{॥ రఘువీర గద్యం ॥}
జయత్యాశ్రిత సంత్రాస ధ్వాన్త విధ్వంసనోదయః ।
ప్రభావాన్ సీతయా దేవ్యా పరమ-వ్యోమ భాస్కరః ॥

జయ జయ మహావీర !
మహాధీర ధౌరేయ !
దేవాసుర సమర సమయ సముదిత నిఖిల నిర్జర నిర్ధారిత
నిరవధికమాహాత్మ్య !
దశవదన దమిత దైవత పరిషదభ్యర్థిత దాశరథి-భావ !
రణాధ్వర ధుర్య భవ్య దివ్యాస్త్ర బృన్ద వన్దిత !
ప్రణత జన విమత విమథన దుర్లలితదోర్లలిత !
తనుతర విశిఖ వితాడన విఘటిత విశరారు శరారు
తాటకా తాటకేయ !
జడ-కిరణ శకల-ధరజటిల నట పతి-మకుట నటన-పటు
విబుధ-సరిద్-అతి-బహుల మధు-గలన లలిత-పద
నలిన-రజ-ఉప-మృదిత నిజ-వృజిన జహదుపల-తను-రుచిర
పరమ-ముని వర-యువతి నుత !
కుశిక-సుతకథిత విదిత నవ వివిధ కథ !
మైథిల నగర సులోచనా లోచన చకోర చన్ద్ర !
ఖణ్డ-పరశు కోదణ్డ ప్రకాణ్డ ఖణ్డన శౌణ్డ భుజ-దణ్డ !
చణ్డ-కర కిరణ-మణ్డల బోధిత పుణ్డరీక వన రుచి లుణ్టాక లోచన !
మోచిత జనక హృదయ శఙ్కాతఙ్క !
పరిహృత నిఖిల నరపతి వరణ జనక-దుహిత కుచ-తట విహరణ
సముచిత కరతల !
శతకోటి శతగుణ కఠిన పరశు ధర మునివర కర ధృత
దురవనమ-తమ-నిజ ధనురాకర్షణ ప్రకాశిత పారమేష్ఠ్య !
క్రతు-హర శిఖరి కన్తుక విహృతిముఖ జగదరున్తుద
జితహరిదన్త-దన్తురోదన్త దశ-వదన దమన కుశల దశ-శత-భుజ
నృపతి-కుల-రుధిరఝర భరిత పృథుతర తటాక తర్పిత
పితృక భృగు-పతి సుగతి-విహతి కర నత పరుడిషు పరిఘ !
అనృత భయ ముషిత హృదయ పితృ వచన పాలన ప్రతిజ్ఞావజ్ఞాత
యౌవరాజ్య !
నిషాద రాజ సౌహృద సూచిత సౌశీల్య సాగర !
భరద్వాజ శాసనపరిగృహీత విచిత్ర చిత్రకూట గిరి కటక
తట రమ్యావసథ !
అనన్య శాసనీయ !
ప్రణత భరత మకుటతట సుఘటిత పాదుకాగ్ర్యాభిషేక నిర్వర్తిత
సర్వలోక యోగక్షేమ !
పిశిత రుచి విహిత దురిత వల-మథన తనయ బలిభుగను-గతి సరభసశయన తృణ
శకల పరిపతన భయ చరిత సకల సురముని-వర-బహుమత మహాస్త్ర సామర్థ్య !
ద్రుహిణ హర వల-మథన దురాలక్ష్య శర లక్ష్య !
దణ్డకా తపోవన జఙ్గమ పారిజాత !
విరాధ హరిణ శార్దూల !
విలులిత బహుఫల మఖ కలమ రజని-చర మృగ మృగయానమ్భ
సంభృతచీరభృదనురోధ !
త్రిశిరః శిరస్త్రితయ తిమిర నిరాస వాసర-కర !
దూషణ జలనిధి శోశాణ తోషిత ఋషి-గణ ఘోషిత విజయ ఘోషణ !
ఖరతర ఖర తరు ఖణ్డన చణ్డ పవన !
ద్విసప్త రక్షః-సహస్ర నల-వన విలోలన మహా-కలభ !
అసహాయ శూర !
అనపాయ సాహస !
మహిత మహా-మృథ దర్శన ముదిత మైథిలీ దృఢ-తర పరిరమ్భణ
విభవవిరోపిత వికట వీరవ్రణ !
మారీచ మాయా మృగ చర్మ పరికర్మిత నిర్భర దర్భాస్తరణ !
విక్రమ యశో లాభ విక్రీత జీవిత గృఘ్ర-రాజదేహ దిధక్షా
లక్షిత-భక్త-జన దాక్షిణ్య !
కల్పిత విబుధ-భావ కబన్ధాభినన్దిత !
అవన్ధ్య మహిమ మునిజన భజన ముషిత హృదయ కలుష శబరీ
మోక్షసాక్షిభూత !
ప్రభఞ్జన-తనయ భావుక భాషిత రఞ్జిత హృదయ !
తరణి-సుత శరణాగతిపరతన్త్రీకృత స్వాతన్త్ర్య !
దృఢ ఘటిత కైలాస కోటి వికట దున్దుభి కఙ్కాల కూట దూర విక్షేప
దక్ష-దక్షిణేతర పాదాఙ్గుష్ఠ దర చలన విశ్వస్త సుహృదాశయ !
అతిపృథుల బహు విటపి గిరి ధరణి వివర యుగపదుదయ వివృత చిత్రపుఙ్గ వైచిత్ర్య !
విపుల భుజ శైల మూల నిబిడ నిపీడిత రావణ రణరణక జనక చతురుదధి
విహరణ చతుర కపి-కుల పతి హృదయ విశాల శిలాతల-దారణ దారుణ శిలీముఖ !
అపార పారావార పరిఖా పరివృత పరపుర పరిసృత దవ దహన
జవన-పవన-భవ కపివర పరిష్వఙ్గ భావిత సర్వస్వ దాన !
అహిత సహోదర రక్షః పరిగ్రహ విసంవాదివివిధ సచివ విప్రలమ్భ సమయ
సంరమ్భ సముజ్జృమ్భిత సర్వేశ్వర భావ !
సకృత్ప్రపన్న జన సంరక్షణ దీక్షిత !
వీర !
సత్యవ్రత !
ప్రతిశయన భూమికా భూషిత పయోధి పులిన !
ప్రలయ శిఖి పరుష విశిఖ శిఖా శోషితాకూపార వారి పూర !
ప్రబల రిపు కలహ కుతుక చటుల కపి-కుల కర-తలతులిత హృత గిరినికర సాధిత
సేతు-పధ సీమా సీమన్తిత సముద్ర !
ద్రుత గతి తరు మృగ వరూథినీ నిరుద్ధ లఙ్కావరోధ వేపథు లాస్య లీలోపదేశ
దేశిక ధనుర్జ్యాఘోష !
గగన-చర కనక-గిరి గరిమ-ధర నిగమ-మయ నిజ-గరుడ గరుదనిల లవ గలిత
విష-వదన శర కదన !
అకృత చర వనచర రణ కరణ వైలక్ష్య కూణితాక్ష బహువిధ రక్షో
బలాధ్యక్ష వక్షః కవాట పాటన పటిమ సాటోప కోపావలేప !
కటురటద్ అటని టఙ్కృతి చటుల కఠోర కార్ముక !
విశఙ్కట విశిఖ వితాడన విఘటిత మకుట విహ్వల విశ్రవస్తనయవిశ్రమ
సమయ విశ్రాణన విఖ్యాత విక్రమ !
కుమ్భకర్ణ కుల గిరి విదలన దమ్భోలి భూత నిఃశఙ్క కఙ్కపత్ర !
అభిచరణ హుతవహ పరిచరణ విఘటన సరభస పరిపతద్ అపరిమితకపిబల
జలధిలహరి కలకల-రవ కుపిత మఘవ-జిదభిహనన-కృదనుజ సాక్షిక
రాక్షస ద్వన్ద్వ-యుద్ధ !
అప్రతిద్వన్ద్వ పౌరుష !
త్ర యమ్బక సమధిక ఘోరాస్త్రాడమ్బర !
సారథి హృత రథ సత్రప శాత్రవ సత్యాపిత ప్రతాప !
శితశరకృతలవనదశముఖ ముఖ దశక నిపతన పునరుదయ దరగలిత జనిత
దర తరల హరి-హయ నయన నలిన-వన రుచి-ఖచిత నిపతిత సుర-తరు కుసుమ వితతి
సురభిత రథ పథ !
అఖిల జగదధిక భుజ బల వర బల దశ-లపన లపన దశక లవన-జనిత కదన
పరవశ రజని-చర యువతి విలపన వచన సమవిషయ నిగమ శిఖర నికర
ముఖర ముఖ ముని-వర పరిపణిత!
అభిగత శతమఖ హుతవహ పితృపతి నిరృతి వరుణ పవన ధనదగిరిశప్రముఖ
సురపతి నుతి ముదిత !
అమిత మతి విధి విదిత కథిత నిజ విభవ జలధి పృషత లవ !
విగత భయ విబుధ విబోధిత వీర శయన శాయిత వానర పృతనౌఘ !
స్వ సమయ విఘటిత సుఘటిత సహృదయ సహధర్మచారిణీక !
విభీషణ వశంవదీ-కృత లఙ్కైశ్వర్య !
నిష్పన్న కృత్య !
ఖ పుష్పిత రిపు పక్ష !
పుష్పక రభస గతి గోష్పదీ-కృత గగనార్ణవ !
ప్రతిజ్ఞార్ణవ తరణ కృత క్షణ భరత మనోరథ సంహిత సింహాసనాధిరూఢ !
స్వామిన్ !
రాఘవ సింహ !
హాటక గిరి కటక లడహ పాద పీఠ నికట తట పరిలుఠిత నిఖిలనృపతి కిరీట
కోటి వివిధ మణి గణ కిరణ నికర నీరాజితచరణ రాజీవ !
దివ్య భౌమాయోధ్యాధిదైవత !
పితృ వధ కుపిత పరశు-ధర ముని విహిత నృప హనన కదన పూర్వకాలప్రభవ
శత గుణ ప్రతిష్ఠాపిత ధార్మిక రాజ వంశ !
శుచ చరిత రత భరత ఖర్విత గర్వ గన్ధర్వ యూథ గీత విజయ గాథాశత !
శాసిత మధు-సుత శత్రుఘ్న సేవిత !
కుశ లవ పరిగృహీత కుల గాథా విశేష !
విధి వశ పరిణమదమర భణితి కవివర రచిత నిజ చరితనిబన్ధన నిశమన
నిర్వృత !
సర్వ జన సమ్మానిత !
పునరుపస్థాపిత విమాన వర విశ్రాణన ప్రీణిత వైశ్రవణ విశ్రావిత యశః
ప్రపఞ్చ !
పఞ్చతాపన్న మునికుమార సఞ్జీవనామృత !
త్రేతాయుగ ప్రవర్తిత కార్తయుగ వృత్తాన్త !
అవికల బహుసువర్ణ హయ-మఖ సహస్ర నిర్వహణ నిర్వ ర్తిత
నిజవర్ణాశ్రమ ధర్మ !
సర్వ కర్మ సమారాధ్య !
సనాతన ధర్మ !
సాకేత జనపద జని ధనిక జఙ్గమ తదితర జన్తు జాత దివ్య గతి దాన దర్శిత నిత్య
నిస్సీమ వైభవ !
భవ తపన తాపిత భక్తజన భద్రారామ !
శ్రీ రామభద్ర !
నమస్తే పునస్తే నమః ॥

చతుర్ముఖేశ్వరముఖైః పుత్ర పౌత్రాది శాలినే ।
నమః సీతా సమేతాయ రామాయ గృహమేధినే ॥

కవికథక సింహకథితం
కఠోత సుకుమార గుమ్భ గమ్భీరమ్ ।
భవ భయ భేషజమేతత్
పఠత మహావీర వైభవం సుధియః ॥

సర్వం శ్రీ కృష్ణార్పణమస్తు

The text is authored by Shri vedAnta deshika a great Vaishnava
scholar, also known as Shri nigamAnta mahA deshikan, also
possessing the title kavithArkika simham.
In his works, the indication or mudhra is "venkatesa" or venkata kavi .
Encoded by T. R. Chari trchari@hotmail.com
http://trchari.tripod.com/scripttml

Please send corrections to sanskrit@cheerful.com
Last updated త్oday
http://sanskritdocuments.org

Raghuveera Gadyam Lyrics in Telugu PDF
% File name : traghuvira.itx
% Location : doc\_raama
% Author : Shri vedAnta deshika
% Language : Sanskrit
% Subject : kavya
% Transliterated by : T. R. Chari trchari at hotmail.com
% Description-comments : The text is authored by Shri vedAnta deshika a great Vaishnava scholar, also known as Shri nigamaanta mahaa deshikan, also possessing the title kavithaarkika simham. In his works, the indication or mudhra is @@venkatesa@@ or venkata kavi . http://trchari.tripod.com/script.html
% Latest update : August 24, 2002
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website