{॥ ಶ್ರೀಕೃಷ್ಣಸ್ತೋತ್ರಂ ಇನ್ದ್ರರಚಿತಮ್ ॥}
ಶ್ರೀ ಗಣೇಶಾಯ ನಮಃ ।
ಇನ್ದ್ರ ಉವಾಚ ।
ಅಕ್ಷರಂ ಪರಮಂ ಬ್ರಹ್ಮ ಜ್ಯೋತೀರೂಪಂ ಸನಾತನಮ್ ।
ಗುಣಾತೀತಂ ನಿರಾಕಾರಂ ಸ್ವೇಚ್ಛಾಮಯಮನನ್ತಜಮ್ ॥ ೧॥

ಭಕ್ತಧ್ಯಾನಾಯ ಸೇವಾಯೈ ನಾನಾರೂಪಧರಂ ವರಮ್ ।
ಶುಕ್ಲರಕ್ತಪೀತಶ್ಯಾಮಂ ಯುಗಾನುಕ್ರಮಣೇನ ಚ ॥ ೨॥

ಶುಕ್ಲತೇಜಃಸ್ವರೂಪಂ ಚ ಸತ್ಯೇ ಸತ್ಯಸ್ವರೂಪಿಣಮ್ ।
ತ್ರೇತಾಯಾಂ ಕುಙ್ಕುಮಾಕಾರಂ ಜ್ವಲನ್ತಂ ಬ್ರಹ್ಮತೇಜಸಾ ॥ ೩॥

ದ್ವಾಪರೇ ಪೀತವರ್ಣಂ ಚ ಶೋಭಿತಂ ಪೀತವಾಸಸಾ ।
ಕೃಷ್ಣವರ್ಣಂ ಕಲೌ ಕೃಷ್ಣಂ ಪರಿಪೂರ್ಣತಮಂ ಪ್ರಭುಮ್ ॥ ೪॥

ನವಧಾರಾಧರೋತ್ಕೃಷ್ಟಶ್ಯಾಮಸುನ್ದರವಿಗ್ರಹಮ್ ।
ನನ್ದೈಕನನ್ದನಂ ವನ್ದೇ ಯಶೋದಾನನ್ದನಂ ಪ್ರಭುಮ್ ॥ ೫॥

ಗೋಪಿಕಾಚೇತನಹರಂ ರಾಧಾಪ್ರಾಣಾಧಿಕಂ ಪರಮ್ ।
ವಿನೋದಮುರಲೀಶಬ್ದಂ ಕುರ್ವನ್ತಂ ಕೌತುಕೇನ ಚ ॥ ೬॥

ರೂಪೇಣಾಪ್ರತಿಮೇನೈವ ರತ್ನಭೂಷಣಭೂಷಿತಮ್ ।
ಕನ್ದರ್ಪಕೋಟಿಸೌನ್ದರ್ಯಂ ವಿಭ್ರತಂ ಶಾನ್ತಮೀಶ್ವರಮ್ ॥ ೭॥

ಕ್ರೀಡನ್ತಂ ರಾಧಯಾ ಸಾರ್ಧಂ ವೃನ್ದಾರಣ್ಯೇ ಚ ಕುತ್ರಚಿತ್ ।
ಕೃತ್ರಚಿನ್ನಿರ್ಜನೇಽರಣ್ಯೇ ರಾಧಾವಕ್ಷಃಸ್ಥಲಸ್ಥಿತಮ್ ॥ ೮॥

ಜಲಕ್ರೀಡಾಂ ಪ್ರಕುರ್ವನ್ತಂ ರಾಧಯಾ ಸಹ ಕುತ್ರಚಿತ್ ।
ರಾಧಿಕಾಕಬರೀಭಾರಂ ಕುರ್ವನ್ತಂ ಕುತ್ರಚಿದ್ವನೇ ॥ ೯॥

ಕುತ್ರಚಿದ್ರಾಧಿಕಾಪಾದೇ ದತ್ತವನ್ತಮಲಕ್ತಕಮ್ ।
ರಾಧಾರ್ಚವಿತತಾಮ್ಬೂಲಂ ಗೃಹ್ಣನ್ತಂ ಕುತ್ರಚಿನ್ಮುದಾ ॥ ೧೦॥

ಪಶ್ಯನ್ತಂ ಕುತ್ರಚಿದ್ರಾಧಾಂ ಪಶ್ಯನ್ತೀಂ ವಕ್ರಚಕ್ಷುಷಾ ।
ದತ್ತವನ್ತಂ ಚ ರಾಧಾಯೈ ಕೃತ್ವಾ ಮಾಲಾಂ ಚ ಕುತ್ರಚಿತ್ ॥ ೧೧॥

ಕುತ್ರಚಿದ್ರಾಧಯಾ ಸಾರ್ಧಂ ಗಚ್ಛನ್ತಂ ರಾಸಮಣ್ಡಲಮ್ ।
ರಾಧಾದತ್ತಾಂ ಗಲೇ ಮಾಲಾಂ ಧೃತವನ್ತಂ ಚ ಕುತ್ರಚಿತ್ ॥ ೧೨॥

ಸಾರ್ಧಂ ಗೋಪಾಲಿಕಾಭಿಶ್ಚ ವಿಹರನ್ತಂ ಚ ಕುತ್ರಚಿತ್ ।
ರಾಧಾಂ ಗೃಹೀತ್ವಾ ಗಚ್ಛನ್ತಂ ತಾಂ ವಿಹಾಯ ಚ ಕುತ್ರಚಿತ್ ॥ ೧೩॥

ವಿಪ್ರಪತ್ನೀದತ್ತಮನ್ನಂ ಭುಕ್ತವನ್ತಂ ಚ ಕುತ್ರಚಿತ್ ।
ಭುಕ್ತವನ್ತಂ ತಾಲಫಲಂ ಬಾಲಕೈಃ ಸಹ ಕುತ್ರಚಿತ್ ॥ ೧೪॥

ವಸ್ತ್ರಂ ಗೋಪಾಲಿಕಾನಾಂ ಚ ಹರನ್ತಂ ಕುತ್ರಚಿನ್ಮುದಾ ।
ಗವಾಂ ಗಣಂ ವ್ಯಾಹರನ್ತಂ ಕುತ್ರಚಿದ್ಬಾಲಕೈಃ ಸಹ ॥ ೧೫॥

ಕಾಲೀಯಮೂರ್ಧ್ನಿ ಪಾದಾಬ್ಜಂ ದತ್ತವನ್ತಂ ಚ ಕುತ್ರಚಿತ್ ।
ವಿನೋದಮುರಲೀಶಬ್ದಂ ಕುರ್ವನ್ತಂ ಕುತ್ರಚಿನ್ಮುದಾ ॥ ೧೬॥

ಗಾಯನ್ತಂ ರಮ್ಯಸಙ್ಗೀತಂ ಕುತ್ರಚಿದ್ಬಾಲಕೈಃ ಸಹ ।
ಸ್ತುತ್ವಾ ಶಕ್ರಃ ಸ್ತವೇನ್ದ್ರೇಣ ಪ್ರಣನಾಮ ಹರಿಂ ಭಿಯಾ ॥ ೧೭॥

ಪುರಾ ದತ್ತೇನ ಗುರುಣಾ ರಣೇ ವೃತ್ರಾಸುರೇಣ ಚ ।
ಕೃಷ್ಣೇನ ದತ್ತಂ ಕೃಪಯಾ ಬ್ರಹ್ಮಣೇ ಚ ತಪಸ್ಯತೇ ॥ ೧೮॥

ಏಕಾದಶಾಕ್ಷರೋ ಮನ್ತ್ರಃ ಕವಚಂ ಸರ್ವಲಕ್ಷಣಮ್ ।
ದತ್ತಮೇತತ್ಕುಮಾರಾಯ ಪುಷ್ಕರೇ ಬ್ರಹ್ಮಣಾ ಪುರಾ ॥ ೧೯॥

ತೇನ ಚಾಙ್ಗಿರಸೇ ದತ್ತಂ ಗುರವೇಽಙ್ಗಿರಸಾ ಮುನೇ ।
ಇದಮಿನ್ದ್ರಕೃತಂ ಸ್ತೋತ್ರಂ ನಿತ್ಯಂ ಭಕ್ತ್ಯಾ ಚ ಯಃ ಪಠೇತ್ ॥ ೨೦॥

ಇಹ ಪ್ರಾಪ್ಯ ದೃಢಾಂ ಭಕ್ತಿಮನ್ತೇ ದಾಸ್ಯಂ ಲಭೇದ್ಧ್ರುವಮ್ ।
ಜನ್ಮಮೃತ್ಯುಜರಾವ್ಯಾಧಿಶೋಕೇಭ್ಯೋ ಮುಚ್ಯತೇ ನರಃ ॥ ೨೧॥

ನ ಹಿ ಪಶ್ಯತಿ ಸ್ವಪ್ನೇಽಪಿ ಯಮದೂತಂ ಯಮಾಲಯಮ್ ॥ ೨೨॥

॥ ಇತಿ ಶ್ರೀಬ್ರಹ್ಮವೈವರ್ತೇ ಇನ್ದ್ರಕೃತಂ ಶ್ರೀಕೃಷ್ಣಸ್ತೋತ್ರಂ ಸಮಾಪ್ತಮ್ ॥

Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Krishna Stotram ( By Indra ) Lyrics in Kannada PDF
% File name : indrakrishnastotra.itx
% Location : doc\_vishhnu
% Author : Indra
% Language : Sanskrit
% Subject : philosophy/hinduism/religion
% Transliterated by : WebD
% Proofread by : Ravin Bhalekar ravibhalekar at hotmail.com
% Description-comments : brahmavaivarta
% Latest update : January 19, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website