ಅಧ್ಯಾತ್ಮರಾಮಾಯಣಮಾಹಾತ್ಮ್ಯಮ್ ಬ್ರಹ್ಮಾಣ್ಡಪುರಾಣೇ
{॥ ಅಧ್ಯಾತ್ಮರಾಮಾಯಣಮಾಹಾತ್ಮ್ಯಮ್ ಬ್ರಹ್ಮಾಣ್ಡಪುರಾಣೇ ॥}
ರಾಮಂ ವಿಶ್ವಮಯಂ ವನ್ದೇ ರಾಮಂ ವನ್ದೇ ರಘೂದ್ವಹಮ್ ।
ರಾಮಂ ವಿಪ್ರವರಂ ವನ್ದೇ ರಾಮಂ ಶ್ಯಾಮಾಗ್ರಜಂ ಭಜೇ ॥
ಯಸ್ಯ ವಾಗಂಶುತಶ್ಚ್ಯುತಂ ರಮ್ಯಂ ರಾಮಾಯಣಾಮೃತಮ್ ।
ಶೈಲಜಾಸೇವಿತಂ ವನ್ದೇ ತಂ ಶಿವಂ ಸೋಮರೂಪಿಣಮ್ ॥
ಸಚ್ಚಿದಾನನ್ದಸನ್ದೋಹಂ ಭಕ್ತಿಭೂತಿವಿಭೂಷಣಮ್ ।
ಪೂರ್ಣಾನನ್ದಮಹಂ ವನ್ದೇ ಸದ್ಗುರುಂ ಶಙ್ಕರಂ ಸ್ವಯಮ್ ॥
ಅಜ್ಞಾನಧ್ವಾನ್ತಸಂಹರ್ತ್ರೀ ಜ್ಞಾನಲೋಕವಿಲಾಸಿನೀ ।
ಚನ್ದ್ರಚೂಡವಚಶ್ಚನ್ದ್ರಚನ್ದ್ರಿಕೇಯಂ ವಿರಾಜತೇ ॥
ಅಪ್ರಮೇಯತ್ರಯಾತೀತನಿರ್ಮಲಜ್ಞಾನಮೂರ್ತಯೇ ।
ಮನೋಗಿರಾಂ ವಿದೂರಾಯ ದಕ್ಷಿಣಾಮೂರ್ತಯೇ ನಮಃ ॥ ೧॥
ಸೂತ ಉವಾಚ ।
ಕದಾಚಿನ್ನಾರದೋ ಯೋಗೀ ಪರಾನುಗ್ರಹವಾಞ್ಛಯಾ ।
ಪರ್ಯಟನ್ ಸಕಲಾನ್ ಲೋಕಾನ್ ಸತ್ಯಲೋಕಮುಪಾಗಮತ್ ॥ ೨॥
ತತ್ರ ದೃಷ್ಟ್ವಾ ಮೂರ್ತಿಮದ್ಭಿಶ್ಛನ್ದೋಭಿಃ ಪರಿವೇಷ್ಟಿತಮ್।
ಬಾಲಾರ್ಕಪ್ರಭಯಾ ಸಮ್ಯಗ್ಭಾಸಯನ್ತಂ ಸಭಾಗೃಹಮ್ ॥ ೩॥
ಮಾರ್ಕಣ್ಡೇಯಾದಿಮುನಿಭಿಃ ಸ್ತೂಯಮಾನಂ ಮುಹುರ್ಮುಹುಃ ।
ಸರ್ವಾರ್ಥಗೋಚರಜ್ಞಾನಂ ಸರಸ್ವತ್ಯಾ ಸಮನ್ವಿತಮ್ ॥ ೪॥
ಚತುರ್ಮುಖಂ ಜಗನ್ನಾಥಂ ಭಕ್ತಾಭೀಷ್ಟಫಲಪ್ರದಮ್ ।
ಪ್ರಣಮ್ಯ ದಣ್ಡವದ್ಭಕ್ತ್ಯಾ ತುಷ್ಟಾವ ಮುನಿಪುಙ್ಗವಃ ॥ ೫॥
ಸನ್ತುಷ್ಟಸ್ತಂ ಮುನಿಂ ಪ್ರಾಹ ಸ್ವಯಮ್ಭೂರ್ವೈಷ್ಣವೋತ್ತಮಮ್ ।
ಕಿಂ ಪ್ರಷ್ಟುಕಾಮಸ್ತ್ವಮಸಿ ತದ್ವದಿಷ್ಯಾಮಿ ತೇ ಮುನೇ ॥ ೬॥
ಇತ್ಯಾಕರ್ಣ್ಯ ವಚಸ್ತಸ್ಯ ಮುನಿರ್ಬ್ರಹ್ಮಾಣಮಬ್ರವೀತ್ ।
ತ್ವತ್ತಃ ಶ್ರುತಂ ಮಯಾ ಸರ್ವಂ ಪೂರ್ವಮೇವ ಶುಭಾಶುಭಮ್ ॥ ೭॥
ಇದಾನೀಮೇಕಮೇವಾಸ್ತಿ ಶ್ರೋತವ್ಯಂ ಸುರಸತ್ತಮ ।
ತದ್ರಹಸ್ಯಮಪಿ ಬ್ರೂಹಿ ಯದಿ ತೇಽನುಗ್ರಹೋ ಮಯಿ ॥ ೮॥
ಪ್ರಾಪ್ತೇ ಕಲಿಯುಗೇ ಘೋರೇ ನರಾಃ ಪುಣ್ಯವಿವರ್ಜಿತಾಃ ।
ದುರಾಚಾರರತಾಃ ಸರ್ವೇ ಸತ್ಯವಾರ್ತಾಪರಾಙ್ಮುಖಾಃ ॥ ೯॥
ಪರಾಪವಾದನಿರತಾಃ ಪರದ್ರವ್ಯಾಭಿಲಾಷಿಣಃ ।
ಪರಸ್ತ್ರೀಸಕ್ತಮನಸಃ ಪರಹಿಂಸಾಪರಾಯಣಾಃ ॥ ೧೦॥
ದೇಹಾತ್ಮದೃಷ್ಟಯೋ ಮೂಢಾ ನಾಸ್ತಿಕಾ ಪಶುಬುದ್ಧಯಃ ।
ಮಾತಾಪಿತೃಕೃತದ್ವೇಷಾಃ ಸ್ತ್ರೀದೇವಾಃ ಕಾಮಕಿಙ್ಕರಾಃ ॥ ೧೧॥
ವಿಪ್ರಾ ಲೋಭಗ್ರಹಗ್ರಸ್ತಾ ವೇದವಿಕ್ರಯಜೀವಿನಃ ।
ಧನಾರ್ಜನಾರ್ಥಮಭ್ಯಸ್ತವಿದ್ಯಾ ಮದವಿಮೋಹಿತಾಃ ॥ ೧೨॥
ತ್ಯಕ್ತಸ್ವಜಾತಿಕರ್ಮಾಣಃ ಪ್ರಾಯಶಃ ಪರವಞ್ಚಕಾಃ।
ಕ್ಷತ್ರಿಯಾಶ್ಚ ತಥಾ ವೈಶ್ಯಾಃ ಸ್ವಧರ್ಮತ್ಯಾಗಶೀಲಿನಃ ॥ ೧೩॥
ತದ್ವಚ್ಛೂದ್ರಾಶ್ಚ ಯೇ ಕೇಚಿದ್ಬ್ರಾಹ್ಮಣಾಚಾರತತ್ಪರಾಃ।
ಸ್ತ್ರಿಯಶ್ಚ ಪ್ರಾಯಶೋ ಭ್ರಷ್ಟಾ ಭರ್ತ್ರವಜ್ಞಾನನಿರ್ಭಯಾಃ ॥ ೧೪॥
ಶ್ವಶುರದ್ರೋಹಕಾರಿಣ್ಯೋ ಭವಿಷ್ಯನ್ತಿ ನ ಸಂಶಯಃ।
ಏತೇಷಾಂ ನಷ್ಟಬುದ್ಧೀನಾಂ ಪರಲೋಕಃ ಕಥಂ ಭವೇತ್ ॥ ೧೫॥
ಇತಿ ಚಿನ್ತಾಕುಲಂ ಚಿತ್ತಂ ಜಾಯತೇ ಮಮ ಸನ್ತತಮ್ ।
ಲಘೂಪಾಯೇನ ಯೇನೈಷಾಂ ಪರಲೋಕಗತಿರ್ಭವೇತ್।
ತಮುಪಾಯಮುಪಾಖ್ಯಾಹಿ ಸರ್ವಂ ವೇತ್ತಿ ಯತೋ ಭವಾನ್ ॥ ೧೬॥
ಇತ್ಯೃಷೇರ್ವಾಕ್ಯಮಾಕರ್ಣ್ಯ ಪ್ರತ್ಯುವಾಚಾಮ್ಬುಜಾಸನಃ ।
ಸಾಧು ಪೃಷ್ಟಂ ತ್ವಯಾ ಸಾಧೋ ವಕ್ಷ್ಯೇ ತಚ್ಛೃಣು ಸಾದರಮ್ ॥ ೧೭॥
ಪುರಾ ತ್ರಿಪುರಹನ್ತಾರಂ ಪಾರ್ವತೀ ಭಕ್ತವತ್ಸಲಾ।
ಶ್ರೀರಾಮತತ್ತ್ವಂ ಜಿಜ್ಞಾಸುಃ ಪಪ್ರಚ್ಛ ವಿನಯಾನ್ವಿತಾ ॥ ೧೮॥
ಪ್ರಿಯಾಯೈ ಗಿರಿಶಸ್ತಸ್ಯೈ ಗೂಢಂ ವ್ಯಾಖ್ಯಾತವಾನ್ ಸ್ವಯಮ್।
ಪುರಾಣೋತ್ತಮಮಧ್ಯಾತ್ಮರಾಮಾಯಣಮಿತಿ ಸ್ಮೃತಮ್ ॥ ೧೯॥
ತತ್ಪಾರ್ವತೀ ಜಗದ್ಧಾತ್ರೀ ಪೂಜಯಿತ್ವಾ ದಿವಾನಿಶಮ್।
ಆಲೋಚಯನ್ತೀ ಸ್ವಾನನ್ದಮಗ್ನಾ ತಿಷ್ಠತಿ ಸಾಮ್ಪ್ರತಮ್ ॥ ೨೦॥
ಪ್ರಚರಿಷ್ಯತಿ ತಲ್ಲೋಕೇ ಪ್ರಾಣ್ಯದೃಷ್ಟವಶಾದ್ಯದಾ ।
ತಸ್ಯಾಧ್ಯಯನಮಾತ್ರೇಣ ಜನಾ ಯಾಸ್ಯನ್ತಿ ಸದ್ಗತಿಮ್ ॥ ೨೧॥
ತಾವದ್ವಿಜೃಮ್ಭತೇ ಪಾಪಂ ಬ್ರಹ್ಮಹತ್ಯಾಪುರಃಸರಮ್।
ಯಾವಜ್ಜಗತಿ ನಾಧ್ಯಾತ್ಮರಾಮಾಯಣಮುದೇಷ್ಯತಿ ॥ ೨೨॥
ತಾವತ್ಕಲಿಮಹೋತ್ಸಾಹೋ ನಿಃಶಙ್ಕಂ ಸಮ್ಪ್ರವರ್ತತೇ।
ಯಾವಜ್ಜಗತಿ ನಾಧ್ಯಾತ್ಮರಾಮಾಯಣಮುದೇಷ್ಯತಿ ॥ ೨೩॥
ತಾವದ್ಯಮಭಟಾಃ ಶೂರಾಃ ಸಞ್ಚರಿಷ್ಯನ್ತಿ ನಿರ್ಭಯಾಃ।
ಯಾವಜ್ಜಗತಿ ನಾಧ್ಯಾತ್ಮರಾಮಾಯಣಮುದೇಷ್ಯತಿ ॥ ೨೪॥
ತಾವತ್ಸರ್ವಾಣಿ ಶಾಸ್ತ್ರಾಣಿ ವಿವದನ್ತೇ ಪರಸ್ಪರಮ್ ॥ ೨೫॥
ತಾವತ್ಸ್ವರೂಪಂ ರಾಮಸ್ಯ ದುರ್ಬೋಧಂ ಮಹತಾಮಪಿ ।
ಯಾವಜ್ಜಗತಿ ನಾಧ್ಯಾತ್ಮರಾಮಾಯಣಮುದೇಷ್ಯತಿ ॥ ೨೬॥
ಅಧ್ಯಾತ್ಮರಾಮಾಯಣಸಙ್ಕೀರ್ತನಶ್ರವಣಾದಿಜಮ್ ।
ಫಲಂ ವಕ್ತುಂ ನ ಶಕ್ನೋಮಿ ಕಾರ್ತ್ಸ್ನ್ಯೇನ ಮುನಿಸತ್ತಮ ॥ ೨೭॥
ತಥಾಪಿ ತಸ್ಯ ಮಾಹಾತ್ಮ್ಯಂ ವಕ್ಷ್ಯೇ ಕಿಞ್ಚಿತ್ತವಾನಘ।
ಶೃಣು ಚಿತ್ತಂ ಸಮಾಧಾಯ ಶಿವೇನೋಕ್ತಂ ಪುರಾ ಮಮ ॥ ೨೮॥
ಅಧ್ಯಾತ್ಮರಾಮಾಯಣತಃ ಶ್ಲೋಕಂ ಶ್ಲೋಕಾರ್ಧಮೇವ ವಾ।
ಯಃ ಪಠೇತ್ ಭಕ್ತಿಸಂಯುಕ್ತಃ ಸ ಪಾಪಾನ್ಮುಚ್ಯತೇ ಕ್ಷಣಾತ್ ॥ ೨೯॥
ಯಸ್ತು ಪ್ರತ್ಯಹಮಧ್ಯಾತ್ಮರಾಮಾಯಣಮನನ್ಯಧೀಃ।
ಯಥಾಶಕ್ತಿ ವದೇದ್ಭಕ್ತ್ಯಾ ಸ ಜೀವನ್ಮುಕ್ತ ಉಚ್ಯತೇ ॥ ೩೦॥
ಯೋ ಭಕ್ತ್ಯಾರ್ಚಯತೇಽಧ್ಯಾತ್ಮರಾಮಾಯಣಮತನ್ದ್ರಿತಃ।
ದಿನೇ ದಿನೇಽಶ್ವಮೇಧಸ್ಯ ಫಲಂ ತಸ್ಯ ಭವೇನ್ಮುನೇ ॥ ೩೧॥
ಯದೃಚ್ಛಯಾಪಿ ಯೋಽಧ್ಯಾತ್ಮರಾಮಾಯಣಮನಾದರಾತ್।
ಅನ್ಯತಃ ಶೃಣುಯಾನ್ಮರ್ತ್ಯಃ ಸೋಽಪಿ ಮುಚ್ಯೇತ ಪಾತಕಾತ್ ॥ ೩೨॥
ನಮಸ್ಕರೋತಿ ಯೋಽಧ್ಯಾತ್ಮರಾಮಾಯಣಮದೂರತಃ।
ಸರ್ವದೇವಾರ್ಚನಫಲಂ ಸ ಪ್ರಾಪ್ನೋತಿ ನ ಸಂಶಯಃ ॥ ೩೩॥
ಲಿಖಿತ್ವಾ ಪುಸ್ತಕೇಽಧ್ಯಾತ್ಮರಾಮಾಯಣಮಶೇಷತಃ।
ಯೋ ದದ್ಯಾದ್ರಾಮಭಕ್ತೇಭ್ಯಸ್ತಸ್ಯ ಪುಣ್ಯಫಲಂ ಶೃಣು ॥ ೩೪॥
ಅಧೀತೇಷು ಚ ವೇದೇಷು ಶಾಸ್ತ್ರೇಷು ವ್ಯಾಕೃತೇಷು ಚ ।
ಯತ್ಫಲಂ ದುರ್ಲಭಂ ಲೋಕೇ ತತ್ಫಲಂ ತಸ್ಯ ಸಮ್ಭವೇತ್ ॥ ೩೫॥
ಏಕಾದಶೀದಿನೇಽಧ್ಯಾತ್ಮರಾಮಾಯಣಮುಪೋಷಿತಃ ।
ಯೋ ರಾಮಭಕ್ತಃ ಸದಸಿ ವ್ಯಾಕರೋತಿ ನರೋತ್ತಮಃ ॥ ೩೬॥
ತಸ್ಯ ಪುಣ್ಯಫಲಂ ವಕ್ಷ್ಯೇ ಶೃಣು ವೈಷ್ಣವಸತ್ತಮ ।
ಪ್ರತ್ಯಕ್ಷರಂ ತು ಗಾಯತ್ರೀಪುರಶ್ಚರ್ಯಾಫಲಂ ಭವೇತ್ ॥ ೩೭॥
ಉಪವಾಸವ್ರತಂ ಕೃತ್ವಾ ಶ್ರೀರಾಮನವಮೀದಿನೇ ।
ರಾತ್ರೌ ಜಾಗರಿತೋಽಧ್ಯಾತ್ಮರಾಮಾಯಣಮನನ್ಯಧೀಃ।
ಯಃ ಪಠೇಚ್ಛೃಣುಯಾದ್ವಾಪಿ ತಸ್ಯ ಪುಣ್ಯಂ ವದಾಮ್ಯಹಮ್ ॥ ೩೮॥
ಕುರುಕ್ಷೇತ್ರಾದಿನಿಖಿಲಪುಣ್ಯತೀರ್ಥೇಷ್ವನೇಕಶಃ।
ಆತ್ಮತುಲ್ಯಂ ಧನಂ ಸೂರ್ಯಗ್ರಹಣೇ ಸರ್ವತೋಮುಖೇ ॥ ೩೯॥
ವಿಪ್ರೇಭ್ಯೋ ವ್ಯಾಸತುಲ್ಯೇಭ್ಯೋ ದತ್ವಾ ಯತ್ಫಲಮಶ್ನುತೇ।
ತತ್ಫಲಂ ಸಮ್ಭವೇತ್ತಸ್ಯ ಸತ್ಯಂ ಸತ್ಯಂ ನ ಸಂಶಯಃ ॥ ೪೦॥
ಯೋ ಗಾಯತೇ ಮುದಾಽಧ್ಯಾತ್ಮರಾಮಾಯಣಮಹರ್ನಿಶಮ್।
ಆಜ್ಞಾಂ ತಸ್ಯ ಪ್ರತೀಕ್ಷನ್ತೇ ದೇವಾ ಇನ್ದ್ರಪುರೋಗಮಾಃ ॥ ೪೧॥
ಪಠನ್ ಪ್ರತ್ಯಹಮಧ್ಯಾತ್ಮರಾಮಾಯಣಮನುವ್ರತಃ।
ಯದ್ಯತ್ಕರೋತಿ ತತ್ಕರ್ಮ ತತಃ ಕೋಟಿಗುಣಂ ಭವೇತ್ ॥ ೪೨॥
ತತ್ರ ಶ್ರೀರಾಮಹೃದಯಂ ಯಃ ಪಠೇತ್ ಸುಸಮಾಹಿತಃ ।
ಸ ಬ್ರಹ್ಮಘ್ನೋಽಪಿ ಪೂತಾತ್ಮಾ ತ್ರಿಭಿರೇವ ದಿನೈರ್ಭವೇತ್ ॥ ೪೩॥
ಶ್ರೀರಾಮಹೃದಯಂ ಯಸ್ತು ಹನೂಮತ್ಪ್ರತಿಮಾನ್ತಿಕೇ।
ತ್ರಿಃ ಪಠೇತ್ ಪ್ರತ್ಯಹಂ ಮೌನೀ ಸ ಸರ್ವೇಪ್ಸಿತಭಾಗ್ಭವೇತ್ ॥ ೪೪॥
ಪಠನ್ ಶ್ರೀರಾಮಹೃದಯಂ ತುಲಸ್ಯಶ್ವತ್ಥಯೋರ್ಯದಿ।
ಪ್ರತ್ಯಕ್ಷರಂ ಪ್ರಕುರ್ವೀತ ಬ್ರಹ್ಮಹತ್ಯಾನಿವರ್ತನಮ್ ॥ ೪೫॥
ಶ್ರೀರಾಮಗೀತಾಮಾಹಾತ್ಮ್ಯಂ ಕೃತ್ಸ್ನಂ ಜಾನಾತಿ ಶಙ್ಕರಃ।
ತದರ್ಧಂ ಗಿರಿಜಾ ವೇತ್ತಿ ತದರ್ಧಂ ವೇದ್ಮ್ಯಹಂ ಮುನೇ ॥ ೪೬॥
ತತ್ತೇ ಕಿಞ್ಚಿತ್ಪ್ರವಕ್ಷ್ಯಾಮಿ ಕೃತ್ಸ್ನಂ ವಕ್ತುಂ ನ ಶಕ್ಯತೇ ।
ಯಜ್ಜ್ಞಾತ್ವಾ ತತ್ಕ್ಷಣಾಲ್ಲೋಕಶ್ಚಿತ್ತಶುದ್ಧಿಮವಾಪ್ನುಯಾತ್ ॥ ೪೭॥
ಶ್ರೀರಾಮಗೀತಾ ಯತ್ಪಾಪಂ ನ ನಾಶಯತಿ ನಾರದ।
ತನ್ನ ನಶ್ಯತಿ ತೀರ್ಥಾದೌ ಲೋಕೇ ಕ್ವಾಪಿ ಕದಾಚನ।
ತನ್ನ ಪಶ್ಯಾಮ್ಯಹಂ ಲೋಕೇ ಮಾರ್ಗಮಾಣೋಽಪಿ ಸರ್ವದಾ ॥ ೪೮॥
ರಾಮೇಣೋಪನಿಷತ್ಸಿನ್ಧುಮುನ್ಮತ್ಥ್ಯೋತ್ಪಾದಿತಂ ಮುದಾ।
ಲಕ್ಷ್ಮಣಾಯಾರ್ಪಿತಾಂ ಗೀತಾಸುಧಾಂ ಪೀತ್ವಾಽಮರೋ ಭವೇತ್ ॥ ೪೯॥
ಜಮದಗ್ನಿಸುತಃ ಪುರ್ವಂ ಕಾರ್ತವೀರ್ಯವಧೇಚ್ಛಯಾ।
ಧನುರ್ವಿದ್ಯಾಮಭ್ಯಸಿತುಂ ಮಹೇಶಸ್ಯಾನ್ತಿಕೇ ವಸನ್ ॥ ೫೦॥
ಅಧೀಯಮಾನಾಂ ಪಾರ್ವತ್ಯಾ ರಾಮಗೀತಾಂ ಪ್ರಯತ್ನತಃ ।
ಶ್ರೂತ್ವಾ ಗೃಹೀತ್ವಾಽಽಶು ಪಠನ್ನಾರಾಯಣಕಲಾಮಗಾತ್ ॥ ೫೧॥
ಬ್ರಹ್ಮಹತ್ಯಾದಿಪಾಪಾನಾಂ ನಿಷ್ಕೃತಿಂ ಯದಿ ವಾಞ್ಛತಿ।
ರಾಮಗೀತಾಂ ಮಾಸಮಾತ್ರಂ ಪಠಿತ್ವಾ ಮುಚ್ಯತೇ ನರಃ ॥ ೫೨॥
ದುಷ್ಪ್;ರತಿಗ್ರಹದುರ್ಭೋಜ್ಯದುರಾಲಾಪಾದಿಸಮ್ಭವಮ್।
ಪಾಪಂ ಯತ್ತತ್ಕೀರ್ತನೇನ ರಾಮಗೀತಾ ವಿನಾಶಯೇತ್ ॥ ೫೩॥
ಶಾಲಗ್ರಾಮಶಿಲಾಗ್ರೇ ಚ ತುಲಸ್ಯಶ್ವತ್ಥಸನ್ನಿಧೌ।
ಯತೀನಾಂ ಪುರತಸ್ತದ್ವತ್ ರಾಮಗೀತಾಂ ಪಠೇತ್ತು ಯಃ ॥ ೫೪॥
ಸ ತತ್ಫಲಮವಾಪ್ನೋತಿ ಯದ್ವಾಚೋಽಪಿ ನ ಗೋಚರಮ್ ॥ ೫೫॥
ರಾಮಗೀತಾಂ ಪಠನ್ ಭಕ್ತ್ಯಾ ಯಃ ಶ್ರಾದ್ಧೇ ಭೋಜಯೇದ್ದ್ವಿಜಾನ್।
ತಸ್ಯ ತೇ ಪಿತರಃ ಸರ್ವೇ ಯಾನ್ತಿ ವಿಷ್ಣೋಃ ಪರಂ ಪದಮ್ ॥ ೫೬॥
ಏಕಾದಶ್ಯಾಂ ನಿರಾಹಾರೋ ನಿಯತೋ ದ್ವಾದಶೀದಿನೇ।
ಸ್ಥಿತ್ವಾಗಸ್ತ್ಯತರೋರ್ಮೂಲೇ ರಾಮಗೀತಾಂ ಪಠೇತ್ತು ಯಃ।
ಸ ಏವ ರಾಘವಃ ಸಾಕ್ಷಾತ್ ಸರ್ವದೇವೈಶ್ಚ ಪೂಜ್ಯತೇ ॥ ೫೭॥
ವಿನಾ ದಾನಾಂ ವಿನಾ ಧ್ಯಾನಂ ವಿನಾ ತೀರ್ಥಾವಗಾಹನಮ್ ।
ಬಹುನಾ ಕಿಮಿಹೋಕ್ತೇನ ಶೃಣು ನಾರದ ತತ್ತ್ವತಃ।
ರಾಮಗೀತಾಂ ನರೋಽಧೀತ್ಯ ತದನನ್ತಫಲಂ ಲಭೇತ್ ॥ ೫೮॥
ಶ್ರುತಿಸ್ಮೃತಿಪುರಾಣೇತಿಹಾಸಾಗಮಶತಾನಿ ಚ।
ಅರ್ಹನ್ತಿ ನಾಲ್ಪಮಧ್ಯಾತ್ಮರಾಮಾಯಣಕಲಾಮಪಿ ॥ ೫೯॥
ಅಧ್ಯಾತ್ಮರಾಮಚರಿತಸ್ಯ ಮುನೀಶ್ವರಾಯ
ಮಾಹಾತ್ಮ್ಯಮೇತದುದಿತಂ ಕಮಲಾಸನೇನ ।
ಯಃ ಶ್ರದ್ಧಯಾ ಪಠತಿ ವಾ ಶೃಣುಯಾತ್ ಸ ಮರ್ತ್ಯಃ
ಪ್ರಾಪ್ನೋತಿ ವಿಷ್ಣುಪದವೀಂ ಸುರಪೂಜ್ಯಮಾನಃ ॥ ೬೦॥
ಇತಿ ಶ್ರೀಬ್ರಹ್ಮಾಣ್ಡಪುರಾಣೇ ಉತ್ತರಖಣ್ಡೇ ಅಧ್ಯಾತ್ಮರಾಮಾಯಣಮಾಹಾತ್ಮ್ಯಂ ಸಮ್ಪೂರ್ಣಮ್ ॥
Proofread by PSA Easwaran psaeaswaran at gmail.com
Please send corrections to sanskrit@cheerful.com
Last updated ತ್oday
http://sanskritdocuments.org
ರಾಮಂ ವಿಶ್ವಮಯಂ ವನ್ದೇ ರಾಮಂ ವನ್ದೇ ರಘೂದ್ವಹಮ್ ।
ರಾಮಂ ವಿಪ್ರವರಂ ವನ್ದೇ ರಾಮಂ ಶ್ಯಾಮಾಗ್ರಜಂ ಭಜೇ ॥
ಯಸ್ಯ ವಾಗಂಶುತಶ್ಚ್ಯುತಂ ರಮ್ಯಂ ರಾಮಾಯಣಾಮೃತಮ್ ।
ಶೈಲಜಾಸೇವಿತಂ ವನ್ದೇ ತಂ ಶಿವಂ ಸೋಮರೂಪಿಣಮ್ ॥
ಸಚ್ಚಿದಾನನ್ದಸನ್ದೋಹಂ ಭಕ್ತಿಭೂತಿವಿಭೂಷಣಮ್ ।
ಪೂರ್ಣಾನನ್ದಮಹಂ ವನ್ದೇ ಸದ್ಗುರುಂ ಶಙ್ಕರಂ ಸ್ವಯಮ್ ॥
ಅಜ್ಞಾನಧ್ವಾನ್ತಸಂಹರ್ತ್ರೀ ಜ್ಞಾನಲೋಕವಿಲಾಸಿನೀ ।
ಚನ್ದ್ರಚೂಡವಚಶ್ಚನ್ದ್ರಚನ್ದ್ರಿಕೇಯಂ ವಿರಾಜತೇ ॥
ಅಪ್ರಮೇಯತ್ರಯಾತೀತನಿರ್ಮಲಜ್ಞಾನಮೂರ್ತಯೇ ।
ಮನೋಗಿರಾಂ ವಿದೂರಾಯ ದಕ್ಷಿಣಾಮೂರ್ತಯೇ ನಮಃ ॥ ೧॥
ಸೂತ ಉವಾಚ ।
ಕದಾಚಿನ್ನಾರದೋ ಯೋಗೀ ಪರಾನುಗ್ರಹವಾಞ್ಛಯಾ ।
ಪರ್ಯಟನ್ ಸಕಲಾನ್ ಲೋಕಾನ್ ಸತ್ಯಲೋಕಮುಪಾಗಮತ್ ॥ ೨॥
ತತ್ರ ದೃಷ್ಟ್ವಾ ಮೂರ್ತಿಮದ್ಭಿಶ್ಛನ್ದೋಭಿಃ ಪರಿವೇಷ್ಟಿತಮ್।
ಬಾಲಾರ್ಕಪ್ರಭಯಾ ಸಮ್ಯಗ್ಭಾಸಯನ್ತಂ ಸಭಾಗೃಹಮ್ ॥ ೩॥
ಮಾರ್ಕಣ್ಡೇಯಾದಿಮುನಿಭಿಃ ಸ್ತೂಯಮಾನಂ ಮುಹುರ್ಮುಹುಃ ।
ಸರ್ವಾರ್ಥಗೋಚರಜ್ಞಾನಂ ಸರಸ್ವತ್ಯಾ ಸಮನ್ವಿತಮ್ ॥ ೪॥
ಚತುರ್ಮುಖಂ ಜಗನ್ನಾಥಂ ಭಕ್ತಾಭೀಷ್ಟಫಲಪ್ರದಮ್ ।
ಪ್ರಣಮ್ಯ ದಣ್ಡವದ್ಭಕ್ತ್ಯಾ ತುಷ್ಟಾವ ಮುನಿಪುಙ್ಗವಃ ॥ ೫॥
ಸನ್ತುಷ್ಟಸ್ತಂ ಮುನಿಂ ಪ್ರಾಹ ಸ್ವಯಮ್ಭೂರ್ವೈಷ್ಣವೋತ್ತಮಮ್ ।
ಕಿಂ ಪ್ರಷ್ಟುಕಾಮಸ್ತ್ವಮಸಿ ತದ್ವದಿಷ್ಯಾಮಿ ತೇ ಮುನೇ ॥ ೬॥
ಇತ್ಯಾಕರ್ಣ್ಯ ವಚಸ್ತಸ್ಯ ಮುನಿರ್ಬ್ರಹ್ಮಾಣಮಬ್ರವೀತ್ ।
ತ್ವತ್ತಃ ಶ್ರುತಂ ಮಯಾ ಸರ್ವಂ ಪೂರ್ವಮೇವ ಶುಭಾಶುಭಮ್ ॥ ೭॥
ಇದಾನೀಮೇಕಮೇವಾಸ್ತಿ ಶ್ರೋತವ್ಯಂ ಸುರಸತ್ತಮ ।
ತದ್ರಹಸ್ಯಮಪಿ ಬ್ರೂಹಿ ಯದಿ ತೇಽನುಗ್ರಹೋ ಮಯಿ ॥ ೮॥
ಪ್ರಾಪ್ತೇ ಕಲಿಯುಗೇ ಘೋರೇ ನರಾಃ ಪುಣ್ಯವಿವರ್ಜಿತಾಃ ।
ದುರಾಚಾರರತಾಃ ಸರ್ವೇ ಸತ್ಯವಾರ್ತಾಪರಾಙ್ಮುಖಾಃ ॥ ೯॥
ಪರಾಪವಾದನಿರತಾಃ ಪರದ್ರವ್ಯಾಭಿಲಾಷಿಣಃ ।
ಪರಸ್ತ್ರೀಸಕ್ತಮನಸಃ ಪರಹಿಂಸಾಪರಾಯಣಾಃ ॥ ೧೦॥
ದೇಹಾತ್ಮದೃಷ್ಟಯೋ ಮೂಢಾ ನಾಸ್ತಿಕಾ ಪಶುಬುದ್ಧಯಃ ।
ಮಾತಾಪಿತೃಕೃತದ್ವೇಷಾಃ ಸ್ತ್ರೀದೇವಾಃ ಕಾಮಕಿಙ್ಕರಾಃ ॥ ೧೧॥
ವಿಪ್ರಾ ಲೋಭಗ್ರಹಗ್ರಸ್ತಾ ವೇದವಿಕ್ರಯಜೀವಿನಃ ।
ಧನಾರ್ಜನಾರ್ಥಮಭ್ಯಸ್ತವಿದ್ಯಾ ಮದವಿಮೋಹಿತಾಃ ॥ ೧೨॥
ತ್ಯಕ್ತಸ್ವಜಾತಿಕರ್ಮಾಣಃ ಪ್ರಾಯಶಃ ಪರವಞ್ಚಕಾಃ।
ಕ್ಷತ್ರಿಯಾಶ್ಚ ತಥಾ ವೈಶ್ಯಾಃ ಸ್ವಧರ್ಮತ್ಯಾಗಶೀಲಿನಃ ॥ ೧೩॥
ತದ್ವಚ್ಛೂದ್ರಾಶ್ಚ ಯೇ ಕೇಚಿದ್ಬ್ರಾಹ್ಮಣಾಚಾರತತ್ಪರಾಃ।
ಸ್ತ್ರಿಯಶ್ಚ ಪ್ರಾಯಶೋ ಭ್ರಷ್ಟಾ ಭರ್ತ್ರವಜ್ಞಾನನಿರ್ಭಯಾಃ ॥ ೧೪॥
ಶ್ವಶುರದ್ರೋಹಕಾರಿಣ್ಯೋ ಭವಿಷ್ಯನ್ತಿ ನ ಸಂಶಯಃ।
ಏತೇಷಾಂ ನಷ್ಟಬುದ್ಧೀನಾಂ ಪರಲೋಕಃ ಕಥಂ ಭವೇತ್ ॥ ೧೫॥
ಇತಿ ಚಿನ್ತಾಕುಲಂ ಚಿತ್ತಂ ಜಾಯತೇ ಮಮ ಸನ್ತತಮ್ ।
ಲಘೂಪಾಯೇನ ಯೇನೈಷಾಂ ಪರಲೋಕಗತಿರ್ಭವೇತ್।
ತಮುಪಾಯಮುಪಾಖ್ಯಾಹಿ ಸರ್ವಂ ವೇತ್ತಿ ಯತೋ ಭವಾನ್ ॥ ೧೬॥
ಇತ್ಯೃಷೇರ್ವಾಕ್ಯಮಾಕರ್ಣ್ಯ ಪ್ರತ್ಯುವಾಚಾಮ್ಬುಜಾಸನಃ ।
ಸಾಧು ಪೃಷ್ಟಂ ತ್ವಯಾ ಸಾಧೋ ವಕ್ಷ್ಯೇ ತಚ್ಛೃಣು ಸಾದರಮ್ ॥ ೧೭॥
ಪುರಾ ತ್ರಿಪುರಹನ್ತಾರಂ ಪಾರ್ವತೀ ಭಕ್ತವತ್ಸಲಾ।
ಶ್ರೀರಾಮತತ್ತ್ವಂ ಜಿಜ್ಞಾಸುಃ ಪಪ್ರಚ್ಛ ವಿನಯಾನ್ವಿತಾ ॥ ೧೮॥
ಪ್ರಿಯಾಯೈ ಗಿರಿಶಸ್ತಸ್ಯೈ ಗೂಢಂ ವ್ಯಾಖ್ಯಾತವಾನ್ ಸ್ವಯಮ್।
ಪುರಾಣೋತ್ತಮಮಧ್ಯಾತ್ಮರಾಮಾಯಣಮಿತಿ ಸ್ಮೃತಮ್ ॥ ೧೯॥
ತತ್ಪಾರ್ವತೀ ಜಗದ್ಧಾತ್ರೀ ಪೂಜಯಿತ್ವಾ ದಿವಾನಿಶಮ್।
ಆಲೋಚಯನ್ತೀ ಸ್ವಾನನ್ದಮಗ್ನಾ ತಿಷ್ಠತಿ ಸಾಮ್ಪ್ರತಮ್ ॥ ೨೦॥
ಪ್ರಚರಿಷ್ಯತಿ ತಲ್ಲೋಕೇ ಪ್ರಾಣ್ಯದೃಷ್ಟವಶಾದ್ಯದಾ ।
ತಸ್ಯಾಧ್ಯಯನಮಾತ್ರೇಣ ಜನಾ ಯಾಸ್ಯನ್ತಿ ಸದ್ಗತಿಮ್ ॥ ೨೧॥
ತಾವದ್ವಿಜೃಮ್ಭತೇ ಪಾಪಂ ಬ್ರಹ್ಮಹತ್ಯಾಪುರಃಸರಮ್।
ಯಾವಜ್ಜಗತಿ ನಾಧ್ಯಾತ್ಮರಾಮಾಯಣಮುದೇಷ್ಯತಿ ॥ ೨೨॥
ತಾವತ್ಕಲಿಮಹೋತ್ಸಾಹೋ ನಿಃಶಙ್ಕಂ ಸಮ್ಪ್ರವರ್ತತೇ।
ಯಾವಜ್ಜಗತಿ ನಾಧ್ಯಾತ್ಮರಾಮಾಯಣಮುದೇಷ್ಯತಿ ॥ ೨೩॥
ತಾವದ್ಯಮಭಟಾಃ ಶೂರಾಃ ಸಞ್ಚರಿಷ್ಯನ್ತಿ ನಿರ್ಭಯಾಃ।
ಯಾವಜ್ಜಗತಿ ನಾಧ್ಯಾತ್ಮರಾಮಾಯಣಮುದೇಷ್ಯತಿ ॥ ೨೪॥
ತಾವತ್ಸರ್ವಾಣಿ ಶಾಸ್ತ್ರಾಣಿ ವಿವದನ್ತೇ ಪರಸ್ಪರಮ್ ॥ ೨೫॥
ತಾವತ್ಸ್ವರೂಪಂ ರಾಮಸ್ಯ ದುರ್ಬೋಧಂ ಮಹತಾಮಪಿ ।
ಯಾವಜ್ಜಗತಿ ನಾಧ್ಯಾತ್ಮರಾಮಾಯಣಮುದೇಷ್ಯತಿ ॥ ೨೬॥
ಅಧ್ಯಾತ್ಮರಾಮಾಯಣಸಙ್ಕೀರ್ತನಶ್ರವಣಾದಿಜಮ್ ।
ಫಲಂ ವಕ್ತುಂ ನ ಶಕ್ನೋಮಿ ಕಾರ್ತ್ಸ್ನ್ಯೇನ ಮುನಿಸತ್ತಮ ॥ ೨೭॥
ತಥಾಪಿ ತಸ್ಯ ಮಾಹಾತ್ಮ್ಯಂ ವಕ್ಷ್ಯೇ ಕಿಞ್ಚಿತ್ತವಾನಘ।
ಶೃಣು ಚಿತ್ತಂ ಸಮಾಧಾಯ ಶಿವೇನೋಕ್ತಂ ಪುರಾ ಮಮ ॥ ೨೮॥
ಅಧ್ಯಾತ್ಮರಾಮಾಯಣತಃ ಶ್ಲೋಕಂ ಶ್ಲೋಕಾರ್ಧಮೇವ ವಾ।
ಯಃ ಪಠೇತ್ ಭಕ್ತಿಸಂಯುಕ್ತಃ ಸ ಪಾಪಾನ್ಮುಚ್ಯತೇ ಕ್ಷಣಾತ್ ॥ ೨೯॥
ಯಸ್ತು ಪ್ರತ್ಯಹಮಧ್ಯಾತ್ಮರಾಮಾಯಣಮನನ್ಯಧೀಃ।
ಯಥಾಶಕ್ತಿ ವದೇದ್ಭಕ್ತ್ಯಾ ಸ ಜೀವನ್ಮುಕ್ತ ಉಚ್ಯತೇ ॥ ೩೦॥
ಯೋ ಭಕ್ತ್ಯಾರ್ಚಯತೇಽಧ್ಯಾತ್ಮರಾಮಾಯಣಮತನ್ದ್ರಿತಃ।
ದಿನೇ ದಿನೇಽಶ್ವಮೇಧಸ್ಯ ಫಲಂ ತಸ್ಯ ಭವೇನ್ಮುನೇ ॥ ೩೧॥
ಯದೃಚ್ಛಯಾಪಿ ಯೋಽಧ್ಯಾತ್ಮರಾಮಾಯಣಮನಾದರಾತ್।
ಅನ್ಯತಃ ಶೃಣುಯಾನ್ಮರ್ತ್ಯಃ ಸೋಽಪಿ ಮುಚ್ಯೇತ ಪಾತಕಾತ್ ॥ ೩೨॥
ನಮಸ್ಕರೋತಿ ಯೋಽಧ್ಯಾತ್ಮರಾಮಾಯಣಮದೂರತಃ।
ಸರ್ವದೇವಾರ್ಚನಫಲಂ ಸ ಪ್ರಾಪ್ನೋತಿ ನ ಸಂಶಯಃ ॥ ೩೩॥
ಲಿಖಿತ್ವಾ ಪುಸ್ತಕೇಽಧ್ಯಾತ್ಮರಾಮಾಯಣಮಶೇಷತಃ।
ಯೋ ದದ್ಯಾದ್ರಾಮಭಕ್ತೇಭ್ಯಸ್ತಸ್ಯ ಪುಣ್ಯಫಲಂ ಶೃಣು ॥ ೩೪॥
ಅಧೀತೇಷು ಚ ವೇದೇಷು ಶಾಸ್ತ್ರೇಷು ವ್ಯಾಕೃತೇಷು ಚ ।
ಯತ್ಫಲಂ ದುರ್ಲಭಂ ಲೋಕೇ ತತ್ಫಲಂ ತಸ್ಯ ಸಮ್ಭವೇತ್ ॥ ೩೫॥
ಏಕಾದಶೀದಿನೇಽಧ್ಯಾತ್ಮರಾಮಾಯಣಮುಪೋಷಿತಃ ।
ಯೋ ರಾಮಭಕ್ತಃ ಸದಸಿ ವ್ಯಾಕರೋತಿ ನರೋತ್ತಮಃ ॥ ೩೬॥
ತಸ್ಯ ಪುಣ್ಯಫಲಂ ವಕ್ಷ್ಯೇ ಶೃಣು ವೈಷ್ಣವಸತ್ತಮ ।
ಪ್ರತ್ಯಕ್ಷರಂ ತು ಗಾಯತ್ರೀಪುರಶ್ಚರ್ಯಾಫಲಂ ಭವೇತ್ ॥ ೩೭॥
ಉಪವಾಸವ್ರತಂ ಕೃತ್ವಾ ಶ್ರೀರಾಮನವಮೀದಿನೇ ।
ರಾತ್ರೌ ಜಾಗರಿತೋಽಧ್ಯಾತ್ಮರಾಮಾಯಣಮನನ್ಯಧೀಃ।
ಯಃ ಪಠೇಚ್ಛೃಣುಯಾದ್ವಾಪಿ ತಸ್ಯ ಪುಣ್ಯಂ ವದಾಮ್ಯಹಮ್ ॥ ೩೮॥
ಕುರುಕ್ಷೇತ್ರಾದಿನಿಖಿಲಪುಣ್ಯತೀರ್ಥೇಷ್ವನೇಕಶಃ।
ಆತ್ಮತುಲ್ಯಂ ಧನಂ ಸೂರ್ಯಗ್ರಹಣೇ ಸರ್ವತೋಮುಖೇ ॥ ೩೯॥
ವಿಪ್ರೇಭ್ಯೋ ವ್ಯಾಸತುಲ್ಯೇಭ್ಯೋ ದತ್ವಾ ಯತ್ಫಲಮಶ್ನುತೇ।
ತತ್ಫಲಂ ಸಮ್ಭವೇತ್ತಸ್ಯ ಸತ್ಯಂ ಸತ್ಯಂ ನ ಸಂಶಯಃ ॥ ೪೦॥
ಯೋ ಗಾಯತೇ ಮುದಾಽಧ್ಯಾತ್ಮರಾಮಾಯಣಮಹರ್ನಿಶಮ್।
ಆಜ್ಞಾಂ ತಸ್ಯ ಪ್ರತೀಕ್ಷನ್ತೇ ದೇವಾ ಇನ್ದ್ರಪುರೋಗಮಾಃ ॥ ೪೧॥
ಪಠನ್ ಪ್ರತ್ಯಹಮಧ್ಯಾತ್ಮರಾಮಾಯಣಮನುವ್ರತಃ।
ಯದ್ಯತ್ಕರೋತಿ ತತ್ಕರ್ಮ ತತಃ ಕೋಟಿಗುಣಂ ಭವೇತ್ ॥ ೪೨॥
ತತ್ರ ಶ್ರೀರಾಮಹೃದಯಂ ಯಃ ಪಠೇತ್ ಸುಸಮಾಹಿತಃ ।
ಸ ಬ್ರಹ್ಮಘ್ನೋಽಪಿ ಪೂತಾತ್ಮಾ ತ್ರಿಭಿರೇವ ದಿನೈರ್ಭವೇತ್ ॥ ೪೩॥
ಶ್ರೀರಾಮಹೃದಯಂ ಯಸ್ತು ಹನೂಮತ್ಪ್ರತಿಮಾನ್ತಿಕೇ।
ತ್ರಿಃ ಪಠೇತ್ ಪ್ರತ್ಯಹಂ ಮೌನೀ ಸ ಸರ್ವೇಪ್ಸಿತಭಾಗ್ಭವೇತ್ ॥ ೪೪॥
ಪಠನ್ ಶ್ರೀರಾಮಹೃದಯಂ ತುಲಸ್ಯಶ್ವತ್ಥಯೋರ್ಯದಿ।
ಪ್ರತ್ಯಕ್ಷರಂ ಪ್ರಕುರ್ವೀತ ಬ್ರಹ್ಮಹತ್ಯಾನಿವರ್ತನಮ್ ॥ ೪೫॥
ಶ್ರೀರಾಮಗೀತಾಮಾಹಾತ್ಮ್ಯಂ ಕೃತ್ಸ್ನಂ ಜಾನಾತಿ ಶಙ್ಕರಃ।
ತದರ್ಧಂ ಗಿರಿಜಾ ವೇತ್ತಿ ತದರ್ಧಂ ವೇದ್ಮ್ಯಹಂ ಮುನೇ ॥ ೪೬॥
ತತ್ತೇ ಕಿಞ್ಚಿತ್ಪ್ರವಕ್ಷ್ಯಾಮಿ ಕೃತ್ಸ್ನಂ ವಕ್ತುಂ ನ ಶಕ್ಯತೇ ।
ಯಜ್ಜ್ಞಾತ್ವಾ ತತ್ಕ್ಷಣಾಲ್ಲೋಕಶ್ಚಿತ್ತಶುದ್ಧಿಮವಾಪ್ನುಯಾತ್ ॥ ೪೭॥
ಶ್ರೀರಾಮಗೀತಾ ಯತ್ಪಾಪಂ ನ ನಾಶಯತಿ ನಾರದ।
ತನ್ನ ನಶ್ಯತಿ ತೀರ್ಥಾದೌ ಲೋಕೇ ಕ್ವಾಪಿ ಕದಾಚನ।
ತನ್ನ ಪಶ್ಯಾಮ್ಯಹಂ ಲೋಕೇ ಮಾರ್ಗಮಾಣೋಽಪಿ ಸರ್ವದಾ ॥ ೪೮॥
ರಾಮೇಣೋಪನಿಷತ್ಸಿನ್ಧುಮುನ್ಮತ್ಥ್ಯೋತ್ಪಾದಿತಂ ಮುದಾ।
ಲಕ್ಷ್ಮಣಾಯಾರ್ಪಿತಾಂ ಗೀತಾಸುಧಾಂ ಪೀತ್ವಾಽಮರೋ ಭವೇತ್ ॥ ೪೯॥
ಜಮದಗ್ನಿಸುತಃ ಪುರ್ವಂ ಕಾರ್ತವೀರ್ಯವಧೇಚ್ಛಯಾ।
ಧನುರ್ವಿದ್ಯಾಮಭ್ಯಸಿತುಂ ಮಹೇಶಸ್ಯಾನ್ತಿಕೇ ವಸನ್ ॥ ೫೦॥
ಅಧೀಯಮಾನಾಂ ಪಾರ್ವತ್ಯಾ ರಾಮಗೀತಾಂ ಪ್ರಯತ್ನತಃ ।
ಶ್ರೂತ್ವಾ ಗೃಹೀತ್ವಾಽಽಶು ಪಠನ್ನಾರಾಯಣಕಲಾಮಗಾತ್ ॥ ೫೧॥
ಬ್ರಹ್ಮಹತ್ಯಾದಿಪಾಪಾನಾಂ ನಿಷ್ಕೃತಿಂ ಯದಿ ವಾಞ್ಛತಿ।
ರಾಮಗೀತಾಂ ಮಾಸಮಾತ್ರಂ ಪಠಿತ್ವಾ ಮುಚ್ಯತೇ ನರಃ ॥ ೫೨॥
ದುಷ್ಪ್;ರತಿಗ್ರಹದುರ್ಭೋಜ್ಯದುರಾಲಾಪಾದಿಸಮ್ಭವಮ್।
ಪಾಪಂ ಯತ್ತತ್ಕೀರ್ತನೇನ ರಾಮಗೀತಾ ವಿನಾಶಯೇತ್ ॥ ೫೩॥
ಶಾಲಗ್ರಾಮಶಿಲಾಗ್ರೇ ಚ ತುಲಸ್ಯಶ್ವತ್ಥಸನ್ನಿಧೌ।
ಯತೀನಾಂ ಪುರತಸ್ತದ್ವತ್ ರಾಮಗೀತಾಂ ಪಠೇತ್ತು ಯಃ ॥ ೫೪॥
ಸ ತತ್ಫಲಮವಾಪ್ನೋತಿ ಯದ್ವಾಚೋಽಪಿ ನ ಗೋಚರಮ್ ॥ ೫೫॥
ರಾಮಗೀತಾಂ ಪಠನ್ ಭಕ್ತ್ಯಾ ಯಃ ಶ್ರಾದ್ಧೇ ಭೋಜಯೇದ್ದ್ವಿಜಾನ್।
ತಸ್ಯ ತೇ ಪಿತರಃ ಸರ್ವೇ ಯಾನ್ತಿ ವಿಷ್ಣೋಃ ಪರಂ ಪದಮ್ ॥ ೫೬॥
ಏಕಾದಶ್ಯಾಂ ನಿರಾಹಾರೋ ನಿಯತೋ ದ್ವಾದಶೀದಿನೇ।
ಸ್ಥಿತ್ವಾಗಸ್ತ್ಯತರೋರ್ಮೂಲೇ ರಾಮಗೀತಾಂ ಪಠೇತ್ತು ಯಃ।
ಸ ಏವ ರಾಘವಃ ಸಾಕ್ಷಾತ್ ಸರ್ವದೇವೈಶ್ಚ ಪೂಜ್ಯತೇ ॥ ೫೭॥
ವಿನಾ ದಾನಾಂ ವಿನಾ ಧ್ಯಾನಂ ವಿನಾ ತೀರ್ಥಾವಗಾಹನಮ್ ।
ಬಹುನಾ ಕಿಮಿಹೋಕ್ತೇನ ಶೃಣು ನಾರದ ತತ್ತ್ವತಃ।
ರಾಮಗೀತಾಂ ನರೋಽಧೀತ್ಯ ತದನನ್ತಫಲಂ ಲಭೇತ್ ॥ ೫೮॥
ಶ್ರುತಿಸ್ಮೃತಿಪುರಾಣೇತಿಹಾಸಾಗಮಶತಾನಿ ಚ।
ಅರ್ಹನ್ತಿ ನಾಲ್ಪಮಧ್ಯಾತ್ಮರಾಮಾಯಣಕಲಾಮಪಿ ॥ ೫೯॥
ಅಧ್ಯಾತ್ಮರಾಮಚರಿತಸ್ಯ ಮುನೀಶ್ವರಾಯ
ಮಾಹಾತ್ಮ್ಯಮೇತದುದಿತಂ ಕಮಲಾಸನೇನ ।
ಯಃ ಶ್ರದ್ಧಯಾ ಪಠತಿ ವಾ ಶೃಣುಯಾತ್ ಸ ಮರ್ತ್ಯಃ
ಪ್ರಾಪ್ನೋತಿ ವಿಷ್ಣುಪದವೀಂ ಸುರಪೂಜ್ಯಮಾನಃ ॥ ೬೦॥
ಇತಿ ಶ್ರೀಬ್ರಹ್ಮಾಣ್ಡಪುರಾಣೇ ಉತ್ತರಖಣ್ಡೇ ಅಧ್ಯಾತ್ಮರಾಮಾಯಣಮಾಹಾತ್ಮ್ಯಂ ಸಮ್ಪೂರ್ಣಮ್ ॥
Proofread by PSA Easwaran psaeaswaran at gmail.com
Please send corrections to sanskrit@cheerful.com
Last updated ತ್oday
http://sanskritdocuments.org
Adhyatma Ramayana Mahatmyam Lyrics in Kannada PDF
% File name : adhyAtmarAmAyaNamAhAtmyam.itx
% Category : adhyAtmarAmAyaNa
% Location : doc\_raama
% Author : Shri Veda Vyas
% Language : Sanskrit
% Subject : philosophy/hinduism/religion
% Transliterated by : PSA Easwaran psaeaswaran at gmail.com
% Proofread by : PSA Easwaran psaeaswaran at gmail.com
% Description-comments : shrIbrahmANDapurANe uttarakhaNDe
% Latest update : June 8, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : adhyAtmarAmAyaNamAhAtmyam.itx
% Category : adhyAtmarAmAyaNa
% Location : doc\_raama
% Author : Shri Veda Vyas
% Language : Sanskrit
% Subject : philosophy/hinduism/religion
% Transliterated by : PSA Easwaran psaeaswaran at gmail.com
% Proofread by : PSA Easwaran psaeaswaran at gmail.com
% Description-comments : shrIbrahmANDapurANe uttarakhaNDe
% Latest update : June 8, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website