চাম্পেযগৌরার্ধশরীরকাযৈ
কর্পূরগৌরার্ধশরীরকায ।
ধম্মিল্লকাযৈ চ জটাধরায
নমঃ শিবাযৈ চ নমঃ শিবায ॥ 1 ॥

কস্তূরিকাকুঙ্কুমচর্চিতাযৈ
চিতারজঃপুঞ্জ বিচর্চিতায ।
কৃতস্মরাযৈ বিকৃতস্মরায
নমঃ শিবাযৈ চ নমঃ শিবায ॥ 2 ॥

ঝণত্ক্বণত্কঙ্কণনূপুরাযৈ
পাদাব্জরাজত্ফণিনূপুরায ।
হেমাঙ্গদাযৈ ভুজগাঙ্গদায
নমঃ শিবাযৈ চ নমঃ শিবায ॥ 3 ॥

বিশালনীলোত্পললোচনাযৈ
বিকাসিপঙ্কেরুহলোচনায ।
সমেক্ষণাযৈ বিষমেক্ষণায
নমঃ শিবাযৈ চ নমঃ শিবায ॥ 4 ॥

মন্দারমালাকলিতালকাযৈ
কপালমালাঙ্কিতকন্ধরায ।
দিব্যাম্বরাযৈ চ দিগম্বরায
নমঃ শিবাযৈ চ নমঃ শিবায ॥ 5 ॥

অম্ভোধরশ্যামলকুন্তলাযৈ
তটিত্প্রভাতাম্রজটাধরায ।
নিরীশ্বরাযৈ নিখিলেশ্বরায
নমঃ শিবাযৈ চ নমঃ শিবায ॥ 6 ॥

প্রপঞ্চসৃষ্ট্যুন্মুখলাস্যকাযৈ
সমস্তসংহারকতাণ্ডবায ।
জগজ্জনন্যৈ জগদেকপিত্রে
নমঃ শিবাযৈ চ নমঃ শিবায ॥ 7 ॥

প্রদীপ্তরত্নোজ্জ্বলকুণ্ডলাযৈ
স্ফুরন্মহাপন্নগভূষণায ।
শিবান্বিতাযৈ চ শিবান্বিতায
নমঃ শিবাযৈ চ নমঃ শিবায ॥ 8 ॥

এতত্পঠেদষ্টকমিষ্টদং যো
ভক্ত্যা স মান্যো ভুবি দীর্ঘজীবী ।
প্রাপ্নোতি সৌভাগ্যমনন্তকালং
ভূযাত্সদা তস্য সমস্তসিদ্ধিঃ ॥

Text Source vignanam.org
PDF file is generated [ October 11, 2015 ] at Stotram Website