ଚାମ୍ପେଯଗୌରାର୍ଧଶରୀରକାଯୈ
କର୍ପୂରଗୌରାର୍ଧଶରୀରକାଯ ।
ଧମ୍ମିଲ୍ଲକାଯୈ ଚ ଜଟାଧରାଯ
ନମଃ ଶିଵାଯୈ ଚ ନମଃ ଶିଵାଯ ॥ 1 ॥

କସ୍ତୂରିକାକୁଙ୍କୁମଚର୍ଚିତାଯୈ
ଚିତାରଜଃପୁଞ୍ଜ ଵିଚର୍ଚିତାଯ ।
କୃତସ୍ମରାଯୈ ଵିକୃତସ୍ମରାଯ
ନମଃ ଶିଵାଯୈ ଚ ନମଃ ଶିଵାଯ ॥ 2 ॥

ଝଣତ୍କ୍ଵଣତ୍କଙ୍କଣନୂପୁରାଯୈ
ପାଦାବ୍ଜରାଜତ୍ଫଣିନୂପୁରାଯ ।
ହେମାଙ୍ଗଦାଯୈ ଭୁଜଗାଙ୍ଗଦାଯ
ନମଃ ଶିଵାଯୈ ଚ ନମଃ ଶିଵାଯ ॥ 3 ॥

ଵିଶାଲନୀଲୋତ୍ପଲଲୋଚନାଯୈ
ଵିକାସିପଙ୍କେରୁହଲୋଚନାଯ ।
ସମେକ୍ଷଣାଯୈ ଵିଷମେକ୍ଷଣାଯ
ନମଃ ଶିଵାଯୈ ଚ ନମଃ ଶିଵାଯ ॥ 4 ॥

ମନ୍ଦାରମାଲାକଲିତାଲକାଯୈ
କପାଲମାଲାଙ୍କିତକନ୍ଧରାଯ ।
ଦିଵ୍ଯାମ୍ବରାଯୈ ଚ ଦିଗମ୍ବରାଯ
ନମଃ ଶିଵାଯୈ ଚ ନମଃ ଶିଵାଯ ॥ 5 ॥

ଅମ୍ଭୋଧରଶ୍ଯାମଲକୁନ୍ତଲାଯୈ
ତଟିତ୍ପ୍ରଭାତାମ୍ରଜଟାଧରାଯ ।
ନିରୀଶ୍ଵରାଯୈ ନିଖିଲେଶ୍ଵରାଯ
ନମଃ ଶିଵାଯୈ ଚ ନମଃ ଶିଵାଯ ॥ 6 ॥

ପ୍ରପଞ୍ଚସୃଷ୍ଟ୍ଯୁନ୍ମୁଖଲାସ୍ଯକାଯୈ
ସମସ୍ତସଂହାରକତାଣ୍ଡଵାଯ ।
ଜଗଜ୍ଜନନ୍ଯୈ ଜଗଦେକପିତ୍ରେ
ନମଃ ଶିଵାଯୈ ଚ ନମଃ ଶିଵାଯ ॥ 7 ॥

ପ୍ରଦୀପ୍ତରତ୍ନୋଜ୍ଜ୍ଵଲକୁଣ୍ଡଲାଯୈ
ସ୍ଫୁରନ୍ମହାପନ୍ନଗଭୂଷଣାଯ ।
ଶିଵାନ୍ଵିତାଯୈ ଚ ଶିଵାନ୍ଵିତାଯ
ନମଃ ଶିଵାଯୈ ଚ ନମଃ ଶିଵାଯ ॥ 8 ॥

ଏତତ୍ପଠେଦଷ୍ଟକମିଷ୍ଟଦଂ ଯୋ
ଭକ୍ତ୍ଯା ସ ମାନ୍ଯୋ ଭୁଵି ଦୀର୍ଘଜୀଵୀ ।
ପ୍ରାପ୍ନୋତି ସୌଭାଗ୍ଯମନନ୍ତକାଲଂ
ଭୂଯାତ୍ସଦା ତସ୍ଯ ସମସ୍ତସିଦ୍ଧିଃ ॥

Text Source vignanam.org
PDF file is generated [ October 11, 2015 ] at Stotram Website