cહપ્તેર્{૥ ગીતગોવિન્દં ૥}
{૥ શ્રીગોપાલકધ્યાનમ્ ૥}
યદ્ગોપીવદનેન્દુમણ્ડનમભૂત્કસ્તૂરિકાપત્રકં
યલ્લક્ષ્મીકુચશાતકુમ્ભકલશે વ્યાગોચમિન્દીવરમ્ ૤
યન્નિર્વાણવિધાનસાધનવિધૌ સિદ્ધાઞ્જનં યોગિનાં
તન્નઃ શ્યામળમાવિરસ્તુ હૃદયે કૃષ્ણાભિધાનં મહઃ ૥ ૧૥

{૥ શ્રીજયદેવધ્યાનમ્ ૥}
રાધામનોરમરમાવરરાસલીલા-
ગાનામૃતૈકભણિતં કવિરાજરાજમ્ ૤
શ્રીમાધવાર્ચ્ચનવિધાવનુરાગસદ્મ-
પદ્માવતીપ્રિયતમં પ્રણતોઽસ્મિ નિત્યમ્ ૥ ૨૥

શ્રીગોપાલવિલાસિની વલયસદ્રત્નાદિમુગ્ધાકૃતિ
શ્રીરાધાપતિપાદપદ્મભજનાનન્દાબ્ધિમગ્નોઽનિશમ્ ૥

લોકે સત્કવિરાજરાજ ઇતિ યઃ ખ્યાતો દયામ્ભોનિધિઃ
તં વન્દે જયદેવસદ્ગુરુમહં પદ્માવતીવલ્લભમ્ ૥ ૩૥

iતિ
cહપ્તેર્{૥ પ્રથમઃ સર્ગઃ ૥}
{૥ સામોદદામોદરઃ ૥}
મેઘૈર્મેદુરમમ્બરં વનભુવઃ શ્યામાસ્તમાલદ્રુમૈ-
ર્નક્તં ભીરુરયં ત્વમેવ તદિમં રાધે ગૃહં પ્રાપય ૤
ઇત્થં નન્દનિદેશિતશ્ચલિતયોઃ પ્રત્યધ્વકુઞ્જદ્રુમં
રાધામાધવયોર્જયન્તિ યમુનાકૂલે રહઃકેલયઃ ૥ ૧૥

વાગ્દેવતાચરિતચિત્રિતચિત્તસદ્મા
પદ્માવતીચરણચારણચક્રવર્તી ૤
શ્રીવાસુદેવરતિકેલિકથાસમેત-
મેતં કરોતિ જયદેવકવિઃ પ્રબન્ધમ્ ૥ ૨૥

વાચઃ પલ્લવયત્યુમાપતિધરઃ સન્દર્ભશુદ્ધિં ગિરાં
જાનીતે જયદેવ એવ શરણઃ શ્લાઘ્યો દુરૂહદ્રુતે ૤
શૃઙ્ગારોત્તરસત્પ્રમેયરચનૈરાચાર્યગોવર્ધન-
સ્પર્ધી કોઽપિ ન વિશ્રુતઃ શ્રુતિધરો ધોયી કવિક્ષ્માપતિઃ ૥ ૩૥

યદિ હરિસ્મરણે સરસં મનો
યદિ વિલાસકલાસુ કુતૂહલમ્ ૤
મધુરકોમલકાન્તપદાવલીં
શૃણુ તદા જયદેવસરસ્વતીમ્ ૥ ૪૥

{૥ ગીતમ્ ૧ ૥}
પ્રલયપયોધિજલે ધૃતવાનસિ વેદમ્ ૤
વિહિતવહિત્રચરિત્રમખેદમ્ ૥

કેશવ ધૃતમીનશરીર જય જગદીશ હરે ૥ ૧૥

ક્ષિતિરતિવિપુલતરે તવ તિષ્ઠતિ પૃષ્ઠે ૤
ધરણિધરણકિણચક્રગરિષ્ઠે ૥

કેશવ ધૃતકચ્છપરૂપ જય જગદીશ હરે ૥ ૨૥

વસતિ દશનશિખરે ધરણી તવ લગ્ના ૤
શશિનિ કલઙ્કકલેવ નિમગ્ના ૥

કેશવ ધૃતસૂકરરૂપ જય જગદીશ હરે ૥ ૩૥

તવ કરકમલવરે નખમદ્ભુતશૃઙ્ગમ્ ૤
દલિતહિરણ્યકશિપુતનુભૃઙ્ગમ્ ૥

કેશવ ધૃતનરહરિરૂપ જય જગદીશ હરે ૥ ૪૥

છલયસિ વિક્રમણે બલિમદ્ભુતવામન ૤
પદનખનીરજનિતજનપાવન ૥

કેશવ ધૃતવામનરૂપ જય જગદીશ હરે ૥ ૫૥

ક્ષત્રિયરુધિરમયે જગદપગતપાપમ્ ૤
સ્નપયસિ પયસિ શમિતભવતાપમ્ ૥

કેશવ ધૃતભૃગુપતિરૂપ જય જગદીશ હરે ૥ ૬૥

વિતરસિ દિક્ષુ રણે દિક્પતિકમનીયમ્ ૤
દશમુખમૌલિબલિં રમણીયં ૥

કેશવ ધૃતરામશરીર જય જગદીશ હરે ૥ ૭૥

વહસિ વપુષિ વિશદે વસનં જલદાભમ્ ૤
હલહતિભીતિમિલિતયમુનાભમ્ ૥

કેશવ ધૃતહલધરરૂપ જય જગદીશ હરે ૥ ૮૥

નિન્દતિ યજ્ઞવિધેરહહ શ્રુતિજાતમ્ ૤
સદયહૃદયદર્શિતપશુઘાતમ્ ૥

કેશવ ધૃતબુદ્ધશરીર જય જગદીશ હરે ૥ ૯૥

મ્લેચ્છનિવહનિધને કલયસિ કરવાલમ્ ૤
ધૂમકેતુમિવ કિમપિ કરાલમ્ ૥

કેશવ ધૃતકલ્કિશરીર જય જગદીશ હરે ૥ ૧૦૥

શ્રીજયદેવકવેરિદમુદિતમુદારમ્ ૤
શૃણુ સુખદં શુભદં ભવસારમ્ ૥

કેશવ ધૃતદશવિધરૂપ જય જગદીશ હરે ૥ ૧૧૥

વેદાનુદ્ધરતે જગન્નિવહતે ભૂગોલમુદ્બિભ્રતે
દૈત્યં દારયતે બલિં છલયતે ક્ષત્રક્ષયં કુર્વતે ૤
પૌલસ્ત્યં જયતે હલં કલયતે કારુણ્યમાતન્વતે
મ્લેચ્છાન્મૂર્ચ્છયતે દશાકૃતિકૃતે કૃષ્ણાય તુભ્યં નમઃ ૥ ૫૥

{૥ ગીતમ્ ૨ ૥}
શ્રિતકમલાકુચમણ્ડલ ધૃતકુણ્ડલ એ ૤
કલિતલલિતવનમાલ જય જયદેવ હરે ૥ ૧૥

દિનમણિમણ્ડલમણ્ડન ભવખણ્ડન એ ૤
મુનિજનમાનસહંસ જય જયદેવ હરે ૥ ૨૥

કાલિયવિષધરભઞ્જન જનરઞ્જન એ ૤
યદુકુલનલિનદિનેશ જય જયદેવ હરે ૥ ૩૥

મધુમુરનરકવિનાશન ગરુડાસન એ ૤
સુરકુલકેલિનિદાન જય જયદેવ હરે ૥ ૪૥

અમલકમલદલલોચન ભવમોચન એ ૤
ત્રિભુવનભવનનિધાન જય જયદેવ હરે ૥ ૫૥

જનકસુતાકૃતભૂષણ જિતદૂષણ એ ૤
સમરશમિતદશકણ્ઠ જય જયદેવ હરે ૥ ૬૥

અભિનવજલધરસુન્દર ધૃતમન્દર એ ૤
શ્રીમુખચન્દ્રચકોર જય જયદેવ હરે ૥ ૭૥

શ્રીજયદેવકવેરિદં કુરુતે મુદમ્ એ ૤
મઙ્ગલમુજ્જ્વલગીતં જય જયદેવ હરે ૥ ૮૥

પદ્માપયોધરતટીપરિરમ્ભલગ્ન-
કાશ્મીરમુદ્રિતમુરો મધુસૂદનસ્ય ૤
વ્યક્તાનુરાગમિવ ખેલદનઙ્ગખેદ-
સ્વેદામ્બુપૂરમનુપૂરયતુ પ્રિયં વઃ ૥ ૬૥

વસન્તે વાસન્તીકુસુમસુકુમારૈરવયવૈ-
ર્ભ્રમન્તીં કાન્તારે બહુવિહિતકૃષ્ણાનુસરણામ્ ૤
અમન્દં કન્દર્પજ્વરજનિતચિન્તાકુલતયા
વલદ્બાધાં રાધાં સરસમિદમુચે સહચરી ૥ ૭૥

{૥ ગીતમ્ ૩ ૥}
લલિતલવઙ્ગલતાપરિશીલનકોમલમલયસમીરે ૤
મધુકરનિકરકરમ્બિતકોકિલકૂજિતકુઞ્જકુટીરે ૥

વિહરતિ હરિરિહ સરસવસન્તે
નૃત્યતિ યુવતિજનેન સમં સખિ વિરહિજનસ્ય દુરન્તે ૥ ૧૥ વિહરતિ

ઉન્મદમદનમનોરથપથિકવધૂજનજનિતવિલાપે ૤
અલિકુલસંકુલકુસુમસમૂહનિરાકુલબકુલકલાપે ૥ ૨૥ વિહરતિ

મૃગમદસૌરભરભસવશંવદનવદલમાલતમાલે ૤
યુવજનહૃદયવિદારણમનસિજનખરુચિકિંશુકજાલે ૥ ૩૥ વિહરતિ

મદનમહીપતિકનકદણ્ડરુચિકેસરકુસુમવિકાસે ૤
મિલિતશિલીમુખપાટલિપટલકૃતસ્મરતૂણવિલાસે ૥ ૪૥ વિહરતિ

વિગલિતલજ્જિતજગદવલોકનતરુણકરુણકૃતહાસે ૤
વિરહિનિકૃન્તનકુન્તમુખાકૃતિકેતકદન્તુરિતાશે ૥ ૫૥ વિહરતિ

માધવિકાપરિમલલલિતે નવમાલિકજાતિસુગન્ધૌ ૤
મુનિમનસામપિ મોહનકારિણિ તરુણાકારણબન્ધૌ ૥ ૬૥ વિહરતિ

સ્ફુરદતિમુક્તલતાપરિરમ્ભણમુકુલિતપુલકિતચૂતે ૤
બૃન્દાવનવિપિને પરિસરપરિગતયમુનાજલપૂતે ૥ ૭૥ વિહરતિ

શ્રીજયદેવભણિતમિદમુદયતિ હરિચરણસ્મૃતિસારમ્ ૤
સરસવસન્તસમયવનવર્ણનમનુગતમદનવિકારમ્ ૥ ૮૥ વિહરતિ

દરવિદલિતમલ્લીવલ્લિચઞ્ચત્પરાગ-
પ્રકટિતપટવાસૈર્વાસયન્ કાનનાનિ ૤
ઇહ હિ દહતિ ચેતઃ કેતકીગન્ધબન્ધુઃ
પ્રસરદસમબાણપ્રાણવદ્ગન્ધવાહઃ ૥ ૮૥

ઉન્મીલન્મધુગન્ધલુબ્ધમધુપવ્યાધૂતચૂતાઙ્કુર-
ક્રીડત્કોકિલકાકલીકલરવૈરુદ્ગીર્ણકર્ણજ્વરાઃ ૤ var - કલૈઃ
નીયન્તે પથિકૈઃ કથં કથમપિ ધ્યાનાવધાનક્ષણ-
પ્રાપ્તપ્રાણસમાસમાગમરસોલ્લાસૈરમી વાસરાઃ ૥ ૯૥

અનેકનારીપરિરમ્ભસમ્ભ્રમ-
સ્ફુરન્મનોહારિવિલાસલાલસમ્ ૤
મુરારિમારાદુપદર્શયન્ત્યસૌ
સખીસમક્ષં પુનરાહ રાધિકામ્ ૥ ૧૦૥

{૥ ગીતમ્ ૪ ૥}
ચન્દનચર્ચિતનીલકલેવરપીતવસનવનમાલી ૤
કેલિચલન્મણિકુણ્ડલમણ્ડિતગણ્ડયુગસ્મિતશાલી ૥

હરિરિહમુગ્ધવધૂનિકરે
વિલાસિનિ વિલસતિ કેલિપરે ૥ ૧૥

પીનપયોધરભારભરેણ હરિં પરિરમ્ય સરાગમ્ ૤
ગોપવધૂરનુગાયતિ કાચિદુદઞ્ચિતપઞ્ચમરાગમ્ ૥ ૨૥ હરિરિહ

કાપિ વિલાસવિલોલવિલોચનખેલનજનિતમનોજમ્ ૤
ધ્યાયતિ મુગ્ધવધૂરધિકં મધુસૂદનવદનસરોજમ્ ૥ ૩૥ હરિરિહ

કાપિ કપોલતલે મિલિતા લપિતું કિમપિ શ્રુતિમૂલે ૤
ચારુ ચુચુમ્બ નિતમ્બવતી દયિતં પુલકૈરનુકૂલે ૥ ૪૥ હરિરિહ

કેલિકલાકુતુકેન ચ કાચિદમું યમુનાજલકૂલે ૤
મઞ્જુલવઞ્જુલકુઞ્જગતં વિચકર્ષ કરેણ દ્કૂલે ૥ ૫૥ હરિરિહ

કરતલતાલતરલવલયાવલિકલિતકલસ્વનવંશે ૤
રાસરસે સહ નૃત્યપરા હરિણા યુવતિઃ પ્રશશંસે ૥ ૬૥ હરિરિહ

શ્લિષ્યતિ કામપિ ચુમ્બતિ કામપિ કામપિ રમયતિ રામામ્ ૤
પશ્યતિ સસ્મિતચારુતરામપરામનુગચ્છતિ વામામ્ ૥ ૭૥ હરિરિહ var - પરાં

શ્રીજયદેવકવેરિદમદ્ભુતકેશવકેલિરહસ્યમ્ ૤
વૃન્દાવનવિપિને લલિતં વિતનોતુ શુભાનિ યશસ્યમ્ ૥ ૮૥ હરિરિહ

વિશ્વેષામનુરઞ્જને જનયન્નાનન્દમિન્દીવર-
શ્રેણીશ્યામલકોમલૈરુપનયન્નઙ્ગૈરનઙ્ગોત્સવમ્ ૤
સ્વચ્છન્દં વ્રજસુન્દરીભિરભિતઃ પ્રત્યઙ્ગમાલિઙ્કિતઃ
શૃઙ્ગારઃ સખિ મૂર્તિમાનિવ મધૌ મુગ્ધો હરિઃ ક્રીડતિ ૥ ૧૧૥

અદ્યોત્સઙ્ગવસદ્ભુજઙ્ગકવલક્લેશાદિવેશાચલં var - નિત્યોસઙ્ગ
પ્રાલેયપ્લવનેચ્છયાનુસરતિ શ્રીખણ્ડશૈલાનિલઃ ૤
કિં ચ સ્નિગ્ધરસાલમૌલિમુકુલાન્યાલોક્ય હર્ષોદયા-
દુન્મીલન્તિ કુહૂઃ કુહૂરિતિ કલોત્તલાઃ પિકાનાં ગિરઃ ૥ ૧૨૥

રાસોલ્લાસભરેણવિભ્રમભૃતામાભીરવામભ્રુવા-
મભ્યર્ણે પરિરભ્ય નિર્ભરમુરઃ પ્રેમાન્ધયા રાધયા ૤
સાધુ ત્વદ્વદનં સુધામયમિતિ વ્યાહૃત્ય ગીતસ્તુતિ-
વ્યાજાદુદ્ભટચુમ્બિતસ્મિતમનોહરી હરિઃ પાતુ વઃ ૥ ૧૩૥

૥ ઇતિ શ્રીગીતગોવિન્દે સામોદદામોદરો નામ પ્રથમઃ સર્ગઃ ૥
iતિ
cહપ્તેર્{૥ દ્વિતીયઃ સર્ગઃ ૥}
{૥ અક્લેશકેશવઃ ૥}
વિહરતિ વને રાધા સાધારણપ્રણયે હરૌ
વિગલિતનિજોત્કર્ષાદીર્ષ્યાવશેન ગતાન્યતઃ ૤
ક્વચિદપિ લતાકુઞ્જે ગુઞ્જન્મધુવ્રતમણ્ડલી-
મુખરશિખરે લીના દીનાપ્યુવાચ રહઃ સખીમ્ ૥ ૧૪૥

{૥ ગીતમ્ ૫ ૥}
સંચરદધરસુધામધુરધ્વનિમુખરિતમોહનવંશમ્ ૤
ચલિતદૃગઞ્ચલચઞ્ચલમૌલિકપોલવિલોલવતંસમ્ ૥

રાસે હરિમિહ વિહિતવિલાસં
સ્મરતિ મનો મમ કૃતપરિહાસમ્ ૥ ૧૥

ચન્દ્રકચારુમયૂરશિખણ્ડકમણ્ડલવલયિતકેશમ્ ૤
પ્રચુરપુરન્દરધનુરનુરઞ્જિતમેદુરમુદિરસુવેશમ્ ૥ ૨૥ રાસે હરિમિહ

ગોપકદમ્બનિતમ્બવતીમુખચુમ્બનલમ્ભિતલોભમ્ ૤
બન્ધુજીવમધુરાધરપલ્લવમુલ્લસિતસ્મિતશોભમ્ ૥ ૩૥ રાસે હરિમિહ

વિપુલપુલકભુજપલ્લવવલયિતવલ્લવયુવતિસહસ્રમ્ ૤
કરચરણોરસિ મણિગણભૂષણકિરણવિભિન્નતમિસ્રમ્ ૥ ૪૥ રાસે હરિમિહ

જલદપટલચલદિન્દુવિનન્દકચન્દનતિલકલલાટમ્ ૤
પીનઘનસ્તનમણ્ડલમર્દનનિર્દયહૃદયકપાટમ્ ૥ ૫૥ રાસે હરિમિહ var - પીનપયોધરપરિસર

મણિમયમકરમનોહરકુણ્ડલમણ્ડિતગણ્ડમુદારમ્ ૤
પીતવસનમનુગતમુનિમનુજસુરાસુરવરપરિવારમ્ ૥ ૬૥ રાસે હરિમિહ

વિશદકદમ્બતલે મિલિતં કલિકલુષભયં શમયન્તમ્ ૤
મામપિ કિમપિ તરઙ્ગદનઙ્ગદૃશા મનસા રમયન્તમ્ ૥ ૭૥ રાસે હરિમિહ var - વપુષા

શ્રીજયદેવભણિતમતિસુન્દરમોહનમધુરિપુરૂપમ્ ૤
હરિચરણસ્મરણં પ્રતિ સમ્પ્રતિ પુણ્યવતામનુરૂપમ્ ૥ ૮૥ રાસે હરિમિહ

ગણયતિ ગુણગ્રામં ભ્રામં ભ્રમાદપિ નેહતે
વહતિ ચ પરિતોષં દોષં વિમુઞ્ચતિ દૂરતઃ ૤
યુવતિષુ વલસ્તૃષ્ણે કૃષ્ણે વિહારિણિ માં વિના
પુનરપિ મનો વામં કામં કરોતિ કરોમિ કિમ્ ૥ ૧૫૥

{૥ ગીતમ્ ૬ ૥}
નિભૃતનિકુઞ્જગૃહં ગતયા નિશિ રહસિ નિલીય વસન્તમ્ ૤
ચકિતવિલોકિતસકલદિશા રતિરભસરસેન હસન્તમ્ ૥

સખિ હે કેશિમથનમુદારમ્
રમય મયા સહ મદનમનોરથભાવિતયા સવિકારમ્ ૥ ૧૥

પ્રથમસમાગમલજ્જિતયા પટુચાટુશતૈરનુકૂલમ્ ૤
મૃદુમધુરસ્મિતભાષિતયા શિથિલીકૃતજધનદુકૂલમ્ ૥ ૨૥ સખિ હે

કિસલયશયનનિવેશિતયા ચિરમુરસિ મમૈવ શયાનમ્ ૤
કૃતપરિરમ્ભણચુમ્બનયા પરિરભ્ય કૃતાધરપાનમ્ ૥ ૩૥ સખિ હે

અલસનિમીલિતલોચનયા પુલકાવલિલલિતકપોલમ્ ૤
શ્રમજલસકલકલેવરયા વરમદનમદાદતિલોલમ્ ૥ ૪૥ સખિ હે

કોકિલકલરવકૂજિતયા જિતમનસિજતન્ત્રવિચારમ્ ૤
શ્લથકુસુમાકુલકુન્તલયા નખલિખિતઘનસ્તનભારમ્ ૥ ૫૥ સખિ હે

ચરણરણિતમણિનૂપુરયા પરિપૂરિતસુરતવિતાનમ્ ૤
મુખરવિશૃઙ્ખલમેખલયા સકચગ્રહચુમ્બનદાનમ્ ૥ ૬૥ સખિ હે

રતિસુખસમયરસાલસયા દરમુકુલિતનયનસરોજમ્ ૤
નિઃસહનિપતિતતનુલતયા મધુસૂદનમુદિતમનોજમ્ ૥ ૭૥ સખિ હે

શ્રીજયદેવભણિતમિદમતિશયમધુરિપુનિધુવનશીલમ્ ૤
સુખમુત્કણ્ઠિતગોપવધૂકથિતં વિતનોતુ સલીલમ્ ૥ ૮૥ સખિ હે var - રાધિકયા

હસ્તસ્રસ્તવિલાસવંશમનૃજુભ્રૂવલ્લિમદ્બલ્લવી-
વૃન્દોત્સારિદૃગન્તવીક્ષિતમતિસ્વેદાર્દ્રગણ્ડસ્થલમ્ ૤
મામુદ્વીક્ષ્ય વિલક્ષિતં સ્મિતસુધામુગ્ધાનનં કાનને
ગોવિન્દં વ્રજસુન્દરીગણવૃતં પશ્યામિ હૃષ્યામિ ચ ૥ ૧૬૥

દુરાલોકસ્તોકસ્તબકનવકાશોકલતિકા-
વિકાસઃ કાસારોપવનપવનોઽપિ વ્યથયતિ ૤
અપિ ભ્રામ્યદ્ભૃઙ્ગીરણિતરમણીયા ન મુકુલ-
પ્રસૂતિશ્ચૂતાનાં સખિ શિખરિણીયં સુખયતિ ૥ ૧૭૥

સાકૂતસ્મિતમાકુલાકુલગલદ્ધમ્મિલ્લમુલ્લાસિત-
ભ્રૂવલ્લીકમલીકદર્શિતભુજામૂલાર્દ્ધપૃષ્ઠસ્તનમ્ ૤
ગોપીનાં નિભૃતં નિરીક્ષ્ય ગમિતાકાઙ્ક્ષશ્ચિરં ચિન્તય-
ન્નન્તર્મુગ્દ્ધમનોહરો હરતુ વઃ ક્લેશં ન વઃ કેશવઃ ૥ ૧૮૥

૥ ઇતિ ગીતગોવિન્દે અક્લેશકેશવો નામ દ્વિતીયઃ સર્ગઃ ૥
iતિ
cહપ્તેર્{૥ તૃતીયઃ સર્ગઃ ૥}
{૥ મુગ્ધમધુસૂદનઃ ૥}
કંસારિરપિ સંસારવાસનાબન્ધશૃઙ્ખલામ્ ૤
રાધામાધાય હૃદયે તત્યાજ વ્રજસુન્દરીઃ ૥ ૧૯૥

ઇતસ્તતસ્તામનુસૃત્ય રાધિકા-
મનઙ્ગબાણવ્રણખિન્નમાનસઃ ૤
કૃતાનુતાપઃ સ કલિન્દનન્દિની-
તટાન્તકુઞ્જે નિષસાદ માધવઃ ૥ ૨૦૥

{૥ ગીતમ્ ૭ ૥}
મામિયં ચલિતા વિલોક્ય વૃતં વધૂનિચયેન ૤
સાપરાધતયા મયાપિ ન વારિતાતિભયેન ૥

હરિહરિ હતાદરતયા ગતા સા ગતા કુપિતેવ ૥ ૧૥

કિં કરિષ્યતિ કિં વદિષ્યતિ સા ચિરં વિરહેણ ૤
કિં ધનેન જનેન કિં મમ જીવનેન ગૃહેણ ૥ ૨૥ હરિહરિ

ચિન્તયામિ તદાનનં કુટિલભ્રુ કોપભરેણ ૤
શોણપદ્મમિવોપરિ ભ્રમતાકુલભ્રમરેણ ૥ ૩૥ હરિહરિ

તામહં હૃદિ સંગતામનિશં ભૃશં રમયામિ ૤
કિં વનેઽનુસરામિ તામિહ કિં વૃથા વિલપામિ ૥ ૪૥ હરિહરિ

તન્વિ ખિન્નમસૂયયા હૃદયં તવાકલયામિ ૤
તન્ન વેદ્મિ કુતો ગતાસિ ન તેન તેઽનુનયામિ ૥ ૫૥ હરિહરિ

દૃશ્યસે પુરતો ગતાગતમેવ તે વિદધાસિ ૤
કિં પુરેવ સમમ્ભ્રમં પરિરમ્ભણં ન દદાસિ ૥ ૬૥ હરિહરિ

ક્ષમ્યતામપરં કદાપિ તવેદૃશં ન કરોમિ ૤
દેહિ સુન્દરિ દર્શનં મમ મન્મથેન દુનોમિ ૥ ૭૥ હરિહરિ

વર્ણિતં જયદેવકેન હરેરિદં પ્રવણેન ૤
કિન્દુબિલ્વસમુદ્રસમ્ભવરોહિણીરમણેન ૥ ૮૥ હરિહરિ

કુવલયદલશ્રેણી કણ્ઠે ન સા ગરલદ્યુતિઃ
હૃદિ બિસલતાહારો નાયં ભુજઙ્ગમનાયકઃ ૤
મલયજરજો નેદં ભસ્મ પ્રિયારહિતે મયિ
પ્રહર ન હરભ્રાન્ત્યાનઙ્ગ ક્રુધા કિમુ ધાવસિ ૥ ૨૧૥

પાણૌ મા કુરુ ચૂતસાયકમમું મા ચાપમારોપય
ક્રીડાનિર્જિતવિશ્વમૂર્છિતજનાઘાતેન કિં પૌરુષમ્ ૤
તસ્યા એવ મૃગીદૃશો મનસિજપ્રેઙ્ખત્કટાક્ષાશુગ-
શ્રેણીજર્જરિતં મનાગપિ મનો નાદ્યાપિ સંધુક્ષતે ૥ ૨૨૥

ભ્રૂચાપે નિહિતઃ કટાક્ષવિશિખો નિર્માતુ મર્મવ્યથાં
શ્યામાત્મા કુટિલઃ કરોતુ કબરીભારોઽપિ મારોદ્યમમ્ ૤
મોહં તાવદયં ચ તન્વિ તનુતાં બિમ્બાધરો રાગવાન્
સદ્વૃત્તસ્તનમણ્ડલસ્તવ કથં પ્રાણૈર્મમ ક્રીડતિ ૥ ૨૩૥

તાનિ સ્પર્શસુખાનિ તે ચ તરલસ્નિગ્ધા દૃશોર્વિભ્રમા-
સ્તદ્વક્ત્રામ્બુજસૌરભં સ ચ સુધાસ્યન્તિર્ગિરાં વક્રિમા ૤
સા બિમ્બાધરમાધુરીતિ વિષયાસઙ્ગેઽપિ ચેન્માનસં
તસ્યાં લગ્નસમાધિ હન્ત વિરહવ્યાધિઃ કથં વર્ધતે ૥ ૨૪૥

ભ્રૂપલ્લવં ધનુરપાઙ્ગતરઙ્ગિતનિ var - ભ્રૂવલ્લરિર્ધનુ
બાણા ગુણઃ શ્રવણપાલિરિતિ સ્મરેણ ૤
અસ્યામનઙ્ગજયજઙ્ગમદેવતાયાં
અસ્ત્રાણિ નિર્જિતજગન્તિ કિમર્પિતાનિ ૥ ૨૫૥

તિર્યક્કણ્ઠવિલોલમૌલિતરલોત્તંસસ્ય વંશોચ્ચલદ્-
ગીતિસ્થાનકૃતાવધાનલલનાલક્ષૈર્ન સંલક્ષિતાઃ ૤
સમ્મુગ્દ્ધે મધુસૂદનસ્ય મધુરે રાધામુખેન્દૌ મૃદુ-
સ્પન્દં કન્દલિતાશ્ચિરં દદતુ વઃ ક્ષેમં કટાક્ષોર્મયઃ ૥ ૨૬ ૥

૥ ઇતિ શ્રીગિતગોવિન્દે મુગ્ધમધુસૂદનો નામ તૃતીયઃ સર્ગઃ ૥
iતિ
cહપ્તેર્{૥ ચતુર્થઃ સર્ગઃ ૥}
{૥ સ્નિગ્ધમધુસૂદનઃ ૥}
યમુનાતીરવાનીરનિકુઞ્જે મન્દમાસ્થિતમ્ ૤
પ્રાહ પ્રેમભરોદ્ભ્રાન્તં માધવં રાધિકાસખી ૥ ૨૭૥

{૥ ગીતમ્ ૮ ૥}
નિન્દતિ ચન્દનમિન્દુકિરણમનુ વિન્દતિ ખેદમધીરમ્ ૤
વ્યાલનિલયમિલનેન ગરલમિવ કલયતિ મલયસમીરમ્ ૥

માધવ મનસિજવિશિખભયાદિવ ભાવનયા ત્વયિ લીના
સા વિરહે તવ દીના ૥ ૧૥

અવિરલનિપતિતમદનશરાદિવ ભવદવનાય વિશાલમ્ ૤
સ્વહૃદયમર્મણી વર્મ કરોતિ સજલનલિનીદલજાલમ્ ૥ ૨૥ સા વિરહે તવ દીના

કુસુમવિશિખશરતલ્પમનલ્પવિલાસકલાકમનીયમ્ ૤
વ્રતમિવ તવ પરિરમ્ભસુખાય કરોતિ કુસુમશયનીયમ્ ૥ ૩૥ સા વિરહે તવ દીના

વહતિ ચ ગલિતવિલોચનજલભરમાનનકમલમુદારમ્ ૤ var - વિગલિતલોચન
વિધુમિવ વિકટવિધુન્તુદદન્તદલનગલિતામૃતધારમ્ ૥ ૪૥ સા વિરહે તવ દીના

વિલિખતિ રહસિ કુરઙ્ગમદેન ભવન્તમસમશરભૂતમ્ ૤
પ્રણમતિ મકરમધો વિનિધાય કરે ચ શરં નવચૂતમ્ ૥ ૫૥ સા વિરહે તવ દીના

પ્રતિપદમિદમપિ નિગતતિ માધવ તવ ચરણે પતિતાહમ્ ૤
ત્વયિ વિમુખે મયિ સપદિ સુધાનિધિરપિ તનુતે તનુદાહમ્ ૥ ૬૥ સા વિરહે તવ દીના

ધ્યાનલયેન પુરઃ પરિકલ્પ્ય ભવન્તમતીવ દુરાપમ્ ૤
વિલપતિ હસતિ વિષીદતિ રોદિતિ ચઞ્ચતિ મુઞ્ચતિ તાપમ્ ૥ ૭૥ સા વિરહે તવ દીના

શ્રીજયદેવભણિતમિદમધિકં યદિ મનસા નટનીયમ્ ૤
હરિવિરહાકુલબલ્લવયુવતિસખીવચનં પઠનીયમ્ ૥ ૮૥ સા વિરહે તવ દીના

આવાસો વિપિનાયતે પ્રિયસખીમાલાપિ જાલાયતે
તાપોઽપિ શ્વસિતેન દાવદહનજ્વાલાકલાપાયતે ૤
સાપિ ત્વદ્વિરહેણ હન્ત હરિણીરૂપાયતે હા કથં
કન્દર્પોઽપિ યમાયતે વિરચયઞ્શાર્દૂલવિક્રીડિતમ્ ૥ ૨૮૥

{૥ ગીતમ્ ૯ ૥}
સ્તનવિનિહિતમપિ હારમુદારમ્ ૤
સા મનુતે કૃશતનુરતિભારમ્ ૥

રાધિકા વિરહે તવ કેશવ ૥ ૧૥

સરસમસૃણમપિ મલયજપઙ્કમ્ ૤
પશ્યતિ વિષમિવ વપુષિ સશઙ્કમ્ ૥ ૨૥ રાધિકા

શ્વસિતપવનમનુપમપરિણાહમ્ ૤
મદનદહનમિવ વહતિ સદાહમ્ ૥ ૩૥ રાધિકા

દિશિ દિશિ કિરતિ સજલકણજાલમ્ ૤
નયનનલિનમિવ વિગલિતનાલમ્ ૥ ૪૥ રાધિકા

નયનવિષયમપિ કિસલયતલ્પમ્ ૤
કલયતિ વિહિતહુતાશવિકલ્પમ્ ૥ ૫૥ રાધિકા

ત્યજતિ ન પાણિતલેન કપોલમ્ ૤
બાલશશિનમિવ સાયમલોલમ્ ૥ ૬૥ રાધિકા

હરિરિતિ હરિરિતિ જપતિ સકામમ્ ૤
વિરહવિહિતમરણેન નિકામમ્ ૥ ૭૥ રાધિકા

શ્રીજયદેવભણિતમિતિ ગીતમ્ ૤
સુખયતુ કેશવપદમુપનીતમ્ ૥ ૮૥ રાધિકા

સા રોમાઞ્ચતિ સીત્કરોતિ વિલપત્યુત્ક્મ્પતે તામ્યતિ
ધ્યાયત્યુદ્ભ્રમતિ પ્રમીલતિ પતત્યુદ્યાતિ મૂર્ચ્છત્યપિ ૤
એતાવત્યતનુજ્વરે વરતનુર્જીવેન્ન કિં તે રસાત્
સ્વર્વૈદ્યપ્રતિમ પ્રસીદસિ યદિ ત્યક્તોઽન્યથા નાન્તકઃ ૥ ૨૯૥ var - ત્યક્તાન્યથાન્યત્પરમ્

સ્મરાતુરાં દૈવતવૈદ્યહૃદ્ય
ત્વદઙ્ગસઙ્ગામૃતમાત્રસાધ્યામ્ ૤
વિમુક્તબાધાં કુરુષે ન રાધા-
મુપેન્દ્ર વજ્રાદપિ દારુણોઽસિ ૥ ૩૧૥

કન્દર્પજ્વરસંજ્વરસ્તુરતનોરાશ્ચર્યમસ્યાશ્ચિરં var - સજ્જ્વરાતુરતનોરથ્યર્થમસ્યાશ્ચિરં
ચેતશ્ચન્દનચન્દ્રમઃકમલિનીચિન્તાસુ સંતામ્યતિ ૤
કિંતુ ક્લાન્તિવશેન શીતલતનું ત્વામેકમેવ પ્રિયં
ધ્યાયન્તી રહસિ સ્થિતા કથમપિ ક્ષીણા ક્ષણં પ્રાણિતિ ૥ ૨૯૥

ક્ષણમપિ વિરહઃ પુરા ન સેહે
નયનનિમીલનખિન્નયા યયા તે ૤
શ્વસિતિ કથમસૌ રસાલશાખાં
ચિરવિરહેણ વિલોક્ય પુષ્પિતાગ્રામ્ ૥ ૩૨૥ var - વિરહેઽપિ

વૃષ્ટિવ્યાકુલગોકુલાવનરસાદુદ્ધૃત્ય ગોવર્ધનં
બિભ્રદ્વલ્લવવલ્લભાભિરધિકાનન્દાચ્ચિરં ચુમ્બિતઃ ૤
દર્પેણેવ તદર્પિતાધરતટીસિન્દૂરમુદ્રાઙ્ગિતો
બાહુર્ગોપપતેસ્તનોતુ ભવતાં શ્રેયાંસિ કંસદ્વિષઃ ૥ ૩૩ ૥

૥ ઇતિ ગીતગોવિન્દે સ્નિગ્ધમાધવો નામ ચતુર્થઃ સર્ગઃ ૥
iતિ
cહપ્તેર્{૥ પઞ્ચમઃ સર્ગઃ ૥}
{૥ સાકાંક્ષપુણ્ડરીકાક્ષઃ ૥}
અહમિહ નિવસામિ યાહિ રાધામનુનય મદ્વચનેન ચાનયેથાઃ ૤
ઇતિ મધુરિપુણા સખી નિયુક્તા સ્વયમિદમેત્ય પુનર્જગાદ રાધામ્ ૥ ૩૪૥

{૥ ગીતમ્ ૧૦ ૥}
વહતિ મલયસમીરે મદનમુપનિધાય ૤
સ્ફુટતિ કુસુમનિકરે વિરહિહૃદયદલનાય ૥

તવ વિરહે વનમાલી સખિ સીદતિ ૥ ૧૥

દહતિ શિશિરમયૂખે મરણમનુકરોતિ ૤
પતતિ મદનવિશિખે વિલપતિ વિકલતરોઽતિ ૥ ૨૥ તવ વિરહે

ધ્વનતિ મધુપસમૂહે શ્રવણમપિ દધાતિ ૤
મનસિ વલિતવિરહે નિશિ નિશિ રુજમુપયાતિ ૥ ૩૥ તવ વિરહે

વસતિ વિપિનવિતાને ત્યજતિ લલિતધામ ૤
લુઠતિ ધરણિશયને બહુ વિલપતિ તવ નામ ૥ ૪૥ તવ વિરહે

રણતિ પિકસમુદાયે પ્રતિદિશમનુયાતિ ૤
હસતિ મનુજનિચયે વિરહમપલપતિ નેતિ ૥ ૫૥ તવ વિરહે

સ્ફુરતિ કલરવરાવે સ્મરતિ ભણિતમેવ ૤
તવ રતિસુખવિભવે બહુગણયતિ ગુણમતીવ ૥ ૬૥ તવ વિરહે

ત્વદભિદશુભદમાસં વદતુ નરિ શૃણોતિ ૤
તમપિ જપતિ સરસં પરયુવતિષુ ન રતિમુપૈતિ ૥ ૭૥ તવ વિરહે

ભણતિ કવિજયદેવે વિરહિવિલસિતેન ૤
મનસિ રભસવિભવે હરિરુદયતુ સુકૃતેન ૥ ૮૥ તવ વિરહે

પૂર્વં યત્ર સમં ત્વયા રતિપતેરાસાદિતઃ સિદ્ધય-
સ્તસ્મિન્નેવ નિકુઞ્જમન્મથમહાતીર્થે પુનર્માધવઃ ૤
ધ્યાયંસ્ત્વામનિશં જપન્નપિ તવૈવાલાપમન્ત્રાવલીં
ભૂયસ્ત્વત્કુચકુમ્ભનિર્ભરપરીરમ્ભામૃતં વાઞ્છતિ ૥ ૩૫૥

{૥ ગીતમ્ ૧૧ ૥}
રતિસુખસારે ગતમભિસારે મદનમનોહરવેશમ્ ૤
ન કુરુ નિતમ્બિનિ ગમનવિલમ્બનમનુસર તં હૃદયેશમ્ ૥

ધીરસમીરે યમુનાતીરે વસતિ વને વનમાલી
ગોપીપીનપયોધારમર્દનચઞ્ચલકરયુગશાલી ૥ ૧૥

નામ સમેતં કૃતસંકેતં વાદયતે મૃદુવેણુમ્ ૤
બહુ મનુતે નનુ તે તનુસંગતપવનચલિતમપિ રેણુમ્ ૥ ૨૥ ધીરસમીરે var - તનુ

પતતિ પતત્રે વિચલતિ પત્રે શઙ્કિતભવદુપયાનમ્ ૤
રચયતિ શયનં સચકિતનયનં પશ્યતિ તવ પન્થાનમ્ ૥ ૩૥ ધીરસમીરે

મુખરમધીરં ત્યજ મઞ્જીરં રિપુમિવ કેલિસુલોલમ્ ૤
ચલ સખિ કુઞ્જં સતિમિરપુઞ્જં શીલય નીલનિચોલમ્ ૥ ૪૥ ધીરસમીરે

ઉરસિ મુરારેરુપહિતહારે ઘન ઇવ તરલબલાકે ૤
તડિદિવ પીતે રતિવિપરીતે રાજસિ સુકૃતવિપાકે ૥ ૫૥ ધીરસમીરે

વિગલિતવસનં પરિહૃતરસનં ઘટય જઘનમપિધાનમ્ ૤
કિસલયશયને પઙ્કજનયને નિધિમિવ હર્ષનિદાનમ્ ૥ ૬૥ ધીરસમીરે

હરિરભિમાની રજનિરિદાનીમિયમપિ યાતિ વિરામમ્ ૤
કુરુ મમ વચનં સત્વરરચનં પૂરય મધુરિપુકામમ્ ૥ ૭૥ ધીરસમીરે

શ્રીજયદેવે કૃતહરિસેવે ભણતિ પરમરમણીયમ્ ૤
પ્રમુદિતહૃદયં હરિમતિસદયં નમત સુકૃતકમનીયમ્ ૥ ૮૥ ધીરસમીરે

વિકિરતિ મુહુઃ શ્વાસાનાશાઃ પુરો મુહુરીક્ષતે
પ્રવિશતિ મુહુઃ કુઞ્જં ગુઞ્જન્મુહુર્બહુ તામ્યતિ ૤
રચયતિ મુહુઃ શય્યાં પર્યાકુલં મુહુરીક્ષતે
મદનકદનક્લાન્તઃ કાન્તે પ્રિયસ્તવ વર્તતે ૥ ૩૬૥

ત્વદ્વામ્યેન સમં સમગ્રમધુના તિગ્માંશુરસ્તં ગતો
ગોવિન્દસ્ય મનોરથેન ચ સમં પ્રાપ્તં તમઃ સાન્દ્રતામ્ ૤
કોકાનાં કરુણસ્વનેન સદૃશી દીર્ઘા મદભ્યર્થના
તન્મુગ્ધે વિફલં વિલમ્બનમસૌ રમ્યોઽભિસારક્ષણઃ ૥ ૩૭૥

આશ્લેષાદનુ ચુમ્બનાદનુ નખોલ્લેખાદનુ સ્વાન્તજ-
પ્રોદ્બોધાદનુ સમ્ભ્રમાદનુ રતારમ્ભાદનુ પ્રીતયોઃ ૤
અન્યાર્થં ગતયોર્ભ્રમાન્મિલિતયોઃ સમ્ભાષણૈર્જાનતો-
ર્દમ્પત્યોરિહ કો ન કો ન તમસિ વ્રીડાવિમિશ્રો રસઃ ૥ ૩૮૤

સભયચકિતં વિન્યસ્યન્તીં દૃશૌ તિમિરે પથિ
પ્રતિતરુ મુહુઃ સ્થિત્વા મન્દં પદાનિ વિતન્વતીમ્ ૤
કથમપિ રહઃ પ્રાપ્તામઙ્ગૈરનઙ્ગતરઙ્ગિભિઃ
સુમુખિ સુભગઃ પશ્યન્સ ત્વામુપૈતુ ઋતાર્થતામ્ ૥ ૩૯૥

રાધામુગ્દ્ધમુખારવિન્દમધુપસ્ત્રૈલોક્યમૌલિસ્થલી
નેપથ્યોચિતનીલરત્નમવનીભારાવતારક્ષમઃ ૤
સ્વચ્છન્દં વ્રજસુન્દરીજનમનસ્તોષપ્રદોષશ્ચિરં
કંસધ્વંસનધૂમકેતુરવતુ ત્વાં દેવકીનન્દનઃ ૥ ૪૦૥

૥ ઇતિ શ્રીગીતગોવિન્દેઽભિસારિકવર્ણને સાકાઙ્ક્ષપુણ્ડરીકાક્ષો નામ

પઞ્ચમઃ સર્ગઃ ૥

iતિ
cહપ્તેર્{૥ ષષ્ઠઃ સર્ગઃ ૥}
{૥ કુણ્ઠવૈકુણ્ઠઃ ૥}
અથ તાં ગન્તુમશક્તાં ચિરમનુરક્તાં લતાગૃહે દૃષ્ટ્વા ૤
તચ્ચરિતં ગોવિન્દે મનસિજમન્દે સખી પ્રાહ ૥ ૪૧૥

{૥ ગીતમ્ ૧૨ ૥}
પશ્યતિ દિશિ દિશિ રહસિ ભવન્તમ્ ૤
તદધરમધુરમધૂનિ પિબન્તમ્ ૥ var - ત્વદધર

નાથ હરે (જય નાથ હરે) સીદતિ રાધા વાસગૃહે ૥ ૧૥

ત્વદભિસરણરભસેન વલન્તી ૤
પતતિ પદાનિ કિયન્તિ ચલન્તી ૥ ૨૥ નાથ હરે

વિહિતવિશદબિસકિસલયવલયા ૤
જીવતિ પરમિહ તવ રતિકલયા ૥ ૩૥ નાથ હરે

મુહુરવલોકિતમણ્ડનલીલા ૤
મધુરિપુરહમિતિ ભાવનશીલા ૥ ૪૥ નાથ હરે

ત્વરિતમુપૈતિ ન કથમભિસારમ્ ૤
હરિરિતિ વદતિ સખીમનુવારમ્ ૥ ૫૥ નાથ હરે

શ્લિષ્યતિ ચુમ્બતિ જલધરકલ્પમ્ ૤
હરિરુપગત ઇતિ તિમિરમનલ્પમ્ ૥ ૬૥ નાથ હરે

ભવતિ વિલમ્બિનિ વિગલિતલજ્જા ૤
વિલપતિ રોદિતિ વાસકસજ્જા ૥ ૭૥ નાથ હરે

શ્રીજયદેવકવેરિદમુદિતમ્ ૤
રસિકજનં તનુતામતિમુદિતમ્ ૥ ૮૥ નાથ હરે

વિપુલપુલકપાલિઃ સ્ફીતસીત્કારમન્ત-
ર્જનિતજડિમકાકુવ્યાકુલં વ્યાહરન્તી ૤
તવ કિતવ વિધાયામન્દકન્દર્પચિન્તાં var - વિધત્તે મન્દ
રસજલધિનિમગ્ના ધ્યાનલગ્ના મૃગાક્ષી ૥ ૪૨૥

અઙ્ગેષ્વાભરણં કરોતિ બહુશઃ પત્રેઽપિ સંચારિણિ
પ્રાપ્તં ત્વાં પરિશઙ્કતે વિતનુતે શય્યાં ચિરં ધ્યાયતિ ૤
ઇત્યાકલ્પવિકલ્પતલ્પરચનાસંકલ્પલીલાશત-
વ્યાસક્તાપિ વિના ત્વયા વરતનુર્નૈષા નિશાં નેષ્યતિ ૥ ૪૩૥

કિં વિશ્રામ્યસિ કૃષ્ણભોગિભવને ભાણ્ડીરભૂમીરુહિ
ભ્રાતર્યાહિ ન દૃષ્ટિગોચરમિતઃ સાનન્દનન્દાસ્પદમ્ ૤
રાધાયા વચનં તદધ્વગમુખાન્નન્દાન્તિકે ગોપતો
ગોવિન્દસ્ય જયતિ સાયમતિથિપ્રાશસ્ત્યગર્ભા ગિરઃ ૥ ૪૪ ૥

૥ ઇતિ ગીતગોવિન્દે વાસકસજ્જાવર્ણને કુણ્ઠવૈકુણ્ઠો નામ ષષ્ટઃ સર્ગઃ ૥
iતિ
cહપ્તેર્{૥ સપ્તમઃ સર્ગઃ ૥}
{૥ નાગરનારાયણઃ ૥}
અત્રાન્તરે ચ કુલટાકુલવર્ત્મપાત-
સંજાતપાતક ઇવ સ્ફુટલાઞ્છનશ્રીઃ ૤
વૃન્દાવનાન્તરમદીપયદંશુજાલૈ-
ર્દિક્સુન્દરીવદનચન્દનબિન્દુરિન્દુઃ ૥ ૪૫૥

પ્રસરતિ શશધરબિમ્બે વિહિતવિલમ્બે ચ માધવે વિધુરા ૤
વિરચિતવિવિધવિલાપં સા પરિતાપં ચકારોચ્ચૈઃ ૥ ૪૬૥

{૥ ગીતમ્ ૧૩ ૥}
કથિતસમયેઽપિ હરિરહહ ન યયૌ વનમ્ ૤
મમ વિફલમિદમમલરૂપમપિ યૌવનમ્ ૥

યામિ હે કમિહ શરણં સખીજનવચનવઞ્ચિતા ૥ ૧૥

યદનુગમનાય નિશિ ગહનમપિ શીલિતમ્ ૤
તેન મમ હૃદયમિદમસમશરકીલિતમ્ ૥ ૨૥ યામિ હે

મમ મરણમેવ વરમતિવિતથકેતના ૤
કિમિહ વિષહામિ વિરહાનલમચેતના ૥ ૩૥ યામિ હે

મામહહ વિધુરયતિ મધુરમધુયામિની ૤
કાપિ હરિમનુભવતિ કૃતસુકૃતકામિની ૥ ૪૥ યામિ હે

અહહ કલયામિ વલયાદિમણીભૂષણમ્ ૤
હરિવિરહદહનવહનેન બહુદૂષણમ્ ૥ ૫૥ યામિ હે

કુસુમસુકુમારતનુમતનુશરલીલયા ૤
સ્રગપિ હૃદિ હન્તિ મામતિવિષમશીલયા ૥ ૬૥ યામિ હે

અહમિહ નિવસામિ ન ગણિતવનવેતસા ૤
સ્મરતિ મધુસૂદનો મામપિ ન ચેતસા ૥ ૭૥ યામિ હે

હરિચરણશરણજયદેવકવિભારતી ૤
વસતુ હૃદિ યુવતિરિવ કોમલકલાવતી ૥ ૮૥ યામિ હે

તત્કિં કામપિ કામિનીમભિસૃતઃ કિં વા કલાકેલિભિ-
ર્બદ્ધો બન્ધુભિરન્ધકારિણિ વનોપાન્તે કિમુ ભ્રામ્યતિ ૤
કાન્તઃ ક્લાન્તમના મનાગપિ પથિ પ્રસ્થાતુમેવાક્ષમઃ
સંકેતીકૃતમઞ્જુવઞ્જુલલતાકુઞ્જેઽપિ યન્નાગતઃ ૥ ૪૭૥

અથાગતં માધવમન્તરેણ
સખીમિયં વીક્ષ્ય વિષાદમૂકામ્ ૤
વિશઙ્કમના રમિતં કયાપિ
જનાર્દનં દૃષ્ટવદેતદાહ ૥ ૪૮૥

{૥ ગીતમ્ ૧૪ ૥}
સ્મરસમરોચિતવિરચિતવેશા ૤
ગલિતકુસુમદરવિલુલિતકેશા ૥

કાપિ મધુરિપુણા વિલસતિ યુવતિરધિકગુણા ૥ ૧૥

હરિપરિરમ્ભણવલિતવિકારા ૤
કુચકલશોપરિ તરલિતહારા ૥ ૨૥ કાપિ મધુરિપુણા

વિચલદલકલલિતાનનચન્દ્રા ૤
તદધરપાનરભસકૃતતન્દ્રા ૥ ૩૥ કાપિ મધુરિપુણા

ચઞ્ચલકુણ્ડલદલિતકપોલા ૤
મુખરિતરશનજઘનગલિતલોલા ૥ ૪૥ કાપિ મધુરિપુણા

દયિતવિલોકિતલજ્જિતહસિતા ૤
બહુવિધકૂજિતરતિરસરસિતા ૥ ૫૥ કાપિ મધુરિપુણા

વિપુલપુલકપૃથુવેપથુભઙ્ગા ૤
શ્વસિતનિમીલિતવિકસદનઙ્ગા ૥ ૬૥ કાપિ મધુરિપુણા

શ્રમજલકણભરસુભગશરીરા ૤
પરિપતિતોરસિ રતિરણધીરા ૥ ૭૥ કાપિ મધુરિપુણા

શ્રીજયદેવભણિતહરિરમિતમ્ ૤
કલિકલુષં જનયતુ પરિશમિતમ્ ૥ ૮૥ કાપિ મધુરિપુણા

વિરહપાણ્ડુમુરારિમુખામ્બુજ-
દ્યુતિરિયં તિરયન્નપિ વેદનામ્ ૤ var ચેતનામ્
વિધુરતીવ તનોતિ મનોભુવઃ
સુહૃદયે હૃદયે મદનવ્યથામ્ ૥ ૪૯૤

{૥ ગીતમ્ ૧૫ ૥}
સમુદિતમદને રમણીવદને ચુમ્બનવલિતાધરે ૤
મૃગમદતિલકં લિખતિ સપુલકં મૃગમિવ રજનીકરે ૥

રમતે યમુનાપુલિનવને વિજયી મુરારિરધુના ૥ ૧૥

ઘનચયરુચિરે રચયતિ ચિકુરે તરલિતતરુણાનને ૤
કુરબકકુસુમં ચપલાસુષમં રતિપતિમૃગકાનને ૥ ૨૥ રમતે

ઘટયતિ સુઘને કુચયુગગગને મૃગમદરુચિરૂષિતે ૤
મણિસરમમલં તારકપટલં નખપદશશિભૂષિતે ૥ ૩૥ રમતે

જિતબિસશકલે મૃદુભુજયુગલે કરતલનલિનીદલે ૤
મરકતવલયં મધુકરનિચયં વિતરતિ હિમશીતલે ૥ ૪૥ રમતે

રતિગૃહજઘને વિપુલાપઘને મનસિજકનકાસને ૤
મણિમયરસનં તોરણહસનં વિકિરતિ કૃતવાસને ૥ ૫૥ રમતે

ચરણકિસલયે કમલાનિલયે નખમણિગણપૂજિતે ૤
બહિરપવરણં યાવકભરણં જનયતિ હૃદિ યોજિતે ૥ ૬૥ રમતે

રમયતિ સુદૃશં કામપિ સુભૃશં ખલહલધરસોદરે ૤
કિમફલમવસં ચિરમિહ વિરસં વદ સખિ વિટપોદરે ૥ ૭૥ રમતે

ઇહ રસભણને કૃતહરિગુણને મધુરિપુપદસેવકે ૤
કલિયુગચરિતં ન વસતુ દુરિતં કવિનૃપજયદેવકે ૥ ૮૥ રમતે

નાયાતઃ સખિ નિર્દયો યદિ શઠસ્ત્વં દૂતિ કિં દૂયસે
સ્વચ્છન્દં બહુવલ્લભઃ સ રમતે કિં તત્ર તે દૂષણમ્ ૤
પશ્યાદ્ય પ્રિયસઙ્ગમાય દયિતસ્યાકૃષ્યમાણં ગુણૈ-
રુત્કણ્ઠાર્તિભરાદિવ સ્ફુટદિદં ચેતઃ સ્વયં યાસ્યતિ ૥ ૫૦૥

{૥ ગીતમ્ ૧૬ ૥}
અનિલતરલકુવલયનયનેન ૤
તપતિ ન સા કિસલયશયનેન ૥

સખિ યા રમિતા વનમાલિના ૥ ૧૥

વિકસિતસરસિજલલિતમુખેન ૤
સ્ફુટતિ ન સા મનસિજવિશિખેન ૥ ૨૥ સખિ યા

અમૃતમધુરમૃદુતરવચનેન ૤
જ્વલતિ ન સા મલયજપવનેન ૥ ૩૥ સખિ યા

સ્થલજલરુહરુચિકરચરણેન ૤
લુઠતિ ન સા હિમકરકિરણેન ૥ ૪૥ સખિ યા

સજલજલદસમુદયરુચિરેણ ૤
દલતિ ન સા હૃદિ વિહરભરેણ ૥ ૫૥ સખિ યા var - ચિરવિરહેણ

કનકનિકષરુચિશુચિવસનેન ૤
શ્વસિતિ ન સા પરિજનહસનેન ૥ ૬૥ સખિ યા

સકલભુવનજનવરતરુણેન ૤
વહતિ ન સા રુજમતિકરુણેન ૥ ૭૥ સખિ યા

શ્રીજયદેવભણિતવચનેન ૤
પ્રવિશતુ હરિરપિ હૃદયમનેન ૥ ૮૥ સખિ યા

મનોભવાનન્દન ચન્દનાનિલ
પ્રસીદ રે દક્ષિણ મુઞ્ચ વામતામ્ ૤
ક્ષણં જગત્પ્રાણ વિધાય માધવં
પુરો મમ પ્રાણહરો ભવિષ્યસિ ૥ ૫૧૥

રિપુરિવ સખીસંવાસોઽયં શિખીવ હિમાનિલો
વિષમિવ સુધારશ્મિર્યસ્મિન્દુનોતિ મનોગતે ૤
હૃદયમદયે તસ્મિન્નેવં પુનર્વલતે બલાત્
કુવલયદૃશાં વામઃ કામો નિકામનિરઙ્કુશઃ ૥ ૫૨૥

બાધાં વિધેહિ મલયાનિલ પઞ્ચબાણ
પ્રાણાન્ગૃહાણ ન ગૃહં પુનરાશ્રયિષ્યે ૤
કિં તે કૃતાન્તભગિનિ ક્ષમયા તરઙ્ગૈ-
રઙ્ગાનિ સિઞ્ચ મમ શામ્યતુ દેહદાહઃ ૥ ૫૩૥

પ્રાતર્નીલનિચોલમચ્યુતમુરસ્સંવીતપીતામ્બરં
રાધાયાશ્ચકિતં વિલોક્ય હસતિ સ્વૈરં સખીમણ્ડલે ૤
વ્રીલાચઞ્ચલમઞ્ચલં નયનયોરાધાય રાધાનને
ગૂઢં સ્મેરમુખોઽયમસ્તુ જગદાનન્દાય નન્દાત્મજઃ ૥ ૫૪૥

૥ ઇતિ ગીતગોવિન્દે વિપ્રલબ્ધાવર્ણને નાગનારાયણો નામ સપ્તમઃ સર્ગઃ ૥
iતિ
cહપ્તેર્{૥ અષ્ટમઃ સર્ગઃ ૥}
{૥ વિલક્ષ્યલક્ષ્મીપતિઃ ૥}
અથ કથમપિ યામિનીં વિનીય
સ્મરશરજર્જરિતાપિ સા પ્રભાતે ૤
અનુનયવચનં વદન્તમગ્રે
પ્રણતમપિ પ્રિયમાહ સાભ્યસૂયમ્ ૥ ૫૫૥

{૥ ગીતમ્ ૧૭ ૥}
રજનિજનિતગુરુજાગરરાગકષાયિતમલસનિવેશમ્ ૤
વહતિ નયનમનુરાગમિવ સ્ફુટમુદિતરસાભિનિવેશમ્ ૥

હરિહરિ યાહિ માધવ યાહિ કેશવ મા વદ કૈતવવાદં
તામનુસર સરસીરુહલોચન યા તવ હરતિ વિષાદમ્ ૥ ૧૥

કજ્જલમલિનવિલોચનચુમ્બનવિરચિતનીલિમરૂપમ્ ૤
દશનવસનમરુણં તવ કૃષ્ણ તનોતિ તનોરનુરૂપમ્ ૥ ૨૥ યાહિ માધવ

વપુરનુહરતિ તવ સ્મરસઙ્ગરખરનખરક્ષતરેખમ્ ૤
મરકતશકલકલિતકલધૌતલિપિરેવ રતિજયલેખમ્ ૥ ૩૥ યાહિ માધવ

ચરણકમલગલદલક્તકસિક્તમિદં તવ હૃદયમુદારમ્ ૤
દર્શયતીવ બહિર્મદનદ્રુમનવકિસલયપરિવારમ્ ૥ ૪૥ યાહિ માધવ

દશનપદં ભવદધરગતં મમ જનયતિ ચેતસિ ખેદમ્ ૤
કથયતિ કથમધુનાપિ મયા સહ તવ વપુરેતદભેદમ્ ૥ ૫૥ યાહિ માધવ

બહિરિવ મલિનતરં તવ કૃષ્ણ મનોઽપિ ભવિષ્યતિ નૂનમ્ ૤
કથમથ વઞ્ચયસે જનમનુગતમસમશરજ્વરદૂનમ્ ૥ ૬૥ યાહિ માધવ

ભ્રમતિ ભવાનબલાકવલાય વનેષુ કિમત્ર વિચિત્રમ્ ૤
પ્રથયતિ પૂતનિકૈવ વધૂવધનિર્દયબાલચરિત્રમ્ ૥ ૭૥ યાહિ માધવ

શ્રીજયદેવભણિતરતિવઞ્ચિતખણ્ડિતયુવતિવિલાપમ્ ૤
શૃણુત સુધામધુરં વિબુધા વિબુધાલયતોઽપિ દુરાપમ્ ૥ ૮૥ યાહિ માધવ

તદેવં પશ્યન્ત્યાઃ પ્રસરદનુરાગં બહિરિવ
પ્રિયાપાદાલક્તચ્છુરિતમરુણચ્છાયહૃદયમ્ ૤
મમાદ્ય પ્રખ્યાતપ્રણયભરભઙ્ગેન કિતવ
ત્વદાલોકઃ શોકાદપિ કિમપિ લજ્જાં જનયતિ ૥ ૫૬૥

અન્તર્મોહનમૌલિઘૂર્ણનચલન્મન્દારવિસ્રંસનઃ
સ્તબ્ધાકર્ષણલોચનોત્સવમહામન્ત્રઃ કુરઙ્ગીદૃશામ્ ૤
દૃપ્યદ્દાનવદૂયમાનદિવિષદ્દૂર્વારદુર્વેદના-
દ્ધ્વંસઃ કંસરિપોઃ પ્રરોપયતુ વઃ શ્રેયાંસિ વંશીરવઃ ૥ ૫૭૥

ઇતિ ગીતગોવિન્દે ખણ્ડિતાવર્ણને વિલક્ષ્યલક્ષ્મીપતિર્નામ અષ્ઠમઃ સર્ગઃ ૥

iતિ
cહપ્તેર્{૥ નવમઃ સર્ગઃ ૥}
{૥ મન્દમુકુન્દઃ ૥}
તામથ મન્મથખિન્નાં
રતિરસભિન્નાં વિષાદસમ્પન્નામ્ ૤
var - અથ તાં મન્મથખિન્નાં રતિરસભિન્નાં વિવાદસમ્પન્નામ્
અનુચિન્તિતહરિચરિતાં
કલહાન્તરિતામુવાચ સખી ૥ ૫૮૥

{૥ ગીતમ્ ૧૮ ૥}
હરિરભિસરતિ વહતિ મધુપવને ૤
કિમપરમધિકસુખં સખિ ભુવને ૥

માધવે મા કુરુ માનિનિ માનમયે ૥ ૧૥

તાલફલાદપિ ગુરુમતિસરસમ્ ૤
કિં વિફલીકુરુષે કુચકલશમ્ ૥ ૨૥ માધવે

કતિ ન કથિતમિદમનુપદમચિરમ્ ૤
મા પરિહર હરિમતિશયરુચિરમ્ ૥ ૩૥ માધવે

કિમિતિ વિષીદસિ રોદિષિ વિકલા ૤
વિહસતિ યુવતિસભા તવ સકલા ૥ ૪૥ માધવે

મૃદુનલિનીદલશીતલશયને ૤
હરિમવલોકય સફલય નયને ૥ ૫૥ માધવે

જનયસિ મનસિ કિમિતિ ગુરુખેદમ્ ૤
શૃણુ મમ વચનમનીહિતભેદમ્ ૥ ૬૥ માધવે

હરિરુપયાતુ વદતુ બહુમધુરમ્ ૤
કિમિતિ કરોષિ હૃદયમતિવિધુરમ્ ૥ ૭૥ માધવે

શ્રીજયદેવભણિતમતિલલિતમ્ ૤
સુખયતુ રસિકજનં હરિચરિતમ્ ૥ ૮૥ માધવે

સ્નિગ્ધે યત્પરુષાસિ યત્પ્રણમતિ સ્તબ્ધાસિ યદ્રાગિણિ
દ્વેષસ્થાસિ યદુન્મુખે વિમુખતાં યાતાસિ તસ્મિન્પ્રિયે ૤
તદ્યુક્તં વિપરીતકારિણિ તવ શ્રીખણ્ડચર્ચા વિષં var - યુક્તં તદ્
શીતાંશુસ્તપનો હિમં હુતવહઃ ક્રીડામુદો યાતનાઃ ૥ ૫૯૥

સાન્દ્રાનન્દપુરન્દરાદિદિવિષદ્વૃન્દૈરમન્દાદરા-
દાનમ્રૈર્મકુટેન્દ્રનીલમણિભિઃ સન્દર્શિતેન્દિન્દિરમ્ ૤
સ્વચ્છન્દં મકરન્દસુન્દરગલન્મન્દાકિનીમેદુરં
શ્રીગોવિન્દપદારવિન્દમશુભસ્કન્દાય વન્દામહે ૥ ૬૦૥

૥ ઇતિ ગીતગોવિન્દે કલહાન્તરિતાવર્ણને મન્દમુકુન્દો નામ નવમઃ સર્ગઃ ૥
iતિ
cહપ્તેર્{૥ દશમઃ સર્ગઃ ૥}
{૥ ચતુરચતુર્ભુજઃ ૥}
અત્રાન્તરે મસૃણરોષવશામસીમ-
નિઃશ્વાસનિઃસહમુખીં સુમુખીમુપેત્ય ૤ var - સમુપેત્ય રાધામ્
સવ્રીડમીક્ષિતસખીવદનાં દિનાન્તે
સાનન્દગદ્ગદપદં હરિરિત્યુવાચ ૥ ૬૧૥ var - વિદં

{૥ ગીતમ્ ૧૯ ૥}
વદસિ યદિ કિંચિદપિ દન્તરુચિકૌમુદી
હરતિ દરતિમિરમતિઘોરમ્ ૤
સ્ફુરદધરસીધવે તવ વદનચન્દ્રમા
રોચયતિ લોચનચકોરમ્ ૥

પ્રિયે ચારુશીલે મુઞ્ચ મયિ માનમનિદાનં
સપદિ મદનાનલો દહતિ મમ માનસં
દેહિ મુખકમલમધુપાનમ્ ૥ ૧૥

સત્યમેવાસિ યદિ સુદતિ મયિ કોપિની
દેહિ ખરનખરશરઘાતમ્ ૤
ઘટય ભુજબન્ધનં જનય રદખણ્ડનં
યેન વા ભવતિ સુખજાતમ્ ૥ ૨૥ પ્રિયે ચારુશીલે

ત્વમસિ મમ ભૂષણં ત્વમસિ મમ જીવનં
ત્વમસિ મમ ભવજલધિરત્નમ્ ૤
ભવતુ ભવતીહ મયિ સતતમનોરોધિની
તત્ર મમ હૃદયમતિયત્નમ્ ૥ ૩૥ પ્રિયે ચારુશીલે

નીલનલિનાભમપિ તન્વિ તવ લોચનં
ધારયતિ કોકનદરૂપમ્ ૤
કુસુમશરબાણભાવેન યદિ રઞ્જયસિ
કૃષ્ણમિદમેતદનુરૂપમ્ ૥ ૪૥ પ્રિયે ચારુશીલે

સ્ફુરતુ કુચકુમ્ભયોરુપરિ મણિમઞ્જરી
રઞ્જયતુ તવ હૃદયદેશમ્ ૤
રસતુ રશનાપિ તવ ઘનજઘનમણ્ડલે
ઘોષયતુ મન્મથનિદેશમ્ ૥ ૫૥ પ્રિયે ચારુશીલે

સ્થલકમલગઞ્જનં મમ હૃદયરઞ્જનં
જનિતરતિરઙ્ગપરભાગમ્ ૤
ભણ મસૃણવાણિ કરવાણિ પદપઙ્કજં var - ચરણદ્વયં
સરસલસદલક્તકરાગમ્ ૥ ૬૥ પ્રિયે ચારુશીલે

સ્મરગરલખણ્ડનં મમ શિરસિ મણ્ડનં
દેહિ પદપલ્લવમુદારમ્ ૤
જ્વલતિ મયિ દારુણો મદનકદનારુણો var - નાનલો
હરતુ તદુપાહિતવિકારમ્ ૥ ૭૥ પ્રિયે ચારુશીલે

ઇતિ ચટુલચાટુપટુચારુ મુરવૈરિણો
રાધિકામધિ વચનજાતમ્ ૤
જયતિ પદ્માવતીરમણજયદેવકવિ-
ભારતીભણિતમિતિગીતમ્ ૥ ૮૥ પ્રિયે ચારુશીલે

પરિહર કૃતાતઙ્કે શઙ્કાં ત્વયા સતતં ઘન-
સ્તનજઘનયાક્રાન્તે સ્વાન્તે પરાનવકાશિનિ ૤
વિશતિ વિતનોરન્યો ધન્યો ન કોઽપિ મમાન્તરં
સ્તનભરપરીરમ્ભારમ્ભે વિધેહિ વિધેયતામ્ ૥ ૬૨૥

મુગ્ધે વિધેહિ મયિ નિર્દયદન્તદંશ-
દોર્વલ્લિબન્ધનિબિડસ્તનપીડનાનિ ૤
ચણ્ડિ ત્વમેવ મુદમઞ્ચ ન પઞ્ચબાણ-
ચણ્ડાલકાણ્ડદલનાદસવઃ પ્રયાન્તુ ૥ ૬૩૥

વ્યથયતિ વૃથા મૌનં તન્વિ પ્રપઞ્ચય પઞ્ચમં
તરુણિ મધુરાલાપૈસ્તાપં વિનોદય દૃષ્ટિભિઃ ૤
સુમુખિ વિમુખીભાવં તાવદ્વિમુઞ્ચ ન મુઞ્ચ માં var - વઞ્ચય
સ્વયમતિશયસ્નિગ્ધો મુગ્ધે પ્રિયોઽહમુપસ્થિતઃ ૥ ૬૪૥

બન્ધૂકદ્યુતિબાન્ધવોઽયમધરઃ સ્નિગ્ધો મધૂકચ્છવિ-
ર્ગણ્ડશ્ચણ્ડિ ચકાસ્તિ નીલનલિનશ્રીમોચનં લોચનમ્ ૤
નાસાભ્યેતિ તિલપ્રસૂનપદવીં કુન્દાભદાન્તિ પ્રિયે
પ્રાયસ્ત્વન્મુખસેવયા વિજયતે વિશ્વં સ પુષ્પાયુધઃ ૥ ૬૫૥

દૃશૌ તવ મદાલસે વદનમિન્દુસન્દીપકં var - મત્યાન્વિતં
ગતિર્જનમનોરમા વિધુતરમ્ભમૂરુદ્વયમ્ ૤
રતિસ્તવ કલાવતી રુચિરચિત્રલેખે ભ્રુવા-
વહો વિબુધયૌવનં વહસિ તન્વી પૃથ્વીગતા ૥ ૬૬૥

શશિમુખિ તવ ભાતિ ભઙ્ગુરભ્રૂર્યુવજનમોહનકરાલકાલસર્પી ૤
તદુદિતવિષભેષજં ત્વિહૈકા ત્વદધરશીથુસુધૈવ ભાગ્યભોગ્યા ૥ ૬૭૥

પ્રીતિં વસ્તનુતાં હરિઃ કુવલયાપીડેન સાર્ધં રણે var - સા પ્રીતિં તનુતાં
રાધાપીનપયોધરસ્મરણકૃત્કુમ્ભેન સમ્ભેદવાન્ ૤
યત્ર સ્વિદ્યતિ મીલતિ ક્ષણમભૂત્ક્ષિપ્તદ્વિપેઽપિ ક્ષણાત્
કંસસ્યાથ બલે જિતં જિતમિતિ વ્યામોહકોલાહલઃ ૥ ૬૮૥

var -: last 2 lines
પત્રે બિભ્યતિ મીલતિ ક્ષણમપિ ક્ષિપ્રં તદાલોકનાદ્-
વ્યામોહેન જિતં જિતં જિતમિતિ વ્યાલોલકોલાહલઃ ૥

૥ ઇતિ શ્રીગીતગોવિન્દે માનિનીવર્ણને ચતુરચતુર્ભુજો નામ દશમઃ સર્ગઃ ૥
iતિ
cહપ્તેર્{૥ એકાદશઃ સર્ગઃ ૥}
{૥ સાનન્દદામોદરઃ ૥}
સુચિરમનુનયેન પ્રીણયિત્વા મૃગાક્ષીં
ગતવતિ કૃતવેશે કેશવે કુઞ્જશય્યામ્ ૤
રચિતરુચિરભૂષાં દૃષ્ટિમોષે પ્રદોષે
સ્ફુરતિ નિરવસાદાં કાપિ રાધાં જગાદ ૥ ૬૯૥

{૥ ગીતમ્ ૨૦ ૥}
વિરચિતચાટુવચનરચનં ચરણે રચિતપ્રણિપાતમ્ ૤
var - : વિરચિતચાટુવચનેન ચરણરચિતપ્રણિપાતમ્
સમ્પ્રતિ મઞ્જુલવઞ્જુલસીમનિ કેલિશયનમનુયાતમ્ ૥

મુગ્ધે મધુમથનમનુગતમનુસર રાધિકે ૥ ૧૥

ઘનજઘનસ્તનભારભરે દરમન્થરચરણવિહારમ્ ૤
મુખરિતમણીમઞ્જીરમુપૈહિ વિધેહિ મરાલવિકારમ્ ૥ ૨૥ મુગ્ધે

શૃણુ રમણીયતરં તરુણીજનમોહનમધુરિપુરાવમ્ ૤
કુસુમશરાસનશાસનવેન્દિનિ પિકનિકરે ભજ ભાવમ્ ૥ ૩૥ મુગ્ધે var - બન્દિનિ

અનિલતરલકિસલયનિકરેણ કરેણ લતાનિકુરમ્બમ્ ૤
પ્રેરણમિવ કરભોરુ કરોતિ ગતિં પ્રતિમુઞ્ચ વિલમ્બમ્ ૥ ૪૥ મુગ્ધે

સ્ફુરિતમનઙ્ગતરઙ્ગવશાદિવ સૂચિતહરિપરિરમ્ભમ્ ૤
પૃચ્છ મનોહરહારવિમલજલધારમમું કુચકુમ્ભમ્ ૥ ૫૥ મુગ્ધે

અધિગતમખિલસખીભિરિદં તવ વપુરપિ રતિરણસજ્જમ્ ૤
ચણ્ડિ રણિતરશનારવડિણ્ડિમમભિસર સરસમલજ્જમ્ ૥ ૬૥ મુગ્ધે

સ્મરશરસુભગનખેન કરેણ સખીમવલમ્બ્ય સલીલમ્ ૤ var - સખીમવલમ્બ્ય કરેણ
ચલ વલયક્વણીતૈરવબોધય હરમપિ નિજગતિશીલમ્ ૥ ૭૥ મુગ્ધે

શ્રીજયદેવભણિતમધરીકૃતહારમુદાસિતવામમ્ ૤
હરિવિનિહિતમનસામધિતિષ્ઠતુ કણ્ઠતટીમવિરામમ્ ૥ ૮૥ મુગ્ધે

સા માં દ્રક્ષ્યતિ વક્ષ્યતિ સ્મરકથાં પ્રત્યઙ્ગમાલિઙ્ગનૈઃ
પ્રીતિં યાસ્યતિ રંસ્યતે સખિ સમાગત્યેતિ ચિન્તાકુલઃ ૤
સ ત્વાં પશ્યતિ વેપતે પુલકયત્યાનન્દતિ સ્વિદ્યતિ
પ્રત્યુદ્ગચ્છતિ મૂર્ચ્છતિ સ્થિરતમઃપુઞ્જે નિકુઞ્જે પ્રિયઃ ૥ ૭૦૥

અક્ષ્ણોર્નિક્ષિપદઞ્જનં શ્રવણયોસ્તાપિચ્છગુચ્છાવલીં
મૂર્ધ્નિ શ્યામસરોજદામ કુચયોઃ કસ્તૂરિકાપત્રકમ્ ૤
ધૂર્તાનામભિસારસત્વરહૃદાં વિષ્વઙ્નિકુઞ્જે સખિ
ધ્વાન્તં નીલનિચોલચારુ સુદૃશાં પ્રત્યઙ્ગમાલિઙ્ગતિ ૥ ૭૧૥

કાશ્મીરગૌરવપુષામભિસારિકાણામ્
આબદ્ધરેખમભિતો રુચિમઞ્જરીભિઃ ૤
એતત્તમાલદલનીલતમં તમિસ્રં
તત્પ્રેમહેમનિકષોપલતાં તનોતિ ૥ ૭૨૥

હારાવલીતરલકાઞ્ચનકાઞ્ચિદામ-
કેયૂરકઙ્કણમણિદ્યુતિદીપિતસ્ય ૤
દ્વારે નિકુઞ્જનિલયસ્ય હરિં નિરીક્ષ્ય
વ્રીડાવતીમથ સખી નિજગાહ રાધામ્ ૥ ૭૩૥

{૥ ગીતમ્ ૨૧ ૥}
મઞ્જુતરકુઞ્જતલકેલિસદને ૤
વિલસ રતિરભસહસિતવદને ૥

પ્રવિશ રાધે માધવસમીપમિહ ૥ ૧૥

નવભવદશોકદલશયનસારે ૤
વિલસ કુચકલશતરલહારે ૥ ૨૥ પ્રવિશ

કુસુમચયરચિતશુચિવાસગેહે ૤
વિલસ કુસુમસુકુમારદેહે ૥ ૩૥ પ્રવિશ

ચલમલયવનપવનસુરભિશીતે ૤
વિલસ રસવલિતલલિતગીતે ૥ ૪૥ પ્રવિશ

મધુમુદિતમધુપકુલકલિતરાવે ૤
વિલસ મદનરસસરસભાવે ૥ ૫૥ પ્રવિશ var - રભસ

મધુરતરપિકનિકરનિનદમુખરે ૤
વિલસ દશનરુચિરુચિરશિખરે ૥ ૬૥ પ્રવિશ

વિતત બહુવલ્લિનવપલ્લવઘને ૤
વિલસ ચિરમલસપીનજઘને ૥ ૭૥ પ્રવિશ

વિહિતપદ્માવતીસુખસમાજે ૤
ભણતિ જયદેવકવિરાજે ૤
કુરુ મુરારે મઙ્ગલશતાનિ ૥ ૮૥ પ્રવિશ

ત્વાં ચિત્તેન ચિરં વહન્નયમતિશ્રાન્તો ભૃશં તાપિતઃ
કન્દર્પેણ તુ પાતુમિચ્છતિ સુધાસમ્બાધબિમ્બાધરમ્ ૤
અસ્યાઙ્ગં તદલંકુરુ ક્ષણમિહ ભ્રૂક્ષેપલક્ષ્મીલવ-
ક્રીતે દાસ ઇવોપસેવિતપદામ્ભોજે કુતઃ સમ્ભ્રમઃ ૥ ૭૪૥

સા સસાધ્વસસાનન્દં ગોવિન્દે લોલલોચના ૤
સિઞ્જાના મઞ્જુમઞ્જીરં પ્રવિવેશ નિવેશનમ્ ૥ ૭૫૥

{૥ ગીતમ્ ૨૨ ૥}
રાધાવદનવિલોકનવિકસિતવિવિધવિકારવિભઙ્ગમ્ ૤
જલનિધિમિવ વિધુમણ્ડલદર્શનતરલિતતુઙ્ગતરઙ્ગમ્ ૥

હરિમેકરસં ચિરમભિલષિતવિલાસં
સા દદાર્શ ગુરુહર્ષવશંવદવદનમનઙ્ગનિવાસમ્ ૥ ૧૥

હારમમલતરતારમુરસિ દધતં પરિરભ્ય વિદૂરમ્ ૤
સ્ફુટતરફેનકદમ્બકરમ્બિતમિવ યમુનાજલપૂરમ્ ૥ ૨૥ હરિમેકરસં

શ્યામલમૃદુલકલેવરમણ્ડલમધિગતગૌરદુકૂલમ્ ૤
નીલનલિનમિવ પીતપરાગપટલભરવલયિતમૂલમ્ ૥ ૩૥ હરિમેકરસં

તરલદૃગઞ્ચલચલનમનોહરવદનજનિતરતિરાગમ્ ૤
સ્ફુટકમલોદરખેલિતખઞ્જનયુગમિવ શરદિ તડાગમ્ ૥ ૪૥ હરિમેકરસં

વદનકમલપરિશીલનમિલિતમિહિરસમકુણ્ડલશોભમ્ ૤
સ્મિતરુચિરુચિરસમુલ્લસિતાધરપલ્લવકૃતરતિલોભમ્ ૥ ૫૥ હરિમેકરસં

શશિકિરણચ્છુરિતોદરજલધરસુન્દરસકુસુમકેશમ્ ૤
તિમિરોદિતવિધુમણ્દલનિર્મલમલયજતિલકનિવેશમ્ ૥ ૬૥ હરિમેકરસં

વિપુલપુલકભરદન્તુરિતં રતિકેલિકલાભિરધીરમ્ ૤
મણિગણકિરણસમૂહસમુજ્જ્વલભૂષણસુભગશરીરમ્ ૥ ૭૥ હરિમેકરસં

શ્રીજયદેવભણિતવિભવદ્વિગુણીકૃતભૂષણભારમ્ ૤
પ્રણમત હૃદિ સુચિરં વિનિધાય હરિં સુકૃતોદયસારમ્ ૥ ૮૥ હરિમેકરસં

var - હૃદિ સુચિરં વિનિધાય હરિં
અતિક્રમ્યાપાઙ્ગં શ્રવણપથપર્યન્તગમન-
પ્રયાસેનેવાક્ષ્ણોસ્તરલતરતારં પતિતયોઃ ૤
ઇદાનીં રાધાયાઃ પ્રિયતમસમાલોકસમયે
પપાત સ્વેદામ્બુપ્રસર ઇવ હર્ષાશ્રુનિકરઃ ૥ ૭૬૥

ભવન્ત્યાસ્તલ્પાન્તં કૃતકપટકણ્ડૂતિપિહિત- var - ભજન્ત્યાસ્તલ્પાન્તં
સ્મિતં યાતે ગેહાદ્બહિરવહિતાલીપરિજને ૤
પ્રિયાસ્યં પશ્યન્ત્યાઃ સ્મરશરસમાકૂલસુભગં var - સ્મરપરવશાકૂતસુભગં
સલજ્જા લજ્જાપિ વ્યગમદિવ દૂરં મૃગદૃશઃ ૥ ૭૭૥

જયશ્રીવિન્યસ્તૈર્મહિત ઇવ મન્દારકુસુમૈઃ
સ્વયં સિન્દૂરેણ દ્વિપરણમુદા મુદ્રિત ઇવ ૤
ભુજાપીડક્રીડાહતકુવલયાપીડકરિણઃ
પ્રકીર્ણાસૃગ્બિન્દુર્જયતિ ભુજદણ્ડો મુરજિતઃ ૥ ૭૮૥

સૌન્દર્યૈકનિધેરનઙ્ગલલનાલાવણ્યલીલાજુષો
રાધાયા હૃદિ પલ્વલે મનસિજકીડૈકરઙ્ગસ્થલે ૤
રમ્યોરોજસરોજખેલનરસિત્વાદાત્મનઃ ખ્યાપયન્
ધ્યાતુર્માનસરાજહંસનિભતાં દેયાન્મુકુન્દો મુદમ્ ૥ ૭૯૥

૥ ઇતિ શ્રીગીતગોવિન્દે રાધિકામિલને સાનન્દદામોદરો નામૈકાદશઃ સર્ગઃ ૥
iતિ
cહપ્તેર્{૥ દ્વાદશઃ સર્ગઃ ૥}
{૥ સુપ્રીતપીતામ્બરઃ ૥}
ગતવતિ સખીવૃન્દેઽમન્દત્રપાભરનિર્ભર-
સ્મરપરવશાકૂતસ્ફીતસ્મિતસ્નપિતાધરામ્ ૤
સરસમનસં દૃષ્ટ્વા રાધાં મુહુર્નવપલ્લવ-
પ્રસવશયને નિક્ષિપ્તાક્ષીમુવાચ હરિઃ પ્રિયામ્ ૥ ૮૦૥

{૥ ગીતમ્ ૨૩ ૥}
કિસલયશયનતલે કુરુ કામિનિ ચરણનલિનવિનિવેશમ્ ૤
તવ પદપલ્લવવૈરિપરાભવમિદમનુભવતુ સુવેશમ્ ૥

ક્ષણમધુના નારાયણમનુગતમનુસર રાધિકે ૥ ૧૥

કરકમલેન કરોમિ ચરણમહમાગમિતાસિ વિદૂરમ્ ૤
ક્ષણમુપકુરુ શયનોપરિ મામિવ નૂપુરમનુગતિશૂરમ્ ૥ ૨૥ ક્ષણમધુના

વદનસુધાનિધિગલિતમમૃતમિવ રચય વચનમનુકૂલમ્ ૤
વિરહમિવાપનયામિ પયોધરરોધકમુરસિ દુકૂલમ્ ૥ ૩૥ ક્ષણમધુના

પ્રિયપરિરમ્ભણરભસવલિતમિવ પુલકિતમતિદુરવાપમ્ ૤
મદુરસિ કુચકલશં વિનિવેશય શોષય મનસિજતાપમ્ ૥ ૪૥ ક્ષણમધુના

અધરસુધારસમુપનય ભાવિનિ જીવય મૃતમિવ દાસમ્ ૤
ત્વયિ વિનિહિતમનસં વિરહાનલદગ્ધવપુષમવિલાસમ્ ૥ ૫૥ ક્ષણમધુના

શશિમુખિ મુખરય મણિરશનાગુણમનુગુણકણ્ઠનિનાદમ્ ૤
શ્રુતિયુગલે પિકરુતવિકલે મમ શમય ચિરાદવસાદમ્ ૥ ૬૥ ક્ષણમધુના

મામતિવિફલરુષા વિકલીકૃતમવલોકિતમધુનેદમ્ ૤
મીલિતલજ્જિતમિવ નયનં તવ વિરમ વિસૃજ રતિખેદમ્ ૥ ૭૥ક્ષણમધુના

શ્રીજયદેવભણિતમિદમનુપદનિગદિતમધુરિપુમોદમ્ ૤
જનયતુ રસિકજનેષુ મનોરમતિરસભાવવિનોદમ્ ૥ ૮૥ ક્ષણમધુના

પ્રત્યૂહઃપુલકાઙ્કુરેણ નિબિડાશ્લેષે નિમેષેણ ચ
ક્રીડાકૂતવિલોકિતેઽધરસુધાપાને કથાનર્મભિઃ ૤
આનન્દાધિગમેન મન્મથકલાયુદ્ધોઽપિ યસ્મિન્નભૂ-
દુદ્ભૂતસ્સ તયોર્બભૂવ સુરતારમ્ભઃ પ્રિયં ભાવુકઃ ૥ ૮૧૥

દોર્ભ્યાં સંયમિતઃપયોધરભરેણાપીડિતઃ પાણિજૈ-
રાવિદ્ધો દશનૈઃ ક્ષતાધરપુટઃ શ્રોણીતટેનાહતઃ ૤
હસ્તેનાનમિતઃ કચેઽધરસુધાપાનેન સમ્મોહિતઃ
કાન્તઃ કામપિ તૃપ્તિમાપ તદહો કામસ્ય વામા ગતિઃ ૥ ૮૨૥

મારાઙ્કે રતિકેલિસંકુલરણારમ્ભે તયા સાહસ\-
પ્રાયં કાન્તજયાય કિઞ્ચિદુપરિ પ્રારમ્ભિ યત્સમ્ભ્રમાત્ ૤
નિષ્પન્દા જઘનસ્થલી શિથિલતા દોર્વલ્લિરુત્કમ્પિતં
વક્ષો મીલિતમક્ષિ પૌરુષરસઃ સ્ત્રીણાં કુતઃ સિધ્યતિ ૥ ૮૩૥

તસ્યાઃ પાટલપાણિજાઙ્કિતમુરો નિદ્રકષાયે દૃશૌ
નિર્ધૂતાધારશોણિમા વિલુલિતસ્રસ્તસ્રજો મૂર્ધજાઃ ૤
કાઞ્ચીદામદરશ્લથાઞ્ચલમિતિ પ્રાતર્નિખાતૈર્દૃશો-
રેભિઃ કામશરૈસ્તદદ્ભુતમભૂત્પત્યુર્મનઃ કીલિતમ્ ૥ ૮૪૥

ત્વામપ્રાપ્ય મયિ સ્વયંવરપરાં ક્ષીરોદતીરોદરે
શઙ્કે સુન્દરિ કાલકૂટમપિબન્મૂઢો મૃડાનીપતિઃ ૤
ઇત્થં પૂર્વકથાભિરન્યમનસા વિક્ષિપ્ય વામાઞ્ચલં
રાધાયાઃ સ્તનકોરકોપરિ ચલન્નેત્રે હરિઃ પાતુ વઃ ૥ ૮૫૥

વ્યાલોલઃ કેશપાશાસ્તરલિતમલકૈઃ સ્વેદલોલૌ કપોલૌ
સ્પષ્ટા દષ્ટાધરશ્રીઃ કુચકલશરુચા હારિતા હારયષ્ટિઃ ૤
કાઞ્ચીકાઞ્ચ્યુદ્ગતાશાં સ્તનજઘનપદં પાણિનાઽઽચ્છાદ્ય સદ્યઃ
પશ્યન્તી ચાત્મરૂપં તદપિ વિલુલિતં સ્રધરેયં ધુનોતિ ૥ ૮૬૥

ઈષન્મીલિતદૃષ્ટિમુગ્ધહસિતં સીત્કારધારાવશા-
દવ્યક્તાકુલકેલિકાકુવિકસદ્દન્તાંશુધૌતાધરમ્ ૤
શ્વાસોત્કમ્પિપયોધરોપરિ પરિષ્વઙ્ગાત્કુરઙ્ગીદૃશો
var - : શાન્તસ્તબ્ધપયોધરં ભૃશપરિ
હર્ષોત્કર્ષવિમુક્તનિઃસ્સહતનોર્ધન્યો ધયત્યાનનમ્ ૥ ૮૭ ૥

અથ કાન્તં રતિક્લાન્તમપિ મણ્ડનવાઞ્છયા ૤
નિજગાદ નિરાબાધા રાધા સ્વાધીનભર્તૃકા ૥ ૮૮૥

var -
અથ સા નિર્ગતબાધા રાધા સ્વાધીનભર્તૃકા ૤
નિજગાદ રતિક્લાન્તાં કાન્તાં મણ્ડનવાઞ્છયા ૥

ઇતિ સહસા સુપ્રીતં સુરતાન્તે સા નિતાન્તખિન્નાઙ્ગી ૤
રાધા જગાદ સાદરમિદમાનન્દેન ગોવિન્દમ્ ૥ ૮૯૥

{૥ ગીતમ્ ૨૪ ૥}
કુરુ યદુનન્દન ચન્દનશિશિરતરેણ કરેણ પયોધરે ૤
મૃગમદપત્રકમત્ર મનોભવમઙ્ગલકલશસહોદરે ૤
નિજગાદ સા યદુનન્દને ક્રીડતિ હૃદયાનન્દને ૥ ૧૥

અલિકુલગઞ્જનમઞ્જનકં રતિનાયકસાયકમોચને ૤
ત્વદધરચુમ્બનલમ્બિતકજ્જલમુજ્જ્વલય પ્રિય લોચને ૥ ૨૥ નિજગાદ

નયનકુરઙ્ગતરઙ્ગવિલાસનિરાસકરે શ્રુતિમણ્ડલે ૤
મનસિજપાશવિલાસધરે શુભવેશ નિવેશય કુણ્ડલે ૥ ૩૥ નિજગાદ

ભ્રમરચયં રચહયન્તમુપરિ રુચિરં સુચિરં મમ સમ્મુખે ૤
જિતકમલે વિમલે પરિકર્મય નર્મજનકમલકં મુખે ૥ ૪૥ નિજગાદ

મૃગમદરસવલિતં લલિતં કુરુ તિલકમલિકરજનીકરે ૤
વિહિતકલઙ્કકલં કમલાનન વિશ્રમિતશ્રમશીકરે ૥ ૫૥ નિજગાદ

મમ રુચિરે ચિકુરે કુરુ માનદ મનસિજધ્વજચામરે ૤
રતિગલિતે લલિતે કુસુમાનિ શિખણ્ડિશિખણ્ડકડામરે ૥ ૬૥ નિજગાદ

સરસઘને જઘને મમ શમ્બરદારણવારણકન્દરે ૤
મણિરશનાવસનાભરણાનિ શુભાશય વાસય સુન્દરે ૥ ૭૥ નિજગાદ

શ્રીજયદેવવચસિ રુચિરે હૃદયં સદયં કુરુ મણ્ડને ૤
હરિચરણસ્મરણામૃતનિર્મિતકલિકલુષજ્વરખણ્ડને ૥ ૮૥ નિજગાદ

રચય કુચયોઃ પત્રં ચિત્રં કુરુષ્વ કપોલયો-
ર્ઘટય જઘને કાઞ્ચીમઞ્ચ સ્રજા કબરીભરમ્ ૤
કલય વલયશ્રેણીં પાણૌ પદે કુરુ નૂપુરા-
વિતિ નિગતિતઃ પ્રીતઃ પીતામ્બરોઽપિ તથાકરોત્ ૥ ૯૦૥

પર્યઙ્ગીકૃતનાગનાયકફણશ્રેણીમણીનાં ગણે
સઙ્ક્રાન્તપ્રતિબિમ્બસઙ્કલનયા બિભ્રદ્વપુર્વિક્રિયામ્ ૤
પાદામ્ભોરુહધારિવારિધિસુતામક્ષ્ણાં દિદૃક્ષુઃ શતૈઃ
કાયવ્યૂહવિચારયન્નુપચિતાકૂતો હરિઃ પાતુ વઃ ૥ ૯૧૥

યન્નિત્યૈર્વચનૈર્વિરિઞ્ચગિરિજાપ્રાણેશમુખ્યૈર્મુહુઃ
નાનાકારવિચારસારચતુરૈર્નાદ્યાપિ નિશ્ચીયતે ૤
તત્સર્વૈર્જયદેવકાવ્યઘટિતૈસ્સત્સૂરિસંશોધિતૈ-
રાદ્યં વસ્તુ ચકાસ્તુ ચેતસિ પરં સારસ્યસીમાજુષામ્ ૥ ૯૨૥

યદ્ગાન્ધર્વકલાસુ કૌશલમનુધ્યાનં ચ યદ્વૈષ્ણવં
યચ્છૃઙ્ગારવિવેકતત્વરચનાકાવ્યેષુ લીલાયિતમ્ ૤
તત્સર્વં જયદેવપણ્ડિતકવેઃ કૃષ્ણૈકતાનાત્મનઃ
સાનન્દાઃ પરિશોધયન્તુ સુધિયઃ શ્રીગીતગોવિન્દતઃ ૥ ૯૩૥

સાધ્વી માધ્વીકચિન્તા ન ભવતિ ભવતઃ શર્કરે કર્કશાસિ
દ્રાક્ષે દ્રક્ષ્યન્તિ કે ત્વામમૃત મૃતમસિ ક્ષીરનીરં રસસ્તે ૤
ક્રન્દ કાન્તાધર ધરણિતલં ગચ્છ યચ્છાન્તિભાવં
યાવચ્છૃઙ્ગારસારસ્વતમિહ જયદેવસ્ય વિષ્વગ્વચાંસિ ૥ ૯૪૥

શ્રીભોજદેવપ્રભવસ્ય રાધાદેવીસુતશ્રીજયદેવકસ્ય ૤ var - રામાદેવી
પરાશરાદિપ્રિયવર્ગકણ્ઠે શ્રીગીતગોવિન્દકવિત્વમસ્તુ ૥ ૯૫૥

૥ ઇતિ શ્રીજયદેવકૃતૌ ગીતગોવિન્દે સુપ્રીતપીતામ્બરો નામ દ્વાદશઃ સર્ગઃ ૥
૥ ઇતિ ગીતગોવિન્દં સમાપ્તમ્ ૥
iતિ
The following additional verses are found in some editions:
at the end of Sarga 11, after gItaM 22
સાનન્દં નન્દસૂનુર્દિશતુ મિતપદં સમ્મદં મન્દમન્દં
રાધામાધાય બાહ્વોર્વિવરમનુધૃઢં પીડયન્ પ્રીતિયોગાત્ ૤
તુઙ્ગૌ તસ્યા ઉરોજાવતનુરવતનોર્નિર્ગતૌ માસ્મ ભૂતાં
પૃષ્ઠં નિર્ભિધ્ય તસ્માદ્બલિરિતિ વલિતગ્રીવમાલોકયન્ વઃ ૥

at the end of Sarga 12
સાધૂનાં સ્વત એવ સમ્મતિરિહ સ્યાદેવ ભક્ત્યાર્થિનાં
આલોચ્ય ગ્રથનશ્રમં ચ વિદુષામસ્મિન્ભવેદાદરઃ ૤
યે કેચિત્ પરકૃત્યુપશ્રુતિપરાસ્તાનર્થયે મત્કૃતિં
ભૂયો વીક્ષ્ય વદન્ત્વવદ્યમિતિ ચેત્સા વાસના સ્તાસ્યતિ ૥

ઇત્થં કેલિતલૈર્વિહૃત્ય યમુનાકૂલે સમં રાધયા
તદ્રોમાવલિમૌક્તિકાવલિયુગે વેણીભ્રમં બિભ્રતિ ૤
તત્રાહ્લાદિકુચપ્રયોગફલયોર્લિપ્સાવતોર્હસ્તયોર્-
વ્યાપારાઃ પુરુષોત્તમસ્ય દદતુ સ્ફીતાં મુદં સમ્પદમ્ ૥


Encoded and proofread by P. P. Narayanaswami swami at mun.ca
Proofread by PSA Easwaran

Please send corrections to sanskrit@cheerful.com
Last updated ત્oday
http://sanskritdocuments.org

Gita Govindam Lyrics in Gujarati PDF
% File name : giitagovindaM.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : P. P. Narayanaswami at swami at math.mun.ca
% Proofread by : P. P. Narayanaswami at swami at math.mun.ca, PSA Easwaran
% Latest update : October 1, 2010, May 10, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website