{॥ গোপালবিংশতিস্তোত্রম্ ॥}
শ্রীমান্ বেংকটনাথার্যঃ কবিতার্কিককেসরী ।
বেদান্তাচার্যবর্যো মে সন্নিধত্তাং সদা হৃদি ॥

বন্দে বৃন্দাবনচরং বলব্বীজনবল্লভম্ ।
জযন্তীসম্ভবং ধাম বৈজযন্তীবিভূষণম্ ॥ ১॥

বাচং নিজাঙ্করসিকাং প্রসমীক্ষমাণো
বক্ত্রারবিন্দবিনিবেশিতপাংচজন্যঃ ।
বর্ণঃ ত্রিকোণরূচিরে বরপুণ্ডরীকে
বদ্ধাসনো জযতি বল্লবচক্রবর্তী ॥ ২॥

আম্নাযগন্ধরুদিতস্ফুরিতাধরোষ্ঠম্
আস্রাবিলেক্ষণমনুক্ষণমন্দহাসম্ ।
গোপালডিম্ভবপুষং কুহনা জনন্যাঃ
প্রাণস্তনন্ধযমবৈমি পরং পুমাংসম্ ॥ ৩॥

আবির্ভবত্বনিভৃতাভরণং পুরস্তাত্
আকুংচিতৈকচরণ নিভৃহিতান্যপাদম্ ।
দধ্নানিবদ্ধমুখরেণ নিবদ্ধতালং
নাথস্য নন্দভবনে নবনীতনাট্যম্ ॥ ৪॥

কুন্দপ্রসূনবিশদৈর্দশনৈশ্চর্তুভিঃ
সংদশ্য মাতুরনিশং কুচচূচুকাগ্রম্ ।
নন্দস্য বক্ত্রমবলোকযতো মুরারের্-
মন্দস্থিতং মমমনীষিতমাতনোতু ॥ ৫॥

হর্তুং কুম্ভে বিনিহিতকরঃ স্বাদু হৈযঙ্গবীনং
দৃষ্ট্বা দামগ্রহণচটুলাং মাতরং জাতরোষাম্ ।
পাযাদীষত্প্রচলিতপদৌ নাপগচ্ছন্ন তিষ্ঠন্
মিথ্যাগোপঃ সপদি নযনে মীলযন্ বিশ্বগোপ্তা ॥ ৬॥

ব্রজযোষিদপাঙ্গ বেধনীযং
মথুরাভাগ্যমনন্যভোগ্যমীডে ।
বসুদেববধূ স্তনন্ধযং তদ্-
কিমপি ব্রহ্ম কিশোরভাবদৃশ্যম্ ॥ ৮॥

পরিবর্তিতকন্ধরং ভযেন
স্মিতফুল্লাধরপল্লবং স্মরামি ।
বিটপিত্বনিরাসকং কযোশ্চিদ্-
বিপুলোলূখলকর্ষকং কুমারম্ ॥ ৯॥

নিকটেষু নিশামযামি নিত্যং
নিগমান্তৈরধুনাঽপি মৃগ্যমাণম্ ।
যমলার্জুনদৃষ্টবালকেলিং
যমুনাসাক্ষিকযৌবনং যুবানম্ ॥ ১০॥

পদবীমদবীযসীং বিমুক্তে-
রটবীং সম্পদম্বু বাহযন্তীম্ ।
অরূণাধরসাভিলাষবংশাং
করূণাং কারণমানুষীং ভজামি ॥ ১১॥

অনিমেষনিবেষ্ণীযমক্ষ্ণো-
রজহদ্যৌবনমাবিরস্তু চিত্তে ।
কলহাযিতকুন্তলং কলাপৈঃ
করূণোন্মাদকবিগ্রহং মহো মে ॥ ১২॥

অনুযাযিমনোজ্ঞবংশনালৈ-
রবতু স্পর্শিতবল্লবীবিমোহৈঃ ।
অনঘস্মিতশীতলৈরসৌ মাম্
অনুকম্পাসরিদম্বুজৈরপাঙ্গৈঃ ॥ ১৩॥

অধরাহিতচারূবংশনালা
মকুটালম্বিমযূরপিঞ্চ্ছমালাঃ ।
হরিনীলশিলাবিভঙ্গনীলাঃ
প্রতিভাঃ সন্তু মমান্তিমপ্রযাণে ॥ ১৪॥

অখিলানবলোকযামি কালান্
মহিলাদীনভুজান্তরস্যূনঃ ।
অভিলাষপদং ব্রজাঙ্গনানাম্
অভিলাক্রমদূরমাভিরূপ্যম্ ॥ ১৫॥

মহসে মহিতায মৌলিনা
বিনতেনাঞ্জলিমঞ্জনত্বিষে ।
কলযামি বিমুগ্ধবল্লবী-
বলযাভাষিতমঞ্জুবেণবে ॥ ১৬॥

জযতু ললিতবৃত্তিং শিক্ষিতো বল্লবীনাং
শিথিলবলযশিঞ্জাশীতলৈর্হস্ততালৈঃ ।
অখিলভুবনরক্ষাগোপবেশস্য বিষ্ণো-
রধরমণিসুধাযামংশবান্ বংশনালঃ ॥ ১৭॥

চিত্রাকল্পঃ শ্রবসি কলযল্লাঙ্গলীকর্ণপূরং
বর্হোত্তংসস্ফুরিতচিকুরো বন্ধুজীবং দধানঃ ।
গুংজাবদ্ধামুরসি ললিতাং ধারযন্ হারযষ্টিং
গোপস্ত্রীণাং জযতি কিতবঃ কোঽপি কৌমারহারী ॥ ১৮॥

লীলাযষ্টিং করকিসলযে দক্ষিণে ন্যস্ত ধন্যা-
মংসে দেব্যাঃ পুলকরুচিরে সন্নিবিষ্টান্যবাহুঃ ।
মেঘশ্যামো জযতি ললিতো মেখলাদত্তবেণু-
র্গুঞ্জাপীডস্ফুরিতচিকুরো গোপকন্যাভুজঙ্গঃ ॥ ১৯॥

প্রত্যালীঢস্থিতিংঅধিগতাং প্রাপ্তগাঢাঙ্কপালীং
পশ্চাদীষন্মিলিতনযনাং প্রেযসীং প্রেক্ষমাণঃ ।
ভস্ত্রাযন্ত্রপ্রণিহিতকরো ভক্তজীবাতুরব্যাদ্
বারিক্রীডানিবিডবসনো বল্লবীবল্লভো নঃ ॥ ২০॥

বাসো হৃত্বা দিনকরসুতাসন্নিধৌ বল্লবীনাং
লীলাস্মেরো জযতি ললিতামাস্থিতঃ কুন্দশাখাম্ ।
সব্রীডাভিস্তদনু বসনে তাভিরভ্যর্থ্যমানে
কামী কশ্চিত্করকমলযোরঞ্জলিং যাচমানঃ ॥ ২১॥

ইত্যনন্যমনসা বিনির্মিতাং
বেংকটেশকবিনা স্তুতিং পঠন্ ।
দিব্যবেণুরসিকং সমীক্ষতে
দৈবতং কিমপি যৌবতপ্রিযম্ ॥ ২২॥

॥ ইতি গোপালবিংশতিস্তোত্রং সম্পূর্ণম্ ॥

Visit http://www.webdunia.com for additional texts with Hindi meanings.

Please send corrections to sanskrit@cheerful.com
Last updated ত্oday
http://sanskritdocuments.org

Gopala Vimshati Stotram Lyrics in Bengali PDF
% File name : gopaala20.itx
% Location : doc\_vishhnu
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.webdunia.com
% Proofread by : Balaji
% Latest update : November 22, 2001
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website