Processed by Sowmya Ramkumar
% Proofread by : PSA Easwaran psaeaswaran at gmail
% Description-comments : From Hanumatstutimanjari, Mahaperiaval Publication
% Latest update : September 18, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : hanumadvandanam.itx
% Location : doc\_hanumaana
% Language : Sanskrit
% Subject : philosophy/hinduism/religion
% Transliterated by : Processed by Sowmya Ramkumar
% Proofread by : PSA Easwaran psaeaswaran at gmail
% Description-comments : From Hanumatstutimanjari, Mahaperiaval Publication
% Latest update : September 18, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website