ചാമ്പേയഗൌരാര്ധശരീരകായൈ
കര്പൂരഗൌരാര്ധശരീരകായ ।
ധമ്മില്ലകായൈ ച ജടാധരായ
നമഃ ശിവായൈ ച നമഃ ശിവായ ॥ 1 ॥

കസ്തൂരികാകുങ്കുമചര്ചിതായൈ
ചിതാരജഃപുഞ്ജ വിചര്ചിതായ ।
കൃതസ്മരായൈ വികൃതസ്മരായ
നമഃ ശിവായൈ ച നമഃ ശിവായ ॥ 2 ॥

ഝണത്ക്വണത്കങ്കണനൂപുരായൈ
പാദാബ്ജരാജത്ഫണിനൂപുരായ ।
ഹേമാങ്ഗദായൈ ഭുജഗാങ്ഗദായ
നമഃ ശിവായൈ ച നമഃ ശിവായ ॥ 3 ॥

വിശാലനീലോത്പലലോചനായൈ
വികാസിപങ്കേരുഹലോചനായ ।
സമേക്ഷണായൈ വിഷമേക്ഷണായ
നമഃ ശിവായൈ ച നമഃ ശിവായ ॥ 4 ॥

മന്ദാരമാലാകലിതാലകായൈ
കപാലമാലാങ്കിതകന്ധരായ ।
ദിവ്യാമ്ബരായൈ ച ദിഗമ്ബരായ
നമഃ ശിവായൈ ച നമഃ ശിവായ ॥ 5 ॥

അമ്ഭോധരശ്യാമലകുന്തലായൈ
തടിത്പ്രഭാതാമ്രജടാധരായ ।
നിരീശ്വരായൈ നിഖിലേശ്വരായ
നമഃ ശിവായൈ ച നമഃ ശിവായ ॥ 6 ॥

പ്രപഞ്ചസൃഷ്ട്യുന്മുഖലാസ്യകായൈ
സമസ്തസംഹാരകതാണ്ഡവായ ।
ജഗജ്ജനന്യൈ ജഗദേകപിത്രേ
നമഃ ശിവായൈ ച നമഃ ശിവായ ॥ 7 ॥

പ്രദീപ്തരത്നോജ്ജ്വലകുണ്ഡലായൈ
സ്ഫുരന്മഹാപന്നഗഭൂഷണായ ।
ശിവാന്വിതായൈ ച ശിവാന്വിതായ
നമഃ ശിവായൈ ച നമഃ ശിവായ ॥ 8 ॥

ഏതത്പഠേദഷ്ടകമിഷ്ടദം യോ
ഭക്ത്യാ സ മാന്യോ ഭുവി ദീര്ഘജീവീ ।
പ്രാപ്നോതി സൌഭാഗ്യമനന്തകാലം
ഭൂയാത്സദാ തസ്യ സമസ്തസിദ്ധിഃ ॥

Text Source vignanam.org
PDF file is generated [ October 11, 2015 ] at Stotram Website