{॥ রামাষ্টোত্তরশতনামস্তোত্রম্ ॥}
॥ অথ শ্রীমদানন্দরামাযণান্তর্গত শ্রী

রামাষ্টোত্তরশতনাম স্তোত্রম্ ॥

বিষ্ণুদাস উবাচ-
ॐ অস্য শ্রীরামচন্দ্রনামাষ্টোত্তরশতমন্ত্রস্য ব্রহ্মা ঋষিঃ ।
অনুষ্টুপ্ ছন্দঃ । জানকীবল্লভঃ শ্রীরামচন্দ্রো দেবতা ॥

ॐ বীজম্ । নমঃ শক্তিঃ । শ্রীরামচন্দ্রঃ কীলকম্ ।
শ্রীরামচন্দ্রপ্রীত্যর্থে জপে বিনিযোগঃ ॥

অঙ্গুলীন্যাসঃ ।
ॐ নমো ভগবতে রাজাধিরাজায পরমাত্মনে অঙ্গুষ্ঠাভ্যাং নমঃ ।
ॐ নমো ভগবতে বিদ্যাধিরাজায হযগ্রীবায তর্জনীভ্যাং নমঃ ।
ॐ নমো ভগবতে জানকীবল্লভায মধ্যমাভ্যাং নমঃ ।
ॐ নমো ভগবতে রঘুনন্দনাযামিততেজসে অনামিকাভ্যাং নমঃ ।
ॐ নমো ভগবতে ক্ষীরাব্ধিমধ্যস্থায নারাযণায কনিষ্ঠিকাভ্যাং নমঃ ।
ॐ নমো ভগবতে সত্প্রকাশায রামায করতলকরপৃষ্ঠাভ্যাং নমঃ ।
ষডঙ্গন্যাসঃ ।
ॐ নমো ভগবতে রাজাধিরাজায পরমাত্মনে হৃদযায নমঃ ।
ॐ নমো ভগবতে বিদ্যাধিরাজায হযগ্রীবায শিরসে স্বাহা ।
ॐ নমো ভগবতে জানকীবল্লভায শিখাযৈ বষট্ ।
ॐ নমো ভগবতে রঘুনন্দনাযামিততেজসে কবচায হুম্ ।
ॐ নমো ভগবতে ক্ষীরাব্ধিমধ্যস্থায নারাযণায নেত্রত্রযায বৌষট্ ।
ॐ নমো ভগবতে সত্প্রকাশায রামায অস্ত্রায ফট্ । ইতি দিগ্বন্ধঃ ॥

অথ ধ্যানম্ ।
মন্দারাকৃতিপুণ্যধামবিলসদ্বক্ষস্থলং কোমলং
শান্তং কান্তমহেন্দ্রনীলরুচিরাভাসং সহস্রাননম্ ।
বন্দেঽহং রঘুনন্দনং সুরপতিং কোদণ্ডদীক্ষাগুরুং
রামং সর্বজগত্সুসেবিতপদং সীতামনোবল্লভম্ ॥ ১৬॥

অথ স্তোত্রম্ ।
সহস্রশীর্ষ্ণে বৈ তুভ্যং সহস্রাক্ষায তে নমঃ ।
নমঃ সহস্রহস্তায সহস্রচরণায চ ॥ ১৭॥

নমো জীমূতবর্ণায নমস্তে বিশ্বতোমুখ ।
অচ্যুতায নমস্তুভ্যং নমস্তে শেষশাযিনে ॥ ১৮॥

নমো হিরণ্যগর্ভায পঞ্চভূতাত্মনে নমঃ ।
নমো মূলপ্রকৃতযে দেবানাং হিতকারিণে ॥ ১৯॥

নমস্তে সর্বলোকেশ সর্বদুঃখনিষূদন ।
শঙ্খচক্রগদাপদ্মজটামুকুটধারিণে ॥ ২০॥

নমো গর্ভায তত্ত্বায জ্যোতিষাং জ্যোতিষে নমঃ ।
ॐ নমো বাসুদেবায নমো দশরথাত্মজ ॥ ২১॥

নমো নমস্তে রাজেন্দ্র সর্বসম্পত্প্রদায চ ।
নমঃ কারুণ্যরূপায কৈকেযীপ্রিযকারিণে ॥ ২২॥

নমো দন্তায শান্তায বিশ্বামিত্রপ্রিযায তে ।
যজ্ঞেশায নমস্তুভ্যং নমস্তে ক্রতুপালক ॥ ২৩॥

নমো নমঃ কেশবায নমো নাথায শর্ঙ্গিণে ।
নমস্তে রামচন্দ্রায নমো নারাযণায চ ॥ ২৪॥

নমস্তে রামচন্দ্রায মাধবায নমো নমঃ ।
গোবিন্দ্রায নমস্তুভ্যং নমস্তে পরমাত্মনে ॥ ২৫॥

নমস্তে বিষ্ণুরূপায রঘুনাথায তে নমঃ ।
নমস্তেঽনাথনাথায নমস্তে মধুসূদন ॥ ২৬॥

ত্রিবিক্রম নমস্তেঽস্তু সীতাযাঃ পতযে নমঃ ।
বামনায নমস্তুভ্যং নমস্তে রাঘবায চ ॥ ২৭॥

নমো নমঃ শ্রীধরায জানকীবল্লভায চ ।
নমস্তেঽস্তু হৃষীকেশ কন্দর্পায নমো নমঃ ॥ ২৮॥

নমস্তে পদ্মনাভায কৌসল্যাহর্ষকারিণে ।
নমো রাজীবনেত্রায নমস্তে লক্ষ্মণাগ্রজ ॥ ২৯॥

নমো নমস্তে কাকুত্স্থ নমো দামোদরায চ ।
বিভীষণপরিত্রাতর্নমঃ সঙ্কর্ষণায চ ॥ ৩০॥

বাসুদেব নমস্তেঽস্তু নমস্তে শঙ্করপ্রিয ।
প্রদ্যুম্নায নমস্তুভ্যমনিরুদ্ধায তে নমঃ ॥ ৩১॥

সদসদ্ভক্তিরূপায নমস্তে পুরুষোত্তম ।
অধোক্ষজ নমস্তেঽস্তু সপ্ততালহরায চ ॥ ৩২॥

খরদূষণসম্হর্ত্রে শ্রীনৃসিম্হায তে নমঃ ।
অচ্যুতায নমস্তুভ্যং নমস্তে সেতুবন্ধক ॥ ৩৩॥

জনার্দন নমস্তেঽস্তু নমো হনুমদাশ্রয ।
উপেন্দ্রচন্দ্রবন্দ্যায মারীচমথনায চ ॥ ৩৪॥

নমো বালিপ্রহরণ নমঃ সুগ্রীবরাজ্যদ ।
জামদগ্ন্যমহাদর্পহরায হরযে নমঃ ॥ ৩৫॥

নমো নমস্তে কৃষ্ণায নমস্তে ভরতাগ্রজ ।
নমস্তে পিতৃভক্তায নমঃ শত্রুঘ্নপূর্বজ ॥ ৩৬॥

অযোধ্যাধিপতে তুভ্যং নমঃ শত্রুঘ্নসেবিত ।
নমো নিত্যায সত্যায বুদ্ধ্যাদিজ্ঞানরূপিণে ॥ ৩৭॥

অদ্বৈতব্রহ্মরূপায জ্ঞানগম্যায তে নমঃ ।
নমঃ পূর্ণায রম্যায মাধবায চিদাত্মনে ॥ ৩৮॥

অযোধ্যেশায শ্রেষ্ঠায চিন্মাত্রায পরাত্মনে ।
নমোঽহল্যোদ্ধারণায নমস্তে চাপভঞ্জিনে ॥ ৩৯॥

সীতারামায সেব্যায স্তুত্যায পরমেষ্ঠিনে ।
নমস্তে বাণহস্তায নমঃ কোদণ্ডধারিণে ॥ ৪০॥

নমঃ কবন্ধহন্ত্রে চ বালিহন্ত্রে নমোঽস্তু তে ।
নমস্তেঽস্তু দশগ্রীবপ্রাণসম্হারকারিণে ॥ ৪১॥ ১০৮

অষ্টোত্তরশতং নাম্নাং রমচন্দ্রস্য পাবনম্
এতত্প্রোক্তং মযা শ্রেষ্ঠ সর্বপাতকনাশনম্ ॥ ৪২॥

প্রচরিষ্যতি তল্লোকে প্রাণ্যদৃষ্টবশাদ্দ্বিজ ।
তস্য কীর্তনমাত্রেণ জনা যাস্যন্তি সদ্গতিম্ ॥ ৪৩॥

তাবদ্বিজৃম্ভতে পাপং ব্রহ্মহত্যাপুরঃসরম্।
যাবন্নামাষ্টকশতং পুরুষো ন হি কীর্তযেত্ ॥ ৪৪॥

তাবত্কলের্মহোত্সাহো নিঃশঙ্কং সম্প্রবর্ততে ।
যাবচ্ছ্রীরামচন্দ্রস্য শতনাম্নাং ন কীর্তনম্ ॥ ৪৬॥

তাবত্স্বরূপং রামস্য দুর্বোধং প্রাণিনাং স্ফুটম্ ।
যাবন্ন নিষ্ঠযা রামনামমাহাত্ম্যমুত্তমম্ ॥ ৪৭॥

কীর্তিতং পঠিতং চিত্তে ধৃতং সংস্মারিতং মুদা ।
অন্যতঃ শৃণুযান্মর্ত্যঃ সোঽপি মুচ্যেত পাতকাত্ ॥ ৪৮॥

ব্রহ্মহত্যাদিপাপানাং নিষ্কৃতিং যদি বাঞ্ছতি ।
রামস্তোত্রং মাসমেকং পঠিত্বা মুচ্যতে নরঃ ॥ ৪৯॥

দুষ্প্রতিগ্রহদুর্ভোজ্যদুরালাপাদিসম্ভবম্ ।
পাপং সকৃত্কীর্তনেন রামস্তোত্রং বিনাশযেত্ ॥ ৫০॥

শ্রুতিস্মৃতিপুরাণেতিহাসাগমশতানি চ ।
অর্হন্তি নাল্পাং শ্রীরামনামকীর্তিকলামপি ॥ ৫১॥

অষ্টোত্তরশতং নাম্নাং সীতারামস্য পাবনম্ ।
অস্য সঙ্কীর্তনাদেব সর্বান্ কামান্ লভেন্নরঃ ॥ ৫২॥

পুত্রার্থী লভতে পুত্রান্ ধনার্থী ধনমাপ্নুযাত্ ।
স্ত্রিযং প্রাপ্নোতি পত্ন্যর্থী স্তোত্রপাঠশ্রবাদিনা ॥ ৫৩॥

কুম্ভোদরেণ মুনিনা যেন স্তোত্রেণ রাঘবঃ ।
স্তুতঃ পূর্বং যজ্ঞবাটে তদেতত্ত্বাং মযোদিতম্ ॥ ৫৪॥

ইতি শ্রীশতকোটিরামচরিতান্তর্গতে শ্রীমদানন্দরামাযণে বাল্মীকীযে
যাত্রাকাণ্ডে শ্রীরামনামাষ্টোত্তরশতনামস্তোত্রং নাম পঞ্চমঃ সর্গঃ ॥



Encoded and proofread by
Antaratma antaratma at Safe-mail.net
PSA Easwaran psaeaswaran at gmail

Please send corrections to sanskrit@cheerful.com
Last updated ত্oday
http://sanskritdocuments.org

Rama Ashtottara Shatanama Stotram ( From Ananda Ramayana ) Lyrics in Bengali PDF
% File name : raama108stAnanda.itx
% Category : aShTottarashatanAma
% Location : doc\_raama
% Author : Valmiki
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net , psaeaswaran at gmail
% Proofread by : Antaratma antaratma at Safe-mail.net , psaeaswaran at gmail
% Description-comments : from Anandaramayana
% Latest update : July 4, 2006, August 24, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website