{॥ ಶ್ರೀರಾಮಚನ್ದ್ರಾಷ್ಟಕಮ್ ॥}
ಓಂ ಚಿದಾಕಾರೋ ಧಾತಾ ಪರಮಸುಖದಃ ಪಾವನತನುರ್-
ಮುನೀನ್ದ್ರೈರ್ಯೋಗೀನ್ದ್ರೈರ್ಯತಿಪತಿಸುರೇನ್ದ್ರೈರ್ಹನುಮತಾ ।
ಸದಾ ಸೇವ್ಯಃ ಪೂರ್ಣೋ ಜನಕತನಯಾಙ್ಗಃ ಸುರಗುರೂ
ರಮಾನಾಥೋ ರಾಮೋ ರಮತು ಮಮ ಚಿತ್ತೇ ತು ಸತತಮ್ ॥ ೧॥

ಮುಕುನ್ದೋ ಗೋವಿನ್ದೋ ಜನಕತನಯಾಲಾಲಿತಪದಃ
ಪದಂ ಪ್ರಾಪ್ತಾ ಯಸ್ಯಾಧಮಕುಲಭವಾ ಚಾಪಿ ಶಬರೀ ।
ಗಿರಾತೀತೋಽಗಮ್ಯೋ ವಿಮಲಧಿಷಣೈರ್ವೇದವಚಸಾ
ರಮಾನಾಥೋ ರಾಮೋ ರಮತು ಮಮ ಚಿತ್ತೇ ತು ಸತತಮ್ ॥ ೨॥

ಧರಾಧೀಶೋಽಧೀಶಃ ಸುರನರವರಾಣಾಂ ರಘುಪತಿಃ
ಕಿರೀಟೀ ಕೇಯೂರೀ ಕನಕಕಪಿಶಃ ಶೋಭಿತವಪುಃ ।
ಸಮಾಸೀನಃ ಪೀಠೇ ರವಿಶತನಿಭೇ ಶಾನ್ತಮನಸೋ
ರಮಾನಾಥೋ ರಾಮೋ ರಮತು ಮಮ ಚಿತ್ತೇ ತು ಸತತಮ್ ॥ ೩॥

ವರೇಣ್ಯಃ ಶಾರಣ್ಯಃ ಕಪಿಪತಿಸಖಶ್ಚಾನ್ತವಿಧುರೋ
ಲಲಾಟೇ ಕಾಶ್ಮೀರೋ ರುಚಿರಗತಿಭಙ್ಗಃ ಶಶಿಮುಖಃ ।
ನರಾಕಾರೋ ರಾಮೋ ಯತಿಪತಿನುತಃ ಸಂಸೃತಿಹರೋ
ರಮಾನಾಥೋ ರಾಮೋ ರಮತು ಮಮ ಚಿತ್ತೇ ತು ಸತತಮ್ ॥ ೪॥

ವಿರೂಪಾಕ್ಷಃ ಕಾಶ್ಯಾಮುಪದಿಶತಿ ಯನ್ನಾಮ ಶಿವದಂ
ಸಹಸ್ರಂ ಯನ್ನಾಮ್ನಾಂ ಪಠತಿ ಗಿರಿಜಾ ಪ್ರತ್ಯುಷಸಿ ವೈ ।
ಸ್ವಲೋಕೇ ಗಾಯನ್ತೀಶ್ವರವಿಧಿಮುಖಾ ಯಸ್ಯ ಚರಿತಂ
ರಮಾನಾಥೋ ರಾಮೋ ರಮತು ಮಮ ಚಿತ್ತೇ ತು ಸತತಮ್ ॥ ೫॥

ಪರೋ ಧೀರೋಽಧೀರೋಽಸುರಕುಲಭವಶ್ಚಾಸುರಹರಃ
ಪರಾತ್ಮಾ ಸರ್ವಜ್ಞೋ ನರಸುರಗಣೈರ್ಗೀತಸುಯಶಾಃ ।
ಅಹಲ್ಯಾಶಾಪಘ್ನಃ ಶರಕರಋಜುಃಕೌಶಿಕಸಖೋ
ರಮಾನಾಥೋ ರಾಮೋ ರಮತು ಮಮ ಚಿತ್ತೇ ತು ಸತತಮ್ ॥ ೬॥

ಹೃಷೀಕೇಶಃ ಶೌರಿರ್ಧರಣಿಧರಶಾಯೀ ಮಧುರಿಪುರ್-
ಉಪೇನ್ದ್ರೋ ವೈಕುಣ್ಠೋ ಗಜರಿಪುಹರಸ್ತುಷ್ಟಮನಸಾ ।
ಬಲಿಧ್ವಂಸೀ ವೀರೋ ದಶರಥಸುತೋ ನೀತಿನಿಪುಣೋ
ರಮಾನಾಥೋ ರಾಮೋ ರಮತು ಮಮ ಚಿತ್ತೇ ತು ಸತತಮ್ ॥ ೭॥

ಕವಿಃ ಸೌಮಿತ್ರೀಡ್ಯಃ ಕಪಟಮೃಗಘಾತೀ ವನಚರೋ
ರಣಶ್ಲಾಘೀ ದಾನ್ತೋ ಧರಣಿಭರಹರ್ತಾ ಸುರನುತಃ ।
ಅಮಾನೀ ಮಾನಜ್ಞೋ ನಿಖಿಲಜನಪೂಜ್ಯೋ ಹೃದಿಶಯೋ
ರಮಾನಾಥೋ ರಾಮೋ ರಮತು ಮಮ ಚಿತ್ತೇ ತು ಸತತಮ್ ॥ ೮॥

ಇದಂ ರಾಮಸ್ತೋತ್ರಂ ವರಮಮರದಾಸೇನ ರಚಿತಮ್
ಉಷಃಕಾಲೇ ಭಕ್ತ್ಯಾ ಯದಿ ಪಠತಿ ಯೋ ಭಾವಸಹಿತಮ್ ।
ಮನುಷ್ಯಃ ಸ ಕ್ಷಿಪ್ರಂ ಜನಿಮೃತಿಭಯಂ ತಾಪಜನಕಂ
ಪರಿತ್ಯಜ್ಯ ಶ್ರೀಷ್ಠಂ ರಘುಪತಿಪದಂ ಯಾತಿ ಶಿವದಮ್ ॥ ೯॥

॥ ಇತಿ ಶ್ರೀಮದ್ರಾಮದಾಸಪೂಜ್ಯಪಾದಶಿಷ್ಯಶ್ರೀಮದ್ಧಂ

ಸದಾಸಶಿಷ್ಯೇಣಾಮರದಾಸಾಖ್ಯಕವಿನಾ ವಿರಚಿತಂ
ಶ್ರೀರಾಮಚನ್ದ್ರಾಷ್ಟಕಂ ಸಮಾಪ್ತಮ್ ॥


Visit http://www.webdunia.com for additional texts with Hindi meanings.

Please send corrections to sanskrit@cheerful.com
Last updated ತ್oday
http://sanskritdocuments.org

Ramachandra Ashtakam Lyrics in Kannada PDF
% File name : raamachandra8.itx
% Category : aShTaka
% Location : doc\_raama
% Author : madmaradAsa
% Language : Sanskrit
% Subject : philosophy/hinduism/religion
% Transliterated by : http://www.webdunia.com
% Proofread by : Kirk Wortman kirkwort at hotmail.com
% Latest update : January 13, 2002
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website