গকাররূপো গম্বীজো গণেশো গণবন্দিতঃ ।
গণনীযো গণোগণ্যো গণনাতীত সদ্গুণঃ ॥ 1 ॥

গগনাদিকসৃদ্গঙ্গাসুতোগঙ্গাসুতার্চিতঃ ।
গঙ্গাধরপ্রীতিকরোগবীশেড্যোগদাপহঃ ॥ 2 ॥

গদাধরনুতো গদ্যপদ্যাত্মককবিত্বদঃ ।
গজাস্যো গজলক্ষ্মীবান্ গজবাজিরথপ্রদঃ ॥ 3 ॥

গঞ্জানিরত শিক্ষাকৃদ্গণিতজ্ঞো গণোত্তমঃ ।
গণ্ডদানাঞ্চিতোগন্তা গণ্ডোপল সমাকৃতিঃ ॥ 4 ॥

গগন ব্যাপকো গম্যো গমানাদি বিবর্জিতঃ ।
গণ্ডদোষহরো গণ্ড ভ্রমদ্ভ্রমর কুণ্ডলঃ ॥ 5 ॥

গতাগতজ্ঞো গতিদো গতমৃত্যুর্গতোদ্ভবঃ ।
গন্ধপ্রিযো গন্ধবাহো গন্ধসিন্ধুরবৃন্দগঃ ॥ 6 ॥

গন্ধাদি পূজিতো গব্যভোক্তা গর্গাদি সন্নুতঃ ।
গরিষ্ঠোগরভিদ্গর্বহরো গরলিভূষণঃ ॥ 7 ॥

গবিষ্ঠোগর্জিতারাবো গভীরহৃদযো গদী ।
গলত্কুষ্ঠহরো গর্ভপ্রদো গর্ভার্ভরক্ষকঃ ॥ 8 ॥

গর্ভাধারো গর্ভবাসি শিশুজ্ঞান প্রদাযকঃ ।
গরুত্মত্তুল্যজবনো গরুডধ্বজবন্দিতঃ ॥ 9 ॥

গযেডিতো গযাশ্রাদ্ধফলদশ্চ গযাকৃতিঃ ।
গদাধরাবতারীচ গন্ধর্বনগরার্চিতঃ ॥ 10 ॥

গন্ধর্বগানসন্তুষ্টো গরুডাগ্রজবন্দিতঃ ।
গণরাত্র সমারাধ্যো গর্হণস্তুতি সাম্যধীঃ ॥ 11 ॥

গর্তাভনাভির্গব্যূতিঃ দীর্ঘতুণ্ডো গভস্তিমান্ ।
গর্হিতাচার দূরশ্চ গরুডোপলভূষিতঃ ॥ 12 ॥

গজারি বিক্রমো গন্ধমূষবাজী গতশ্রমঃ ।
গবেষণীযো গমনো গহনস্থ মুনিস্তুতঃ ॥ 13 ॥

গবযচ্ছিদ্গণ্ডকভিদ্গহ্বরাপথবারণঃ ।
গজদন্তাযুধো গর্জদ্রিপুঘ্নো গজকর্ণিকঃ ॥ 14 ॥

গজচর্মামযচ্ছেত্তা গণাধ্যক্ষোগণার্চিতঃ ।
গণিকানর্তনপ্রীতোগচ্ছন্ গন্ধফলী প্রিযঃ ॥ 15 ॥

গন্ধকাদি রসাধীশো গণকানন্দদাযকঃ ।
গরভাদিজনুর্হর্তা গণ্ডকীগাহনোত্সুকঃ ॥ 16 ॥

গণ্ডূষীকৃতবারাশিঃ গরিমালঘিমাদিদঃ ।
গবাক্ষবত্সৌধবাসীগর্ভিতো গর্ভিণীনুতঃ ॥ 17 ॥

গন্ধমাদনশৈলাভো গণ্ডভেরুণ্ডবিক্রমঃ ।
গদিতো গদ্গদারাব সংস্তুতো গহ্বরীপতিঃ ॥ 18 ॥

গজেশায গরীযসে গদ্যেড্যোগতভীর্গদিতাগমঃ ।
গর্হণীয গুণাভাবো গঙ্গাদিক শুচিপ্রদঃ ॥ 19 ॥

গণনাতীত বিদ্যাশ্রী বলাযুষ্যাদিদাযকঃ ।
এবং শ্রীগণনাথস্য নাম্নামষ্টোত্তরং শতম্ ॥ 20 ॥

পঠনাচ্ছ্রবণাত্ পুংসাং শ্রেযঃ প্রেমপ্রদাযকম্ ।
পূজান্তে যঃ পঠেন্নিত্যং প্রীতস্সন্ তস্যবিঘ্নরাট্ ॥ 21 ॥

যং যং কামযতে কামং তং তং শীঘ্রং প্রযচ্ছতি ।
দূর্বযাভ্যর্চযন্ দেবমেকবিংশতিবাসরান্ ॥ 22 ॥

একবিংশতিবারং যো নিত্যং স্তোত্রং পঠেদ্যদি ।
তস্য প্রসন্নো বিঘ্নেশস্সর্বান্ কামান্ প্রযচ্ছতি ॥ 23 ॥

॥ ইতি শ্রী গণপতি গকার অষ্টোত্তর শতনামস্তোত্রম্ ॥

Text Source vignanam.org
PDF file is generated [ October 11, 2015 ] at Stotram Website