{॥ ଶ୍ରୀରାମଚନ୍ଦ୍ରାଷ୍ଟକମ୍ ॥}
ଓଂ ଚିଦାକାରୋ ଧାତା ପରମସୁଖଦଃ ପାଵନତନୁର୍-
ମୁନୀନ୍ଦ୍ରୈର୍ଯୋଗୀନ୍ଦ୍ରୈର୍ଯତିପତିସୁରେନ୍ଦ୍ରୈର୍ହନୁମତା ।
ସଦା ସେଵ୍ଯଃ ପୂର୍ଣୋ ଜନକତନଯାଙ୍ଗଃ ସୁରଗୁରୂ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୧॥

ମୁକୁନ୍ଦୋ ଗୋଵିନ୍ଦୋ ଜନକତନଯାଲାଲିତପଦଃ
ପଦଂ ପ୍ରାପ୍ତା ଯସ୍ଯାଧମକୁଲଭଵା ଚାପି ଶବରୀ ।
ଗିରାତୀତୋଽଗମ୍ଯୋ ଵିମଲଧିଷଣୈର୍ଵେଦଵଚସା
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୨॥

ଧରାଧୀଶୋଽଧୀଶଃ ସୁରନରଵରାଣାଂ ରଘୁପତିଃ
କିରୀଟୀ କେଯୂରୀ କନକକପିଶଃ ଶୋଭିତଵପୁଃ ।
ସମାସୀନଃ ପୀଠେ ରଵିଶତନିଭେ ଶାନ୍ତମନସୋ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୩॥

ଵରେଣ୍ଯଃ ଶାରଣ୍ଯଃ କପିପତିସଖଶ୍ଚାନ୍ତଵିଧୁରୋ
ଲଲାଟେ କାଶ୍ମୀରୋ ରୁଚିରଗତିଭଙ୍ଗଃ ଶଶିମୁଖଃ ।
ନରାକାରୋ ରାମୋ ଯତିପତିନୁତଃ ସଂସୃତିହରୋ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୪॥

ଵିରୂପାକ୍ଷଃ କାଶ୍ଯାମୁପଦିଶତି ଯନ୍ନାମ ଶିଵଦଂ
ସହସ୍ରଂ ଯନ୍ନାମ୍ନାଂ ପଠତି ଗିରିଜା ପ୍ରତ୍ଯୁଷସି ଵୈ ।
ସ୍ଵଲୋକେ ଗାଯନ୍ତୀଶ୍ଵରଵିଧିମୁଖା ଯସ୍ଯ ଚରିତଂ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୫॥

ପରୋ ଧୀରୋଽଧୀରୋଽସୁରକୁଲଭଵଶ୍ଚାସୁରହରଃ
ପରାତ୍ମା ସର୍ଵଜ୍ଞୋ ନରସୁରଗଣୈର୍ଗୀତସୁଯଶାଃ ।
ଅହଲ୍ଯାଶାପଘ୍ନଃ ଶରକରଋଜୁଃକୌଶିକସଖୋ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୬॥

ହୃଷୀକେଶଃ ଶୌରିର୍ଧରଣିଧରଶାଯୀ ମଧୁରିପୁର୍-
ଉପେନ୍ଦ୍ରୋ ଵୈକୁଣ୍ଠୋ ଗଜରିପୁହରସ୍ତୁଷ୍ଟମନସା ।
ବଲିଧ୍ଵଂସୀ ଵୀରୋ ଦଶରଥସୁତୋ ନୀତିନିପୁଣୋ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୭॥

କଵିଃ ସୌମିତ୍ରୀଡ୍ଯଃ କପଟମୃଗଘାତୀ ଵନଚରୋ
ରଣଶ୍ଲାଘୀ ଦାନ୍ତୋ ଧରଣିଭରହର୍ତା ସୁରନୁତଃ ।
ଅମାନୀ ମାନଜ୍ଞୋ ନିଖିଲଜନପୂଜ୍ଯୋ ହୃଦିଶଯୋ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୮॥

ଇଦଂ ରାମସ୍ତୋତ୍ରଂ ଵରମମରଦାସେନ ରଚିତମ୍
ଉଷଃକାଲେ ଭକ୍ତ୍ଯା ଯଦି ପଠତି ଯୋ ଭାଵସହିତମ୍ ।
ମନୁଷ୍ଯଃ ସ କ୍ଷିପ୍ରଂ ଜନିମୃତିଭଯଂ ତାପଜନକଂ
ପରିତ୍ଯଜ୍ଯ ଶ୍ରୀଷ୍ଠଂ ରଘୁପତିପଦଂ ଯାତି ଶିଵଦମ୍ ॥ ୯॥

॥ ଇତି ଶ୍ରୀମଦ୍ରାମଦାସପୂଜ୍ଯପାଦଶିଷ୍ଯଶ୍ରୀମଦ୍ଧଂ

ସଦାସଶିଷ୍ଯେଣାମରଦାସାଖ୍ଯକଵିନା ଵିରଚିତଂ
ଶ୍ରୀରାମଚନ୍ଦ୍ରାଷ୍ଟକଂ ସମାପ୍ତମ୍ ॥


Visit http://www.webdunia.com for additional texts with Hindi meanings.

Please send corrections to sanskrit@cheerful.com
Last updated ତ୍oday
http://sanskritdocuments.org

Ramachandra Ashtakam Lyrics in Oriya PDF
% File name : raamachandra8.itx
% Category : aShTaka
% Location : doc\_raama
% Author : madmaradAsa
% Language : Sanskrit
% Subject : philosophy/hinduism/religion
% Transliterated by : http://www.webdunia.com
% Proofread by : Kirk Wortman kirkwort at hotmail.com
% Latest update : January 13, 2002
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website