{॥ ଗୋପାଲଵିଂଶତିସ୍ତୋତ୍ରମ୍ ॥}
ଶ୍ରୀମାନ୍ ଵେଂକଟନାଥାର୍ଯଃ କଵିତାର୍କିକକେସରୀ ।
ଵେଦାନ୍ତାଚାର୍ଯଵର୍ଯୋ ମେ ସନ୍ନିଧତ୍ତାଂ ସଦା ହୃଦି ॥

ଵନ୍ଦେ ଵୃନ୍ଦାଵନଚରଂ ଵଲଵ୍ଵୀଜନଵଲ୍ଲଭମ୍ ।
ଜଯନ୍ତୀସମ୍ଭଵଂ ଧାମ ଵୈଜଯନ୍ତୀଵିଭୂଷଣମ୍ ॥ ୧॥

ଵାଚଂ ନିଜାଙ୍କରସିକାଂ ପ୍ରସମୀକ୍ଷମାଣୋ
ଵକ୍ତ୍ରାରଵିନ୍ଦଵିନିଵେଶିତପାଂଚଜନ୍ଯଃ ।
ଵର୍ଣଃ ତ୍ରିକୋଣରୂଚିରେ ଵରପୁଣ୍ଡରୀକେ
ବଦ୍ଧାସନୋ ଜଯତି ଵଲ୍ଲଵଚକ୍ରଵର୍ତୀ ॥ ୨॥

ଆମ୍ନାଯଗନ୍ଧରୁଦିତସ୍ଫୁରିତାଧରୋଷ୍ଠମ୍
ଆସ୍ରାଵିଲେକ୍ଷଣମନୁକ୍ଷଣମନ୍ଦହାସମ୍ ।
ଗୋପାଲଡିମ୍ଭଵପୁଷଂ କୁହନା ଜନନ୍ଯାଃ
ପ୍ରାଣସ୍ତନନ୍ଧଯମଵୈମି ପରଂ ପୁମାଂସମ୍ ॥ ୩॥

ଆଵିର୍ଭଵତ୍ଵନିଭୃତାଭରଣଂ ପୁରସ୍ତାତ୍
ଆକୁଂଚିତୈକଚରଣ ନିଭୃହିତାନ୍ଯପାଦମ୍ ।
ଦଧ୍ନାନିବଦ୍ଧମୁଖରେଣ ନିବଦ୍ଧତାଲଂ
ନାଥସ୍ଯ ନନ୍ଦଭଵନେ ନଵନୀତନାଟ୍ଯମ୍ ॥ ୪॥

କୁନ୍ଦପ୍ରସୂନଵିଶଦୈର୍ଦଶନୈଶ୍ଚର୍ତୁଭିଃ
ସଂଦଶ୍ଯ ମାତୁରନିଶଂ କୁଚଚୂଚୁକାଗ୍ରମ୍ ।
ନନ୍ଦସ୍ଯ ଵକ୍ତ୍ରମଵଲୋକଯତୋ ମୁରାରେର୍-
ମନ୍ଦସ୍ଥିତଂ ମମମନୀଷିତମାତନୋତୁ ॥ ୫॥

ହର୍ତୁଂ କୁମ୍ଭେ ଵିନିହିତକରଃ ସ୍ଵାଦୁ ହୈଯଙ୍ଗଵୀନଂ
ଦୃଷ୍ଟ୍ଵା ଦାମଗ୍ରହଣଚଟୁଲାଂ ମାତରଂ ଜାତରୋଷାମ୍ ।
ପାଯାଦୀଷତ୍ପ୍ରଚଲିତପଦୌ ନାପଗଚ୍ଛନ୍ନ ତିଷ୍ଠନ୍
ମିଥ୍ଯାଗୋପଃ ସପଦି ନଯନେ ମୀଲଯନ୍ ଵିଶ୍ଵଗୋପ୍ତା ॥ ୬॥

ଵ୍ରଜଯୋଷିଦପାଙ୍ଗ ଵେଧନୀଯଂ
ମଥୁରାଭାଗ୍ଯମନନ୍ଯଭୋଗ୍ଯମୀଡେ ।
ଵସୁଦେଵଵଧୂ ସ୍ତନନ୍ଧଯଂ ତଦ୍-
କିମପି ବ୍ରହ୍ମ କିଶୋରଭାଵଦୃଶ୍ଯମ୍ ॥ ୮॥

ପରିଵର୍ତିତକନ୍ଧରଂ ଭଯେନ
ସ୍ମିତଫୁଲ୍ଲାଧରପଲ୍ଲଵଂ ସ୍ମରାମି ।
ଵିଟପିତ୍ଵନିରାସକଂ କଯୋଶ୍ଚିଦ୍-
ଵିପୁଲୋଲୂଖଲକର୍ଷକଂ କୁମାରମ୍ ॥ ୯॥

ନିକଟେଷୁ ନିଶାମଯାମି ନିତ୍ଯଂ
ନିଗମାନ୍ତୈରଧୁନାଽପି ମୃଗ୍ଯମାଣମ୍ ।
ଯମଲାର୍ଜୁନଦୃଷ୍ଟବାଲକେଲିଂ
ଯମୁନାସାକ୍ଷିକଯୌଵନଂ ଯୁଵାନମ୍ ॥ ୧୦॥

ପଦଵୀମଦଵୀଯସୀଂ ଵିମୁକ୍ତେ-
ରଟଵୀଂ ସମ୍ପଦମ୍ବୁ ଵାହଯନ୍ତୀମ୍ ।
ଅରୂଣାଧରସାଭିଲାଷଵଂଶାଂ
କରୂଣାଂ କାରଣମାନୁଷୀଂ ଭଜାମି ॥ ୧୧॥

ଅନିମେଷନିଵେଷ୍ଣୀଯମକ୍ଷ୍ଣୋ-
ରଜହଦ୍ଯୌଵନମାଵିରସ୍ତୁ ଚିତ୍ତେ ।
କଲହାଯିତକୁନ୍ତଲଂ କଲାପୈଃ
କରୂଣୋନ୍ମାଦକଵିଗ୍ରହଂ ମହୋ ମେ ॥ ୧୨॥

ଅନୁଯାଯିମନୋଜ୍ଞଵଂଶନାଲୈ-
ରଵତୁ ସ୍ପର୍ଶିତଵଲ୍ଲଵୀଵିମୋହୈଃ ।
ଅନଘସ୍ମିତଶୀତଲୈରସୌ ମାମ୍
ଅନୁକମ୍ପାସରିଦମ୍ବୁଜୈରପାଙ୍ଗୈଃ ॥ ୧୩॥

ଅଧରାହିତଚାରୂଵଂଶନାଲା
ମକୁଟାଲମ୍ବିମଯୂରପିଞ୍ଚ୍ଛମାଲାଃ ।
ହରିନୀଲଶିଲାଵିଭଙ୍ଗନୀଲାଃ
ପ୍ରତିଭାଃ ସନ୍ତୁ ମମାନ୍ତିମପ୍ରଯାଣେ ॥ ୧୪॥

ଅଖିଲାନଵଲୋକଯାମି କାଲାନ୍
ମହିଲାଦୀନଭୁଜାନ୍ତରସ୍ଯୂନଃ ।
ଅଭିଲାଷପଦଂ ଵ୍ରଜାଙ୍ଗନାନାମ୍
ଅଭିଲାକ୍ରମଦୂରମାଭିରୂପ୍ଯମ୍ ॥ ୧୫॥

ମହସେ ମହିତାଯ ମୌଲିନା
ଵିନତେନାଞ୍ଜଲିମଞ୍ଜନତ୍ଵିଷେ ।
କଲଯାମି ଵିମୁଗ୍ଧଵଲ୍ଲଵୀ-
ଵଲଯାଭାଷିତମଞ୍ଜୁଵେଣଵେ ॥ ୧୬॥

ଜଯତୁ ଲଲିତଵୃତ୍ତିଂ ଶିକ୍ଷିତୋ ଵଲ୍ଲଵୀନାଂ
ଶିଥିଲଵଲଯଶିଞ୍ଜାଶୀତଲୈର୍ହସ୍ତତାଲୈଃ ।
ଅଖିଲଭୁଵନରକ୍ଷାଗୋପଵେଶସ୍ଯ ଵିଷ୍ଣୋ-
ରଧରମଣିସୁଧାଯାମଂଶଵାନ୍ ଵଂଶନାଲଃ ॥ ୧୭॥

ଚିତ୍ରାକଲ୍ପଃ ଶ୍ରଵସି କଲଯଲ୍ଲାଙ୍ଗଲୀକର୍ଣପୂରଂ
ବର୍ହୋତ୍ତଂସସ୍ଫୁରିତଚିକୁରୋ ବନ୍ଧୁଜୀଵଂ ଦଧାନଃ ।
ଗୁଂଜାବଦ୍ଧାମୁରସି ଲଲିତାଂ ଧାରଯନ୍ ହାରଯଷ୍ଟିଂ
ଗୋପସ୍ତ୍ରୀଣାଂ ଜଯତି କିତଵଃ କୋଽପି କୌମାରହାରୀ ॥ ୧୮॥

ଲୀଲାଯଷ୍ଟିଂ କରକିସଲଯେ ଦକ୍ଷିଣେ ନ୍ଯସ୍ତ ଧନ୍ଯା-
ମଂସେ ଦେଵ୍ଯାଃ ପୁଲକରୁଚିରେ ସନ୍ନିଵିଷ୍ଟାନ୍ଯବାହୁଃ ।
ମେଘଶ୍ଯାମୋ ଜଯତି ଲଲିତୋ ମେଖଲାଦତ୍ତଵେଣୁ-
ର୍ଗୁଞ୍ଜାପୀଡସ୍ଫୁରିତଚିକୁରୋ ଗୋପକନ୍ଯାଭୁଜଙ୍ଗଃ ॥ ୧୯॥

ପ୍ରତ୍ଯାଲୀଢସ୍ଥିତିଂଅଧିଗତାଂ ପ୍ରାପ୍ତଗାଢାଙ୍କପାଲୀଂ
ପଶ୍ଚାଦୀଷନ୍ମିଲିତନଯନାଂ ପ୍ରେଯସୀଂ ପ୍ରେକ୍ଷମାଣଃ ।
ଭସ୍ତ୍ରାଯନ୍ତ୍ରପ୍ରଣିହିତକରୋ ଭକ୍ତଜୀଵାତୁରଵ୍ଯାଦ୍
ଵାରିକ୍ରୀଡାନିବିଡଵସନୋ ଵଲ୍ଲଵୀଵଲ୍ଲଭୋ ନଃ ॥ ୨୦॥

ଵାସୋ ହୃତ୍ଵା ଦିନକରସୁତାସନ୍ନିଧୌ ଵଲ୍ଲଵୀନାଂ
ଲୀଲାସ୍ମେରୋ ଜଯତି ଲଲିତାମାସ୍ଥିତଃ କୁନ୍ଦଶାଖାମ୍ ।
ସଵ୍ରୀଡାଭିସ୍ତଦନୁ ଵସନେ ତାଭିରଭ୍ଯର୍ଥ୍ଯମାନେ
କାମୀ କଶ୍ଚିତ୍କରକମଲଯୋରଞ୍ଜଲିଂ ଯାଚମାନଃ ॥ ୨୧॥

ଇତ୍ଯନନ୍ଯମନସା ଵିନିର୍ମିତାଂ
ଵେଂକଟେଶକଵିନା ସ୍ତୁତିଂ ପଠନ୍ ।
ଦିଵ୍ଯଵେଣୁରସିକଂ ସମୀକ୍ଷତେ
ଦୈଵତଂ କିମପି ଯୌଵତପ୍ରିଯମ୍ ॥ ୨୨॥

॥ ଇତି ଗୋପାଲଵିଂଶତିସ୍ତୋତ୍ରଂ ସମ୍ପୂର୍ଣମ୍ ॥

Visit http://www.webdunia.com for additional texts with Hindi meanings.

Please send corrections to sanskrit@cheerful.com
Last updated ତ୍oday
http://sanskritdocuments.org

Gopala Vimshati Stotram Lyrics in Oriya PDF
% File name : gopaala20.itx
% Location : doc\_vishhnu
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.webdunia.com
% Proofread by : Balaji
% Latest update : November 22, 2001
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website