ಶ್ರೀರಾಮಸ್ತವರಾಜಃ ಸನತ್ಕುಮಾರಸಂಹಿತಾಯಾಮ್
{॥ ಶ್ರೀರಾಮಸ್ತವರಾಜಃ ಸನತ್ಕುಮಾರಸಂಹಿತಾಯಾಮ್ ॥}
ಅಸ್ಯ ಶ್ರೀರಾಮಚನ್ದ್ರಸ್ತವರಾಜಸ್ತೋತ್ರಮನ್ತ್ರಸ್ಯ ಸನತ್ಕುಮಾರಋಷಿಃ ।
ಶ್ರೀರಾಮೋ ದೇವತಾ । ಅನುಷ್ಟುಪ್ ಛನ್ದಃ । ಸೀತಾ ಬೀಜಮ್ । ಹನುಮಾನ್ ಶಕ್ತಿಃ ।
ಶ್ರೀರಾಮಪ್ರೀತ್ಯರ್ಥೇ ಜಪೇ ವಿನಿಯೋಗಃ ॥
ಸೂತ ಉವಾಚ ।
ಸರ್ವಶಾಸ್ತ್ರಾರ್ಥತ್ತ್ವಜ್ಞಂ ವ್ಯಾಸಂ ಸತ್ಯವತೀಸುತಮ್ ।
ಧರ್ಮಪುತ್ರಃ ಪ್ರಹೃಷ್ಟಾತ್ಮಾ ಪ್ರತ್ಯುವಾಚ ಮುನೀಶ್ವರಮ್ ॥ ೧॥
ಯುಧಿಷ್ಠಿರ ಉವಾಚ ।
ಭಗವನ್ಯೋಗಿನಾಂ ಶ್ರೇಷ್ಠ ಸರ್ವಶಾಸ್ತ್ರವಿಶಾರದ ।
ಕಿಂ ತತ್ತ್ವಂ ಕಿಂ ಪರಂ ಜಾಪ್ಯಂ ಕಿಂ ಧ್ಯಾನಂ ಮುಕ್ತಿಸಾಧನಮ್ ॥ ೨॥
ಶ್ರೋತುಮಿಚ್ಛಾಮಿ ತತ್ಸರ್ವಂ ಬ್ರೂಹಿ ಮೇ ಮುನಿಸತ್ತಮ ।
ವೇದವ್ಯಾಸ ಉವಾಚ ।
ಧರ್ಮರಾಜ ಮಹಾಭಾಗ ಶೃಣು ವಕ್ಷ್ಯಾಮಿ ತತ್ತ್ವತಃ ॥ ೩॥
ಯತ್ಪರಂ ಯದ್ಗುಣಾತೀತಂ ಯಜ್ಜ್ಯೋತಿರಮಲಂ ಶಿವಮ್ ।
ತದೇವ ಪರಮಂ ತತ್ತ್ವಂ ಕೈವಲ್ಯಪದಕಾರಣಮ್ ॥ ೪॥
ಶ್ರೀರಾಮೇತಿ ಪರಂ ಜಾಪ್ಯಂ ತಾರಕಂ ಬ್ರಹ್ಮಸಞ್ಜ್ಞಕಮ್ ।
ಬ್ರಹ್ಮಹತ್ಯಾದಿಪಾಪಘ್ನಮಿತಿ ವೇದವಿದೋ ವಿದುಃ ॥ ೫॥
ಶ್ರೀರಾಮ ರಾಮೇತಿ ಜನಾ ಯೇ ಜಪನ್ತಿ ಚ ಸರ್ವದಾ ।
ತೇಷಾಂ ಭುಕ್ತಿಶ್ಚ ಮುಕ್ತಿಶ್ಚ ಭವಿಷ್ಯತಿ ನ ಸಂಶಯಃ ॥ ೬॥
ಸ್ತವರಾಜಂ ಪುರಾ ಪ್ರೋಕ್ತಂ ನಾರದೇನ ಚ ಧೀಮತಾ ।
ತತ್ಸರ್ವಂ ಸಮ್ಪ್ರವಕ್ಷ್ಯಾಮಿ ಹರಿಧ್ಯಾನಪುರಃಸರಮ್ ॥ ೭॥
ತಾಪತ್ರಯಾಗ್ನಿಶಮನಂ ಸರ್ವಾಘೌಘನಿಕೃನ್ತನಮ್ ।
ದಾರಿದ್ರ್ಯದುಃಖಶಮನಂ ಸರ್ವಸಮ್ಪತ್ಕರಂ ಶಿವಮ್ ॥ ೮॥
ವಿಜ್ಞಾನಫಲದಂ ದಿವ್ಯಂ ಮೋಕ್ಷೈಕಫಲಸಾಧನಮ್ ।
ನಮಸ್ಕೃತ್ಯ ಪ್ರವಕ್ಷ್ಯಾಮಿ ರಾಮಂ ಕೃಷ್ಣಂ ಜಗನ್ಮಯಮ್ ॥ ೯॥
ಅಯೋಧ್ಯಾನಗರೇ ರಮ್ಯೇ ರತ್ನಮಣ್ಡಪಮಧ್ಯಗೇ ।
ಸ್ಮರೇತ್ಕಲ್ಪತರೋರ್ಮೂಲೇ ರತ್ನಸಿಂಹಾಸನಂ ಶುಭಮ್ ॥ ೧೦॥
ತನ್ಮಧ್ಯೇಽಷ್ಟದಲಂ ಪದ್ಮಂ ನಾನಾರತ್ನೈಶ್ಚ ವೇಷ್ಟಿತಮ್ ।
ಸ್ಮರೇನ್ಮಧ್ಯೇ ದಾಶರಥಿಂ ಸಹಸ್ರಾದಿತ್ಯತೇಜಸಮ್ ॥ ೧೧॥
ಪಿತುರಙ್ಕಗತಂ ರಾಮಮಿನ್ದ್ರನೀಲಮಣಿಪ್ರಭಮ್ ।
ಕೋಮಲಾಙ್ಗಂ ವಿಶಾಲಾಕ್ಷಂ ವಿದ್ಯುದ್ವರ್ಣಾಮ್ಬರಾವೃತಮ್ ॥ ೧೨॥
ಭಾನುಕೋಟಿಪ್ರತೀಕಾಶಂ ಕಿರೀಟೇನ ವಿರಾಜಿತಮ್ ।
ರತ್ನಗ್ರೈವೇಯಕೇಯೂರರತ್ನಕುಣ್ಡಲಮಣ್ಡಿತಮ್ ॥ ೧೩॥
ರತ್ನಕಙ್ಕಣಮಞ್ಜೀರಕಟಿಸೂತ್ರೈರಲಙ್ಕೃತಮ್ ।
ಶ್ರೀವತ್ಸಕೌಸ್ತುಭೋರಸ್ಕಂ ಮುಕ್ತಾಹಾರೋಪಶೋಭಿತಮ್ ॥ ೧೪॥
ದಿವ್ಯರತ್ನಸಮಾಯುಕ್ತಮುದ್ರಿಕಾಭಿಲಙ್ಕೃತಮ್ ।
ರಾಘವಂ ದ್ವಿಭುಜಂ ಬಾಲಂ ರಾಮಮೀಷತ್ಸ್ಮಿತಾನನಮ್ ॥ ೧೫॥
ತುಲಸೀಕುನ್ದಮನ್ದಾರಪುಷ್ಪಮಾಲ್ಯೈರಲಙ್ಕೃತಮ್ ।
ಕರ್ಪೂರಾಗರುಕಸ್ತೂರೀದಿವ್ಯಗನ್ಧಾನುಲೇಪನಮ್ ॥ ೧೬॥
ಯೋಗಶಾಸ್ತ್ರೇಷ್ವಭಿರತಂ ಯೋಗೇಶಂ ಯೋಗದಾಯಕಮ್ ।
ಸದಾ ಭರತಸೌಮಿತ್ರಿಶತ್ರುಘ್ನೈರುಪಶೋಭಿತಮ್ ॥ ೧೭॥
ವಿದ್ಯಾಧರಸುರಾಧೀಶಸಿದ್ಧಗನ್ಧರ್ವಕಿನ್ನರೈಃ ।
ಯೋಗೀನ್ದ್ರೈರ್ನಾರದಾದ್ಯೈಶ್ಚ ಸ್ತೂಯಮಾನಮಹರ್ನಿಶಮ್ ॥ ೧೮॥
ವಿಶ್ವಾಮಿತ್ರವಸಿಷ್ಠಾದಿಮುನಿಭಿಃ ಪರಿಸೇವಿತಮ್ ।
ಸನಕಾದಿಮುನಿಶ್ರೇಷ್ಠೈರ್ಯೋಗಿವೃನ್ದೈಶ್ಚ ಸೇವಿತಮ್ ॥ ೧೯॥
ರಾಮಂ ರಘುವರಂ ವೀರಂ ಧನುರ್ವೇದವಿಶಾರದಮ್ ।
ಮಙ್ಗಲಾಯತನಂ ದೇವಂ ರಾಮಂ ರಾಜೀವಲೋಚನಮ್ ॥ ೨೦॥
ಸರ್ವಶಾಸ್ತ್ರಾರ್ಥತತ್ತ್ವಜ್ಞಮಾನನ್ದಕರಸುನ್ದರಮ್ ।
ಕೌಸಲ್ಯಾನನ್ದನಂ ರಾಮಂ ಧನುರ್ಬಾಣಧರಂ ಹರಿಮ್ ॥ ೨೧॥
ಏವಂ ಸಞ್ಚಿನ್ತಯನ್ವಿಷ್ಣುಂ ಯಜ್ಜ್ಯೋತಿರಮಲಂ ವಿಭುಮ್ ।
ಪ್ರಹೃಷ್ಟಮಾನಸೋ ಭೂತ್ವಾ ಮುನಿವರ್ಯಃ ಸ ನಾರದಃ ॥ ೨೨॥
ಸರ್ವಲೋಕಹಿತಾರ್ಥಾಯ ತುಷ್ಟಾವ ರಘುನನ್ದನಮ್ ।
ಕೃತಾಞ್ಜಲಿಪುಟೋ ಭೂತ್ವಾ ಚಿನ್ತಯನ್ನದ್ಭುತಂ ಹರಿಮ್ ॥ ೨೩॥
ಯದೇಕಂ ಯತ್ಪರಂ ನಿತ್ಯಂ ಯದನನ್ತಂ ಚಿದಾತ್ಮಕಮ್ ।
ಯದೇಕಂ ವ್ಯಾಪಕಂ ಲೋಕೇ ತದ್ರೂಪಂ ಚಿನ್ತಯಾಮ್ಯಹಮ್ ॥ ೨೪॥
ವಿಜ್ಞಾನಹೇತುಂ ವಿಮಲಾಯತಾಕ್ಷಂ ಪ್ರಜ್ಞಾನರೂಪಂ ಸ್ವಸುಖೈಕಹೇತುಮ್ ।
ಶ್ರೀರಾಮಚನ್ದ್ರಂ ಹರಿಮಾದಿದೇವಂ ಪರಾತ್ಪರಂ ರಾಮಮಹಂ ಭಜಾಮಿ ॥ ೨೫॥
ಕವಿಂ ಪುರಾಣಂ ಪುರುಷಂ ಪುರಸ್ತಾತ್ಸನಾತನಂ ಯೋಗಿನಮೀಶಿತಾರಮ್ ।
ಅಣೋರಣೀಯಾಂಸಮನನ್ತವೀರ್ಯಂ ಪ್ರಾಣೇಶ್ವರಂ ರಾಮಮಸೌದದರ್ಶ ॥ ೨೬॥
ನಾರದ ಉವಾಚ ।
ನಾರಾಯಣಂ ಜಗನ್ನಾಥಮಭಿರಾಮಂ ಜಗತ್ಪತಿಮ್ ।
ಕವಿಂ ಪುರಾಣಂ ವಾಗೀಶಂ ರಾಮಂ ದಶರಥಾತ್ಮಜಮ್ ॥ ೨೭॥
ರಾಜರಾಜಂ ರಘುವರಂ ಕೌಸಲ್ಯಾನನ್ದವರ್ಧನಮ್ ।
ಭರ್ಗಂ ವರೇಣ್ಯಂ ವಿಶ್ವೇಶಂ ರಘುನಾಥಂ ಜಗದ್ಗುರುಮ್ ॥ ೨೮॥
ಸತ್ಯಂ ಸತ್ಯಪ್ರಿಯಂ ಶ್ರೇಷ್ಠಂ ಜಾನಕೀವಲ್ಲಭಂ ವಿಭುಮ್ ।
ಸೌಮಿತ್ರಿಪೂರ್ವಜಂ ಶಾನ್ತಂ ಕಾಮದಂ ಕಮಲೇಕ್ಷಣಮ್ ॥ ೨೯॥
ಆದಿತ್ಯಂ ರವಿಮೀಶಾನಂ ಘೃಣಿಂ ಸೂರ್ಯಮನಾಮಯಮ್ ।
ಆನನ್ದರೂಪಿಣಂ ಸೌಮ್ಯಂ ರಾಘವಂ ಕರುಣಾಮಯಮ್ ॥ ೩೦॥
ಜಾಮದಗ್ನ್ಯಂ ತಪೋಮೂರ್ತಿಂ ರಾಮಂ ಪರಶುಧಾರಿಣಮ್ ।
ವಾಕ್ಪತಿಂ ವರದಂ ವಾಚ್ಯಂ ಶ್ರೀಪತಿಂ ಪಕ್ಷಿವಾಹನಮ್ ॥ ೩೧॥
ಶ್ರೀಶಾರ್ಗಧಾರಿಣಂ ರಾಮಂ ಚಿನ್ಮಯಾನನ್ದವಿಗ್ರಹಮ್ ।
ಹಲಧೃಗ್ವಿಷ್ಣುಮೀಶಾನಂ ಬಲರಾಮಂ ಕೃಪಾನಿಧಿಮ್ ॥ ೩೨॥
ಶ್ರೀವಲ್ಲಭಂ ಕೃಪಾನಾಥಂ ಜಗನ್ಮೋಹನಮಚ್ಯುತಮ್ ।
ಮತ್ಸ್ಯಕೂರ್ಮವರಾಹಾದಿರೂಪಧಾರಿಣಮವ್ಯಯಮ್ ॥ ೩೩॥
ವಾಸುದೇವಂ ಜಗದ್ಯೋನಿಮನಾದಿನಿಧನಂ ಹರಿಮ್ ।
ಗೋವಿನ್ದಂ ಗೋಪತಿಂ ವಿಷ್ಣುಂ ಗೋಪೀಜನಮನೋಹರಮ್ ॥ ೩೪॥
ಗೋಗೋಪಾಲಪರೀವಾರಂ ಗೋಪಕನ್ಯಾಸಮಾವೃತಮ್ ।
ವಿದ್ಯುತ್ಪುಞ್ಜಪ್ರತೀಕಾಶಂ ರಾಮಂ ಕೃಷ್ಣಂ ಜಗನ್ಮಯಮ್ ॥ ೩೫॥
ಗೋಗೋಪಿಕಾಸಮಾಕೀರ್ಣಂ ವೇಣುವಾದನತತ್ಪರಮ್ ।
ಕಾಮರೂಪಂ ಕಲಾವನ್ತಂ ಕಾಮಿನೀಕಾಮದಂ ವಿಭುಮ್ ॥ ೩೬॥
ಮನ್ಮಥಂ ಮಥುರಾನಾಥಂ ಮಾಧವಂ ಮಕರಧ್ವಜಮ್ ।
ಶ್ರೀಧರಂ ಶ್ರೀಕರಂ ಶ್ರೀಶಂ ಶ್ರೀನಿವಾಸಂ ಪರಾತ್ಪರಮ್ ॥ ೩೭॥
ಭೂತೇಶಂ ಭೂಪತಿಂ ಭದ್ರಂ ವಿಭೂತಿಂ ಭೂತಿಭೂಷಣಮ್ ।
ಸರ್ವದುಃಖಹರಂ ವೀರಂ ದುಷ್ಟದಾನವವೈರಿಣಮ್ ॥ ೩೮॥
ಶ್ರೀನೃಸಿಂಹಂ ಮಹಾಬಾಹುಂ ಮಹಾನ್ತಂ ದೀಪ್ತತೇಜಸಮ್ ।
ಚಿದಾನನ್ದಮಯಂ ನಿತ್ಯಂ ಪ್ರಣವಂ ಜ್ಯೋತಿರೂಪಿಣಮ್ ॥ ೩೯॥
ಆದಿತ್ಯಮಣ್ಡಲಗತಂ ನಿಶ್ಚಿತಾರ್ಥಸ್ವರೂಪಿಣಮ್ ।
ಭಕ್ತಪ್ರಿಯಂ ಪದ್ಮನೇತ್ರಂ ಭಕ್ತಾನಾಮೀಪ್ಸಿತಪ್ರದಮ್ ॥ ೪೦॥
ಕೌಸಲ್ಯೇಯಂ ಕಲಾಮೂರ್ತಿಂ ಕಾಕುತ್ಸ್ಥಂ ಕಮಲಾಪ್ರಿಯಮ್ ।
ಸಿಂಹಾಸನೇ ಸಮಾಸೀನಂ ನಿತ್ಯವ್ರತಮಕಲ್ಮಷಮ್ ॥ ೪೧॥
ವಿಶ್ವಾಮಿತ್ರಪ್ರಿಯಂ ದಾನ್ತಂ ಸ್ವದಾರನಿಯತವ್ರತಮ್ ।
ಯಜ್ಞೇಶಂ ಯಜ್ಞಪುರುಷಂ ಯಜ್ಞಪಾಲನತತ್ಪರಮ್ ॥ ೪೨॥
ಸತ್ಯಸನ್ಧಂ ಜಿತಕ್ರೋಧಂ ಶರಣಾಗತವತ್ಸಲಮ್ ।
ಸರ್ವಕ್ಲೇಶಾಪಹರಣಂ ವಿಭೀಷಣವರಪ್ರದಮ್ ॥ ೪೩॥
ದಶಗ್ರೀವಹರಂ ರೌದ್ರಂ ಕೇಶವಂ ಕೇಶಿಮರ್ದನಮ್ ।
ವಾಲಿಪ್ರಮಥನಂ ವೀರಂ ಸುಗ್ರೀವೇಪ್ಸಿತರಾಜ್ಯದಮ್ ॥ ೪೪॥
ನರವಾನರದೇವೈಶ್ಚಸೇವಿತಂ ಹನುಮತ್ಪ್ರಿಯಮ್ ।
ಶುದ್ಧಂ ಸೂಕ್ಷ್ಮಂ ಪರಂ ಶಾನ್ತಂ ತಾರಕಾಬ್ರಹ್ಮರೂಪಿಣಮ್ ॥ ೪೫॥
ಸರ್ವಭೂತಾತ್ಮಭೂತಸ್ಥಂ ಸರ್ವಾಧಾರಂ ಸನಾತನಮ್ ।
ಸರ್ವಕಾರಣಕರ್ತಾರಂ ನಿದಾನಂ ಪ್ರಕೃತೇಃ ಪರಮ್ ॥ ೪೬॥
ನಿರಾಮಯಂ ನಿರಾಭಾಸಂ ನಿರವಧ್ಯಂ ನಿರಞ್ಜನಮ್ ।
ನಿತ್ಯಾನನ್ದಂ ನಿರಾಕಾರಮದ್ವೈತಂ ತಮಸಃ ಪರಮ್ ॥ ೪೭॥
ಪರಾತ್ಪರತರಂ ತತ್ತ್ವಂ ಸತ್ಯಾನನ್ದಂ ಚಿದಾತ್ಮಕಮ್ ।
ಮನಸಾ ಶಿರಸಾ ನಿತ್ಯಂ ಪ್ರಣಮಾಮಿ ರಘೂತ್ತಮಮ್ ॥ ೪೮॥
ಸೂರ್ಯಮಣ್ಡಲಮಧ್ಯಸ್ಥಂ ರಾಮಂ ಸೀತಾಸಮನ್ವಿತಮ್ ।
ನಮಾಮಿ ಪುಣ್ಡರೀಕಾಕ್ಷಮಮೇಯಂ ಗುರುತತ್ಪರಮ್ ॥ ೪೯॥
ನಮೋಽಸ್ತು ವಾಸುದೇವಾಯ ಜ್ಯೋತಿಷಾಂ ಪತಯೇ ನಮಃ ।
ನಮೋಽಸ್ತು ರಾಮದೇವಾಯ ಜಗದಾನನ್ದರೂಪಿಣೇ ॥ ೫೦॥
ನಮೋ ವೇದಾನ್ತನಿಷ್ಠಾಯ ಯೋಗಿನೇ ಬ್ರಹ್ಮವಾದಿನೇ ।
ಮಾಯಾಮಯನಿರಾಸಾಯ ಪ್ರಪನ್ನಜನಸೇವಿನೇ ॥ ೫೧॥
ವನ್ದಾಮಹೇ ಮಹೇಶಾನಚಣ್ಡಕೋದಣ್ಡಖಣ್ಡನಮ್ ।
ಜಾನಕೀಹೃದಯಾನನ್ದವರ್ಧನಂ ರಘುನನ್ದನಮ್ ॥ ೫೨॥
ಉತ್ಫುಲ್ಲಾಮಲಕೋಮಲೋತ್ಪಲದಲಶ್ಯಾಮಾಯ ರಾಮಾಯ ತೇ
ಕಾಮಾಯ ಪ್ರಮದಾಮನೋಹರಗುಣಗ್ರಾಮಾಯ ರಾಮಾತ್ಮನೇ ।
ಯೋಗಾರೂಢಮುನೀನ್ದ್ರಮಾನಸಸರೋಹಂಸಾಯ ಸಂಸಾರವಿಧ್ವಂಸಾಯ
ಸ್ಫುರದೋಜಸೇ ರಘುಕುಲೋತ್ತಂಸಾಯ ಪುಂಸೇ ನಮಃ ॥ ೫೩॥
ಭವೋದ್ಭವಂ ವೇದವಿದಾಂ ವರಿಷ್ಠಮಾದಿತ್ಯಚನ್ದ್ರಾನಲಸುಪ್ರಭಾವಮ್ ।
ಸರ್ವಾತ್ಮಕಂ ಸರ್ವಗತಸ್ವರೂಪಂ ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೫೪॥
ನಿರಞ್ಜನಂ ನಿಃಷ್ಪ್ರತಿಮಂ ನಿರೀಹಂ ನಿರಾಶ್ರಯಂ ನಿಷ್ಕಲಮಪ್ರಪಞ್ಚಮ್ ।
ನಿತ್ಯಂ ಧ್ರುವಂ ನಿರ್ವಿಷಯಸ್ವರೂಪಂ ನಿರನ್ತರಂ ರಾಮಮಹಂ ಭಜಾಮಿ ॥ ೫೫॥
ಭವಾಬ್ಧಿಪೋತಂ ಭರತಾಗ್ರಜಂ ತಂ ಭಕ್ತಪ್ರಿಯಂ ಭಾನುಕುಲಪ್ರದೀಪಮ್ ।
ಭೂತತ್ರಿನಾಥಂ ಭುವನಾಧಿಪಂ ತಂ ಭಜಾಮಿ ರಾಮಂ ಭವರೋಗವೈದ್ಯಮ್ ॥ ೫೬॥
ಸರ್ವಾಧಿಪತ್ಯಂ ಸಮರಾಙ್ಗಧೀರಂ ಸತ್ಯಂ ಚಿದಾನನ್ದಮಯಸ್ವರೂಪಮ್ ।
ಸತ್ಯಂ ಶಿವಂ ಶಾನ್ತಿಮಯಂ ಶರಣ್ಯಂ ಸನಾತನಂ ರಾಮಮಹಂ ಭಜಾಮಿ ॥ ೫೭॥
ಕಾರ್ಯಕ್ರಿಯಾಕಾರಣಮಪ್ರಮೇಯಂ ಕವಿಂ ಪುರಾಣಂ ಕಮಲಾಯತಾಕ್ಷಮ್ ।
ಕುಮಾರವೇದ್ಯಂ ಕರುಣಾಮಯಂ ತಂ ಕಲ್ಪದ್ರುಮಂ ರಾಮಮಹಂ ಭಜಾಮಿ ॥ ೫೮॥
ತ್ರೈಲೋಕ್ಯನಾಥಂ ಸರಸೀರುಹಾಕ್ಷಂ ದಯಾನಿಧಿಂ ದ್ವನ್ದ್ವವಿನಾಶಹೇತುಮ್ ।
ಮಹಾಬಲಂ ವೇದವಿಧಿಂ ಸುರೇಶಂ ಸನಾತನಂ ರಾಮಮಹಂ ಭಜಾಮಿ ॥ ೫೯॥
ವೇದಾನ್ತವೇದ್ಯಂ ಕವಿಮೀಶಿತಾರಮನಾದಿಮಧ್ಯಾನ್ತಮಚಿನ್ತ್ಯಮಾದ್ಯಮ್ ।
ಅಗೋಚರಂ ನಿರ್ಮಲಮೇಕರೂಪಂ ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೬೦॥
ಅಶೇಷವೇದಾತ್ಮಕಮಾದಿಸಞ್ಜ್ಞಮಜಂ ಹರಿಂ ವಿಷ್ಣುಮನನ್ತಮಾದ್ಯಮ್ ।
ಅಪಾರಸಂವಿತ್ಸುಖಮೇಕರೂಪಂ ಪರಾತ್ಪರಂ ರಾಮಮಹಂ ಭಜಾಮಿ ॥ ೬೧॥
ತತ್ತ್ವಸ್ವರೂಪಂ ಪುರುಷಂ ಪುರಾಣಂ ಸ್ವತೇಜಸಾ ಪೂರಿತವಿಶ್ವಮೇಕಮ್ ।
ರಾಜಾಧಿರಾಜಂ ರವಿಮಣ್ಡಲಸ್ಥಂ ವಿಶ್ವೇಶ್ವರಂ ರಾಮಮಹಂ ಭಜಾಮಿ ॥ ೬೨॥
ಲೋಕಾಭಿರಾಮಂ ರಘುವಂಶನಾಥಂ ಹರಿಂ ಚಿದಾನನ್ದಮಯಂ ಮುಕುನ್ದಮ್ ।
ಅಶೇಷವಿದ್ಯಾಧಿಪತಿಂ ಕವೀನ್ದ್ರಂ ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೬೩॥
ಯೋಗೀನ್ದ್ರಸಙ್ಘೈಶ್ಚ ಸುಸೇವ್ಯಮಾನಂ ನಾರಾಯಣಂ ನಿರ್ಮಲಮಾದಿದೇವಮ್ ।
ನತೋಽಸ್ಮಿ ನಿತ್ಯಂ ಜಗದೇಕನಾಥಮಾದಿತ್ಯವರ್ಣಂ ತಮಸಃ ಪರಸ್ತಾತ್ ॥ ೬೪॥
ವಿಭೂತಿದಂ ವಿಶ್ವಸೃಜಂ ವಿರಾಮಂ ರಾಜೇನ್ದ್ರಮೀಶಂ ರಘುವಂಶನಾಥಮ್ ।
ಅಚಿನ್ತ್ಯಮವ್ಯಕ್ತಮನನ್ತಮೂರ್ತಿಂ ಜ್ಯೋತಿರ್ಮಯಂ ರಾಮಮಹಂ ಭಜಾಮಿ ॥ ೬೫॥
ಅಶೇಷಸಂಸಾರವಿಹಾರಹೀನಮಾದಿತ್ಯಗಂ ಪೂರ್ಣಸುಖಾಭಿರಾಮಮ್ ।
ಸಮಸ್ತಸಾಕ್ಷಿಂ ತಮಸಃ ಪರಸ್ತಾನ್ನಾರಾಯಣಂ ವಿಷ್ಣುಮಹಂ ಭಜಾಮಿ ॥ ೬೬॥
ಮುನೀನ್ದ್ರಗುಹ್ಯಂ ಪರಿಪೂರ್ಣಕಾಮಂ ಕಲಾನಿಧಿಂ ಕಲ್ಮಷನಾಶಹೇತುಮ್ ।
ಪರಾತ್ಪರಂ ಯತ್ಪರಮಂ ಪವಿತ್ರಂ ನಮಾಮಿ ರಾಮಂ ಮಹತೋ ಮಹಾನ್ತಮ್ ॥ ೬೭॥
ಬ್ರಹ್ಮಾ ವಿಷ್ಣುಶ್ಚ ರುದ್ರಶ್ಚ ದೇವೇನ್ದ್ರೋ ದೇವತಾಸ್ತಥಾ ।
ಆದಿತ್ಯಾದಿಗ್ರಹಾಶ್ಚೈವ ತ್ವಮೇವ ರಘುನನ್ದನ ॥ ೬೮॥
ತಾಪಸಾ ಋಷಯಃ ಸಿದ್ಧಾಃ ಸಾಧ್ಯಾಶ್ಚ ಮರುತಸ್ತಥಾ ।
ವಿಪ್ರಾ ವೇದಾಸ್ತಥಾ ಯಜ್ಞಾಃ ಪುರಾಣಧರ್ಮಸಂಹಿತಾಃ ॥ ೬೯॥
ವರ್ಣಾಶ್ರಮಾಸ್ತಥಾ ಧರ್ಮಾ ವರ್ಣಧರ್ಮಾಸ್ತಥೈವ ಚ ।
ಯಕ್ಷರಾಕ್ಷಸಗನ್ಧರ್ವಾದಿಕ್ಪಾಲಾ ದಿಗ್ಗಜಾದಯಃ ॥ ೭೦॥
ಸನಕಾದಿಮುನಿಶ್ರೇಷ್ಠಾಸ್ತ್ವಮೇವ ರಘುಪುಙ್ಗವ ।
ವಸವೋಽಷ್ಟೌ ತ್ರಯಃ ಕಾಲಾ ರುದ್ರಾ ಏಕಾದಶ ಸ್ಮೃತಾಃ ॥ ೭೧॥
ತಾರಕಾ ದಶ ದಿಕ್ ಚೈವ ತ್ವಮೇವ ರಘುನನ್ದನ ।
ಸಪ್ತದ್ವೀಪಾಃ ಸಮುದ್ರಾಶ್ಚ ನಗಾ ನದ್ಯಸ್ತಥಾ ದ್ರುಮಾಃ ॥ ೭೨॥
ಸ್ಥಾವರಾ ಜಙ್ಗಮಾಶ್ಚೈವ ತ್ವಮೇವ ರಘುನಾಯಕ ।
ದೇವತಿರ್ಯಮನುಷ್ಯಾಣಾಂ ದಾನವಾನಾಂ ತಥೈವ ಚ ॥ ೭೩॥
ಮಾತಾ ಪಿತಾ ತಥಾ ಭ್ರಾತಾ ತ್ವಮೇವ ರಘುವಲ್ಲಭ ।
ಸರ್ವೇಷಾಂ ತ್ವಂ ಪರಂ ಬ್ರಹ್ಮ ತ್ವನ್ಮಯಂ ಸರ್ವಮೇವ ಹಿ ॥ ೭೪॥
ತ್ವಮಕ್ಷರಂ ಪರಂ ಜ್ಯೋತಿಸ್ತ್ವಮೇವ ಪುರುಷೋತ್ತಮ ।
ತ್ವಮೇವ ತಾರಕಂ ಬ್ರಹ್ಮ ತ್ವತ್ತೋಽನ್ಯನ್ನೈವ ಕಿಞ್ಚನ ॥ ೭೫॥
ಶಾನ್ತಂ ಸರ್ವಗತಂ ಸೂಕ್ಷ್ಮಂ ಪರಂ ಬ್ರಹ್ಮ ಸನಾತನಮ್ ।
ರಾಜೀವಲೋಚನಂ ರಾಮಂ ಪ್ರಣಮಾಮಿ ಜಗತ್ಪತಿಮ್ ॥ ೭೬॥
ವ್ಯಾಸ ಉವಾಚ ।
ತತಃ ಪ್ರಸನ್ನಃ ಶ್ರೀರಾಮಃ ಪ್ರೋವಾಚ ಮುನಿಪುಙ್ಗವಮ್ ।
ತುಷ್ಟೋಽಸ್ಮಿ ಮುನಿಶಾರ್ದೂಲ ವೃಣೀಷ್ವ ವರಮುತ್ತಮಮ್ ॥ ೭೭॥
ನಾರದ ಉವಾಚ ।
ಯದಿ ತುಷ್ಟೋಽಸಿ ಸರ್ವಜ್ಞ ಶ್ರೀರಾಮ ಕರುಣಾನಿಧೇ ।
ತ್ವನ್ಮೂರ್ತಿದರ್ಶನೇನೈವ ಕೃತಾರ್ಥೋಽಹಂ ಚ ಸರ್ವದಾ ॥ ೭೮॥
ಧನ್ಯೋಽಹಂ ಕೃತಕೃತ್ಯೋಽಹಂ ಪುಣ್ಯೋಽಹಂ ಪುರುಷೋತ್ತಮ ।
ಅದ್ಯ ಮೇ ಸಫಲಂ ಜನ್ಮ ಜೀವಿತಂ ಸಫಲಂ ಚ ಮೇ ॥ ೭೯॥
ಅದ್ಯ ಮೇ ಸಫಲಂ ಜ್ಞಾನಮದ್ಯ ಮೇ ಸಫಲಂ ತಪಃ ।
ಅದ್ಯ ಮೇ ಸಫಲಂ ಕರ್ಮ ತ್ವತ್ಪಾದಾಮ್ಭೋಜದರ್ಶನಾತ್ ।
ಅದ್ಯ ಮೇ ಸಫಲಂ ಸರ್ವಂ ತ್ವನ್ನಾಮಸ್ಮರಣಂ ತಥಾ ॥ ೮೦॥
ತ್ವತ್ಪಾದಾಮ್ಭೋರುಹದ್ವನ್ದ್ವಸದ್ಭಕ್ತಿಂ ದೇಹಿ ರಾಘವ ।
ತತಃ ಪರಮಸಮ್ಪ್ರೀತಃ ಸ ರಾಮಃ ಪ್ರಾಹ ನಾರದಮ್ ॥ ೮೧॥
ಶ್ರೀರಾಮ ಉವಾಚ ।
ಮುನಿವರ್ಯ ಮಹಾಭಾಗ ಮುನೇತ್ವಿಷ್ಟಂ ದದಾಮಿ ತೇ ।
ಯತ್ತ್ವಯಾ ಚೇಪ್ಸಿತಂ ಸರ್ವ ಮನಸಾ ತದ್ಭವಿಷ್ಯತಿ ॥ ೮೨॥
ನಾರದ ಉವಾಚ ।
ವರಂ ನ ಯಾಚೇ ರಘುನಾಥ ಯುಷ್ಮತ್ಪದಾಬ್ಜಭಕ್ತಿಃ ಸತತಂ ಮಮಾಸ್ತು ।
ಇದಂ ಪ್ರಿಯಂ ನಾಥ ವರಂ ಹಿ ಯಾಚೇ ಪುನಃಪುನಸ್ತ್ವಾಮಿದಮೇವ ಯಾಚೇ ॥ ೮೩॥
ವ್ಯಾಸ ಉವಾಚ ।
ಇತ್ಯೇವಮೀಡಿತೋ ರಾಮಃ ಪ್ರಾದಾತ್ತಸ್ಮೈ ವರಾನ್ತರಮ್ ।
ವೀರೋ ರಾಮೋ ಮಹಾತೇಜಾಃ ಸಚ್ಚಿದಾನನ್ದವಿಗ್ರಹಃ ॥ ೮೪॥
ಅದ್ವೈತಮಮಲಂ ಜ್ಞಾನಂ ಸ್ವನಾಮಸ್ಮರಣಂ ತಥಾ ।
ಅನ್ತರ್ದಧೌ ಜಗನ್ನಾಥಃ ಪುರತಸ್ತಸ್ಯ ರಾಘವಃ ॥ ೮೫॥
ಇತಿ ಶ್ರೀರಘುನಾಥಸ್ಯ ಸ್ತವರಾಜಮನುತ್ತಮಮ್ ।
ಸರ್ವಸೌಭಾಗ್ಯಸಮ್ಪತ್ತಿದಾಯಕಂ ಮುಕ್ತಿದಂ ಶುಭಮ್ ॥ ೮೬॥
ಕಥಿತಂ ಬ್ರಹ್ಮಪುತ್ರೇಣ ವೇದಾನಾಂ ಸಾರಮುತ್ತಮಮ್ ।
ಗುಹ್ಯಾದ್ಗುಹ್ಯತಮಂ ದಿವ್ಯಂ ತವ ಸ್ನೇಹಾತ್ಪ್ರಕೀರ್ತಿತಮ್ ॥ ೮೭॥
ಯಃ ಪಠೇಚ್ಛೃಣುಯಾದ್ವಾಪಿ ತ್ರಿಸನ್ಧ್ಯಂ ಶ್ರದ್ಧಯಾನ್ವಿತಃ ।
ಬ್ರಹ್ಮಹತ್ಯಾದಿಪಾಪಾನಿ ತತ್ಸಮಾನಿ ಬಹೂನಿ ಚ ॥ ೮೮॥
ಸ್ವರ್ಣಸ್ತೇಯಂ ಸುರಾಪಾನಂ ಗುರುತಲ್ಪಗತಿಸ್ತಥಾ ।
ಗೋವಧಾದ್ಯುಪಪಾಪಾನಿ ಅನೃತಾತ್ಸಮ್ಭವಾನಿ ಚ ॥ ೮೯॥
ಸರ್ವೈಃ ಪ್ರಮುಚ್ಯತೇ ಪಾಪೈಃ ಕಲ್ಪಾಯುತಶತೋದ್ಭವೈಃ ।
ಮಾನಸಂ ವಾಚಿಕಂ ಪಾಪಂ ಕರ್ಮಣಾ ಸಮುಪಾರ್ಜಿತಮ್ ॥ ೯೦॥
ಶ್ರೀರಾಮಸ್ಮರಣೇನೈವ ತತ್ಕ್ಷಣಾನ್ನಶ್ಯತಿ ಧ್ರುವಮ್ ।
ಇದಂ ಸತ್ಯಮಿದಂ ಸತ್ಯಂ ಸತ್ಯಮೇತದಿಹೋಚ್ಯತೇ ॥ ೯೧॥
ರಾಮಂ ಸತ್ಯಂ ಪರಂ ಬ್ರಹ್ಮ ರಾಮಾತ್ಕಿಞ್ಚಿನ್ನ ವಿದ್ಯತೇ ।
ತಸ್ಮಾದ್ರಾಮಸ್ವರೂಪಂ ಹಿ ಸತ್ಯಂ ಸತ್ಯಮಿದಂ ಜಗತ್ ॥ ೯೨॥
ಶ್ರೀರಾಮಚನ್ದ್ರ ರಘುಪುಙ್ಗವ ರಾಜವರ್ಯ
ರಜೇನ್ದ್ರ ರಾಮ ರಘುನಾಯಕ ರಾಘವೇಶ ।
ರಾಜಾಧಿರಾಜ ರಘುನನ್ದನ ರಾಮಚನ್ದ್ರ
ದಾಸೋಽಹಮದ್ಯಭವತಃ ಶರಣಾಗತೋಽಸ್ಮಿ ॥ ೯೩॥
ವೈದೇಹೀಸಹಿತಂ ಸುರದ್ರುಮತಲೇ ಹೈಮೇ ಮಹಾಮಣ್ಡಪೇ ಮಧ್ಯೇ
ಪುಷ್ಪಕೃತಾಸನೇ ಮಣಿಮಯೇ ವೀರಾಸನೇ ಸಂಸ್ಥಿತಮ್ ।
ಅಗ್ರೇ ವಾಚಯತಿ ಪ್ರಭಞ್ಜನಸುತೇ ತತ್ತ್ವಂ ಮುನೀನ್ದ್ರೈಃ ಪರಂ
ವ್ಯಾಖ್ಯಾತಂ ಭರತಾದಿಭಿಃ ಪರಿವೃತಂ ರಾಮಂ ಭಜೇ ಶ್ಯಾಮಲಮ್ ॥ ೯೪॥
ರಾಮಂ ರತ್ನಕಿರೀಟಕುಣ್ಡಲಯುತಂ ಕೇಯೂರಹಾರಾನ್ವಿತಂ
ಸೀತಾಲಙ್ಕೃತವಾಮಭಾಗಮಮಲಂ ಸಿಂಹಾಸನಸ್ಥಂ ವಿಭುಮ್ ।
ಸುಗ್ರೀವಾದಿಹರೀಶ್ವರೈಃ ಸುರಗಣೈಃ ಸಂಸೇವ್ಯಮಾನಂ ಸದಾ
ವಿಶ್ವಾಮಿತ್ರಪರಾಶರಾದಿಮುನಿಭಿಃ ಸಂಸ್ತೂಯಮಾನಂ ಪ್ರಭುಮ್ ॥ ೯೫॥
ಸಕಲಗುಣನಿಧಾನಂ ಯೋಗಿಭಿಃ ಸ್ತೂಯಮಾನಂ
ಭುಜವಿಜಿತಸಮಾನಂ ರಾಕ್ಷಸೇನ್ದ್ರಾದಿಮಾನಮ್ ।
ಮಹಿತನೃಪಭಯಾನಂ ಸೀತಾಯಾ ಶೋಭಮಾನಂ
ಸ್ಮರ ಹೃದಯ ವಿಮಾನಂ ಬ್ರಹ್ಮ ರಾಮಾಭಿಧಾನಮ್ ॥ ೯೬॥
ರಘುವರ ತವ ಮೂರ್ತಿರ್ಮಾಮಕೇ ಮಾನಸಾಬ್ಜೇ
ನರಕಗತಿಹರಂ ತೇ ನಾಮಧೇಯಂ ಮುಖೇ ಮೇ ।
ಅನಿಶಮತುಲಭಕ್ತ್ಯಾ ಮಸ್ತಕಂ ತ್ವತ್ಪಾದಾಬ್ಜೇ
ಭವಜಲನಿಧಿಮಗ್ನಂ ರಕ್ಷಮಾಮಾರ್ತಬನ್ಧೋ ॥ ೯೭॥
ರಾಮರತ್ನಮಹಂ ವನ್ದೇ ಚಿತ್ರಕೂಟಪತಿಂ ಹರಿಮ್ ।
ಕೌಸಲ್ಯಾಭಕ್ತಿಸಮ್ಭೂತಂ ಜಾನಕೀಕಣ್ಠಭೂಷಣಮ್ ॥ ೯೮॥
ಇತಿ ಶ್ರೀಸನತ್ಕುಮಾರಸಂಹಿತಾಯಾಂ ನಾರದೋಕ್ತಂ ಶ್ರೀರಾಮಸ್ತವರಾಜಸ್ತೋತ್ರಂ ಸಮ್ಪೂರ್ಣಮ್ ॥
Encoded and proofread by Madhavi U mupadrasta at gmail.com
Please send corrections to sanskrit@cheerful.com
Last updated ತ್oday
http://sanskritdocuments.org
ಅಸ್ಯ ಶ್ರೀರಾಮಚನ್ದ್ರಸ್ತವರಾಜಸ್ತೋತ್ರಮನ್ತ್ರಸ್ಯ ಸನತ್ಕುಮಾರಋಷಿಃ ।
ಶ್ರೀರಾಮೋ ದೇವತಾ । ಅನುಷ್ಟುಪ್ ಛನ್ದಃ । ಸೀತಾ ಬೀಜಮ್ । ಹನುಮಾನ್ ಶಕ್ತಿಃ ।
ಶ್ರೀರಾಮಪ್ರೀತ್ಯರ್ಥೇ ಜಪೇ ವಿನಿಯೋಗಃ ॥
ಸೂತ ಉವಾಚ ।
ಸರ್ವಶಾಸ್ತ್ರಾರ್ಥತ್ತ್ವಜ್ಞಂ ವ್ಯಾಸಂ ಸತ್ಯವತೀಸುತಮ್ ।
ಧರ್ಮಪುತ್ರಃ ಪ್ರಹೃಷ್ಟಾತ್ಮಾ ಪ್ರತ್ಯುವಾಚ ಮುನೀಶ್ವರಮ್ ॥ ೧॥
ಯುಧಿಷ್ಠಿರ ಉವಾಚ ।
ಭಗವನ್ಯೋಗಿನಾಂ ಶ್ರೇಷ್ಠ ಸರ್ವಶಾಸ್ತ್ರವಿಶಾರದ ।
ಕಿಂ ತತ್ತ್ವಂ ಕಿಂ ಪರಂ ಜಾಪ್ಯಂ ಕಿಂ ಧ್ಯಾನಂ ಮುಕ್ತಿಸಾಧನಮ್ ॥ ೨॥
ಶ್ರೋತುಮಿಚ್ಛಾಮಿ ತತ್ಸರ್ವಂ ಬ್ರೂಹಿ ಮೇ ಮುನಿಸತ್ತಮ ।
ವೇದವ್ಯಾಸ ಉವಾಚ ।
ಧರ್ಮರಾಜ ಮಹಾಭಾಗ ಶೃಣು ವಕ್ಷ್ಯಾಮಿ ತತ್ತ್ವತಃ ॥ ೩॥
ಯತ್ಪರಂ ಯದ್ಗುಣಾತೀತಂ ಯಜ್ಜ್ಯೋತಿರಮಲಂ ಶಿವಮ್ ।
ತದೇವ ಪರಮಂ ತತ್ತ್ವಂ ಕೈವಲ್ಯಪದಕಾರಣಮ್ ॥ ೪॥
ಶ್ರೀರಾಮೇತಿ ಪರಂ ಜಾಪ್ಯಂ ತಾರಕಂ ಬ್ರಹ್ಮಸಞ್ಜ್ಞಕಮ್ ।
ಬ್ರಹ್ಮಹತ್ಯಾದಿಪಾಪಘ್ನಮಿತಿ ವೇದವಿದೋ ವಿದುಃ ॥ ೫॥
ಶ್ರೀರಾಮ ರಾಮೇತಿ ಜನಾ ಯೇ ಜಪನ್ತಿ ಚ ಸರ್ವದಾ ।
ತೇಷಾಂ ಭುಕ್ತಿಶ್ಚ ಮುಕ್ತಿಶ್ಚ ಭವಿಷ್ಯತಿ ನ ಸಂಶಯಃ ॥ ೬॥
ಸ್ತವರಾಜಂ ಪುರಾ ಪ್ರೋಕ್ತಂ ನಾರದೇನ ಚ ಧೀಮತಾ ।
ತತ್ಸರ್ವಂ ಸಮ್ಪ್ರವಕ್ಷ್ಯಾಮಿ ಹರಿಧ್ಯಾನಪುರಃಸರಮ್ ॥ ೭॥
ತಾಪತ್ರಯಾಗ್ನಿಶಮನಂ ಸರ್ವಾಘೌಘನಿಕೃನ್ತನಮ್ ।
ದಾರಿದ್ರ್ಯದುಃಖಶಮನಂ ಸರ್ವಸಮ್ಪತ್ಕರಂ ಶಿವಮ್ ॥ ೮॥
ವಿಜ್ಞಾನಫಲದಂ ದಿವ್ಯಂ ಮೋಕ್ಷೈಕಫಲಸಾಧನಮ್ ।
ನಮಸ್ಕೃತ್ಯ ಪ್ರವಕ್ಷ್ಯಾಮಿ ರಾಮಂ ಕೃಷ್ಣಂ ಜಗನ್ಮಯಮ್ ॥ ೯॥
ಅಯೋಧ್ಯಾನಗರೇ ರಮ್ಯೇ ರತ್ನಮಣ್ಡಪಮಧ್ಯಗೇ ।
ಸ್ಮರೇತ್ಕಲ್ಪತರೋರ್ಮೂಲೇ ರತ್ನಸಿಂಹಾಸನಂ ಶುಭಮ್ ॥ ೧೦॥
ತನ್ಮಧ್ಯೇಽಷ್ಟದಲಂ ಪದ್ಮಂ ನಾನಾರತ್ನೈಶ್ಚ ವೇಷ್ಟಿತಮ್ ।
ಸ್ಮರೇನ್ಮಧ್ಯೇ ದಾಶರಥಿಂ ಸಹಸ್ರಾದಿತ್ಯತೇಜಸಮ್ ॥ ೧೧॥
ಪಿತುರಙ್ಕಗತಂ ರಾಮಮಿನ್ದ್ರನೀಲಮಣಿಪ್ರಭಮ್ ।
ಕೋಮಲಾಙ್ಗಂ ವಿಶಾಲಾಕ್ಷಂ ವಿದ್ಯುದ್ವರ್ಣಾಮ್ಬರಾವೃತಮ್ ॥ ೧೨॥
ಭಾನುಕೋಟಿಪ್ರತೀಕಾಶಂ ಕಿರೀಟೇನ ವಿರಾಜಿತಮ್ ।
ರತ್ನಗ್ರೈವೇಯಕೇಯೂರರತ್ನಕುಣ್ಡಲಮಣ್ಡಿತಮ್ ॥ ೧೩॥
ರತ್ನಕಙ್ಕಣಮಞ್ಜೀರಕಟಿಸೂತ್ರೈರಲಙ್ಕೃತಮ್ ।
ಶ್ರೀವತ್ಸಕೌಸ್ತುಭೋರಸ್ಕಂ ಮುಕ್ತಾಹಾರೋಪಶೋಭಿತಮ್ ॥ ೧೪॥
ದಿವ್ಯರತ್ನಸಮಾಯುಕ್ತಮುದ್ರಿಕಾಭಿಲಙ್ಕೃತಮ್ ।
ರಾಘವಂ ದ್ವಿಭುಜಂ ಬಾಲಂ ರಾಮಮೀಷತ್ಸ್ಮಿತಾನನಮ್ ॥ ೧೫॥
ತುಲಸೀಕುನ್ದಮನ್ದಾರಪುಷ್ಪಮಾಲ್ಯೈರಲಙ್ಕೃತಮ್ ।
ಕರ್ಪೂರಾಗರುಕಸ್ತೂರೀದಿವ್ಯಗನ್ಧಾನುಲೇಪನಮ್ ॥ ೧೬॥
ಯೋಗಶಾಸ್ತ್ರೇಷ್ವಭಿರತಂ ಯೋಗೇಶಂ ಯೋಗದಾಯಕಮ್ ।
ಸದಾ ಭರತಸೌಮಿತ್ರಿಶತ್ರುಘ್ನೈರುಪಶೋಭಿತಮ್ ॥ ೧೭॥
ವಿದ್ಯಾಧರಸುರಾಧೀಶಸಿದ್ಧಗನ್ಧರ್ವಕಿನ್ನರೈಃ ।
ಯೋಗೀನ್ದ್ರೈರ್ನಾರದಾದ್ಯೈಶ್ಚ ಸ್ತೂಯಮಾನಮಹರ್ನಿಶಮ್ ॥ ೧೮॥
ವಿಶ್ವಾಮಿತ್ರವಸಿಷ್ಠಾದಿಮುನಿಭಿಃ ಪರಿಸೇವಿತಮ್ ।
ಸನಕಾದಿಮುನಿಶ್ರೇಷ್ಠೈರ್ಯೋಗಿವೃನ್ದೈಶ್ಚ ಸೇವಿತಮ್ ॥ ೧೯॥
ರಾಮಂ ರಘುವರಂ ವೀರಂ ಧನುರ್ವೇದವಿಶಾರದಮ್ ।
ಮಙ್ಗಲಾಯತನಂ ದೇವಂ ರಾಮಂ ರಾಜೀವಲೋಚನಮ್ ॥ ೨೦॥
ಸರ್ವಶಾಸ್ತ್ರಾರ್ಥತತ್ತ್ವಜ್ಞಮಾನನ್ದಕರಸುನ್ದರಮ್ ।
ಕೌಸಲ್ಯಾನನ್ದನಂ ರಾಮಂ ಧನುರ್ಬಾಣಧರಂ ಹರಿಮ್ ॥ ೨೧॥
ಏವಂ ಸಞ್ಚಿನ್ತಯನ್ವಿಷ್ಣುಂ ಯಜ್ಜ್ಯೋತಿರಮಲಂ ವಿಭುಮ್ ।
ಪ್ರಹೃಷ್ಟಮಾನಸೋ ಭೂತ್ವಾ ಮುನಿವರ್ಯಃ ಸ ನಾರದಃ ॥ ೨೨॥
ಸರ್ವಲೋಕಹಿತಾರ್ಥಾಯ ತುಷ್ಟಾವ ರಘುನನ್ದನಮ್ ।
ಕೃತಾಞ್ಜಲಿಪುಟೋ ಭೂತ್ವಾ ಚಿನ್ತಯನ್ನದ್ಭುತಂ ಹರಿಮ್ ॥ ೨೩॥
ಯದೇಕಂ ಯತ್ಪರಂ ನಿತ್ಯಂ ಯದನನ್ತಂ ಚಿದಾತ್ಮಕಮ್ ।
ಯದೇಕಂ ವ್ಯಾಪಕಂ ಲೋಕೇ ತದ್ರೂಪಂ ಚಿನ್ತಯಾಮ್ಯಹಮ್ ॥ ೨೪॥
ವಿಜ್ಞಾನಹೇತುಂ ವಿಮಲಾಯತಾಕ್ಷಂ ಪ್ರಜ್ಞಾನರೂಪಂ ಸ್ವಸುಖೈಕಹೇತುಮ್ ।
ಶ್ರೀರಾಮಚನ್ದ್ರಂ ಹರಿಮಾದಿದೇವಂ ಪರಾತ್ಪರಂ ರಾಮಮಹಂ ಭಜಾಮಿ ॥ ೨೫॥
ಕವಿಂ ಪುರಾಣಂ ಪುರುಷಂ ಪುರಸ್ತಾತ್ಸನಾತನಂ ಯೋಗಿನಮೀಶಿತಾರಮ್ ।
ಅಣೋರಣೀಯಾಂಸಮನನ್ತವೀರ್ಯಂ ಪ್ರಾಣೇಶ್ವರಂ ರಾಮಮಸೌದದರ್ಶ ॥ ೨೬॥
ನಾರದ ಉವಾಚ ।
ನಾರಾಯಣಂ ಜಗನ್ನಾಥಮಭಿರಾಮಂ ಜಗತ್ಪತಿಮ್ ।
ಕವಿಂ ಪುರಾಣಂ ವಾಗೀಶಂ ರಾಮಂ ದಶರಥಾತ್ಮಜಮ್ ॥ ೨೭॥
ರಾಜರಾಜಂ ರಘುವರಂ ಕೌಸಲ್ಯಾನನ್ದವರ್ಧನಮ್ ।
ಭರ್ಗಂ ವರೇಣ್ಯಂ ವಿಶ್ವೇಶಂ ರಘುನಾಥಂ ಜಗದ್ಗುರುಮ್ ॥ ೨೮॥
ಸತ್ಯಂ ಸತ್ಯಪ್ರಿಯಂ ಶ್ರೇಷ್ಠಂ ಜಾನಕೀವಲ್ಲಭಂ ವಿಭುಮ್ ।
ಸೌಮಿತ್ರಿಪೂರ್ವಜಂ ಶಾನ್ತಂ ಕಾಮದಂ ಕಮಲೇಕ್ಷಣಮ್ ॥ ೨೯॥
ಆದಿತ್ಯಂ ರವಿಮೀಶಾನಂ ಘೃಣಿಂ ಸೂರ್ಯಮನಾಮಯಮ್ ।
ಆನನ್ದರೂಪಿಣಂ ಸೌಮ್ಯಂ ರಾಘವಂ ಕರುಣಾಮಯಮ್ ॥ ೩೦॥
ಜಾಮದಗ್ನ್ಯಂ ತಪೋಮೂರ್ತಿಂ ರಾಮಂ ಪರಶುಧಾರಿಣಮ್ ।
ವಾಕ್ಪತಿಂ ವರದಂ ವಾಚ್ಯಂ ಶ್ರೀಪತಿಂ ಪಕ್ಷಿವಾಹನಮ್ ॥ ೩೧॥
ಶ್ರೀಶಾರ್ಗಧಾರಿಣಂ ರಾಮಂ ಚಿನ್ಮಯಾನನ್ದವಿಗ್ರಹಮ್ ।
ಹಲಧೃಗ್ವಿಷ್ಣುಮೀಶಾನಂ ಬಲರಾಮಂ ಕೃಪಾನಿಧಿಮ್ ॥ ೩೨॥
ಶ್ರೀವಲ್ಲಭಂ ಕೃಪಾನಾಥಂ ಜಗನ್ಮೋಹನಮಚ್ಯುತಮ್ ।
ಮತ್ಸ್ಯಕೂರ್ಮವರಾಹಾದಿರೂಪಧಾರಿಣಮವ್ಯಯಮ್ ॥ ೩೩॥
ವಾಸುದೇವಂ ಜಗದ್ಯೋನಿಮನಾದಿನಿಧನಂ ಹರಿಮ್ ।
ಗೋವಿನ್ದಂ ಗೋಪತಿಂ ವಿಷ್ಣುಂ ಗೋಪೀಜನಮನೋಹರಮ್ ॥ ೩೪॥
ಗೋಗೋಪಾಲಪರೀವಾರಂ ಗೋಪಕನ್ಯಾಸಮಾವೃತಮ್ ।
ವಿದ್ಯುತ್ಪುಞ್ಜಪ್ರತೀಕಾಶಂ ರಾಮಂ ಕೃಷ್ಣಂ ಜಗನ್ಮಯಮ್ ॥ ೩೫॥
ಗೋಗೋಪಿಕಾಸಮಾಕೀರ್ಣಂ ವೇಣುವಾದನತತ್ಪರಮ್ ।
ಕಾಮರೂಪಂ ಕಲಾವನ್ತಂ ಕಾಮಿನೀಕಾಮದಂ ವಿಭುಮ್ ॥ ೩೬॥
ಮನ್ಮಥಂ ಮಥುರಾನಾಥಂ ಮಾಧವಂ ಮಕರಧ್ವಜಮ್ ।
ಶ್ರೀಧರಂ ಶ್ರೀಕರಂ ಶ್ರೀಶಂ ಶ್ರೀನಿವಾಸಂ ಪರಾತ್ಪರಮ್ ॥ ೩೭॥
ಭೂತೇಶಂ ಭೂಪತಿಂ ಭದ್ರಂ ವಿಭೂತಿಂ ಭೂತಿಭೂಷಣಮ್ ।
ಸರ್ವದುಃಖಹರಂ ವೀರಂ ದುಷ್ಟದಾನವವೈರಿಣಮ್ ॥ ೩೮॥
ಶ್ರೀನೃಸಿಂಹಂ ಮಹಾಬಾಹುಂ ಮಹಾನ್ತಂ ದೀಪ್ತತೇಜಸಮ್ ।
ಚಿದಾನನ್ದಮಯಂ ನಿತ್ಯಂ ಪ್ರಣವಂ ಜ್ಯೋತಿರೂಪಿಣಮ್ ॥ ೩೯॥
ಆದಿತ್ಯಮಣ್ಡಲಗತಂ ನಿಶ್ಚಿತಾರ್ಥಸ್ವರೂಪಿಣಮ್ ।
ಭಕ್ತಪ್ರಿಯಂ ಪದ್ಮನೇತ್ರಂ ಭಕ್ತಾನಾಮೀಪ್ಸಿತಪ್ರದಮ್ ॥ ೪೦॥
ಕೌಸಲ್ಯೇಯಂ ಕಲಾಮೂರ್ತಿಂ ಕಾಕುತ್ಸ್ಥಂ ಕಮಲಾಪ್ರಿಯಮ್ ।
ಸಿಂಹಾಸನೇ ಸಮಾಸೀನಂ ನಿತ್ಯವ್ರತಮಕಲ್ಮಷಮ್ ॥ ೪೧॥
ವಿಶ್ವಾಮಿತ್ರಪ್ರಿಯಂ ದಾನ್ತಂ ಸ್ವದಾರನಿಯತವ್ರತಮ್ ।
ಯಜ್ಞೇಶಂ ಯಜ್ಞಪುರುಷಂ ಯಜ್ಞಪಾಲನತತ್ಪರಮ್ ॥ ೪೨॥
ಸತ್ಯಸನ್ಧಂ ಜಿತಕ್ರೋಧಂ ಶರಣಾಗತವತ್ಸಲಮ್ ।
ಸರ್ವಕ್ಲೇಶಾಪಹರಣಂ ವಿಭೀಷಣವರಪ್ರದಮ್ ॥ ೪೩॥
ದಶಗ್ರೀವಹರಂ ರೌದ್ರಂ ಕೇಶವಂ ಕೇಶಿಮರ್ದನಮ್ ।
ವಾಲಿಪ್ರಮಥನಂ ವೀರಂ ಸುಗ್ರೀವೇಪ್ಸಿತರಾಜ್ಯದಮ್ ॥ ೪೪॥
ನರವಾನರದೇವೈಶ್ಚಸೇವಿತಂ ಹನುಮತ್ಪ್ರಿಯಮ್ ।
ಶುದ್ಧಂ ಸೂಕ್ಷ್ಮಂ ಪರಂ ಶಾನ್ತಂ ತಾರಕಾಬ್ರಹ್ಮರೂಪಿಣಮ್ ॥ ೪೫॥
ಸರ್ವಭೂತಾತ್ಮಭೂತಸ್ಥಂ ಸರ್ವಾಧಾರಂ ಸನಾತನಮ್ ।
ಸರ್ವಕಾರಣಕರ್ತಾರಂ ನಿದಾನಂ ಪ್ರಕೃತೇಃ ಪರಮ್ ॥ ೪೬॥
ನಿರಾಮಯಂ ನಿರಾಭಾಸಂ ನಿರವಧ್ಯಂ ನಿರಞ್ಜನಮ್ ।
ನಿತ್ಯಾನನ್ದಂ ನಿರಾಕಾರಮದ್ವೈತಂ ತಮಸಃ ಪರಮ್ ॥ ೪೭॥
ಪರಾತ್ಪರತರಂ ತತ್ತ್ವಂ ಸತ್ಯಾನನ್ದಂ ಚಿದಾತ್ಮಕಮ್ ।
ಮನಸಾ ಶಿರಸಾ ನಿತ್ಯಂ ಪ್ರಣಮಾಮಿ ರಘೂತ್ತಮಮ್ ॥ ೪೮॥
ಸೂರ್ಯಮಣ್ಡಲಮಧ್ಯಸ್ಥಂ ರಾಮಂ ಸೀತಾಸಮನ್ವಿತಮ್ ।
ನಮಾಮಿ ಪುಣ್ಡರೀಕಾಕ್ಷಮಮೇಯಂ ಗುರುತತ್ಪರಮ್ ॥ ೪೯॥
ನಮೋಽಸ್ತು ವಾಸುದೇವಾಯ ಜ್ಯೋತಿಷಾಂ ಪತಯೇ ನಮಃ ।
ನಮೋಽಸ್ತು ರಾಮದೇವಾಯ ಜಗದಾನನ್ದರೂಪಿಣೇ ॥ ೫೦॥
ನಮೋ ವೇದಾನ್ತನಿಷ್ಠಾಯ ಯೋಗಿನೇ ಬ್ರಹ್ಮವಾದಿನೇ ।
ಮಾಯಾಮಯನಿರಾಸಾಯ ಪ್ರಪನ್ನಜನಸೇವಿನೇ ॥ ೫೧॥
ವನ್ದಾಮಹೇ ಮಹೇಶಾನಚಣ್ಡಕೋದಣ್ಡಖಣ್ಡನಮ್ ।
ಜಾನಕೀಹೃದಯಾನನ್ದವರ್ಧನಂ ರಘುನನ್ದನಮ್ ॥ ೫೨॥
ಉತ್ಫುಲ್ಲಾಮಲಕೋಮಲೋತ್ಪಲದಲಶ್ಯಾಮಾಯ ರಾಮಾಯ ತೇ
ಕಾಮಾಯ ಪ್ರಮದಾಮನೋಹರಗುಣಗ್ರಾಮಾಯ ರಾಮಾತ್ಮನೇ ।
ಯೋಗಾರೂಢಮುನೀನ್ದ್ರಮಾನಸಸರೋಹಂಸಾಯ ಸಂಸಾರವಿಧ್ವಂಸಾಯ
ಸ್ಫುರದೋಜಸೇ ರಘುಕುಲೋತ್ತಂಸಾಯ ಪುಂಸೇ ನಮಃ ॥ ೫೩॥
ಭವೋದ್ಭವಂ ವೇದವಿದಾಂ ವರಿಷ್ಠಮಾದಿತ್ಯಚನ್ದ್ರಾನಲಸುಪ್ರಭಾವಮ್ ।
ಸರ್ವಾತ್ಮಕಂ ಸರ್ವಗತಸ್ವರೂಪಂ ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೫೪॥
ನಿರಞ್ಜನಂ ನಿಃಷ್ಪ್ರತಿಮಂ ನಿರೀಹಂ ನಿರಾಶ್ರಯಂ ನಿಷ್ಕಲಮಪ್ರಪಞ್ಚಮ್ ।
ನಿತ್ಯಂ ಧ್ರುವಂ ನಿರ್ವಿಷಯಸ್ವರೂಪಂ ನಿರನ್ತರಂ ರಾಮಮಹಂ ಭಜಾಮಿ ॥ ೫೫॥
ಭವಾಬ್ಧಿಪೋತಂ ಭರತಾಗ್ರಜಂ ತಂ ಭಕ್ತಪ್ರಿಯಂ ಭಾನುಕುಲಪ್ರದೀಪಮ್ ।
ಭೂತತ್ರಿನಾಥಂ ಭುವನಾಧಿಪಂ ತಂ ಭಜಾಮಿ ರಾಮಂ ಭವರೋಗವೈದ್ಯಮ್ ॥ ೫೬॥
ಸರ್ವಾಧಿಪತ್ಯಂ ಸಮರಾಙ್ಗಧೀರಂ ಸತ್ಯಂ ಚಿದಾನನ್ದಮಯಸ್ವರೂಪಮ್ ।
ಸತ್ಯಂ ಶಿವಂ ಶಾನ್ತಿಮಯಂ ಶರಣ್ಯಂ ಸನಾತನಂ ರಾಮಮಹಂ ಭಜಾಮಿ ॥ ೫೭॥
ಕಾರ್ಯಕ್ರಿಯಾಕಾರಣಮಪ್ರಮೇಯಂ ಕವಿಂ ಪುರಾಣಂ ಕಮಲಾಯತಾಕ್ಷಮ್ ।
ಕುಮಾರವೇದ್ಯಂ ಕರುಣಾಮಯಂ ತಂ ಕಲ್ಪದ್ರುಮಂ ರಾಮಮಹಂ ಭಜಾಮಿ ॥ ೫೮॥
ತ್ರೈಲೋಕ್ಯನಾಥಂ ಸರಸೀರುಹಾಕ್ಷಂ ದಯಾನಿಧಿಂ ದ್ವನ್ದ್ವವಿನಾಶಹೇತುಮ್ ।
ಮಹಾಬಲಂ ವೇದವಿಧಿಂ ಸುರೇಶಂ ಸನಾತನಂ ರಾಮಮಹಂ ಭಜಾಮಿ ॥ ೫೯॥
ವೇದಾನ್ತವೇದ್ಯಂ ಕವಿಮೀಶಿತಾರಮನಾದಿಮಧ್ಯಾನ್ತಮಚಿನ್ತ್ಯಮಾದ್ಯಮ್ ।
ಅಗೋಚರಂ ನಿರ್ಮಲಮೇಕರೂಪಂ ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೬೦॥
ಅಶೇಷವೇದಾತ್ಮಕಮಾದಿಸಞ್ಜ್ಞಮಜಂ ಹರಿಂ ವಿಷ್ಣುಮನನ್ತಮಾದ್ಯಮ್ ।
ಅಪಾರಸಂವಿತ್ಸುಖಮೇಕರೂಪಂ ಪರಾತ್ಪರಂ ರಾಮಮಹಂ ಭಜಾಮಿ ॥ ೬೧॥
ತತ್ತ್ವಸ್ವರೂಪಂ ಪುರುಷಂ ಪುರಾಣಂ ಸ್ವತೇಜಸಾ ಪೂರಿತವಿಶ್ವಮೇಕಮ್ ।
ರಾಜಾಧಿರಾಜಂ ರವಿಮಣ್ಡಲಸ್ಥಂ ವಿಶ್ವೇಶ್ವರಂ ರಾಮಮಹಂ ಭಜಾಮಿ ॥ ೬೨॥
ಲೋಕಾಭಿರಾಮಂ ರಘುವಂಶನಾಥಂ ಹರಿಂ ಚಿದಾನನ್ದಮಯಂ ಮುಕುನ್ದಮ್ ।
ಅಶೇಷವಿದ್ಯಾಧಿಪತಿಂ ಕವೀನ್ದ್ರಂ ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೬೩॥
ಯೋಗೀನ್ದ್ರಸಙ್ಘೈಶ್ಚ ಸುಸೇವ್ಯಮಾನಂ ನಾರಾಯಣಂ ನಿರ್ಮಲಮಾದಿದೇವಮ್ ।
ನತೋಽಸ್ಮಿ ನಿತ್ಯಂ ಜಗದೇಕನಾಥಮಾದಿತ್ಯವರ್ಣಂ ತಮಸಃ ಪರಸ್ತಾತ್ ॥ ೬೪॥
ವಿಭೂತಿದಂ ವಿಶ್ವಸೃಜಂ ವಿರಾಮಂ ರಾಜೇನ್ದ್ರಮೀಶಂ ರಘುವಂಶನಾಥಮ್ ।
ಅಚಿನ್ತ್ಯಮವ್ಯಕ್ತಮನನ್ತಮೂರ್ತಿಂ ಜ್ಯೋತಿರ್ಮಯಂ ರಾಮಮಹಂ ಭಜಾಮಿ ॥ ೬೫॥
ಅಶೇಷಸಂಸಾರವಿಹಾರಹೀನಮಾದಿತ್ಯಗಂ ಪೂರ್ಣಸುಖಾಭಿರಾಮಮ್ ।
ಸಮಸ್ತಸಾಕ್ಷಿಂ ತಮಸಃ ಪರಸ್ತಾನ್ನಾರಾಯಣಂ ವಿಷ್ಣುಮಹಂ ಭಜಾಮಿ ॥ ೬೬॥
ಮುನೀನ್ದ್ರಗುಹ್ಯಂ ಪರಿಪೂರ್ಣಕಾಮಂ ಕಲಾನಿಧಿಂ ಕಲ್ಮಷನಾಶಹೇತುಮ್ ।
ಪರಾತ್ಪರಂ ಯತ್ಪರಮಂ ಪವಿತ್ರಂ ನಮಾಮಿ ರಾಮಂ ಮಹತೋ ಮಹಾನ್ತಮ್ ॥ ೬೭॥
ಬ್ರಹ್ಮಾ ವಿಷ್ಣುಶ್ಚ ರುದ್ರಶ್ಚ ದೇವೇನ್ದ್ರೋ ದೇವತಾಸ್ತಥಾ ।
ಆದಿತ್ಯಾದಿಗ್ರಹಾಶ್ಚೈವ ತ್ವಮೇವ ರಘುನನ್ದನ ॥ ೬೮॥
ತಾಪಸಾ ಋಷಯಃ ಸಿದ್ಧಾಃ ಸಾಧ್ಯಾಶ್ಚ ಮರುತಸ್ತಥಾ ।
ವಿಪ್ರಾ ವೇದಾಸ್ತಥಾ ಯಜ್ಞಾಃ ಪುರಾಣಧರ್ಮಸಂಹಿತಾಃ ॥ ೬೯॥
ವರ್ಣಾಶ್ರಮಾಸ್ತಥಾ ಧರ್ಮಾ ವರ್ಣಧರ್ಮಾಸ್ತಥೈವ ಚ ।
ಯಕ್ಷರಾಕ್ಷಸಗನ್ಧರ್ವಾದಿಕ್ಪಾಲಾ ದಿಗ್ಗಜಾದಯಃ ॥ ೭೦॥
ಸನಕಾದಿಮುನಿಶ್ರೇಷ್ಠಾಸ್ತ್ವಮೇವ ರಘುಪುಙ್ಗವ ।
ವಸವೋಽಷ್ಟೌ ತ್ರಯಃ ಕಾಲಾ ರುದ್ರಾ ಏಕಾದಶ ಸ್ಮೃತಾಃ ॥ ೭೧॥
ತಾರಕಾ ದಶ ದಿಕ್ ಚೈವ ತ್ವಮೇವ ರಘುನನ್ದನ ।
ಸಪ್ತದ್ವೀಪಾಃ ಸಮುದ್ರಾಶ್ಚ ನಗಾ ನದ್ಯಸ್ತಥಾ ದ್ರುಮಾಃ ॥ ೭೨॥
ಸ್ಥಾವರಾ ಜಙ್ಗಮಾಶ್ಚೈವ ತ್ವಮೇವ ರಘುನಾಯಕ ।
ದೇವತಿರ್ಯಮನುಷ್ಯಾಣಾಂ ದಾನವಾನಾಂ ತಥೈವ ಚ ॥ ೭೩॥
ಮಾತಾ ಪಿತಾ ತಥಾ ಭ್ರಾತಾ ತ್ವಮೇವ ರಘುವಲ್ಲಭ ।
ಸರ್ವೇಷಾಂ ತ್ವಂ ಪರಂ ಬ್ರಹ್ಮ ತ್ವನ್ಮಯಂ ಸರ್ವಮೇವ ಹಿ ॥ ೭೪॥
ತ್ವಮಕ್ಷರಂ ಪರಂ ಜ್ಯೋತಿಸ್ತ್ವಮೇವ ಪುರುಷೋತ್ತಮ ।
ತ್ವಮೇವ ತಾರಕಂ ಬ್ರಹ್ಮ ತ್ವತ್ತೋಽನ್ಯನ್ನೈವ ಕಿಞ್ಚನ ॥ ೭೫॥
ಶಾನ್ತಂ ಸರ್ವಗತಂ ಸೂಕ್ಷ್ಮಂ ಪರಂ ಬ್ರಹ್ಮ ಸನಾತನಮ್ ।
ರಾಜೀವಲೋಚನಂ ರಾಮಂ ಪ್ರಣಮಾಮಿ ಜಗತ್ಪತಿಮ್ ॥ ೭೬॥
ವ್ಯಾಸ ಉವಾಚ ।
ತತಃ ಪ್ರಸನ್ನಃ ಶ್ರೀರಾಮಃ ಪ್ರೋವಾಚ ಮುನಿಪುಙ್ಗವಮ್ ।
ತುಷ್ಟೋಽಸ್ಮಿ ಮುನಿಶಾರ್ದೂಲ ವೃಣೀಷ್ವ ವರಮುತ್ತಮಮ್ ॥ ೭೭॥
ನಾರದ ಉವಾಚ ।
ಯದಿ ತುಷ್ಟೋಽಸಿ ಸರ್ವಜ್ಞ ಶ್ರೀರಾಮ ಕರುಣಾನಿಧೇ ।
ತ್ವನ್ಮೂರ್ತಿದರ್ಶನೇನೈವ ಕೃತಾರ್ಥೋಽಹಂ ಚ ಸರ್ವದಾ ॥ ೭೮॥
ಧನ್ಯೋಽಹಂ ಕೃತಕೃತ್ಯೋಽಹಂ ಪುಣ್ಯೋಽಹಂ ಪುರುಷೋತ್ತಮ ।
ಅದ್ಯ ಮೇ ಸಫಲಂ ಜನ್ಮ ಜೀವಿತಂ ಸಫಲಂ ಚ ಮೇ ॥ ೭೯॥
ಅದ್ಯ ಮೇ ಸಫಲಂ ಜ್ಞಾನಮದ್ಯ ಮೇ ಸಫಲಂ ತಪಃ ।
ಅದ್ಯ ಮೇ ಸಫಲಂ ಕರ್ಮ ತ್ವತ್ಪಾದಾಮ್ಭೋಜದರ್ಶನಾತ್ ।
ಅದ್ಯ ಮೇ ಸಫಲಂ ಸರ್ವಂ ತ್ವನ್ನಾಮಸ್ಮರಣಂ ತಥಾ ॥ ೮೦॥
ತ್ವತ್ಪಾದಾಮ್ಭೋರುಹದ್ವನ್ದ್ವಸದ್ಭಕ್ತಿಂ ದೇಹಿ ರಾಘವ ।
ತತಃ ಪರಮಸಮ್ಪ್ರೀತಃ ಸ ರಾಮಃ ಪ್ರಾಹ ನಾರದಮ್ ॥ ೮೧॥
ಶ್ರೀರಾಮ ಉವಾಚ ।
ಮುನಿವರ್ಯ ಮಹಾಭಾಗ ಮುನೇತ್ವಿಷ್ಟಂ ದದಾಮಿ ತೇ ।
ಯತ್ತ್ವಯಾ ಚೇಪ್ಸಿತಂ ಸರ್ವ ಮನಸಾ ತದ್ಭವಿಷ್ಯತಿ ॥ ೮೨॥
ನಾರದ ಉವಾಚ ।
ವರಂ ನ ಯಾಚೇ ರಘುನಾಥ ಯುಷ್ಮತ್ಪದಾಬ್ಜಭಕ್ತಿಃ ಸತತಂ ಮಮಾಸ್ತು ।
ಇದಂ ಪ್ರಿಯಂ ನಾಥ ವರಂ ಹಿ ಯಾಚೇ ಪುನಃಪುನಸ್ತ್ವಾಮಿದಮೇವ ಯಾಚೇ ॥ ೮೩॥
ವ್ಯಾಸ ಉವಾಚ ।
ಇತ್ಯೇವಮೀಡಿತೋ ರಾಮಃ ಪ್ರಾದಾತ್ತಸ್ಮೈ ವರಾನ್ತರಮ್ ।
ವೀರೋ ರಾಮೋ ಮಹಾತೇಜಾಃ ಸಚ್ಚಿದಾನನ್ದವಿಗ್ರಹಃ ॥ ೮೪॥
ಅದ್ವೈತಮಮಲಂ ಜ್ಞಾನಂ ಸ್ವನಾಮಸ್ಮರಣಂ ತಥಾ ।
ಅನ್ತರ್ದಧೌ ಜಗನ್ನಾಥಃ ಪುರತಸ್ತಸ್ಯ ರಾಘವಃ ॥ ೮೫॥
ಇತಿ ಶ್ರೀರಘುನಾಥಸ್ಯ ಸ್ತವರಾಜಮನುತ್ತಮಮ್ ।
ಸರ್ವಸೌಭಾಗ್ಯಸಮ್ಪತ್ತಿದಾಯಕಂ ಮುಕ್ತಿದಂ ಶುಭಮ್ ॥ ೮೬॥
ಕಥಿತಂ ಬ್ರಹ್ಮಪುತ್ರೇಣ ವೇದಾನಾಂ ಸಾರಮುತ್ತಮಮ್ ।
ಗುಹ್ಯಾದ್ಗುಹ್ಯತಮಂ ದಿವ್ಯಂ ತವ ಸ್ನೇಹಾತ್ಪ್ರಕೀರ್ತಿತಮ್ ॥ ೮೭॥
ಯಃ ಪಠೇಚ್ಛೃಣುಯಾದ್ವಾಪಿ ತ್ರಿಸನ್ಧ್ಯಂ ಶ್ರದ್ಧಯಾನ್ವಿತಃ ।
ಬ್ರಹ್ಮಹತ್ಯಾದಿಪಾಪಾನಿ ತತ್ಸಮಾನಿ ಬಹೂನಿ ಚ ॥ ೮೮॥
ಸ್ವರ್ಣಸ್ತೇಯಂ ಸುರಾಪಾನಂ ಗುರುತಲ್ಪಗತಿಸ್ತಥಾ ।
ಗೋವಧಾದ್ಯುಪಪಾಪಾನಿ ಅನೃತಾತ್ಸಮ್ಭವಾನಿ ಚ ॥ ೮೯॥
ಸರ್ವೈಃ ಪ್ರಮುಚ್ಯತೇ ಪಾಪೈಃ ಕಲ್ಪಾಯುತಶತೋದ್ಭವೈಃ ।
ಮಾನಸಂ ವಾಚಿಕಂ ಪಾಪಂ ಕರ್ಮಣಾ ಸಮುಪಾರ್ಜಿತಮ್ ॥ ೯೦॥
ಶ್ರೀರಾಮಸ್ಮರಣೇನೈವ ತತ್ಕ್ಷಣಾನ್ನಶ್ಯತಿ ಧ್ರುವಮ್ ।
ಇದಂ ಸತ್ಯಮಿದಂ ಸತ್ಯಂ ಸತ್ಯಮೇತದಿಹೋಚ್ಯತೇ ॥ ೯೧॥
ರಾಮಂ ಸತ್ಯಂ ಪರಂ ಬ್ರಹ್ಮ ರಾಮಾತ್ಕಿಞ್ಚಿನ್ನ ವಿದ್ಯತೇ ।
ತಸ್ಮಾದ್ರಾಮಸ್ವರೂಪಂ ಹಿ ಸತ್ಯಂ ಸತ್ಯಮಿದಂ ಜಗತ್ ॥ ೯೨॥
ಶ್ರೀರಾಮಚನ್ದ್ರ ರಘುಪುಙ್ಗವ ರಾಜವರ್ಯ
ರಜೇನ್ದ್ರ ರಾಮ ರಘುನಾಯಕ ರಾಘವೇಶ ।
ರಾಜಾಧಿರಾಜ ರಘುನನ್ದನ ರಾಮಚನ್ದ್ರ
ದಾಸೋಽಹಮದ್ಯಭವತಃ ಶರಣಾಗತೋಽಸ್ಮಿ ॥ ೯೩॥
ವೈದೇಹೀಸಹಿತಂ ಸುರದ್ರುಮತಲೇ ಹೈಮೇ ಮಹಾಮಣ್ಡಪೇ ಮಧ್ಯೇ
ಪುಷ್ಪಕೃತಾಸನೇ ಮಣಿಮಯೇ ವೀರಾಸನೇ ಸಂಸ್ಥಿತಮ್ ।
ಅಗ್ರೇ ವಾಚಯತಿ ಪ್ರಭಞ್ಜನಸುತೇ ತತ್ತ್ವಂ ಮುನೀನ್ದ್ರೈಃ ಪರಂ
ವ್ಯಾಖ್ಯಾತಂ ಭರತಾದಿಭಿಃ ಪರಿವೃತಂ ರಾಮಂ ಭಜೇ ಶ್ಯಾಮಲಮ್ ॥ ೯೪॥
ರಾಮಂ ರತ್ನಕಿರೀಟಕುಣ್ಡಲಯುತಂ ಕೇಯೂರಹಾರಾನ್ವಿತಂ
ಸೀತಾಲಙ್ಕೃತವಾಮಭಾಗಮಮಲಂ ಸಿಂಹಾಸನಸ್ಥಂ ವಿಭುಮ್ ।
ಸುಗ್ರೀವಾದಿಹರೀಶ್ವರೈಃ ಸುರಗಣೈಃ ಸಂಸೇವ್ಯಮಾನಂ ಸದಾ
ವಿಶ್ವಾಮಿತ್ರಪರಾಶರಾದಿಮುನಿಭಿಃ ಸಂಸ್ತೂಯಮಾನಂ ಪ್ರಭುಮ್ ॥ ೯೫॥
ಸಕಲಗುಣನಿಧಾನಂ ಯೋಗಿಭಿಃ ಸ್ತೂಯಮಾನಂ
ಭುಜವಿಜಿತಸಮಾನಂ ರಾಕ್ಷಸೇನ್ದ್ರಾದಿಮಾನಮ್ ।
ಮಹಿತನೃಪಭಯಾನಂ ಸೀತಾಯಾ ಶೋಭಮಾನಂ
ಸ್ಮರ ಹೃದಯ ವಿಮಾನಂ ಬ್ರಹ್ಮ ರಾಮಾಭಿಧಾನಮ್ ॥ ೯೬॥
ರಘುವರ ತವ ಮೂರ್ತಿರ್ಮಾಮಕೇ ಮಾನಸಾಬ್ಜೇ
ನರಕಗತಿಹರಂ ತೇ ನಾಮಧೇಯಂ ಮುಖೇ ಮೇ ।
ಅನಿಶಮತುಲಭಕ್ತ್ಯಾ ಮಸ್ತಕಂ ತ್ವತ್ಪಾದಾಬ್ಜೇ
ಭವಜಲನಿಧಿಮಗ್ನಂ ರಕ್ಷಮಾಮಾರ್ತಬನ್ಧೋ ॥ ೯೭॥
ರಾಮರತ್ನಮಹಂ ವನ್ದೇ ಚಿತ್ರಕೂಟಪತಿಂ ಹರಿಮ್ ।
ಕೌಸಲ್ಯಾಭಕ್ತಿಸಮ್ಭೂತಂ ಜಾನಕೀಕಣ್ಠಭೂಷಣಮ್ ॥ ೯೮॥
ಇತಿ ಶ್ರೀಸನತ್ಕುಮಾರಸಂಹಿತಾಯಾಂ ನಾರದೋಕ್ತಂ ಶ್ರೀರಾಮಸ್ತವರಾಜಸ್ತೋತ್ರಂ ಸಮ್ಪೂರ್ಣಮ್ ॥
Encoded and proofread by Madhavi U mupadrasta at gmail.com
Please send corrections to sanskrit@cheerful.com
Last updated ತ್oday
http://sanskritdocuments.org
Rama Stavaraja Lyrics in Kannada PDF
% File name : rAmastavarAjastotra.itx
% Category : stavarAja
% Location : doc\_raama
% Language : Sanskrit
% Subject : philosophy/hinduism/religion
% Transliterated by : Madhavi U mupadrasta at gmail.com
% Proofread by : Madhavi U mupadrasta at gmail.com
% Description-comments : sanatkumArasaMhitAyAM nAradoktam
% Latest update : June 23, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : rAmastavarAjastotra.itx
% Category : stavarAja
% Location : doc\_raama
% Language : Sanskrit
% Subject : philosophy/hinduism/religion
% Transliterated by : Madhavi U mupadrasta at gmail.com
% Proofread by : Madhavi U mupadrasta at gmail.com
% Description-comments : sanatkumArasaMhitAyAM nAradoktam
% Latest update : June 23, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website