అధ్యాత్మరామాయణమాహాత్మ్యమ్ బ్రహ్మాణ్డపురాణే
{॥ అధ్యాత్మరామాయణమాహాత్మ్యమ్ బ్రహ్మాణ్డపురాణే ॥}
రామం విశ్వమయం వన్దే రామం వన్దే రఘూద్వహమ్ ।
రామం విప్రవరం వన్దే రామం శ్యామాగ్రజం భజే ॥
యస్య వాగంశుతశ్చ్యుతం రమ్యం రామాయణామృతమ్ ।
శైలజాసేవితం వన్దే తం శివం సోమరూపిణమ్ ॥
సచ్చిదానన్దసన్దోహం భక్తిభూతివిభూషణమ్ ।
పూర్ణానన్దమహం వన్దే సద్గురుం శఙ్కరం స్వయమ్ ॥
అజ్ఞానధ్వాన్తసంహర్త్రీ జ్ఞానలోకవిలాసినీ ।
చన్ద్రచూడవచశ్చన్ద్రచన్ద్రికేయం విరాజతే ॥
అప్రమేయత్రయాతీతనిర్మలజ్ఞానమూర్తయే ।
మనోగిరాం విదూరాయ దక్షిణామూర్తయే నమః ॥ ౧॥
సూత ఉవాచ ।
కదాచిన్నారదో యోగీ పరానుగ్రహవాఞ్ఛయా ।
పర్యటన్ సకలాన్ లోకాన్ సత్యలోకముపాగమత్ ॥ ౨॥
తత్ర దృష్ట్వా మూర్తిమద్భిశ్ఛన్దోభిః పరివేష్టితమ్।
బాలార్కప్రభయా సమ్యగ్భాసయన్తం సభాగృహమ్ ॥ ౩॥
మార్కణ్డేయాదిమునిభిః స్తూయమానం ముహుర్ముహుః ।
సర్వార్థగోచరజ్ఞానం సరస్వత్యా సమన్వితమ్ ॥ ౪॥
చతుర్ముఖం జగన్నాథం భక్తాభీష్టఫలప్రదమ్ ।
ప్రణమ్య దణ్డవద్భక్త్యా తుష్టావ మునిపుఙ్గవః ॥ ౫॥
సన్తుష్టస్తం మునిం ప్రాహ స్వయమ్భూర్వైష్ణవోత్తమమ్ ।
కిం ప్రష్టుకామస్త్వమసి తద్వదిష్యామి తే మునే ॥ ౬॥
ఇత్యాకర్ణ్య వచస్తస్య మునిర్బ్రహ్మాణమబ్రవీత్ ।
త్వత్తః శ్రుతం మయా సర్వం పూర్వమేవ శుభాశుభమ్ ॥ ౭॥
ఇదానీమేకమేవాస్తి శ్రోతవ్యం సురసత్తమ ।
తద్రహస్యమపి బ్రూహి యది తేఽనుగ్రహో మయి ॥ ౮॥
ప్రాప్తే కలియుగే ఘోరే నరాః పుణ్యవివర్జితాః ।
దురాచారరతాః సర్వే సత్యవార్తాపరాఙ్ముఖాః ॥ ౯॥
పరాపవాదనిరతాః పరద్రవ్యాభిలాషిణః ।
పరస్త్రీసక్తమనసః పరహింసాపరాయణాః ॥ ౧౦॥
దేహాత్మదృష్టయో మూఢా నాస్తికా పశుబుద్ధయః ।
మాతాపితృకృతద్వేషాః స్త్రీదేవాః కామకిఙ్కరాః ॥ ౧౧॥
విప్రా లోభగ్రహగ్రస్తా వేదవిక్రయజీవినః ।
ధనార్జనార్థమభ్యస్తవిద్యా మదవిమోహితాః ॥ ౧౨॥
త్యక్తస్వజాతికర్మాణః ప్రాయశః పరవఞ్చకాః।
క్షత్రియాశ్చ తథా వైశ్యాః స్వధర్మత్యాగశీలినః ॥ ౧౩॥
తద్వచ్ఛూద్రాశ్చ యే కేచిద్బ్రాహ్మణాచారతత్పరాః।
స్త్రియశ్చ ప్రాయశో భ్రష్టా భర్త్రవజ్ఞాననిర్భయాః ॥ ౧౪॥
శ్వశురద్రోహకారిణ్యో భవిష్యన్తి న సంశయః।
ఏతేషాం నష్టబుద్ధీనాం పరలోకః కథం భవేత్ ॥ ౧౫॥
ఇతి చిన్తాకులం చిత్తం జాయతే మమ సన్తతమ్ ।
లఘూపాయేన యేనైషాం పరలోకగతిర్భవేత్।
తముపాయముపాఖ్యాహి సర్వం వేత్తి యతో భవాన్ ॥ ౧౬॥
ఇత్యృషేర్వాక్యమాకర్ణ్య ప్రత్యువాచామ్బుజాసనః ।
సాధు పృష్టం త్వయా సాధో వక్ష్యే తచ్ఛృణు సాదరమ్ ॥ ౧౭॥
పురా త్రిపురహన్తారం పార్వతీ భక్తవత్సలా।
శ్రీరామతత్త్వం జిజ్ఞాసుః పప్రచ్ఛ వినయాన్వితా ॥ ౧౮॥
ప్రియాయై గిరిశస్తస్యై గూఢం వ్యాఖ్యాతవాన్ స్వయమ్।
పురాణోత్తమమధ్యాత్మరామాయణమితి స్మృతమ్ ॥ ౧౯॥
తత్పార్వతీ జగద్ధాత్రీ పూజయిత్వా దివానిశమ్।
ఆలోచయన్తీ స్వానన్దమగ్నా తిష్ఠతి సామ్ప్రతమ్ ॥ ౨౦॥
ప్రచరిష్యతి తల్లోకే ప్రాణ్యదృష్టవశాద్యదా ।
తస్యాధ్యయనమాత్రేణ జనా యాస్యన్తి సద్గతిమ్ ॥ ౨౧॥
తావద్విజృమ్భతే పాపం బ్రహ్మహత్యాపురఃసరమ్।
యావజ్జగతి నాధ్యాత్మరామాయణముదేష్యతి ॥ ౨౨॥
తావత్కలిమహోత్సాహో నిఃశఙ్కం సమ్ప్రవర్తతే।
యావజ్జగతి నాధ్యాత్మరామాయణముదేష్యతి ॥ ౨౩॥
తావద్యమభటాః శూరాః సఞ్చరిష్యన్తి నిర్భయాః।
యావజ్జగతి నాధ్యాత్మరామాయణముదేష్యతి ॥ ౨౪॥
తావత్సర్వాణి శాస్త్రాణి వివదన్తే పరస్పరమ్ ॥ ౨౫॥
తావత్స్వరూపం రామస్య దుర్బోధం మహతామపి ।
యావజ్జగతి నాధ్యాత్మరామాయణముదేష్యతి ॥ ౨౬॥
అధ్యాత్మరామాయణసఙ్కీర్తనశ్రవణాదిజమ్ ।
ఫలం వక్తుం న శక్నోమి కార్త్స్న్యేన మునిసత్తమ ॥ ౨౭॥
తథాపి తస్య మాహాత్మ్యం వక్ష్యే కిఞ్చిత్తవానఘ।
శృణు చిత్తం సమాధాయ శివేనోక్తం పురా మమ ॥ ౨౮॥
అధ్యాత్మరామాయణతః శ్లోకం శ్లోకార్ధమేవ వా।
యః పఠేత్ భక్తిసంయుక్తః స పాపాన్ముచ్యతే క్షణాత్ ॥ ౨౯॥
యస్తు ప్రత్యహమధ్యాత్మరామాయణమనన్యధీః।
యథాశక్తి వదేద్భక్త్యా స జీవన్ముక్త ఉచ్యతే ॥ ౩౦॥
యో భక్త్యార్చయతేఽధ్యాత్మరామాయణమతన్ద్రితః।
దినే దినేఽశ్వమేధస్య ఫలం తస్య భవేన్మునే ॥ ౩౧॥
యదృచ్ఛయాపి యోఽధ్యాత్మరామాయణమనాదరాత్।
అన్యతః శృణుయాన్మర్త్యః సోఽపి ముచ్యేత పాతకాత్ ॥ ౩౨॥
నమస్కరోతి యోఽధ్యాత్మరామాయణమదూరతః।
సర్వదేవార్చనఫలం స ప్రాప్నోతి న సంశయః ॥ ౩౩॥
లిఖిత్వా పుస్తకేఽధ్యాత్మరామాయణమశేషతః।
యో దద్యాద్రామభక్తేభ్యస్తస్య పుణ్యఫలం శృణు ॥ ౩౪॥
అధీతేషు చ వేదేషు శాస్త్రేషు వ్యాకృతేషు చ ।
యత్ఫలం దుర్లభం లోకే తత్ఫలం తస్య సమ్భవేత్ ॥ ౩౫॥
ఏకాదశీదినేఽధ్యాత్మరామాయణముపోషితః ।
యో రామభక్తః సదసి వ్యాకరోతి నరోత్తమః ॥ ౩౬॥
తస్య పుణ్యఫలం వక్ష్యే శృణు వైష్ణవసత్తమ ।
ప్రత్యక్షరం తు గాయత్రీపురశ్చర్యాఫలం భవేత్ ॥ ౩౭॥
ఉపవాసవ్రతం కృత్వా శ్రీరామనవమీదినే ।
రాత్రౌ జాగరితోఽధ్యాత్మరామాయణమనన్యధీః।
యః పఠేచ్ఛృణుయాద్వాపి తస్య పుణ్యం వదామ్యహమ్ ॥ ౩౮॥
కురుక్షేత్రాదినిఖిలపుణ్యతీర్థేష్వనేకశః।
ఆత్మతుల్యం ధనం సూర్యగ్రహణే సర్వతోముఖే ॥ ౩౯॥
విప్రేభ్యో వ్యాసతుల్యేభ్యో దత్వా యత్ఫలమశ్నుతే।
తత్ఫలం సమ్భవేత్తస్య సత్యం సత్యం న సంశయః ॥ ౪౦॥
యో గాయతే ముదాఽధ్యాత్మరామాయణమహర్నిశమ్।
ఆజ్ఞాం తస్య ప్రతీక్షన్తే దేవా ఇన్ద్రపురోగమాః ॥ ౪౧॥
పఠన్ ప్రత్యహమధ్యాత్మరామాయణమనువ్రతః।
యద్యత్కరోతి తత్కర్మ తతః కోటిగుణం భవేత్ ॥ ౪౨॥
తత్ర శ్రీరామహృదయం యః పఠేత్ సుసమాహితః ।
స బ్రహ్మఘ్నోఽపి పూతాత్మా త్రిభిరేవ దినైర్భవేత్ ॥ ౪౩॥
శ్రీరామహృదయం యస్తు హనూమత్ప్రతిమాన్తికే।
త్రిః పఠేత్ ప్రత్యహం మౌనీ స సర్వేప్సితభాగ్భవేత్ ॥ ౪౪॥
పఠన్ శ్రీరామహృదయం తులస్యశ్వత్థయోర్యది।
ప్రత్యక్షరం ప్రకుర్వీత బ్రహ్మహత్యానివర్తనమ్ ॥ ౪౫॥
శ్రీరామగీతామాహాత్మ్యం కృత్స్నం జానాతి శఙ్కరః।
తదర్ధం గిరిజా వేత్తి తదర్ధం వేద్మ్యహం మునే ॥ ౪౬॥
తత్తే కిఞ్చిత్ప్రవక్ష్యామి కృత్స్నం వక్తుం న శక్యతే ।
యజ్జ్ఞాత్వా తత్క్షణాల్లోకశ్చిత్తశుద్ధిమవాప్నుయాత్ ॥ ౪౭॥
శ్రీరామగీతా యత్పాపం న నాశయతి నారద।
తన్న నశ్యతి తీర్థాదౌ లోకే క్వాపి కదాచన।
తన్న పశ్యామ్యహం లోకే మార్గమాణోఽపి సర్వదా ॥ ౪౮॥
రామేణోపనిషత్సిన్ధుమున్మత్థ్యోత్పాదితం ముదా।
లక్ష్మణాయార్పితాం గీతాసుధాం పీత్వాఽమరో భవేత్ ॥ ౪౯॥
జమదగ్నిసుతః పుర్వం కార్తవీర్యవధేచ్ఛయా।
ధనుర్విద్యామభ్యసితుం మహేశస్యాన్తికే వసన్ ॥ ౫౦॥
అధీయమానాం పార్వత్యా రామగీతాం ప్రయత్నతః ।
శ్రూత్వా గృహీత్వాఽఽశు పఠన్నారాయణకలామగాత్ ॥ ౫౧॥
బ్రహ్మహత్యాదిపాపానాం నిష్కృతిం యది వాఞ్ఛతి।
రామగీతాం మాసమాత్రం పఠిత్వా ముచ్యతే నరః ॥ ౫౨॥
దుష్ప్;రతిగ్రహదుర్భోజ్యదురాలాపాదిసమ్భవమ్।
పాపం యత్తత్కీర్తనేన రామగీతా వినాశయేత్ ॥ ౫౩॥
శాలగ్రామశిలాగ్రే చ తులస్యశ్వత్థసన్నిధౌ।
యతీనాం పురతస్తద్వత్ రామగీతాం పఠేత్తు యః ॥ ౫౪॥
స తత్ఫలమవాప్నోతి యద్వాచోఽపి న గోచరమ్ ॥ ౫౫॥
రామగీతాం పఠన్ భక్త్యా యః శ్రాద్ధే భోజయేద్ద్విజాన్।
తస్య తే పితరః సర్వే యాన్తి విష్ణోః పరం పదమ్ ॥ ౫౬॥
ఏకాదశ్యాం నిరాహారో నియతో ద్వాదశీదినే।
స్థిత్వాగస్త్యతరోర్మూలే రామగీతాం పఠేత్తు యః।
స ఏవ రాఘవః సాక్షాత్ సర్వదేవైశ్చ పూజ్యతే ॥ ౫౭॥
వినా దానాం వినా ధ్యానం వినా తీర్థావగాహనమ్ ।
బహునా కిమిహోక్తేన శృణు నారద తత్త్వతః।
రామగీతాం నరోఽధీత్య తదనన్తఫలం లభేత్ ॥ ౫౮॥
శ్రుతిస్మృతిపురాణేతిహాసాగమశతాని చ।
అర్హన్తి నాల్పమధ్యాత్మరామాయణకలామపి ॥ ౫౯॥
అధ్యాత్మరామచరితస్య మునీశ్వరాయ
మాహాత్మ్యమేతదుదితం కమలాసనేన ।
యః శ్రద్ధయా పఠతి వా శృణుయాత్ స మర్త్యః
ప్రాప్నోతి విష్ణుపదవీం సురపూజ్యమానః ॥ ౬౦॥
ఇతి శ్రీబ్రహ్మాణ్డపురాణే ఉత్తరఖణ్డే అధ్యాత్మరామాయణమాహాత్మ్యం సమ్పూర్ణమ్ ॥
Proofread by PSA Easwaran psaeaswaran at gmail.com
Please send corrections to sanskrit@cheerful.com
Last updated త్oday
http://sanskritdocuments.org
రామం విశ్వమయం వన్దే రామం వన్దే రఘూద్వహమ్ ।
రామం విప్రవరం వన్దే రామం శ్యామాగ్రజం భజే ॥
యస్య వాగంశుతశ్చ్యుతం రమ్యం రామాయణామృతమ్ ।
శైలజాసేవితం వన్దే తం శివం సోమరూపిణమ్ ॥
సచ్చిదానన్దసన్దోహం భక్తిభూతివిభూషణమ్ ।
పూర్ణానన్దమహం వన్దే సద్గురుం శఙ్కరం స్వయమ్ ॥
అజ్ఞానధ్వాన్తసంహర్త్రీ జ్ఞానలోకవిలాసినీ ।
చన్ద్రచూడవచశ్చన్ద్రచన్ద్రికేయం విరాజతే ॥
అప్రమేయత్రయాతీతనిర్మలజ్ఞానమూర్తయే ।
మనోగిరాం విదూరాయ దక్షిణామూర్తయే నమః ॥ ౧॥
సూత ఉవాచ ।
కదాచిన్నారదో యోగీ పరానుగ్రహవాఞ్ఛయా ।
పర్యటన్ సకలాన్ లోకాన్ సత్యలోకముపాగమత్ ॥ ౨॥
తత్ర దృష్ట్వా మూర్తిమద్భిశ్ఛన్దోభిః పరివేష్టితమ్।
బాలార్కప్రభయా సమ్యగ్భాసయన్తం సభాగృహమ్ ॥ ౩॥
మార్కణ్డేయాదిమునిభిః స్తూయమానం ముహుర్ముహుః ।
సర్వార్థగోచరజ్ఞానం సరస్వత్యా సమన్వితమ్ ॥ ౪॥
చతుర్ముఖం జగన్నాథం భక్తాభీష్టఫలప్రదమ్ ।
ప్రణమ్య దణ్డవద్భక్త్యా తుష్టావ మునిపుఙ్గవః ॥ ౫॥
సన్తుష్టస్తం మునిం ప్రాహ స్వయమ్భూర్వైష్ణవోత్తమమ్ ।
కిం ప్రష్టుకామస్త్వమసి తద్వదిష్యామి తే మునే ॥ ౬॥
ఇత్యాకర్ణ్య వచస్తస్య మునిర్బ్రహ్మాణమబ్రవీత్ ।
త్వత్తః శ్రుతం మయా సర్వం పూర్వమేవ శుభాశుభమ్ ॥ ౭॥
ఇదానీమేకమేవాస్తి శ్రోతవ్యం సురసత్తమ ।
తద్రహస్యమపి బ్రూహి యది తేఽనుగ్రహో మయి ॥ ౮॥
ప్రాప్తే కలియుగే ఘోరే నరాః పుణ్యవివర్జితాః ।
దురాచారరతాః సర్వే సత్యవార్తాపరాఙ్ముఖాః ॥ ౯॥
పరాపవాదనిరతాః పరద్రవ్యాభిలాషిణః ।
పరస్త్రీసక్తమనసః పరహింసాపరాయణాః ॥ ౧౦॥
దేహాత్మదృష్టయో మూఢా నాస్తికా పశుబుద్ధయః ।
మాతాపితృకృతద్వేషాః స్త్రీదేవాః కామకిఙ్కరాః ॥ ౧౧॥
విప్రా లోభగ్రహగ్రస్తా వేదవిక్రయజీవినః ।
ధనార్జనార్థమభ్యస్తవిద్యా మదవిమోహితాః ॥ ౧౨॥
త్యక్తస్వజాతికర్మాణః ప్రాయశః పరవఞ్చకాః।
క్షత్రియాశ్చ తథా వైశ్యాః స్వధర్మత్యాగశీలినః ॥ ౧౩॥
తద్వచ్ఛూద్రాశ్చ యే కేచిద్బ్రాహ్మణాచారతత్పరాః।
స్త్రియశ్చ ప్రాయశో భ్రష్టా భర్త్రవజ్ఞాననిర్భయాః ॥ ౧౪॥
శ్వశురద్రోహకారిణ్యో భవిష్యన్తి న సంశయః।
ఏతేషాం నష్టబుద్ధీనాం పరలోకః కథం భవేత్ ॥ ౧౫॥
ఇతి చిన్తాకులం చిత్తం జాయతే మమ సన్తతమ్ ।
లఘూపాయేన యేనైషాం పరలోకగతిర్భవేత్।
తముపాయముపాఖ్యాహి సర్వం వేత్తి యతో భవాన్ ॥ ౧౬॥
ఇత్యృషేర్వాక్యమాకర్ణ్య ప్రత్యువాచామ్బుజాసనః ।
సాధు పృష్టం త్వయా సాధో వక్ష్యే తచ్ఛృణు సాదరమ్ ॥ ౧౭॥
పురా త్రిపురహన్తారం పార్వతీ భక్తవత్సలా।
శ్రీరామతత్త్వం జిజ్ఞాసుః పప్రచ్ఛ వినయాన్వితా ॥ ౧౮॥
ప్రియాయై గిరిశస్తస్యై గూఢం వ్యాఖ్యాతవాన్ స్వయమ్।
పురాణోత్తమమధ్యాత్మరామాయణమితి స్మృతమ్ ॥ ౧౯॥
తత్పార్వతీ జగద్ధాత్రీ పూజయిత్వా దివానిశమ్।
ఆలోచయన్తీ స్వానన్దమగ్నా తిష్ఠతి సామ్ప్రతమ్ ॥ ౨౦॥
ప్రచరిష్యతి తల్లోకే ప్రాణ్యదృష్టవశాద్యదా ।
తస్యాధ్యయనమాత్రేణ జనా యాస్యన్తి సద్గతిమ్ ॥ ౨౧॥
తావద్విజృమ్భతే పాపం బ్రహ్మహత్యాపురఃసరమ్।
యావజ్జగతి నాధ్యాత్మరామాయణముదేష్యతి ॥ ౨౨॥
తావత్కలిమహోత్సాహో నిఃశఙ్కం సమ్ప్రవర్తతే।
యావజ్జగతి నాధ్యాత్మరామాయణముదేష్యతి ॥ ౨౩॥
తావద్యమభటాః శూరాః సఞ్చరిష్యన్తి నిర్భయాః।
యావజ్జగతి నాధ్యాత్మరామాయణముదేష్యతి ॥ ౨౪॥
తావత్సర్వాణి శాస్త్రాణి వివదన్తే పరస్పరమ్ ॥ ౨౫॥
తావత్స్వరూపం రామస్య దుర్బోధం మహతామపి ।
యావజ్జగతి నాధ్యాత్మరామాయణముదేష్యతి ॥ ౨౬॥
అధ్యాత్మరామాయణసఙ్కీర్తనశ్రవణాదిజమ్ ।
ఫలం వక్తుం న శక్నోమి కార్త్స్న్యేన మునిసత్తమ ॥ ౨౭॥
తథాపి తస్య మాహాత్మ్యం వక్ష్యే కిఞ్చిత్తవానఘ।
శృణు చిత్తం సమాధాయ శివేనోక్తం పురా మమ ॥ ౨౮॥
అధ్యాత్మరామాయణతః శ్లోకం శ్లోకార్ధమేవ వా।
యః పఠేత్ భక్తిసంయుక్తః స పాపాన్ముచ్యతే క్షణాత్ ॥ ౨౯॥
యస్తు ప్రత్యహమధ్యాత్మరామాయణమనన్యధీః।
యథాశక్తి వదేద్భక్త్యా స జీవన్ముక్త ఉచ్యతే ॥ ౩౦॥
యో భక్త్యార్చయతేఽధ్యాత్మరామాయణమతన్ద్రితః।
దినే దినేఽశ్వమేధస్య ఫలం తస్య భవేన్మునే ॥ ౩౧॥
యదృచ్ఛయాపి యోఽధ్యాత్మరామాయణమనాదరాత్।
అన్యతః శృణుయాన్మర్త్యః సోఽపి ముచ్యేత పాతకాత్ ॥ ౩౨॥
నమస్కరోతి యోఽధ్యాత్మరామాయణమదూరతః।
సర్వదేవార్చనఫలం స ప్రాప్నోతి న సంశయః ॥ ౩౩॥
లిఖిత్వా పుస్తకేఽధ్యాత్మరామాయణమశేషతః।
యో దద్యాద్రామభక్తేభ్యస్తస్య పుణ్యఫలం శృణు ॥ ౩౪॥
అధీతేషు చ వేదేషు శాస్త్రేషు వ్యాకృతేషు చ ।
యత్ఫలం దుర్లభం లోకే తత్ఫలం తస్య సమ్భవేత్ ॥ ౩౫॥
ఏకాదశీదినేఽధ్యాత్మరామాయణముపోషితః ।
యో రామభక్తః సదసి వ్యాకరోతి నరోత్తమః ॥ ౩౬॥
తస్య పుణ్యఫలం వక్ష్యే శృణు వైష్ణవసత్తమ ।
ప్రత్యక్షరం తు గాయత్రీపురశ్చర్యాఫలం భవేత్ ॥ ౩౭॥
ఉపవాసవ్రతం కృత్వా శ్రీరామనవమీదినే ।
రాత్రౌ జాగరితోఽధ్యాత్మరామాయణమనన్యధీః।
యః పఠేచ్ఛృణుయాద్వాపి తస్య పుణ్యం వదామ్యహమ్ ॥ ౩౮॥
కురుక్షేత్రాదినిఖిలపుణ్యతీర్థేష్వనేకశః।
ఆత్మతుల్యం ధనం సూర్యగ్రహణే సర్వతోముఖే ॥ ౩౯॥
విప్రేభ్యో వ్యాసతుల్యేభ్యో దత్వా యత్ఫలమశ్నుతే।
తత్ఫలం సమ్భవేత్తస్య సత్యం సత్యం న సంశయః ॥ ౪౦॥
యో గాయతే ముదాఽధ్యాత్మరామాయణమహర్నిశమ్।
ఆజ్ఞాం తస్య ప్రతీక్షన్తే దేవా ఇన్ద్రపురోగమాః ॥ ౪౧॥
పఠన్ ప్రత్యహమధ్యాత్మరామాయణమనువ్రతః।
యద్యత్కరోతి తత్కర్మ తతః కోటిగుణం భవేత్ ॥ ౪౨॥
తత్ర శ్రీరామహృదయం యః పఠేత్ సుసమాహితః ।
స బ్రహ్మఘ్నోఽపి పూతాత్మా త్రిభిరేవ దినైర్భవేత్ ॥ ౪౩॥
శ్రీరామహృదయం యస్తు హనూమత్ప్రతిమాన్తికే।
త్రిః పఠేత్ ప్రత్యహం మౌనీ స సర్వేప్సితభాగ్భవేత్ ॥ ౪౪॥
పఠన్ శ్రీరామహృదయం తులస్యశ్వత్థయోర్యది।
ప్రత్యక్షరం ప్రకుర్వీత బ్రహ్మహత్యానివర్తనమ్ ॥ ౪౫॥
శ్రీరామగీతామాహాత్మ్యం కృత్స్నం జానాతి శఙ్కరః।
తదర్ధం గిరిజా వేత్తి తదర్ధం వేద్మ్యహం మునే ॥ ౪౬॥
తత్తే కిఞ్చిత్ప్రవక్ష్యామి కృత్స్నం వక్తుం న శక్యతే ।
యజ్జ్ఞాత్వా తత్క్షణాల్లోకశ్చిత్తశుద్ధిమవాప్నుయాత్ ॥ ౪౭॥
శ్రీరామగీతా యత్పాపం న నాశయతి నారద।
తన్న నశ్యతి తీర్థాదౌ లోకే క్వాపి కదాచన।
తన్న పశ్యామ్యహం లోకే మార్గమాణోఽపి సర్వదా ॥ ౪౮॥
రామేణోపనిషత్సిన్ధుమున్మత్థ్యోత్పాదితం ముదా।
లక్ష్మణాయార్పితాం గీతాసుధాం పీత్వాఽమరో భవేత్ ॥ ౪౯॥
జమదగ్నిసుతః పుర్వం కార్తవీర్యవధేచ్ఛయా।
ధనుర్విద్యామభ్యసితుం మహేశస్యాన్తికే వసన్ ॥ ౫౦॥
అధీయమానాం పార్వత్యా రామగీతాం ప్రయత్నతః ।
శ్రూత్వా గృహీత్వాఽఽశు పఠన్నారాయణకలామగాత్ ॥ ౫౧॥
బ్రహ్మహత్యాదిపాపానాం నిష్కృతిం యది వాఞ్ఛతి।
రామగీతాం మాసమాత్రం పఠిత్వా ముచ్యతే నరః ॥ ౫౨॥
దుష్ప్;రతిగ్రహదుర్భోజ్యదురాలాపాదిసమ్భవమ్।
పాపం యత్తత్కీర్తనేన రామగీతా వినాశయేత్ ॥ ౫౩॥
శాలగ్రామశిలాగ్రే చ తులస్యశ్వత్థసన్నిధౌ।
యతీనాం పురతస్తద్వత్ రామగీతాం పఠేత్తు యః ॥ ౫౪॥
స తత్ఫలమవాప్నోతి యద్వాచోఽపి న గోచరమ్ ॥ ౫౫॥
రామగీతాం పఠన్ భక్త్యా యః శ్రాద్ధే భోజయేద్ద్విజాన్।
తస్య తే పితరః సర్వే యాన్తి విష్ణోః పరం పదమ్ ॥ ౫౬॥
ఏకాదశ్యాం నిరాహారో నియతో ద్వాదశీదినే।
స్థిత్వాగస్త్యతరోర్మూలే రామగీతాం పఠేత్తు యః।
స ఏవ రాఘవః సాక్షాత్ సర్వదేవైశ్చ పూజ్యతే ॥ ౫౭॥
వినా దానాం వినా ధ్యానం వినా తీర్థావగాహనమ్ ।
బహునా కిమిహోక్తేన శృణు నారద తత్త్వతః।
రామగీతాం నరోఽధీత్య తదనన్తఫలం లభేత్ ॥ ౫౮॥
శ్రుతిస్మృతిపురాణేతిహాసాగమశతాని చ।
అర్హన్తి నాల్పమధ్యాత్మరామాయణకలామపి ॥ ౫౯॥
అధ్యాత్మరామచరితస్య మునీశ్వరాయ
మాహాత్మ్యమేతదుదితం కమలాసనేన ।
యః శ్రద్ధయా పఠతి వా శృణుయాత్ స మర్త్యః
ప్రాప్నోతి విష్ణుపదవీం సురపూజ్యమానః ॥ ౬౦॥
ఇతి శ్రీబ్రహ్మాణ్డపురాణే ఉత్తరఖణ్డే అధ్యాత్మరామాయణమాహాత్మ్యం సమ్పూర్ణమ్ ॥
Proofread by PSA Easwaran psaeaswaran at gmail.com
Please send corrections to sanskrit@cheerful.com
Last updated త్oday
http://sanskritdocuments.org
Adhyatma Ramayana Mahatmyam Lyrics in Telugu PDF
% File name : adhyAtmarAmAyaNamAhAtmyam.itx
% Category : adhyAtmarAmAyaNa
% Location : doc\_raama
% Author : Shri Veda Vyas
% Language : Sanskrit
% Subject : philosophy/hinduism/religion
% Transliterated by : PSA Easwaran psaeaswaran at gmail.com
% Proofread by : PSA Easwaran psaeaswaran at gmail.com
% Description-comments : shrIbrahmANDapurANe uttarakhaNDe
% Latest update : June 8, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : adhyAtmarAmAyaNamAhAtmyam.itx
% Category : adhyAtmarAmAyaNa
% Location : doc\_raama
% Author : Shri Veda Vyas
% Language : Sanskrit
% Subject : philosophy/hinduism/religion
% Transliterated by : PSA Easwaran psaeaswaran at gmail.com
% Proofread by : PSA Easwaran psaeaswaran at gmail.com
% Description-comments : shrIbrahmANDapurANe uttarakhaNDe
% Latest update : June 8, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website