অধ্যাত্মরামাযণমাহাত্ম্যম্ ব্রহ্মাণ্ডপুরাণে
{॥ অধ্যাত্মরামাযণমাহাত্ম্যম্ ব্রহ্মাণ্ডপুরাণে ॥}
রামং বিশ্বমযং বন্দে রামং বন্দে রঘূদ্বহম্ ।
রামং বিপ্রবরং বন্দে রামং শ্যামাগ্রজং ভজে ॥
যস্য বাগংশুতশ্চ্যুতং রম্যং রামাযণামৃতম্ ।
শৈলজাসেবিতং বন্দে তং শিবং সোমরূপিণম্ ॥
সচ্চিদানন্দসন্দোহং ভক্তিভূতিবিভূষণম্ ।
পূর্ণানন্দমহং বন্দে সদ্গুরুং শঙ্করং স্বযম্ ॥
অজ্ঞানধ্বান্তসংহর্ত্রী জ্ঞানলোকবিলাসিনী ।
চন্দ্রচূডবচশ্চন্দ্রচন্দ্রিকেযং বিরাজতে ॥
অপ্রমেযত্রযাতীতনির্মলজ্ঞানমূর্তযে ।
মনোগিরাং বিদূরায দক্ষিণামূর্তযে নমঃ ॥ ১॥
সূত উবাচ ।
কদাচিন্নারদো যোগী পরানুগ্রহবাঞ্ছযা ।
পর্যটন্ সকলান্ লোকান্ সত্যলোকমুপাগমত্ ॥ ২॥
তত্র দৃষ্ট্বা মূর্তিমদ্ভিশ্ছন্দোভিঃ পরিবেষ্টিতম্।
বালার্কপ্রভযা সম্যগ্ভাসযন্তং সভাগৃহম্ ॥ ৩॥
মার্কণ্ডেযাদিমুনিভিঃ স্তূযমানং মুহুর্মুহুঃ ।
সর্বার্থগোচরজ্ঞানং সরস্বত্যা সমন্বিতম্ ॥ ৪॥
চতুর্মুখং জগন্নাথং ভক্তাভীষ্টফলপ্রদম্ ।
প্রণম্য দণ্ডবদ্ভক্ত্যা তুষ্টাব মুনিপুঙ্গবঃ ॥ ৫॥
সন্তুষ্টস্তং মুনিং প্রাহ স্বযম্ভূর্বৈষ্ণবোত্তমম্ ।
কিং প্রষ্টুকামস্ত্বমসি তদ্বদিষ্যামি তে মুনে ॥ ৬॥
ইত্যাকর্ণ্য বচস্তস্য মুনির্ব্রহ্মাণমব্রবীত্ ।
ত্বত্তঃ শ্রুতং মযা সর্বং পূর্বমেব শুভাশুভম্ ॥ ৭॥
ইদানীমেকমেবাস্তি শ্রোতব্যং সুরসত্তম ।
তদ্রহস্যমপি ব্রূহি যদি তেঽনুগ্রহো মযি ॥ ৮॥
প্রাপ্তে কলিযুগে ঘোরে নরাঃ পুণ্যবিবর্জিতাঃ ।
দুরাচাররতাঃ সর্বে সত্যবার্তাপরাঙ্মুখাঃ ॥ ৯॥
পরাপবাদনিরতাঃ পরদ্রব্যাভিলাষিণঃ ।
পরস্ত্রীসক্তমনসঃ পরহিংসাপরাযণাঃ ॥ ১০॥
দেহাত্মদৃষ্টযো মূঢা নাস্তিকা পশুবুদ্ধযঃ ।
মাতাপিতৃকৃতদ্বেষাঃ স্ত্রীদেবাঃ কামকিঙ্করাঃ ॥ ১১॥
বিপ্রা লোভগ্রহগ্রস্তা বেদবিক্রযজীবিনঃ ।
ধনার্জনার্থমভ্যস্তবিদ্যা মদবিমোহিতাঃ ॥ ১২॥
ত্যক্তস্বজাতিকর্মাণঃ প্রাযশঃ পরবঞ্চকাঃ।
ক্ষত্রিযাশ্চ তথা বৈশ্যাঃ স্বধর্মত্যাগশীলিনঃ ॥ ১৩॥
তদ্বচ্ছূদ্রাশ্চ যে কেচিদ্ব্রাহ্মণাচারতত্পরাঃ।
স্ত্রিযশ্চ প্রাযশো ভ্রষ্টা ভর্ত্রবজ্ঞাননির্ভযাঃ ॥ ১৪॥
শ্বশুরদ্রোহকারিণ্যো ভবিষ্যন্তি ন সংশযঃ।
এতেষাং নষ্টবুদ্ধীনাং পরলোকঃ কথং ভবেত্ ॥ ১৫॥
ইতি চিন্তাকুলং চিত্তং জাযতে মম সন্ততম্ ।
লঘূপাযেন যেনৈষাং পরলোকগতির্ভবেত্।
তমুপাযমুপাখ্যাহি সর্বং বেত্তি যতো ভবান্ ॥ ১৬॥
ইত্যৃষের্বাক্যমাকর্ণ্য প্রত্যুবাচাম্বুজাসনঃ ।
সাধু পৃষ্টং ত্বযা সাধো বক্ষ্যে তচ্ছৃণু সাদরম্ ॥ ১৭॥
পুরা ত্রিপুরহন্তারং পার্বতী ভক্তবত্সলা।
শ্রীরামতত্ত্বং জিজ্ঞাসুঃ পপ্রচ্ছ বিনযান্বিতা ॥ ১৮॥
প্রিযাযৈ গিরিশস্তস্যৈ গূঢং ব্যাখ্যাতবান্ স্বযম্।
পুরাণোত্তমমধ্যাত্মরামাযণমিতি স্মৃতম্ ॥ ১৯॥
তত্পার্বতী জগদ্ধাত্রী পূজযিত্বা দিবানিশম্।
আলোচযন্তী স্বানন্দমগ্না তিষ্ঠতি সাম্প্রতম্ ॥ ২০॥
প্রচরিষ্যতি তল্লোকে প্রাণ্যদৃষ্টবশাদ্যদা ।
তস্যাধ্যযনমাত্রেণ জনা যাস্যন্তি সদ্গতিম্ ॥ ২১॥
তাবদ্বিজৃম্ভতে পাপং ব্রহ্মহত্যাপুরঃসরম্।
যাবজ্জগতি নাধ্যাত্মরামাযণমুদেষ্যতি ॥ ২২॥
তাবত্কলিমহোত্সাহো নিঃশঙ্কং সম্প্রবর্ততে।
যাবজ্জগতি নাধ্যাত্মরামাযণমুদেষ্যতি ॥ ২৩॥
তাবদ্যমভটাঃ শূরাঃ সঞ্চরিষ্যন্তি নির্ভযাঃ।
যাবজ্জগতি নাধ্যাত্মরামাযণমুদেষ্যতি ॥ ২৪॥
তাবত্সর্বাণি শাস্ত্রাণি বিবদন্তে পরস্পরম্ ॥ ২৫॥
তাবত্স্বরূপং রামস্য দুর্বোধং মহতামপি ।
যাবজ্জগতি নাধ্যাত্মরামাযণমুদেষ্যতি ॥ ২৬॥
অধ্যাত্মরামাযণসঙ্কীর্তনশ্রবণাদিজম্ ।
ফলং বক্তুং ন শক্নোমি কার্ত্স্ন্যেন মুনিসত্তম ॥ ২৭॥
তথাপি তস্য মাহাত্ম্যং বক্ষ্যে কিঞ্চিত্তবানঘ।
শৃণু চিত্তং সমাধায শিবেনোক্তং পুরা মম ॥ ২৮॥
অধ্যাত্মরামাযণতঃ শ্লোকং শ্লোকার্ধমেব বা।
যঃ পঠেত্ ভক্তিসংযুক্তঃ স পাপান্মুচ্যতে ক্ষণাত্ ॥ ২৯॥
যস্তু প্রত্যহমধ্যাত্মরামাযণমনন্যধীঃ।
যথাশক্তি বদেদ্ভক্ত্যা স জীবন্মুক্ত উচ্যতে ॥ ৩০॥
যো ভক্ত্যার্চযতেঽধ্যাত্মরামাযণমতন্দ্রিতঃ।
দিনে দিনেঽশ্বমেধস্য ফলং তস্য ভবেন্মুনে ॥ ৩১॥
যদৃচ্ছযাপি যোঽধ্যাত্মরামাযণমনাদরাত্।
অন্যতঃ শৃণুযান্মর্ত্যঃ সোঽপি মুচ্যেত পাতকাত্ ॥ ৩২॥
নমস্করোতি যোঽধ্যাত্মরামাযণমদূরতঃ।
সর্বদেবার্চনফলং স প্রাপ্নোতি ন সংশযঃ ॥ ৩৩॥
লিখিত্বা পুস্তকেঽধ্যাত্মরামাযণমশেষতঃ।
যো দদ্যাদ্রামভক্তেভ্যস্তস্য পুণ্যফলং শৃণু ॥ ৩৪॥
অধীতেষু চ বেদেষু শাস্ত্রেষু ব্যাকৃতেষু চ ।
যত্ফলং দুর্লভং লোকে তত্ফলং তস্য সম্ভবেত্ ॥ ৩৫॥
একাদশীদিনেঽধ্যাত্মরামাযণমুপোষিতঃ ।
যো রামভক্তঃ সদসি ব্যাকরোতি নরোত্তমঃ ॥ ৩৬॥
তস্য পুণ্যফলং বক্ষ্যে শৃণু বৈষ্ণবসত্তম ।
প্রত্যক্ষরং তু গাযত্রীপুরশ্চর্যাফলং ভবেত্ ॥ ৩৭॥
উপবাসব্রতং কৃত্বা শ্রীরামনবমীদিনে ।
রাত্রৌ জাগরিতোঽধ্যাত্মরামাযণমনন্যধীঃ।
যঃ পঠেচ্ছৃণুযাদ্বাপি তস্য পুণ্যং বদাম্যহম্ ॥ ৩৮॥
কুরুক্ষেত্রাদিনিখিলপুণ্যতীর্থেষ্বনেকশঃ।
আত্মতুল্যং ধনং সূর্যগ্রহণে সর্বতোমুখে ॥ ৩৯॥
বিপ্রেভ্যো ব্যাসতুল্যেভ্যো দত্বা যত্ফলমশ্নুতে।
তত্ফলং সম্ভবেত্তস্য সত্যং সত্যং ন সংশযঃ ॥ ৪০॥
যো গাযতে মুদাঽধ্যাত্মরামাযণমহর্নিশম্।
আজ্ঞাং তস্য প্রতীক্ষন্তে দেবা ইন্দ্রপুরোগমাঃ ॥ ৪১॥
পঠন্ প্রত্যহমধ্যাত্মরামাযণমনুব্রতঃ।
যদ্যত্করোতি তত্কর্ম ততঃ কোটিগুণং ভবেত্ ॥ ৪২॥
তত্র শ্রীরামহৃদযং যঃ পঠেত্ সুসমাহিতঃ ।
স ব্রহ্মঘ্নোঽপি পূতাত্মা ত্রিভিরেব দিনৈর্ভবেত্ ॥ ৪৩॥
শ্রীরামহৃদযং যস্তু হনূমত্প্রতিমান্তিকে।
ত্রিঃ পঠেত্ প্রত্যহং মৌনী স সর্বেপ্সিতভাগ্ভবেত্ ॥ ৪৪॥
পঠন্ শ্রীরামহৃদযং তুলস্যশ্বত্থযোর্যদি।
প্রত্যক্ষরং প্রকুর্বীত ব্রহ্মহত্যানিবর্তনম্ ॥ ৪৫॥
শ্রীরামগীতামাহাত্ম্যং কৃত্স্নং জানাতি শঙ্করঃ।
তদর্ধং গিরিজা বেত্তি তদর্ধং বেদ্ম্যহং মুনে ॥ ৪৬॥
তত্তে কিঞ্চিত্প্রবক্ষ্যামি কৃত্স্নং বক্তুং ন শক্যতে ।
যজ্জ্ঞাত্বা তত্ক্ষণাল্লোকশ্চিত্তশুদ্ধিমবাপ্নুযাত্ ॥ ৪৭॥
শ্রীরামগীতা যত্পাপং ন নাশযতি নারদ।
তন্ন নশ্যতি তীর্থাদৌ লোকে ক্বাপি কদাচন।
তন্ন পশ্যাম্যহং লোকে মার্গমাণোঽপি সর্বদা ॥ ৪৮॥
রামেণোপনিষত্সিন্ধুমুন্মত্থ্যোত্পাদিতং মুদা।
লক্ষ্মণাযার্পিতাং গীতাসুধাং পীত্বাঽমরো ভবেত্ ॥ ৪৯॥
জমদগ্নিসুতঃ পুর্বং কার্তবীর্যবধেচ্ছযা।
ধনুর্বিদ্যামভ্যসিতুং মহেশস্যান্তিকে বসন্ ॥ ৫০॥
অধীযমানাং পার্বত্যা রামগীতাং প্রযত্নতঃ ।
শ্রূত্বা গৃহীত্বাঽঽশু পঠন্নারাযণকলামগাত্ ॥ ৫১॥
ব্রহ্মহত্যাদিপাপানাং নিষ্কৃতিং যদি বাঞ্ছতি।
রামগীতাং মাসমাত্রং পঠিত্বা মুচ্যতে নরঃ ॥ ৫২॥
দুষ্প্;রতিগ্রহদুর্ভোজ্যদুরালাপাদিসম্ভবম্।
পাপং যত্তত্কীর্তনেন রামগীতা বিনাশযেত্ ॥ ৫৩॥
শালগ্রামশিলাগ্রে চ তুলস্যশ্বত্থসন্নিধৌ।
যতীনাং পুরতস্তদ্বত্ রামগীতাং পঠেত্তু যঃ ॥ ৫৪॥
স তত্ফলমবাপ্নোতি যদ্বাচোঽপি ন গোচরম্ ॥ ৫৫॥
রামগীতাং পঠন্ ভক্ত্যা যঃ শ্রাদ্ধে ভোজযেদ্দ্বিজান্।
তস্য তে পিতরঃ সর্বে যান্তি বিষ্ণোঃ পরং পদম্ ॥ ৫৬॥
একাদশ্যাং নিরাহারো নিযতো দ্বাদশীদিনে।
স্থিত্বাগস্ত্যতরোর্মূলে রামগীতাং পঠেত্তু যঃ।
স এব রাঘবঃ সাক্ষাত্ সর্বদেবৈশ্চ পূজ্যতে ॥ ৫৭॥
বিনা দানাং বিনা ধ্যানং বিনা তীর্থাবগাহনম্ ।
বহুনা কিমিহোক্তেন শৃণু নারদ তত্ত্বতঃ।
রামগীতাং নরোঽধীত্য তদনন্তফলং লভেত্ ॥ ৫৮॥
শ্রুতিস্মৃতিপুরাণেতিহাসাগমশতানি চ।
অর্হন্তি নাল্পমধ্যাত্মরামাযণকলামপি ॥ ৫৯॥
অধ্যাত্মরামচরিতস্য মুনীশ্বরায
মাহাত্ম্যমেতদুদিতং কমলাসনেন ।
যঃ শ্রদ্ধযা পঠতি বা শৃণুযাত্ স মর্ত্যঃ
প্রাপ্নোতি বিষ্ণুপদবীং সুরপূজ্যমানঃ ॥ ৬০॥
ইতি শ্রীব্রহ্মাণ্ডপুরাণে উত্তরখণ্ডে অধ্যাত্মরামাযণমাহাত্ম্যং সম্পূর্ণম্ ॥
Proofread by PSA Easwaran psaeaswaran at gmail.com
Please send corrections to sanskrit@cheerful.com
Last updated ত্oday
http://sanskritdocuments.org
রামং বিশ্বমযং বন্দে রামং বন্দে রঘূদ্বহম্ ।
রামং বিপ্রবরং বন্দে রামং শ্যামাগ্রজং ভজে ॥
যস্য বাগংশুতশ্চ্যুতং রম্যং রামাযণামৃতম্ ।
শৈলজাসেবিতং বন্দে তং শিবং সোমরূপিণম্ ॥
সচ্চিদানন্দসন্দোহং ভক্তিভূতিবিভূষণম্ ।
পূর্ণানন্দমহং বন্দে সদ্গুরুং শঙ্করং স্বযম্ ॥
অজ্ঞানধ্বান্তসংহর্ত্রী জ্ঞানলোকবিলাসিনী ।
চন্দ্রচূডবচশ্চন্দ্রচন্দ্রিকেযং বিরাজতে ॥
অপ্রমেযত্রযাতীতনির্মলজ্ঞানমূর্তযে ।
মনোগিরাং বিদূরায দক্ষিণামূর্তযে নমঃ ॥ ১॥
সূত উবাচ ।
কদাচিন্নারদো যোগী পরানুগ্রহবাঞ্ছযা ।
পর্যটন্ সকলান্ লোকান্ সত্যলোকমুপাগমত্ ॥ ২॥
তত্র দৃষ্ট্বা মূর্তিমদ্ভিশ্ছন্দোভিঃ পরিবেষ্টিতম্।
বালার্কপ্রভযা সম্যগ্ভাসযন্তং সভাগৃহম্ ॥ ৩॥
মার্কণ্ডেযাদিমুনিভিঃ স্তূযমানং মুহুর্মুহুঃ ।
সর্বার্থগোচরজ্ঞানং সরস্বত্যা সমন্বিতম্ ॥ ৪॥
চতুর্মুখং জগন্নাথং ভক্তাভীষ্টফলপ্রদম্ ।
প্রণম্য দণ্ডবদ্ভক্ত্যা তুষ্টাব মুনিপুঙ্গবঃ ॥ ৫॥
সন্তুষ্টস্তং মুনিং প্রাহ স্বযম্ভূর্বৈষ্ণবোত্তমম্ ।
কিং প্রষ্টুকামস্ত্বমসি তদ্বদিষ্যামি তে মুনে ॥ ৬॥
ইত্যাকর্ণ্য বচস্তস্য মুনির্ব্রহ্মাণমব্রবীত্ ।
ত্বত্তঃ শ্রুতং মযা সর্বং পূর্বমেব শুভাশুভম্ ॥ ৭॥
ইদানীমেকমেবাস্তি শ্রোতব্যং সুরসত্তম ।
তদ্রহস্যমপি ব্রূহি যদি তেঽনুগ্রহো মযি ॥ ৮॥
প্রাপ্তে কলিযুগে ঘোরে নরাঃ পুণ্যবিবর্জিতাঃ ।
দুরাচাররতাঃ সর্বে সত্যবার্তাপরাঙ্মুখাঃ ॥ ৯॥
পরাপবাদনিরতাঃ পরদ্রব্যাভিলাষিণঃ ।
পরস্ত্রীসক্তমনসঃ পরহিংসাপরাযণাঃ ॥ ১০॥
দেহাত্মদৃষ্টযো মূঢা নাস্তিকা পশুবুদ্ধযঃ ।
মাতাপিতৃকৃতদ্বেষাঃ স্ত্রীদেবাঃ কামকিঙ্করাঃ ॥ ১১॥
বিপ্রা লোভগ্রহগ্রস্তা বেদবিক্রযজীবিনঃ ।
ধনার্জনার্থমভ্যস্তবিদ্যা মদবিমোহিতাঃ ॥ ১২॥
ত্যক্তস্বজাতিকর্মাণঃ প্রাযশঃ পরবঞ্চকাঃ।
ক্ষত্রিযাশ্চ তথা বৈশ্যাঃ স্বধর্মত্যাগশীলিনঃ ॥ ১৩॥
তদ্বচ্ছূদ্রাশ্চ যে কেচিদ্ব্রাহ্মণাচারতত্পরাঃ।
স্ত্রিযশ্চ প্রাযশো ভ্রষ্টা ভর্ত্রবজ্ঞাননির্ভযাঃ ॥ ১৪॥
শ্বশুরদ্রোহকারিণ্যো ভবিষ্যন্তি ন সংশযঃ।
এতেষাং নষ্টবুদ্ধীনাং পরলোকঃ কথং ভবেত্ ॥ ১৫॥
ইতি চিন্তাকুলং চিত্তং জাযতে মম সন্ততম্ ।
লঘূপাযেন যেনৈষাং পরলোকগতির্ভবেত্।
তমুপাযমুপাখ্যাহি সর্বং বেত্তি যতো ভবান্ ॥ ১৬॥
ইত্যৃষের্বাক্যমাকর্ণ্য প্রত্যুবাচাম্বুজাসনঃ ।
সাধু পৃষ্টং ত্বযা সাধো বক্ষ্যে তচ্ছৃণু সাদরম্ ॥ ১৭॥
পুরা ত্রিপুরহন্তারং পার্বতী ভক্তবত্সলা।
শ্রীরামতত্ত্বং জিজ্ঞাসুঃ পপ্রচ্ছ বিনযান্বিতা ॥ ১৮॥
প্রিযাযৈ গিরিশস্তস্যৈ গূঢং ব্যাখ্যাতবান্ স্বযম্।
পুরাণোত্তমমধ্যাত্মরামাযণমিতি স্মৃতম্ ॥ ১৯॥
তত্পার্বতী জগদ্ধাত্রী পূজযিত্বা দিবানিশম্।
আলোচযন্তী স্বানন্দমগ্না তিষ্ঠতি সাম্প্রতম্ ॥ ২০॥
প্রচরিষ্যতি তল্লোকে প্রাণ্যদৃষ্টবশাদ্যদা ।
তস্যাধ্যযনমাত্রেণ জনা যাস্যন্তি সদ্গতিম্ ॥ ২১॥
তাবদ্বিজৃম্ভতে পাপং ব্রহ্মহত্যাপুরঃসরম্।
যাবজ্জগতি নাধ্যাত্মরামাযণমুদেষ্যতি ॥ ২২॥
তাবত্কলিমহোত্সাহো নিঃশঙ্কং সম্প্রবর্ততে।
যাবজ্জগতি নাধ্যাত্মরামাযণমুদেষ্যতি ॥ ২৩॥
তাবদ্যমভটাঃ শূরাঃ সঞ্চরিষ্যন্তি নির্ভযাঃ।
যাবজ্জগতি নাধ্যাত্মরামাযণমুদেষ্যতি ॥ ২৪॥
তাবত্সর্বাণি শাস্ত্রাণি বিবদন্তে পরস্পরম্ ॥ ২৫॥
তাবত্স্বরূপং রামস্য দুর্বোধং মহতামপি ।
যাবজ্জগতি নাধ্যাত্মরামাযণমুদেষ্যতি ॥ ২৬॥
অধ্যাত্মরামাযণসঙ্কীর্তনশ্রবণাদিজম্ ।
ফলং বক্তুং ন শক্নোমি কার্ত্স্ন্যেন মুনিসত্তম ॥ ২৭॥
তথাপি তস্য মাহাত্ম্যং বক্ষ্যে কিঞ্চিত্তবানঘ।
শৃণু চিত্তং সমাধায শিবেনোক্তং পুরা মম ॥ ২৮॥
অধ্যাত্মরামাযণতঃ শ্লোকং শ্লোকার্ধমেব বা।
যঃ পঠেত্ ভক্তিসংযুক্তঃ স পাপান্মুচ্যতে ক্ষণাত্ ॥ ২৯॥
যস্তু প্রত্যহমধ্যাত্মরামাযণমনন্যধীঃ।
যথাশক্তি বদেদ্ভক্ত্যা স জীবন্মুক্ত উচ্যতে ॥ ৩০॥
যো ভক্ত্যার্চযতেঽধ্যাত্মরামাযণমতন্দ্রিতঃ।
দিনে দিনেঽশ্বমেধস্য ফলং তস্য ভবেন্মুনে ॥ ৩১॥
যদৃচ্ছযাপি যোঽধ্যাত্মরামাযণমনাদরাত্।
অন্যতঃ শৃণুযান্মর্ত্যঃ সোঽপি মুচ্যেত পাতকাত্ ॥ ৩২॥
নমস্করোতি যোঽধ্যাত্মরামাযণমদূরতঃ।
সর্বদেবার্চনফলং স প্রাপ্নোতি ন সংশযঃ ॥ ৩৩॥
লিখিত্বা পুস্তকেঽধ্যাত্মরামাযণমশেষতঃ।
যো দদ্যাদ্রামভক্তেভ্যস্তস্য পুণ্যফলং শৃণু ॥ ৩৪॥
অধীতেষু চ বেদেষু শাস্ত্রেষু ব্যাকৃতেষু চ ।
যত্ফলং দুর্লভং লোকে তত্ফলং তস্য সম্ভবেত্ ॥ ৩৫॥
একাদশীদিনেঽধ্যাত্মরামাযণমুপোষিতঃ ।
যো রামভক্তঃ সদসি ব্যাকরোতি নরোত্তমঃ ॥ ৩৬॥
তস্য পুণ্যফলং বক্ষ্যে শৃণু বৈষ্ণবসত্তম ।
প্রত্যক্ষরং তু গাযত্রীপুরশ্চর্যাফলং ভবেত্ ॥ ৩৭॥
উপবাসব্রতং কৃত্বা শ্রীরামনবমীদিনে ।
রাত্রৌ জাগরিতোঽধ্যাত্মরামাযণমনন্যধীঃ।
যঃ পঠেচ্ছৃণুযাদ্বাপি তস্য পুণ্যং বদাম্যহম্ ॥ ৩৮॥
কুরুক্ষেত্রাদিনিখিলপুণ্যতীর্থেষ্বনেকশঃ।
আত্মতুল্যং ধনং সূর্যগ্রহণে সর্বতোমুখে ॥ ৩৯॥
বিপ্রেভ্যো ব্যাসতুল্যেভ্যো দত্বা যত্ফলমশ্নুতে।
তত্ফলং সম্ভবেত্তস্য সত্যং সত্যং ন সংশযঃ ॥ ৪০॥
যো গাযতে মুদাঽধ্যাত্মরামাযণমহর্নিশম্।
আজ্ঞাং তস্য প্রতীক্ষন্তে দেবা ইন্দ্রপুরোগমাঃ ॥ ৪১॥
পঠন্ প্রত্যহমধ্যাত্মরামাযণমনুব্রতঃ।
যদ্যত্করোতি তত্কর্ম ততঃ কোটিগুণং ভবেত্ ॥ ৪২॥
তত্র শ্রীরামহৃদযং যঃ পঠেত্ সুসমাহিতঃ ।
স ব্রহ্মঘ্নোঽপি পূতাত্মা ত্রিভিরেব দিনৈর্ভবেত্ ॥ ৪৩॥
শ্রীরামহৃদযং যস্তু হনূমত্প্রতিমান্তিকে।
ত্রিঃ পঠেত্ প্রত্যহং মৌনী স সর্বেপ্সিতভাগ্ভবেত্ ॥ ৪৪॥
পঠন্ শ্রীরামহৃদযং তুলস্যশ্বত্থযোর্যদি।
প্রত্যক্ষরং প্রকুর্বীত ব্রহ্মহত্যানিবর্তনম্ ॥ ৪৫॥
শ্রীরামগীতামাহাত্ম্যং কৃত্স্নং জানাতি শঙ্করঃ।
তদর্ধং গিরিজা বেত্তি তদর্ধং বেদ্ম্যহং মুনে ॥ ৪৬॥
তত্তে কিঞ্চিত্প্রবক্ষ্যামি কৃত্স্নং বক্তুং ন শক্যতে ।
যজ্জ্ঞাত্বা তত্ক্ষণাল্লোকশ্চিত্তশুদ্ধিমবাপ্নুযাত্ ॥ ৪৭॥
শ্রীরামগীতা যত্পাপং ন নাশযতি নারদ।
তন্ন নশ্যতি তীর্থাদৌ লোকে ক্বাপি কদাচন।
তন্ন পশ্যাম্যহং লোকে মার্গমাণোঽপি সর্বদা ॥ ৪৮॥
রামেণোপনিষত্সিন্ধুমুন্মত্থ্যোত্পাদিতং মুদা।
লক্ষ্মণাযার্পিতাং গীতাসুধাং পীত্বাঽমরো ভবেত্ ॥ ৪৯॥
জমদগ্নিসুতঃ পুর্বং কার্তবীর্যবধেচ্ছযা।
ধনুর্বিদ্যামভ্যসিতুং মহেশস্যান্তিকে বসন্ ॥ ৫০॥
অধীযমানাং পার্বত্যা রামগীতাং প্রযত্নতঃ ।
শ্রূত্বা গৃহীত্বাঽঽশু পঠন্নারাযণকলামগাত্ ॥ ৫১॥
ব্রহ্মহত্যাদিপাপানাং নিষ্কৃতিং যদি বাঞ্ছতি।
রামগীতাং মাসমাত্রং পঠিত্বা মুচ্যতে নরঃ ॥ ৫২॥
দুষ্প্;রতিগ্রহদুর্ভোজ্যদুরালাপাদিসম্ভবম্।
পাপং যত্তত্কীর্তনেন রামগীতা বিনাশযেত্ ॥ ৫৩॥
শালগ্রামশিলাগ্রে চ তুলস্যশ্বত্থসন্নিধৌ।
যতীনাং পুরতস্তদ্বত্ রামগীতাং পঠেত্তু যঃ ॥ ৫৪॥
স তত্ফলমবাপ্নোতি যদ্বাচোঽপি ন গোচরম্ ॥ ৫৫॥
রামগীতাং পঠন্ ভক্ত্যা যঃ শ্রাদ্ধে ভোজযেদ্দ্বিজান্।
তস্য তে পিতরঃ সর্বে যান্তি বিষ্ণোঃ পরং পদম্ ॥ ৫৬॥
একাদশ্যাং নিরাহারো নিযতো দ্বাদশীদিনে।
স্থিত্বাগস্ত্যতরোর্মূলে রামগীতাং পঠেত্তু যঃ।
স এব রাঘবঃ সাক্ষাত্ সর্বদেবৈশ্চ পূজ্যতে ॥ ৫৭॥
বিনা দানাং বিনা ধ্যানং বিনা তীর্থাবগাহনম্ ।
বহুনা কিমিহোক্তেন শৃণু নারদ তত্ত্বতঃ।
রামগীতাং নরোঽধীত্য তদনন্তফলং লভেত্ ॥ ৫৮॥
শ্রুতিস্মৃতিপুরাণেতিহাসাগমশতানি চ।
অর্হন্তি নাল্পমধ্যাত্মরামাযণকলামপি ॥ ৫৯॥
অধ্যাত্মরামচরিতস্য মুনীশ্বরায
মাহাত্ম্যমেতদুদিতং কমলাসনেন ।
যঃ শ্রদ্ধযা পঠতি বা শৃণুযাত্ স মর্ত্যঃ
প্রাপ্নোতি বিষ্ণুপদবীং সুরপূজ্যমানঃ ॥ ৬০॥
ইতি শ্রীব্রহ্মাণ্ডপুরাণে উত্তরখণ্ডে অধ্যাত্মরামাযণমাহাত্ম্যং সম্পূর্ণম্ ॥
Proofread by PSA Easwaran psaeaswaran at gmail.com
Please send corrections to sanskrit@cheerful.com
Last updated ত্oday
http://sanskritdocuments.org
Adhyatma Ramayana Mahatmyam Lyrics in Bengali PDF
% File name : adhyAtmarAmAyaNamAhAtmyam.itx
% Category : adhyAtmarAmAyaNa
% Location : doc\_raama
% Author : Shri Veda Vyas
% Language : Sanskrit
% Subject : philosophy/hinduism/religion
% Transliterated by : PSA Easwaran psaeaswaran at gmail.com
% Proofread by : PSA Easwaran psaeaswaran at gmail.com
% Description-comments : shrIbrahmANDapurANe uttarakhaNDe
% Latest update : June 8, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : adhyAtmarAmAyaNamAhAtmyam.itx
% Category : adhyAtmarAmAyaNa
% Location : doc\_raama
% Author : Shri Veda Vyas
% Language : Sanskrit
% Subject : philosophy/hinduism/religion
% Transliterated by : PSA Easwaran psaeaswaran at gmail.com
% Proofread by : PSA Easwaran psaeaswaran at gmail.com
% Description-comments : shrIbrahmANDapurANe uttarakhaNDe
% Latest update : June 8, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website