{॥ గోపాలవింశతిస్తోత్రమ్ ॥}
శ్రీమాన్ వేంకటనాథార్యః కవితార్కికకేసరీ ।
వేదాన్తాచార్యవర్యో మే సన్నిధత్తాం సదా హృది ॥

వన్దే వృన్దావనచరం వలవ్వీజనవల్లభమ్ ।
జయన్తీసమ్భవం ధామ వైజయన్తీవిభూషణమ్ ॥ ౧॥

వాచం నిజాఙ్కరసికాం ప్రసమీక్షమాణో
వక్త్రారవిన్దవినివేశితపాంచజన్యః ।
వర్ణః త్రికోణరూచిరే వరపుణ్డరీకే
బద్ధాసనో జయతి వల్లవచక్రవర్తీ ॥ ౨॥

ఆమ్నాయగన్ధరుదితస్ఫురితాధరోష్ఠమ్
ఆస్రావిలేక్షణమనుక్షణమన్దహాసమ్ ।
గోపాలడిమ్భవపుషం కుహనా జనన్యాః
ప్రాణస్తనన్ధయమవైమి పరం పుమాంసమ్ ॥ ౩॥

ఆవిర్భవత్వనిభృతాభరణం పురస్తాత్
ఆకుంచితైకచరణ నిభృహితాన్యపాదమ్ ।
దధ్నానిబద్ధముఖరేణ నిబద్ధతాలం
నాథస్య నన్దభవనే నవనీతనాట్యమ్ ॥ ౪॥

కున్దప్రసూనవిశదైర్దశనైశ్చర్తుభిః
సందశ్య మాతురనిశం కుచచూచుకాగ్రమ్ ।
నన్దస్య వక్త్రమవలోకయతో మురారేర్-
మన్దస్థితం మమమనీషితమాతనోతు ॥ ౫॥

హర్తుం కుమ్భే వినిహితకరః స్వాదు హైయఙ్గవీనం
దృష్ట్వా దామగ్రహణచటులాం మాతరం జాతరోషామ్ ।
పాయాదీషత్ప్రచలితపదౌ నాపగచ్ఛన్న తిష్ఠన్
మిథ్యాగోపః సపది నయనే మీలయన్ విశ్వగోప్తా ॥ ౬॥

వ్రజయోషిదపాఙ్గ వేధనీయం
మథురాభాగ్యమనన్యభోగ్యమీడే ।
వసుదేవవధూ స్తనన్ధయం తద్-
కిమపి బ్రహ్మ కిశోరభావదృశ్యమ్ ॥ ౮॥

పరివర్తితకన్ధరం భయేన
స్మితఫుల్లాధరపల్లవం స్మరామి ।
విటపిత్వనిరాసకం కయోశ్చిద్-
విపులోలూఖలకర్షకం కుమారమ్ ॥ ౯॥

నికటేషు నిశామయామి నిత్యం
నిగమాన్తైరధునాఽపి మృగ్యమాణమ్ ।
యమలార్జునదృష్టబాలకేలిం
యమునాసాక్షికయౌవనం యువానమ్ ॥ ౧౦॥

పదవీమదవీయసీం విముక్తే-
రటవీం సమ్పదమ్బు వాహయన్తీమ్ ।
అరూణాధరసాభిలాషవంశాం
కరూణాం కారణమానుషీం భజామి ॥ ౧౧॥

అనిమేషనివేష్ణీయమక్ష్ణో-
రజహద్యౌవనమావిరస్తు చిత్తే ।
కలహాయితకున్తలం కలాపైః
కరూణోన్మాదకవిగ్రహం మహో మే ॥ ౧౨॥

అనుయాయిమనోజ్ఞవంశనాలై-
రవతు స్పర్శితవల్లవీవిమోహైః ।
అనఘస్మితశీతలైరసౌ మామ్
అనుకమ్పాసరిదమ్బుజైరపాఙ్గైః ॥ ౧౩॥

అధరాహితచారూవంశనాలా
మకుటాలమ్బిమయూరపిఞ్చ్ఛమాలాః ।
హరినీలశిలావిభఙ్గనీలాః
ప్రతిభాః సన్తు మమాన్తిమప్రయాణే ॥ ౧౪॥

అఖిలానవలోకయామి కాలాన్
మహిలాదీనభుజాన్తరస్యూనః ।
అభిలాషపదం వ్రజాఙ్గనానామ్
అభిలాక్రమదూరమాభిరూప్యమ్ ॥ ౧౫॥

మహసే మహితాయ మౌలినా
వినతేనాఞ్జలిమఞ్జనత్విషే ।
కలయామి విముగ్ధవల్లవీ-
వలయాభాషితమఞ్జువేణవే ॥ ౧౬॥

జయతు లలితవృత్తిం శిక్షితో వల్లవీనాం
శిథిలవలయశిఞ్జాశీతలైర్హస్తతాలైః ।
అఖిలభువనరక్షాగోపవేశస్య విష్ణో-
రధరమణిసుధాయామంశవాన్ వంశనాలః ॥ ౧౭॥

చిత్రాకల్పః శ్రవసి కలయల్లాఙ్గలీకర్ణపూరం
బర్హోత్తంసస్ఫురితచికురో బన్ధుజీవం దధానః ।
గుంజాబద్ధామురసి లలితాం ధారయన్ హారయష్టిం
గోపస్త్రీణాం జయతి కితవః కోఽపి కౌమారహారీ ॥ ౧౮॥

లీలాయష్టిం కరకిసలయే దక్షిణే న్యస్త ధన్యా-
మంసే దేవ్యాః పులకరుచిరే సన్నివిష్టాన్యబాహుః ।
మేఘశ్యామో జయతి లలితో మేఖలాదత్తవేణు-
ర్గుఞ్జాపీడస్ఫురితచికురో గోపకన్యాభుజఙ్గః ॥ ౧౯॥

ప్రత్యాలీఢస్థితింఅధిగతాం ప్రాప్తగాఢాఙ్కపాలీం
పశ్చాదీషన్మిలితనయనాం ప్రేయసీం ప్రేక్షమాణః ।
భస్త్రాయన్త్రప్రణిహితకరో భక్తజీవాతురవ్యాద్
వారిక్రీడానిబిడవసనో వల్లవీవల్లభో నః ॥ ౨౦॥

వాసో హృత్వా దినకరసుతాసన్నిధౌ వల్లవీనాం
లీలాస్మేరో జయతి లలితామాస్థితః కున్దశాఖామ్ ।
సవ్రీడాభిస్తదను వసనే తాభిరభ్యర్థ్యమానే
కామీ కశ్చిత్కరకమలయోరఞ్జలిం యాచమానః ॥ ౨౧॥

ఇత్యనన్యమనసా వినిర్మితాం
వేంకటేశకవినా స్తుతిం పఠన్ ।
దివ్యవేణురసికం సమీక్షతే
దైవతం కిమపి యౌవతప్రియమ్ ॥ ౨౨॥

॥ ఇతి గోపాలవింశతిస్తోత్రం సమ్పూర్ణమ్ ॥

Visit http://www.webdunia.com for additional texts with Hindi meanings.

Please send corrections to sanskrit@cheerful.com
Last updated త్oday
http://sanskritdocuments.org

Gopala Vimshati Stotram Lyrics in Telugu PDF
% File name : gopaala20.itx
% Location : doc\_vishhnu
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.webdunia.com
% Proofread by : Balaji
% Latest update : November 22, 2001
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website