{॥ ଶ୍ରୀଗଣେଶସ୍ତଵରାଜଃ ॥}
ଶ୍ରୀଗଣେଶାଯ ନମଃ । ଶ୍ରୀଭଗଵାନୁଵାଚ ।
ଗଣେଶସ୍ଯ ସ୍ତଵଂ ଵକ୍ଷ୍ଯେ କଲୌ ଝଟିତି ସିଦ୍ଧିଦମ୍ ।
ନ ନ୍ଯାସୋ ନ ଚ ସଂସ୍କାରୋ ନ ହୋମୋ ନ ଚ ତର୍ପଣମ୍ ॥ ୧॥

ନ ମାର୍ଜନଂ ଚ ପଞ୍ଚାଶତ୍ସହସ୍ରଜପମାତ୍ରତଃ ।
ସିଦ୍ଧ୍ଯତ୍ଯର୍ଚନତଃ ପଞ୍ଚଶତ-ବ୍ରାହ୍ମଣଭୋଜନାତ୍ ॥ ୨॥

ଅସ୍ଯ ଶ୍ରୀଗଣେଶସ୍ତଵରାଜମନ୍ତ୍ରସ୍ଯ ଭଗଵାନ୍ ସଦାଶିଵ ଋଷିଃ,
ଅନୁଷ୍ଟୁପ୍ ଛନ୍ଦଃ, ଶ୍ରୀମହାଗଣପତିର୍ଦେଵତା,
ଶ୍ରୀମହାଗଣପତିପ୍ରୀତ୍ଯର୍ଥେ ଜପେ ଵିନିଯୋଗଃ ।
ଵିନାଯକୈକ-ଭାଵନା-ସମର୍ଚନା-ସମର୍ପିତଂ
ପ୍ରମୋଦକୈଃ ପ୍ରମୋଦକୈଃ ପ୍ରମୋଦ-ମୋଦ-ମୋଦକମ୍ ।
ଯଦର୍ପିତଂ ସଦର୍ପିତଂ ନଵାନ୍ନଧାନ୍ଯନିର୍ମିତଂ
ନ କଣ୍ଡିତଂ ନ ଖଣ୍ଡିତଂ ନ ଖଣ୍ଡମଣ୍ଡନଂ କୃତମ୍ ॥ ୧॥

ସଜାତିକୃଦ୍-ଵିଜାତିକୃତ-ସ୍ଵନିଷ୍ଠଭେଦଵର୍ଜିତଂ
ନିରଞ୍ଜନଂ ଚ ନିର୍ଗୁଣଂ ନିରାକୃତିଂ ହ୍ଯନିଷ୍କ୍ରିଯମ୍
ସଦାତ୍ମକଂ ଚିଦାତ୍ମକଂ ସୁଖାତ୍ମକଂ ପରଂ ପଦଂ
ଭଜାମି ତଂ ଗଜାନନଂ ସ୍ଵମାଯଯାତ୍ତଵିଗ୍ରହମ୍ ॥୨।

ଗଣାଧିପ! ତ୍ଵମଷ୍ଟମୂର୍ତିରୀଶସୂନୁରୀଶ୍ଵର-
ସ୍ତ୍ଵମମ୍ବରଂ ଚ ଶମ୍ବରଂ ଧନଞ୍ଜଯଃ ପ୍ରଭଞ୍ଜନଃ ।
ତ୍ଵମେଵଂ ଦୀକ୍ଷିତଃ କ୍ଷିତିର୍ନିଶାକରଃ ପ୍ରଭାକର-
ଶ୍ଚରାଽଚର-ପ୍ରଚାର-ହେତୁରନ୍ତରାଯ-ଶାନ୍ତିକୃତ୍ ॥ ୩॥

ଅନେକଦଂ ତମାଲ-ନୀଲମେକଦନ୍ତ-ସୁନ୍ଦରଂ
ଗଜାନନଂ ନମୋଽଗଜାନନାଽମୃତାବ୍ଧି-ଚନ୍ଦିରମ୍ ।
ସମସ୍ତ-ଵେଦଵାଦସତ୍କଲା-କଲାପ-ମନ୍ଦିରଂ
ମହାନ୍ତରାଯ-କୃତ୍ତମୋଽର୍କମାଶ୍ରିତୋଽନ୍ଦରୂଂ ପରମ୍ ॥ ୪॥

ସରତ୍ନହେମ-ଘଣ୍ଟିକା-ନିନାଦ-ନୁପୁରସ୍ଵନୈ-
ମୃଦଙ୍ଗ-ତାଲନାଦ-ଭେଦସାଧନାନୁରୂପତଃ ।
ଧିମି-ଦ୍ଧିମି-ତ୍ତଥୋଂଗ-ଥୋଙ୍ଗ-ଥୈଯି-ଥୈଯିଶବ୍ଦତୋ
ଵିନାଯକଃ ଶଶାଙ୍କଶେଖରଃ ପ୍ରହୃଷ୍ଯ ନୃତ୍ଯତି ॥ ୫॥

ସଦା ନମାମି ନାଯକୈକନାଯକଂ ଵିନାଯକଂ
କଲାକଲାପ-କଲ୍ପନା-ନିଦାନମାଦିପରୂଷମ୍ ।
ଗଣେଶ୍ଵରଂ ଗୁଣେଶ୍ଵରଂ ମହେଶ୍ଵରାତ୍ମସମ୍ଭଵଂ
ସ୍ଵପାଦପଦ୍ମ-ସେଵିନା-ମପାର-ଵୈଭଵପ୍ରଦମ୍ ॥ ୬॥

ଭଜେ ପ୍ରଚଣ୍ଡ-ତୁନ୍ଦିଲଂ ସଦନ୍ଦଶୂକଭୂଷଣଂ
ସନନ୍ଦନାଦି-ଵନ୍ଦିତଂ ସମସ୍ତ-ସିଦ୍ଧସେଵିତମ୍ ।
ସୁରାଽସୁରୌଘଯୋଃ ସଦା ଜଯପ୍ରଦଂ ଭଯପ୍ରଦଂ
ସମସ୍ତଵିଘ୍ନ-ଘାତିନଂ ସ୍ଵଭକ୍ତ-ପକ୍ଷପାତିନମ୍ ॥ ୭॥

କରାମ୍ବୁଜାତ-କଙ୍କଣଃ ପଦାବ୍ଜ-କିଙ୍କିଣୋଗଣୋ
ଗଣେଶ୍ଵରୋ ଗୁଣାର୍ଣଵଃ ଫଣୀଶ୍ଵରାଙ୍ଗଭୂଷଣଃ ।
ଜଗତ୍ତ୍ରଯାନ୍ତରାଯ-ଶାନ୍ତିକାରକୋଽସ୍ତୁ ତାରକୋ
ଭଵାର୍ଣଵସ୍ଥ-ଘୋରଦୁର୍ଗହା ଚିଦେକଵିଗ୍ରହଃ ॥ ୮॥

ଯୋ ଭକ୍ତିପ୍ରଵଣଶ୍ଚରା-ଽଚର-ଗୁରୋଃ ସ୍ତୋତ୍ରଂ ଗଣେଶାଷ୍ଟକଂ
ଶୁଦ୍ଧଃ ସଂଯତଚେତସା ଯଦି ପଠେନ୍ନିତ୍ଯଂ ତ୍ରିସନ୍ଧ୍ଯଂ ପୁମାନ୍ ।
ତସ୍ଯ ଶ୍ରୀରତୁଲା ସ୍ଵସିଦ୍ଧି-ସହିତା ଶ୍ରୀଶାରଦା ସର୍ଵଦା
ସ୍ଯାତାଂ ତତ୍ପରିଚାରିକେ କିଲ ତଦା କାଃ କାମନାନାଂ କଥାଃ ॥ ୯॥

॥ ଇତି ଶ୍ରୀରୂଦ୍ରଯାମଲୋକ୍ତୋ ଗଣେଶସ୍ତଵରାଜଃ ସମ୍ପୂର୍ଣଃ ॥

Proofread by Ravin Bhalekar ravibhalekar at hotmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Ganesha Stavaraja ( Rudrayamala ) Lyrics in Oriya PDF
% File name : gaNeshastavarAja.itx
% Category : stavarAja
% Location : doc\_ganesha
% Language : Sanskrit
% Subject : hinduism/religion
% Transliterated by : Available at webdunia.com
% Proofread by : Ravin Bhalekar ravibhalekar at hotmail.com
% Description-comments : source rudrayAmala tantra
% Latest update : April 23, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website