{॥ ಶ್ರೀಸೀತಾರಾಮಾಷ್ಟಕಮ್ ॥}
ಬ್ರಹ್ಮಮಹೇನ್ದ್ರಸುರೇನ್ದ್ರಮರುದ್ಗಣರುದ್ರಮುನೀನ್ದ್ರಗಣೈರತಿರಮ್ಯಂ
ಕ್ಷೀರಸರಿತ್ಪತಿತೀರಮುಪೇತ್ಯ ನುತಂ ಹಿ ಸತಾಮವಿತಾರಮುದಾರಮ್ ।
ಭೂಮಿಭರಪ್ರಶಮಾರ್ಥಮಥ ಪ್ರಥಿತಪ್ರಕಟೀಕೃತಚಿದ್ಘನಮೂರ್ತಿಮ್ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ ೧॥

ಪದ್ಮದಲಾಯತಲೋಚನ ಹೇ ರಘುವಂಶವಿಭೂಷಣ ದೇವ ದಯಾಲೋ
ನಿರ್ಮಲನೀರದನೀಲತನೋಽಖಿಲಲೋಕಹೃದಮ್ಬುಜಭಾಸಕ ಭಾನೋ ।
ಕೋಮಲಗಾತ್ರ ಪವಿತ್ರಪದಾಬ್ಜರಜಃಕಣಪಾವಿತ ಗೌತಮಕಾನ್ತ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ ೨॥

ಪೂರ್ಣ ಪರಾತ್ಪರ ಪಾಲಯ ಮಾಮತಿದೀನಮನಾಥಮನನ್ತಸುಖಾಬ್ಧೇ
ಪ್ರಾವೃಡದಭ್ರತಡಿತ್ಸುಮನೋಹರಪೀತವರಾಮ್ಬರ ರಾಮ ನಮಸ್ತೇ ।
ಕಾಮವಿಭಞ್ಜನ ಕಾನ್ತತರಾನನ ಕಾಞ್ಚನಭೂಷಣ ರತ್ನಕಿರೀಟ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ ೩॥

ದಿವ್ಯಶರಚ್ಛಶಿಕಾನ್ತಿಹರೋಜ್ಜ್ವಲಮೌಕ್ತಿಕಮಾಲವಿಶಾಲಸುಮೌಲೇ
ಕೋಟಿರವಿಪ್ರಭ ಚಾರುಚರಿತ್ರಪವಿತ್ರ ವಿಚಿತ್ರಧನುಃಶರಪಾಣೇ ।
ಚಣ್ಡಮಹಾಭುಜದಣ್ಡವಿಖಣ್ಡಿತರಾಕ್ಷಸರಾಜಮಹಾಗಜದಣ್ಡಮ್ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ ೪॥

ದೋಷವಿಹಿಂಸ್ರಭುಜಙ್ಗಸಹಸ್ರಸುರೋಷಮಹಾನಲಕೀಲಕಲಾಪೇ
ಜನ್ಮಜರಾಮರಣೋರ್ಮಿಮಯೇ ಮದಮನ್ಮಥನಕ್ರವಿಚಕ್ರಭವಾಬ್ಧೌ ।
ದುಃಖನಿಧೌ ಚ ಚಿರಂ ಪತಿತಂ ಕೃಪಯಾದ್ಯ ಸಮುದ್ಧರ ರಾಮ ತತೋ ಮಾಮ್ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ ೫॥

ಸಂಸೃತಿಘೋರಮದೋತ್ಕಟಕುಞ್ಜರತೃಟ್ಕ್ಷುದನೀರದಪಿಣ್ಡಿತತುಣ್ಡಂ
ದಣ್ಡಕರೋನ್ಮಥಿತಂ ಚ ರಜಸ್ತಮ ಉನ್ಮದಮೋಹಪದೋಜ್ಝಿತಮಾರ್ತಮ್ ।
ದೀನಮನನ್ಯಗತಿಂ ಕೃಪಣಂ ಶರಣಾಗತಮಾಶು ವಿಮೋಚಯ ಮೂಢಮ್ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ ೬॥

ಜನ್ಮಶತಾರ್ಜಿತಪಾಪಸಮನ್ವಿತಹೃತ್ಕಮಲೇ ಪತಿತೇ ಪಶುಕಲ್ಪೇ
ಹೇ ರಘುವೀರ ಮಹಾರಣಧೀರ ದಯಾಂ ಕುರು ಮಯ್ಯತಿಮನ್ದಮನೀಷೇ ।
ತ್ವಂ ಜನನೀ ಭಗಿನೀ ಚ ಪಿತಾ ಮಮ ತಾವದಸಿ ತ್ವವಿತಾಪಿ ಕೃಪಾಲೋ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ ೭॥

ತ್ವಾಂ ತು ದಯಾಲುಮಕಿಞ್ಚನವತ್ಸಲಮುತ್ಪಲಹಾರಮಪಾರಮುದಾರಂ ರಾಮ
ವಿಹಾಯ ಕಮನ್ಯಮನಾಮಯಮೀಶ ಜನಂ ಶರಣಂ ನನು ಯಾಯಾಮ್ ।
ತ್ವತ್ಪದಪದ್ಮಮತಃ ಶ್ರಿತಮೇವ ಮುದಾ ಖಲು ದೇವ ಸದಾವ ಸಸೀತ ।
ತ್ವಾಂ ಭಜತೋ ರಘುನನ್ದನ ದೇಹಿ ದಯಾಘನ ಮೇ ಸ್ವಪದಾಮ್ಬುಜದಾಸ್ಯಮ್ ॥ ೮॥

ಯಃ ಕರುಣಾಮೃತಸಿನ್ಧುರನಾಥಜನೋತ್ತಮಬನ್ಧುರಜೋತ್ತಮಕಾರೀ
ಭಕ್ತಭಯೋರ್ಮಿಭವಾಬ್ಧಿತರಿಃ ಸರಯೂತಟಿನೀತಟಚಾರುವಿಹಾರೀ ।
ತಸ್ಯ ರಘುಪ್ರವರಸ್ಯ ನಿರನ್ತರಮಷ್ಟಕಮೇತದನಿಷ್ಟಹರಂ ವೈ ಯಸ್ತು
ಪಠೇದಮರಃ ಸ ನರೋ ಲಭತೇಽಚ್ಯುತರಾಮಪದಾಮ್ಬುಜದಾಸ್ಯಮ್ ॥ ೯॥

॥ ಇತಿ ಶ್ರೀಮನ್ಮಧುಸೂದನಾಶ್ರಮಶಿಷ್ಯಾಚ್ಯುತಯತಿವಿರಚಿತಂ

ಶ್ರೀಸೀತಾರಾಮಾಷ್ಟಕಂ ಸಮ್ಪೂರ್ಣಮ್ ॥


Visit http://www.webdunia.com for additional texts with Hindi meanings.

Please send corrections to sanskrit@cheerful.com
Last updated ತ್oday
http://sanskritdocuments.org

Sita Rama Ashtakam Lyrics in Kannada PDF
% File name : siitaaraama8.itx
% Category : aShTaka
% Location : doc\_raama
% Author : achyutayati
% Language : Sanskrit
% Subject : philosophy/hinduism/religion
% Transliterated by : http://www.webdunia.com
% Proofread by : Kirk Wortman kirkwort at hotmail.com
% Latest update : January 13, 2002
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website