{॥ శ్రీకృష్ణస్తోత్రం ఇన్ద్రరచితమ్ ॥}
శ్రీ గణేశాయ నమః ।
ఇన్ద్ర ఉవాచ ।
అక్షరం పరమం బ్రహ్మ జ్యోతీరూపం సనాతనమ్ ।
గుణాతీతం నిరాకారం స్వేచ్ఛామయమనన్తజమ్ ॥ ౧॥

భక్తధ్యానాయ సేవాయై నానారూపధరం వరమ్ ।
శుక్లరక్తపీతశ్యామం యుగానుక్రమణేన చ ॥ ౨॥

శుక్లతేజఃస్వరూపం చ సత్యే సత్యస్వరూపిణమ్ ।
త్రేతాయాం కుఙ్కుమాకారం జ్వలన్తం బ్రహ్మతేజసా ॥ ౩॥

ద్వాపరే పీతవర్ణం చ శోభితం పీతవాససా ।
కృష్ణవర్ణం కలౌ కృష్ణం పరిపూర్ణతమం ప్రభుమ్ ॥ ౪॥

నవధారాధరోత్కృష్టశ్యామసున్దరవిగ్రహమ్ ।
నన్దైకనన్దనం వన్దే యశోదానన్దనం ప్రభుమ్ ॥ ౫॥

గోపికాచేతనహరం రాధాప్రాణాధికం పరమ్ ।
వినోదమురలీశబ్దం కుర్వన్తం కౌతుకేన చ ॥ ౬॥

రూపేణాప్రతిమేనైవ రత్నభూషణభూషితమ్ ।
కన్దర్పకోటిసౌన్దర్యం విభ్రతం శాన్తమీశ్వరమ్ ॥ ౭॥

క్రీడన్తం రాధయా సార్ధం వృన్దారణ్యే చ కుత్రచిత్ ।
కృత్రచిన్నిర్జనేఽరణ్యే రాధావక్షఃస్థలస్థితమ్ ॥ ౮॥

జలక్రీడాం ప్రకుర్వన్తం రాధయా సహ కుత్రచిత్ ।
రాధికాకబరీభారం కుర్వన్తం కుత్రచిద్వనే ॥ ౯॥

కుత్రచిద్రాధికాపాదే దత్తవన్తమలక్తకమ్ ।
రాధార్చవితతామ్బూలం గృహ్ణన్తం కుత్రచిన్ముదా ॥ ౧౦॥

పశ్యన్తం కుత్రచిద్రాధాం పశ్యన్తీం వక్రచక్షుషా ।
దత్తవన్తం చ రాధాయై కృత్వా మాలాం చ కుత్రచిత్ ॥ ౧౧॥

కుత్రచిద్రాధయా సార్ధం గచ్ఛన్తం రాసమణ్డలమ్ ।
రాధాదత్తాం గలే మాలాం ధృతవన్తం చ కుత్రచిత్ ॥ ౧౨॥

సార్ధం గోపాలికాభిశ్చ విహరన్తం చ కుత్రచిత్ ।
రాధాం గృహీత్వా గచ్ఛన్తం తాం విహాయ చ కుత్రచిత్ ॥ ౧౩॥

విప్రపత్నీదత్తమన్నం భుక్తవన్తం చ కుత్రచిత్ ।
భుక్తవన్తం తాలఫలం బాలకైః సహ కుత్రచిత్ ॥ ౧౪॥

వస్త్రం గోపాలికానాం చ హరన్తం కుత్రచిన్ముదా ।
గవాం గణం వ్యాహరన్తం కుత్రచిద్బాలకైః సహ ॥ ౧౫॥

కాలీయమూర్ధ్ని పాదాబ్జం దత్తవన్తం చ కుత్రచిత్ ।
వినోదమురలీశబ్దం కుర్వన్తం కుత్రచిన్ముదా ॥ ౧౬॥

గాయన్తం రమ్యసఙ్గీతం కుత్రచిద్బాలకైః సహ ।
స్తుత్వా శక్రః స్తవేన్ద్రేణ ప్రణనామ హరిం భియా ॥ ౧౭॥

పురా దత్తేన గురుణా రణే వృత్రాసురేణ చ ।
కృష్ణేన దత్తం కృపయా బ్రహ్మణే చ తపస్యతే ॥ ౧౮॥

ఏకాదశాక్షరో మన్త్రః కవచం సర్వలక్షణమ్ ।
దత్తమేతత్కుమారాయ పుష్కరే బ్రహ్మణా పురా ॥ ౧౯॥

తేన చాఙ్గిరసే దత్తం గురవేఽఙ్గిరసా మునే ।
ఇదమిన్ద్రకృతం స్తోత్రం నిత్యం భక్త్యా చ యః పఠేత్ ॥ ౨౦॥

ఇహ ప్రాప్య దృఢాం భక్తిమన్తే దాస్యం లభేద్ధ్రువమ్ ।
జన్మమృత్యుజరావ్యాధిశోకేభ్యో ముచ్యతే నరః ॥ ౨౧॥

న హి పశ్యతి స్వప్నేఽపి యమదూతం యమాలయమ్ ॥ ౨౨॥

॥ ఇతి శ్రీబ్రహ్మవైవర్తే ఇన్ద్రకృతం శ్రీకృష్ణస్తోత్రం సమాప్తమ్ ॥

Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated త్oday
http://sanskritdocuments.org

Krishna Stotram ( By Indra ) Lyrics in Telugu PDF
% File name : indrakrishnastotra.itx
% Location : doc\_vishhnu
% Author : Indra
% Language : Sanskrit
% Subject : philosophy/hinduism/religion
% Transliterated by : WebD
% Proofread by : Ravin Bhalekar ravibhalekar at hotmail.com
% Description-comments : brahmavaivarta
% Latest update : January 19, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website