ಆನಂದ ರಾಮಾಯಣ ಪಂಚಮಃ ಸರ್ಗಃ ಅಥವಾ ರಾಮರಕ್ಷಾ

{॥ ಆನಂದ ರಾಮಾಯಣ ಪಂಚಮಃ ಸರ್ಗಃ ಅಥವಾ ರಾಮರಕ್ಷಾ ॥}
ಶ್ರೀ ಶತಕೋಟಿ ರಾಮಚರಿತಾಂತರ್ಗತ ಶ್ರೀಮದಾನಂದರಾಮಾಯಣೇ
ಪಂಚಮಃ ಸರ್ಗಃ ಪ್ರಾರಂಭಃ ।
ವಿಷ್ಣುದಾಸ ಉವಾಚ
ಶ್ರೀ ರಾಮರಕ್ಷಯಾ ಪ್ರೋಕ್ತಂ ಕುಶಾಯಹ್ಯಭಿಮಂತ್ರಣಮ್ ।
ಕೃತಂ ತೇನೈವ ಮುನಿನಾ ಗುರೋ ತಾಂ ಮೇ ಪ್ರಕಾಶಯ ॥ ೧॥

ರಾಮರಕ್ಷಾಂ ವರಾಂ ಪುಣ್ಯಾಂ ಬಾಲಾನಾಂ ಶಾಂತಿಕಾರಿಣೀಮ್ ।
ಇತಿ ಶಿಷ್ಯವಚಃ ಶ್ರುತ್ವಾ ರಾಮದಾಸೋಽಪ್ರವೀದ್ವಚಃ ॥ ೨॥

ಶ್ರೀರಾಮದಾಸ ಉವಾಚ
ಸಮ್ಯಕ್ ಪೃಷ್ಟಂ ತ್ವಯಾ ಶಿಷ್ಯ ರಾಮರಕ್ಷಾಽಧುನೋಚ್ಯತೇ ।
ಯಾ ಪ್ರೋಕ್ತಾ ಶಂಭುನಾ ಪೂರ್ವಂ ಸ್ಕಂದಾರ್ಥಂ ಗಿರಿಜಾಂ ಪ್ರತಿ ॥ ೩॥

ಶ್ರೀ ಶಿವ ಉವಾಚ
ದೇವ್ಯದ್ಯ ಸ್ಕಂದಪುತ್ರಾಯ ರಾಮರಕ್ಷಾಭಿಮಂತ್ರಿಣಮ್ ।
ಕುರು ತಾರಕಧಾತಾಯ ಸಮರ್ಥೋಽಯಂ ಭವಿಷ್ಯತಿ ॥ ೪॥

ಇತ್ಯುಕ್ತ್ವಾ ಕಥಯಾಮಾಸ ರಾಮರಕ್ಷಾಂ ಶಿವಃ ಸ್ತ್ರಿಯೈ ।
ನಮಸ್ಕೃತಾಯ ರಾಮಚಂದ್ರಂ ಶುಚಿರ್ಭೂತ್ವಾ ಜಿತೇನ್ದ್ರಿಯೈಃ ॥ ೫॥

ಅಥ ಧ್ಯಾನಮ್ ।
ವಾಮೇ ಕೋದಂಡದಂಡಂ ನಿಜಕರಕಮಲೇ ದಕ್ಷಿಣೇ ಬಾಣಮೇಕಂ ।
ಪಶ್ಚಾದ್ಭಾಗೇ ಚ ನಿತ್ಯಂ ದಧತಮಭಿಮತಂ ಸಾಸಿತೂಣೀರಭಾರಮ್ ।
ವಾಮೇಽವಾಮೇ ವಸದ್ಭ್ಯಾಂ ಸಹ ಮಿಲಿತತನುಂ ಜಾನಕೀಲಕ್ಷ್ಮಣಾಭ್ಯಾಮ್ ।
ಶ್ಯಾಮಂ ರಾಮಂ ಭಜೇಽಹಂ ಪ್ರಣತ ಜನಮನಃ ಖೇದವಿಚ್ಛೇದದಕ್ಷಮ್ ॥ ೬॥

ಓಂ ಅಸ್ಯ ಶ್ರೀ ರಾಮರಕ್ಷಾಸ್ತೋತ್ರಮಂತ್ರಸ್ಯ ಬುಧಕೌಶಿಕ ಋಷಿಃ ।
ಶ್ರೀ ರಾಮಚಂದ್ರೋ ದೇವತಾ ರಾಮ ಇತಿ ಬೀಜಮ್ ।
ಅನುಷ್ಟುಪ್ ಛಂದಃ । ಶ್ರೀ ರಾಮ ಪ್ರೀತ್ಯರ್ಥೇ ಜಪೇ ವಿನಿಯೋಗಃ॥

॥ ಓಂ॥
ಚರಿತಂ ರಘುನಾಥಸ್ಯ ಶತಕೋಟಿ ಪ್ರವಿಸ್ತರಮ್ ।
ಏಕೈಕಮಕ್ಷರಂ ಪುಂಸಾಂ ಮಹಾಪಾತಕನಾಶನಮ್ ॥ ೭॥

ಧ್ಯಾತ್ವಾ ನೀಲೋತ್ಪಲಶ್ಯಾಮಂ ರಾಮಂ ರಾಜೀವಲೋಚನಮ್ ।
ಜಾನಕೀ - ಲಕ್ಷ್ಮಣೋಪೇತಂ ಜಟಾಮುಕುಟಮಂಡಿತಮ್ ॥ ೮॥

ಸಾಸಿತೂಣ ಧನುರ್ಬಾಣ ಪಾಣಿಂ ನಕ್ತಂಚರಾನ್ತಕಮ್ ।
ಸ್ವಲೀಲಯಾ ಜಗತ್ತ್ರಾತುಮಾವಿರ್ಭೂತಮಜಂ ವಿಭುಮ್ ॥ ೯॥

ರಾಮರಕ್ಷಾಂ ಪಠೇತ್ಪ್ರಾಜ್ಞಃ ಪಾಪಘ್ನೀಂ ಸರ್ವಕಾಮದಾಮ್ ।
ಶಿರೋ ಮೇ ರಾಘವಃ ಪಾತು ಭಾಲಂ ದಶರಥಾತ್ಮಜಃ ॥೧೦॥

ಕೌಸಲ್ಯೇಯೋ ದೃಶೌ ಪಾತು-ವಿಶ್ವಾಮಿತ್ರಪ್ರಿಯಃ ಶ್ರುತೀ ।
ಘ್ರಾಣಂ ಪಾತು ಮಖತ್ರಾತಾ ಮುಖಂ ಸೌಮಿತ್ರಿವತ್ಸಲಃ ॥೧೧॥

ಜಿಹ್ವಾಂ ವಿಧಾನಿಧಿಃ ಪಾತು ಕಣ್ಠಂ ಭರತವಂದಿತಃ ।
ಸ್ಕಂಧೌ ದಿವ್ಯಾಯುಧಃ ಪಾತು ಭುಜೌ ಭಗ್ನೇಶಕಾರ್ಮುಕಃ ॥ ೧೨॥

ಕರೌ ಸೀತಾಪತಿಃ ಪಾತು ಹೃದಯಂ ಜಾಮದಗ್ನ್ಯಜಿತ್ ।
ಪಾರ್ಶ್ವೇ ರಘುವರಃ ಪಾತು ಕುಕ್ಷೀ ಇಕ್ಷ್ವಾಕುನಂದನಃ ॥ ೧೩ ॥ (ಜಾದಾ ಚರಣ)

ಮಧ್ಯಂ ಪಾತು ಖರಧ್ವಂಸೀ ನಾಭಿಂ ಜಾಮ್ಬವದಾಶ್ರಯಃ ।
ಸುಗ್ರೀವೇಶಃ ಕಟಿಂ ಪಾತು ಸಕ್ಥಿನೀ ಹನುಮತ್ಪ್ರಭುಃ ॥ ೧೪॥

ಉರೂ ರಘೂತ್ತಮಃ ಪಾತು ಗುಹ್ಯಂ ರಕ್ಷಃ ಕುಲಾನ್ತಕೃತ್ ।
ಜಾನುನೀ ಸೇತುಕೃತ್ ಪಾತು ಜಂಘೇ ದಶಮುಖಾನ್ತಕಃ ॥ ೧೫॥

ಪಾದೌ ಬಿಭೀಷಣಶ್ರೀದಃ ಪಾತು ರಾಮೋಽಖಿಲಂ ವಪುಃ ।
ಏತಾಂ ರಾಮಬಲೋಪೇತಾಂ ರಕ್ಷಾಂ ಯಃ ಸುಕೃತೀ ಪಠೇತ್॥

ಸ ಚಿರಾಯುಃ ಸುಖೀ ಪುತ್ರೀ ವಿಜಯೀ ವಿನಯೀ ಭವೇತ್ ॥ ೧೬॥

ಪಾತಾಲಭೂತಲವ್ಯೋಮ ಚಾರಿಣಶ್ಛದ್ಮಚಾರಿಣಃ ।
ನ ದ್ರಷ್ಟುಮಪಿ ಶಕ್ತಾಸ್ತೇ ರಕ್ಷಿತಂ ರಾಮನಾಮಭಿಃ ॥ ೧೭॥

ರಾಮೇತಿ ರಾಮಭದ್ರೇತಿ ರಾಮಚಂದ್ರೇತಿ ವಾ ಸ್ಮರನ್ ।
ನರೋ ನ ಲಿಪ್ಯತೇ ಪಾಪೈಉರ್ಭುಕ್ತಿಂ ಮುಕ್ತಿಂ ಚ ವಿನ್ದತಿ ॥ ೧೮॥

ಜಗಚ್ಚೈಕಮಂತ್ರೇಣ ರಾಮನಾಮ್ನಾಽಭಿರಕ್ಷಿತಮ್ ।
ಯಃ ಕಣ್ಠೇ ಧರಯೇತ್ತಸ್ಯ ಕರಸ್ಥಾಃ ಸರ್ವಸಿದ್ಧಯಃ ॥ ೧೯॥

ವಜ್ರಪಂಜರನಾಮೇದಂ ಯೋ ರಾಮಕವಚಂ ಪಠೇತ್ ।
ಅವ್ಯಾಹತಾಜ್ಞಃ ಸರ್ವತ್ರ ಲಭತೇ ಜಯಮಂಗಲಮ್ ॥ ೨೦॥

ಆದಿಷ್ಟವಾನ್ ಯಥಾ ಸ್ವಪ್ನೇ ರಾಮರಕ್ಷಾಮಿಮಾಂ ಹರಃ ।
ತಥಾ ಲಿಖಿತವಾನ್ ಪ್ರಾತಃ ಪ್ರಬುದ್ಧೋ ಬುಧಕೌಶಿಕಃ ॥ ೨೧॥

ರಾಮೋ ದಶರಥಿಃ ಶೂರೋ ಲಕ್ಷ್ಮಣಾಽನುಚರೋ ಬಲೀ॥

ಕಾಕುತ್ತ್ಸ್ಥಃ ಪುರುಷಃ ಪೂರ್ಣಃ ಕೌಸಲ್ಯಾನಂದವರ್ಧನಃ ॥ ೨೨॥

ವೇದಾಂತವೇಧೋ ಯಜ್ಞೇಶಃ ಪುರಾಣಪುರುಷೋತ್ತಮಃ ।
ಜಾನಕೀವಲ್ಲಭಃ ಶ್ರೀಮಾನಪ್ರಮೇಯ ಪರಾಕ್ರಮಃ ॥ ೨೩॥

ಇತ್ಯೇತಾನಿ ಜಪೇನ್ನಿತ್ಯಂ ಯದ್ಭಕ್ತಃ ಶ್ರದ್ಧಯಾನ್ವಿತಃ ।
ಅಶ್ವಮೇಧಧಿಕಂ ಪುಣ್ಯಂ ಲಭತೇ ನಾತ್ರಸಂಶಯಃ ॥ ೨೪॥

ಸನ್ನಧ್ಹಃ ಕವಚೀ ಖಡ್ಗೀ ಚಾಯಬಾಣಧರೋ ಯುವಾ ।
ಗಚ್ಛನ್ ಮನೋರಥೋಽಸ್ಮಾಕಂ ರಾಮಃ ಪಾತು ಸಲಕ್ಷ್ಮಣಃ ॥ ೨೫॥

ತರುಣೌ ರೂಪಸಮ್ಪನ್ನೌ ಸುಕುಮಾರೌ ಮಹಾಬಲೌ ।
ಪುಣ್ಡರೀಕವಿಶಾಲಾಕ್ಷೌ ಚೀರಕೃಷ್ಣಾಜಿನಾಮ್ಬರೌ ॥ ೨೬॥

ಫಲಮೂಲಾಶನೌ ದಾಂತೌ ತಾಪಸೌ ಬ್ರಹ್ಮಚಾರಿಣೌ ।
ಪುತ್ರೌ ದಶರಥಸ್ಯೈತೌ ಭ್ರತರೌ ರಾಮಲಕ್ಷ್ಮಣೌ ॥ ೨೭॥

ಧನ್ವಿನೌ ಬದ್ಧನಿಸ್ತ್ರಿಂಶೌ ಕಾಕಪಕ್ಷಧರೌ ಶ್ರುತೌ ।
ವರೌ ಮಾಂ ಪಥಿ ರಕ್ಷೇತಾಂ ತಾವುಬೌ ರಾಮಲಕ್ಷ್ಮಣೌ ॥ ೨೮॥

ಶರಣ್ಯೌ ಸರ್ವಸತ್ತ್ವಾನಾಂ ಶ್ರೇಷ್ಠೌ ಸರ್ವ ಧನುಷ್ಮತಾಮ್ ।
ರಕ್ಷಃ ಕುಲನಿಹನ್ತಾರೌ ತ್ರಾಯೇತಾಂ ನೋ ರಘೂತ್ತಮೌ ॥ ೨೯॥

ಆತ್ತಸಜ್ಜಧನುಷಾ ವಿಷುಸ್ಪೃಶಾ ವಕ್ಷಯಾಶುಗನಿಷಂಗ ಸಂಗಿನೌ ।
ರಕ್ಷಣಾಯ ಮಮ ರಾಮಲಕ್ಷ್ಮಣಾ ವಗ್ರತಃ ಪಥಿ ಸದೈವ ಗಚ್ಛತಾಮ್ ॥ ೩೦॥

ಆರಾಮಃ ಕಲ್ಪವೃಕ್ಷಾಣಾಂ ವಿರಾಮಃ ಸಕಲಪದಾಮ್ ।
ಅಭಿರಾಮಸ್ತ್ರಿಲೋಕಾನಂ ರಾಮಃ ಶ್ರೀಮಾನ್ಸ ನಃ ಪ್ರಭುಃ ॥ ೩೧॥

ರಾಮಾಯ ರಾಮಭದ್ರಾಯ ರಾಮಚಂದ್ರಾಯ ವೇಧಸೇ ।
ರಘುನಾಥಯ ನಾಥಾಯ ಸೀತಯಾಃ ಪತಯೇ ನಮಃ ॥ ೩೨॥

ಶ್ರೀ ರಾಮ ರಘುನಂದನ ರಾಮ ರಾಮ
ಶ್ರೀ ರಾಮ ಭರತಾಗ್ರಜ ರಾಮ ರಾಮ
ಶ್ರೀ ರಾಮ ರಣಕರ್ಕಶ ರಾಮ ರಾಮ
ಶ್ರೀ ರಾಮ ಶರಣಂ ಭವ ರಾಮ ರಾಮ ॥ ೩೩॥

ಲೋಕಾಭಿರಾಮಂ ರಣರಙ್ಗಧೀರಂ ರಾಜೀವನೇತ್ರಂ ರಘುವಂಶನಾಥಂ
ಕಾರುಣ್ಯರೂಪಂ ಕರುಣಾಕರಂ ತಂ ಶ್ರೀರಾಮಚಂದ್ರಂ ಶರಣಂ ಪ್ರಪದ್ಯೇ ॥ ೩೪॥

ದಕ್ಷಿಣೇ ಲಕ್ಷ್ಮಣೋ ಯಸ್ಯ ವಾಮೇ ತು ಜನಕಾತ್ಮಜಾ ।
ಪುರತೋ ಮಾರುತಿರ್ಯಸ್ಯ ತಂ ವಂದೇ ರಘುನನ್ದನಮ್ ॥ ೩೫

ಗೋಷ್ಪದೀಕೃತವಾರೀಶಂ ಮಶಕೀಕೃರರಾಕ್ಷಸಮ್ ।
ರಾಮಾಯಣಮಹಾಮಾಲಾ ರತ್ನಂ ವನ್ದೇಽನಿಲಾತ್ಮಜಮ್ ॥ ೩೬॥

ಅಘೌಧ ತಿಷ್ಠ ದೂರೇ ತ್ವಂ ರೋಗಾಸ್ತಿಷ್ಠಂತು ದೂರತಃ ।
ವರೀವರ್ತೀ ಸದಾಽಸ್ಮಾಕಂ ಹೃದಿ ರಮೋ ಧನುರ್ಧರಃ ॥ ೩೭॥

ಮನೋಜವಂ ಮಾರುತತುಲ್ಯವೇಗಂ ಜಿತೇನ್ದ್ರಿಯಂ ಬುದ್ಧಿಮತಾಂ ವರಿಷ್ಠಮ್ ।
ವಾತಾತ್ಮಜಂ ವಾನರಯೂತಮುಖ್ಯಂ ಶ್ರೀರಾಮದೂತಂ ಶರಣಂ ಪ್ರಪದ್ಯೇ ॥ ೩೮॥

ರಾಮ ರಾಮ ತವ ಪಾದ ಪಂಕಜಂ ಚಿನ್ತಯಾಮಿ ಭವಬಂಧಮುಕ್ತಯೇ ।
ವಂದಿತಂ ಸುರನರೇಂದ್ರಮೌಲಿಭಿರ್ಧ್ಯಾಯಿತಂ ಮನಸಿ ಯೋಗಿಭಿಃ ಸದಾ ॥ ೩೭॥

ರಾಮಂ ಲಕ್ಷಮಣಪೂರ್ವಜಂ ರಘುವರಂ ಸೀತಾಪತಿಂ ಸುಂದರಮ್ ।
ಕಾಕುತ್ಸ್ಯಂ ಕರುಣಾರ್ಣವಂ ಗುಣನಿಧಿಂ ವಿಪ್ರಪ್ರಿಯಂ ಧರ್ರ್ಮಿಕಮ್ ।
ರಾಜೇನ್ದ್ರಂ ಸತ್ಯಸಂಧಂ ದಶರಥನಯಂ ಶಾಮಲಂ ಶಾನ್ತಿಮೂರ್ತಿಮ್ ।
ವಂದೇ ಲೋಕಾಭಿರಾಮಂ ರಘುಕುಲತಿಲಕಂ ರಾಘವಂ ರಾವಣಾರಿಮ್ ॥ ೪೦॥

ಏತಾನಿ ರಾಮನಾಮಾನೀ ಪ್ರಾತರುತ್ಥಾಯ ಯಃ ಪಠೇತ್ ।
ಅಪುತ್ರೋ ಲಭತೇ ಪುತ್ರಂ ಧನಾರ್ಥೀ ಲಭತೇ ಧನಮ್ ॥ ೪೧॥

ಮಾತಾ ರಾಮೋ ಮತ್ಪಿತಾ ರಾಮಚಂದ್ರಃ ಸ್ವಾಮೀ ರಾಮೋ ಮತ್ಸಖಾ ರಾಮಚಂದ್ರಃ ।
ಸರ್ವಸ್ವಂ ಮೇ ರಾಮಚಂದ್ರೋ ದಯಾಲುರ್ನಾನ್ಯಂ ಜಾನೇ ನೈವ ಜಾನೇ ನ ಜಾನೇ ॥ ೪೨॥

ಶ್ರೀರಾಮನಾಮಾಮೃತ ಮಂತ್ರಬೀಜ ಸಂಜೀವನೀ ಚೇನ್ಮನಸಿ ಪ್ರವಿಷ್ಟಾ ।
ಹಾಲಾಹಲಂ ವಾ ಪ್ರಲಯಾನಲಂ ವಾ ಮೃತ್ಯೋರ್ಮುಖಂ ವಾ ವಿಶತಾಂ ಕುತೋ ಭೀಃ ॥ ೪೩॥

ಶ್ರೀಶಬ್ದಪೂರ್ವಂ ಜಯಶಬ್ದಮಧ್ಯಂ ಜಯದ್ವಯನಾಪಿ ಪುನಃ ಪ್ರಯುಕ್ತಮ್ ।
ತ್ರಿಃಸಪ್ತಕೃತ್ವೋ ರಘುನಾಥ ನಾಮ ಜಪಾನ್ನಿಹನ್ಯಾ ದ್ವಿಜಕೋಟಿಹಾಯಾಃ ॥ ೪೪॥

ಏವಂ ಗಿರೀನ್ದ್ರಜೇ ಪ್ರೋಕ್ತಾ ರಾಮರಕ್ಷಾ ಮಯಾ ತವ ।
ಮಯೋಪದಿಷ್ಟಾ ಯಾ ಸ್ವಪ್ನೇ ವಿಶ್ವಾಮಿತ್ರಾಯ ವೈ ಪುರಾ ॥ ೪೫॥

ರಾಮದಾಸ ಉವಾಚ
ಏವಂ ಶಿವೇನೋಪದಿಷ್ಟಂ ಶ್ರುತ್ವಾ ದೇವೀ ಗಿರೀನ್ದ್ರಜಾ ।
ರಾಮರಕ್ಷಾಂ ಪಠಿತ್ವಾ ಸಾ ಸ್ಕಂದಂ ಸಮಭಿಮಂತ್ರಯತ್ ॥ ೪೬॥

ತಸ್ಯಾಸ್ತೇಜೋಬಲೇನೈವ ಜಘಾನ ತಾರಕಾಸುರಮ್ ।
ಷಡಾನನಃ ಕ್ಷಣದೇವ ಕೃತಕೃತ್ಯೋಽಭವತ್ ಪುರಾ ॥ ೪೭॥

ಸೈವೇಯಂ ರಾಮರಕ್ಷಾಸ್ತೇ ಮಯಾಖ್ಯಾತಾಽತಿಪುಣ್ಯದಾ ।
ಯಸ್ಯಾಃ ಶ್ರವಣಮತ್ರೇಣ ಕಸ್ಯಾಪಿ ನ ಭಯಂ ಭವೇತ್ ॥ ೪೮॥

ವಾಲ್ಮಿಕೀನಾಽನಯಾಪೂರ್ವಂ ಕುಶಾಯಹ್ಯಭಿಶೇಚನಮ್ ।
ಕೃತಂ ಬಾಲಗ್ರಹಾಣಾಂ ಚ ಶಾಂತ್ಯರ್ಥಂ ಸಾ ಮಯೋದಿತಾ ॥ ೪೯॥

ಬಾಲಾನಾಂ ಗ್ರಹಶಾಂತ್ಯರ್ಥಂ ಜಪನೀಯಾ ನಿರಂತರಮ್ ।
ರಾಮರಕ್ಷಾ ಮಹಾಶ್ರೇಷ್ಠಾ ಮಹಾಘೌಘ ನಿವಾರಿಣೀ ॥ ೫೦॥

ನಾಸ್ಯಾಃ ಪರತರಂ ಸ್ತೋತ್ರಂ ನಾಸ್ಯಾಃ ಪರತರೋ ಜಪಃ ।
ನಾಸ್ಯಾಃ ಪರತರಂ ಕಿಂಚಿತ್ಸತ್ಯಂ ಸತ್ಯಂ ವದಾಮ್ಯಹಮ್ ॥ ೫೧॥

॥ ಇತಿ ಶ್ರೀ ಶತಕೋಟಿ ರಾಮಚರಿತಾಂತರ್ಗತ ಶ್ರೀಮದಾನನ್ದರಾಮಾಯಣೇ

ವಾಲ್ಮೀಕೀಯೇ ಜನ್ಮಕಾಣ್ಡೇ ರಾಮರಕ್ಷಾಕಥನಂ ನಾಮ ಪಞ್ಚಮಃ ಸರ್ಗಃ ॥

( ಸಂದರ್ಭ : ಆನಂದ ರಾಮಾಯಣ - ( ಜನ್ಮಕಾಣ್ಡ - ೫ ವಾ ಸರ್ಗ )
ಭಟಿಯಾ ಶಾಲೀಯ ಠಕ್ಕರ ಗೋವರ್ಧನದಾಸ ಲಕ್ಷ್ಮೀದಾಸ
ಯಾಂನೀ ಮುಂಬ_ಈ ಯೇಥೇ ಜಗದೀಶ್ವರ ಛಾಪಖಾನ್ಯಾತ
ಲೋಕಹಿತಾರ್ಥ ಛಾಪವೂನ ಪ್ರಸಿದ್ಧ ಕೇಲಾ
ಶಕೇ ೧೮೦೮ ಸನ್ ೧೮೮೭
ಛಾಪೀಲ ಪೋಥೀ : ಗ್ರಂಥಾಲಯ ಗ್ರಂಥ ಕ್ರ ೧೦೩ / ೧೪೫ )
ಇ. ಸ. ೧೫ ವೇ ಶತಕ


Encoded by Rajagopal Iyer rajsand@yahoo.com
Available from Institude For Oriental Study, Thane
http://www.orientalthane.com/

Please send corrections to sanskrit@cheerful.com
Last updated ತ್oday
http://sanskritdocuments.org

Rama Raksha Stotram ( From Ananda Ramayana ) Lyrics in Kannada PDF
% File name : completerraksha.itx
% Category : raksha
% Location : doc\_raama
% Author : budhakauShika
% Language : Sanskrit
% Subject : philosophy/hinduism/religion
% Transliterated by : Rajagopal Iyer rajsand at yahoo.com available at Institude For Oriental Study, Thane http://www.orientalthane.com/
% Source : AnandarAmAyaNe pa.nchamaH sargaH
% Latest update : October 30, 2002
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website