{॥ শ্রীলক্ষ্মণকবচম্ ॥}
॥ অথ শ্রীমদানন্দরামাযণাংতর্গত শ্রী লক্ষ্মণ কবচং ॥
অগস্তিরুবাচ-
সৌমিত্রিং রঘুনাযকস্য চরণ দ্বন্দ্বেক্ষণং শ্যামळং ।
বিভ্রণ্তং স্বকরেণ রামশিরসি ছত্রং বিচিত্রং বরং।
বিভ্রন্তং রঘুনাযকস্য সুমহত্ কোদণ্ড বাণাসনে
তং বন্দে কমলেক্ষণং জনকজা বাক্যে সদা তত্পরং ॥

অস্য শ্রী লক্ষ্মণকবচ মন্ত্রস্য অগস্ত্য ঋষিঃ ।
অনুষ্টুপ্ ছন্দঃ ।
শ্রী লক্ষ্মণো দেবতা ।
শেষ ইতি বীজং ।
সুমিত্রা নন্দনঃ ইতি শক্তিঃ ।
রামানুজ ইতি কীলকং ।
রামদাস ইত্যস্ত্রং ।
রঘুবংশজ ইতি কবচং ।
সৌমিত্রিরিতি মন্ত্রঃ ।
শ্রীলক্ষ্মণ প্রীত্যর্থং সকলমনোভিলষিত সিদ্ধ্যর্থং জপে বিনিযোগঃ ॥

অথ অঙ্গুळী ন্যাসঃ ॥

ॐ লক্ষ্মণায অঙ্গুষ্ঠাভ্যাং নমঃ ।
ॐ শেষায তর্জনীভ্যাং নমঃ ।
ॐ সুমিত্রানন্দনায মধ্যমাভ্যাং নমঃ ।
ॐ রামানুজায অনামিকাভ্যাং নমঃ ।
ॐ রামদাসায কনিষ্ঠিকাভ্যাং নমঃ ।
ॐ রঘুবংশজায করতল করপৃষ্ঠাভ্যাং নমঃ ॥

হৃদযাদিন্যাসঃ ॥

ॐ লক্ষ্মণায হৃদযায নমঃ ।
ॐ শেষায শিরসে স্বাহা ।
ॐ সুমিত্রানন্দনায শিকাযৈ বষট্ ।
ॐ রামানুজায কবচায হুং ।
ॐ রামদাসায নেত্রত্রযায বৌষট্ ।
ॐ রঘুবংশজায অস্ত্রায ফট্ ।
ॐ সৌমিত্রযে ইতি দিগ্বন্ধঃ ॥

অথ ধ্যানম্ ॥

রামপৃষ্ঠ স্থিতং রম্যং রত্নকুণ্ডল ধারিণং ।
নীলোত্পল দळশ্যামং রত্নকঙ্কণ মণ্ডিতং ॥ ১॥

রামস্য মস্তকে দিব্যং বিভ্রন্তং ছত্রমুত্তমং ।
বর পীতাম্বরধরং মুকুটেনাদি শোভিতং ॥ ২॥

তূণীরে কার্মুকে চাপি বিভ্রন্তং চ স্মিতাননং ।
রত্নমালাধরং দিব্যং পুষ্পমালা বিরাজিতং ॥ ৩॥

এবং ধ্যাত্বা লক্ষ্মণংচ রাঘব ন্যস্ত লোচনং ।
কবচং জপনীযং হি ততো ভক্ত্যাত্র মানবৈঃ ॥ ৪॥

ॐ ॥ লক্ষ্মণঃ পাতু মে পূর্বে দক্ষিণে রাঘবানুজঃ ।

প্রতীচ্যাং পাতুঃ সৌমিত্রিঃ পাতুদীচ্যাং রঘূত্তমঃ ॥ ৫॥

অধঃ পাতু মহাবীরঃ চোর্ধ্বং পাতু নৃপাত্মজঃ ।
মধ্যে পাতু রামদাসঃ সর্বতঃ সত্যপালকঃ ॥ ৬॥

স্মিতাননঃ শিরঃ পাতু ভালং পাতূর্মিলা ধবঃ ।
ভৃবোর্ মধ্যে ধনুর্ধারী সুমিত্রা নন্দনোক্ষিণী ॥ ৭॥

কপোলে রমমন্ত্রীচ সর্বদা পাতু বৈ মম ।
কর্ণমূলে সদা পাতু কবন্ধ ভুজ গণ্ডনঃ ॥ ৮॥

নাসাগ্রং মে সদা পাতু সুমিত্রা নন্দবর্ধনঃ ।
রাম ন্যস্তেক্ষণঃ পাতু সদা মেত্র মুখং ভুবি ॥ ৯॥

সীতাবাক্যকরঃ পাতু মম বাণীং সদাত্র হি ।
সৌম্যরূপঃ পাতু জিহ্বাং অনন্তঃ পাতু মে দ্বিজান্ ॥ ১০॥

চিবুকং পাতু রক্ষোঘ্নঃ কণ্ঠং পাত্বসুরার্দনঃ ।
স্কন্ধৌ পাতু জিতারাতিঃ ভুজৌ পঙ্কজলোচনঃ ॥ ১১॥

করৌ কঙ্কণধারী চ নখান্ রক্তনখো বতু ।
কুক্ষিং পাতু বিনিদ্রো মে বক্ষঃ পাতু জিতেন্দ্রিযঃ ॥ ১২॥

পার্শ্বে রাঘব পৃষ্ঠিস্থ পৃষ্ঠদেশং মনোরমঃ ।
নাভিং গংভীর নাভিস্তু কটিং চ ঋক্মমেখলঃ ॥ ১৩॥

গুহ্যং পাতু সহস্রাস্যঃ পাতু লিঙ্গং হরিপ্রিযঃ ।
ঊরূ পাতু বিষ্ণুতল্পঃ সুমুখোবতু জানুনী ॥ ১৪॥

নাগেন্দ্রঃ পাতু মে জঙ্ঘে গুল্ফৌ নূপুরবান্ মম ।
পাদাবঙ্গদ তাতোব্যাত্ পাত্বঙ্গানি সুলোচনঃ ॥ ১৫॥

ইতি শ্রী শতকোটিরামচরিতাংতর্গত শ্রীমদানন্দরামাযণে
বাল্মিকীযে মনোহরকাণ্ডে শ্রী লক্ষ্মণকবচং সম্পূর্ণং ॥



Encoded and proofread by Antaratma antaratma at Safe-mail.net

Please send corrections to sanskrit@cheerful.com
Last updated ত্oday
http://sanskritdocuments.org

Lakshmana Kavacham Lyrics in Bengali PDF
% File name : laxmanakavachaAnanda.itx
% Category : kavacha
% Location : doc\_raama
% Author : Valmiki
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Description-comments : from Anandaramayana
% Latest update : July 4, 2006
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website