ശ്രീകൃഷ്ണസഹസ്രനാമസ്തോത്രമ് സാത്വതതന്ത്രേ
{॥ ശ്രീകൃഷ്ണസഹസ്രനാമസ്തോത്രമ് സാത്വതതന്ത്രേ ॥}
ശ്രീനാരദ ഉവാച ।
കഥിതം മേ ത്വയാ ദേവ ഹരിനാമാനുകീര്തനമ് ।
പാപാപഹം മഹാസൌഖ്യം ഭഗവദ്ഭക്തികാരണമ് ॥ ൧॥
തത്രാഹം യാനി നാമാനി കീര്തയാമി സുരോത്തമ ।
താന്യഹം ജ്ഞാതുമിച്ഛാമി സാകല്യേന കുതൂഹലാത് ॥ ൨॥
ശ്രീശിവ ഉവാച ।
ഭൂമ്യമ്ബുതേജസാം യേ വൈ പരമാണൂനപി ദ്വിജ ।
ശക്യന്തേ ഗണിതും ഭൂയോ ജന്മഭിര്ന ഹരേര്ഗുണാന് ॥ ൩॥
തഥാപി മുഖ്യം വക്ഷ്യാമി ശ്രീവിഷ്ണോഃ പരമാദ്ഭുതമ് ।
നാമ്നാം സഹസ്രം പാര്വത്യൈ യദിഹോക്തം കൃപാലുനാ ॥ ൪॥
സമാധിനിഷ്ഠം മാം ദൃഷ്ട്വാ പാര്വതീ വരവര്ണിനീ ।
അപൃച്ഛത്പരമം ദേവം ഭഗവന്തം ജഗദ്ഗുരുമ് ॥ ൫॥
തദാ തസ്യൈ മയാ പ്രോക്തോ മത്പരോ ജഗദീശ്വരഃ ।
നാമ്നാം സഹസ്രം ച തഥാ ഗുണകര്മാനുസാരതഃ ॥ ൬॥
തദഹം തേഽഭിവക്ഷ്യാമി മഹാഭാഗവതോ ഭവാന് ।
യസ്യൈകസ്മരണേനൈവ പുമാന് സിദ്ധിമവാപ്നുയാത് ॥ ൭॥
ഉദ്യന്നവീനജലദാഭമകുണ്ഠധിഷ്ണ്യം വിദ്യോതിതാനലമനോഹരപീതവാസമ് ।
ഭാസ്വന്മയൂഖമുകുടാങ്ഗദഹാരയുക്തം കാഞ്ചീകലാപവലയാങ്ഗുലിഭിര്വിഭാതമ് ॥ ൮॥
ബ്രഹ്മാദിദേവഗണവന്ദിതപാദപദ്യം ശ്രീസേവിതം സകലസുന്ദരസംനിവേശമ് ।
ഗോഗോപവനിതാമുനിവൃന്ദജുഷ്ടം കൃഷ്ണം പുരാണപുരുഷം മനസാ സ്മരാമി ॥ ൯॥
ഓം നമോ വാസുദേവായ കൃഷ്ണായ പരമാത്മനേ ।
പ്രണതക്ലേശസംഹര്ത്രേ പരമാനന്ദദായിനേ ॥ ൧൦॥
ഓം ശ്രീകൃഷ്ണഃ ശ്രീപതിഃ ശ്രീമാന് ശ്രീധരഃ ശ്രീസുഖാശ്രയഃ ।
ശ്രീദാതാ ശ്രീകരഃ ശ്രീശഃ ശ്രീസേവ്യഃ ശ്രീവിഭാവനഃ ॥ ൧൧॥
പരമാത്മാ പരം ബ്രഹ്മ പരേശഃ പരമേശ്വരഃ ।
പരാനന്ദഃ പരം ധാമ പരമാനന്ദദായകഃ ॥ ൧൨॥
നിരാലമ്ബോ നിര്വികാരോ നിര്ലേപോ നിരവഗ്രഹഃ ।
നിത്യാനന്ദോ നിത്യമുക്തോ നിരീഹോ നിസ്പൃഹപ്രിയഃ ॥ ൧൩॥
പ്രിയംവദഃ പ്രിയകരഃ പ്രിയദഃ പ്രിയസഞ്ജനഃ ।
പ്രിയാനുഗഃ പ്രിയാലമ്ബീ പ്രിയകീര്തിഃ പ്രിയാത്പ്രിയഃ ॥ ൧൪॥
മഹാത്യാഗീ മഹാഭോഗീ മഹായോഗീ മഹാതപാഃ ।
മഹാത്മാ മഹതാം ശ്രേഷ്ഠോ മഹാലോകപതിര്മഹാന് ॥ ൧൫॥
സിദ്ധാര്ഥഃ സിദ്ധസങ്കല്പഃ സിദ്ധിദഃ സിദ്ധസാധനഃ ।
സിദ്ധേശഃ സിദ്ധമാര്ഗാഗ്രഃ സിദ്ധലോകൈകപാലകഃ ॥ ൧൬॥
ഇഷ്ടോ വിശിഷ്ടഃ ശിഷ്ടേഷ്ടോ മഹിഷ്ഠോ ജിഷ്ണുരുത്തമഃ ।
ജ്യേഷ്ഠഃ ശ്രേഷ്ഠശ്ച സര്വേഷ്ടോ വിഷ്ണുര്ഭ്രാജിഷ്ണുരവ്യയഃ ॥ ൧൭॥
വിഭുഃ ശമ്ഭുഃ പ്രഭുര്ഭൂമാ സ്വഭൂഃ സ്വാനന്ദമൂര്തിമാന് ।
പ്രീതിമാന് പ്രീതിദാതാ ച പ്രീതിദഃ പ്രീതിവര്ധനഃ ॥ ൧൮॥
യോഗേശ്വരോ യോഗഗമ്യോ യോഗീശോ യോഗപാരഗഃ ।
യോഗദാതാ യോഗപതിര്യോഗസിദ്ധിവിധായകഃ ॥ ൧൯॥
സത്യവ്രതഃ സത്യപരഃ ത്രിസത്യഃ സത്യകാരണഃ ।
സത്യാശ്രയഃ സത്യഹരഃ സത്പാലിഃ സത്യവര്ധനഃ ॥ ൨൦॥
സര്വാനന്ദഃ സര്വഹരഃ സര്വഗഃ സര്വവശ്യകൃത് ।
സര്വപാതാ സര്വസുഖഃ സര്വശ്രുതിഗണാര്ണവഃ ॥ ൨൧॥
ജനാര്ദനോ ജഗന്നാഥോ ജഗത്ത്രാതാ ജഗത്പിതാ ।
ജഗത്കര്താ ജഗദ്ധര്താ ജഗദാനന്ദമൂര്തിമാന് ॥ ൨൨॥
ധരാപതിര്ലോകപതിഃ സ്വര്പതിര്ജഗതാമ്പതിഃ ।
വിദ്യാപതിര്വിത്തപതിഃ സത്പതിഃ കമലാപതിഃ ॥ ൨൩॥
ചതുരാത്മാ ചതുര്ബാഹുശ്ചതുര്വര്ഗഫലപ്രദഃ ।
ചതുര്വ്യൂഹശ്ചതുര്ധാമാ ചതുര്യുഗവിധായകഃ ॥ ൨൪॥
ആദിദേവോ ദേവദേവോ ദേവേശോ ദേവധാരണഃ ।
ദേവകൃദ്ദേവഭൃദ്ദേവോ ദേവേഡിതപദാമ്ബുജഃ ॥ ൨൫॥
വിശ്വേശ്വരോ വിശ്വരൂപീ വിശ്വാത്മാ വിശ്വതോമുഖഃ ।
വിശ്വസൂര്വിശ്വഫലദോ വിശ്വഗോ വിശ്വനായകഃ ॥ ൨൬॥
ഭൂതകൃദ്ഭൂതഭൃദ്ഭാവോ ഭൂതാത്മാ ഭൂതഭാവനഃ ।
ഭൂതിദോ ഭൂതിവിസ്താരോ വിഭൂതിര്ഭൂതിപാലകഃ ॥ ൨൭॥
നാരായണോ നാരശായീ നാരസൂര്നാരജീവനഃ ।
നാരൈകഫലദോ നാരമുക്തിദോ നാരനായകഃ ॥ ൨൮॥
സഹസ്രരൂപഃ സാഹസ്രനാമാ സാഹസ്രവിഗ്രഹഃ ।
സഹസ്രശീര്ഷാ സാഹസ്രപാദാക്ഷിഭുജശീര്ഷവാന് ॥ ൨൯॥
പദ്മനാഭഃ പദ്മഗര്ഭഃ പദ്മീ പദ്മനിഭേക്ഷണഃ ।
പദ്മശായീ പദ്മമാലീ പദ്മാങ്കിതപദദ്വയഃ ॥ ൩൦॥
വീര്യവാന് സ്ഥൈര്യവാന് വാഗ്മീ ശൌര്യവാന് ധൈര്യവാന് ക്ഷമീ ।
ധീമാന് ധര്മപരോ ഭോഗീ ഭഗവാന് ഭയനാശനഃ ॥ ൩൧॥
ജയന്തോ വിജയോ ജേതാ ജയദോ ജയവര്ധനഃ ।
അമാനീ മാനദോ മാന്യോ മഹിമാവാന്മഹാബലഃ ॥ ൩൨॥
സന്തുഷ്ടസ്തോഷദോ ദാതാ ദമനോ ദീനവത്സലഃ ।
ജ്ഞാനീ യശസ്വാന് ധൃതിമാന് സഹ ഓജോബലാശ്രയഃ ॥ ൩൩॥
ഹയഗ്രീവോ മഹാതേജാ മഹാര്ണവവിനോദകൃത് ।
മധുകൈടഭവിധ്വംസീ വേദകൃദ്വേദപാലകഃ ॥ ൩൪॥
സനത്കുമാരഃ സനകഃ സനന്ദശ്ച സനാതനഃ ।
അഖണ്ഡബ്രഹ്മവ്രതവാനാത്മാ യോഗവിവേചകഃ ॥ ൩൫॥
ശ്രീനാരദോ ദേവഋഷിഃ കര്മാകര്മപ്രവര്തകഃ ।
സാത്വതാഗമകൃല്ലോകഹിതാഹിതപ്രസൂചകഃ ॥ ൩൬॥
ആദികാലോ യജ്ഞതത്ത്വം ധാതൃനാസാപുടോദ്ഭവഃ ।
ദന്താഗ്രന്യസ്തഭൂഗോലോ ഹിരണ്യാക്ഷബലാന്തകഃ ॥ ൩൭॥
പൃഥ്വീപതിഃ ശീഘ്രവേഗോ രോമാന്തര്ഗതസാഗരഃ ।
ശ്വാസാവധൂതഹേമാദ്രിഃ പ്രജാപതിപതിസ്തുതഃ ॥ ൩൮॥
അനന്തോ ധരണീഭര്താ പാതാലതലവാസകൃത് ।
കാമാഗ്നിജവനോ നാഗരാജരാജോ മഹാദ്യുതിഃ ॥ ൩൯॥
മഹാകൂര്മോ വിശ്വകായഃ ശേഷഭുക്സര്വപാലകഃ ।
ലോകപിതൃഗണാധീശഃ പിതൃസ്തുതമഹാപദഃ ॥ ൪൦॥
കൃപാമയഃ സ്വയം വ്യക്തിര്ധ്രുവപ്രീതിവിവര്ധനഃ ।
ധ്രുവസ്തുതപദോ വിഷ്ണുലോകദോ ലോകപൂജിതഃ ॥ ൪൧॥
ശുക്ലഃ കര്ദമസന്തപ്തസ്തപസ്തോഷിതമാനസഃ ।
മനോഽഭീഷ്ടപ്രദോ ഹര്ഷബിന്ദ്വഞ്ചിതസരോവരഃ ॥ ൪൨॥
യജ്ഞഃ സുരഗണാധീശോ ദൈത്യദാനവഘാതകഃ ।
മനുത്രാതാ ലോകപാലോ ലോകപാലകജന്മകൃത് ॥ ൪൩॥
കപിലാഖ്യഃ സാങ്ഖ്യപാതാ കര്ദമാങ്ഗസമുദ്ഭവഃ ।
സര്വസിദ്ധഗണാധീശോ ദേവഹൂതിഗതിപ്രദഃ ॥ ൪൪॥
ദത്തോഽത്രിതനയോ യോഗീ യോഗമാര്ഗപ്രദര്ശകഃ ।
അനസൂയാനന്ദകരഃ സര്വയോഗിജനസ്തുതഃ ॥ ൪൫॥
നാരായണോ നരഋഷിര്ധര്മപുത്രോ മഹാമനാഃ ।
മഹേശശൂലദമനോ മഹേശൈകവരപ്രദഃ ॥ ൪൬॥
ആകല്പാന്തതപോധീരോ മന്മഥാദിമദാപഹഃ ।
ഊര്വശീസൃഗ്ജിതാനങ്ഗോ മാര്കണ്ഡേയപ്രിയപ്രദഃ ॥ ൪൭॥
ഋഷഭോ നാഭിസുഖദോ മേരുദേവീപ്രിയാത്മജഃ ।
യോഗിരാജദ്വിജസ്രഷ്ടാ യോഗചര്യാപ്രദര്ശകഃ ॥ ൪൮॥
അഷ്ടബാഹുര്ദക്ഷയജ്ഞപാവനോഽഖിലസത്കൃതഃ ।
ദക്ഷേശദ്വേഷശമനോ ദക്ഷജ്ഞാനപ്രദായകഃ ॥ ൪൯॥
പ്രിയവ്രതകുലോത്പന്നോ ഗയനാമാ മഹായശാഃ ।
ഉദാരകര്മാ ബഹുവിന്മഹാഗുണഗണാര്ണവഃ ॥ ൫൦॥
ഹംസരൂപീ തത്ത്വവക്താ ഗുണാഗുണവിവേചകഃ ।
ധാതൃലജ്ജാപ്രശമനോ ബ്രഹ്മചാരിജനപ്രിയഃ ॥ ൫൧॥
വൈശ്യഃ പൃഥുഃ പൃഥ്വിദോഗ്ധാ സര്വജീവനദോഹകൃത് ।
ആദിരാജോ ജനാവാസകാരകോ ഭൂസമീകരഃ ॥ ൫൨॥
പ്രചേതോഽഭിഷ്ടുതപദഃ ശാന്തമൂര്തിഃ സുദര്ശനഃ ।
ദിവാരാത്രിഗണാധീശഃ കേതുമാനജനാശ്രയഃ ॥ ൫൩॥
ശ്രീകാമദേവഃ കമലാകാമകേലിവിനോദകൃത് ।
സ്വപാദരതിദോഽഭീഷ്ടസുഖദോ ദുഃഖനാശനഃ ॥ ൫൪॥
വിഭുര്ധര്മഭൃതാം ശ്രേഷ്ഠോ വേദശീര്ഷോ ദ്വിജാത്മജഃ ।
അഷ്ടാശീതിസഹസ്രാണാം മുനീനാമുപദേശദഃ ॥ ൫൫॥
സത്യസേനോ യക്ഷരക്ഷോദഹനോ ദീനപാലകഃ ।
ഇന്ദ്രമിത്രഃ സുരാരിഘ്നഃ സൂനൃതാധര്മനന്ദനഃ ॥ ൫൬॥
ഹരിര്ഗജവരത്രാതാ ഗ്രാഹപാശവിനാശകഃ ।
ത്രികൂടാദ്രിവനശ്ലാഘീ സര്വലോകഹിതൈഷണഃ ॥ ൫൭॥
വൈകുണ്ഠശുഭ്രാസുഖദോ വികുണ്ഠാസുന്ദരീസുതഃ ।
രമാപ്രിയകരഃ ശ്രീമാന്നിജലോകപ്രദര്ശകഃ ॥ ൫൮॥
വിപ്രശാപപരീഖിന്നനിര്ജരാര്തിനിവാരണഃ ।
ദുഗ്ധാബ്ധിമഥനോ വിപ്രോ വിരാജതനയോഽജിതഃ ॥ ൫൯॥
മന്ദാരാദ്രിധരഃ കൂര്മോ ദേവദാനവശര്മകൃത് ।
ജമ്ബൂദ്വീപസമഃ സ്രഷ്ടാ പീയൂഷോത്പത്തികാരണമ് ॥ ൬൦॥
ധന്വന്തരീ രുക്।ഗ്ശമനോഽമൃതധുക്രുക്പ്രശാന്തകഃ ।
ആയുര്വേദകരോ വൈദ്യരാജോ വിദ്യാപ്രദായകഃ ॥ ൬൧॥
ദേവാഭയകരോ ദൈത്യമോഹിനീ കാമരൂപിണീ ।
ഗീര്വാണാമൃതപോ ദുഷ്ടദൈത്യദാനവവഞ്ചകഃ ॥ ൬൨॥
മഹാമത്സ്യോ മഹാകായഃ ശല്കാന്തര്ഗതസാഗരഃ ।
വേദാരിദൈത്യദമനോ വ്രീഹിബീജസുരക്ഷകഃ ॥ ൬൩॥
പുച്ഛാഘാതഭ്രമത്സിന്ധുഃ സത്യവ്രതപ്രിയപ്രദഃ ।
ഭക്തസത്യവ്രതത്രാതാ യോഗത്രയപ്രദര്ശകഃ ॥ ൬൪॥
നരസിംഹോ ലോകജിഹ്വഃ ശങ്കുകര്ണോ നഖായുധഃ ।
സടാവധൂതജലദോ ദന്തദ്യുതിജിതപ്രഭഃ ॥ ൬൫॥
ഹിരണ്യകശിപുധ്വംസീ ബഹുദാനവദര്പഹാ ।
പ്രഹ്ലാദസ്തുതപാദാബ്ജോ ഭക്തസംസാരതാപഹാ ॥ ൬൬॥
ബ്രഹ്മേന്ദ്രരുദ്രഭീതിഘ്നോ ദേവകാര്യപ്രസാധകഃ ।
ജ്വലജ്ജ്വലനസങ്കാശഃ സര്വഭീതിവിനാശകഃ ॥ ൬൭॥
മഹാകലുഷവിധ്വംസീ സര്വകാമവരപ്രദഃ ।
കാലവിക്രമസംഹര്താ ഗ്രഹപീഡാവിനാശകഃ ॥ ൬൮॥
സര്വവ്യാധിപ്രശമനഃ പ്രചണ്ഡരിപുദണ്ഡകൃത് ।
ഉഗ്രഭൈരവസന്ത്രസ്തഹരാര്തിവിനിവാരകഃ ॥ ൬൯॥
ബ്രഹ്മചര്മാവൃതശിരാഃ ശിവശീര്ഷൈകനൂപുരഃ ।
ദ്വാദശാദിത്യശീര്ഷൈകമണിര്ദിക്പാലഭൂഷണഃ ॥ ൭൦॥
വാമനോഽദിതിഭീതിഘ്നോ ദ്വിജാതിഗണമണ്ഡനഃ ।
ത്രിപദവ്യാജയാഞ്ചാപ്തബലിത്രൈലോക്യസമ്പദഃ ॥ ൭൧॥
പന്നഖക്ഷതബ്രഹ്മാണ്ഡകടാഹോഽമിതവിക്രമഃ । pannagakShata?
സ്വര്ധുനീതീര്ഥജനനോ ബ്രഹ്മപൂജ്യോ ഭയാപഹഃ ॥ ൭൨॥
സ്വാങ്ഘ്രിവാരിഹതാഘൌഘോ വിശ്വരൂപൈകദര്ശനഃ ।
ബലിപ്രിയകരോ ഭക്തസ്വര്ഗദോഗ്ധാ ഗദാധരഃ ॥ ൭൩॥
ജാമദഗ്ന്യോ മഹാവീര്യഃ പരശുഭൃത്കാര്തവീര്യജിത് ।
സഹസ്രാര്ജുനസംഹര്താ സര്വക്ഷത്രകുലാന്തകഃ ॥ ൭൪॥
നിഃക്ഷത്രപൃഥ്വീകരണോ വീരജിദ്വിപ്രരാജ്യദഃ ।
ദ്രോണാസ്ത്രവേദപ്രവദോ മഹേശഗുരുകീര്തിദഃ ॥ ൭൫॥
സൂര്യവംശാബ്ജതരണിഃ ശ്രീമദ്ദശരഥാത്മജഃ ।
ശ്രീരാമോ രാമചന്ദ്രശ്ച രാമഭദ്രോഽമിതപ്രഭഃ ॥ ൭൬॥
നീലവര്ണപ്രതീകാശഃ കൌസല്യാപ്രാണജീവനഃ ।
പദ്മനേത്രഃ പദ്മവക്ത്രഃ പദ്മാങ്കിതപദാമ്ബുജഃ ॥ ൭൭॥
പ്രലമ്ബബാഹുശ്ചാര്വങ്ഗോ രത്നാഭരണഭൂഷിതഃ ।
ദിവ്യാമ്ബരോ ദിവ്യധനുര്ദിഷ്ടദിവ്യാസ്ത്രപാരഗഃ ॥ ൭൮॥
നിസ്ത്രിംശപാണിര്വീരേശോഽപരിമേയപരാക്രമഃ ।
വിശ്വാമിത്രഗുരുര്ധന്വീ ധനുര്വേദവിദുത്തമഃ ॥ ൭൯॥
ഋജുമാര്ഗനിമിത്തേഷു സങ്ഘതാഡിതതാഡകഃ ।
സുബാഹുര്ബാഹുവീര്യാഢ്യബഹുരാക്ഷസഘാതകഃ ॥ ൮൦॥
പ്രാപ്തചണ്ഡീശദോര്ദണ്ഡചണ്ഡകോദണ്ഡഖണ്ഡനഃ ।
ജനകാനന്ദജനകോ ജാനകീപ്രിയനായകഃ ॥ ൮൧॥
അരാതികുലദര്പഘ്നോ ധ്വസ്തഭാര്ഗവവിക്രമഃ ।
പിതൃവാക്ത്യക്തരാജ്യശ്രീവനവാസകൃതോത്സവഃ ॥ ൮൨॥
വിരാധരാധദമനശ്ചിത്രകൂടാദ്രിമന്ദിരഃ ।
ദ്വിജശാപസമുച്ഛന്നദണ്ഡകാരണ്യകര്മകൃത് ॥ ൮൩॥
ചതുര്ദശസഹസ്രോഗ്രരാക്ഷസഘ്നഃ ഖരാന്തകഃ ।
ത്രിശിരഃപ്രാണശമനോ ദുഷ്ടദൂഷണദൂഷണഃ ॥ ൮൪॥
ഛദ്മമാരീചമഥനോ ജാനകീവിരഹാര്തിഹൃത് ।
ജടായുഷഃ ക്രിയാകാരീ കബന്ധവധകോവിദഃ ॥ ൮൫॥
ഋഷ്യമൂകഗുഹാവാസീ കപിപഞ്ചമസഖ്യകൃത് ।
വാമപാദാഗ്രനിക്ഷിപ്തദുന്ദുഭ്യസ്ഥിബൃഹദ്ഗിരിഃ ॥ ൮൬॥
സകണ്ടകാരദുര്ഭേദസപ്തതാലപ്രഭേദകഃ ।
കിഷ്കിന്ധാധിപവാലിഘ്നോ മിത്രസുഗ്രീവരാജ്യദഃ ॥ ൮൭॥
ആഞ്ജനേയസ്വലാങ്ഗൂലദഗ്ധലങ്കാമഹോദയഃ ।
സീതാവിരഹവിസ്പഷ്ടരോഷക്ഷോഭിതസാഗരഃ ॥ ൮൮॥
ഗിരികൂടസമുത്ക്ഷേപസമുദ്രാദ്ഭുതസേതുകൃത് ।
പാദപ്രഹാരസന്ത്രസ്തവിഭീഷണഭയാപഹഃ ॥ ൮൯॥
അങ്ഗദോക്തിപരിക്ലിഷ്ടഘോരരാവണസൈന്യജിത് ।
നികുമ്ഭകുമ്ഭധൂമ്രാക്ഷകുമ്ഭകര്ണാദിവീരഹാ ॥ ൯൦॥
കൈലാസസഹനോന്മത്തദശാനനശിരോഹരഃ ।
അഗ്നിസംസ്പര്ശസംശുദ്ധസീതാസമ്വരണോത്സുകഃ ॥ ൯൧॥
കപിരാക്ഷസരാജാങ്ഗപ്രാപ്തരാജ്യനിജാശ്രയഃ ।
അയോധ്യാധിപതിഃ സര്വരാജന്യഗണശേഖരഃ ॥ ൯൨॥
അചിന്ത്യകര്മാ നൃപതിഃ പ്രാപ്തസിംഹാസനോദയഃ ।
ദുഷ്ടദുര്ബുദ്ധിദലനോ ദീനഹീനൈകപാലകഃ ॥ ൯൩॥
സര്വസമ്പത്തിജനനസ്തിര്യങ്ന്യായവിവേചകഃ ।
ശൂദ്രഘോരതപഃപ്ലുഷ്ടദ്വിജപുത്രൈകജീവനഃ ॥ ൯൪॥
ദുഷ്ടവാക്ക്ലിഷ്ടഹൃദയഃ സീതാനിര്വാസകാരകഃ ।
തുരങ്ഗമേധക്രതുയാട്ശ്രീമത്കുശലവാത്മജഃ ॥ ൯൫॥
സത്യാര്ഥത്യക്തസൌമിത്രിഃ സൂന്നീതജനസങ്ഗ്രഹഃ ।
സത്കര്ണപൂരസത്കീര്തിഃ കീര്ത്യാലോകാഘനാശനഃ ॥ ൯൬॥
ഭരതോ ജ്യേഷ്ഠപാദാബ്ജരതിത്യക്തനൃപാസനഃ ।
സര്വസദ്ഗുണസമ്പന്നഃ കോടിഗന്ധര്വനാശകഃ ॥ ൯൭॥
ലക്ഷ്മണോ ജ്യേഷ്ഠനിരതോ ദേവവൈരിഗണാന്തകഃ ।
ഇന്ദ്രജിത്പ്രാണശമനോ ഭ്രാതൃമാന് ത്യക്തവിഗ്രഹഃ ॥ ൯൮॥
ശത്രുഘ്നോഽമിത്രശമനോ ലവണാന്തകകാരകഃ ।
ആര്യഭ്രാതൃജനശ്ലാഘ്യഃ സതാം ശ്ലാഘ്യഗുണാകരഃ ॥ ൯൯॥
വടപത്ത്രപുടസ്ഥായീ ശ്രീമുകുന്ദോഽഖിലാശ്രയഃ ।
തനൂദരാര്പിതജഗന്മൃകണ്ഡതനയഃ ഖഗഃ ॥ ൧൦൦॥
ആദ്യോ ദേവഗണാഗ്രണ്യോ മിതസ്തുതിനതിപ്രിയഃ ।
വൃത്രഘോരതനുത്രസ്തദേവസന്മന്ത്രസാധകഃ ॥ ൧൦൧॥
ബ്രഹ്മണ്യോ ബ്രാഹ്മണശ്ലാഘീ ബ്രഹ്മണ്യജനവത്സലഃ ।
ഗോഷ്പദാപ്സുഗലദ്ഗാത്രവാലഖില്യജനാശ്രയഃ ॥ ൧൦൨॥
ദൌസ്വസ്തിര്യജ്വനാം ശ്രേഷ്ഠോ നൃപവിസ്മയകാരകഃ ।
തുരങ്ഗമേധബഹുകൃദ്വദാന്യഗണശേഖരഃ ॥ ൧൦൩॥
വാസവീതനയോ വ്യാസോ വേദശാഖാനിരൂപകഃ ।
പുരാണഭാരതാചാര്യഃ കലിലോകഹിതൈഷണഃ ॥ ൧൦൪॥
രോഹിണീഹൃദയാനന്ദോ ബലഭദ്രോ ബലാശ്രയഃ ।
സങ്കര്ഷണഃ സീരപാണിഃ മുസലാസ്ത്രോഽമലദ്യുതിഃ ॥ ൧൦൫॥
ശങ്ഖകുന്ദേന്ദുശ്വേതാങ്ഗസ്താലഭിദ്ധേനുകാന്തകഃ ।
മുഷ്ടികാരിഷ്ടഹനനോ ലാങ്ഗലാകൃഷ്ടയാമുനഃ ॥ ൧൦൬॥
പ്രലമ്ബപ്രാണഹാ രുക്മീമഥനോ ദ്വിവിദാന്തകഃ ।
രേവതീപ്രീതിദോ രാമാരമണോ ബല്വലാന്തകഃ ॥ ൧൦൭॥
ഹസ്തിനാപുരസങ്കര്ഷീ കൌരവാര്ചിതസത്പദഃ ।
ബ്രഹ്മാദിസ്തുതപാദാബ്ജോ ദേവയാദവപാലകഃ ॥ ൧൦൮॥
മായാപതിര്മഹാമായോ മഹാമായാനിദേശകൃത് ।
യദുവംശാബ്ധിപൂര്ണേന്ദുര്ബലദേവപ്രിയാനുജഃ ॥ ൧൦൯॥
നരാകൃതിഃ പരം ബ്രഹ്മ പരിപൂര്ണഃ പരോദയഃ ।
സര്വജ്ഞാനാദിസമ്പൂര്ണഃ പൂര്ണാനന്ദഃ പുരാതനഃ ॥ ൧൧൦॥
പീതാമ്ബരഃ പീതനിദ്രഃ പീതവേശ്മമഹാതപാഃ ।
മഹോരസ്കോ മഹാബാഹുര്മഹാര്ഹമണികുണ്ഡലഃ ॥ ൧൧൧॥
ലസദ്ഗണ്ഡസ്ഥലീഹൈമമൌലിമാലാവിഭൂഷിതഃ ।
സുചാരുകര്ണഃ സുഭ്രാജന്മകരാകൃതികുണ്ഡലഃ ॥ ൧൧൨॥
നീലകുഞ്ചിതസുസ്നിഗ്ധകുന്തലഃ കൌമുദീമുഖഃ ।
സുനാസഃ കുന്ദദശനോ ലസത്കോകനദാധരഃ ॥ ൧൧൩॥
സുമന്ദഹാസോ രുചിരഭ്രൂമണ്ഡലവിലോകനഃ ।
കമ്ബുകണ്ഠോ ബൃഹദ്ബ്രഹ്മാ വലയാങ്ഗദഭൂഷണഃ ॥ ൧൧൪॥
കൌസ്തുഭീ വനമാലീ ച ശങ്ഖചക്രഗദാബ്ജഭൃത് ।
ശ്രീവത്സലക്ഷ്മ്യാ ലക്ഷ്യാങ്ഗഃ സര്വലക്ഷണലക്ഷണഃ ॥ ൧൧൫॥
ദലോദരോ നിമ്നനാഭിര്നിരവദ്യോ നിരാശ്രയഃ ।
നിതമ്ബബിമ്ബവ്യാലമ്ബികിങ്കിണീകാഞ്ചിമണ്ഡിതഃ ॥ ൧൧൬॥
സമജങ്ഘാജാനുയുഗ്മഃ സുചാരുരുചിരാജിതഃ ।
ധ്വജവജ്രാങ്കുശാമ്ഭോജശരാങ്കിതപദാമ്ബുജഃ ॥ ൧൧൭॥
ഭക്തഭ്രമരസങ്ഘാതപീതപാദാമ്ബുജാസവഃ ।
നഖചന്ദ്രമണിജ്യോത്സ്നാപ്രകാശിതമഹാമനാഃ ॥ ൧൧൮॥
പാദാമ്ബുജയുഗന്യസ്തലസന്മഞ്ജീരരാജിതഃ ।
സ്വഭക്തഹൃദയാകാശലസത്പങ്കജവിസ്തരഃ ॥ ൧൧൯॥
സര്വപ്രാണിജനാനന്ദോ വസുദേവനുതിപ്രിയഃ ।
ദേവകീനന്ദനോ ലോകനന്ദികൃദ്ഭക്തഭീതിഭിത് ॥ ൧൨൦॥
ശേഷാനുഗഃ ശേഷശായീ യശോദാനതിമാനദഃ ।
നന്ദാനന്ദകരോ ഗോപഗോപീഗോകുലബാന്ധവഃ ॥ ൧൨൧॥
സര്വവ്രജജനാനന്ദീ ഭക്തവല്ലഭവവല്ലഭഃ ।
വല്യവ്യങ്ഗലസദ്ഗാത്രോ ബല്ലവീബാഹുമധ്യഗഃ ॥ ൧൨൨॥
പീതപൂതനികാസ്തന്യഃ പൂതനാപ്രാണശോഷണഃ ।
പൂതനോരസ്ഥലസ്ഥായീ പൂതനാമോക്ഷദായകഃ ॥ ൧൨൩॥
സമാഗതജനാനന്ദീ ശകടോച്ചാടകാരകഃ ।
പ്രാപ്തവിപ്രാശിഷോഽധീശോ ലഘിമാദിഗുണാശ്രയഃ ॥ ൧൨൪॥
തൃണാവര്തഗലഗ്രാഹീ തൃണാവര്തനിഷൂദനഃ ।
ജനന്യാനന്ദജനകോ ജനന്യാ മുഖവിശ്വദൃക് ॥ ൧൨൫॥
ബാലക്രീഡാരതോ ബാലഭാഷാലീലാദിനിര്വൃതഃ ।
ഗോപഗോപീപ്രിയകരോ ഗീതനൃത്യാനുകാരകഃ ॥ ൧൨൬॥
നവനീതവിലിപ്താങ്ഗോ നവനീതലവപ്രിയഃ ।
നവനീതലവാഹാരീ നവനീതാനുതസ്കരഃ ॥ ൧൨൭॥
ദാമോദരോഽര്ജുനോന്മൂലോ ഗോപൈകമതികാരകഃ ।
വൃന്ദാവനവനക്രീഡോ നാനാക്രീഡാവിശാരദഃ ॥ ൧൨൮॥
വത്സപുച്ഛസമാകര്ഷീ വത്സാസുരനിഷൂദനഃ ।
ബകാരിരഘസംഹാരീ ബാലാദ്യന്തകനാശനഃ ॥ ൧൨൯॥
യമുനാനിലസഞ്ജുഷ്ടസുമൃഷ്ടപുലിനപ്രിയഃ ।
ഗോപാലബാലപൂഗസ്ഥഃ സ്നിഗ്ധദധ്യന്നഭോജനഃ ॥ ൧൩൦॥
ഗോഗോപഗോപീപ്രിയകൃദ്ധനഭൃന്മോഹഖണ്ഡനഃ ।
വിധാതുര്മോഹജനകോഽത്യദ്ഭുതൈശ്വര്യദര്ശകഃ ॥ ൧൩൧॥
വിധിസ്തുതപദാമ്ഭോജോ ഗോപദാരകബുദ്ധിഭിത് ।
കാലീയദര്പദലനോ നാഗനാരീനുതിപ്രിയഃ ॥ ൧൩൨॥
ദാവാഗ്നിശമനഃ സര്വവ്രജഭൃജ്ജനജീവനഃ ।
മുഞ്ജാരണ്യപ്രവേശാപ്തകൃച്ഛ്രദാവാഗ്നിദാരണഃ ॥ ൧൩൩॥
സര്വകാലസുഖക്രീഡോ ബര്ഹിബര്ഹാവതംസകഃ ।
ഗോധുഗ്വധൂജനപ്രാണോ വേണുവാദ്യവിശാരദഃ ॥ ൧൩൪॥
ഗോപീപിധാനാരുന്ധാനോ ഗോപീവ്രതവരപ്രദഃ ।
വിപ്രദര്പപ്രശമനോ വിപ്രപത്നീപ്രസാദദഃ ॥ ൧൩൫॥
ശതക്രതുവരധ്വംസീ ശക്രദര്പമദാപഹഃ ।
ധൃതഗോവര്ധനഗിരിര്വ്രജലോകാഭയപ്രദഃ ॥ ൧൩൬॥
ഇന്ദ്രകീര്തിലസത്കീര്തിര്ഗോവിന്ദോ ഗോകുലോത്സവഃ ।
നന്ദത്രാണകരോ ദേവജലേശേഡിതസത്കഥഃ ॥ ൧൩൭॥
വ്രജവാസിജനശ്ലാഘ്യോ നിജലോകപ്രദര്ശകഃ ।
സുവേണുനാദമദനോന്മത്തഗോപീവിനോദകൃത് ॥ ൧൩൮॥
ഗോധുഗ്വധൂദര്പഹരഃ സ്വയശഃകീര്തനോത്സവഃ ।
വ്രജാങ്ഗനാജനാരാമോ വ്രജസുന്ദരിവല്ലഭഃ ॥ ൧൩൯॥
രാസക്രീഡാരതോ രാസമഹാമണ്ഡലമണ്ഡനഃ ।
വൃന്ദാവനവനാമോദീ യമുനാകൂലകേലികൃത് ॥ ൧൪൦॥
ഗോപികാഗീതികാഗീതഃ ശങ്ഖചൂഡശിരോഹരഃ ।
മഹാസര്പമുഖഗ്രസ്തത്രസ്തനന്ദവിമോചകഃ ॥ ൧൪൧॥
സുദര്ശനാര്ചിതപദോ ദുഷ്ടാരിഷ്ടവിനാശകഃ ।
കേശിദ്വേഷോ വ്യോമഹന്താ ശ്രുതനാരദകീര്തനഃ ॥ ൧൪൨॥
അക്രൂരപ്രിയകൃത്ക്രൂരരജകഘ്നഃ സുവേശകൃത് ।
സുദാമാദത്തമാലാഢ്യഃ കുബ്ജാചന്ദനചര്ചിതഃ ॥ ൧൪൩॥
മഥുരാജനസംഹര്ഷീ ചണ്ഡകോദണ്ഡഖണ്ഡകൃത് ।
കംസസൈന്യസമുച്ഛേദീ വണിഗ്വിപ്രഗണാര്ചിതഃ ॥ ൧൪൪॥
മഹാകുവലയാപീഡഘാതീ ചാണൂരമര്ദനഃ । ?
രങ്ഗശാലാഗതാപാരനരനാരീകൃതോത്സവഃ ॥ ൧൪൫॥
കംസധ്വംസകരഃ കംസസ്വസാരൂപ്യഗതിപ്രദഃ ।
കൃതോഗ്രസേനനൃപതിഃ സര്വയാദവസൌഖ്യകൃത് ॥ ൧൪൬॥
താതമാതൃകൃതാനന്ദോ നന്ദഗോപപ്രസാദദഃ ।
ശ്രിതസാന്ദീപനിഗുരുര്വിദ്യാസാഗരപാരഗഃ ॥ ൧൪൭॥
ദൈത്യപഞ്ചജനധ്വംസീ പാഞ്ചജന്യദരപ്രിയഃ ।
സാന്ദീപനിമൃതാപത്യദാതാ കാലയമാര്ചിതഃ ॥ ൧൪൮॥
സൈരന്ധ്രീകാമസന്താപശമനോഽക്രൂരപ്രീതിദഃ ।
ശാര്ങ്ഗചാപധരോ നാനാശരസന്ധാനകോവിദഃ ॥ ൧൪൯॥
അഭേദ്യദിവ്യകവചഃ ശ്രീമദ്ദാരുകസാരഥിഃ ।
ഖഗേന്ദ്രചിഹ്നിതധ്വജശ്ചക്രപാണിര്ഗദാധരഃ ॥ ൧൫൦॥
നന്ദകീയദുസേനാഢ്യോഽക്ഷയബാണനിഷങ്ഗവാന് ।
സുരാസുരാജേയരണ്യോ ജിതമാഗധയൂഥപഃ ॥ ൧൫൧॥
മാഗധധ്വജിനീധ്വംസീ മഥുരാപുരപാലകഃ ।
ദ്വാരകാപുരനിര്മാതാ ലോകസ്ഥിതിനിയാമകഃ ॥ ൧൫൨॥
സര്വസമ്പത്തിജനനഃ സ്വജനാനന്ദകാരകഃ ।
കല്പവൃക്ഷാക്ഷിതമഹിഃ സുധര്മാനീതഭൂതലഃ ॥ ൧൫൩॥
യവനാസുരസംഹര്താ മുചുകുന്ദേഷ്ടസാധകഃ ।
രുക്മിണീദ്വിജസംമന്ത്രരഥൈകഗതകുണ്ഡിനഃ ॥ ൧൫൪॥
രുക്മിണീഹാരകോ രുക്മിമുണ്ഡമുണ്ഡനകാരകഃ ।
രുക്മിണീപ്രിയകൃത്സാക്ഷാദ്രുക്മിണീരമണീപതിഃ ॥ ൧൫൫॥
രുക്മിണീവദനാമ്ഭോജമധുപാനമധുവ്രതഃ ।
സ്യമന്തകനിമിത്താത്മഭക്തര്ക്ഷാധിപജിത്ശുചിഃ ॥ ൧൫൬॥
ജാമ്ബവാര്ചിതപാദാബ്ജഃ സാക്ഷാജ്ജാമ്ബവതീപതിഃ ।
സത്യഭാമാകരഗ്രാഹീ കാലിന്ദീസുന്ദരീപ്രിയഃ ॥ ൧൫൭॥
സുതീക്ഷ്ണശൃങ്ഗവൃഷഭസപ്തജിദ്രാജയൂഥഭിദ് ।
നഗ്നജിത്തനയാസത്യാനായികാനായകോത്തമഃ ॥ ൧൫൮॥
ഭദ്രേശോ ലക്ഷ്മണാകാന്തോ മിത്രവിന്ദാപ്രിയേശ്വരഃ ।
മുരുജിത്പീഠസേനാനീനാശനോ നരകാന്തകഃ ॥ ൧൫൯॥
ധരാര്ചിതപദാമ്ഭോജോ ഭഗദത്തഭയാപഹാ ।
നരകാഹൃതദിവ്യസ്ത്രീരത്നവാഹാദിനായകഃ ॥ ൧൬൦॥
അഷ്ടോത്തരശതദ്വ്യഷ്ടസഹസ്രസ്ത്രീവിലാസവാന് ।
സത്യഭാമാബലാവാക്യപാരിജാതാപഹാരകഃ ॥ ൧൬൧॥
ദേവേന്ദ്രബലഭിജ്ജായാജാതനാനാവിലാസവാന് ।
രുക്മിണീമാനദലനഃ സ്ത്രീവിലാസാവിമോഹിതഃ ॥ ൧൬൨॥
കാമതാതഃ സാമ്ബസുതോഽസങ്ഖ്യപുത്രപ്രപൌത്രവാന് ।
ഉശായാനിതപൌത്രാര്ഥബാണബാഹുസസ്രഛിത് ॥ ൧൬൩॥
നന്ദ്യാദിപ്രമഥധ്വംസീ ലീലാജിതമഹേശ്വരഃ ।
മഹാദേവസ്തുതപദോ നൃഗദുഃഖവിമോചകഃ ॥ ൧൬൪॥
ബ്രഹ്മസ്വാപഹരക്ലേശകഥാസ്വജനപാലകഃ ।
പൌണ്ഡ്രകാരിഃ കാശിരാജശിരോഹര്താ സദാജിതഃ ॥ ൧൬൫॥
സുദക്ഷിണവ്രതാരാധ്യശിവകൃത്യാനലാന്തകഃ ।
വാരാണസീപ്രദഹനോ നാരദേക്ഷിതവൈഭവഃ ॥ ൧൬൬॥
അദ്ഭുതൈശ്വര്യമഹിമാ സര്വധര്മപ്രവര്തകഃ ।
ജരാസന്ധനിരോധാര്തഭൂഭുജേരിതസത്കഥഃ ॥ ൧൬൭॥
നാരദേരിതസന്മിത്രകാര്യഗൌരവസാധകഃ ।
കലത്രപുത്രസന്മിത്രസദ്വൃത്താപ്തഗൃഹാനുഗഃ ॥ ൧൬൮॥
ജരാസന്ധവധോദ്യോഗകര്താ ഭൂപതിശര്മകൃത് ।
സന്മിത്രകൃത്യാചരിതോ രാജസൂയപ്രവര്തകഃ ॥ ൧൬൯॥
സര്വര്ഷിഗണസംസ്തുത്യശ്ചൈദ്യപ്രാണനികൃന്തകഃ ।
ഇന്ദ്രപ്രസ്ഥജനൈഃ പൂജ്യോ ദുര്യോധനവിമോഹനഃ ॥ ൧൭൦॥
മഹേശദത്തസൌഭാഗ്യപുരഭിച്ഛത്രുഘാതകഃ ।
ദന്തവക്ത്രരിപുച്ഛേത്താ ദന്തവക്ത്രഗതിപ്രദഃ ॥ ൧൭൧॥
വിദൂരഥപ്രമഥനോ ഭൂരിഭാരാവതാരകഃ ।
പാര്ഥദൂതഃ പാര്ഥഹിതഃ പാര്ഥാര്ഥഃ പാര്ഥസാരഥിഃ ॥ ൧൭൨॥
പാര്ഥമോഹസമുച്ഛേദീ ഗീതാശാസ്ത്രപ്രദര്ശകഃ ।
പാര്ഥബാണഗതപ്രാണവീരകൈവല്യരൂപദഃ ॥ ൧൭൩॥
ദുര്യോധനാദിദുര്വൃത്തദഹനോ ഭീഷ്മമുക്തിദഃ ।
പാര്ഥാശ്വമേധാഹരകഃ പാര്ഥരാജ്യപ്രസാധകഃ ॥ ൧൭൪॥
പൃഥാഭീഷ്ടപ്രദോ ഭീമജയദോ വിജയപ്രദഃ ।
യുധിഷ്ഠിരേഷ്ടസന്ദാതാ ദ്രൌപദീപ്രീതിസാധകഃ ॥ ൧൭൫॥
സഹദേവേരിതപദോ നകുലാര്ചിതവിഗ്രഹഃ ।
ബ്രഹ്മാസ്ത്രദഗ്ധഗര്ഭസ്ഥപൂരുവംശപ്രസാധകഃ ॥ ൧൭൬॥
പൌരവേന്ദ്രപുരസ്ത്രീഭ്യോ ദ്വാരകാഗമനോത്സവഃ ।
ആനര്തദേശനിവസത്പ്രജേരിതമഹത്കഥഃ ॥ ൧൭൭॥
പ്രിയപ്രീതികരോ മിത്രവിപ്രദാരിദ്ര്യഭഞ്ജനഃ ।
തീര്ഥാപദേശസന്മിത്രപ്രിയകൃന്നന്ദനന്ദനഃ ॥ ൧൭൮॥
ഗോപീജനജ്ഞാനദാതാ താതക്രതുകൃതോത്സവഃ ।
സദ്വൃത്തവക്താ സദ്വൃത്തകര്താ സദ്വൃത്തപാലകഃ ॥ ൧൭൯॥
താതാത്മജ്ഞാനസന്ദാതാ ദേവകീമൃതപുത്രദഃ ।
ശ്രുതദേവപ്രിയകരോ മൈഥിലാനന്ദവര്ധനഃ ॥ ൧൮൦॥
പാര്ഥദര്പപ്രശമനോ മൃതവിപ്രസുതപ്രദഃ ।
സ്ത്രീരത്നവൃന്ദസന്തോഷീ ജനകേലികലോത്സവഃ ॥ ൧൮൧॥
ചന്ദ്രകോടിജനാനന്ദീ ഭാനുകോടിസമപ്രഭഃ ।
കൃതാന്തകോടിദുര്ലങ്ഘ്യഃ കാമകോടിമനോഹരഃ ॥ ൧൮൨॥
യക്ഷരാട്കോടിധനവാന്മരുത്കോടിസ്വവീര്യവാന് ।
സമുദ്രകോടിഗമ്ഭീരോ ഹിമവത്കോട്യകമ്പനഃ ॥ ൧൮൩॥
കോട്യശ്വമേധാഢ്യഹരഃ തീര്ഥകോട്യധികാഹ്വയഃ ।
പീയൂഷകോടിമൃത്യുഘ്നഃ കാമധുക്കോട്യഭീഷ്ടദഃ ॥ ൧൮൪॥
ശക്രകോടിവിലാസാഢ്യഃ കോടിബ്രഹ്മാണ്ഡനായകഃ ।
സര്വാമോഘോദ്യമോഽനന്തകീര്തിനിഃസീമപൌരുഷഃ ॥ ൧൮൫॥
സര്വാഭീഷ്ടപ്രദയശാഃ പുണ്യശ്രവണകീര്തനഃ ।
ബ്രഹ്മാദിസുരസങ്ഗീതവീതമാനുഷചേഷ്ടിതഃ ॥ ൧൮൬॥
അനാദിമധ്യനിധനോ വൃദ്ധിക്ഷയവിവര്ജിതഃ ।
സ്വഭക്തോദ്ധവമുഖ്യൈകജ്ഞാനദോ ജ്ഞാനവിഗ്രഹഃ ॥ ൧൮൭॥
വിപ്രശാപച്ഛലധ്വസ്തയദുവംശോഗ്രവിക്രമഃ ।
സശരീരജരാവ്യാധസ്വര്ഗദഃ സ്വര്ഗിസംസ്തുതഃ ॥ ൧൮൮॥
മുമുക്ഷുമുക്തവിഷയീജനാനന്ദകരോ യശഃ ।
കലികാലമലധ്വംസിയശാഃ ശ്രവണമങ്ഗലഃ ॥ ൧൮൯॥
ഭക്തപ്രിയോ ഭക്തഹിതോ ഭക്തഭ്രമരപങ്കജഃ ।
സ്മൃതമാത്രാഖിലത്രാതാ യന്ത്രമന്ത്രപ്രഭഞ്ജകഃ ॥ ൧൯൦॥
സര്വസമ്പത്സ്രാവിനാമാ തുലസീദാമവല്ലഭഃ ।
അപ്രമേയവപുര്ഭാസ്വദനര്ഘ്യാങ്ഗവിഭൂഷണഃ ॥ ൧൯൧॥
വിശ്വൈകസുഖദോ വിശ്വസജ്ജനാനന്ദപാലകഃ ।
സര്വദേവശിരോരത്നമദ്ഭുതാനന്തഭോഗവാന് ॥ ൧൯൨॥
അധോക്ഷജോ ജനാജീവ്യഃ സര്വസാധുജനാശ്രയഃ ।
സമസ്തഭയഭിന്നാമാ സ്മൃതമാത്രാര്തിനാശകഃ ॥ ൧൯൩॥
സ്വയശഃശ്രവണാനന്ദജനരാഗീ ഗുണാര്ണവഃ ।
അനിര്ദേശ്യവപുസ്തപ്തശരണോ ജീവജീവനഃ ॥ ൧൯൪॥
പരമാര്ഥഃ പരംവേദ്യഃ പരജ്യോതിഃ പരാഗതിഃ ।
വേദാന്തവേദ്യോ ഭഗവാനനന്തസുഖസാഗരഃ ॥ ൧൯൫॥
ജഗദ്ബന്ധധ്വംസയശാ ജഗജ്ജീവജനാശ്രയഃ ।
വൈകുണ്ഠലോകൈകപതിര്വൈകുണ്ഠജനവല്ലഭഃ ॥ ൧൯൬॥
പ്രദ്യുമ്നോ രുക്മിണീപുത്രഃ ശമ്ബരഘ്നോ രതിപ്രിയഃ ।
പുഷ്പധന്വാ വിശ്വജയീ ദ്യുമത്പ്രാണനിഷൂദകഃ ॥ ൧൯൭॥
അനിരുദ്ധഃ കാമസുതഃ ശബ്ദയോനിര്മഹാക്രമഃ ।
ഉഷാപതിര്വൃഷ്ണിപതിര്ഹൃഷീകേശോ മനഃപതിഃ ॥ ൧൯൮॥
ശ്രീമദ്ഭാഗവതാചാര്യഃ സര്വവേദാന്തസാഗരഃ ।
ശുകഃ സകലധര്മജ്ഞഃ പരീക്ഷിന്നൃപസത്കൃതഃ ॥ ൧൯൯॥
ശ്രീബുദ്ധോ ദുഷ്ടബുദ്ധിഘ്നോ ദൈത്യവേദബഹിഷ്കരഃ ।
പാഖണ്ഡമാര്ഗപ്രവദോ നിരായുധജഗജ്ജയഃ ॥ ൨൦൦॥
കല്കീ കലിയുഗാച്ഛാദീ പുനഃ സത്യപ്രവര്തകഃ ।
വിപ്രവിഷ്ണുയശോഽപത്യോ നഷ്ടധര്മപ്രവര്തകഃ ॥ ൨൦൧॥
സാരസ്വതഃ സാര്വഭൌമോ ബലിത്രൈലോക്യസാധകഃ ।
അഷ്ടമ്യന്തരസദ്ധര്മവക്താ വൈരോചനിപ്രിയഃ ॥ ൨൦൨॥
ആപഃ കരോ രമാനാഥോഽമരാരികുലകൃന്തനഃ ।
സുരേന്ദ്രഹിതകൃദ്ധീരവീരമുക്തിബലപ്രദഃ ॥ ൨൦൩॥
വിഷ്വക്സേനഃ ശമ്ഭുസഖോ ദശമാന്തരപാലകഃ ।
ബ്രഹ്മസാവര്ണിവംശാബ്ധിഹിതകൃദ്വിശ്വവര്ധനഃ ॥ ൨൦൪॥
ധര്മസേതുരധര്മഘ്നോ വൈദ്യതന്ത്രപദപ്രദഃ ।
അസുരാന്തകരോ ദേവാര്ഥകസൂനുഃ സുഭാഷണഃ ॥ ൨൦൫॥
സ്വധാമാ സൂനൃതാസൂനുഃ സത്യതേജോ ദ്വിജാത്മജഃ ।
ദ്വിഷന്മനുയുഗത്രാതാ പാതാലപുരദാരണഃ ॥ ൨൦൬॥
ദൈവഹോത്രിര്വാര്ഹതോയോ ദിവസ്പതിരതിപ്രിയഃ ।
ത്രയോദശാന്തരത്രാതാ യോഗയോഗിജനേശ്വരഃ ॥ ൨൦൭॥
സത്ത്രായണോ ബൃഹദ്ബാഹുര്വൈനതേയോ വിദുത്തമഃ ।
കര്മകാണ്ഡൈകപ്രവദോ വേദതന്ത്രപ്രവര്തകഃ ॥ ൨൦൮॥
പരമേഷ്ഠീ സുരജ്യേഷ്ഠോ ബ്രഹ്മാ വിശ്വസൃജാമ്പതിഃ ।
അബ്ജയോനിര്ഹംസവാഹഃ സര്വലോകപിതാമഹഃ ॥ ൨൦൯॥
വിഷ്ണുഃ സര്വജഗത്പാതാ ശാന്തഃ ശുദ്ധഃ സനാതനഃ ।
ദ്വിജപൂജ്യോ ദയാസിന്ധുഃ ശരണ്യോ ഭക്തവത്സലഃ ॥ ൨൧൦॥
രുദ്രോ മൃഡഃ ശിവഃ ശാസ്താ ശമ്ഭുഃ സര്വഹരോ ഹരഃ ।
കപര്ദീ ശങ്കരഃ ശൂലീ ത്ര്യക്ഷോഽഭേദ്യോ മഹേശ്വരഃ ॥ ൨൧൧॥
സര്വാധ്യക്ഷഃ സര്വശക്തിഃ സര്വാര്ഥഃ സര്വതോമുഖഃ ।
സര്വാവാസഃ സര്വരൂപഃ സര്വകാരണകാരണമ് ॥ ൨൧൨॥
ഇത്യേതത്കഥിതം വിപ്ര വിഷ്ണോര്നാമസഹസ്രകമ് ।
സര്വപാപപ്രശമനം സര്വാഭീഷ്ടഫലപ്രദമ് ॥ ൨൧൩॥
മനഃശുദ്ധികരം ചാശു ഭഗവദ്ഭക്തിവര്ധനമ് ।
സര്വവിഘ്നഹരം സര്വാശ്ചര്യൈശ്വര്യപ്രദായകമ് ॥ ൨൧൪॥
സര്വദുഃഖപ്രശമനം ചാതുര്വര്ഗ്യഫലപ്രദമ് ।
ശ്രദ്ധയാ പരയാ ഭക്ത്യാ ശ്രവണാത്പഠനാജ്ജപാത് ॥ ൨൧൫॥
പ്രത്യഹം സര്വവര്ണാനാം വിഷ്ണുപാദാശ്രിതാത്മനാമ് ।
ഏതത്പഠന് ദ്വിജോ വിദ്യാം ക്ഷത്രിയഃ പൃഥിവീമിമാമ് ॥ ൨൧൬॥
വൈശ്യോ മഹാനിധിം ശൂദ്രോ വാഞ്ഛിതാം സിദ്ധിമാപ്നുയാത് ।
ദ്വാത്രിംശദപരാധാന്യോ ജ്ഞാനാജ്ഞാനാച്ചരേദ്ധരേഃ ॥ ൨൧൭॥
നാമ്നാ ദശാപരാധാംശ്ച പ്രമാദാദാചരേദ്യദി ।
സമാഹിതമനാ ഹ്യേതത്പഠേദ്വാ ശ്രാവയേജ്ജപേത് ॥ ൨൧൮॥
സ്മരേദ്വാ ശൃണുയാദ്വാപി തേഭ്യഃ സദ്യഃ പ്രമുച്യതേ ।
നാതഃ പരതരം പുണ്യം ത്രിഷു ലോകേഷു വിദ്യതേ ॥ ൨൧൯॥
യസ്യൈകകീര്തനേനാപി ഭവബന്ധാദ്വിമുച്യതേ ।
അതസ്ത്വം സതതം ഭക്ത്യാ ശ്രദ്ധയാ കീര്തനം കുരു ॥ ൨൨൦॥
വിഷ്ണോര്നാമസഹസ്രം തേ ഭഗവത്പ്രീതികാരണമ് ।
ശ്രീനാരദ ഉവാച ।
ധന്യോഽസ്മ്യനുഗൃഹീതോഽസ്മി ത്വയാതികരുണാത്മനാ ।
യതഃ കൃഷ്ണസ്യ പരമം സഹസ്രം നാമകീര്തിതമ് ॥ ൨൨൧॥
യദ്യാലസ്യാത്പ്രമാദാദ്വാ സര്വം പഠിതുമന്വഹമ് ।
ന ശക്നോമി തദാ ദേവ കിം കരോമി വദ പ്രഭോ ॥ ൨൨൨॥
ശ്രീശിവ ഉവാച ।
യദി സര്വം ന ശക്നോഷി പ്രത്യഹം പഠിതും ദ്വിജ ।
തദാ കൃഷ്ണേതി കൃഷ്ണേതി കൃഷ്ണേതി പ്രത്യഹം വദ ॥ ൨൨൩॥
ഏതേന തവ വിപ്രര്ഷേ സര്വം സമ്പദ്യതേ സകൃത് ।
കിം പുനര്ഭഗവന്നാമ്നാം സഹസ്രസ്യ പ്രകീര്തനാത് ॥ ൨൨൪॥
യന്നാമകീര്തനേനൈവ പുമാന് സംസാരസാഗരമ് ।
തരത്യദ്ധാ പ്രപദ്യേ തം കൃഷ്ണം ഗോപാലരൂപിണമ് ॥ ൨൨൫॥
ഇതി സാത്വതതന്ത്രേ ശ്രീകൃഷ്ണസഹസ്രനാമഷഷ്ഠഃ പടലഃ ॥൬॥
From Shatvatantra paTala 6
Encoded originally by Oliver Hellwig hellwig7@gmx.de for Gretil
Translation available in file "Satvata Tantra 11.doc" at
http://www.radha.name/digital-books/sastras-acharyas-and-swamis/tantra-and-pancaratra
Proofread by Singanallur Ganesan singanallur at gmail.com and
PSA Easwaran psaeaswaran at gmail.com
Please send corrections to sanskrit@cheerful.com
Last updated ത്oday
http://sanskritdocuments.org
ശ്രീനാരദ ഉവാച ।
കഥിതം മേ ത്വയാ ദേവ ഹരിനാമാനുകീര്തനമ് ।
പാപാപഹം മഹാസൌഖ്യം ഭഗവദ്ഭക്തികാരണമ് ॥ ൧॥
തത്രാഹം യാനി നാമാനി കീര്തയാമി സുരോത്തമ ।
താന്യഹം ജ്ഞാതുമിച്ഛാമി സാകല്യേന കുതൂഹലാത് ॥ ൨॥
ശ്രീശിവ ഉവാച ।
ഭൂമ്യമ്ബുതേജസാം യേ വൈ പരമാണൂനപി ദ്വിജ ।
ശക്യന്തേ ഗണിതും ഭൂയോ ജന്മഭിര്ന ഹരേര്ഗുണാന് ॥ ൩॥
തഥാപി മുഖ്യം വക്ഷ്യാമി ശ്രീവിഷ്ണോഃ പരമാദ്ഭുതമ് ।
നാമ്നാം സഹസ്രം പാര്വത്യൈ യദിഹോക്തം കൃപാലുനാ ॥ ൪॥
സമാധിനിഷ്ഠം മാം ദൃഷ്ട്വാ പാര്വതീ വരവര്ണിനീ ।
അപൃച്ഛത്പരമം ദേവം ഭഗവന്തം ജഗദ്ഗുരുമ് ॥ ൫॥
തദാ തസ്യൈ മയാ പ്രോക്തോ മത്പരോ ജഗദീശ്വരഃ ।
നാമ്നാം സഹസ്രം ച തഥാ ഗുണകര്മാനുസാരതഃ ॥ ൬॥
തദഹം തേഽഭിവക്ഷ്യാമി മഹാഭാഗവതോ ഭവാന് ।
യസ്യൈകസ്മരണേനൈവ പുമാന് സിദ്ധിമവാപ്നുയാത് ॥ ൭॥
ഉദ്യന്നവീനജലദാഭമകുണ്ഠധിഷ്ണ്യം വിദ്യോതിതാനലമനോഹരപീതവാസമ് ।
ഭാസ്വന്മയൂഖമുകുടാങ്ഗദഹാരയുക്തം കാഞ്ചീകലാപവലയാങ്ഗുലിഭിര്വിഭാതമ് ॥ ൮॥
ബ്രഹ്മാദിദേവഗണവന്ദിതപാദപദ്യം ശ്രീസേവിതം സകലസുന്ദരസംനിവേശമ് ।
ഗോഗോപവനിതാമുനിവൃന്ദജുഷ്ടം കൃഷ്ണം പുരാണപുരുഷം മനസാ സ്മരാമി ॥ ൯॥
ഓം നമോ വാസുദേവായ കൃഷ്ണായ പരമാത്മനേ ।
പ്രണതക്ലേശസംഹര്ത്രേ പരമാനന്ദദായിനേ ॥ ൧൦॥
ഓം ശ്രീകൃഷ്ണഃ ശ്രീപതിഃ ശ്രീമാന് ശ്രീധരഃ ശ്രീസുഖാശ്രയഃ ।
ശ്രീദാതാ ശ്രീകരഃ ശ്രീശഃ ശ്രീസേവ്യഃ ശ്രീവിഭാവനഃ ॥ ൧൧॥
പരമാത്മാ പരം ബ്രഹ്മ പരേശഃ പരമേശ്വരഃ ।
പരാനന്ദഃ പരം ധാമ പരമാനന്ദദായകഃ ॥ ൧൨॥
നിരാലമ്ബോ നിര്വികാരോ നിര്ലേപോ നിരവഗ്രഹഃ ।
നിത്യാനന്ദോ നിത്യമുക്തോ നിരീഹോ നിസ്പൃഹപ്രിയഃ ॥ ൧൩॥
പ്രിയംവദഃ പ്രിയകരഃ പ്രിയദഃ പ്രിയസഞ്ജനഃ ।
പ്രിയാനുഗഃ പ്രിയാലമ്ബീ പ്രിയകീര്തിഃ പ്രിയാത്പ്രിയഃ ॥ ൧൪॥
മഹാത്യാഗീ മഹാഭോഗീ മഹായോഗീ മഹാതപാഃ ।
മഹാത്മാ മഹതാം ശ്രേഷ്ഠോ മഹാലോകപതിര്മഹാന് ॥ ൧൫॥
സിദ്ധാര്ഥഃ സിദ്ധസങ്കല്പഃ സിദ്ധിദഃ സിദ്ധസാധനഃ ।
സിദ്ധേശഃ സിദ്ധമാര്ഗാഗ്രഃ സിദ്ധലോകൈകപാലകഃ ॥ ൧൬॥
ഇഷ്ടോ വിശിഷ്ടഃ ശിഷ്ടേഷ്ടോ മഹിഷ്ഠോ ജിഷ്ണുരുത്തമഃ ।
ജ്യേഷ്ഠഃ ശ്രേഷ്ഠശ്ച സര്വേഷ്ടോ വിഷ്ണുര്ഭ്രാജിഷ്ണുരവ്യയഃ ॥ ൧൭॥
വിഭുഃ ശമ്ഭുഃ പ്രഭുര്ഭൂമാ സ്വഭൂഃ സ്വാനന്ദമൂര്തിമാന് ।
പ്രീതിമാന് പ്രീതിദാതാ ച പ്രീതിദഃ പ്രീതിവര്ധനഃ ॥ ൧൮॥
യോഗേശ്വരോ യോഗഗമ്യോ യോഗീശോ യോഗപാരഗഃ ।
യോഗദാതാ യോഗപതിര്യോഗസിദ്ധിവിധായകഃ ॥ ൧൯॥
സത്യവ്രതഃ സത്യപരഃ ത്രിസത്യഃ സത്യകാരണഃ ।
സത്യാശ്രയഃ സത്യഹരഃ സത്പാലിഃ സത്യവര്ധനഃ ॥ ൨൦॥
സര്വാനന്ദഃ സര്വഹരഃ സര്വഗഃ സര്വവശ്യകൃത് ।
സര്വപാതാ സര്വസുഖഃ സര്വശ്രുതിഗണാര്ണവഃ ॥ ൨൧॥
ജനാര്ദനോ ജഗന്നാഥോ ജഗത്ത്രാതാ ജഗത്പിതാ ।
ജഗത്കര്താ ജഗദ്ധര്താ ജഗദാനന്ദമൂര്തിമാന് ॥ ൨൨॥
ധരാപതിര്ലോകപതിഃ സ്വര്പതിര്ജഗതാമ്പതിഃ ।
വിദ്യാപതിര്വിത്തപതിഃ സത്പതിഃ കമലാപതിഃ ॥ ൨൩॥
ചതുരാത്മാ ചതുര്ബാഹുശ്ചതുര്വര്ഗഫലപ്രദഃ ।
ചതുര്വ്യൂഹശ്ചതുര്ധാമാ ചതുര്യുഗവിധായകഃ ॥ ൨൪॥
ആദിദേവോ ദേവദേവോ ദേവേശോ ദേവധാരണഃ ।
ദേവകൃദ്ദേവഭൃദ്ദേവോ ദേവേഡിതപദാമ്ബുജഃ ॥ ൨൫॥
വിശ്വേശ്വരോ വിശ്വരൂപീ വിശ്വാത്മാ വിശ്വതോമുഖഃ ।
വിശ്വസൂര്വിശ്വഫലദോ വിശ്വഗോ വിശ്വനായകഃ ॥ ൨൬॥
ഭൂതകൃദ്ഭൂതഭൃദ്ഭാവോ ഭൂതാത്മാ ഭൂതഭാവനഃ ।
ഭൂതിദോ ഭൂതിവിസ്താരോ വിഭൂതിര്ഭൂതിപാലകഃ ॥ ൨൭॥
നാരായണോ നാരശായീ നാരസൂര്നാരജീവനഃ ।
നാരൈകഫലദോ നാരമുക്തിദോ നാരനായകഃ ॥ ൨൮॥
സഹസ്രരൂപഃ സാഹസ്രനാമാ സാഹസ്രവിഗ്രഹഃ ।
സഹസ്രശീര്ഷാ സാഹസ്രപാദാക്ഷിഭുജശീര്ഷവാന് ॥ ൨൯॥
പദ്മനാഭഃ പദ്മഗര്ഭഃ പദ്മീ പദ്മനിഭേക്ഷണഃ ।
പദ്മശായീ പദ്മമാലീ പദ്മാങ്കിതപദദ്വയഃ ॥ ൩൦॥
വീര്യവാന് സ്ഥൈര്യവാന് വാഗ്മീ ശൌര്യവാന് ധൈര്യവാന് ക്ഷമീ ।
ധീമാന് ധര്മപരോ ഭോഗീ ഭഗവാന് ഭയനാശനഃ ॥ ൩൧॥
ജയന്തോ വിജയോ ജേതാ ജയദോ ജയവര്ധനഃ ।
അമാനീ മാനദോ മാന്യോ മഹിമാവാന്മഹാബലഃ ॥ ൩൨॥
സന്തുഷ്ടസ്തോഷദോ ദാതാ ദമനോ ദീനവത്സലഃ ।
ജ്ഞാനീ യശസ്വാന് ധൃതിമാന് സഹ ഓജോബലാശ്രയഃ ॥ ൩൩॥
ഹയഗ്രീവോ മഹാതേജാ മഹാര്ണവവിനോദകൃത് ।
മധുകൈടഭവിധ്വംസീ വേദകൃദ്വേദപാലകഃ ॥ ൩൪॥
സനത്കുമാരഃ സനകഃ സനന്ദശ്ച സനാതനഃ ।
അഖണ്ഡബ്രഹ്മവ്രതവാനാത്മാ യോഗവിവേചകഃ ॥ ൩൫॥
ശ്രീനാരദോ ദേവഋഷിഃ കര്മാകര്മപ്രവര്തകഃ ।
സാത്വതാഗമകൃല്ലോകഹിതാഹിതപ്രസൂചകഃ ॥ ൩൬॥
ആദികാലോ യജ്ഞതത്ത്വം ധാതൃനാസാപുടോദ്ഭവഃ ।
ദന്താഗ്രന്യസ്തഭൂഗോലോ ഹിരണ്യാക്ഷബലാന്തകഃ ॥ ൩൭॥
പൃഥ്വീപതിഃ ശീഘ്രവേഗോ രോമാന്തര്ഗതസാഗരഃ ।
ശ്വാസാവധൂതഹേമാദ്രിഃ പ്രജാപതിപതിസ്തുതഃ ॥ ൩൮॥
അനന്തോ ധരണീഭര്താ പാതാലതലവാസകൃത് ।
കാമാഗ്നിജവനോ നാഗരാജരാജോ മഹാദ്യുതിഃ ॥ ൩൯॥
മഹാകൂര്മോ വിശ്വകായഃ ശേഷഭുക്സര്വപാലകഃ ।
ലോകപിതൃഗണാധീശഃ പിതൃസ്തുതമഹാപദഃ ॥ ൪൦॥
കൃപാമയഃ സ്വയം വ്യക്തിര്ധ്രുവപ്രീതിവിവര്ധനഃ ।
ധ്രുവസ്തുതപദോ വിഷ്ണുലോകദോ ലോകപൂജിതഃ ॥ ൪൧॥
ശുക്ലഃ കര്ദമസന്തപ്തസ്തപസ്തോഷിതമാനസഃ ।
മനോഽഭീഷ്ടപ്രദോ ഹര്ഷബിന്ദ്വഞ്ചിതസരോവരഃ ॥ ൪൨॥
യജ്ഞഃ സുരഗണാധീശോ ദൈത്യദാനവഘാതകഃ ।
മനുത്രാതാ ലോകപാലോ ലോകപാലകജന്മകൃത് ॥ ൪൩॥
കപിലാഖ്യഃ സാങ്ഖ്യപാതാ കര്ദമാങ്ഗസമുദ്ഭവഃ ।
സര്വസിദ്ധഗണാധീശോ ദേവഹൂതിഗതിപ്രദഃ ॥ ൪൪॥
ദത്തോഽത്രിതനയോ യോഗീ യോഗമാര്ഗപ്രദര്ശകഃ ।
അനസൂയാനന്ദകരഃ സര്വയോഗിജനസ്തുതഃ ॥ ൪൫॥
നാരായണോ നരഋഷിര്ധര്മപുത്രോ മഹാമനാഃ ।
മഹേശശൂലദമനോ മഹേശൈകവരപ്രദഃ ॥ ൪൬॥
ആകല്പാന്തതപോധീരോ മന്മഥാദിമദാപഹഃ ।
ഊര്വശീസൃഗ്ജിതാനങ്ഗോ മാര്കണ്ഡേയപ്രിയപ്രദഃ ॥ ൪൭॥
ഋഷഭോ നാഭിസുഖദോ മേരുദേവീപ്രിയാത്മജഃ ।
യോഗിരാജദ്വിജസ്രഷ്ടാ യോഗചര്യാപ്രദര്ശകഃ ॥ ൪൮॥
അഷ്ടബാഹുര്ദക്ഷയജ്ഞപാവനോഽഖിലസത്കൃതഃ ।
ദക്ഷേശദ്വേഷശമനോ ദക്ഷജ്ഞാനപ്രദായകഃ ॥ ൪൯॥
പ്രിയവ്രതകുലോത്പന്നോ ഗയനാമാ മഹായശാഃ ।
ഉദാരകര്മാ ബഹുവിന്മഹാഗുണഗണാര്ണവഃ ॥ ൫൦॥
ഹംസരൂപീ തത്ത്വവക്താ ഗുണാഗുണവിവേചകഃ ।
ധാതൃലജ്ജാപ്രശമനോ ബ്രഹ്മചാരിജനപ്രിയഃ ॥ ൫൧॥
വൈശ്യഃ പൃഥുഃ പൃഥ്വിദോഗ്ധാ സര്വജീവനദോഹകൃത് ।
ആദിരാജോ ജനാവാസകാരകോ ഭൂസമീകരഃ ॥ ൫൨॥
പ്രചേതോഽഭിഷ്ടുതപദഃ ശാന്തമൂര്തിഃ സുദര്ശനഃ ।
ദിവാരാത്രിഗണാധീശഃ കേതുമാനജനാശ്രയഃ ॥ ൫൩॥
ശ്രീകാമദേവഃ കമലാകാമകേലിവിനോദകൃത് ।
സ്വപാദരതിദോഽഭീഷ്ടസുഖദോ ദുഃഖനാശനഃ ॥ ൫൪॥
വിഭുര്ധര്മഭൃതാം ശ്രേഷ്ഠോ വേദശീര്ഷോ ദ്വിജാത്മജഃ ।
അഷ്ടാശീതിസഹസ്രാണാം മുനീനാമുപദേശദഃ ॥ ൫൫॥
സത്യസേനോ യക്ഷരക്ഷോദഹനോ ദീനപാലകഃ ।
ഇന്ദ്രമിത്രഃ സുരാരിഘ്നഃ സൂനൃതാധര്മനന്ദനഃ ॥ ൫൬॥
ഹരിര്ഗജവരത്രാതാ ഗ്രാഹപാശവിനാശകഃ ।
ത്രികൂടാദ്രിവനശ്ലാഘീ സര്വലോകഹിതൈഷണഃ ॥ ൫൭॥
വൈകുണ്ഠശുഭ്രാസുഖദോ വികുണ്ഠാസുന്ദരീസുതഃ ।
രമാപ്രിയകരഃ ശ്രീമാന്നിജലോകപ്രദര്ശകഃ ॥ ൫൮॥
വിപ്രശാപപരീഖിന്നനിര്ജരാര്തിനിവാരണഃ ।
ദുഗ്ധാബ്ധിമഥനോ വിപ്രോ വിരാജതനയോഽജിതഃ ॥ ൫൯॥
മന്ദാരാദ്രിധരഃ കൂര്മോ ദേവദാനവശര്മകൃത് ।
ജമ്ബൂദ്വീപസമഃ സ്രഷ്ടാ പീയൂഷോത്പത്തികാരണമ് ॥ ൬൦॥
ധന്വന്തരീ രുക്।ഗ്ശമനോഽമൃതധുക്രുക്പ്രശാന്തകഃ ।
ആയുര്വേദകരോ വൈദ്യരാജോ വിദ്യാപ്രദായകഃ ॥ ൬൧॥
ദേവാഭയകരോ ദൈത്യമോഹിനീ കാമരൂപിണീ ।
ഗീര്വാണാമൃതപോ ദുഷ്ടദൈത്യദാനവവഞ്ചകഃ ॥ ൬൨॥
മഹാമത്സ്യോ മഹാകായഃ ശല്കാന്തര്ഗതസാഗരഃ ।
വേദാരിദൈത്യദമനോ വ്രീഹിബീജസുരക്ഷകഃ ॥ ൬൩॥
പുച്ഛാഘാതഭ്രമത്സിന്ധുഃ സത്യവ്രതപ്രിയപ്രദഃ ।
ഭക്തസത്യവ്രതത്രാതാ യോഗത്രയപ്രദര്ശകഃ ॥ ൬൪॥
നരസിംഹോ ലോകജിഹ്വഃ ശങ്കുകര്ണോ നഖായുധഃ ।
സടാവധൂതജലദോ ദന്തദ്യുതിജിതപ്രഭഃ ॥ ൬൫॥
ഹിരണ്യകശിപുധ്വംസീ ബഹുദാനവദര്പഹാ ।
പ്രഹ്ലാദസ്തുതപാദാബ്ജോ ഭക്തസംസാരതാപഹാ ॥ ൬൬॥
ബ്രഹ്മേന്ദ്രരുദ്രഭീതിഘ്നോ ദേവകാര്യപ്രസാധകഃ ।
ജ്വലജ്ജ്വലനസങ്കാശഃ സര്വഭീതിവിനാശകഃ ॥ ൬൭॥
മഹാകലുഷവിധ്വംസീ സര്വകാമവരപ്രദഃ ।
കാലവിക്രമസംഹര്താ ഗ്രഹപീഡാവിനാശകഃ ॥ ൬൮॥
സര്വവ്യാധിപ്രശമനഃ പ്രചണ്ഡരിപുദണ്ഡകൃത് ।
ഉഗ്രഭൈരവസന്ത്രസ്തഹരാര്തിവിനിവാരകഃ ॥ ൬൯॥
ബ്രഹ്മചര്മാവൃതശിരാഃ ശിവശീര്ഷൈകനൂപുരഃ ।
ദ്വാദശാദിത്യശീര്ഷൈകമണിര്ദിക്പാലഭൂഷണഃ ॥ ൭൦॥
വാമനോഽദിതിഭീതിഘ്നോ ദ്വിജാതിഗണമണ്ഡനഃ ।
ത്രിപദവ്യാജയാഞ്ചാപ്തബലിത്രൈലോക്യസമ്പദഃ ॥ ൭൧॥
പന്നഖക്ഷതബ്രഹ്മാണ്ഡകടാഹോഽമിതവിക്രമഃ । pannagakShata?
സ്വര്ധുനീതീര്ഥജനനോ ബ്രഹ്മപൂജ്യോ ഭയാപഹഃ ॥ ൭൨॥
സ്വാങ്ഘ്രിവാരിഹതാഘൌഘോ വിശ്വരൂപൈകദര്ശനഃ ।
ബലിപ്രിയകരോ ഭക്തസ്വര്ഗദോഗ്ധാ ഗദാധരഃ ॥ ൭൩॥
ജാമദഗ്ന്യോ മഹാവീര്യഃ പരശുഭൃത്കാര്തവീര്യജിത് ।
സഹസ്രാര്ജുനസംഹര്താ സര്വക്ഷത്രകുലാന്തകഃ ॥ ൭൪॥
നിഃക്ഷത്രപൃഥ്വീകരണോ വീരജിദ്വിപ്രരാജ്യദഃ ।
ദ്രോണാസ്ത്രവേദപ്രവദോ മഹേശഗുരുകീര്തിദഃ ॥ ൭൫॥
സൂര്യവംശാബ്ജതരണിഃ ശ്രീമദ്ദശരഥാത്മജഃ ।
ശ്രീരാമോ രാമചന്ദ്രശ്ച രാമഭദ്രോഽമിതപ്രഭഃ ॥ ൭൬॥
നീലവര്ണപ്രതീകാശഃ കൌസല്യാപ്രാണജീവനഃ ।
പദ്മനേത്രഃ പദ്മവക്ത്രഃ പദ്മാങ്കിതപദാമ്ബുജഃ ॥ ൭൭॥
പ്രലമ്ബബാഹുശ്ചാര്വങ്ഗോ രത്നാഭരണഭൂഷിതഃ ।
ദിവ്യാമ്ബരോ ദിവ്യധനുര്ദിഷ്ടദിവ്യാസ്ത്രപാരഗഃ ॥ ൭൮॥
നിസ്ത്രിംശപാണിര്വീരേശോഽപരിമേയപരാക്രമഃ ।
വിശ്വാമിത്രഗുരുര്ധന്വീ ധനുര്വേദവിദുത്തമഃ ॥ ൭൯॥
ഋജുമാര്ഗനിമിത്തേഷു സങ്ഘതാഡിതതാഡകഃ ।
സുബാഹുര്ബാഹുവീര്യാഢ്യബഹുരാക്ഷസഘാതകഃ ॥ ൮൦॥
പ്രാപ്തചണ്ഡീശദോര്ദണ്ഡചണ്ഡകോദണ്ഡഖണ്ഡനഃ ।
ജനകാനന്ദജനകോ ജാനകീപ്രിയനായകഃ ॥ ൮൧॥
അരാതികുലദര്പഘ്നോ ധ്വസ്തഭാര്ഗവവിക്രമഃ ।
പിതൃവാക്ത്യക്തരാജ്യശ്രീവനവാസകൃതോത്സവഃ ॥ ൮൨॥
വിരാധരാധദമനശ്ചിത്രകൂടാദ്രിമന്ദിരഃ ।
ദ്വിജശാപസമുച്ഛന്നദണ്ഡകാരണ്യകര്മകൃത് ॥ ൮൩॥
ചതുര്ദശസഹസ്രോഗ്രരാക്ഷസഘ്നഃ ഖരാന്തകഃ ।
ത്രിശിരഃപ്രാണശമനോ ദുഷ്ടദൂഷണദൂഷണഃ ॥ ൮൪॥
ഛദ്മമാരീചമഥനോ ജാനകീവിരഹാര്തിഹൃത് ।
ജടായുഷഃ ക്രിയാകാരീ കബന്ധവധകോവിദഃ ॥ ൮൫॥
ഋഷ്യമൂകഗുഹാവാസീ കപിപഞ്ചമസഖ്യകൃത് ।
വാമപാദാഗ്രനിക്ഷിപ്തദുന്ദുഭ്യസ്ഥിബൃഹദ്ഗിരിഃ ॥ ൮൬॥
സകണ്ടകാരദുര്ഭേദസപ്തതാലപ്രഭേദകഃ ।
കിഷ്കിന്ധാധിപവാലിഘ്നോ മിത്രസുഗ്രീവരാജ്യദഃ ॥ ൮൭॥
ആഞ്ജനേയസ്വലാങ്ഗൂലദഗ്ധലങ്കാമഹോദയഃ ।
സീതാവിരഹവിസ്പഷ്ടരോഷക്ഷോഭിതസാഗരഃ ॥ ൮൮॥
ഗിരികൂടസമുത്ക്ഷേപസമുദ്രാദ്ഭുതസേതുകൃത് ।
പാദപ്രഹാരസന്ത്രസ്തവിഭീഷണഭയാപഹഃ ॥ ൮൯॥
അങ്ഗദോക്തിപരിക്ലിഷ്ടഘോരരാവണസൈന്യജിത് ।
നികുമ്ഭകുമ്ഭധൂമ്രാക്ഷകുമ്ഭകര്ണാദിവീരഹാ ॥ ൯൦॥
കൈലാസസഹനോന്മത്തദശാനനശിരോഹരഃ ।
അഗ്നിസംസ്പര്ശസംശുദ്ധസീതാസമ്വരണോത്സുകഃ ॥ ൯൧॥
കപിരാക്ഷസരാജാങ്ഗപ്രാപ്തരാജ്യനിജാശ്രയഃ ।
അയോധ്യാധിപതിഃ സര്വരാജന്യഗണശേഖരഃ ॥ ൯൨॥
അചിന്ത്യകര്മാ നൃപതിഃ പ്രാപ്തസിംഹാസനോദയഃ ।
ദുഷ്ടദുര്ബുദ്ധിദലനോ ദീനഹീനൈകപാലകഃ ॥ ൯൩॥
സര്വസമ്പത്തിജനനസ്തിര്യങ്ന്യായവിവേചകഃ ।
ശൂദ്രഘോരതപഃപ്ലുഷ്ടദ്വിജപുത്രൈകജീവനഃ ॥ ൯൪॥
ദുഷ്ടവാക്ക്ലിഷ്ടഹൃദയഃ സീതാനിര്വാസകാരകഃ ।
തുരങ്ഗമേധക്രതുയാട്ശ്രീമത്കുശലവാത്മജഃ ॥ ൯൫॥
സത്യാര്ഥത്യക്തസൌമിത്രിഃ സൂന്നീതജനസങ്ഗ്രഹഃ ।
സത്കര്ണപൂരസത്കീര്തിഃ കീര്ത്യാലോകാഘനാശനഃ ॥ ൯൬॥
ഭരതോ ജ്യേഷ്ഠപാദാബ്ജരതിത്യക്തനൃപാസനഃ ।
സര്വസദ്ഗുണസമ്പന്നഃ കോടിഗന്ധര്വനാശകഃ ॥ ൯൭॥
ലക്ഷ്മണോ ജ്യേഷ്ഠനിരതോ ദേവവൈരിഗണാന്തകഃ ।
ഇന്ദ്രജിത്പ്രാണശമനോ ഭ്രാതൃമാന് ത്യക്തവിഗ്രഹഃ ॥ ൯൮॥
ശത്രുഘ്നോഽമിത്രശമനോ ലവണാന്തകകാരകഃ ।
ആര്യഭ്രാതൃജനശ്ലാഘ്യഃ സതാം ശ്ലാഘ്യഗുണാകരഃ ॥ ൯൯॥
വടപത്ത്രപുടസ്ഥായീ ശ്രീമുകുന്ദോഽഖിലാശ്രയഃ ।
തനൂദരാര്പിതജഗന്മൃകണ്ഡതനയഃ ഖഗഃ ॥ ൧൦൦॥
ആദ്യോ ദേവഗണാഗ്രണ്യോ മിതസ്തുതിനതിപ്രിയഃ ।
വൃത്രഘോരതനുത്രസ്തദേവസന്മന്ത്രസാധകഃ ॥ ൧൦൧॥
ബ്രഹ്മണ്യോ ബ്രാഹ്മണശ്ലാഘീ ബ്രഹ്മണ്യജനവത്സലഃ ।
ഗോഷ്പദാപ്സുഗലദ്ഗാത്രവാലഖില്യജനാശ്രയഃ ॥ ൧൦൨॥
ദൌസ്വസ്തിര്യജ്വനാം ശ്രേഷ്ഠോ നൃപവിസ്മയകാരകഃ ।
തുരങ്ഗമേധബഹുകൃദ്വദാന്യഗണശേഖരഃ ॥ ൧൦൩॥
വാസവീതനയോ വ്യാസോ വേദശാഖാനിരൂപകഃ ।
പുരാണഭാരതാചാര്യഃ കലിലോകഹിതൈഷണഃ ॥ ൧൦൪॥
രോഹിണീഹൃദയാനന്ദോ ബലഭദ്രോ ബലാശ്രയഃ ।
സങ്കര്ഷണഃ സീരപാണിഃ മുസലാസ്ത്രോഽമലദ്യുതിഃ ॥ ൧൦൫॥
ശങ്ഖകുന്ദേന്ദുശ്വേതാങ്ഗസ്താലഭിദ്ധേനുകാന്തകഃ ।
മുഷ്ടികാരിഷ്ടഹനനോ ലാങ്ഗലാകൃഷ്ടയാമുനഃ ॥ ൧൦൬॥
പ്രലമ്ബപ്രാണഹാ രുക്മീമഥനോ ദ്വിവിദാന്തകഃ ।
രേവതീപ്രീതിദോ രാമാരമണോ ബല്വലാന്തകഃ ॥ ൧൦൭॥
ഹസ്തിനാപുരസങ്കര്ഷീ കൌരവാര്ചിതസത്പദഃ ।
ബ്രഹ്മാദിസ്തുതപാദാബ്ജോ ദേവയാദവപാലകഃ ॥ ൧൦൮॥
മായാപതിര്മഹാമായോ മഹാമായാനിദേശകൃത് ।
യദുവംശാബ്ധിപൂര്ണേന്ദുര്ബലദേവപ്രിയാനുജഃ ॥ ൧൦൯॥
നരാകൃതിഃ പരം ബ്രഹ്മ പരിപൂര്ണഃ പരോദയഃ ।
സര്വജ്ഞാനാദിസമ്പൂര്ണഃ പൂര്ണാനന്ദഃ പുരാതനഃ ॥ ൧൧൦॥
പീതാമ്ബരഃ പീതനിദ്രഃ പീതവേശ്മമഹാതപാഃ ।
മഹോരസ്കോ മഹാബാഹുര്മഹാര്ഹമണികുണ്ഡലഃ ॥ ൧൧൧॥
ലസദ്ഗണ്ഡസ്ഥലീഹൈമമൌലിമാലാവിഭൂഷിതഃ ।
സുചാരുകര്ണഃ സുഭ്രാജന്മകരാകൃതികുണ്ഡലഃ ॥ ൧൧൨॥
നീലകുഞ്ചിതസുസ്നിഗ്ധകുന്തലഃ കൌമുദീമുഖഃ ।
സുനാസഃ കുന്ദദശനോ ലസത്കോകനദാധരഃ ॥ ൧൧൩॥
സുമന്ദഹാസോ രുചിരഭ്രൂമണ്ഡലവിലോകനഃ ।
കമ്ബുകണ്ഠോ ബൃഹദ്ബ്രഹ്മാ വലയാങ്ഗദഭൂഷണഃ ॥ ൧൧൪॥
കൌസ്തുഭീ വനമാലീ ച ശങ്ഖചക്രഗദാബ്ജഭൃത് ।
ശ്രീവത്സലക്ഷ്മ്യാ ലക്ഷ്യാങ്ഗഃ സര്വലക്ഷണലക്ഷണഃ ॥ ൧൧൫॥
ദലോദരോ നിമ്നനാഭിര്നിരവദ്യോ നിരാശ്രയഃ ।
നിതമ്ബബിമ്ബവ്യാലമ്ബികിങ്കിണീകാഞ്ചിമണ്ഡിതഃ ॥ ൧൧൬॥
സമജങ്ഘാജാനുയുഗ്മഃ സുചാരുരുചിരാജിതഃ ।
ധ്വജവജ്രാങ്കുശാമ്ഭോജശരാങ്കിതപദാമ്ബുജഃ ॥ ൧൧൭॥
ഭക്തഭ്രമരസങ്ഘാതപീതപാദാമ്ബുജാസവഃ ।
നഖചന്ദ്രമണിജ്യോത്സ്നാപ്രകാശിതമഹാമനാഃ ॥ ൧൧൮॥
പാദാമ്ബുജയുഗന്യസ്തലസന്മഞ്ജീരരാജിതഃ ।
സ്വഭക്തഹൃദയാകാശലസത്പങ്കജവിസ്തരഃ ॥ ൧൧൯॥
സര്വപ്രാണിജനാനന്ദോ വസുദേവനുതിപ്രിയഃ ।
ദേവകീനന്ദനോ ലോകനന്ദികൃദ്ഭക്തഭീതിഭിത് ॥ ൧൨൦॥
ശേഷാനുഗഃ ശേഷശായീ യശോദാനതിമാനദഃ ।
നന്ദാനന്ദകരോ ഗോപഗോപീഗോകുലബാന്ധവഃ ॥ ൧൨൧॥
സര്വവ്രജജനാനന്ദീ ഭക്തവല്ലഭവവല്ലഭഃ ।
വല്യവ്യങ്ഗലസദ്ഗാത്രോ ബല്ലവീബാഹുമധ്യഗഃ ॥ ൧൨൨॥
പീതപൂതനികാസ്തന്യഃ പൂതനാപ്രാണശോഷണഃ ।
പൂതനോരസ്ഥലസ്ഥായീ പൂതനാമോക്ഷദായകഃ ॥ ൧൨൩॥
സമാഗതജനാനന്ദീ ശകടോച്ചാടകാരകഃ ।
പ്രാപ്തവിപ്രാശിഷോഽധീശോ ലഘിമാദിഗുണാശ്രയഃ ॥ ൧൨൪॥
തൃണാവര്തഗലഗ്രാഹീ തൃണാവര്തനിഷൂദനഃ ।
ജനന്യാനന്ദജനകോ ജനന്യാ മുഖവിശ്വദൃക് ॥ ൧൨൫॥
ബാലക്രീഡാരതോ ബാലഭാഷാലീലാദിനിര്വൃതഃ ।
ഗോപഗോപീപ്രിയകരോ ഗീതനൃത്യാനുകാരകഃ ॥ ൧൨൬॥
നവനീതവിലിപ്താങ്ഗോ നവനീതലവപ്രിയഃ ।
നവനീതലവാഹാരീ നവനീതാനുതസ്കരഃ ॥ ൧൨൭॥
ദാമോദരോഽര്ജുനോന്മൂലോ ഗോപൈകമതികാരകഃ ।
വൃന്ദാവനവനക്രീഡോ നാനാക്രീഡാവിശാരദഃ ॥ ൧൨൮॥
വത്സപുച്ഛസമാകര്ഷീ വത്സാസുരനിഷൂദനഃ ।
ബകാരിരഘസംഹാരീ ബാലാദ്യന്തകനാശനഃ ॥ ൧൨൯॥
യമുനാനിലസഞ്ജുഷ്ടസുമൃഷ്ടപുലിനപ്രിയഃ ।
ഗോപാലബാലപൂഗസ്ഥഃ സ്നിഗ്ധദധ്യന്നഭോജനഃ ॥ ൧൩൦॥
ഗോഗോപഗോപീപ്രിയകൃദ്ധനഭൃന്മോഹഖണ്ഡനഃ ।
വിധാതുര്മോഹജനകോഽത്യദ്ഭുതൈശ്വര്യദര്ശകഃ ॥ ൧൩൧॥
വിധിസ്തുതപദാമ്ഭോജോ ഗോപദാരകബുദ്ധിഭിത് ।
കാലീയദര്പദലനോ നാഗനാരീനുതിപ്രിയഃ ॥ ൧൩൨॥
ദാവാഗ്നിശമനഃ സര്വവ്രജഭൃജ്ജനജീവനഃ ।
മുഞ്ജാരണ്യപ്രവേശാപ്തകൃച്ഛ്രദാവാഗ്നിദാരണഃ ॥ ൧൩൩॥
സര്വകാലസുഖക്രീഡോ ബര്ഹിബര്ഹാവതംസകഃ ।
ഗോധുഗ്വധൂജനപ്രാണോ വേണുവാദ്യവിശാരദഃ ॥ ൧൩൪॥
ഗോപീപിധാനാരുന്ധാനോ ഗോപീവ്രതവരപ്രദഃ ।
വിപ്രദര്പപ്രശമനോ വിപ്രപത്നീപ്രസാദദഃ ॥ ൧൩൫॥
ശതക്രതുവരധ്വംസീ ശക്രദര്പമദാപഹഃ ।
ധൃതഗോവര്ധനഗിരിര്വ്രജലോകാഭയപ്രദഃ ॥ ൧൩൬॥
ഇന്ദ്രകീര്തിലസത്കീര്തിര്ഗോവിന്ദോ ഗോകുലോത്സവഃ ।
നന്ദത്രാണകരോ ദേവജലേശേഡിതസത്കഥഃ ॥ ൧൩൭॥
വ്രജവാസിജനശ്ലാഘ്യോ നിജലോകപ്രദര്ശകഃ ।
സുവേണുനാദമദനോന്മത്തഗോപീവിനോദകൃത് ॥ ൧൩൮॥
ഗോധുഗ്വധൂദര്പഹരഃ സ്വയശഃകീര്തനോത്സവഃ ।
വ്രജാങ്ഗനാജനാരാമോ വ്രജസുന്ദരിവല്ലഭഃ ॥ ൧൩൯॥
രാസക്രീഡാരതോ രാസമഹാമണ്ഡലമണ്ഡനഃ ।
വൃന്ദാവനവനാമോദീ യമുനാകൂലകേലികൃത് ॥ ൧൪൦॥
ഗോപികാഗീതികാഗീതഃ ശങ്ഖചൂഡശിരോഹരഃ ।
മഹാസര്പമുഖഗ്രസ്തത്രസ്തനന്ദവിമോചകഃ ॥ ൧൪൧॥
സുദര്ശനാര്ചിതപദോ ദുഷ്ടാരിഷ്ടവിനാശകഃ ।
കേശിദ്വേഷോ വ്യോമഹന്താ ശ്രുതനാരദകീര്തനഃ ॥ ൧൪൨॥
അക്രൂരപ്രിയകൃത്ക്രൂരരജകഘ്നഃ സുവേശകൃത് ।
സുദാമാദത്തമാലാഢ്യഃ കുബ്ജാചന്ദനചര്ചിതഃ ॥ ൧൪൩॥
മഥുരാജനസംഹര്ഷീ ചണ്ഡകോദണ്ഡഖണ്ഡകൃത് ।
കംസസൈന്യസമുച്ഛേദീ വണിഗ്വിപ്രഗണാര്ചിതഃ ॥ ൧൪൪॥
മഹാകുവലയാപീഡഘാതീ ചാണൂരമര്ദനഃ । ?
രങ്ഗശാലാഗതാപാരനരനാരീകൃതോത്സവഃ ॥ ൧൪൫॥
കംസധ്വംസകരഃ കംസസ്വസാരൂപ്യഗതിപ്രദഃ ।
കൃതോഗ്രസേനനൃപതിഃ സര്വയാദവസൌഖ്യകൃത് ॥ ൧൪൬॥
താതമാതൃകൃതാനന്ദോ നന്ദഗോപപ്രസാദദഃ ।
ശ്രിതസാന്ദീപനിഗുരുര്വിദ്യാസാഗരപാരഗഃ ॥ ൧൪൭॥
ദൈത്യപഞ്ചജനധ്വംസീ പാഞ്ചജന്യദരപ്രിയഃ ।
സാന്ദീപനിമൃതാപത്യദാതാ കാലയമാര്ചിതഃ ॥ ൧൪൮॥
സൈരന്ധ്രീകാമസന്താപശമനോഽക്രൂരപ്രീതിദഃ ।
ശാര്ങ്ഗചാപധരോ നാനാശരസന്ധാനകോവിദഃ ॥ ൧൪൯॥
അഭേദ്യദിവ്യകവചഃ ശ്രീമദ്ദാരുകസാരഥിഃ ।
ഖഗേന്ദ്രചിഹ്നിതധ്വജശ്ചക്രപാണിര്ഗദാധരഃ ॥ ൧൫൦॥
നന്ദകീയദുസേനാഢ്യോഽക്ഷയബാണനിഷങ്ഗവാന് ।
സുരാസുരാജേയരണ്യോ ജിതമാഗധയൂഥപഃ ॥ ൧൫൧॥
മാഗധധ്വജിനീധ്വംസീ മഥുരാപുരപാലകഃ ।
ദ്വാരകാപുരനിര്മാതാ ലോകസ്ഥിതിനിയാമകഃ ॥ ൧൫൨॥
സര്വസമ്പത്തിജനനഃ സ്വജനാനന്ദകാരകഃ ।
കല്പവൃക്ഷാക്ഷിതമഹിഃ സുധര്മാനീതഭൂതലഃ ॥ ൧൫൩॥
യവനാസുരസംഹര്താ മുചുകുന്ദേഷ്ടസാധകഃ ।
രുക്മിണീദ്വിജസംമന്ത്രരഥൈകഗതകുണ്ഡിനഃ ॥ ൧൫൪॥
രുക്മിണീഹാരകോ രുക്മിമുണ്ഡമുണ്ഡനകാരകഃ ।
രുക്മിണീപ്രിയകൃത്സാക്ഷാദ്രുക്മിണീരമണീപതിഃ ॥ ൧൫൫॥
രുക്മിണീവദനാമ്ഭോജമധുപാനമധുവ്രതഃ ।
സ്യമന്തകനിമിത്താത്മഭക്തര്ക്ഷാധിപജിത്ശുചിഃ ॥ ൧൫൬॥
ജാമ്ബവാര്ചിതപാദാബ്ജഃ സാക്ഷാജ്ജാമ്ബവതീപതിഃ ।
സത്യഭാമാകരഗ്രാഹീ കാലിന്ദീസുന്ദരീപ്രിയഃ ॥ ൧൫൭॥
സുതീക്ഷ്ണശൃങ്ഗവൃഷഭസപ്തജിദ്രാജയൂഥഭിദ് ।
നഗ്നജിത്തനയാസത്യാനായികാനായകോത്തമഃ ॥ ൧൫൮॥
ഭദ്രേശോ ലക്ഷ്മണാകാന്തോ മിത്രവിന്ദാപ്രിയേശ്വരഃ ।
മുരുജിത്പീഠസേനാനീനാശനോ നരകാന്തകഃ ॥ ൧൫൯॥
ധരാര്ചിതപദാമ്ഭോജോ ഭഗദത്തഭയാപഹാ ।
നരകാഹൃതദിവ്യസ്ത്രീരത്നവാഹാദിനായകഃ ॥ ൧൬൦॥
അഷ്ടോത്തരശതദ്വ്യഷ്ടസഹസ്രസ്ത്രീവിലാസവാന് ।
സത്യഭാമാബലാവാക്യപാരിജാതാപഹാരകഃ ॥ ൧൬൧॥
ദേവേന്ദ്രബലഭിജ്ജായാജാതനാനാവിലാസവാന് ।
രുക്മിണീമാനദലനഃ സ്ത്രീവിലാസാവിമോഹിതഃ ॥ ൧൬൨॥
കാമതാതഃ സാമ്ബസുതോഽസങ്ഖ്യപുത്രപ്രപൌത്രവാന് ।
ഉശായാനിതപൌത്രാര്ഥബാണബാഹുസസ്രഛിത് ॥ ൧൬൩॥
നന്ദ്യാദിപ്രമഥധ്വംസീ ലീലാജിതമഹേശ്വരഃ ।
മഹാദേവസ്തുതപദോ നൃഗദുഃഖവിമോചകഃ ॥ ൧൬൪॥
ബ്രഹ്മസ്വാപഹരക്ലേശകഥാസ്വജനപാലകഃ ।
പൌണ്ഡ്രകാരിഃ കാശിരാജശിരോഹര്താ സദാജിതഃ ॥ ൧൬൫॥
സുദക്ഷിണവ്രതാരാധ്യശിവകൃത്യാനലാന്തകഃ ।
വാരാണസീപ്രദഹനോ നാരദേക്ഷിതവൈഭവഃ ॥ ൧൬൬॥
അദ്ഭുതൈശ്വര്യമഹിമാ സര്വധര്മപ്രവര്തകഃ ।
ജരാസന്ധനിരോധാര്തഭൂഭുജേരിതസത്കഥഃ ॥ ൧൬൭॥
നാരദേരിതസന്മിത്രകാര്യഗൌരവസാധകഃ ।
കലത്രപുത്രസന്മിത്രസദ്വൃത്താപ്തഗൃഹാനുഗഃ ॥ ൧൬൮॥
ജരാസന്ധവധോദ്യോഗകര്താ ഭൂപതിശര്മകൃത് ।
സന്മിത്രകൃത്യാചരിതോ രാജസൂയപ്രവര്തകഃ ॥ ൧൬൯॥
സര്വര്ഷിഗണസംസ്തുത്യശ്ചൈദ്യപ്രാണനികൃന്തകഃ ।
ഇന്ദ്രപ്രസ്ഥജനൈഃ പൂജ്യോ ദുര്യോധനവിമോഹനഃ ॥ ൧൭൦॥
മഹേശദത്തസൌഭാഗ്യപുരഭിച്ഛത്രുഘാതകഃ ।
ദന്തവക്ത്രരിപുച്ഛേത്താ ദന്തവക്ത്രഗതിപ്രദഃ ॥ ൧൭൧॥
വിദൂരഥപ്രമഥനോ ഭൂരിഭാരാവതാരകഃ ।
പാര്ഥദൂതഃ പാര്ഥഹിതഃ പാര്ഥാര്ഥഃ പാര്ഥസാരഥിഃ ॥ ൧൭൨॥
പാര്ഥമോഹസമുച്ഛേദീ ഗീതാശാസ്ത്രപ്രദര്ശകഃ ।
പാര്ഥബാണഗതപ്രാണവീരകൈവല്യരൂപദഃ ॥ ൧൭൩॥
ദുര്യോധനാദിദുര്വൃത്തദഹനോ ഭീഷ്മമുക്തിദഃ ।
പാര്ഥാശ്വമേധാഹരകഃ പാര്ഥരാജ്യപ്രസാധകഃ ॥ ൧൭൪॥
പൃഥാഭീഷ്ടപ്രദോ ഭീമജയദോ വിജയപ്രദഃ ।
യുധിഷ്ഠിരേഷ്ടസന്ദാതാ ദ്രൌപദീപ്രീതിസാധകഃ ॥ ൧൭൫॥
സഹദേവേരിതപദോ നകുലാര്ചിതവിഗ്രഹഃ ।
ബ്രഹ്മാസ്ത്രദഗ്ധഗര്ഭസ്ഥപൂരുവംശപ്രസാധകഃ ॥ ൧൭൬॥
പൌരവേന്ദ്രപുരസ്ത്രീഭ്യോ ദ്വാരകാഗമനോത്സവഃ ।
ആനര്തദേശനിവസത്പ്രജേരിതമഹത്കഥഃ ॥ ൧൭൭॥
പ്രിയപ്രീതികരോ മിത്രവിപ്രദാരിദ്ര്യഭഞ്ജനഃ ।
തീര്ഥാപദേശസന്മിത്രപ്രിയകൃന്നന്ദനന്ദനഃ ॥ ൧൭൮॥
ഗോപീജനജ്ഞാനദാതാ താതക്രതുകൃതോത്സവഃ ।
സദ്വൃത്തവക്താ സദ്വൃത്തകര്താ സദ്വൃത്തപാലകഃ ॥ ൧൭൯॥
താതാത്മജ്ഞാനസന്ദാതാ ദേവകീമൃതപുത്രദഃ ।
ശ്രുതദേവപ്രിയകരോ മൈഥിലാനന്ദവര്ധനഃ ॥ ൧൮൦॥
പാര്ഥദര്പപ്രശമനോ മൃതവിപ്രസുതപ്രദഃ ।
സ്ത്രീരത്നവൃന്ദസന്തോഷീ ജനകേലികലോത്സവഃ ॥ ൧൮൧॥
ചന്ദ്രകോടിജനാനന്ദീ ഭാനുകോടിസമപ്രഭഃ ।
കൃതാന്തകോടിദുര്ലങ്ഘ്യഃ കാമകോടിമനോഹരഃ ॥ ൧൮൨॥
യക്ഷരാട്കോടിധനവാന്മരുത്കോടിസ്വവീര്യവാന് ।
സമുദ്രകോടിഗമ്ഭീരോ ഹിമവത്കോട്യകമ്പനഃ ॥ ൧൮൩॥
കോട്യശ്വമേധാഢ്യഹരഃ തീര്ഥകോട്യധികാഹ്വയഃ ।
പീയൂഷകോടിമൃത്യുഘ്നഃ കാമധുക്കോട്യഭീഷ്ടദഃ ॥ ൧൮൪॥
ശക്രകോടിവിലാസാഢ്യഃ കോടിബ്രഹ്മാണ്ഡനായകഃ ।
സര്വാമോഘോദ്യമോഽനന്തകീര്തിനിഃസീമപൌരുഷഃ ॥ ൧൮൫॥
സര്വാഭീഷ്ടപ്രദയശാഃ പുണ്യശ്രവണകീര്തനഃ ।
ബ്രഹ്മാദിസുരസങ്ഗീതവീതമാനുഷചേഷ്ടിതഃ ॥ ൧൮൬॥
അനാദിമധ്യനിധനോ വൃദ്ധിക്ഷയവിവര്ജിതഃ ।
സ്വഭക്തോദ്ധവമുഖ്യൈകജ്ഞാനദോ ജ്ഞാനവിഗ്രഹഃ ॥ ൧൮൭॥
വിപ്രശാപച്ഛലധ്വസ്തയദുവംശോഗ്രവിക്രമഃ ।
സശരീരജരാവ്യാധസ്വര്ഗദഃ സ്വര്ഗിസംസ്തുതഃ ॥ ൧൮൮॥
മുമുക്ഷുമുക്തവിഷയീജനാനന്ദകരോ യശഃ ।
കലികാലമലധ്വംസിയശാഃ ശ്രവണമങ്ഗലഃ ॥ ൧൮൯॥
ഭക്തപ്രിയോ ഭക്തഹിതോ ഭക്തഭ്രമരപങ്കജഃ ।
സ്മൃതമാത്രാഖിലത്രാതാ യന്ത്രമന്ത്രപ്രഭഞ്ജകഃ ॥ ൧൯൦॥
സര്വസമ്പത്സ്രാവിനാമാ തുലസീദാമവല്ലഭഃ ।
അപ്രമേയവപുര്ഭാസ്വദനര്ഘ്യാങ്ഗവിഭൂഷണഃ ॥ ൧൯൧॥
വിശ്വൈകസുഖദോ വിശ്വസജ്ജനാനന്ദപാലകഃ ।
സര്വദേവശിരോരത്നമദ്ഭുതാനന്തഭോഗവാന് ॥ ൧൯൨॥
അധോക്ഷജോ ജനാജീവ്യഃ സര്വസാധുജനാശ്രയഃ ।
സമസ്തഭയഭിന്നാമാ സ്മൃതമാത്രാര്തിനാശകഃ ॥ ൧൯൩॥
സ്വയശഃശ്രവണാനന്ദജനരാഗീ ഗുണാര്ണവഃ ।
അനിര്ദേശ്യവപുസ്തപ്തശരണോ ജീവജീവനഃ ॥ ൧൯൪॥
പരമാര്ഥഃ പരംവേദ്യഃ പരജ്യോതിഃ പരാഗതിഃ ।
വേദാന്തവേദ്യോ ഭഗവാനനന്തസുഖസാഗരഃ ॥ ൧൯൫॥
ജഗദ്ബന്ധധ്വംസയശാ ജഗജ്ജീവജനാശ്രയഃ ।
വൈകുണ്ഠലോകൈകപതിര്വൈകുണ്ഠജനവല്ലഭഃ ॥ ൧൯൬॥
പ്രദ്യുമ്നോ രുക്മിണീപുത്രഃ ശമ്ബരഘ്നോ രതിപ്രിയഃ ।
പുഷ്പധന്വാ വിശ്വജയീ ദ്യുമത്പ്രാണനിഷൂദകഃ ॥ ൧൯൭॥
അനിരുദ്ധഃ കാമസുതഃ ശബ്ദയോനിര്മഹാക്രമഃ ।
ഉഷാപതിര്വൃഷ്ണിപതിര്ഹൃഷീകേശോ മനഃപതിഃ ॥ ൧൯൮॥
ശ്രീമദ്ഭാഗവതാചാര്യഃ സര്വവേദാന്തസാഗരഃ ।
ശുകഃ സകലധര്മജ്ഞഃ പരീക്ഷിന്നൃപസത്കൃതഃ ॥ ൧൯൯॥
ശ്രീബുദ്ധോ ദുഷ്ടബുദ്ധിഘ്നോ ദൈത്യവേദബഹിഷ്കരഃ ।
പാഖണ്ഡമാര്ഗപ്രവദോ നിരായുധജഗജ്ജയഃ ॥ ൨൦൦॥
കല്കീ കലിയുഗാച്ഛാദീ പുനഃ സത്യപ്രവര്തകഃ ।
വിപ്രവിഷ്ണുയശോഽപത്യോ നഷ്ടധര്മപ്രവര്തകഃ ॥ ൨൦൧॥
സാരസ്വതഃ സാര്വഭൌമോ ബലിത്രൈലോക്യസാധകഃ ।
അഷ്ടമ്യന്തരസദ്ധര്മവക്താ വൈരോചനിപ്രിയഃ ॥ ൨൦൨॥
ആപഃ കരോ രമാനാഥോഽമരാരികുലകൃന്തനഃ ।
സുരേന്ദ്രഹിതകൃദ്ധീരവീരമുക്തിബലപ്രദഃ ॥ ൨൦൩॥
വിഷ്വക്സേനഃ ശമ്ഭുസഖോ ദശമാന്തരപാലകഃ ।
ബ്രഹ്മസാവര്ണിവംശാബ്ധിഹിതകൃദ്വിശ്വവര്ധനഃ ॥ ൨൦൪॥
ധര്മസേതുരധര്മഘ്നോ വൈദ്യതന്ത്രപദപ്രദഃ ।
അസുരാന്തകരോ ദേവാര്ഥകസൂനുഃ സുഭാഷണഃ ॥ ൨൦൫॥
സ്വധാമാ സൂനൃതാസൂനുഃ സത്യതേജോ ദ്വിജാത്മജഃ ।
ദ്വിഷന്മനുയുഗത്രാതാ പാതാലപുരദാരണഃ ॥ ൨൦൬॥
ദൈവഹോത്രിര്വാര്ഹതോയോ ദിവസ്പതിരതിപ്രിയഃ ।
ത്രയോദശാന്തരത്രാതാ യോഗയോഗിജനേശ്വരഃ ॥ ൨൦൭॥
സത്ത്രായണോ ബൃഹദ്ബാഹുര്വൈനതേയോ വിദുത്തമഃ ।
കര്മകാണ്ഡൈകപ്രവദോ വേദതന്ത്രപ്രവര്തകഃ ॥ ൨൦൮॥
പരമേഷ്ഠീ സുരജ്യേഷ്ഠോ ബ്രഹ്മാ വിശ്വസൃജാമ്പതിഃ ।
അബ്ജയോനിര്ഹംസവാഹഃ സര്വലോകപിതാമഹഃ ॥ ൨൦൯॥
വിഷ്ണുഃ സര്വജഗത്പാതാ ശാന്തഃ ശുദ്ധഃ സനാതനഃ ।
ദ്വിജപൂജ്യോ ദയാസിന്ധുഃ ശരണ്യോ ഭക്തവത്സലഃ ॥ ൨൧൦॥
രുദ്രോ മൃഡഃ ശിവഃ ശാസ്താ ശമ്ഭുഃ സര്വഹരോ ഹരഃ ।
കപര്ദീ ശങ്കരഃ ശൂലീ ത്ര്യക്ഷോഽഭേദ്യോ മഹേശ്വരഃ ॥ ൨൧൧॥
സര്വാധ്യക്ഷഃ സര്വശക്തിഃ സര്വാര്ഥഃ സര്വതോമുഖഃ ।
സര്വാവാസഃ സര്വരൂപഃ സര്വകാരണകാരണമ് ॥ ൨൧൨॥
ഇത്യേതത്കഥിതം വിപ്ര വിഷ്ണോര്നാമസഹസ്രകമ് ।
സര്വപാപപ്രശമനം സര്വാഭീഷ്ടഫലപ്രദമ് ॥ ൨൧൩॥
മനഃശുദ്ധികരം ചാശു ഭഗവദ്ഭക്തിവര്ധനമ് ।
സര്വവിഘ്നഹരം സര്വാശ്ചര്യൈശ്വര്യപ്രദായകമ് ॥ ൨൧൪॥
സര്വദുഃഖപ്രശമനം ചാതുര്വര്ഗ്യഫലപ്രദമ് ।
ശ്രദ്ധയാ പരയാ ഭക്ത്യാ ശ്രവണാത്പഠനാജ്ജപാത് ॥ ൨൧൫॥
പ്രത്യഹം സര്വവര്ണാനാം വിഷ്ണുപാദാശ്രിതാത്മനാമ് ।
ഏതത്പഠന് ദ്വിജോ വിദ്യാം ക്ഷത്രിയഃ പൃഥിവീമിമാമ് ॥ ൨൧൬॥
വൈശ്യോ മഹാനിധിം ശൂദ്രോ വാഞ്ഛിതാം സിദ്ധിമാപ്നുയാത് ।
ദ്വാത്രിംശദപരാധാന്യോ ജ്ഞാനാജ്ഞാനാച്ചരേദ്ധരേഃ ॥ ൨൧൭॥
നാമ്നാ ദശാപരാധാംശ്ച പ്രമാദാദാചരേദ്യദി ।
സമാഹിതമനാ ഹ്യേതത്പഠേദ്വാ ശ്രാവയേജ്ജപേത് ॥ ൨൧൮॥
സ്മരേദ്വാ ശൃണുയാദ്വാപി തേഭ്യഃ സദ്യഃ പ്രമുച്യതേ ।
നാതഃ പരതരം പുണ്യം ത്രിഷു ലോകേഷു വിദ്യതേ ॥ ൨൧൯॥
യസ്യൈകകീര്തനേനാപി ഭവബന്ധാദ്വിമുച്യതേ ।
അതസ്ത്വം സതതം ഭക്ത്യാ ശ്രദ്ധയാ കീര്തനം കുരു ॥ ൨൨൦॥
വിഷ്ണോര്നാമസഹസ്രം തേ ഭഗവത്പ്രീതികാരണമ് ।
ശ്രീനാരദ ഉവാച ।
ധന്യോഽസ്മ്യനുഗൃഹീതോഽസ്മി ത്വയാതികരുണാത്മനാ ।
യതഃ കൃഷ്ണസ്യ പരമം സഹസ്രം നാമകീര്തിതമ് ॥ ൨൨൧॥
യദ്യാലസ്യാത്പ്രമാദാദ്വാ സര്വം പഠിതുമന്വഹമ് ।
ന ശക്നോമി തദാ ദേവ കിം കരോമി വദ പ്രഭോ ॥ ൨൨൨॥
ശ്രീശിവ ഉവാച ।
യദി സര്വം ന ശക്നോഷി പ്രത്യഹം പഠിതും ദ്വിജ ।
തദാ കൃഷ്ണേതി കൃഷ്ണേതി കൃഷ്ണേതി പ്രത്യഹം വദ ॥ ൨൨൩॥
ഏതേന തവ വിപ്രര്ഷേ സര്വം സമ്പദ്യതേ സകൃത് ।
കിം പുനര്ഭഗവന്നാമ്നാം സഹസ്രസ്യ പ്രകീര്തനാത് ॥ ൨൨൪॥
യന്നാമകീര്തനേനൈവ പുമാന് സംസാരസാഗരമ് ।
തരത്യദ്ധാ പ്രപദ്യേ തം കൃഷ്ണം ഗോപാലരൂപിണമ് ॥ ൨൨൫॥
ഇതി സാത്വതതന്ത്രേ ശ്രീകൃഷ്ണസഹസ്രനാമഷഷ്ഠഃ പടലഃ ॥൬॥
From Shatvatantra paTala 6
Encoded originally by Oliver Hellwig hellwig7@gmx.de for Gretil
Translation available in file "Satvata Tantra 11.doc" at
http://www.radha.name/digital-books/sastras-acharyas-and-swamis/tantra-and-pancaratra
Proofread by Singanallur Ganesan singanallur at gmail.com and
PSA Easwaran psaeaswaran at gmail.com
Please send corrections to sanskrit@cheerful.com
Last updated ത്oday
http://sanskritdocuments.org
Krishna Sahasranama Stotram Lyrics in Malayalam PDF
% File name : kRiShNasahasranAmastotrasAtvatatantra.itx
% Category : sahasranAma
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Originally Oliver Hellwig hellwig7 at gmx.de for Gretil
% Proofread by : Singanallur Ganesan singanallur at gmail.com and PSA Easwaran psaeaswaran at gmail.com
% Translated by : Satvata Tantra 11.doc at http://www.radha.name/digital-books/sastras-acharyas-and-swamis/tantra-and-pancaratra
% Latest update : June 18, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : kRiShNasahasranAmastotrasAtvatatantra.itx
% Category : sahasranAma
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Originally Oliver Hellwig hellwig7 at gmx.de for Gretil
% Proofread by : Singanallur Ganesan singanallur at gmail.com and PSA Easwaran psaeaswaran at gmail.com
% Translated by : Satvata Tantra 11.doc at http://www.radha.name/digital-books/sastras-acharyas-and-swamis/tantra-and-pancaratra
% Latest update : June 18, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website