അധ്യാത്മരാമായണമാഹാത്മ്യമ് ബ്രഹ്മാണ്ഡപുരാണേ
{॥ അധ്യാത്മരാമായണമാഹാത്മ്യമ് ബ്രഹ്മാണ്ഡപുരാണേ ॥}
രാമം വിശ്വമയം വന്ദേ രാമം വന്ദേ രഘൂദ്വഹമ് ।
രാമം വിപ്രവരം വന്ദേ രാമം ശ്യാമാഗ്രജം ഭജേ ॥
യസ്യ വാഗംശുതശ്ച്യുതം രമ്യം രാമായണാമൃതമ് ।
ശൈലജാസേവിതം വന്ദേ തം ശിവം സോമരൂപിണമ് ॥
സച്ചിദാനന്ദസന്ദോഹം ഭക്തിഭൂതിവിഭൂഷണമ് ।
പൂര്ണാനന്ദമഹം വന്ദേ സദ്ഗുരും ശങ്കരം സ്വയമ് ॥
അജ്ഞാനധ്വാന്തസംഹര്ത്രീ ജ്ഞാനലോകവിലാസിനീ ।
ചന്ദ്രചൂഡവചശ്ചന്ദ്രചന്ദ്രികേയം വിരാജതേ ॥
അപ്രമേയത്രയാതീതനിര്മലജ്ഞാനമൂര്തയേ ।
മനോഗിരാം വിദൂരായ ദക്ഷിണാമൂര്തയേ നമഃ ॥ ൧॥
സൂത ഉവാച ।
കദാചിന്നാരദോ യോഗീ പരാനുഗ്രഹവാഞ്ഛയാ ।
പര്യടന് സകലാന് ലോകാന് സത്യലോകമുപാഗമത് ॥ ൨॥
തത്ര ദൃഷ്ട്വാ മൂര്തിമദ്ഭിശ്ഛന്ദോഭിഃ പരിവേഷ്ടിതമ്।
ബാലാര്കപ്രഭയാ സമ്യഗ്ഭാസയന്തം സഭാഗൃഹമ് ॥ ൩॥
മാര്കണ്ഡേയാദിമുനിഭിഃ സ്തൂയമാനം മുഹുര്മുഹുഃ ।
സര്വാര്ഥഗോചരജ്ഞാനം സരസ്വത്യാ സമന്വിതമ് ॥ ൪॥
ചതുര്മുഖം ജഗന്നാഥം ഭക്താഭീഷ്ടഫലപ്രദമ് ।
പ്രണമ്യ ദണ്ഡവദ്ഭക്ത്യാ തുഷ്ടാവ മുനിപുങ്ഗവഃ ॥ ൫॥
സന്തുഷ്ടസ്തം മുനിം പ്രാഹ സ്വയമ്ഭൂര്വൈഷ്ണവോത്തമമ് ।
കിം പ്രഷ്ടുകാമസ്ത്വമസി തദ്വദിഷ്യാമി തേ മുനേ ॥ ൬॥
ഇത്യാകര്ണ്യ വചസ്തസ്യ മുനിര്ബ്രഹ്മാണമബ്രവീത് ।
ത്വത്തഃ ശ്രുതം മയാ സര്വം പൂര്വമേവ ശുഭാശുഭമ് ॥ ൭॥
ഇദാനീമേകമേവാസ്തി ശ്രോതവ്യം സുരസത്തമ ।
തദ്രഹസ്യമപി ബ്രൂഹി യദി തേഽനുഗ്രഹോ മയി ॥ ൮॥
പ്രാപ്തേ കലിയുഗേ ഘോരേ നരാഃ പുണ്യവിവര്ജിതാഃ ।
ദുരാചാരരതാഃ സര്വേ സത്യവാര്താപരാങ്മുഖാഃ ॥ ൯॥
പരാപവാദനിരതാഃ പരദ്രവ്യാഭിലാഷിണഃ ।
പരസ്ത്രീസക്തമനസഃ പരഹിംസാപരായണാഃ ॥ ൧൦॥
ദേഹാത്മദൃഷ്ടയോ മൂഢാ നാസ്തികാ പശുബുദ്ധയഃ ।
മാതാപിതൃകൃതദ്വേഷാഃ സ്ത്രീദേവാഃ കാമകിങ്കരാഃ ॥ ൧൧॥
വിപ്രാ ലോഭഗ്രഹഗ്രസ്താ വേദവിക്രയജീവിനഃ ।
ധനാര്ജനാര്ഥമഭ്യസ്തവിദ്യാ മദവിമോഹിതാഃ ॥ ൧൨॥
ത്യക്തസ്വജാതികര്മാണഃ പ്രായശഃ പരവഞ്ചകാഃ।
ക്ഷത്രിയാശ്ച തഥാ വൈശ്യാഃ സ്വധര്മത്യാഗശീലിനഃ ॥ ൧൩॥
തദ്വച്ഛൂദ്രാശ്ച യേ കേചിദ്ബ്രാഹ്മണാചാരതത്പരാഃ।
സ്ത്രിയശ്ച പ്രായശോ ഭ്രഷ്ടാ ഭര്ത്രവജ്ഞാനനിര്ഭയാഃ ॥ ൧൪॥
ശ്വശുരദ്രോഹകാരിണ്യോ ഭവിഷ്യന്തി ന സംശയഃ।
ഏതേഷാം നഷ്ടബുദ്ധീനാം പരലോകഃ കഥം ഭവേത് ॥ ൧൫॥
ഇതി ചിന്താകുലം ചിത്തം ജായതേ മമ സന്തതമ് ।
ലഘൂപായേന യേനൈഷാം പരലോകഗതിര്ഭവേത്।
തമുപായമുപാഖ്യാഹി സര്വം വേത്തി യതോ ഭവാന് ॥ ൧൬॥
ഇത്യൃഷേര്വാക്യമാകര്ണ്യ പ്രത്യുവാചാമ്ബുജാസനഃ ।
സാധു പൃഷ്ടം ത്വയാ സാധോ വക്ഷ്യേ തച്ഛൃണു സാദരമ് ॥ ൧൭॥
പുരാ ത്രിപുരഹന്താരം പാര്വതീ ഭക്തവത്സലാ।
ശ്രീരാമതത്ത്വം ജിജ്ഞാസുഃ പപ്രച്ഛ വിനയാന്വിതാ ॥ ൧൮॥
പ്രിയായൈ ഗിരിശസ്തസ്യൈ ഗൂഢം വ്യാഖ്യാതവാന് സ്വയമ്।
പുരാണോത്തമമധ്യാത്മരാമായണമിതി സ്മൃതമ് ॥ ൧൯॥
തത്പാര്വതീ ജഗദ്ധാത്രീ പൂജയിത്വാ ദിവാനിശമ്।
ആലോചയന്തീ സ്വാനന്ദമഗ്നാ തിഷ്ഠതി സാമ്പ്രതമ് ॥ ൨൦॥
പ്രചരിഷ്യതി തല്ലോകേ പ്രാണ്യദൃഷ്ടവശാദ്യദാ ।
തസ്യാധ്യയനമാത്രേണ ജനാ യാസ്യന്തി സദ്ഗതിമ് ॥ ൨൧॥
താവദ്വിജൃമ്ഭതേ പാപം ബ്രഹ്മഹത്യാപുരഃസരമ്।
യാവജ്ജഗതി നാധ്യാത്മരാമായണമുദേഷ്യതി ॥ ൨൨॥
താവത്കലിമഹോത്സാഹോ നിഃശങ്കം സമ്പ്രവര്തതേ।
യാവജ്ജഗതി നാധ്യാത്മരാമായണമുദേഷ്യതി ॥ ൨൩॥
താവദ്യമഭടാഃ ശൂരാഃ സഞ്ചരിഷ്യന്തി നിര്ഭയാഃ।
യാവജ്ജഗതി നാധ്യാത്മരാമായണമുദേഷ്യതി ॥ ൨൪॥
താവത്സര്വാണി ശാസ്ത്രാണി വിവദന്തേ പരസ്പരമ് ॥ ൨൫॥
താവത്സ്വരൂപം രാമസ്യ ദുര്ബോധം മഹതാമപി ।
യാവജ്ജഗതി നാധ്യാത്മരാമായണമുദേഷ്യതി ॥ ൨൬॥
അധ്യാത്മരാമായണസങ്കീര്തനശ്രവണാദിജമ് ।
ഫലം വക്തും ന ശക്നോമി കാര്ത്സ്ന്യേന മുനിസത്തമ ॥ ൨൭॥
തഥാപി തസ്യ മാഹാത്മ്യം വക്ഷ്യേ കിഞ്ചിത്തവാനഘ।
ശൃണു ചിത്തം സമാധായ ശിവേനോക്തം പുരാ മമ ॥ ൨൮॥
അധ്യാത്മരാമായണതഃ ശ്ലോകം ശ്ലോകാര്ധമേവ വാ।
യഃ പഠേത് ഭക്തിസംയുക്തഃ സ പാപാന്മുച്യതേ ക്ഷണാത് ॥ ൨൯॥
യസ്തു പ്രത്യഹമധ്യാത്മരാമായണമനന്യധീഃ।
യഥാശക്തി വദേദ്ഭക്ത്യാ സ ജീവന്മുക്ത ഉച്യതേ ॥ ൩൦॥
യോ ഭക്ത്യാര്ചയതേഽധ്യാത്മരാമായണമതന്ദ്രിതഃ।
ദിനേ ദിനേഽശ്വമേധസ്യ ഫലം തസ്യ ഭവേന്മുനേ ॥ ൩൧॥
യദൃച്ഛയാപി യോഽധ്യാത്മരാമായണമനാദരാത്।
അന്യതഃ ശൃണുയാന്മര്ത്യഃ സോഽപി മുച്യേത പാതകാത് ॥ ൩൨॥
നമസ്കരോതി യോഽധ്യാത്മരാമായണമദൂരതഃ।
സര്വദേവാര്ചനഫലം സ പ്രാപ്നോതി ന സംശയഃ ॥ ൩൩॥
ലിഖിത്വാ പുസ്തകേഽധ്യാത്മരാമായണമശേഷതഃ।
യോ ദദ്യാദ്രാമഭക്തേഭ്യസ്തസ്യ പുണ്യഫലം ശൃണു ॥ ൩൪॥
അധീതേഷു ച വേദേഷു ശാസ്ത്രേഷു വ്യാകൃതേഷു ച ।
യത്ഫലം ദുര്ലഭം ലോകേ തത്ഫലം തസ്യ സമ്ഭവേത് ॥ ൩൫॥
ഏകാദശീദിനേഽധ്യാത്മരാമായണമുപോഷിതഃ ।
യോ രാമഭക്തഃ സദസി വ്യാകരോതി നരോത്തമഃ ॥ ൩൬॥
തസ്യ പുണ്യഫലം വക്ഷ്യേ ശൃണു വൈഷ്ണവസത്തമ ।
പ്രത്യക്ഷരം തു ഗായത്രീപുരശ്ചര്യാഫലം ഭവേത് ॥ ൩൭॥
ഉപവാസവ്രതം കൃത്വാ ശ്രീരാമനവമീദിനേ ।
രാത്രൌ ജാഗരിതോഽധ്യാത്മരാമായണമനന്യധീഃ।
യഃ പഠേച്ഛൃണുയാദ്വാപി തസ്യ പുണ്യം വദാമ്യഹമ് ॥ ൩൮॥
കുരുക്ഷേത്രാദിനിഖിലപുണ്യതീര്ഥേഷ്വനേകശഃ।
ആത്മതുല്യം ധനം സൂര്യഗ്രഹണേ സര്വതോമുഖേ ॥ ൩൯॥
വിപ്രേഭ്യോ വ്യാസതുല്യേഭ്യോ ദത്വാ യത്ഫലമശ്നുതേ।
തത്ഫലം സമ്ഭവേത്തസ്യ സത്യം സത്യം ന സംശയഃ ॥ ൪൦॥
യോ ഗായതേ മുദാഽധ്യാത്മരാമായണമഹര്നിശമ്।
ആജ്ഞാം തസ്യ പ്രതീക്ഷന്തേ ദേവാ ഇന്ദ്രപുരോഗമാഃ ॥ ൪൧॥
പഠന് പ്രത്യഹമധ്യാത്മരാമായണമനുവ്രതഃ।
യദ്യത്കരോതി തത്കര്മ തതഃ കോടിഗുണം ഭവേത് ॥ ൪൨॥
തത്ര ശ്രീരാമഹൃദയം യഃ പഠേത് സുസമാഹിതഃ ।
സ ബ്രഹ്മഘ്നോഽപി പൂതാത്മാ ത്രിഭിരേവ ദിനൈര്ഭവേത് ॥ ൪൩॥
ശ്രീരാമഹൃദയം യസ്തു ഹനൂമത്പ്രതിമാന്തികേ।
ത്രിഃ പഠേത് പ്രത്യഹം മൌനീ സ സര്വേപ്സിതഭാഗ്ഭവേത് ॥ ൪൪॥
പഠന് ശ്രീരാമഹൃദയം തുലസ്യശ്വത്ഥയോര്യദി।
പ്രത്യക്ഷരം പ്രകുര്വീത ബ്രഹ്മഹത്യാനിവര്തനമ് ॥ ൪൫॥
ശ്രീരാമഗീതാമാഹാത്മ്യം കൃത്സ്നം ജാനാതി ശങ്കരഃ।
തദര്ധം ഗിരിജാ വേത്തി തദര്ധം വേദ്മ്യഹം മുനേ ॥ ൪൬॥
തത്തേ കിഞ്ചിത്പ്രവക്ഷ്യാമി കൃത്സ്നം വക്തും ന ശക്യതേ ।
യജ്ജ്ഞാത്വാ തത്ക്ഷണാല്ലോകശ്ചിത്തശുദ്ധിമവാപ്നുയാത് ॥ ൪൭॥
ശ്രീരാമഗീതാ യത്പാപം ന നാശയതി നാരദ।
തന്ന നശ്യതി തീര്ഥാദൌ ലോകേ ക്വാപി കദാചന।
തന്ന പശ്യാമ്യഹം ലോകേ മാര്ഗമാണോഽപി സര്വദാ ॥ ൪൮॥
രാമേണോപനിഷത്സിന്ധുമുന്മത്ഥ്യോത്പാദിതം മുദാ।
ലക്ഷ്മണായാര്പിതാം ഗീതാസുധാം പീത്വാഽമരോ ഭവേത് ॥ ൪൯॥
ജമദഗ്നിസുതഃ പുര്വം കാര്തവീര്യവധേച്ഛയാ।
ധനുര്വിദ്യാമഭ്യസിതും മഹേശസ്യാന്തികേ വസന് ॥ ൫൦॥
അധീയമാനാം പാര്വത്യാ രാമഗീതാം പ്രയത്നതഃ ।
ശ്രൂത്വാ ഗൃഹീത്വാഽഽശു പഠന്നാരായണകലാമഗാത് ॥ ൫൧॥
ബ്രഹ്മഹത്യാദിപാപാനാം നിഷ്കൃതിം യദി വാഞ്ഛതി।
രാമഗീതാം മാസമാത്രം പഠിത്വാ മുച്യതേ നരഃ ॥ ൫൨॥
ദുഷ്പ്;രതിഗ്രഹദുര്ഭോജ്യദുരാലാപാദിസമ്ഭവമ്।
പാപം യത്തത്കീര്തനേന രാമഗീതാ വിനാശയേത് ॥ ൫൩॥
ശാലഗ്രാമശിലാഗ്രേ ച തുലസ്യശ്വത്ഥസന്നിധൌ।
യതീനാം പുരതസ്തദ്വത് രാമഗീതാം പഠേത്തു യഃ ॥ ൫൪॥
സ തത്ഫലമവാപ്നോതി യദ്വാചോഽപി ന ഗോചരമ് ॥ ൫൫॥
രാമഗീതാം പഠന് ഭക്ത്യാ യഃ ശ്രാദ്ധേ ഭോജയേദ്ദ്വിജാന്।
തസ്യ തേ പിതരഃ സര്വേ യാന്തി വിഷ്ണോഃ പരം പദമ് ॥ ൫൬॥
ഏകാദശ്യാം നിരാഹാരോ നിയതോ ദ്വാദശീദിനേ।
സ്ഥിത്വാഗസ്ത്യതരോര്മൂലേ രാമഗീതാം പഠേത്തു യഃ।
സ ഏവ രാഘവഃ സാക്ഷാത് സര്വദേവൈശ്ച പൂജ്യതേ ॥ ൫൭॥
വിനാ ദാനാം വിനാ ധ്യാനം വിനാ തീര്ഥാവഗാഹനമ് ।
ബഹുനാ കിമിഹോക്തേന ശൃണു നാരദ തത്ത്വതഃ।
രാമഗീതാം നരോഽധീത്യ തദനന്തഫലം ലഭേത് ॥ ൫൮॥
ശ്രുതിസ്മൃതിപുരാണേതിഹാസാഗമശതാനി ച।
അര്ഹന്തി നാല്പമധ്യാത്മരാമായണകലാമപി ॥ ൫൯॥
അധ്യാത്മരാമചരിതസ്യ മുനീശ്വരായ
മാഹാത്മ്യമേതദുദിതം കമലാസനേന ।
യഃ ശ്രദ്ധയാ പഠതി വാ ശൃണുയാത് സ മര്ത്യഃ
പ്രാപ്നോതി വിഷ്ണുപദവീം സുരപൂജ്യമാനഃ ॥ ൬൦॥
ഇതി ശ്രീബ്രഹ്മാണ്ഡപുരാണേ ഉത്തരഖണ്ഡേ അധ്യാത്മരാമായണമാഹാത്മ്യം സമ്പൂര്ണമ് ॥
Proofread by PSA Easwaran psaeaswaran at gmail.com
Please send corrections to sanskrit@cheerful.com
Last updated ത്oday
http://sanskritdocuments.org
രാമം വിശ്വമയം വന്ദേ രാമം വന്ദേ രഘൂദ്വഹമ് ।
രാമം വിപ്രവരം വന്ദേ രാമം ശ്യാമാഗ്രജം ഭജേ ॥
യസ്യ വാഗംശുതശ്ച്യുതം രമ്യം രാമായണാമൃതമ് ।
ശൈലജാസേവിതം വന്ദേ തം ശിവം സോമരൂപിണമ് ॥
സച്ചിദാനന്ദസന്ദോഹം ഭക്തിഭൂതിവിഭൂഷണമ് ।
പൂര്ണാനന്ദമഹം വന്ദേ സദ്ഗുരും ശങ്കരം സ്വയമ് ॥
അജ്ഞാനധ്വാന്തസംഹര്ത്രീ ജ്ഞാനലോകവിലാസിനീ ।
ചന്ദ്രചൂഡവചശ്ചന്ദ്രചന്ദ്രികേയം വിരാജതേ ॥
അപ്രമേയത്രയാതീതനിര്മലജ്ഞാനമൂര്തയേ ।
മനോഗിരാം വിദൂരായ ദക്ഷിണാമൂര്തയേ നമഃ ॥ ൧॥
സൂത ഉവാച ।
കദാചിന്നാരദോ യോഗീ പരാനുഗ്രഹവാഞ്ഛയാ ।
പര്യടന് സകലാന് ലോകാന് സത്യലോകമുപാഗമത് ॥ ൨॥
തത്ര ദൃഷ്ട്വാ മൂര്തിമദ്ഭിശ്ഛന്ദോഭിഃ പരിവേഷ്ടിതമ്।
ബാലാര്കപ്രഭയാ സമ്യഗ്ഭാസയന്തം സഭാഗൃഹമ് ॥ ൩॥
മാര്കണ്ഡേയാദിമുനിഭിഃ സ്തൂയമാനം മുഹുര്മുഹുഃ ।
സര്വാര്ഥഗോചരജ്ഞാനം സരസ്വത്യാ സമന്വിതമ് ॥ ൪॥
ചതുര്മുഖം ജഗന്നാഥം ഭക്താഭീഷ്ടഫലപ്രദമ് ।
പ്രണമ്യ ദണ്ഡവദ്ഭക്ത്യാ തുഷ്ടാവ മുനിപുങ്ഗവഃ ॥ ൫॥
സന്തുഷ്ടസ്തം മുനിം പ്രാഹ സ്വയമ്ഭൂര്വൈഷ്ണവോത്തമമ് ।
കിം പ്രഷ്ടുകാമസ്ത്വമസി തദ്വദിഷ്യാമി തേ മുനേ ॥ ൬॥
ഇത്യാകര്ണ്യ വചസ്തസ്യ മുനിര്ബ്രഹ്മാണമബ്രവീത് ।
ത്വത്തഃ ശ്രുതം മയാ സര്വം പൂര്വമേവ ശുഭാശുഭമ് ॥ ൭॥
ഇദാനീമേകമേവാസ്തി ശ്രോതവ്യം സുരസത്തമ ।
തദ്രഹസ്യമപി ബ്രൂഹി യദി തേഽനുഗ്രഹോ മയി ॥ ൮॥
പ്രാപ്തേ കലിയുഗേ ഘോരേ നരാഃ പുണ്യവിവര്ജിതാഃ ।
ദുരാചാരരതാഃ സര്വേ സത്യവാര്താപരാങ്മുഖാഃ ॥ ൯॥
പരാപവാദനിരതാഃ പരദ്രവ്യാഭിലാഷിണഃ ।
പരസ്ത്രീസക്തമനസഃ പരഹിംസാപരായണാഃ ॥ ൧൦॥
ദേഹാത്മദൃഷ്ടയോ മൂഢാ നാസ്തികാ പശുബുദ്ധയഃ ।
മാതാപിതൃകൃതദ്വേഷാഃ സ്ത്രീദേവാഃ കാമകിങ്കരാഃ ॥ ൧൧॥
വിപ്രാ ലോഭഗ്രഹഗ്രസ്താ വേദവിക്രയജീവിനഃ ।
ധനാര്ജനാര്ഥമഭ്യസ്തവിദ്യാ മദവിമോഹിതാഃ ॥ ൧൨॥
ത്യക്തസ്വജാതികര്മാണഃ പ്രായശഃ പരവഞ്ചകാഃ।
ക്ഷത്രിയാശ്ച തഥാ വൈശ്യാഃ സ്വധര്മത്യാഗശീലിനഃ ॥ ൧൩॥
തദ്വച്ഛൂദ്രാശ്ച യേ കേചിദ്ബ്രാഹ്മണാചാരതത്പരാഃ।
സ്ത്രിയശ്ച പ്രായശോ ഭ്രഷ്ടാ ഭര്ത്രവജ്ഞാനനിര്ഭയാഃ ॥ ൧൪॥
ശ്വശുരദ്രോഹകാരിണ്യോ ഭവിഷ്യന്തി ന സംശയഃ।
ഏതേഷാം നഷ്ടബുദ്ധീനാം പരലോകഃ കഥം ഭവേത് ॥ ൧൫॥
ഇതി ചിന്താകുലം ചിത്തം ജായതേ മമ സന്തതമ് ।
ലഘൂപായേന യേനൈഷാം പരലോകഗതിര്ഭവേത്।
തമുപായമുപാഖ്യാഹി സര്വം വേത്തി യതോ ഭവാന് ॥ ൧൬॥
ഇത്യൃഷേര്വാക്യമാകര്ണ്യ പ്രത്യുവാചാമ്ബുജാസനഃ ।
സാധു പൃഷ്ടം ത്വയാ സാധോ വക്ഷ്യേ തച്ഛൃണു സാദരമ് ॥ ൧൭॥
പുരാ ത്രിപുരഹന്താരം പാര്വതീ ഭക്തവത്സലാ।
ശ്രീരാമതത്ത്വം ജിജ്ഞാസുഃ പപ്രച്ഛ വിനയാന്വിതാ ॥ ൧൮॥
പ്രിയായൈ ഗിരിശസ്തസ്യൈ ഗൂഢം വ്യാഖ്യാതവാന് സ്വയമ്।
പുരാണോത്തമമധ്യാത്മരാമായണമിതി സ്മൃതമ് ॥ ൧൯॥
തത്പാര്വതീ ജഗദ്ധാത്രീ പൂജയിത്വാ ദിവാനിശമ്।
ആലോചയന്തീ സ്വാനന്ദമഗ്നാ തിഷ്ഠതി സാമ്പ്രതമ് ॥ ൨൦॥
പ്രചരിഷ്യതി തല്ലോകേ പ്രാണ്യദൃഷ്ടവശാദ്യദാ ।
തസ്യാധ്യയനമാത്രേണ ജനാ യാസ്യന്തി സദ്ഗതിമ് ॥ ൨൧॥
താവദ്വിജൃമ്ഭതേ പാപം ബ്രഹ്മഹത്യാപുരഃസരമ്।
യാവജ്ജഗതി നാധ്യാത്മരാമായണമുദേഷ്യതി ॥ ൨൨॥
താവത്കലിമഹോത്സാഹോ നിഃശങ്കം സമ്പ്രവര്തതേ।
യാവജ്ജഗതി നാധ്യാത്മരാമായണമുദേഷ്യതി ॥ ൨൩॥
താവദ്യമഭടാഃ ശൂരാഃ സഞ്ചരിഷ്യന്തി നിര്ഭയാഃ।
യാവജ്ജഗതി നാധ്യാത്മരാമായണമുദേഷ്യതി ॥ ൨൪॥
താവത്സര്വാണി ശാസ്ത്രാണി വിവദന്തേ പരസ്പരമ് ॥ ൨൫॥
താവത്സ്വരൂപം രാമസ്യ ദുര്ബോധം മഹതാമപി ।
യാവജ്ജഗതി നാധ്യാത്മരാമായണമുദേഷ്യതി ॥ ൨൬॥
അധ്യാത്മരാമായണസങ്കീര്തനശ്രവണാദിജമ് ।
ഫലം വക്തും ന ശക്നോമി കാര്ത്സ്ന്യേന മുനിസത്തമ ॥ ൨൭॥
തഥാപി തസ്യ മാഹാത്മ്യം വക്ഷ്യേ കിഞ്ചിത്തവാനഘ।
ശൃണു ചിത്തം സമാധായ ശിവേനോക്തം പുരാ മമ ॥ ൨൮॥
അധ്യാത്മരാമായണതഃ ശ്ലോകം ശ്ലോകാര്ധമേവ വാ।
യഃ പഠേത് ഭക്തിസംയുക്തഃ സ പാപാന്മുച്യതേ ക്ഷണാത് ॥ ൨൯॥
യസ്തു പ്രത്യഹമധ്യാത്മരാമായണമനന്യധീഃ।
യഥാശക്തി വദേദ്ഭക്ത്യാ സ ജീവന്മുക്ത ഉച്യതേ ॥ ൩൦॥
യോ ഭക്ത്യാര്ചയതേഽധ്യാത്മരാമായണമതന്ദ്രിതഃ।
ദിനേ ദിനേഽശ്വമേധസ്യ ഫലം തസ്യ ഭവേന്മുനേ ॥ ൩൧॥
യദൃച്ഛയാപി യോഽധ്യാത്മരാമായണമനാദരാത്।
അന്യതഃ ശൃണുയാന്മര്ത്യഃ സോഽപി മുച്യേത പാതകാത് ॥ ൩൨॥
നമസ്കരോതി യോഽധ്യാത്മരാമായണമദൂരതഃ।
സര്വദേവാര്ചനഫലം സ പ്രാപ്നോതി ന സംശയഃ ॥ ൩൩॥
ലിഖിത്വാ പുസ്തകേഽധ്യാത്മരാമായണമശേഷതഃ।
യോ ദദ്യാദ്രാമഭക്തേഭ്യസ്തസ്യ പുണ്യഫലം ശൃണു ॥ ൩൪॥
അധീതേഷു ച വേദേഷു ശാസ്ത്രേഷു വ്യാകൃതേഷു ച ।
യത്ഫലം ദുര്ലഭം ലോകേ തത്ഫലം തസ്യ സമ്ഭവേത് ॥ ൩൫॥
ഏകാദശീദിനേഽധ്യാത്മരാമായണമുപോഷിതഃ ।
യോ രാമഭക്തഃ സദസി വ്യാകരോതി നരോത്തമഃ ॥ ൩൬॥
തസ്യ പുണ്യഫലം വക്ഷ്യേ ശൃണു വൈഷ്ണവസത്തമ ।
പ്രത്യക്ഷരം തു ഗായത്രീപുരശ്ചര്യാഫലം ഭവേത് ॥ ൩൭॥
ഉപവാസവ്രതം കൃത്വാ ശ്രീരാമനവമീദിനേ ।
രാത്രൌ ജാഗരിതോഽധ്യാത്മരാമായണമനന്യധീഃ।
യഃ പഠേച്ഛൃണുയാദ്വാപി തസ്യ പുണ്യം വദാമ്യഹമ് ॥ ൩൮॥
കുരുക്ഷേത്രാദിനിഖിലപുണ്യതീര്ഥേഷ്വനേകശഃ।
ആത്മതുല്യം ധനം സൂര്യഗ്രഹണേ സര്വതോമുഖേ ॥ ൩൯॥
വിപ്രേഭ്യോ വ്യാസതുല്യേഭ്യോ ദത്വാ യത്ഫലമശ്നുതേ।
തത്ഫലം സമ്ഭവേത്തസ്യ സത്യം സത്യം ന സംശയഃ ॥ ൪൦॥
യോ ഗായതേ മുദാഽധ്യാത്മരാമായണമഹര്നിശമ്।
ആജ്ഞാം തസ്യ പ്രതീക്ഷന്തേ ദേവാ ഇന്ദ്രപുരോഗമാഃ ॥ ൪൧॥
പഠന് പ്രത്യഹമധ്യാത്മരാമായണമനുവ്രതഃ।
യദ്യത്കരോതി തത്കര്മ തതഃ കോടിഗുണം ഭവേത് ॥ ൪൨॥
തത്ര ശ്രീരാമഹൃദയം യഃ പഠേത് സുസമാഹിതഃ ।
സ ബ്രഹ്മഘ്നോഽപി പൂതാത്മാ ത്രിഭിരേവ ദിനൈര്ഭവേത് ॥ ൪൩॥
ശ്രീരാമഹൃദയം യസ്തു ഹനൂമത്പ്രതിമാന്തികേ।
ത്രിഃ പഠേത് പ്രത്യഹം മൌനീ സ സര്വേപ്സിതഭാഗ്ഭവേത് ॥ ൪൪॥
പഠന് ശ്രീരാമഹൃദയം തുലസ്യശ്വത്ഥയോര്യദി।
പ്രത്യക്ഷരം പ്രകുര്വീത ബ്രഹ്മഹത്യാനിവര്തനമ് ॥ ൪൫॥
ശ്രീരാമഗീതാമാഹാത്മ്യം കൃത്സ്നം ജാനാതി ശങ്കരഃ।
തദര്ധം ഗിരിജാ വേത്തി തദര്ധം വേദ്മ്യഹം മുനേ ॥ ൪൬॥
തത്തേ കിഞ്ചിത്പ്രവക്ഷ്യാമി കൃത്സ്നം വക്തും ന ശക്യതേ ।
യജ്ജ്ഞാത്വാ തത്ക്ഷണാല്ലോകശ്ചിത്തശുദ്ധിമവാപ്നുയാത് ॥ ൪൭॥
ശ്രീരാമഗീതാ യത്പാപം ന നാശയതി നാരദ।
തന്ന നശ്യതി തീര്ഥാദൌ ലോകേ ക്വാപി കദാചന।
തന്ന പശ്യാമ്യഹം ലോകേ മാര്ഗമാണോഽപി സര്വദാ ॥ ൪൮॥
രാമേണോപനിഷത്സിന്ധുമുന്മത്ഥ്യോത്പാദിതം മുദാ।
ലക്ഷ്മണായാര്പിതാം ഗീതാസുധാം പീത്വാഽമരോ ഭവേത് ॥ ൪൯॥
ജമദഗ്നിസുതഃ പുര്വം കാര്തവീര്യവധേച്ഛയാ।
ധനുര്വിദ്യാമഭ്യസിതും മഹേശസ്യാന്തികേ വസന് ॥ ൫൦॥
അധീയമാനാം പാര്വത്യാ രാമഗീതാം പ്രയത്നതഃ ।
ശ്രൂത്വാ ഗൃഹീത്വാഽഽശു പഠന്നാരായണകലാമഗാത് ॥ ൫൧॥
ബ്രഹ്മഹത്യാദിപാപാനാം നിഷ്കൃതിം യദി വാഞ്ഛതി।
രാമഗീതാം മാസമാത്രം പഠിത്വാ മുച്യതേ നരഃ ॥ ൫൨॥
ദുഷ്പ്;രതിഗ്രഹദുര്ഭോജ്യദുരാലാപാദിസമ്ഭവമ്।
പാപം യത്തത്കീര്തനേന രാമഗീതാ വിനാശയേത് ॥ ൫൩॥
ശാലഗ്രാമശിലാഗ്രേ ച തുലസ്യശ്വത്ഥസന്നിധൌ।
യതീനാം പുരതസ്തദ്വത് രാമഗീതാം പഠേത്തു യഃ ॥ ൫൪॥
സ തത്ഫലമവാപ്നോതി യദ്വാചോഽപി ന ഗോചരമ് ॥ ൫൫॥
രാമഗീതാം പഠന് ഭക്ത്യാ യഃ ശ്രാദ്ധേ ഭോജയേദ്ദ്വിജാന്।
തസ്യ തേ പിതരഃ സര്വേ യാന്തി വിഷ്ണോഃ പരം പദമ് ॥ ൫൬॥
ഏകാദശ്യാം നിരാഹാരോ നിയതോ ദ്വാദശീദിനേ।
സ്ഥിത്വാഗസ്ത്യതരോര്മൂലേ രാമഗീതാം പഠേത്തു യഃ।
സ ഏവ രാഘവഃ സാക്ഷാത് സര്വദേവൈശ്ച പൂജ്യതേ ॥ ൫൭॥
വിനാ ദാനാം വിനാ ധ്യാനം വിനാ തീര്ഥാവഗാഹനമ് ।
ബഹുനാ കിമിഹോക്തേന ശൃണു നാരദ തത്ത്വതഃ।
രാമഗീതാം നരോഽധീത്യ തദനന്തഫലം ലഭേത് ॥ ൫൮॥
ശ്രുതിസ്മൃതിപുരാണേതിഹാസാഗമശതാനി ച।
അര്ഹന്തി നാല്പമധ്യാത്മരാമായണകലാമപി ॥ ൫൯॥
അധ്യാത്മരാമചരിതസ്യ മുനീശ്വരായ
മാഹാത്മ്യമേതദുദിതം കമലാസനേന ।
യഃ ശ്രദ്ധയാ പഠതി വാ ശൃണുയാത് സ മര്ത്യഃ
പ്രാപ്നോതി വിഷ്ണുപദവീം സുരപൂജ്യമാനഃ ॥ ൬൦॥
ഇതി ശ്രീബ്രഹ്മാണ്ഡപുരാണേ ഉത്തരഖണ്ഡേ അധ്യാത്മരാമായണമാഹാത്മ്യം സമ്പൂര്ണമ് ॥
Proofread by PSA Easwaran psaeaswaran at gmail.com
Please send corrections to sanskrit@cheerful.com
Last updated ത്oday
http://sanskritdocuments.org
Adhyatma Ramayana Mahatmyam Lyrics in Malayalam PDF
% File name : adhyAtmarAmAyaNamAhAtmyam.itx
% Category : adhyAtmarAmAyaNa
% Location : doc\_raama
% Author : Shri Veda Vyas
% Language : Sanskrit
% Subject : philosophy/hinduism/religion
% Transliterated by : PSA Easwaran psaeaswaran at gmail.com
% Proofread by : PSA Easwaran psaeaswaran at gmail.com
% Description-comments : shrIbrahmANDapurANe uttarakhaNDe
% Latest update : June 8, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : adhyAtmarAmAyaNamAhAtmyam.itx
% Category : adhyAtmarAmAyaNa
% Location : doc\_raama
% Author : Shri Veda Vyas
% Language : Sanskrit
% Subject : philosophy/hinduism/religion
% Transliterated by : PSA Easwaran psaeaswaran at gmail.com
% Proofread by : PSA Easwaran psaeaswaran at gmail.com
% Description-comments : shrIbrahmANDapurANe uttarakhaNDe
% Latest update : June 8, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website