{॥ చతుర్వింశతినామ ప్రతిపాదక చూర్ణికా ॥}
॥ శ్రీ భద్రాచల రామదాస కృత చతుర్వింశతినామ ప్రతిపాదక

చూర్ణికా ॥

శ్రీమదఖిలాణ్డ కోటి బ్రహ్మాణ్డ భాణ్డ
దాణ్డోపదణ్డ మణ్డల సాన్దోత్దీపిత సగుణ నిర్గుణాతీత
సచ్చిదానన్ద పరాత్పర తారక బ్రహ్మాఖ్య దశదిశా
ప్రకాశం, సకల చరాచరాధీశం కమల సంభవ
సచీధవ ప్రముఖ నిఖిల బృన్దారక బృన్ద వన్ద్యమాన
సన్దీప్త దివ్యచరణారవిన్దం, శ్రీ ముకున్దమ్ ।
తుష్ట నిగ్రహ శిష్ట పరిపాలనోత్కట కపట నాటక సూత్ర
చరిత్రాఞ్చిత బహువిధావతారం, శ్రీ రఘువీరమ్ ।
కౌసల్యా దశరథ మనోరథానన్ద కన్దళిత
నిరూఢ క్రీడా విలోలన శైశవం శ్రీ కేశవమ్ ।
విశ్వామిత్ర యజ్ఞ విఘ్నకారణోత్కట తాటకాచర సుబాహుబాహుబల
విదలన బాణప్రవీణ పారాయణం శ్రీమన్నారాయణమ్ ।
నిజపాద జలజ ఘనస్పర్శనీయ శిలారూప శాప
వికృత గౌతమ సతీ వినుత మహీధవం, శ్రీ మాధవమ్ ।
ఖణ్డేన్తుదర ప్రచణ్డ కోదణ్డ ఖణ్డనోత్దణ్డ
గోదణ్డ కౌశిక లోచనోత్సవ జనక చక్రేశ్వర
సమర్పిత సీతా వివాహోత్సవానన్దం శ్రీ గోవిన్దమ్ ।
పరశురామ భుజగర్వ దర్ప
నిర్వాపణ తానుగతరణ విజయ వర్ధిష్ణుం, శ్రీ విష్ణుమ్ ।
పితృవాక్య పరిపాలనోత్కట జటావల్కలోపేత సీతాలక్ష్మణ సహిత
మహిత రాజ్యాభితమత దృఢవ్రత కలిత ప్రయాణ
రఙ్గ గఙ్గావతరణ సాధనం, శ్రీ మధుసూదనమ్ ।
భరద్వాజోపచార నివారిత మార్గశ్రమ నిరాఘాట
చిత్రకూట ప్రవేశక్రమం, శ్రీ త్రివిక్రమమ్ ।
జనక నియోగ శోకాకులిత భరతశత్రుఘ్న లలనానుకూల బన్ధు పాదుకా
ప్రదాన సీతా నిర్మితాన్తః కరణ దుష్ట చేష్టాయమాన
క్రూర కాకాసుర గర్వోపశమనం, శ్రీ వామనమ్ ।
దణ్డకా గమన నిరోధ క్రోధ విరాటానల
జ్వాలా జలధరం, శ్రీ శ్రీధరమ్ ।
శరభఙ్గ సుతీక్ష్ణాత్రీదర్శనాశీర్వాద నిర్వ్యాజ
కుమ్భలసంభవ కృపాలప్ధ మహాదివ్య దివ్యాస్త్ర
సముదయార్చిత ప్రకాశం, శ్రీ హృషీకేశమ్ ।
పఞ్చవటీతట
సఙ్ఘటిత విశాలపర్ణశాలాగత శూర్పణఖా నాసికాః
ఛేదన మానావబోధన మహాహవారంభ విజ్రుమ్భణ రావణ
నియోగ మాయా మృగసమ్హార కార్యార్థ లాభం, శ్రీ పద్మనాభమ్ ।
రాత్రిఞ్చర
పర వఞ్చనాహృత సీతాన్వేషణ రతపఙ్క్తి రథక్షోభ
శిథీలీకృత పక్ష జటాయు మోక్ష బన్ధుప్రియావసాన నిర్యన్తితా
కబన్ద వక్త్రోదరశరీర నిరోధరం, శ్రీ దామోదరమ్ ।
శబర్యుపదే శపంపాతటగమన
హనుమద్ సగ్రీవ సంభాషణ బన్ధురాత్ బన్ధుర
దున్దుభి కళేబరోత్పతన, సప్తసాలః ఛేదన, వాలి విదారణ
ప్రపన్న సుగ్రీవ సామ్రాజ్య సుఖహర్షణం, శ్రీ సఙ్కర్షణమ్ ।
సుగ్రీవాఙ్గత నీల జామ్బవశ్చ నలకేసరి ప్రముఖ
నిఖిల కపినాయక సేవా సముదయార్చిత దేవం, శ్రీ వాసుదేవమ్ ।
నిజదత్త ముద్రికాజాగ్రత్ సమగ్రాఞ్జనేయ వినయ వచన
రచనామ్బుధి లఙ్ఘనోల్ల్ఙ్ఘిత లఙ్కిణీ ప్రాణోల్లలఙ్ఘన
జనకజా దర్శనాక్ష కుమార హరణ, లఙ్కాపురి దహణ
ప్రతిష్టిత, శుక ప్రశఙ్గ దిరుష్టద్యుమ్నం, శ్రీ ప్రద్యుమ్నమ్ ।
అగ్ర పోదక్ర
మహోగ్ర నిగ్రహ బలాయ మానాపమాననీయ నిజశరణ్యాగణ్య
పుణ్యోదయ విభీషణాభయ ప్రధానానిరుద్దం, శ్రీమదనిరుద్దమ్ ।
అపార
లవణ పారావార సముజ్రుంభితోత్కర్షణ గర్వ నిర్వాపణదీక్షా
సమర్థసేతు నిర్వాణ ప్రవీణాఖిల స్థిర చరోత్తమం, శ్రీ
పురుషోత్తమమ్ ।
నిస్తుల ప్రహస్త కుమ్భకర్ణేన్ద్రజిత్ కుమ్భ నికుమ్భాగ్ని వర్ణాతికాయ మహోదర
మహాపార్శ్వాది దనుజ ధనుఖణ్డనాయమాన కోదణ్డ గుణశ్రవణ
శోషణా హతాశేష రాక్షస ప్రజమ్ , శ్రీ అధోక్షజమ్ ।
అకుణ్డిత రణోత్ కణ్ఠ దశకణ్ఠ దనుజ
కణ్ఠీరవకణ్ఠలుణ్డనాయమాన జయావహం శ్రీ నారసింహమ్ ।
దశగ్రీవానుజ భట్ట భద్ర ద్వజాఖ్య విభవ లఙ్కాపురి
స్పురణ సకల సామ్రాజ్య సుఖోజ్జితం, శ్రీమదచ్యుతమ్ ।
సకల సురాసురాద్భుత ప్రజ్వలిత పావక
ముఖభూదాయమాన సీతాలక్ష్మణాఙ్గత మహనీయ పుష్పకాధి రోహణ
నన్దిగ్రామ స్థిత భ్రాత్రుభిర్యుత జటా వల్కల విసర్జనాంఫర
భూషణాలఙ్కృత శ్రేయో వివర్ధనం, శ్రీ జనార్దనమ్ ।
అయోధ్యా నగర పట్టాభిషేక విశేష మహోత్సవ నిరన్తర దిగన్త
విశ్రాన్త హారహీర కర్పూర పయః పారావార భారత వాణీ కున్దేన్దు
మన్దాకినీ చన్దన సురదేను శరదమ్బు తాలీవర ధమ్పోలి శత
దానాశ్వ సుభకీర్తిఃశ్ షడాక్షర పాణ్డు భూత సభా
విభ్రాజమాన నిఖిల భువనైక యశః సాన్ద్రం శ్రీ ఉపేన్ద్రమ్ ।
భక్తజన సంరక్షణ దీక్షణ కటాక్ష శోభాద్య సముత్తరిం శ్రీ హరిమ్ ।
కేశవాది చతుర్వింశతి నామ గర్భ
సన్దర్పిత నిజ గథాఙ్గీకృత మేధా వర్తిష్ణుం శ్రీ కృష్ణమ్ ।
సర్వ సుపర్వ పార్వతీ హృదయ కమల తారక బ్రహ్మనామం
సమ్పూర్ణకామం పవతరణాను కన సాన్ద్రం
భవజనిత భయోఃఛేదః ఛిద్రమఛిద్రం భక్తజన మనోరథోన్నిద్రం,
భద్రాచల రామభద్రం రామదాస ప్రపన్నం భజేఽహం భజేఽహమ్ ॥

॥ ఇతి శ్రీ భద్రాచల రామదాస కృత కేశవాది

చతుర్వింశతి ప్రతిపాదక చూర్ణికా సమ్పూర్ణమ్ ॥



Encoded and proofread by Antaratma antaratma at Safe-mail.net

The composer of the chUrNikA is the
great Carnatic Music composer, bhadrAchala rAmadAsa who has composed
many sankIrtanAs on his ishTa devatA, shrI rAma of bhadrAchala(whose
original name is kanchErla gOpanna). VidvAn Dr mangaLampaLLi
bAlamuralikRShNa has tuned and rendered many of his songs.

Please send corrections to sanskrit@cheerful.com
Last updated త్oday
http://sanskritdocuments.org

Chaturvimshatinama Pratipadaka Churnika Lyrics in Telugu PDF
% File name : chUrNikA.itx
% Location : doc\_raama
% Author : bhadrAchala rAmadAsa
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Description-comments : composer of the chUrNikA is the great Carnatic Music composer, bhadrAchala rAmadAsa wo has composed many sangkIrtanAs on his ishTa dEvatA, ShrI rAma of bhadrAcala(whose original name is kanchErla gOpanna). VidvAn Dr mangaLampaLLi bAlamuralikr.shNa has tuned and rendered many of his songs.
% Latest update : July 4, 2006
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website