ଜଯଦେଵକୃତ ଗୀତଗୋଵିନ୍ଦଂ (ଅଷ୍ଟପଦୀ)
cହପ୍ତେର୍{॥ ଗୀତଗୋଵିନ୍ଦଂ ॥}
{॥ ଶ୍ରୀଗୋପାଲକଧ୍ଯାନମ୍ ॥}
ଯଦ୍ଗୋପୀଵଦନେନ୍ଦୁମଣ୍ଡନମଭୂତ୍କସ୍ତୂରିକାପତ୍ରକଂ
ଯଲ୍ଲକ୍ଷ୍ମୀକୁଚଶାତକୁମ୍ଭକଲଶେ ଵ୍ଯାଗୋଚମିନ୍ଦୀଵରମ୍ ।
ଯନ୍ନିର୍ଵାଣଵିଧାନସାଧନଵିଧୌ ସିଦ୍ଧାଞ୍ଜନଂ ଯୋଗିନାଂ
ତନ୍ନଃ ଶ୍ଯାମଳମାଵିରସ୍ତୁ ହୃଦଯେ କୃଷ୍ଣାଭିଧାନଂ ମହଃ ॥ ୧॥
{॥ ଶ୍ରୀଜଯଦେଵଧ୍ଯାନମ୍ ॥}
ରାଧାମନୋରମରମାଵରରାସଲୀଲା-
ଗାନାମୃତୈକଭଣିତଂ କଵିରାଜରାଜମ୍ ।
ଶ୍ରୀମାଧଵାର୍ଚ୍ଚନଵିଧାଵନୁରାଗସଦ୍ମ-
ପଦ୍ମାଵତୀପ୍ରିଯତମଂ ପ୍ରଣତୋଽସ୍ମି ନିତ୍ଯମ୍ ॥ ୨॥
ଶ୍ରୀଗୋପାଲଵିଲାସିନୀ ଵଲଯସଦ୍ରତ୍ନାଦିମୁଗ୍ଧାକୃତି
ଶ୍ରୀରାଧାପତିପାଦପଦ୍ମଭଜନାନନ୍ଦାବ୍ଧିମଗ୍ନୋଽନିଶମ୍ ॥
ଲୋକେ ସତ୍କଵିରାଜରାଜ ଇତି ଯଃ ଖ୍ଯାତୋ ଦଯାମ୍ଭୋନିଧିଃ
ତଂ ଵନ୍ଦେ ଜଯଦେଵସଦ୍ଗୁରୁମହଂ ପଦ୍ମାଵତୀଵଲ୍ଲଭମ୍ ॥ ୩॥
iତି
cହପ୍ତେର୍{॥ ପ୍ରଥମଃ ସର୍ଗଃ ॥}
{॥ ସାମୋଦଦାମୋଦରଃ ॥}
ମେଘୈର୍ମେଦୁରମମ୍ବରଂ ଵନଭୁଵଃ ଶ୍ଯାମାସ୍ତମାଲଦ୍ରୁମୈ-
ର୍ନକ୍ତଂ ଭୀରୁରଯଂ ତ୍ଵମେଵ ତଦିମଂ ରାଧେ ଗୃହଂ ପ୍ରାପଯ ।
ଇତ୍ଥଂ ନନ୍ଦନିଦେଶିତଶ୍ଚଲିତଯୋଃ ପ୍ରତ୍ଯଧ୍ଵକୁଞ୍ଜଦ୍ରୁମଂ
ରାଧାମାଧଵଯୋର୍ଜଯନ୍ତି ଯମୁନାକୂଲେ ରହଃକେଲଯଃ ॥ ୧॥
ଵାଗ୍ଦେଵତାଚରିତଚିତ୍ରିତଚିତ୍ତସଦ୍ମା
ପଦ୍ମାଵତୀଚରଣଚାରଣଚକ୍ରଵର୍ତୀ ।
ଶ୍ରୀଵାସୁଦେଵରତିକେଲିକଥାସମେତ-
ମେତଂ କରୋତି ଜଯଦେଵକଵିଃ ପ୍ରବନ୍ଧମ୍ ॥ ୨॥
ଵାଚଃ ପଲ୍ଲଵଯତ୍ଯୁମାପତିଧରଃ ସନ୍ଦର୍ଭଶୁଦ୍ଧିଂ ଗିରାଂ
ଜାନୀତେ ଜଯଦେଵ ଏଵ ଶରଣଃ ଶ୍ଲାଘ୍ଯୋ ଦୁରୂହଦ୍ରୁତେ ।
ଶୃଙ୍ଗାରୋତ୍ତରସତ୍ପ୍ରମେଯରଚନୈରାଚାର୍ଯଗୋଵର୍ଧନ-
ସ୍ପର୍ଧୀ କୋଽପି ନ ଵିଶ୍ରୁତଃ ଶ୍ରୁତିଧରୋ ଧୋଯୀ କଵିକ୍ଷ୍ମାପତିଃ ॥ ୩॥
ଯଦି ହରିସ୍ମରଣେ ସରସଂ ମନୋ
ଯଦି ଵିଲାସକଲାସୁ କୁତୂହଲମ୍ ।
ମଧୁରକୋମଲକାନ୍ତପଦାଵଲୀଂ
ଶୃଣୁ ତଦା ଜଯଦେଵସରସ୍ଵତୀମ୍ ॥ ୪॥
{॥ ଗୀତମ୍ ୧ ॥}
ପ୍ରଲଯପଯୋଧିଜଲେ ଧୃତଵାନସି ଵେଦମ୍ ।
ଵିହିତଵହିତ୍ରଚରିତ୍ରମଖେଦମ୍ ॥
କେଶଵ ଧୃତମୀନଶରୀର ଜଯ ଜଗଦୀଶ ହରେ ॥ ୧॥
କ୍ଷିତିରତିଵିପୁଲତରେ ତଵ ତିଷ୍ଠତି ପୃଷ୍ଠେ ।
ଧରଣିଧରଣକିଣଚକ୍ରଗରିଷ୍ଠେ ॥
କେଶଵ ଧୃତକଚ୍ଛପରୂପ ଜଯ ଜଗଦୀଶ ହରେ ॥ ୨॥
ଵସତି ଦଶନଶିଖରେ ଧରଣୀ ତଵ ଲଗ୍ନା ।
ଶଶିନି କଲଙ୍କକଲେଵ ନିମଗ୍ନା ॥
କେଶଵ ଧୃତସୂକରରୂପ ଜଯ ଜଗଦୀଶ ହରେ ॥ ୩॥
ତଵ କରକମଲଵରେ ନଖମଦ୍ଭୁତଶୃଙ୍ଗମ୍ ।
ଦଲିତହିରଣ୍ଯକଶିପୁତନୁଭୃଙ୍ଗମ୍ ॥
କେଶଵ ଧୃତନରହରିରୂପ ଜଯ ଜଗଦୀଶ ହରେ ॥ ୪॥
ଛଲଯସି ଵିକ୍ରମଣେ ବଲିମଦ୍ଭୁତଵାମନ ।
ପଦନଖନୀରଜନିତଜନପାଵନ ॥
କେଶଵ ଧୃତଵାମନରୂପ ଜଯ ଜଗଦୀଶ ହରେ ॥ ୫॥
କ୍ଷତ୍ରିଯରୁଧିରମଯେ ଜଗଦପଗତପାପମ୍ ।
ସ୍ନପଯସି ପଯସି ଶମିତଭଵତାପମ୍ ॥
କେଶଵ ଧୃତଭୃଗୁପତିରୂପ ଜଯ ଜଗଦୀଶ ହରେ ॥ ୬॥
ଵିତରସି ଦିକ୍ଷୁ ରଣେ ଦିକ୍ପତିକମନୀଯମ୍ ।
ଦଶମୁଖମୌଲିବଲିଂ ରମଣୀଯଂ ॥
କେଶଵ ଧୃତରାମଶରୀର ଜଯ ଜଗଦୀଶ ହରେ ॥ ୭॥
ଵହସି ଵପୁଷି ଵିଶଦେ ଵସନଂ ଜଲଦାଭମ୍ ।
ହଲହତିଭୀତିମିଲିତଯମୁନାଭମ୍ ॥
କେଶଵ ଧୃତହଲଧରରୂପ ଜଯ ଜଗଦୀଶ ହରେ ॥ ୮॥
ନିନ୍ଦତି ଯଜ୍ଞଵିଧେରହହ ଶ୍ରୁତିଜାତମ୍ ।
ସଦଯହୃଦଯଦର୍ଶିତପଶୁଘାତମ୍ ॥
କେଶଵ ଧୃତବୁଦ୍ଧଶରୀର ଜଯ ଜଗଦୀଶ ହରେ ॥ ୯॥
ମ୍ଲେଚ୍ଛନିଵହନିଧନେ କଲଯସି କରଵାଲମ୍ ।
ଧୂମକେତୁମିଵ କିମପି କରାଲମ୍ ॥
କେଶଵ ଧୃତକଲ୍କିଶରୀର ଜଯ ଜଗଦୀଶ ହରେ ॥ ୧୦॥
ଶ୍ରୀଜଯଦେଵକଵେରିଦମୁଦିତମୁଦାରମ୍ ।
ଶୃଣୁ ସୁଖଦଂ ଶୁଭଦଂ ଭଵସାରମ୍ ॥
କେଶଵ ଧୃତଦଶଵିଧରୂପ ଜଯ ଜଗଦୀଶ ହରେ ॥ ୧୧॥
ଵେଦାନୁଦ୍ଧରତେ ଜଗନ୍ନିଵହତେ ଭୂଗୋଲମୁଦ୍ବିଭ୍ରତେ
ଦୈତ୍ଯଂ ଦାରଯତେ ବଲିଂ ଛଲଯତେ କ୍ଷତ୍ରକ୍ଷଯଂ କୁର୍ଵତେ ।
ପୌଲସ୍ତ୍ଯଂ ଜଯତେ ହଲଂ କଲଯତେ କାରୁଣ୍ଯମାତନ୍ଵତେ
ମ୍ଲେଚ୍ଛାନ୍ମୂର୍ଚ୍ଛଯତେ ଦଶାକୃତିକୃତେ କୃଷ୍ଣାଯ ତୁଭ୍ଯଂ ନମଃ ॥ ୫॥
{॥ ଗୀତମ୍ ୨ ॥}
ଶ୍ରିତକମଲାକୁଚମଣ୍ଡଲ ଧୃତକୁଣ୍ଡଲ ଏ ।
କଲିତଲଲିତଵନମାଲ ଜଯ ଜଯଦେଵ ହରେ ॥ ୧॥
ଦିନମଣିମଣ୍ଡଲମଣ୍ଡନ ଭଵଖଣ୍ଡନ ଏ ।
ମୁନିଜନମାନସହଂସ ଜଯ ଜଯଦେଵ ହରେ ॥ ୨॥
କାଲିଯଵିଷଧରଭଞ୍ଜନ ଜନରଞ୍ଜନ ଏ ।
ଯଦୁକୁଲନଲିନଦିନେଶ ଜଯ ଜଯଦେଵ ହରେ ॥ ୩॥
ମଧୁମୁରନରକଵିନାଶନ ଗରୁଡାସନ ଏ ।
ସୁରକୁଲକେଲିନିଦାନ ଜଯ ଜଯଦେଵ ହରେ ॥ ୪॥
ଅମଲକମଲଦଲଲୋଚନ ଭଵମୋଚନ ଏ ।
ତ୍ରିଭୁଵନଭଵନନିଧାନ ଜଯ ଜଯଦେଵ ହରେ ॥ ୫॥
ଜନକସୁତାକୃତଭୂଷଣ ଜିତଦୂଷଣ ଏ ।
ସମରଶମିତଦଶକଣ୍ଠ ଜଯ ଜଯଦେଵ ହରେ ॥ ୬॥
ଅଭିନଵଜଲଧରସୁନ୍ଦର ଧୃତମନ୍ଦର ଏ ।
ଶ୍ରୀମୁଖଚନ୍ଦ୍ରଚକୋର ଜଯ ଜଯଦେଵ ହରେ ॥ ୭॥
ଶ୍ରୀଜଯଦେଵକଵେରିଦଂ କୁରୁତେ ମୁଦମ୍ ଏ ।
ମଙ୍ଗଲମୁଜ୍ଜ୍ଵଲଗୀତଂ ଜଯ ଜଯଦେଵ ହରେ ॥ ୮॥
ପଦ୍ମାପଯୋଧରତଟୀପରିରମ୍ଭଲଗ୍ନ-
କାଶ୍ମୀରମୁଦ୍ରିତମୁରୋ ମଧୁସୂଦନସ୍ଯ ।
ଵ୍ଯକ୍ତାନୁରାଗମିଵ ଖେଲଦନଙ୍ଗଖେଦ-
ସ୍ଵେଦାମ୍ବୁପୂରମନୁପୂରଯତୁ ପ୍ରିଯଂ ଵଃ ॥ ୬॥
ଵସନ୍ତେ ଵାସନ୍ତୀକୁସୁମସୁକୁମାରୈରଵଯଵୈ-
ର୍ଭ୍ରମନ୍ତୀଂ କାନ୍ତାରେ ବହୁଵିହିତକୃଷ୍ଣାନୁସରଣାମ୍ ।
ଅମନ୍ଦଂ କନ୍ଦର୍ପଜ୍ଵରଜନିତଚିନ୍ତାକୁଲତଯା
ଵଲଦ୍ବାଧାଂ ରାଧାଂ ସରସମିଦମୁଚେ ସହଚରୀ ॥ ୭॥
{॥ ଗୀତମ୍ ୩ ॥}
ଲଲିତଲଵଙ୍ଗଲତାପରିଶୀଲନକୋମଲମଲଯସମୀରେ ।
ମଧୁକରନିକରକରମ୍ବିତକୋକିଲକୂଜିତକୁଞ୍ଜକୁଟୀରେ ॥
ଵିହରତି ହରିରିହ ସରସଵସନ୍ତେ
ନୃତ୍ଯତି ଯୁଵତିଜନେନ ସମଂ ସଖି ଵିରହିଜନସ୍ଯ ଦୁରନ୍ତେ ॥ ୧॥ ଵିହରତି
ଉନ୍ମଦମଦନମନୋରଥପଥିକଵଧୂଜନଜନିତଵିଲାପେ ।
ଅଲିକୁଲସଂକୁଲକୁସୁମସମୂହନିରାକୁଲବକୁଲକଲାପେ ॥ ୨॥ ଵିହରତି
ମୃଗମଦସୌରଭରଭସଵଶଂଵଦନଵଦଲମାଲତମାଲେ ।
ଯୁଵଜନହୃଦଯଵିଦାରଣମନସିଜନଖରୁଚିକିଂଶୁକଜାଲେ ॥ ୩॥ ଵିହରତି
ମଦନମହୀପତିକନକଦଣ୍ଡରୁଚିକେସରକୁସୁମଵିକାସେ ।
ମିଲିତଶିଲୀମୁଖପାଟଲିପଟଲକୃତସ୍ମରତୂଣଵିଲାସେ ॥ ୪॥ ଵିହରତି
ଵିଗଲିତଲଜ୍ଜିତଜଗଦଵଲୋକନତରୁଣକରୁଣକୃତହାସେ ।
ଵିରହିନିକୃନ୍ତନକୁନ୍ତମୁଖାକୃତିକେତକଦନ୍ତୁରିତାଶେ ॥ ୫॥ ଵିହରତି
ମାଧଵିକାପରିମଲଲଲିତେ ନଵମାଲିକଜାତିସୁଗନ୍ଧୌ ।
ମୁନିମନସାମପି ମୋହନକାରିଣି ତରୁଣାକାରଣବନ୍ଧୌ ॥ ୬॥ ଵିହରତି
ସ୍ଫୁରଦତିମୁକ୍ତଲତାପରିରମ୍ଭଣମୁକୁଲିତପୁଲକିତଚୂତେ ।
ବୃନ୍ଦାଵନଵିପିନେ ପରିସରପରିଗତଯମୁନାଜଲପୂତେ ॥ ୭॥ ଵିହରତି
ଶ୍ରୀଜଯଦେଵଭଣିତମିଦମୁଦଯତି ହରିଚରଣସ୍ମୃତିସାରମ୍ ।
ସରସଵସନ୍ତସମଯଵନଵର୍ଣନମନୁଗତମଦନଵିକାରମ୍ ॥ ୮॥ ଵିହରତି
ଦରଵିଦଲିତମଲ୍ଲୀଵଲ୍ଲିଚଞ୍ଚତ୍ପରାଗ-
ପ୍ରକଟିତପଟଵାସୈର୍ଵାସଯନ୍ କାନନାନି ।
ଇହ ହି ଦହତି ଚେତଃ କେତକୀଗନ୍ଧବନ୍ଧୁଃ
ପ୍ରସରଦସମବାଣପ୍ରାଣଵଦ୍ଗନ୍ଧଵାହଃ ॥ ୮॥
ଉନ୍ମୀଲନ୍ମଧୁଗନ୍ଧଲୁବ୍ଧମଧୁପଵ୍ଯାଧୂତଚୂତାଙ୍କୁର-
କ୍ରୀଡତ୍କୋକିଲକାକଲୀକଲରଵୈରୁଦ୍ଗୀର୍ଣକର୍ଣଜ୍ଵରାଃ । var - କଲୈଃ
ନୀଯନ୍ତେ ପଥିକୈଃ କଥଂ କଥମପି ଧ୍ଯାନାଵଧାନକ୍ଷଣ-
ପ୍ରାପ୍ତପ୍ରାଣସମାସମାଗମରସୋଲ୍ଲାସୈରମୀ ଵାସରାଃ ॥ ୯॥
ଅନେକନାରୀପରିରମ୍ଭସମ୍ଭ୍ରମ-
ସ୍ଫୁରନ୍ମନୋହାରିଵିଲାସଲାଲସମ୍ ।
ମୁରାରିମାରାଦୁପଦର୍ଶଯନ୍ତ୍ଯସୌ
ସଖୀସମକ୍ଷଂ ପୁନରାହ ରାଧିକାମ୍ ॥ ୧୦॥
{॥ ଗୀତମ୍ ୪ ॥}
ଚନ୍ଦନଚର୍ଚିତନୀଲକଲେଵରପୀତଵସନଵନମାଲୀ ।
କେଲିଚଲନ୍ମଣିକୁଣ୍ଡଲମଣ୍ଡିତଗଣ୍ଡଯୁଗସ୍ମିତଶାଲୀ ॥
ହରିରିହମୁଗ୍ଧଵଧୂନିକରେ
ଵିଲାସିନି ଵିଲସତି କେଲିପରେ ॥ ୧॥
ପୀନପଯୋଧରଭାରଭରେଣ ହରିଂ ପରିରମ୍ଯ ସରାଗମ୍ ।
ଗୋପଵଧୂରନୁଗାଯତି କାଚିଦୁଦଞ୍ଚିତପଞ୍ଚମରାଗମ୍ ॥ ୨॥ ହରିରିହ
କାପି ଵିଲାସଵିଲୋଲଵିଲୋଚନଖେଲନଜନିତମନୋଜମ୍ ।
ଧ୍ଯାଯତି ମୁଗ୍ଧଵଧୂରଧିକଂ ମଧୁସୂଦନଵଦନସରୋଜମ୍ ॥ ୩॥ ହରିରିହ
କାପି କପୋଲତଲେ ମିଲିତା ଲପିତୁଂ କିମପି ଶ୍ରୁତିମୂଲେ ।
ଚାରୁ ଚୁଚୁମ୍ବ ନିତମ୍ବଵତୀ ଦଯିତଂ ପୁଲକୈରନୁକୂଲେ ॥ ୪॥ ହରିରିହ
କେଲିକଲାକୁତୁକେନ ଚ କାଚିଦମୁଂ ଯମୁନାଜଲକୂଲେ ।
ମଞ୍ଜୁଲଵଞ୍ଜୁଲକୁଞ୍ଜଗତଂ ଵିଚକର୍ଷ କରେଣ ଦ୍କୂଲେ ॥ ୫॥ ହରିରିହ
କରତଲତାଲତରଲଵଲଯାଵଲିକଲିତକଲସ୍ଵନଵଂଶେ ।
ରାସରସେ ସହ ନୃତ୍ଯପରା ହରିଣା ଯୁଵତିଃ ପ୍ରଶଶଂସେ ॥ ୬॥ ହରିରିହ
ଶ୍ଲିଷ୍ଯତି କାମପି ଚୁମ୍ବତି କାମପି କାମପି ରମଯତି ରାମାମ୍ ।
ପଶ୍ଯତି ସସ୍ମିତଚାରୁତରାମପରାମନୁଗଚ୍ଛତି ଵାମାମ୍ ॥ ୭॥ ହରିରିହ var - ପରାଂ
ଶ୍ରୀଜଯଦେଵକଵେରିଦମଦ୍ଭୁତକେଶଵକେଲିରହସ୍ଯମ୍ ।
ଵୃନ୍ଦାଵନଵିପିନେ ଲଲିତଂ ଵିତନୋତୁ ଶୁଭାନି ଯଶସ୍ଯମ୍ ॥ ୮॥ ହରିରିହ
ଵିଶ୍ଵେଷାମନୁରଞ୍ଜନେ ଜନଯନ୍ନାନନ୍ଦମିନ୍ଦୀଵର-
ଶ୍ରେଣୀଶ୍ଯାମଲକୋମଲୈରୁପନଯନ୍ନଙ୍ଗୈରନଙ୍ଗୋତ୍ସଵମ୍ ।
ସ୍ଵଚ୍ଛନ୍ଦଂ ଵ୍ରଜସୁନ୍ଦରୀଭିରଭିତଃ ପ୍ରତ୍ଯଙ୍ଗମାଲିଙ୍କିତଃ
ଶୃଙ୍ଗାରଃ ସଖି ମୂର୍ତିମାନିଵ ମଧୌ ମୁଗ୍ଧୋ ହରିଃ କ୍ରୀଡତି ॥ ୧୧॥
ଅଦ୍ଯୋତ୍ସଙ୍ଗଵସଦ୍ଭୁଜଙ୍ଗକଵଲକ୍ଲେଶାଦିଵେଶାଚଲଂ var - ନିତ୍ଯୋସଙ୍ଗ
ପ୍ରାଲେଯପ୍ଲଵନେଚ୍ଛଯାନୁସରତି ଶ୍ରୀଖଣ୍ଡଶୈଲାନିଲଃ ।
କିଂ ଚ ସ୍ନିଗ୍ଧରସାଲମୌଲିମୁକୁଲାନ୍ଯାଲୋକ୍ଯ ହର୍ଷୋଦଯା-
ଦୁନ୍ମୀଲନ୍ତି କୁହୂଃ କୁହୂରିତି କଲୋତ୍ତଲାଃ ପିକାନାଂ ଗିରଃ ॥ ୧୨॥
ରାସୋଲ୍ଲାସଭରେଣଵିଭ୍ରମଭୃତାମାଭୀରଵାମଭ୍ରୁଵା-
ମଭ୍ଯର୍ଣେ ପରିରଭ୍ଯ ନିର୍ଭରମୁରଃ ପ୍ରେମାନ୍ଧଯା ରାଧଯା ।
ସାଧୁ ତ୍ଵଦ୍ଵଦନଂ ସୁଧାମଯମିତି ଵ୍ଯାହୃତ୍ଯ ଗୀତସ୍ତୁତି-
ଵ୍ଯାଜାଦୁଦ୍ଭଟଚୁମ୍ବିତସ୍ମିତମନୋହରୀ ହରିଃ ପାତୁ ଵଃ ॥ ୧୩॥
॥ ଇତି ଶ୍ରୀଗୀତଗୋଵିନ୍ଦେ ସାମୋଦଦାମୋଦରୋ ନାମ ପ୍ରଥମଃ ସର୍ଗଃ ॥
iତି
cହପ୍ତେର୍{॥ ଦ୍ଵିତୀଯଃ ସର୍ଗଃ ॥}
{॥ ଅକ୍ଲେଶକେଶଵଃ ॥}
ଵିହରତି ଵନେ ରାଧା ସାଧାରଣପ୍ରଣଯେ ହରୌ
ଵିଗଲିତନିଜୋତ୍କର୍ଷାଦୀର୍ଷ୍ଯାଵଶେନ ଗତାନ୍ଯତଃ ।
କ୍ଵଚିଦପି ଲତାକୁଞ୍ଜେ ଗୁଞ୍ଜନ୍ମଧୁଵ୍ରତମଣ୍ଡଲୀ-
ମୁଖରଶିଖରେ ଲୀନା ଦୀନାପ୍ଯୁଵାଚ ରହଃ ସଖୀମ୍ ॥ ୧୪॥
{॥ ଗୀତମ୍ ୫ ॥}
ସଂଚରଦଧରସୁଧାମଧୁରଧ୍ଵନିମୁଖରିତମୋହନଵଂଶମ୍ ।
ଚଲିତଦୃଗଞ୍ଚଲଚଞ୍ଚଲମୌଲିକପୋଲଵିଲୋଲଵତଂସମ୍ ॥
ରାସେ ହରିମିହ ଵିହିତଵିଲାସଂ
ସ୍ମରତି ମନୋ ମମ କୃତପରିହାସମ୍ ॥ ୧॥
ଚନ୍ଦ୍ରକଚାରୁମଯୂରଶିଖଣ୍ଡକମଣ୍ଡଲଵଲଯିତକେଶମ୍ ।
ପ୍ରଚୁରପୁରନ୍ଦରଧନୁରନୁରଞ୍ଜିତମେଦୁରମୁଦିରସୁଵେଶମ୍ ॥ ୨॥ ରାସେ ହରିମିହ
ଗୋପକଦମ୍ବନିତମ୍ବଵତୀମୁଖଚୁମ୍ବନଲମ୍ଭିତଲୋଭମ୍ ।
ବନ୍ଧୁଜୀଵମଧୁରାଧରପଲ୍ଲଵମୁଲ୍ଲସିତସ୍ମିତଶୋଭମ୍ ॥ ୩॥ ରାସେ ହରିମିହ
ଵିପୁଲପୁଲକଭୁଜପଲ୍ଲଵଵଲଯିତଵଲ୍ଲଵଯୁଵତିସହସ୍ରମ୍ ।
କରଚରଣୋରସି ମଣିଗଣଭୂଷଣକିରଣଵିଭିନ୍ନତମିସ୍ରମ୍ ॥ ୪॥ ରାସେ ହରିମିହ
ଜଲଦପଟଲଚଲଦିନ୍ଦୁଵିନନ୍ଦକଚନ୍ଦନତିଲକଲଲାଟମ୍ ।
ପୀନଘନସ୍ତନମଣ୍ଡଲମର୍ଦନନିର୍ଦଯହୃଦଯକପାଟମ୍ ॥ ୫॥ ରାସେ ହରିମିହ var - ପୀନପଯୋଧରପରିସର
ମଣିମଯମକରମନୋହରକୁଣ୍ଡଲମଣ୍ଡିତଗଣ୍ଡମୁଦାରମ୍ ।
ପୀତଵସନମନୁଗତମୁନିମନୁଜସୁରାସୁରଵରପରିଵାରମ୍ ॥ ୬॥ ରାସେ ହରିମିହ
ଵିଶଦକଦମ୍ବତଲେ ମିଲିତଂ କଲିକଲୁଷଭଯଂ ଶମଯନ୍ତମ୍ ।
ମାମପି କିମପି ତରଙ୍ଗଦନଙ୍ଗଦୃଶା ମନସା ରମଯନ୍ତମ୍ ॥ ୭॥ ରାସେ ହରିମିହ var - ଵପୁଷା
ଶ୍ରୀଜଯଦେଵଭଣିତମତିସୁନ୍ଦରମୋହନମଧୁରିପୁରୂପମ୍ ।
ହରିଚରଣସ୍ମରଣଂ ପ୍ରତି ସମ୍ପ୍ରତି ପୁଣ୍ଯଵତାମନୁରୂପମ୍ ॥ ୮॥ ରାସେ ହରିମିହ
ଗଣଯତି ଗୁଣଗ୍ରାମଂ ଭ୍ରାମଂ ଭ୍ରମାଦପି ନେହତେ
ଵହତି ଚ ପରିତୋଷଂ ଦୋଷଂ ଵିମୁଞ୍ଚତି ଦୂରତଃ ।
ଯୁଵତିଷୁ ଵଲସ୍ତୃଷ୍ଣେ କୃଷ୍ଣେ ଵିହାରିଣି ମାଂ ଵିନା
ପୁନରପି ମନୋ ଵାମଂ କାମଂ କରୋତି କରୋମି କିମ୍ ॥ ୧୫॥
{॥ ଗୀତମ୍ ୬ ॥}
ନିଭୃତନିକୁଞ୍ଜଗୃହଂ ଗତଯା ନିଶି ରହସି ନିଲୀଯ ଵସନ୍ତମ୍ ।
ଚକିତଵିଲୋକିତସକଲଦିଶା ରତିରଭସରସେନ ହସନ୍ତମ୍ ॥
ସଖି ହେ କେଶିମଥନମୁଦାରମ୍
ରମଯ ମଯା ସହ ମଦନମନୋରଥଭାଵିତଯା ସଵିକାରମ୍ ॥ ୧॥
ପ୍ରଥମସମାଗମଲଜ୍ଜିତଯା ପଟୁଚାଟୁଶତୈରନୁକୂଲମ୍ ।
ମୃଦୁମଧୁରସ୍ମିତଭାଷିତଯା ଶିଥିଲୀକୃତଜଧନଦୁକୂଲମ୍ ॥ ୨॥ ସଖି ହେ
କିସଲଯଶଯନନିଵେଶିତଯା ଚିରମୁରସି ମମୈଵ ଶଯାନମ୍ ।
କୃତପରିରମ୍ଭଣଚୁମ୍ବନଯା ପରିରଭ୍ଯ କୃତାଧରପାନମ୍ ॥ ୩॥ ସଖି ହେ
ଅଲସନିମୀଲିତଲୋଚନଯା ପୁଲକାଵଲିଲଲିତକପୋଲମ୍ ।
ଶ୍ରମଜଲସକଲକଲେଵରଯା ଵରମଦନମଦାଦତିଲୋଲମ୍ ॥ ୪॥ ସଖି ହେ
କୋକିଲକଲରଵକୂଜିତଯା ଜିତମନସିଜତନ୍ତ୍ରଵିଚାରମ୍ ।
ଶ୍ଲଥକୁସୁମାକୁଲକୁନ୍ତଲଯା ନଖଲିଖିତଘନସ୍ତନଭାରମ୍ ॥ ୫॥ ସଖି ହେ
ଚରଣରଣିତମଣିନୂପୁରଯା ପରିପୂରିତସୁରତଵିତାନମ୍ ।
ମୁଖରଵିଶୃଙ୍ଖଲମେଖଲଯା ସକଚଗ୍ରହଚୁମ୍ବନଦାନମ୍ ॥ ୬॥ ସଖି ହେ
ରତିସୁଖସମଯରସାଲସଯା ଦରମୁକୁଲିତନଯନସରୋଜମ୍ ।
ନିଃସହନିପତିତତନୁଲତଯା ମଧୁସୂଦନମୁଦିତମନୋଜମ୍ ॥ ୭॥ ସଖି ହେ
ଶ୍ରୀଜଯଦେଵଭଣିତମିଦମତିଶଯମଧୁରିପୁନିଧୁଵନଶୀଲମ୍ ।
ସୁଖମୁତ୍କଣ୍ଠିତଗୋପଵଧୂକଥିତଂ ଵିତନୋତୁ ସଲୀଲମ୍ ॥ ୮॥ ସଖି ହେ var - ରାଧିକଯା
ହସ୍ତସ୍ରସ୍ତଵିଲାସଵଂଶମନୃଜୁଭ୍ରୂଵଲ୍ଲିମଦ୍ବଲ୍ଲଵୀ-
ଵୃନ୍ଦୋତ୍ସାରିଦୃଗନ୍ତଵୀକ୍ଷିତମତିସ୍ଵେଦାର୍ଦ୍ରଗଣ୍ଡସ୍ଥଲମ୍ ।
ମାମୁଦ୍ଵୀକ୍ଷ୍ଯ ଵିଲକ୍ଷିତଂ ସ୍ମିତସୁଧାମୁଗ୍ଧାନନଂ କାନନେ
ଗୋଵିନ୍ଦଂ ଵ୍ରଜସୁନ୍ଦରୀଗଣଵୃତଂ ପଶ୍ଯାମି ହୃଷ୍ଯାମି ଚ ॥ ୧୬॥
ଦୁରାଲୋକସ୍ତୋକସ୍ତବକନଵକାଶୋକଲତିକା-
ଵିକାସଃ କାସାରୋପଵନପଵନୋଽପି ଵ୍ଯଥଯତି ।
ଅପି ଭ୍ରାମ୍ଯଦ୍ଭୃଙ୍ଗୀରଣିତରମଣୀଯା ନ ମୁକୁଲ-
ପ୍ରସୂତିଶ୍ଚୂତାନାଂ ସଖି ଶିଖରିଣୀଯଂ ସୁଖଯତି ॥ ୧୭॥
ସାକୂତସ୍ମିତମାକୁଲାକୁଲଗଲଦ୍ଧମ୍ମିଲ୍ଲମୁଲ୍ଲାସିତ-
ଭ୍ରୂଵଲ୍ଲୀକମଲୀକଦର୍ଶିତଭୁଜାମୂଲାର୍ଦ୍ଧପୃଷ୍ଠସ୍ତନମ୍ ।
ଗୋପୀନାଂ ନିଭୃତଂ ନିରୀକ୍ଷ୍ଯ ଗମିତାକାଙ୍କ୍ଷଶ୍ଚିରଂ ଚିନ୍ତଯ-
ନ୍ନନ୍ତର୍ମୁଗ୍ଦ୍ଧମନୋହରୋ ହରତୁ ଵଃ କ୍ଲେଶଂ ନ ଵଃ କେଶଵଃ ॥ ୧୮॥
॥ ଇତି ଗୀତଗୋଵିନ୍ଦେ ଅକ୍ଲେଶକେଶଵୋ ନାମ ଦ୍ଵିତୀଯଃ ସର୍ଗଃ ॥
iତି
cହପ୍ତେର୍{॥ ତୃତୀଯଃ ସର୍ଗଃ ॥}
{॥ ମୁଗ୍ଧମଧୁସୂଦନଃ ॥}
କଂସାରିରପି ସଂସାରଵାସନାବନ୍ଧଶୃଙ୍ଖଲାମ୍ ।
ରାଧାମାଧାଯ ହୃଦଯେ ତତ୍ଯାଜ ଵ୍ରଜସୁନ୍ଦରୀଃ ॥ ୧୯॥
ଇତସ୍ତତସ୍ତାମନୁସୃତ୍ଯ ରାଧିକା-
ମନଙ୍ଗବାଣଵ୍ରଣଖିନ୍ନମାନସଃ ।
କୃତାନୁତାପଃ ସ କଲିନ୍ଦନନ୍ଦିନୀ-
ତଟାନ୍ତକୁଞ୍ଜେ ନିଷସାଦ ମାଧଵଃ ॥ ୨୦॥
{॥ ଗୀତମ୍ ୭ ॥}
ମାମିଯଂ ଚଲିତା ଵିଲୋକ୍ଯ ଵୃତଂ ଵଧୂନିଚଯେନ ।
ସାପରାଧତଯା ମଯାପି ନ ଵାରିତାତିଭଯେନ ॥
ହରିହରି ହତାଦରତଯା ଗତା ସା ଗତା କୁପିତେଵ ॥ ୧॥
କିଂ କରିଷ୍ଯତି କିଂ ଵଦିଷ୍ଯତି ସା ଚିରଂ ଵିରହେଣ ।
କିଂ ଧନେନ ଜନେନ କିଂ ମମ ଜୀଵନେନ ଗୃହେଣ ॥ ୨॥ ହରିହରି
ଚିନ୍ତଯାମି ତଦାନନଂ କୁଟିଲଭ୍ରୁ କୋପଭରେଣ ।
ଶୋଣପଦ୍ମମିଵୋପରି ଭ୍ରମତାକୁଲଭ୍ରମରେଣ ॥ ୩॥ ହରିହରି
ତାମହଂ ହୃଦି ସଂଗତାମନିଶଂ ଭୃଶଂ ରମଯାମି ।
କିଂ ଵନେଽନୁସରାମି ତାମିହ କିଂ ଵୃଥା ଵିଲପାମି ॥ ୪॥ ହରିହରି
ତନ୍ଵି ଖିନ୍ନମସୂଯଯା ହୃଦଯଂ ତଵାକଲଯାମି ।
ତନ୍ନ ଵେଦ୍ମି କୁତୋ ଗତାସି ନ ତେନ ତେଽନୁନଯାମି ॥ ୫॥ ହରିହରି
ଦୃଶ୍ଯସେ ପୁରତୋ ଗତାଗତମେଵ ତେ ଵିଦଧାସି ।
କିଂ ପୁରେଵ ସମମ୍ଭ୍ରମଂ ପରିରମ୍ଭଣଂ ନ ଦଦାସି ॥ ୬॥ ହରିହରି
କ୍ଷମ୍ଯତାମପରଂ କଦାପି ତଵେଦୃଶଂ ନ କରୋମି ।
ଦେହି ସୁନ୍ଦରି ଦର୍ଶନଂ ମମ ମନ୍ମଥେନ ଦୁନୋମି ॥ ୭॥ ହରିହରି
ଵର୍ଣିତଂ ଜଯଦେଵକେନ ହରେରିଦଂ ପ୍ରଵଣେନ ।
କିନ୍ଦୁବିଲ୍ଵସମୁଦ୍ରସମ୍ଭଵରୋହିଣୀରମଣେନ ॥ ୮॥ ହରିହରି
କୁଵଲଯଦଲଶ୍ରେଣୀ କଣ୍ଠେ ନ ସା ଗରଲଦ୍ଯୁତିଃ
ହୃଦି ବିସଲତାହାରୋ ନାଯଂ ଭୁଜଙ୍ଗମନାଯକଃ ।
ମଲଯଜରଜୋ ନେଦଂ ଭସ୍ମ ପ୍ରିଯାରହିତେ ମଯି
ପ୍ରହର ନ ହରଭ୍ରାନ୍ତ୍ଯାନଙ୍ଗ କ୍ରୁଧା କିମୁ ଧାଵସି ॥ ୨୧॥
ପାଣୌ ମା କୁରୁ ଚୂତସାଯକମମୁଂ ମା ଚାପମାରୋପଯ
କ୍ରୀଡାନିର୍ଜିତଵିଶ୍ଵମୂର୍ଛିତଜନାଘାତେନ କିଂ ପୌରୁଷମ୍ ।
ତସ୍ଯା ଏଵ ମୃଗୀଦୃଶୋ ମନସିଜପ୍ରେଙ୍ଖତ୍କଟାକ୍ଷାଶୁଗ-
ଶ୍ରେଣୀଜର୍ଜରିତଂ ମନାଗପି ମନୋ ନାଦ୍ଯାପି ସଂଧୁକ୍ଷତେ ॥ ୨୨॥
ଭ୍ରୂଚାପେ ନିହିତଃ କଟାକ୍ଷଵିଶିଖୋ ନିର୍ମାତୁ ମର୍ମଵ୍ଯଥାଂ
ଶ୍ଯାମାତ୍ମା କୁଟିଲଃ କରୋତୁ କବରୀଭାରୋଽପି ମାରୋଦ୍ଯମମ୍ ।
ମୋହଂ ତାଵଦଯଂ ଚ ତନ୍ଵି ତନୁତାଂ ବିମ୍ବାଧରୋ ରାଗଵାନ୍
ସଦ୍ଵୃତ୍ତସ୍ତନମଣ୍ଡଲସ୍ତଵ କଥଂ ପ୍ରାଣୈର୍ମମ କ୍ରୀଡତି ॥ ୨୩॥
ତାନି ସ୍ପର୍ଶସୁଖାନି ତେ ଚ ତରଲସ୍ନିଗ୍ଧା ଦୃଶୋର୍ଵିଭ୍ରମା-
ସ୍ତଦ୍ଵକ୍ତ୍ରାମ୍ବୁଜସୌରଭଂ ସ ଚ ସୁଧାସ୍ଯନ୍ତିର୍ଗିରାଂ ଵକ୍ରିମା ।
ସା ବିମ୍ବାଧରମାଧୁରୀତି ଵିଷଯାସଙ୍ଗେଽପି ଚେନ୍ମାନସଂ
ତସ୍ଯାଂ ଲଗ୍ନସମାଧି ହନ୍ତ ଵିରହଵ୍ଯାଧିଃ କଥଂ ଵର୍ଧତେ ॥ ୨୪॥
ଭ୍ରୂପଲ୍ଲଵଂ ଧନୁରପାଙ୍ଗତରଙ୍ଗିତନି var - ଭ୍ରୂଵଲ୍ଲରିର୍ଧନୁ
ବାଣା ଗୁଣଃ ଶ୍ରଵଣପାଲିରିତି ସ୍ମରେଣ ।
ଅସ୍ଯାମନଙ୍ଗଜଯଜଙ୍ଗମଦେଵତାଯାଂ
ଅସ୍ତ୍ରାଣି ନିର୍ଜିତଜଗନ୍ତି କିମର୍ପିତାନି ॥ ୨୫॥
ତିର୍ଯକ୍କଣ୍ଠଵିଲୋଲମୌଲିତରଲୋତ୍ତଂସସ୍ଯ ଵଂଶୋଚ୍ଚଲଦ୍-
ଗୀତିସ୍ଥାନକୃତାଵଧାନଲଲନାଲକ୍ଷୈର୍ନ ସଂଲକ୍ଷିତାଃ ।
ସମ୍ମୁଗ୍ଦ୍ଧେ ମଧୁସୂଦନସ୍ଯ ମଧୁରେ ରାଧାମୁଖେନ୍ଦୌ ମୃଦୁ-
ସ୍ପନ୍ଦଂ କନ୍ଦଲିତାଶ୍ଚିରଂ ଦଦତୁ ଵଃ କ୍ଷେମଂ କଟାକ୍ଷୋର୍ମଯଃ ॥ ୨୬ ॥
॥ ଇତି ଶ୍ରୀଗିତଗୋଵିନ୍ଦେ ମୁଗ୍ଧମଧୁସୂଦନୋ ନାମ ତୃତୀଯଃ ସର୍ଗଃ ॥
iତି
cହପ୍ତେର୍{॥ ଚତୁର୍ଥଃ ସର୍ଗଃ ॥}
{॥ ସ୍ନିଗ୍ଧମଧୁସୂଦନଃ ॥}
ଯମୁନାତୀରଵାନୀରନିକୁଞ୍ଜେ ମନ୍ଦମାସ୍ଥିତମ୍ ।
ପ୍ରାହ ପ୍ରେମଭରୋଦ୍ଭ୍ରାନ୍ତଂ ମାଧଵଂ ରାଧିକାସଖୀ ॥ ୨୭॥
{॥ ଗୀତମ୍ ୮ ॥}
ନିନ୍ଦତି ଚନ୍ଦନମିନ୍ଦୁକିରଣମନୁ ଵିନ୍ଦତି ଖେଦମଧୀରମ୍ ।
ଵ୍ଯାଲନିଲଯମିଲନେନ ଗରଲମିଵ କଲଯତି ମଲଯସମୀରମ୍ ॥
ମାଧଵ ମନସିଜଵିଶିଖଭଯାଦିଵ ଭାଵନଯା ତ୍ଵଯି ଲୀନା
ସା ଵିରହେ ତଵ ଦୀନା ॥ ୧॥
ଅଵିରଲନିପତିତମଦନଶରାଦିଵ ଭଵଦଵନାଯ ଵିଶାଲମ୍ ।
ସ୍ଵହୃଦଯମର୍ମଣୀ ଵର୍ମ କରୋତି ସଜଲନଲିନୀଦଲଜାଲମ୍ ॥ ୨॥ ସା ଵିରହେ ତଵ ଦୀନା
କୁସୁମଵିଶିଖଶରତଲ୍ପମନଲ୍ପଵିଲାସକଲାକମନୀଯମ୍ ।
ଵ୍ରତମିଵ ତଵ ପରିରମ୍ଭସୁଖାଯ କରୋତି କୁସୁମଶଯନୀଯମ୍ ॥ ୩॥ ସା ଵିରହେ ତଵ ଦୀନା
ଵହତି ଚ ଗଲିତଵିଲୋଚନଜଲଭରମାନନକମଲମୁଦାରମ୍ । var - ଵିଗଲିତଲୋଚନ
ଵିଧୁମିଵ ଵିକଟଵିଧୁନ୍ତୁଦଦନ୍ତଦଲନଗଲିତାମୃତଧାରମ୍ ॥ ୪॥ ସା ଵିରହେ ତଵ ଦୀନା
ଵିଲିଖତି ରହସି କୁରଙ୍ଗମଦେନ ଭଵନ୍ତମସମଶରଭୂତମ୍ ।
ପ୍ରଣମତି ମକରମଧୋ ଵିନିଧାଯ କରେ ଚ ଶରଂ ନଵଚୂତମ୍ ॥ ୫॥ ସା ଵିରହେ ତଵ ଦୀନା
ପ୍ରତିପଦମିଦମପି ନିଗତତି ମାଧଵ ତଵ ଚରଣେ ପତିତାହମ୍ ।
ତ୍ଵଯି ଵିମୁଖେ ମଯି ସପଦି ସୁଧାନିଧିରପି ତନୁତେ ତନୁଦାହମ୍ ॥ ୬॥ ସା ଵିରହେ ତଵ ଦୀନା
ଧ୍ଯାନଲଯେନ ପୁରଃ ପରିକଲ୍ପ୍ଯ ଭଵନ୍ତମତୀଵ ଦୁରାପମ୍ ।
ଵିଲପତି ହସତି ଵିଷୀଦତି ରୋଦିତି ଚଞ୍ଚତି ମୁଞ୍ଚତି ତାପମ୍ ॥ ୭॥ ସା ଵିରହେ ତଵ ଦୀନା
ଶ୍ରୀଜଯଦେଵଭଣିତମିଦମଧିକଂ ଯଦି ମନସା ନଟନୀଯମ୍ ।
ହରିଵିରହାକୁଲବଲ୍ଲଵଯୁଵତିସଖୀଵଚନଂ ପଠନୀଯମ୍ ॥ ୮॥ ସା ଵିରହେ ତଵ ଦୀନା
ଆଵାସୋ ଵିପିନାଯତେ ପ୍ରିଯସଖୀମାଲାପି ଜାଲାଯତେ
ତାପୋଽପି ଶ୍ଵସିତେନ ଦାଵଦହନଜ୍ଵାଲାକଲାପାଯତେ ।
ସାପି ତ୍ଵଦ୍ଵିରହେଣ ହନ୍ତ ହରିଣୀରୂପାଯତେ ହା କଥଂ
କନ୍ଦର୍ପୋଽପି ଯମାଯତେ ଵିରଚଯଞ୍ଶାର୍ଦୂଲଵିକ୍ରୀଡିତମ୍ ॥ ୨୮॥
{॥ ଗୀତମ୍ ୯ ॥}
ସ୍ତନଵିନିହିତମପି ହାରମୁଦାରମ୍ ।
ସା ମନୁତେ କୃଶତନୁରତିଭାରମ୍ ॥
ରାଧିକା ଵିରହେ ତଵ କେଶଵ ॥ ୧॥
ସରସମସୃଣମପି ମଲଯଜପଙ୍କମ୍ ।
ପଶ୍ଯତି ଵିଷମିଵ ଵପୁଷି ସଶଙ୍କମ୍ ॥ ୨॥ ରାଧିକା
ଶ୍ଵସିତପଵନମନୁପମପରିଣାହମ୍ ।
ମଦନଦହନମିଵ ଵହତି ସଦାହମ୍ ॥ ୩॥ ରାଧିକା
ଦିଶି ଦିଶି କିରତି ସଜଲକଣଜାଲମ୍ ।
ନଯନନଲିନମିଵ ଵିଗଲିତନାଲମ୍ ॥ ୪॥ ରାଧିକା
ନଯନଵିଷଯମପି କିସଲଯତଲ୍ପମ୍ ।
କଲଯତି ଵିହିତହୁତାଶଵିକଲ୍ପମ୍ ॥ ୫॥ ରାଧିକା
ତ୍ଯଜତି ନ ପାଣିତଲେନ କପୋଲମ୍ ।
ବାଲଶଶିନମିଵ ସାଯମଲୋଲମ୍ ॥ ୬॥ ରାଧିକା
ହରିରିତି ହରିରିତି ଜପତି ସକାମମ୍ ।
ଵିରହଵିହିତମରଣେନ ନିକାମମ୍ ॥ ୭॥ ରାଧିକା
ଶ୍ରୀଜଯଦେଵଭଣିତମିତି ଗୀତମ୍ ।
ସୁଖଯତୁ କେଶଵପଦମୁପନୀତମ୍ ॥ ୮॥ ରାଧିକା
ସା ରୋମାଞ୍ଚତି ସୀତ୍କରୋତି ଵିଲପତ୍ଯୁତ୍କ୍ମ୍ପତେ ତାମ୍ଯତି
ଧ୍ଯାଯତ୍ଯୁଦ୍ଭ୍ରମତି ପ୍ରମୀଲତି ପତତ୍ଯୁଦ୍ଯାତି ମୂର୍ଚ୍ଛତ୍ଯପି ।
ଏତାଵତ୍ଯତନୁଜ୍ଵରେ ଵରତନୁର୍ଜୀଵେନ୍ନ କିଂ ତେ ରସାତ୍
ସ୍ଵର୍ଵୈଦ୍ଯପ୍ରତିମ ପ୍ରସୀଦସି ଯଦି ତ୍ଯକ୍ତୋଽନ୍ଯଥା ନାନ୍ତକଃ ॥ ୨୯॥ var - ତ୍ଯକ୍ତାନ୍ଯଥାନ୍ଯତ୍ପରମ୍
ସ୍ମରାତୁରାଂ ଦୈଵତଵୈଦ୍ଯହୃଦ୍ଯ
ତ୍ଵଦଙ୍ଗସଙ୍ଗାମୃତମାତ୍ରସାଧ୍ଯାମ୍ ।
ଵିମୁକ୍ତବାଧାଂ କୁରୁଷେ ନ ରାଧା-
ମୁପେନ୍ଦ୍ର ଵଜ୍ରାଦପି ଦାରୁଣୋଽସି ॥ ୩୧॥
କନ୍ଦର୍ପଜ୍ଵରସଂଜ୍ଵରସ୍ତୁରତନୋରାଶ୍ଚର୍ଯମସ୍ଯାଶ୍ଚିରଂ var - ସଜ୍ଜ୍ଵରାତୁରତନୋରଥ୍ଯର୍ଥମସ୍ଯାଶ୍ଚିରଂ
ଚେତଶ୍ଚନ୍ଦନଚନ୍ଦ୍ରମଃକମଲିନୀଚିନ୍ତାସୁ ସଂତାମ୍ଯତି ।
କିଂତୁ କ୍ଲାନ୍ତିଵଶେନ ଶୀତଲତନୁଂ ତ୍ଵାମେକମେଵ ପ୍ରିଯଂ
ଧ୍ଯାଯନ୍ତୀ ରହସି ସ୍ଥିତା କଥମପି କ୍ଷୀଣା କ୍ଷଣଂ ପ୍ରାଣିତି ॥ ୨୯॥
କ୍ଷଣମପି ଵିରହଃ ପୁରା ନ ସେହେ
ନଯନନିମୀଲନଖିନ୍ନଯା ଯଯା ତେ ।
ଶ୍ଵସିତି କଥମସୌ ରସାଲଶାଖାଂ
ଚିରଵିରହେଣ ଵିଲୋକ୍ଯ ପୁଷ୍ପିତାଗ୍ରାମ୍ ॥ ୩୨॥ var - ଵିରହେଽପି
ଵୃଷ୍ଟିଵ୍ଯାକୁଲଗୋକୁଲାଵନରସାଦୁଦ୍ଧୃତ୍ଯ ଗୋଵର୍ଧନଂ
ବିଭ୍ରଦ୍ଵଲ୍ଲଵଵଲ୍ଲଭାଭିରଧିକାନନ୍ଦାଚ୍ଚିରଂ ଚୁମ୍ବିତଃ ।
ଦର୍ପେଣେଵ ତଦର୍ପିତାଧରତଟୀସିନ୍ଦୂରମୁଦ୍ରାଙ୍ଗିତୋ
ବାହୁର୍ଗୋପପତେସ୍ତନୋତୁ ଭଵତାଂ ଶ୍ରେଯାଂସି କଂସଦ୍ଵିଷଃ ॥ ୩୩ ॥
॥ ଇତି ଗୀତଗୋଵିନ୍ଦେ ସ୍ନିଗ୍ଧମାଧଵୋ ନାମ ଚତୁର୍ଥଃ ସର୍ଗଃ ॥
iତି
cହପ୍ତେର୍{॥ ପଞ୍ଚମଃ ସର୍ଗଃ ॥}
{॥ ସାକାଂକ୍ଷପୁଣ୍ଡରୀକାକ୍ଷଃ ॥}
ଅହମିହ ନିଵସାମି ଯାହି ରାଧାମନୁନଯ ମଦ୍ଵଚନେନ ଚାନଯେଥାଃ ।
ଇତି ମଧୁରିପୁଣା ସଖୀ ନିଯୁକ୍ତା ସ୍ଵଯମିଦମେତ୍ଯ ପୁନର୍ଜଗାଦ ରାଧାମ୍ ॥ ୩୪॥
{॥ ଗୀତମ୍ ୧୦ ॥}
ଵହତି ମଲଯସମୀରେ ମଦନମୁପନିଧାଯ ।
ସ୍ଫୁଟତି କୁସୁମନିକରେ ଵିରହିହୃଦଯଦଲନାଯ ॥
ତଵ ଵିରହେ ଵନମାଲୀ ସଖି ସୀଦତି ॥ ୧॥
ଦହତି ଶିଶିରମଯୂଖେ ମରଣମନୁକରୋତି ।
ପତତି ମଦନଵିଶିଖେ ଵିଲପତି ଵିକଲତରୋଽତି ॥ ୨॥ ତଵ ଵିରହେ
ଧ୍ଵନତି ମଧୁପସମୂହେ ଶ୍ରଵଣମପି ଦଧାତି ।
ମନସି ଵଲିତଵିରହେ ନିଶି ନିଶି ରୁଜମୁପଯାତି ॥ ୩॥ ତଵ ଵିରହେ
ଵସତି ଵିପିନଵିତାନେ ତ୍ଯଜତି ଲଲିତଧାମ ।
ଲୁଠତି ଧରଣିଶଯନେ ବହୁ ଵିଲପତି ତଵ ନାମ ॥ ୪॥ ତଵ ଵିରହେ
ରଣତି ପିକସମୁଦାଯେ ପ୍ରତିଦିଶମନୁଯାତି ।
ହସତି ମନୁଜନିଚଯେ ଵିରହମପଲପତି ନେତି ॥ ୫॥ ତଵ ଵିରହେ
ସ୍ଫୁରତି କଲରଵରାଵେ ସ୍ମରତି ଭଣିତମେଵ ।
ତଵ ରତିସୁଖଵିଭଵେ ବହୁଗଣଯତି ଗୁଣମତୀଵ ॥ ୬॥ ତଵ ଵିରହେ
ତ୍ଵଦଭିଦଶୁଭଦମାସଂ ଵଦତୁ ନରି ଶୃଣୋତି ।
ତମପି ଜପତି ସରସଂ ପରଯୁଵତିଷୁ ନ ରତିମୁପୈତି ॥ ୭॥ ତଵ ଵିରହେ
ଭଣତି କଵିଜଯଦେଵେ ଵିରହିଵିଲସିତେନ ।
ମନସି ରଭସଵିଭଵେ ହରିରୁଦଯତୁ ସୁକୃତେନ ॥ ୮॥ ତଵ ଵିରହେ
ପୂର୍ଵଂ ଯତ୍ର ସମଂ ତ୍ଵଯା ରତିପତେରାସାଦିତଃ ସିଦ୍ଧଯ-
ସ୍ତସ୍ମିନ୍ନେଵ ନିକୁଞ୍ଜମନ୍ମଥମହାତୀର୍ଥେ ପୁନର୍ମାଧଵଃ ।
ଧ୍ଯାଯଂସ୍ତ୍ଵାମନିଶଂ ଜପନ୍ନପି ତଵୈଵାଲାପମନ୍ତ୍ରାଵଲୀଂ
ଭୂଯସ୍ତ୍ଵତ୍କୁଚକୁମ୍ଭନିର୍ଭରପରୀରମ୍ଭାମୃତଂ ଵାଞ୍ଛତି ॥ ୩୫॥
{॥ ଗୀତମ୍ ୧୧ ॥}
ରତିସୁଖସାରେ ଗତମଭିସାରେ ମଦନମନୋହରଵେଶମ୍ ।
ନ କୁରୁ ନିତମ୍ବିନି ଗମନଵିଲମ୍ବନମନୁସର ତଂ ହୃଦଯେଶମ୍ ॥
ଧୀରସମୀରେ ଯମୁନାତୀରେ ଵସତି ଵନେ ଵନମାଲୀ
ଗୋପୀପୀନପଯୋଧାରମର୍ଦନଚଞ୍ଚଲକରଯୁଗଶାଲୀ ॥ ୧॥
ନାମ ସମେତଂ କୃତସଂକେତଂ ଵାଦଯତେ ମୃଦୁଵେଣୁମ୍ ।
ବହୁ ମନୁତେ ନନୁ ତେ ତନୁସଂଗତପଵନଚଲିତମପି ରେଣୁମ୍ ॥ ୨॥ ଧୀରସମୀରେ var - ତନୁ
ପତତି ପତତ୍ରେ ଵିଚଲତି ପତ୍ରେ ଶଙ୍କିତଭଵଦୁପଯାନମ୍ ।
ରଚଯତି ଶଯନଂ ସଚକିତନଯନଂ ପଶ୍ଯତି ତଵ ପନ୍ଥାନମ୍ ॥ ୩॥ ଧୀରସମୀରେ
ମୁଖରମଧୀରଂ ତ୍ଯଜ ମଞ୍ଜୀରଂ ରିପୁମିଵ କେଲିସୁଲୋଲମ୍ ।
ଚଲ ସଖି କୁଞ୍ଜଂ ସତିମିରପୁଞ୍ଜଂ ଶୀଲଯ ନୀଲନିଚୋଲମ୍ ॥ ୪॥ ଧୀରସମୀରେ
ଉରସି ମୁରାରେରୁପହିତହାରେ ଘନ ଇଵ ତରଲବଲାକେ ।
ତଡିଦିଵ ପୀତେ ରତିଵିପରୀତେ ରାଜସି ସୁକୃତଵିପାକେ ॥ ୫॥ ଧୀରସମୀରେ
ଵିଗଲିତଵସନଂ ପରିହୃତରସନଂ ଘଟଯ ଜଘନମପିଧାନମ୍ ।
କିସଲଯଶଯନେ ପଙ୍କଜନଯନେ ନିଧିମିଵ ହର୍ଷନିଦାନମ୍ ॥ ୬॥ ଧୀରସମୀରେ
ହରିରଭିମାନୀ ରଜନିରିଦାନୀମିଯମପି ଯାତି ଵିରାମମ୍ ।
କୁରୁ ମମ ଵଚନଂ ସତ୍ଵରରଚନଂ ପୂରଯ ମଧୁରିପୁକାମମ୍ ॥ ୭॥ ଧୀରସମୀରେ
ଶ୍ରୀଜଯଦେଵେ କୃତହରିସେଵେ ଭଣତି ପରମରମଣୀଯମ୍ ।
ପ୍ରମୁଦିତହୃଦଯଂ ହରିମତିସଦଯଂ ନମତ ସୁକୃତକମନୀଯମ୍ ॥ ୮॥ ଧୀରସମୀରେ
ଵିକିରତି ମୁହୁଃ ଶ୍ଵାସାନାଶାଃ ପୁରୋ ମୁହୁରୀକ୍ଷତେ
ପ୍ରଵିଶତି ମୁହୁଃ କୁଞ୍ଜଂ ଗୁଞ୍ଜନ୍ମୁହୁର୍ବହୁ ତାମ୍ଯତି ।
ରଚଯତି ମୁହୁଃ ଶଯ୍ଯାଂ ପର୍ଯାକୁଲଂ ମୁହୁରୀକ୍ଷତେ
ମଦନକଦନକ୍ଲାନ୍ତଃ କାନ୍ତେ ପ୍ରିଯସ୍ତଵ ଵର୍ତତେ ॥ ୩୬॥
ତ୍ଵଦ୍ଵାମ୍ଯେନ ସମଂ ସମଗ୍ରମଧୁନା ତିଗ୍ମାଂଶୁରସ୍ତଂ ଗତୋ
ଗୋଵିନ୍ଦସ୍ଯ ମନୋରଥେନ ଚ ସମଂ ପ୍ରାପ୍ତଂ ତମଃ ସାନ୍ଦ୍ରତାମ୍ ।
କୋକାନାଂ କରୁଣସ୍ଵନେନ ସଦୃଶୀ ଦୀର୍ଘା ମଦଭ୍ଯର୍ଥନା
ତନ୍ମୁଗ୍ଧେ ଵିଫଲଂ ଵିଲମ୍ବନମସୌ ରମ୍ଯୋଽଭିସାରକ୍ଷଣଃ ॥ ୩୭॥
ଆଶ୍ଲେଷାଦନୁ ଚୁମ୍ବନାଦନୁ ନଖୋଲ୍ଲେଖାଦନୁ ସ୍ଵାନ୍ତଜ-
ପ୍ରୋଦ୍ବୋଧାଦନୁ ସମ୍ଭ୍ରମାଦନୁ ରତାରମ୍ଭାଦନୁ ପ୍ରୀତଯୋଃ ।
ଅନ୍ଯାର୍ଥଂ ଗତଯୋର୍ଭ୍ରମାନ୍ମିଲିତଯୋଃ ସମ୍ଭାଷଣୈର୍ଜାନତୋ-
ର୍ଦମ୍ପତ୍ଯୋରିହ କୋ ନ କୋ ନ ତମସି ଵ୍ରୀଡାଵିମିଶ୍ରୋ ରସଃ ॥ ୩୮।
ସଭଯଚକିତଂ ଵିନ୍ଯସ୍ଯନ୍ତୀଂ ଦୃଶୌ ତିମିରେ ପଥି
ପ୍ରତିତରୁ ମୁହୁଃ ସ୍ଥିତ୍ଵା ମନ୍ଦଂ ପଦାନି ଵିତନ୍ଵତୀମ୍ ।
କଥମପି ରହଃ ପ୍ରାପ୍ତାମଙ୍ଗୈରନଙ୍ଗତରଙ୍ଗିଭିଃ
ସୁମୁଖି ସୁଭଗଃ ପଶ୍ଯନ୍ସ ତ୍ଵାମୁପୈତୁ ଋତାର୍ଥତାମ୍ ॥ ୩୯॥
ରାଧାମୁଗ୍ଦ୍ଧମୁଖାରଵିନ୍ଦମଧୁପସ୍ତ୍ରୈଲୋକ୍ଯମୌଲିସ୍ଥଲୀ
ନେପଥ୍ଯୋଚିତନୀଲରତ୍ନମଵନୀଭାରାଵତାରକ୍ଷମଃ ।
ସ୍ଵଚ୍ଛନ୍ଦଂ ଵ୍ରଜସୁନ୍ଦରୀଜନମନସ୍ତୋଷପ୍ରଦୋଷଶ୍ଚିରଂ
କଂସଧ୍ଵଂସନଧୂମକେତୁରଵତୁ ତ୍ଵାଂ ଦେଵକୀନନ୍ଦନଃ ॥ ୪୦॥
॥ ଇତି ଶ୍ରୀଗୀତଗୋଵିନ୍ଦେଽଭିସାରିକଵର୍ଣନେ ସାକାଙ୍କ୍ଷପୁଣ୍ଡରୀକାକ୍ଷୋ ନାମ
ପଞ୍ଚମଃ ସର୍ଗଃ ॥
iତି
cହପ୍ତେର୍{॥ ଷଷ୍ଠଃ ସର୍ଗଃ ॥}
{॥ କୁଣ୍ଠଵୈକୁଣ୍ଠଃ ॥}
ଅଥ ତାଂ ଗନ୍ତୁମଶକ୍ତାଂ ଚିରମନୁରକ୍ତାଂ ଲତାଗୃହେ ଦୃଷ୍ଟ୍ଵା ।
ତଚ୍ଚରିତଂ ଗୋଵିନ୍ଦେ ମନସିଜମନ୍ଦେ ସଖୀ ପ୍ରାହ ॥ ୪୧॥
{॥ ଗୀତମ୍ ୧୨ ॥}
ପଶ୍ଯତି ଦିଶି ଦିଶି ରହସି ଭଵନ୍ତମ୍ ।
ତଦଧରମଧୁରମଧୂନି ପିବନ୍ତମ୍ ॥ var - ତ୍ଵଦଧର
ନାଥ ହରେ (ଜଯ ନାଥ ହରେ) ସୀଦତି ରାଧା ଵାସଗୃହେ ॥ ୧॥
ତ୍ଵଦଭିସରଣରଭସେନ ଵଲନ୍ତୀ ।
ପତତି ପଦାନି କିଯନ୍ତି ଚଲନ୍ତୀ ॥ ୨॥ ନାଥ ହରେ
ଵିହିତଵିଶଦବିସକିସଲଯଵଲଯା ।
ଜୀଵତି ପରମିହ ତଵ ରତିକଲଯା ॥ ୩॥ ନାଥ ହରେ
ମୁହୁରଵଲୋକିତମଣ୍ଡନଲୀଲା ।
ମଧୁରିପୁରହମିତି ଭାଵନଶୀଲା ॥ ୪॥ ନାଥ ହରେ
ତ୍ଵରିତମୁପୈତି ନ କଥମଭିସାରମ୍ ।
ହରିରିତି ଵଦତି ସଖୀମନୁଵାରମ୍ ॥ ୫॥ ନାଥ ହରେ
ଶ୍ଲିଷ୍ଯତି ଚୁମ୍ବତି ଜଲଧରକଲ୍ପମ୍ ।
ହରିରୁପଗତ ଇତି ତିମିରମନଲ୍ପମ୍ ॥ ୬॥ ନାଥ ହରେ
ଭଵତି ଵିଲମ୍ବିନି ଵିଗଲିତଲଜ୍ଜା ।
ଵିଲପତି ରୋଦିତି ଵାସକସଜ୍ଜା ॥ ୭॥ ନାଥ ହରେ
ଶ୍ରୀଜଯଦେଵକଵେରିଦମୁଦିତମ୍ ।
ରସିକଜନଂ ତନୁତାମତିମୁଦିତମ୍ ॥ ୮॥ ନାଥ ହରେ
ଵିପୁଲପୁଲକପାଲିଃ ସ୍ଫୀତସୀତ୍କାରମନ୍ତ-
ର୍ଜନିତଜଡିମକାକୁଵ୍ଯାକୁଲଂ ଵ୍ଯାହରନ୍ତୀ ।
ତଵ କିତଵ ଵିଧାଯାମନ୍ଦକନ୍ଦର୍ପଚିନ୍ତାଂ var - ଵିଧତ୍ତେ ମନ୍ଦ
ରସଜଲଧିନିମଗ୍ନା ଧ୍ଯାନଲଗ୍ନା ମୃଗାକ୍ଷୀ ॥ ୪୨॥
ଅଙ୍ଗେଷ୍ଵାଭରଣଂ କରୋତି ବହୁଶଃ ପତ୍ରେଽପି ସଂଚାରିଣି
ପ୍ରାପ୍ତଂ ତ୍ଵାଂ ପରିଶଙ୍କତେ ଵିତନୁତେ ଶଯ୍ଯାଂ ଚିରଂ ଧ୍ଯାଯତି ।
ଇତ୍ଯାକଲ୍ପଵିକଲ୍ପତଲ୍ପରଚନାସଂକଲ୍ପଲୀଲାଶତ-
ଵ୍ଯାସକ୍ତାପି ଵିନା ତ୍ଵଯା ଵରତନୁର୍ନୈଷା ନିଶାଂ ନେଷ୍ଯତି ॥ ୪୩॥
କିଂ ଵିଶ୍ରାମ୍ଯସି କୃଷ୍ଣଭୋଗିଭଵନେ ଭାଣ୍ଡୀରଭୂମୀରୁହି
ଭ୍ରାତର୍ଯାହି ନ ଦୃଷ୍ଟିଗୋଚରମିତଃ ସାନନ୍ଦନନ୍ଦାସ୍ପଦମ୍ ।
ରାଧାଯା ଵଚନଂ ତଦଧ୍ଵଗମୁଖାନ୍ନନ୍ଦାନ୍ତିକେ ଗୋପତୋ
ଗୋଵିନ୍ଦସ୍ଯ ଜଯତି ସାଯମତିଥିପ୍ରାଶସ୍ତ୍ଯଗର୍ଭା ଗିରଃ ॥ ୪୪ ॥
॥ ଇତି ଗୀତଗୋଵିନ୍ଦେ ଵାସକସଜ୍ଜାଵର୍ଣନେ କୁଣ୍ଠଵୈକୁଣ୍ଠୋ ନାମ ଷଷ୍ଟଃ ସର୍ଗଃ ॥
iତି
cହପ୍ତେର୍{॥ ସପ୍ତମଃ ସର୍ଗଃ ॥}
{॥ ନାଗରନାରାଯଣଃ ॥}
ଅତ୍ରାନ୍ତରେ ଚ କୁଲଟାକୁଲଵର୍ତ୍ମପାତ-
ସଂଜାତପାତକ ଇଵ ସ୍ଫୁଟଲାଞ୍ଛନଶ୍ରୀଃ ।
ଵୃନ୍ଦାଵନାନ୍ତରମଦୀପଯଦଂଶୁଜାଲୈ-
ର୍ଦିକ୍ସୁନ୍ଦରୀଵଦନଚନ୍ଦନବିନ୍ଦୁରିନ୍ଦୁଃ ॥ ୪୫॥
ପ୍ରସରତି ଶଶଧରବିମ୍ବେ ଵିହିତଵିଲମ୍ବେ ଚ ମାଧଵେ ଵିଧୁରା ।
ଵିରଚିତଵିଵିଧଵିଲାପଂ ସା ପରିତାପଂ ଚକାରୋଚ୍ଚୈଃ ॥ ୪୬॥
{॥ ଗୀତମ୍ ୧୩ ॥}
କଥିତସମଯେଽପି ହରିରହହ ନ ଯଯୌ ଵନମ୍ ।
ମମ ଵିଫଲମିଦମମଲରୂପମପି ଯୌଵନମ୍ ॥
ଯାମି ହେ କମିହ ଶରଣଂ ସଖୀଜନଵଚନଵଞ୍ଚିତା ॥ ୧॥
ଯଦନୁଗମନାଯ ନିଶି ଗହନମପି ଶୀଲିତମ୍ ।
ତେନ ମମ ହୃଦଯମିଦମସମଶରକୀଲିତମ୍ ॥ ୨॥ ଯାମି ହେ
ମମ ମରଣମେଵ ଵରମତିଵିତଥକେତନା ।
କିମିହ ଵିଷହାମି ଵିରହାନଲମଚେତନା ॥ ୩॥ ଯାମି ହେ
ମାମହହ ଵିଧୁରଯତି ମଧୁରମଧୁଯାମିନୀ ।
କାପି ହରିମନୁଭଵତି କୃତସୁକୃତକାମିନୀ ॥ ୪॥ ଯାମି ହେ
ଅହହ କଲଯାମି ଵଲଯାଦିମଣୀଭୂଷଣମ୍ ।
ହରିଵିରହଦହନଵହନେନ ବହୁଦୂଷଣମ୍ ॥ ୫॥ ଯାମି ହେ
କୁସୁମସୁକୁମାରତନୁମତନୁଶରଲୀଲଯା ।
ସ୍ରଗପି ହୃଦି ହନ୍ତି ମାମତିଵିଷମଶୀଲଯା ॥ ୬॥ ଯାମି ହେ
ଅହମିହ ନିଵସାମି ନ ଗଣିତଵନଵେତସା ।
ସ୍ମରତି ମଧୁସୂଦନୋ ମାମପି ନ ଚେତସା ॥ ୭॥ ଯାମି ହେ
ହରିଚରଣଶରଣଜଯଦେଵକଵିଭାରତୀ ।
ଵସତୁ ହୃଦି ଯୁଵତିରିଵ କୋମଲକଲାଵତୀ ॥ ୮॥ ଯାମି ହେ
ତତ୍କିଂ କାମପି କାମିନୀମଭିସୃତଃ କିଂ ଵା କଲାକେଲିଭି-
ର୍ବଦ୍ଧୋ ବନ୍ଧୁଭିରନ୍ଧକାରିଣି ଵନୋପାନ୍ତେ କିମୁ ଭ୍ରାମ୍ଯତି ।
କାନ୍ତଃ କ୍ଲାନ୍ତମନା ମନାଗପି ପଥି ପ୍ରସ୍ଥାତୁମେଵାକ୍ଷମଃ
ସଂକେତୀକୃତମଞ୍ଜୁଵଞ୍ଜୁଲଲତାକୁଞ୍ଜେଽପି ଯନ୍ନାଗତଃ ॥ ୪୭॥
ଅଥାଗତଂ ମାଧଵମନ୍ତରେଣ
ସଖୀମିଯଂ ଵୀକ୍ଷ୍ଯ ଵିଷାଦମୂକାମ୍ ।
ଵିଶଙ୍କମନା ରମିତଂ କଯାପି
ଜନାର୍ଦନଂ ଦୃଷ୍ଟଵଦେତଦାହ ॥ ୪୮॥
{॥ ଗୀତମ୍ ୧୪ ॥}
ସ୍ମରସମରୋଚିତଵିରଚିତଵେଶା ।
ଗଲିତକୁସୁମଦରଵିଲୁଲିତକେଶା ॥
କାପି ମଧୁରିପୁଣା ଵିଲସତି ଯୁଵତିରଧିକଗୁଣା ॥ ୧॥
ହରିପରିରମ୍ଭଣଵଲିତଵିକାରା ।
କୁଚକଲଶୋପରି ତରଲିତହାରା ॥ ୨॥ କାପି ମଧୁରିପୁଣା
ଵିଚଲଦଲକଲଲିତାନନଚନ୍ଦ୍ରା ।
ତଦଧରପାନରଭସକୃତତନ୍ଦ୍ରା ॥ ୩॥ କାପି ମଧୁରିପୁଣା
ଚଞ୍ଚଲକୁଣ୍ଡଲଦଲିତକପୋଲା ।
ମୁଖରିତରଶନଜଘନଗଲିତଲୋଲା ॥ ୪॥ କାପି ମଧୁରିପୁଣା
ଦଯିତଵିଲୋକିତଲଜ୍ଜିତହସିତା ।
ବହୁଵିଧକୂଜିତରତିରସରସିତା ॥ ୫॥ କାପି ମଧୁରିପୁଣା
ଵିପୁଲପୁଲକପୃଥୁଵେପଥୁଭଙ୍ଗା ।
ଶ୍ଵସିତନିମୀଲିତଵିକସଦନଙ୍ଗା ॥ ୬॥ କାପି ମଧୁରିପୁଣା
ଶ୍ରମଜଲକଣଭରସୁଭଗଶରୀରା ।
ପରିପତିତୋରସି ରତିରଣଧୀରା ॥ ୭॥ କାପି ମଧୁରିପୁଣା
ଶ୍ରୀଜଯଦେଵଭଣିତହରିରମିତମ୍ ।
କଲିକଲୁଷଂ ଜନଯତୁ ପରିଶମିତମ୍ ॥ ୮॥ କାପି ମଧୁରିପୁଣା
ଵିରହପାଣ୍ଡୁମୁରାରିମୁଖାମ୍ବୁଜ-
ଦ୍ଯୁତିରିଯଂ ତିରଯନ୍ନପି ଵେଦନାମ୍ । var ଚେତନାମ୍
ଵିଧୁରତୀଵ ତନୋତି ମନୋଭୁଵଃ
ସୁହୃଦଯେ ହୃଦଯେ ମଦନଵ୍ଯଥାମ୍ ॥ ୪୯।
{॥ ଗୀତମ୍ ୧୫ ॥}
ସମୁଦିତମଦନେ ରମଣୀଵଦନେ ଚୁମ୍ବନଵଲିତାଧରେ ।
ମୃଗମଦତିଲକଂ ଲିଖତି ସପୁଲକଂ ମୃଗମିଵ ରଜନୀକରେ ॥
ରମତେ ଯମୁନାପୁଲିନଵନେ ଵିଜଯୀ ମୁରାରିରଧୁନା ॥ ୧॥
ଘନଚଯରୁଚିରେ ରଚଯତି ଚିକୁରେ ତରଲିତତରୁଣାନନେ ।
କୁରବକକୁସୁମଂ ଚପଲାସୁଷମଂ ରତିପତିମୃଗକାନନେ ॥ ୨॥ ରମତେ
ଘଟଯତି ସୁଘନେ କୁଚଯୁଗଗଗନେ ମୃଗମଦରୁଚିରୂଷିତେ ।
ମଣିସରମମଲଂ ତାରକପଟଲଂ ନଖପଦଶଶିଭୂଷିତେ ॥ ୩॥ ରମତେ
ଜିତବିସଶକଲେ ମୃଦୁଭୁଜଯୁଗଲେ କରତଲନଲିନୀଦଲେ ।
ମରକତଵଲଯଂ ମଧୁକରନିଚଯଂ ଵିତରତି ହିମଶୀତଲେ ॥ ୪॥ ରମତେ
ରତିଗୃହଜଘନେ ଵିପୁଲାପଘନେ ମନସିଜକନକାସନେ ।
ମଣିମଯରସନଂ ତୋରଣହସନଂ ଵିକିରତି କୃତଵାସନେ ॥ ୫॥ ରମତେ
ଚରଣକିସଲଯେ କମଲାନିଲଯେ ନଖମଣିଗଣପୂଜିତେ ।
ବହିରପଵରଣଂ ଯାଵକଭରଣଂ ଜନଯତି ହୃଦି ଯୋଜିତେ ॥ ୬॥ ରମତେ
ରମଯତି ସୁଦୃଶଂ କାମପି ସୁଭୃଶଂ ଖଲହଲଧରସୋଦରେ ।
କିମଫଲମଵସଂ ଚିରମିହ ଵିରସଂ ଵଦ ସଖି ଵିଟପୋଦରେ ॥ ୭॥ ରମତେ
ଇହ ରସଭଣନେ କୃତହରିଗୁଣନେ ମଧୁରିପୁପଦସେଵକେ ।
କଲିଯୁଗଚରିତଂ ନ ଵସତୁ ଦୁରିତଂ କଵିନୃପଜଯଦେଵକେ ॥ ୮॥ ରମତେ
ନାଯାତଃ ସଖି ନିର୍ଦଯୋ ଯଦି ଶଠସ୍ତ୍ଵଂ ଦୂତି କିଂ ଦୂଯସେ
ସ୍ଵଚ୍ଛନ୍ଦଂ ବହୁଵଲ୍ଲଭଃ ସ ରମତେ କିଂ ତତ୍ର ତେ ଦୂଷଣମ୍ ।
ପଶ୍ଯାଦ୍ଯ ପ୍ରିଯସଙ୍ଗମାଯ ଦଯିତସ୍ଯାକୃଷ୍ଯମାଣଂ ଗୁଣୈ-
ରୁତ୍କଣ୍ଠାର୍ତିଭରାଦିଵ ସ୍ଫୁଟଦିଦଂ ଚେତଃ ସ୍ଵଯଂ ଯାସ୍ଯତି ॥ ୫୦॥
{॥ ଗୀତମ୍ ୧୬ ॥}
ଅନିଲତରଲକୁଵଲଯନଯନେନ ।
ତପତି ନ ସା କିସଲଯଶଯନେନ ॥
ସଖି ଯା ରମିତା ଵନମାଲିନା ॥ ୧॥
ଵିକସିତସରସିଜଲଲିତମୁଖେନ ।
ସ୍ଫୁଟତି ନ ସା ମନସିଜଵିଶିଖେନ ॥ ୨॥ ସଖି ଯା
ଅମୃତମଧୁରମୃଦୁତରଵଚନେନ ।
ଜ୍ଵଲତି ନ ସା ମଲଯଜପଵନେନ ॥ ୩॥ ସଖି ଯା
ସ୍ଥଲଜଲରୁହରୁଚିକରଚରଣେନ ।
ଲୁଠତି ନ ସା ହିମକରକିରଣେନ ॥ ୪॥ ସଖି ଯା
ସଜଲଜଲଦସମୁଦଯରୁଚିରେଣ ।
ଦଲତି ନ ସା ହୃଦି ଵିହରଭରେଣ ॥ ୫॥ ସଖି ଯା var - ଚିରଵିରହେଣ
କନକନିକଷରୁଚିଶୁଚିଵସନେନ ।
ଶ୍ଵସିତି ନ ସା ପରିଜନହସନେନ ॥ ୬॥ ସଖି ଯା
ସକଲଭୁଵନଜନଵରତରୁଣେନ ।
ଵହତି ନ ସା ରୁଜମତିକରୁଣେନ ॥ ୭॥ ସଖି ଯା
ଶ୍ରୀଜଯଦେଵଭଣିତଵଚନେନ ।
ପ୍ରଵିଶତୁ ହରିରପି ହୃଦଯମନେନ ॥ ୮॥ ସଖି ଯା
ମନୋଭଵାନନ୍ଦନ ଚନ୍ଦନାନିଲ
ପ୍ରସୀଦ ରେ ଦକ୍ଷିଣ ମୁଞ୍ଚ ଵାମତାମ୍ ।
କ୍ଷଣଂ ଜଗତ୍ପ୍ରାଣ ଵିଧାଯ ମାଧଵଂ
ପୁରୋ ମମ ପ୍ରାଣହରୋ ଭଵିଷ୍ଯସି ॥ ୫୧॥
ରିପୁରିଵ ସଖୀସଂଵାସୋଽଯଂ ଶିଖୀଵ ହିମାନିଲୋ
ଵିଷମିଵ ସୁଧାରଶ୍ମିର୍ଯସ୍ମିନ୍ଦୁନୋତି ମନୋଗତେ ।
ହୃଦଯମଦଯେ ତସ୍ମିନ୍ନେଵଂ ପୁନର୍ଵଲତେ ବଲାତ୍
କୁଵଲଯଦୃଶାଂ ଵାମଃ କାମୋ ନିକାମନିରଙ୍କୁଶଃ ॥ ୫୨॥
ବାଧାଂ ଵିଧେହି ମଲଯାନିଲ ପଞ୍ଚବାଣ
ପ୍ରାଣାନ୍ଗୃହାଣ ନ ଗୃହଂ ପୁନରାଶ୍ରଯିଷ୍ଯେ ।
କିଂ ତେ କୃତାନ୍ତଭଗିନି କ୍ଷମଯା ତରଙ୍ଗୈ-
ରଙ୍ଗାନି ସିଞ୍ଚ ମମ ଶାମ୍ଯତୁ ଦେହଦାହଃ ॥ ୫୩॥
ପ୍ରାତର୍ନୀଲନିଚୋଲମଚ୍ଯୁତମୁରସ୍ସଂଵୀତପୀତାମ୍ବରଂ
ରାଧାଯାଶ୍ଚକିତଂ ଵିଲୋକ୍ଯ ହସତି ସ୍ଵୈରଂ ସଖୀମଣ୍ଡଲେ ।
ଵ୍ରୀଲାଚଞ୍ଚଲମଞ୍ଚଲଂ ନଯନଯୋରାଧାଯ ରାଧାନନେ
ଗୂଢଂ ସ୍ମେରମୁଖୋଽଯମସ୍ତୁ ଜଗଦାନନ୍ଦାଯ ନନ୍ଦାତ୍ମଜଃ ॥ ୫୪॥
॥ ଇତି ଗୀତଗୋଵିନ୍ଦେ ଵିପ୍ରଲବ୍ଧାଵର୍ଣନେ ନାଗନାରାଯଣୋ ନାମ ସପ୍ତମଃ ସର୍ଗଃ ॥
iତି
cହପ୍ତେର୍{॥ ଅଷ୍ଟମଃ ସର୍ଗଃ ॥}
{॥ ଵିଲକ୍ଷ୍ଯଲକ୍ଷ୍ମୀପତିଃ ॥}
ଅଥ କଥମପି ଯାମିନୀଂ ଵିନୀଯ
ସ୍ମରଶରଜର୍ଜରିତାପି ସା ପ୍ରଭାତେ ।
ଅନୁନଯଵଚନଂ ଵଦନ୍ତମଗ୍ରେ
ପ୍ରଣତମପି ପ୍ରିଯମାହ ସାଭ୍ଯସୂଯମ୍ ॥ ୫୫॥
{॥ ଗୀତମ୍ ୧୭ ॥}
ରଜନିଜନିତଗୁରୁଜାଗରରାଗକଷାଯିତମଲସନିଵେଶମ୍ ।
ଵହତି ନଯନମନୁରାଗମିଵ ସ୍ଫୁଟମୁଦିତରସାଭିନିଵେଶମ୍ ॥
ହରିହରି ଯାହି ମାଧଵ ଯାହି କେଶଵ ମା ଵଦ କୈତଵଵାଦଂ
ତାମନୁସର ସରସୀରୁହଲୋଚନ ଯା ତଵ ହରତି ଵିଷାଦମ୍ ॥ ୧॥
କଜ୍ଜଲମଲିନଵିଲୋଚନଚୁମ୍ବନଵିରଚିତନୀଲିମରୂପମ୍ ।
ଦଶନଵସନମରୁଣଂ ତଵ କୃଷ୍ଣ ତନୋତି ତନୋରନୁରୂପମ୍ ॥ ୨॥ ଯାହି ମାଧଵ
ଵପୁରନୁହରତି ତଵ ସ୍ମରସଙ୍ଗରଖରନଖରକ୍ଷତରେଖମ୍ ।
ମରକତଶକଲକଲିତକଲଧୌତଲିପିରେଵ ରତିଜଯଲେଖମ୍ ॥ ୩॥ ଯାହି ମାଧଵ
ଚରଣକମଲଗଲଦଲକ୍ତକସିକ୍ତମିଦଂ ତଵ ହୃଦଯମୁଦାରମ୍ ।
ଦର୍ଶଯତୀଵ ବହିର୍ମଦନଦ୍ରୁମନଵକିସଲଯପରିଵାରମ୍ ॥ ୪॥ ଯାହି ମାଧଵ
ଦଶନପଦଂ ଭଵଦଧରଗତଂ ମମ ଜନଯତି ଚେତସି ଖେଦମ୍ ।
କଥଯତି କଥମଧୁନାପି ମଯା ସହ ତଵ ଵପୁରେତଦଭେଦମ୍ ॥ ୫॥ ଯାହି ମାଧଵ
ବହିରିଵ ମଲିନତରଂ ତଵ କୃଷ୍ଣ ମନୋଽପି ଭଵିଷ୍ଯତି ନୂନମ୍ ।
କଥମଥ ଵଞ୍ଚଯସେ ଜନମନୁଗତମସମଶରଜ୍ଵରଦୂନମ୍ ॥ ୬॥ ଯାହି ମାଧଵ
ଭ୍ରମତି ଭଵାନବଲାକଵଲାଯ ଵନେଷୁ କିମତ୍ର ଵିଚିତ୍ରମ୍ ।
ପ୍ରଥଯତି ପୂତନିକୈଵ ଵଧୂଵଧନିର୍ଦଯବାଲଚରିତ୍ରମ୍ ॥ ୭॥ ଯାହି ମାଧଵ
ଶ୍ରୀଜଯଦେଵଭଣିତରତିଵଞ୍ଚିତଖଣ୍ଡିତଯୁଵତିଵିଲାପମ୍ ।
ଶୃଣୁତ ସୁଧାମଧୁରଂ ଵିବୁଧା ଵିବୁଧାଲଯତୋଽପି ଦୁରାପମ୍ ॥ ୮॥ ଯାହି ମାଧଵ
ତଦେଵଂ ପଶ୍ଯନ୍ତ୍ଯାଃ ପ୍ରସରଦନୁରାଗଂ ବହିରିଵ
ପ୍ରିଯାପାଦାଲକ୍ତଚ୍ଛୁରିତମରୁଣଚ୍ଛାଯହୃଦଯମ୍ ।
ମମାଦ୍ଯ ପ୍ରଖ୍ଯାତପ୍ରଣଯଭରଭଙ୍ଗେନ କିତଵ
ତ୍ଵଦାଲୋକଃ ଶୋକାଦପି କିମପି ଲଜ୍ଜାଂ ଜନଯତି ॥ ୫୬॥
ଅନ୍ତର୍ମୋହନମୌଲିଘୂର୍ଣନଚଲନ୍ମନ୍ଦାରଵିସ୍ରଂସନଃ
ସ୍ତବ୍ଧାକର୍ଷଣଲୋଚନୋତ୍ସଵମହାମନ୍ତ୍ରଃ କୁରଙ୍ଗୀଦୃଶାମ୍ ।
ଦୃପ୍ଯଦ୍ଦାନଵଦୂଯମାନଦିଵିଷଦ୍ଦୂର୍ଵାରଦୁର୍ଵେଦନା-
ଦ୍ଧ୍ଵଂସଃ କଂସରିପୋଃ ପ୍ରରୋପଯତୁ ଵଃ ଶ୍ରେଯାଂସି ଵଂଶୀରଵଃ ॥ ୫୭॥
ଇତି ଗୀତଗୋଵିନ୍ଦେ ଖଣ୍ଡିତାଵର୍ଣନେ ଵିଲକ୍ଷ୍ଯଲକ୍ଷ୍ମୀପତିର୍ନାମ ଅଷ୍ଠମଃ ସର୍ଗଃ ॥
iତି
cହପ୍ତେର୍{॥ ନଵମଃ ସର୍ଗଃ ॥}
{॥ ମନ୍ଦମୁକୁନ୍ଦଃ ॥}
ତାମଥ ମନ୍ମଥଖିନ୍ନାଂ
ରତିରସଭିନ୍ନାଂ ଵିଷାଦସମ୍ପନ୍ନାମ୍ ।
var - ଅଥ ତାଂ ମନ୍ମଥଖିନ୍ନାଂ ରତିରସଭିନ୍ନାଂ ଵିଵାଦସମ୍ପନ୍ନାମ୍
ଅନୁଚିନ୍ତିତହରିଚରିତାଂ
କଲହାନ୍ତରିତାମୁଵାଚ ସଖୀ ॥ ୫୮॥
{॥ ଗୀତମ୍ ୧୮ ॥}
ହରିରଭିସରତି ଵହତି ମଧୁପଵନେ ।
କିମପରମଧିକସୁଖଂ ସଖି ଭୁଵନେ ॥
ମାଧଵେ ମା କୁରୁ ମାନିନି ମାନମଯେ ॥ ୧॥
ତାଲଫଲାଦପି ଗୁରୁମତିସରସମ୍ ।
କିଂ ଵିଫଲୀକୁରୁଷେ କୁଚକଲଶମ୍ ॥ ୨॥ ମାଧଵେ
କତି ନ କଥିତମିଦମନୁପଦମଚିରମ୍ ।
ମା ପରିହର ହରିମତିଶଯରୁଚିରମ୍ ॥ ୩॥ ମାଧଵେ
କିମିତି ଵିଷୀଦସି ରୋଦିଷି ଵିକଲା ।
ଵିହସତି ଯୁଵତିସଭା ତଵ ସକଲା ॥ ୪॥ ମାଧଵେ
ମୃଦୁନଲିନୀଦଲଶୀତଲଶଯନେ ।
ହରିମଵଲୋକଯ ସଫଲଯ ନଯନେ ॥ ୫॥ ମାଧଵେ
ଜନଯସି ମନସି କିମିତି ଗୁରୁଖେଦମ୍ ।
ଶୃଣୁ ମମ ଵଚନମନୀହିତଭେଦମ୍ ॥ ୬॥ ମାଧଵେ
ହରିରୁପଯାତୁ ଵଦତୁ ବହୁମଧୁରମ୍ ।
କିମିତି କରୋଷି ହୃଦଯମତିଵିଧୁରମ୍ ॥ ୭॥ ମାଧଵେ
ଶ୍ରୀଜଯଦେଵଭଣିତମତିଲଲିତମ୍ ।
ସୁଖଯତୁ ରସିକଜନଂ ହରିଚରିତମ୍ ॥ ୮॥ ମାଧଵେ
ସ୍ନିଗ୍ଧେ ଯତ୍ପରୁଷାସି ଯତ୍ପ୍ରଣମତି ସ୍ତବ୍ଧାସି ଯଦ୍ରାଗିଣି
ଦ୍ଵେଷସ୍ଥାସି ଯଦୁନ୍ମୁଖେ ଵିମୁଖତାଂ ଯାତାସି ତସ୍ମିନ୍ପ୍ରିଯେ ।
ତଦ୍ଯୁକ୍ତଂ ଵିପରୀତକାରିଣି ତଵ ଶ୍ରୀଖଣ୍ଡଚର୍ଚା ଵିଷଂ var - ଯୁକ୍ତଂ ତଦ୍
ଶୀତାଂଶୁସ୍ତପନୋ ହିମଂ ହୁତଵହଃ କ୍ରୀଡାମୁଦୋ ଯାତନାଃ ॥ ୫୯॥
ସାନ୍ଦ୍ରାନନ୍ଦପୁରନ୍ଦରାଦିଦିଵିଷଦ୍ଵୃନ୍ଦୈରମନ୍ଦାଦରା-
ଦାନମ୍ରୈର୍ମକୁଟେନ୍ଦ୍ରନୀଲମଣିଭିଃ ସନ୍ଦର୍ଶିତେନ୍ଦିନ୍ଦିରମ୍ ।
ସ୍ଵଚ୍ଛନ୍ଦଂ ମକରନ୍ଦସୁନ୍ଦରଗଲନ୍ମନ୍ଦାକିନୀମେଦୁରଂ
ଶ୍ରୀଗୋଵିନ୍ଦପଦାରଵିନ୍ଦମଶୁଭସ୍କନ୍ଦାଯ ଵନ୍ଦାମହେ ॥ ୬୦॥
॥ ଇତି ଗୀତଗୋଵିନ୍ଦେ କଲହାନ୍ତରିତାଵର୍ଣନେ ମନ୍ଦମୁକୁନ୍ଦୋ ନାମ ନଵମଃ ସର୍ଗଃ ॥
iତି
cହପ୍ତେର୍{॥ ଦଶମଃ ସର୍ଗଃ ॥}
{॥ ଚତୁରଚତୁର୍ଭୁଜଃ ॥}
ଅତ୍ରାନ୍ତରେ ମସୃଣରୋଷଵଶାମସୀମ-
ନିଃଶ୍ଵାସନିଃସହମୁଖୀଂ ସୁମୁଖୀମୁପେତ୍ଯ । var - ସମୁପେତ୍ଯ ରାଧାମ୍
ସଵ୍ରୀଡମୀକ୍ଷିତସଖୀଵଦନାଂ ଦିନାନ୍ତେ
ସାନନ୍ଦଗଦ୍ଗଦପଦଂ ହରିରିତ୍ଯୁଵାଚ ॥ ୬୧॥ var - ଵିଦଂ
{॥ ଗୀତମ୍ ୧୯ ॥}
ଵଦସି ଯଦି କିଂଚିଦପି ଦନ୍ତରୁଚିକୌମୁଦୀ
ହରତି ଦରତିମିରମତିଘୋରମ୍ ।
ସ୍ଫୁରଦଧରସୀଧଵେ ତଵ ଵଦନଚନ୍ଦ୍ରମା
ରୋଚଯତି ଲୋଚନଚକୋରମ୍ ॥
ପ୍ରିଯେ ଚାରୁଶୀଲେ ମୁଞ୍ଚ ମଯି ମାନମନିଦାନଂ
ସପଦି ମଦନାନଲୋ ଦହତି ମମ ମାନସଂ
ଦେହି ମୁଖକମଲମଧୁପାନମ୍ ॥ ୧॥
ସତ୍ଯମେଵାସି ଯଦି ସୁଦତି ମଯି କୋପିନୀ
ଦେହି ଖରନଖରଶରଘାତମ୍ ।
ଘଟଯ ଭୁଜବନ୍ଧନଂ ଜନଯ ରଦଖଣ୍ଡନଂ
ଯେନ ଵା ଭଵତି ସୁଖଜାତମ୍ ॥ ୨॥ ପ୍ରିଯେ ଚାରୁଶୀଲେ
ତ୍ଵମସି ମମ ଭୂଷଣଂ ତ୍ଵମସି ମମ ଜୀଵନଂ
ତ୍ଵମସି ମମ ଭଵଜଲଧିରତ୍ନମ୍ ।
ଭଵତୁ ଭଵତୀହ ମଯି ସତତମନୋରୋଧିନୀ
ତତ୍ର ମମ ହୃଦଯମତିଯତ୍ନମ୍ ॥ ୩॥ ପ୍ରିଯେ ଚାରୁଶୀଲେ
ନୀଲନଲିନାଭମପି ତନ୍ଵି ତଵ ଲୋଚନଂ
ଧାରଯତି କୋକନଦରୂପମ୍ ।
କୁସୁମଶରବାଣଭାଵେନ ଯଦି ରଞ୍ଜଯସି
କୃଷ୍ଣମିଦମେତଦନୁରୂପମ୍ ॥ ୪॥ ପ୍ରିଯେ ଚାରୁଶୀଲେ
ସ୍ଫୁରତୁ କୁଚକୁମ୍ଭଯୋରୁପରି ମଣିମଞ୍ଜରୀ
ରଞ୍ଜଯତୁ ତଵ ହୃଦଯଦେଶମ୍ ।
ରସତୁ ରଶନାପି ତଵ ଘନଜଘନମଣ୍ଡଲେ
ଘୋଷଯତୁ ମନ୍ମଥନିଦେଶମ୍ ॥ ୫॥ ପ୍ରିଯେ ଚାରୁଶୀଲେ
ସ୍ଥଲକମଲଗଞ୍ଜନଂ ମମ ହୃଦଯରଞ୍ଜନଂ
ଜନିତରତିରଙ୍ଗପରଭାଗମ୍ ।
ଭଣ ମସୃଣଵାଣି କରଵାଣି ପଦପଙ୍କଜଂ var - ଚରଣଦ୍ଵଯଂ
ସରସଲସଦଲକ୍ତକରାଗମ୍ ॥ ୬॥ ପ୍ରିଯେ ଚାରୁଶୀଲେ
ସ୍ମରଗରଲଖଣ୍ଡନଂ ମମ ଶିରସି ମଣ୍ଡନଂ
ଦେହି ପଦପଲ୍ଲଵମୁଦାରମ୍ ।
ଜ୍ଵଲତି ମଯି ଦାରୁଣୋ ମଦନକଦନାରୁଣୋ var - ନାନଲୋ
ହରତୁ ତଦୁପାହିତଵିକାରମ୍ ॥ ୭॥ ପ୍ରିଯେ ଚାରୁଶୀଲେ
ଇତି ଚଟୁଲଚାଟୁପଟୁଚାରୁ ମୁରଵୈରିଣୋ
ରାଧିକାମଧି ଵଚନଜାତମ୍ ।
ଜଯତି ପଦ୍ମାଵତୀରମଣଜଯଦେଵକଵି-
ଭାରତୀଭଣିତମିତିଗୀତମ୍ ॥ ୮॥ ପ୍ରିଯେ ଚାରୁଶୀଲେ
ପରିହର କୃତାତଙ୍କେ ଶଙ୍କାଂ ତ୍ଵଯା ସତତଂ ଘନ-
ସ୍ତନଜଘନଯାକ୍ରାନ୍ତେ ସ୍ଵାନ୍ତେ ପରାନଵକାଶିନି ।
ଵିଶତି ଵିତନୋରନ୍ଯୋ ଧନ୍ଯୋ ନ କୋଽପି ମମାନ୍ତରଂ
ସ୍ତନଭରପରୀରମ୍ଭାରମ୍ଭେ ଵିଧେହି ଵିଧେଯତାମ୍ ॥ ୬୨॥
ମୁଗ୍ଧେ ଵିଧେହି ମଯି ନିର୍ଦଯଦନ୍ତଦଂଶ-
ଦୋର୍ଵଲ୍ଲିବନ୍ଧନିବିଡସ୍ତନପୀଡନାନି ।
ଚଣ୍ଡି ତ୍ଵମେଵ ମୁଦମଞ୍ଚ ନ ପଞ୍ଚବାଣ-
ଚଣ୍ଡାଲକାଣ୍ଡଦଲନାଦସଵଃ ପ୍ରଯାନ୍ତୁ ॥ ୬୩॥
ଵ୍ଯଥଯତି ଵୃଥା ମୌନଂ ତନ୍ଵି ପ୍ରପଞ୍ଚଯ ପଞ୍ଚମଂ
ତରୁଣି ମଧୁରାଲାପୈସ୍ତାପଂ ଵିନୋଦଯ ଦୃଷ୍ଟିଭିଃ ।
ସୁମୁଖି ଵିମୁଖୀଭାଵଂ ତାଵଦ୍ଵିମୁଞ୍ଚ ନ ମୁଞ୍ଚ ମାଂ var - ଵଞ୍ଚଯ
ସ୍ଵଯମତିଶଯସ୍ନିଗ୍ଧୋ ମୁଗ୍ଧେ ପ୍ରିଯୋଽହମୁପସ୍ଥିତଃ ॥ ୬୪॥
ବନ୍ଧୂକଦ୍ଯୁତିବାନ୍ଧଵୋଽଯମଧରଃ ସ୍ନିଗ୍ଧୋ ମଧୂକଚ୍ଛଵି-
ର୍ଗଣ୍ଡଶ୍ଚଣ୍ଡି ଚକାସ୍ତି ନୀଲନଲିନଶ୍ରୀମୋଚନଂ ଲୋଚନମ୍ ।
ନାସାଭ୍ଯେତି ତିଲପ୍ରସୂନପଦଵୀଂ କୁନ୍ଦାଭଦାନ୍ତି ପ୍ରିଯେ
ପ୍ରାଯସ୍ତ୍ଵନ୍ମୁଖସେଵଯା ଵିଜଯତେ ଵିଶ୍ଵଂ ସ ପୁଷ୍ପାଯୁଧଃ ॥ ୬୫॥
ଦୃଶୌ ତଵ ମଦାଲସେ ଵଦନମିନ୍ଦୁସନ୍ଦୀପକଂ var - ମତ୍ଯାନ୍ଵିତଂ
ଗତିର୍ଜନମନୋରମା ଵିଧୁତରମ୍ଭମୂରୁଦ୍ଵଯମ୍ ।
ରତିସ୍ତଵ କଲାଵତୀ ରୁଚିରଚିତ୍ରଲେଖେ ଭ୍ରୁଵା-
ଵହୋ ଵିବୁଧଯୌଵନଂ ଵହସି ତନ୍ଵୀ ପୃଥ୍ଵୀଗତା ॥ ୬୬॥
ଶଶିମୁଖି ତଵ ଭାତି ଭଙ୍ଗୁରଭ୍ରୂର୍ଯୁଵଜନମୋହନକରାଲକାଲସର୍ପୀ ।
ତଦୁଦିତଵିଷଭେଷଜଂ ତ୍ଵିହୈକା ତ୍ଵଦଧରଶୀଥୁସୁଧୈଵ ଭାଗ୍ଯଭୋଗ୍ଯା ॥ ୬୭॥
ପ୍ରୀତିଂ ଵସ୍ତନୁତାଂ ହରିଃ କୁଵଲଯାପୀଡେନ ସାର୍ଧଂ ରଣେ var - ସା ପ୍ରୀତିଂ ତନୁତାଂ
ରାଧାପୀନପଯୋଧରସ୍ମରଣକୃତ୍କୁମ୍ଭେନ ସମ୍ଭେଦଵାନ୍ ।
ଯତ୍ର ସ୍ଵିଦ୍ଯତି ମୀଲତି କ୍ଷଣମଭୂତ୍କ୍ଷିପ୍ତଦ୍ଵିପେଽପି କ୍ଷଣାତ୍
କଂସସ୍ଯାଥ ବଲେ ଜିତଂ ଜିତମିତି ଵ୍ଯାମୋହକୋଲାହଲଃ ॥ ୬୮॥
var -: last 2 lines
ପତ୍ରେ ବିଭ୍ଯତି ମୀଲତି କ୍ଷଣମପି କ୍ଷିପ୍ରଂ ତଦାଲୋକନାଦ୍-
ଵ୍ଯାମୋହେନ ଜିତଂ ଜିତଂ ଜିତମିତି ଵ୍ଯାଲୋଲକୋଲାହଲଃ ॥
॥ ଇତି ଶ୍ରୀଗୀତଗୋଵିନ୍ଦେ ମାନିନୀଵର୍ଣନେ ଚତୁରଚତୁର୍ଭୁଜୋ ନାମ ଦଶମଃ ସର୍ଗଃ ॥
iତି
cହପ୍ତେର୍{॥ ଏକାଦଶଃ ସର୍ଗଃ ॥}
{॥ ସାନନ୍ଦଦାମୋଦରଃ ॥}
ସୁଚିରମନୁନଯେନ ପ୍ରୀଣଯିତ୍ଵା ମୃଗାକ୍ଷୀଂ
ଗତଵତି କୃତଵେଶେ କେଶଵେ କୁଞ୍ଜଶଯ୍ଯାମ୍ ।
ରଚିତରୁଚିରଭୂଷାଂ ଦୃଷ୍ଟିମୋଷେ ପ୍ରଦୋଷେ
ସ୍ଫୁରତି ନିରଵସାଦାଂ କାପି ରାଧାଂ ଜଗାଦ ॥ ୬୯॥
{॥ ଗୀତମ୍ ୨୦ ॥}
ଵିରଚିତଚାଟୁଵଚନରଚନଂ ଚରଣେ ରଚିତପ୍ରଣିପାତମ୍ ।
var - : ଵିରଚିତଚାଟୁଵଚନେନ ଚରଣରଚିତପ୍ରଣିପାତମ୍
ସମ୍ପ୍ରତି ମଞ୍ଜୁଲଵଞ୍ଜୁଲସୀମନି କେଲିଶଯନମନୁଯାତମ୍ ॥
ମୁଗ୍ଧେ ମଧୁମଥନମନୁଗତମନୁସର ରାଧିକେ ॥ ୧॥
ଘନଜଘନସ୍ତନଭାରଭରେ ଦରମନ୍ଥରଚରଣଵିହାରମ୍ ।
ମୁଖରିତମଣୀମଞ୍ଜୀରମୁପୈହି ଵିଧେହି ମରାଲଵିକାରମ୍ ॥ ୨॥ ମୁଗ୍ଧେ
ଶୃଣୁ ରମଣୀଯତରଂ ତରୁଣୀଜନମୋହନମଧୁରିପୁରାଵମ୍ ।
କୁସୁମଶରାସନଶାସନଵେନ୍ଦିନି ପିକନିକରେ ଭଜ ଭାଵମ୍ ॥ ୩॥ ମୁଗ୍ଧେ var - ବନ୍ଦିନି
ଅନିଲତରଲକିସଲଯନିକରେଣ କରେଣ ଲତାନିକୁରମ୍ବମ୍ ।
ପ୍ରେରଣମିଵ କରଭୋରୁ କରୋତି ଗତିଂ ପ୍ରତିମୁଞ୍ଚ ଵିଲମ୍ବମ୍ ॥ ୪॥ ମୁଗ୍ଧେ
ସ୍ଫୁରିତମନଙ୍ଗତରଙ୍ଗଵଶାଦିଵ ସୂଚିତହରିପରିରମ୍ଭମ୍ ।
ପୃଚ୍ଛ ମନୋହରହାରଵିମଲଜଲଧାରମମୁଂ କୁଚକୁମ୍ଭମ୍ ॥ ୫॥ ମୁଗ୍ଧେ
ଅଧିଗତମଖିଲସଖୀଭିରିଦଂ ତଵ ଵପୁରପି ରତିରଣସଜ୍ଜମ୍ ।
ଚଣ୍ଡି ରଣିତରଶନାରଵଡିଣ୍ଡିମମଭିସର ସରସମଲଜ୍ଜମ୍ ॥ ୬॥ ମୁଗ୍ଧେ
ସ୍ମରଶରସୁଭଗନଖେନ କରେଣ ସଖୀମଵଲମ୍ବ୍ଯ ସଲୀଲମ୍ । var - ସଖୀମଵଲମ୍ବ୍ଯ କରେଣ
ଚଲ ଵଲଯକ୍ଵଣୀତୈରଵବୋଧଯ ହରମପି ନିଜଗତିଶୀଲମ୍ ॥ ୭॥ ମୁଗ୍ଧେ
ଶ୍ରୀଜଯଦେଵଭଣିତମଧରୀକୃତହାରମୁଦାସିତଵାମମ୍ ।
ହରିଵିନିହିତମନସାମଧିତିଷ୍ଠତୁ କଣ୍ଠତଟୀମଵିରାମମ୍ ॥ ୮॥ ମୁଗ୍ଧେ
ସା ମାଂ ଦ୍ରକ୍ଷ୍ଯତି ଵକ୍ଷ୍ଯତି ସ୍ମରକଥାଂ ପ୍ରତ୍ଯଙ୍ଗମାଲିଙ୍ଗନୈଃ
ପ୍ରୀତିଂ ଯାସ୍ଯତି ରଂସ୍ଯତେ ସଖି ସମାଗତ୍ଯେତି ଚିନ୍ତାକୁଲଃ ।
ସ ତ୍ଵାଂ ପଶ୍ଯତି ଵେପତେ ପୁଲକଯତ୍ଯାନନ୍ଦତି ସ୍ଵିଦ୍ଯତି
ପ୍ରତ୍ଯୁଦ୍ଗଚ୍ଛତି ମୂର୍ଚ୍ଛତି ସ୍ଥିରତମଃପୁଞ୍ଜେ ନିକୁଞ୍ଜେ ପ୍ରିଯଃ ॥ ୭୦॥
ଅକ୍ଷ୍ଣୋର୍ନିକ୍ଷିପଦଞ୍ଜନଂ ଶ୍ରଵଣଯୋସ୍ତାପିଚ୍ଛଗୁଚ୍ଛାଵଲୀଂ
ମୂର୍ଧ୍ନି ଶ୍ଯାମସରୋଜଦାମ କୁଚଯୋଃ କସ୍ତୂରିକାପତ୍ରକମ୍ ।
ଧୂର୍ତାନାମଭିସାରସତ୍ଵରହୃଦାଂ ଵିଷ୍ଵଙ୍ନିକୁଞ୍ଜେ ସଖି
ଧ୍ଵାନ୍ତଂ ନୀଲନିଚୋଲଚାରୁ ସୁଦୃଶାଂ ପ୍ରତ୍ଯଙ୍ଗମାଲିଙ୍ଗତି ॥ ୭୧॥
କାଶ୍ମୀରଗୌରଵପୁଷାମଭିସାରିକାଣାମ୍
ଆବଦ୍ଧରେଖମଭିତୋ ରୁଚିମଞ୍ଜରୀଭିଃ ।
ଏତତ୍ତମାଲଦଲନୀଲତମଂ ତମିସ୍ରଂ
ତତ୍ପ୍ରେମହେମନିକଷୋପଲତାଂ ତନୋତି ॥ ୭୨॥
ହାରାଵଲୀତରଲକାଞ୍ଚନକାଞ୍ଚିଦାମ-
କେଯୂରକଙ୍କଣମଣିଦ୍ଯୁତିଦୀପିତସ୍ଯ ।
ଦ୍ଵାରେ ନିକୁଞ୍ଜନିଲଯସ୍ଯ ହରିଂ ନିରୀକ୍ଷ୍ଯ
ଵ୍ରୀଡାଵତୀମଥ ସଖୀ ନିଜଗାହ ରାଧାମ୍ ॥ ୭୩॥
{॥ ଗୀତମ୍ ୨୧ ॥}
ମଞ୍ଜୁତରକୁଞ୍ଜତଲକେଲିସଦନେ ।
ଵିଲସ ରତିରଭସହସିତଵଦନେ ॥
ପ୍ରଵିଶ ରାଧେ ମାଧଵସମୀପମିହ ॥ ୧॥
ନଵଭଵଦଶୋକଦଲଶଯନସାରେ ।
ଵିଲସ କୁଚକଲଶତରଲହାରେ ॥ ୨॥ ପ୍ରଵିଶ
କୁସୁମଚଯରଚିତଶୁଚିଵାସଗେହେ ।
ଵିଲସ କୁସୁମସୁକୁମାରଦେହେ ॥ ୩॥ ପ୍ରଵିଶ
ଚଲମଲଯଵନପଵନସୁରଭିଶୀତେ ।
ଵିଲସ ରସଵଲିତଲଲିତଗୀତେ ॥ ୪॥ ପ୍ରଵିଶ
ମଧୁମୁଦିତମଧୁପକୁଲକଲିତରାଵେ ।
ଵିଲସ ମଦନରସସରସଭାଵେ ॥ ୫॥ ପ୍ରଵିଶ var - ରଭସ
ମଧୁରତରପିକନିକରନିନଦମୁଖରେ ।
ଵିଲସ ଦଶନରୁଚିରୁଚିରଶିଖରେ ॥ ୬॥ ପ୍ରଵିଶ
ଵିତତ ବହୁଵଲ୍ଲିନଵପଲ୍ଲଵଘନେ ।
ଵିଲସ ଚିରମଲସପୀନଜଘନେ ॥ ୭॥ ପ୍ରଵିଶ
ଵିହିତପଦ୍ମାଵତୀସୁଖସମାଜେ ।
ଭଣତି ଜଯଦେଵକଵିରାଜେ ।
କୁରୁ ମୁରାରେ ମଙ୍ଗଲଶତାନି ॥ ୮॥ ପ୍ରଵିଶ
ତ୍ଵାଂ ଚିତ୍ତେନ ଚିରଂ ଵହନ୍ନଯମତିଶ୍ରାନ୍ତୋ ଭୃଶଂ ତାପିତଃ
କନ୍ଦର୍ପେଣ ତୁ ପାତୁମିଚ୍ଛତି ସୁଧାସମ୍ବାଧବିମ୍ବାଧରମ୍ ।
ଅସ୍ଯାଙ୍ଗଂ ତଦଲଂକୁରୁ କ୍ଷଣମିହ ଭ୍ରୂକ୍ଷେପଲକ୍ଷ୍ମୀଲଵ-
କ୍ରୀତେ ଦାସ ଇଵୋପସେଵିତପଦାମ୍ଭୋଜେ କୁତଃ ସମ୍ଭ୍ରମଃ ॥ ୭୪॥
ସା ସସାଧ୍ଵସସାନନ୍ଦଂ ଗୋଵିନ୍ଦେ ଲୋଲଲୋଚନା ।
ସିଞ୍ଜାନା ମଞ୍ଜୁମଞ୍ଜୀରଂ ପ୍ରଵିଵେଶ ନିଵେଶନମ୍ ॥ ୭୫॥
{॥ ଗୀତମ୍ ୨୨ ॥}
ରାଧାଵଦନଵିଲୋକନଵିକସିତଵିଵିଧଵିକାରଵିଭଙ୍ଗମ୍ ।
ଜଲନିଧିମିଵ ଵିଧୁମଣ୍ଡଲଦର୍ଶନତରଲିତତୁଙ୍ଗତରଙ୍ଗମ୍ ॥
ହରିମେକରସଂ ଚିରମଭିଲଷିତଵିଲାସଂ
ସା ଦଦାର୍ଶ ଗୁରୁହର୍ଷଵଶଂଵଦଵଦନମନଙ୍ଗନିଵାସମ୍ ॥ ୧॥
ହାରମମଲତରତାରମୁରସି ଦଧତଂ ପରିରଭ୍ଯ ଵିଦୂରମ୍ ।
ସ୍ଫୁଟତରଫେନକଦମ୍ବକରମ୍ବିତମିଵ ଯମୁନାଜଲପୂରମ୍ ॥ ୨॥ ହରିମେକରସଂ
ଶ୍ଯାମଲମୃଦୁଲକଲେଵରମଣ୍ଡଲମଧିଗତଗୌରଦୁକୂଲମ୍ ।
ନୀଲନଲିନମିଵ ପୀତପରାଗପଟଲଭରଵଲଯିତମୂଲମ୍ ॥ ୩॥ ହରିମେକରସଂ
ତରଲଦୃଗଞ୍ଚଲଚଲନମନୋହରଵଦନଜନିତରତିରାଗମ୍ ।
ସ୍ଫୁଟକମଲୋଦରଖେଲିତଖଞ୍ଜନଯୁଗମିଵ ଶରଦି ତଡାଗମ୍ ॥ ୪॥ ହରିମେକରସଂ
ଵଦନକମଲପରିଶୀଲନମିଲିତମିହିରସମକୁଣ୍ଡଲଶୋଭମ୍ ।
ସ୍ମିତରୁଚିରୁଚିରସମୁଲ୍ଲସିତାଧରପଲ୍ଲଵକୃତରତିଲୋଭମ୍ ॥ ୫॥ ହରିମେକରସଂ
ଶଶିକିରଣଚ୍ଛୁରିତୋଦରଜଲଧରସୁନ୍ଦରସକୁସୁମକେଶମ୍ ।
ତିମିରୋଦିତଵିଧୁମଣ୍ଦଲନିର୍ମଲମଲଯଜତିଲକନିଵେଶମ୍ ॥ ୬॥ ହରିମେକରସଂ
ଵିପୁଲପୁଲକଭରଦନ୍ତୁରିତଂ ରତିକେଲିକଲାଭିରଧୀରମ୍ ।
ମଣିଗଣକିରଣସମୂହସମୁଜ୍ଜ୍ଵଲଭୂଷଣସୁଭଗଶରୀରମ୍ ॥ ୭॥ ହରିମେକରସଂ
ଶ୍ରୀଜଯଦେଵଭଣିତଵିଭଵଦ୍ଵିଗୁଣୀକୃତଭୂଷଣଭାରମ୍ ।
ପ୍ରଣମତ ହୃଦି ସୁଚିରଂ ଵିନିଧାଯ ହରିଂ ସୁକୃତୋଦଯସାରମ୍ ॥ ୮॥ ହରିମେକରସଂ
var - ହୃଦି ସୁଚିରଂ ଵିନିଧାଯ ହରିଂ
ଅତିକ୍ରମ୍ଯାପାଙ୍ଗଂ ଶ୍ରଵଣପଥପର୍ଯନ୍ତଗମନ-
ପ୍ରଯାସେନେଵାକ୍ଷ୍ଣୋସ୍ତରଲତରତାରଂ ପତିତଯୋଃ ।
ଇଦାନୀଂ ରାଧାଯାଃ ପ୍ରିଯତମସମାଲୋକସମଯେ
ପପାତ ସ୍ଵେଦାମ୍ବୁପ୍ରସର ଇଵ ହର୍ଷାଶ୍ରୁନିକରଃ ॥ ୭୬॥
ଭଵନ୍ତ୍ଯାସ୍ତଲ୍ପାନ୍ତଂ କୃତକପଟକଣ୍ଡୂତିପିହିତ- var - ଭଜନ୍ତ୍ଯାସ୍ତଲ୍ପାନ୍ତଂ
ସ୍ମିତଂ ଯାତେ ଗେହାଦ୍ବହିରଵହିତାଲୀପରିଜନେ ।
ପ୍ରିଯାସ୍ଯଂ ପଶ୍ଯନ୍ତ୍ଯାଃ ସ୍ମରଶରସମାକୂଲସୁଭଗଂ var - ସ୍ମରପରଵଶାକୂତସୁଭଗଂ
ସଲଜ୍ଜା ଲଜ୍ଜାପି ଵ୍ଯଗମଦିଵ ଦୂରଂ ମୃଗଦୃଶଃ ॥ ୭୭॥
ଜଯଶ୍ରୀଵିନ୍ଯସ୍ତୈର୍ମହିତ ଇଵ ମନ୍ଦାରକୁସୁମୈଃ
ସ୍ଵଯଂ ସିନ୍ଦୂରେଣ ଦ୍ଵିପରଣମୁଦା ମୁଦ୍ରିତ ଇଵ ।
ଭୁଜାପୀଡକ୍ରୀଡାହତକୁଵଲଯାପୀଡକରିଣଃ
ପ୍ରକୀର୍ଣାସୃଗ୍ବିନ୍ଦୁର୍ଜଯତି ଭୁଜଦଣ୍ଡୋ ମୁରଜିତଃ ॥ ୭୮॥
ସୌନ୍ଦର୍ଯୈକନିଧେରନଙ୍ଗଲଲନାଲାଵଣ୍ଯଲୀଲାଜୁଷୋ
ରାଧାଯା ହୃଦି ପଲ୍ଵଲେ ମନସିଜକୀଡୈକରଙ୍ଗସ୍ଥଲେ ।
ରମ୍ଯୋରୋଜସରୋଜଖେଲନରସିତ୍ଵାଦାତ୍ମନଃ ଖ୍ଯାପଯନ୍
ଧ୍ଯାତୁର୍ମାନସରାଜହଂସନିଭତାଂ ଦେଯାନ୍ମୁକୁନ୍ଦୋ ମୁଦମ୍ ॥ ୭୯॥
॥ ଇତି ଶ୍ରୀଗୀତଗୋଵିନ୍ଦେ ରାଧିକାମିଲନେ ସାନନ୍ଦଦାମୋଦରୋ ନାମୈକାଦଶଃ ସର୍ଗଃ ॥
iତି
cହପ୍ତେର୍{॥ ଦ୍ଵାଦଶଃ ସର୍ଗଃ ॥}
{॥ ସୁପ୍ରୀତପୀତାମ୍ବରଃ ॥}
ଗତଵତି ସଖୀଵୃନ୍ଦେଽମନ୍ଦତ୍ରପାଭରନିର୍ଭର-
ସ୍ମରପରଵଶାକୂତସ୍ଫୀତସ୍ମିତସ୍ନପିତାଧରାମ୍ ।
ସରସମନସଂ ଦୃଷ୍ଟ୍ଵା ରାଧାଂ ମୁହୁର୍ନଵପଲ୍ଲଵ-
ପ୍ରସଵଶଯନେ ନିକ୍ଷିପ୍ତାକ୍ଷୀମୁଵାଚ ହରିଃ ପ୍ରିଯାମ୍ ॥ ୮୦॥
{॥ ଗୀତମ୍ ୨୩ ॥}
କିସଲଯଶଯନତଲେ କୁରୁ କାମିନି ଚରଣନଲିନଵିନିଵେଶମ୍ ।
ତଵ ପଦପଲ୍ଲଵଵୈରିପରାଭଵମିଦମନୁଭଵତୁ ସୁଵେଶମ୍ ॥
କ୍ଷଣମଧୁନା ନାରାଯଣମନୁଗତମନୁସର ରାଧିକେ ॥ ୧॥
କରକମଲେନ କରୋମି ଚରଣମହମାଗମିତାସି ଵିଦୂରମ୍ ।
କ୍ଷଣମୁପକୁରୁ ଶଯନୋପରି ମାମିଵ ନୂପୁରମନୁଗତିଶୂରମ୍ ॥ ୨॥ କ୍ଷଣମଧୁନା
ଵଦନସୁଧାନିଧିଗଲିତମମୃତମିଵ ରଚଯ ଵଚନମନୁକୂଲମ୍ ।
ଵିରହମିଵାପନଯାମି ପଯୋଧରରୋଧକମୁରସି ଦୁକୂଲମ୍ ॥ ୩॥ କ୍ଷଣମଧୁନା
ପ୍ରିଯପରିରମ୍ଭଣରଭସଵଲିତମିଵ ପୁଲକିତମତିଦୁରଵାପମ୍ ।
ମଦୁରସି କୁଚକଲଶଂ ଵିନିଵେଶଯ ଶୋଷଯ ମନସିଜତାପମ୍ ॥ ୪॥ କ୍ଷଣମଧୁନା
ଅଧରସୁଧାରସମୁପନଯ ଭାଵିନି ଜୀଵଯ ମୃତମିଵ ଦାସମ୍ ।
ତ୍ଵଯି ଵିନିହିତମନସଂ ଵିରହାନଲଦଗ୍ଧଵପୁଷମଵିଲାସମ୍ ॥ ୫॥ କ୍ଷଣମଧୁନା
ଶଶିମୁଖି ମୁଖରଯ ମଣିରଶନାଗୁଣମନୁଗୁଣକଣ୍ଠନିନାଦମ୍ ।
ଶ୍ରୁତିଯୁଗଲେ ପିକରୁତଵିକଲେ ମମ ଶମଯ ଚିରାଦଵସାଦମ୍ ॥ ୬॥ କ୍ଷଣମଧୁନା
ମାମତିଵିଫଲରୁଷା ଵିକଲୀକୃତମଵଲୋକିତମଧୁନେଦମ୍ ।
ମୀଲିତଲଜ୍ଜିତମିଵ ନଯନଂ ତଵ ଵିରମ ଵିସୃଜ ରତିଖେଦମ୍ ॥ ୭॥କ୍ଷଣମଧୁନା
ଶ୍ରୀଜଯଦେଵଭଣିତମିଦମନୁପଦନିଗଦିତମଧୁରିପୁମୋଦମ୍ ।
ଜନଯତୁ ରସିକଜନେଷୁ ମନୋରମତିରସଭାଵଵିନୋଦମ୍ ॥ ୮॥ କ୍ଷଣମଧୁନା
ପ୍ରତ୍ଯୂହଃପୁଲକାଙ୍କୁରେଣ ନିବିଡାଶ୍ଲେଷେ ନିମେଷେଣ ଚ
କ୍ରୀଡାକୂତଵିଲୋକିତେଽଧରସୁଧାପାନେ କଥାନର୍ମଭିଃ ।
ଆନନ୍ଦାଧିଗମେନ ମନ୍ମଥକଲାଯୁଦ୍ଧୋଽପି ଯସ୍ମିନ୍ନଭୂ-
ଦୁଦ୍ଭୂତସ୍ସ ତଯୋର୍ବଭୂଵ ସୁରତାରମ୍ଭଃ ପ୍ରିଯଂ ଭାଵୁକଃ ॥ ୮୧॥
ଦୋର୍ଭ୍ଯାଂ ସଂଯମିତଃପଯୋଧରଭରେଣାପୀଡିତଃ ପାଣିଜୈ-
ରାଵିଦ୍ଧୋ ଦଶନୈଃ କ୍ଷତାଧରପୁଟଃ ଶ୍ରୋଣୀତଟେନାହତଃ ।
ହସ୍ତେନାନମିତଃ କଚେଽଧରସୁଧାପାନେନ ସମ୍ମୋହିତଃ
କାନ୍ତଃ କାମପି ତୃପ୍ତିମାପ ତଦହୋ କାମସ୍ଯ ଵାମା ଗତିଃ ॥ ୮୨॥
ମାରାଙ୍କେ ରତିକେଲିସଂକୁଲରଣାରମ୍ଭେ ତଯା ସାହସ\-
ପ୍ରାଯଂ କାନ୍ତଜଯାଯ କିଞ୍ଚିଦୁପରି ପ୍ରାରମ୍ଭି ଯତ୍ସମ୍ଭ୍ରମାତ୍ ।
ନିଷ୍ପନ୍ଦା ଜଘନସ୍ଥଲୀ ଶିଥିଲତା ଦୋର୍ଵଲ୍ଲିରୁତ୍କମ୍ପିତଂ
ଵକ୍ଷୋ ମୀଲିତମକ୍ଷି ପୌରୁଷରସଃ ସ୍ତ୍ରୀଣାଂ କୁତଃ ସିଧ୍ଯତି ॥ ୮୩॥
ତସ୍ଯାଃ ପାଟଲପାଣିଜାଙ୍କିତମୁରୋ ନିଦ୍ରକଷାଯେ ଦୃଶୌ
ନିର୍ଧୂତାଧାରଶୋଣିମା ଵିଲୁଲିତସ୍ରସ୍ତସ୍ରଜୋ ମୂର୍ଧଜାଃ ।
କାଞ୍ଚୀଦାମଦରଶ୍ଲଥାଞ୍ଚଲମିତି ପ୍ରାତର୍ନିଖାତୈର୍ଦୃଶୋ-
ରେଭିଃ କାମଶରୈସ୍ତଦଦ୍ଭୁତମଭୂତ୍ପତ୍ଯୁର୍ମନଃ କୀଲିତମ୍ ॥ ୮୪॥
ତ୍ଵାମପ୍ରାପ୍ଯ ମଯି ସ୍ଵଯଂଵରପରାଂ କ୍ଷୀରୋଦତୀରୋଦରେ
ଶଙ୍କେ ସୁନ୍ଦରି କାଲକୂଟମପିବନ୍ମୂଢୋ ମୃଡାନୀପତିଃ ।
ଇତ୍ଥଂ ପୂର୍ଵକଥାଭିରନ୍ଯମନସା ଵିକ୍ଷିପ୍ଯ ଵାମାଞ୍ଚଲଂ
ରାଧାଯାଃ ସ୍ତନକୋରକୋପରି ଚଲନ୍ନେତ୍ରେ ହରିଃ ପାତୁ ଵଃ ॥ ୮୫॥
ଵ୍ଯାଲୋଲଃ କେଶପାଶାସ୍ତରଲିତମଲକୈଃ ସ୍ଵେଦଲୋଲୌ କପୋଲୌ
ସ୍ପଷ୍ଟା ଦଷ୍ଟାଧରଶ୍ରୀଃ କୁଚକଲଶରୁଚା ହାରିତା ହାରଯଷ୍ଟିଃ ।
କାଞ୍ଚୀକାଞ୍ଚ୍ଯୁଦ୍ଗତାଶାଂ ସ୍ତନଜଘନପଦଂ ପାଣିନାଽଽଚ୍ଛାଦ୍ଯ ସଦ୍ଯଃ
ପଶ୍ଯନ୍ତୀ ଚାତ୍ମରୂପଂ ତଦପି ଵିଲୁଲିତଂ ସ୍ରଧରେଯଂ ଧୁନୋତି ॥ ୮୬॥
ଈଷନ୍ମୀଲିତଦୃଷ୍ଟିମୁଗ୍ଧହସିତଂ ସୀତ୍କାରଧାରାଵଶା-
ଦଵ୍ଯକ୍ତାକୁଲକେଲିକାକୁଵିକସଦ୍ଦନ୍ତାଂଶୁଧୌତାଧରମ୍ ।
ଶ୍ଵାସୋତ୍କମ୍ପିପଯୋଧରୋପରି ପରିଷ୍ଵଙ୍ଗାତ୍କୁରଙ୍ଗୀଦୃଶୋ
var - : ଶାନ୍ତସ୍ତବ୍ଧପଯୋଧରଂ ଭୃଶପରି
ହର୍ଷୋତ୍କର୍ଷଵିମୁକ୍ତନିଃସ୍ସହତନୋର୍ଧନ୍ଯୋ ଧଯତ୍ଯାନନମ୍ ॥ ୮୭ ॥
ଅଥ କାନ୍ତଂ ରତିକ୍ଲାନ୍ତମପି ମଣ୍ଡନଵାଞ୍ଛଯା ।
ନିଜଗାଦ ନିରାବାଧା ରାଧା ସ୍ଵାଧୀନଭର୍ତୃକା ॥ ୮୮॥
var -
ଅଥ ସା ନିର୍ଗତବାଧା ରାଧା ସ୍ଵାଧୀନଭର୍ତୃକା ।
ନିଜଗାଦ ରତିକ୍ଲାନ୍ତାଂ କାନ୍ତାଂ ମଣ୍ଡନଵାଞ୍ଛଯା ॥
ଇତି ସହସା ସୁପ୍ରୀତଂ ସୁରତାନ୍ତେ ସା ନିତାନ୍ତଖିନ୍ନାଙ୍ଗୀ ।
ରାଧା ଜଗାଦ ସାଦରମିଦମାନନ୍ଦେନ ଗୋଵିନ୍ଦମ୍ ॥ ୮୯॥
{॥ ଗୀତମ୍ ୨୪ ॥}
କୁରୁ ଯଦୁନନ୍ଦନ ଚନ୍ଦନଶିଶିରତରେଣ କରେଣ ପଯୋଧରେ ।
ମୃଗମଦପତ୍ରକମତ୍ର ମନୋଭଵମଙ୍ଗଲକଲଶସହୋଦରେ ।
ନିଜଗାଦ ସା ଯଦୁନନ୍ଦନେ କ୍ରୀଡତି ହୃଦଯାନନ୍ଦନେ ॥ ୧॥
ଅଲିକୁଲଗଞ୍ଜନମଞ୍ଜନକଂ ରତିନାଯକସାଯକମୋଚନେ ।
ତ୍ଵଦଧରଚୁମ୍ବନଲମ୍ବିତକଜ୍ଜଲମୁଜ୍ଜ୍ଵଲଯ ପ୍ରିଯ ଲୋଚନେ ॥ ୨॥ ନିଜଗାଦ
ନଯନକୁରଙ୍ଗତରଙ୍ଗଵିଲାସନିରାସକରେ ଶ୍ରୁତିମଣ୍ଡଲେ ।
ମନସିଜପାଶଵିଲାସଧରେ ଶୁଭଵେଶ ନିଵେଶଯ କୁଣ୍ଡଲେ ॥ ୩॥ ନିଜଗାଦ
ଭ୍ରମରଚଯଂ ରଚହଯନ୍ତମୁପରି ରୁଚିରଂ ସୁଚିରଂ ମମ ସମ୍ମୁଖେ ।
ଜିତକମଲେ ଵିମଲେ ପରିକର୍ମଯ ନର୍ମଜନକମଲକଂ ମୁଖେ ॥ ୪॥ ନିଜଗାଦ
ମୃଗମଦରସଵଲିତଂ ଲଲିତଂ କୁରୁ ତିଲକମଲିକରଜନୀକରେ ।
ଵିହିତକଲଙ୍କକଲଂ କମଲାନନ ଵିଶ୍ରମିତଶ୍ରମଶୀକରେ ॥ ୫॥ ନିଜଗାଦ
ମମ ରୁଚିରେ ଚିକୁରେ କୁରୁ ମାନଦ ମନସିଜଧ୍ଵଜଚାମରେ ।
ରତିଗଲିତେ ଲଲିତେ କୁସୁମାନି ଶିଖଣ୍ଡିଶିଖଣ୍ଡକଡାମରେ ॥ ୬॥ ନିଜଗାଦ
ସରସଘନେ ଜଘନେ ମମ ଶମ୍ବରଦାରଣଵାରଣକନ୍ଦରେ ।
ମଣିରଶନାଵସନାଭରଣାନି ଶୁଭାଶଯ ଵାସଯ ସୁନ୍ଦରେ ॥ ୭॥ ନିଜଗାଦ
ଶ୍ରୀଜଯଦେଵଵଚସି ରୁଚିରେ ହୃଦଯଂ ସଦଯଂ କୁରୁ ମଣ୍ଡନେ ।
ହରିଚରଣସ୍ମରଣାମୃତନିର୍ମିତକଲିକଲୁଷଜ୍ଵରଖଣ୍ଡନେ ॥ ୮॥ ନିଜଗାଦ
ରଚଯ କୁଚଯୋଃ ପତ୍ରଂ ଚିତ୍ରଂ କୁରୁଷ୍ଵ କପୋଲଯୋ-
ର୍ଘଟଯ ଜଘନେ କାଞ୍ଚୀମଞ୍ଚ ସ୍ରଜା କବରୀଭରମ୍ ।
କଲଯ ଵଲଯଶ୍ରେଣୀଂ ପାଣୌ ପଦେ କୁରୁ ନୂପୁରା-
ଵିତି ନିଗତିତଃ ପ୍ରୀତଃ ପୀତାମ୍ବରୋଽପି ତଥାକରୋତ୍ ॥ ୯୦॥
ପର୍ଯଙ୍ଗୀକୃତନାଗନାଯକଫଣଶ୍ରେଣୀମଣୀନାଂ ଗଣେ
ସଙ୍କ୍ରାନ୍ତପ୍ରତିବିମ୍ବସଙ୍କଲନଯା ବିଭ୍ରଦ୍ଵପୁର୍ଵିକ୍ରିଯାମ୍ ।
ପାଦାମ୍ଭୋରୁହଧାରିଵାରିଧିସୁତାମକ୍ଷ୍ଣାଂ ଦିଦୃକ୍ଷୁଃ ଶତୈଃ
କାଯଵ୍ଯୂହଵିଚାରଯନ୍ନୁପଚିତାକୂତୋ ହରିଃ ପାତୁ ଵଃ ॥ ୯୧॥
ଯନ୍ନିତ୍ଯୈର୍ଵଚନୈର୍ଵିରିଞ୍ଚଗିରିଜାପ୍ରାଣେଶମୁଖ୍ଯୈର୍ମୁହୁଃ
ନାନାକାରଵିଚାରସାରଚତୁରୈର୍ନାଦ୍ଯାପି ନିଶ୍ଚୀଯତେ ।
ତତ୍ସର୍ଵୈର୍ଜଯଦେଵକାଵ୍ଯଘଟିତୈସ୍ସତ୍ସୂରିସଂଶୋଧିତୈ-
ରାଦ୍ଯଂ ଵସ୍ତୁ ଚକାସ୍ତୁ ଚେତସି ପରଂ ସାରସ୍ଯସୀମାଜୁଷାମ୍ ॥ ୯୨॥
ଯଦ୍ଗାନ୍ଧର୍ଵକଲାସୁ କୌଶଲମନୁଧ୍ଯାନଂ ଚ ଯଦ୍ଵୈଷ୍ଣଵଂ
ଯଚ୍ଛୃଙ୍ଗାରଵିଵେକତତ୍ଵରଚନାକାଵ୍ଯେଷୁ ଲୀଲାଯିତମ୍ ।
ତତ୍ସର୍ଵଂ ଜଯଦେଵପଣ୍ଡିତକଵେଃ କୃଷ୍ଣୈକତାନାତ୍ମନଃ
ସାନନ୍ଦାଃ ପରିଶୋଧଯନ୍ତୁ ସୁଧିଯଃ ଶ୍ରୀଗୀତଗୋଵିନ୍ଦତଃ ॥ ୯୩॥
ସାଧ୍ଵୀ ମାଧ୍ଵୀକଚିନ୍ତା ନ ଭଵତି ଭଵତଃ ଶର୍କରେ କର୍କଶାସି
ଦ୍ରାକ୍ଷେ ଦ୍ରକ୍ଷ୍ଯନ୍ତି କେ ତ୍ଵାମମୃତ ମୃତମସି କ୍ଷୀରନୀରଂ ରସସ୍ତେ ।
କ୍ରନ୍ଦ କାନ୍ତାଧର ଧରଣିତଲଂ ଗଚ୍ଛ ଯଚ୍ଛାନ୍ତିଭାଵଂ
ଯାଵଚ୍ଛୃଙ୍ଗାରସାରସ୍ଵତମିହ ଜଯଦେଵସ୍ଯ ଵିଷ୍ଵଗ୍ଵଚାଂସି ॥ ୯୪॥
ଶ୍ରୀଭୋଜଦେଵପ୍ରଭଵସ୍ଯ ରାଧାଦେଵୀସୁତଶ୍ରୀଜଯଦେଵକସ୍ଯ । var - ରାମାଦେଵୀ
ପରାଶରାଦିପ୍ରିଯଵର୍ଗକଣ୍ଠେ ଶ୍ରୀଗୀତଗୋଵିନ୍ଦକଵିତ୍ଵମସ୍ତୁ ॥ ୯୫॥
॥ ଇତି ଶ୍ରୀଜଯଦେଵକୃତୌ ଗୀତଗୋଵିନ୍ଦେ ସୁପ୍ରୀତପୀତାମ୍ବରୋ ନାମ ଦ୍ଵାଦଶଃ ସର୍ଗଃ ॥
॥ ଇତି ଗୀତଗୋଵିନ୍ଦଂ ସମାପ୍ତମ୍ ॥
iତି
The following additional verses are found in some editions:
at the end of Sarga 11, after gItaM 22
ସାନନ୍ଦଂ ନନ୍ଦସୂନୁର୍ଦିଶତୁ ମିତପଦଂ ସମ୍ମଦଂ ମନ୍ଦମନ୍ଦଂ
ରାଧାମାଧାଯ ବାହ୍ଵୋର୍ଵିଵରମନୁଧୃଢଂ ପୀଡଯନ୍ ପ୍ରୀତିଯୋଗାତ୍ ।
ତୁଙ୍ଗୌ ତସ୍ଯା ଉରୋଜାଵତନୁରଵତନୋର୍ନିର୍ଗତୌ ମାସ୍ମ ଭୂତାଂ
ପୃଷ୍ଠଂ ନିର୍ଭିଧ୍ଯ ତସ୍ମାଦ୍ବଲିରିତି ଵଲିତଗ୍ରୀଵମାଲୋକଯନ୍ ଵଃ ॥
at the end of Sarga 12
ସାଧୂନାଂ ସ୍ଵତ ଏଵ ସମ୍ମତିରିହ ସ୍ଯାଦେଵ ଭକ୍ତ୍ଯାର୍ଥିନାଂ
ଆଲୋଚ୍ଯ ଗ୍ରଥନଶ୍ରମଂ ଚ ଵିଦୁଷାମସ୍ମିନ୍ଭଵେଦାଦରଃ ।
ଯେ କେଚିତ୍ ପରକୃତ୍ଯୁପଶ୍ରୁତିପରାସ୍ତାନର୍ଥଯେ ମତ୍କୃତିଂ
ଭୂଯୋ ଵୀକ୍ଷ୍ଯ ଵଦନ୍ତ୍ଵଵଦ୍ଯମିତି ଚେତ୍ସା ଵାସନା ସ୍ତାସ୍ଯତି ॥
ଇତ୍ଥଂ କେଲିତଲୈର୍ଵିହୃତ୍ଯ ଯମୁନାକୂଲେ ସମଂ ରାଧଯା
ତଦ୍ରୋମାଵଲିମୌକ୍ତିକାଵଲିଯୁଗେ ଵେଣୀଭ୍ରମଂ ବିଭ୍ରତି ।
ତତ୍ରାହ୍ଲାଦିକୁଚପ୍ରଯୋଗଫଲଯୋର୍ଲିପ୍ସାଵତୋର୍ହସ୍ତଯୋର୍-
ଵ୍ଯାପାରାଃ ପୁରୁଷୋତ୍ତମସ୍ଯ ଦଦତୁ ସ୍ଫୀତାଂ ମୁଦଂ ସମ୍ପଦମ୍ ॥
Encoded and proofread by P. P. Narayanaswami swami at mun.ca
Proofread by PSA Easwaran
Please send corrections to sanskrit@cheerful.com
Last updated ତ୍oday
http://sanskritdocuments.org
{॥ ଶ୍ରୀଗୋପାଲକଧ୍ଯାନମ୍ ॥}
ଯଦ୍ଗୋପୀଵଦନେନ୍ଦୁମଣ୍ଡନମଭୂତ୍କସ୍ତୂରିକାପତ୍ରକଂ
ଯଲ୍ଲକ୍ଷ୍ମୀକୁଚଶାତକୁମ୍ଭକଲଶେ ଵ୍ଯାଗୋଚମିନ୍ଦୀଵରମ୍ ।
ଯନ୍ନିର୍ଵାଣଵିଧାନସାଧନଵିଧୌ ସିଦ୍ଧାଞ୍ଜନଂ ଯୋଗିନାଂ
ତନ୍ନଃ ଶ୍ଯାମଳମାଵିରସ୍ତୁ ହୃଦଯେ କୃଷ୍ଣାଭିଧାନଂ ମହଃ ॥ ୧॥
{॥ ଶ୍ରୀଜଯଦେଵଧ୍ଯାନମ୍ ॥}
ରାଧାମନୋରମରମାଵରରାସଲୀଲା-
ଗାନାମୃତୈକଭଣିତଂ କଵିରାଜରାଜମ୍ ।
ଶ୍ରୀମାଧଵାର୍ଚ୍ଚନଵିଧାଵନୁରାଗସଦ୍ମ-
ପଦ୍ମାଵତୀପ୍ରିଯତମଂ ପ୍ରଣତୋଽସ୍ମି ନିତ୍ଯମ୍ ॥ ୨॥
ଶ୍ରୀଗୋପାଲଵିଲାସିନୀ ଵଲଯସଦ୍ରତ୍ନାଦିମୁଗ୍ଧାକୃତି
ଶ୍ରୀରାଧାପତିପାଦପଦ୍ମଭଜନାନନ୍ଦାବ୍ଧିମଗ୍ନୋଽନିଶମ୍ ॥
ଲୋକେ ସତ୍କଵିରାଜରାଜ ଇତି ଯଃ ଖ୍ଯାତୋ ଦଯାମ୍ଭୋନିଧିଃ
ତଂ ଵନ୍ଦେ ଜଯଦେଵସଦ୍ଗୁରୁମହଂ ପଦ୍ମାଵତୀଵଲ୍ଲଭମ୍ ॥ ୩॥
iତି
cହପ୍ତେର୍{॥ ପ୍ରଥମଃ ସର୍ଗଃ ॥}
{॥ ସାମୋଦଦାମୋଦରଃ ॥}
ମେଘୈର୍ମେଦୁରମମ୍ବରଂ ଵନଭୁଵଃ ଶ୍ଯାମାସ୍ତମାଲଦ୍ରୁମୈ-
ର୍ନକ୍ତଂ ଭୀରୁରଯଂ ତ୍ଵମେଵ ତଦିମଂ ରାଧେ ଗୃହଂ ପ୍ରାପଯ ।
ଇତ୍ଥଂ ନନ୍ଦନିଦେଶିତଶ୍ଚଲିତଯୋଃ ପ୍ରତ୍ଯଧ୍ଵକୁଞ୍ଜଦ୍ରୁମଂ
ରାଧାମାଧଵଯୋର୍ଜଯନ୍ତି ଯମୁନାକୂଲେ ରହଃକେଲଯଃ ॥ ୧॥
ଵାଗ୍ଦେଵତାଚରିତଚିତ୍ରିତଚିତ୍ତସଦ୍ମା
ପଦ୍ମାଵତୀଚରଣଚାରଣଚକ୍ରଵର୍ତୀ ।
ଶ୍ରୀଵାସୁଦେଵରତିକେଲିକଥାସମେତ-
ମେତଂ କରୋତି ଜଯଦେଵକଵିଃ ପ୍ରବନ୍ଧମ୍ ॥ ୨॥
ଵାଚଃ ପଲ୍ଲଵଯତ୍ଯୁମାପତିଧରଃ ସନ୍ଦର୍ଭଶୁଦ୍ଧିଂ ଗିରାଂ
ଜାନୀତେ ଜଯଦେଵ ଏଵ ଶରଣଃ ଶ୍ଲାଘ୍ଯୋ ଦୁରୂହଦ୍ରୁତେ ।
ଶୃଙ୍ଗାରୋତ୍ତରସତ୍ପ୍ରମେଯରଚନୈରାଚାର୍ଯଗୋଵର୍ଧନ-
ସ୍ପର୍ଧୀ କୋଽପି ନ ଵିଶ୍ରୁତଃ ଶ୍ରୁତିଧରୋ ଧୋଯୀ କଵିକ୍ଷ୍ମାପତିଃ ॥ ୩॥
ଯଦି ହରିସ୍ମରଣେ ସରସଂ ମନୋ
ଯଦି ଵିଲାସକଲାସୁ କୁତୂହଲମ୍ ।
ମଧୁରକୋମଲକାନ୍ତପଦାଵଲୀଂ
ଶୃଣୁ ତଦା ଜଯଦେଵସରସ୍ଵତୀମ୍ ॥ ୪॥
{॥ ଗୀତମ୍ ୧ ॥}
ପ୍ରଲଯପଯୋଧିଜଲେ ଧୃତଵାନସି ଵେଦମ୍ ।
ଵିହିତଵହିତ୍ରଚରିତ୍ରମଖେଦମ୍ ॥
କେଶଵ ଧୃତମୀନଶରୀର ଜଯ ଜଗଦୀଶ ହରେ ॥ ୧॥
କ୍ଷିତିରତିଵିପୁଲତରେ ତଵ ତିଷ୍ଠତି ପୃଷ୍ଠେ ।
ଧରଣିଧରଣକିଣଚକ୍ରଗରିଷ୍ଠେ ॥
କେଶଵ ଧୃତକଚ୍ଛପରୂପ ଜଯ ଜଗଦୀଶ ହରେ ॥ ୨॥
ଵସତି ଦଶନଶିଖରେ ଧରଣୀ ତଵ ଲଗ୍ନା ।
ଶଶିନି କଲଙ୍କକଲେଵ ନିମଗ୍ନା ॥
କେଶଵ ଧୃତସୂକରରୂପ ଜଯ ଜଗଦୀଶ ହରେ ॥ ୩॥
ତଵ କରକମଲଵରେ ନଖମଦ୍ଭୁତଶୃଙ୍ଗମ୍ ।
ଦଲିତହିରଣ୍ଯକଶିପୁତନୁଭୃଙ୍ଗମ୍ ॥
କେଶଵ ଧୃତନରହରିରୂପ ଜଯ ଜଗଦୀଶ ହରେ ॥ ୪॥
ଛଲଯସି ଵିକ୍ରମଣେ ବଲିମଦ୍ଭୁତଵାମନ ।
ପଦନଖନୀରଜନିତଜନପାଵନ ॥
କେଶଵ ଧୃତଵାମନରୂପ ଜଯ ଜଗଦୀଶ ହରେ ॥ ୫॥
କ୍ଷତ୍ରିଯରୁଧିରମଯେ ଜଗଦପଗତପାପମ୍ ।
ସ୍ନପଯସି ପଯସି ଶମିତଭଵତାପମ୍ ॥
କେଶଵ ଧୃତଭୃଗୁପତିରୂପ ଜଯ ଜଗଦୀଶ ହରେ ॥ ୬॥
ଵିତରସି ଦିକ୍ଷୁ ରଣେ ଦିକ୍ପତିକମନୀଯମ୍ ।
ଦଶମୁଖମୌଲିବଲିଂ ରମଣୀଯଂ ॥
କେଶଵ ଧୃତରାମଶରୀର ଜଯ ଜଗଦୀଶ ହରେ ॥ ୭॥
ଵହସି ଵପୁଷି ଵିଶଦେ ଵସନଂ ଜଲଦାଭମ୍ ।
ହଲହତିଭୀତିମିଲିତଯମୁନାଭମ୍ ॥
କେଶଵ ଧୃତହଲଧରରୂପ ଜଯ ଜଗଦୀଶ ହରେ ॥ ୮॥
ନିନ୍ଦତି ଯଜ୍ଞଵିଧେରହହ ଶ୍ରୁତିଜାତମ୍ ।
ସଦଯହୃଦଯଦର୍ଶିତପଶୁଘାତମ୍ ॥
କେଶଵ ଧୃତବୁଦ୍ଧଶରୀର ଜଯ ଜଗଦୀଶ ହରେ ॥ ୯॥
ମ୍ଲେଚ୍ଛନିଵହନିଧନେ କଲଯସି କରଵାଲମ୍ ।
ଧୂମକେତୁମିଵ କିମପି କରାଲମ୍ ॥
କେଶଵ ଧୃତକଲ୍କିଶରୀର ଜଯ ଜଗଦୀଶ ହରେ ॥ ୧୦॥
ଶ୍ରୀଜଯଦେଵକଵେରିଦମୁଦିତମୁଦାରମ୍ ।
ଶୃଣୁ ସୁଖଦଂ ଶୁଭଦଂ ଭଵସାରମ୍ ॥
କେଶଵ ଧୃତଦଶଵିଧରୂପ ଜଯ ଜଗଦୀଶ ହରେ ॥ ୧୧॥
ଵେଦାନୁଦ୍ଧରତେ ଜଗନ୍ନିଵହତେ ଭୂଗୋଲମୁଦ୍ବିଭ୍ରତେ
ଦୈତ୍ଯଂ ଦାରଯତେ ବଲିଂ ଛଲଯତେ କ୍ଷତ୍ରକ୍ଷଯଂ କୁର୍ଵତେ ।
ପୌଲସ୍ତ୍ଯଂ ଜଯତେ ହଲଂ କଲଯତେ କାରୁଣ୍ଯମାତନ୍ଵତେ
ମ୍ଲେଚ୍ଛାନ୍ମୂର୍ଚ୍ଛଯତେ ଦଶାକୃତିକୃତେ କୃଷ୍ଣାଯ ତୁଭ୍ଯଂ ନମଃ ॥ ୫॥
{॥ ଗୀତମ୍ ୨ ॥}
ଶ୍ରିତକମଲାକୁଚମଣ୍ଡଲ ଧୃତକୁଣ୍ଡଲ ଏ ।
କଲିତଲଲିତଵନମାଲ ଜଯ ଜଯଦେଵ ହରେ ॥ ୧॥
ଦିନମଣିମଣ୍ଡଲମଣ୍ଡନ ଭଵଖଣ୍ଡନ ଏ ।
ମୁନିଜନମାନସହଂସ ଜଯ ଜଯଦେଵ ହରେ ॥ ୨॥
କାଲିଯଵିଷଧରଭଞ୍ଜନ ଜନରଞ୍ଜନ ଏ ।
ଯଦୁକୁଲନଲିନଦିନେଶ ଜଯ ଜଯଦେଵ ହରେ ॥ ୩॥
ମଧୁମୁରନରକଵିନାଶନ ଗରୁଡାସନ ଏ ।
ସୁରକୁଲକେଲିନିଦାନ ଜଯ ଜଯଦେଵ ହରେ ॥ ୪॥
ଅମଲକମଲଦଲଲୋଚନ ଭଵମୋଚନ ଏ ।
ତ୍ରିଭୁଵନଭଵନନିଧାନ ଜଯ ଜଯଦେଵ ହରେ ॥ ୫॥
ଜନକସୁତାକୃତଭୂଷଣ ଜିତଦୂଷଣ ଏ ।
ସମରଶମିତଦଶକଣ୍ଠ ଜଯ ଜଯଦେଵ ହରେ ॥ ୬॥
ଅଭିନଵଜଲଧରସୁନ୍ଦର ଧୃତମନ୍ଦର ଏ ।
ଶ୍ରୀମୁଖଚନ୍ଦ୍ରଚକୋର ଜଯ ଜଯଦେଵ ହରେ ॥ ୭॥
ଶ୍ରୀଜଯଦେଵକଵେରିଦଂ କୁରୁତେ ମୁଦମ୍ ଏ ।
ମଙ୍ଗଲମୁଜ୍ଜ୍ଵଲଗୀତଂ ଜଯ ଜଯଦେଵ ହରେ ॥ ୮॥
ପଦ୍ମାପଯୋଧରତଟୀପରିରମ୍ଭଲଗ୍ନ-
କାଶ୍ମୀରମୁଦ୍ରିତମୁରୋ ମଧୁସୂଦନସ୍ଯ ।
ଵ୍ଯକ୍ତାନୁରାଗମିଵ ଖେଲଦନଙ୍ଗଖେଦ-
ସ୍ଵେଦାମ୍ବୁପୂରମନୁପୂରଯତୁ ପ୍ରିଯଂ ଵଃ ॥ ୬॥
ଵସନ୍ତେ ଵାସନ୍ତୀକୁସୁମସୁକୁମାରୈରଵଯଵୈ-
ର୍ଭ୍ରମନ୍ତୀଂ କାନ୍ତାରେ ବହୁଵିହିତକୃଷ୍ଣାନୁସରଣାମ୍ ।
ଅମନ୍ଦଂ କନ୍ଦର୍ପଜ୍ଵରଜନିତଚିନ୍ତାକୁଲତଯା
ଵଲଦ୍ବାଧାଂ ରାଧାଂ ସରସମିଦମୁଚେ ସହଚରୀ ॥ ୭॥
{॥ ଗୀତମ୍ ୩ ॥}
ଲଲିତଲଵଙ୍ଗଲତାପରିଶୀଲନକୋମଲମଲଯସମୀରେ ।
ମଧୁକରନିକରକରମ୍ବିତକୋକିଲକୂଜିତକୁଞ୍ଜକୁଟୀରେ ॥
ଵିହରତି ହରିରିହ ସରସଵସନ୍ତେ
ନୃତ୍ଯତି ଯୁଵତିଜନେନ ସମଂ ସଖି ଵିରହିଜନସ୍ଯ ଦୁରନ୍ତେ ॥ ୧॥ ଵିହରତି
ଉନ୍ମଦମଦନମନୋରଥପଥିକଵଧୂଜନଜନିତଵିଲାପେ ।
ଅଲିକୁଲସଂକୁଲକୁସୁମସମୂହନିରାକୁଲବକୁଲକଲାପେ ॥ ୨॥ ଵିହରତି
ମୃଗମଦସୌରଭରଭସଵଶଂଵଦନଵଦଲମାଲତମାଲେ ।
ଯୁଵଜନହୃଦଯଵିଦାରଣମନସିଜନଖରୁଚିକିଂଶୁକଜାଲେ ॥ ୩॥ ଵିହରତି
ମଦନମହୀପତିକନକଦଣ୍ଡରୁଚିକେସରକୁସୁମଵିକାସେ ।
ମିଲିତଶିଲୀମୁଖପାଟଲିପଟଲକୃତସ୍ମରତୂଣଵିଲାସେ ॥ ୪॥ ଵିହରତି
ଵିଗଲିତଲଜ୍ଜିତଜଗଦଵଲୋକନତରୁଣକରୁଣକୃତହାସେ ।
ଵିରହିନିକୃନ୍ତନକୁନ୍ତମୁଖାକୃତିକେତକଦନ୍ତୁରିତାଶେ ॥ ୫॥ ଵିହରତି
ମାଧଵିକାପରିମଲଲଲିତେ ନଵମାଲିକଜାତିସୁଗନ୍ଧୌ ।
ମୁନିମନସାମପି ମୋହନକାରିଣି ତରୁଣାକାରଣବନ୍ଧୌ ॥ ୬॥ ଵିହରତି
ସ୍ଫୁରଦତିମୁକ୍ତଲତାପରିରମ୍ଭଣମୁକୁଲିତପୁଲକିତଚୂତେ ।
ବୃନ୍ଦାଵନଵିପିନେ ପରିସରପରିଗତଯମୁନାଜଲପୂତେ ॥ ୭॥ ଵିହରତି
ଶ୍ରୀଜଯଦେଵଭଣିତମିଦମୁଦଯତି ହରିଚରଣସ୍ମୃତିସାରମ୍ ।
ସରସଵସନ୍ତସମଯଵନଵର୍ଣନମନୁଗତମଦନଵିକାରମ୍ ॥ ୮॥ ଵିହରତି
ଦରଵିଦଲିତମଲ୍ଲୀଵଲ୍ଲିଚଞ୍ଚତ୍ପରାଗ-
ପ୍ରକଟିତପଟଵାସୈର୍ଵାସଯନ୍ କାନନାନି ।
ଇହ ହି ଦହତି ଚେତଃ କେତକୀଗନ୍ଧବନ୍ଧୁଃ
ପ୍ରସରଦସମବାଣପ୍ରାଣଵଦ୍ଗନ୍ଧଵାହଃ ॥ ୮॥
ଉନ୍ମୀଲନ୍ମଧୁଗନ୍ଧଲୁବ୍ଧମଧୁପଵ୍ଯାଧୂତଚୂତାଙ୍କୁର-
କ୍ରୀଡତ୍କୋକିଲକାକଲୀକଲରଵୈରୁଦ୍ଗୀର୍ଣକର୍ଣଜ୍ଵରାଃ । var - କଲୈଃ
ନୀଯନ୍ତେ ପଥିକୈଃ କଥଂ କଥମପି ଧ୍ଯାନାଵଧାନକ୍ଷଣ-
ପ୍ରାପ୍ତପ୍ରାଣସମାସମାଗମରସୋଲ୍ଲାସୈରମୀ ଵାସରାଃ ॥ ୯॥
ଅନେକନାରୀପରିରମ୍ଭସମ୍ଭ୍ରମ-
ସ୍ଫୁରନ୍ମନୋହାରିଵିଲାସଲାଲସମ୍ ।
ମୁରାରିମାରାଦୁପଦର୍ଶଯନ୍ତ୍ଯସୌ
ସଖୀସମକ୍ଷଂ ପୁନରାହ ରାଧିକାମ୍ ॥ ୧୦॥
{॥ ଗୀତମ୍ ୪ ॥}
ଚନ୍ଦନଚର୍ଚିତନୀଲକଲେଵରପୀତଵସନଵନମାଲୀ ।
କେଲିଚଲନ୍ମଣିକୁଣ୍ଡଲମଣ୍ଡିତଗଣ୍ଡଯୁଗସ୍ମିତଶାଲୀ ॥
ହରିରିହମୁଗ୍ଧଵଧୂନିକରେ
ଵିଲାସିନି ଵିଲସତି କେଲିପରେ ॥ ୧॥
ପୀନପଯୋଧରଭାରଭରେଣ ହରିଂ ପରିରମ୍ଯ ସରାଗମ୍ ।
ଗୋପଵଧୂରନୁଗାଯତି କାଚିଦୁଦଞ୍ଚିତପଞ୍ଚମରାଗମ୍ ॥ ୨॥ ହରିରିହ
କାପି ଵିଲାସଵିଲୋଲଵିଲୋଚନଖେଲନଜନିତମନୋଜମ୍ ।
ଧ୍ଯାଯତି ମୁଗ୍ଧଵଧୂରଧିକଂ ମଧୁସୂଦନଵଦନସରୋଜମ୍ ॥ ୩॥ ହରିରିହ
କାପି କପୋଲତଲେ ମିଲିତା ଲପିତୁଂ କିମପି ଶ୍ରୁତିମୂଲେ ।
ଚାରୁ ଚୁଚୁମ୍ବ ନିତମ୍ବଵତୀ ଦଯିତଂ ପୁଲକୈରନୁକୂଲେ ॥ ୪॥ ହରିରିହ
କେଲିକଲାକୁତୁକେନ ଚ କାଚିଦମୁଂ ଯମୁନାଜଲକୂଲେ ।
ମଞ୍ଜୁଲଵଞ୍ଜୁଲକୁଞ୍ଜଗତଂ ଵିଚକର୍ଷ କରେଣ ଦ୍କୂଲେ ॥ ୫॥ ହରିରିହ
କରତଲତାଲତରଲଵଲଯାଵଲିକଲିତକଲସ୍ଵନଵଂଶେ ।
ରାସରସେ ସହ ନୃତ୍ଯପରା ହରିଣା ଯୁଵତିଃ ପ୍ରଶଶଂସେ ॥ ୬॥ ହରିରିହ
ଶ୍ଲିଷ୍ଯତି କାମପି ଚୁମ୍ବତି କାମପି କାମପି ରମଯତି ରାମାମ୍ ।
ପଶ୍ଯତି ସସ୍ମିତଚାରୁତରାମପରାମନୁଗଚ୍ଛତି ଵାମାମ୍ ॥ ୭॥ ହରିରିହ var - ପରାଂ
ଶ୍ରୀଜଯଦେଵକଵେରିଦମଦ୍ଭୁତକେଶଵକେଲିରହସ୍ଯମ୍ ।
ଵୃନ୍ଦାଵନଵିପିନେ ଲଲିତଂ ଵିତନୋତୁ ଶୁଭାନି ଯଶସ୍ଯମ୍ ॥ ୮॥ ହରିରିହ
ଵିଶ୍ଵେଷାମନୁରଞ୍ଜନେ ଜନଯନ୍ନାନନ୍ଦମିନ୍ଦୀଵର-
ଶ୍ରେଣୀଶ୍ଯାମଲକୋମଲୈରୁପନଯନ୍ନଙ୍ଗୈରନଙ୍ଗୋତ୍ସଵମ୍ ।
ସ୍ଵଚ୍ଛନ୍ଦଂ ଵ୍ରଜସୁନ୍ଦରୀଭିରଭିତଃ ପ୍ରତ୍ଯଙ୍ଗମାଲିଙ୍କିତଃ
ଶୃଙ୍ଗାରଃ ସଖି ମୂର୍ତିମାନିଵ ମଧୌ ମୁଗ୍ଧୋ ହରିଃ କ୍ରୀଡତି ॥ ୧୧॥
ଅଦ୍ଯୋତ୍ସଙ୍ଗଵସଦ୍ଭୁଜଙ୍ଗକଵଲକ୍ଲେଶାଦିଵେଶାଚଲଂ var - ନିତ୍ଯୋସଙ୍ଗ
ପ୍ରାଲେଯପ୍ଲଵନେଚ୍ଛଯାନୁସରତି ଶ୍ରୀଖଣ୍ଡଶୈଲାନିଲଃ ।
କିଂ ଚ ସ୍ନିଗ୍ଧରସାଲମୌଲିମୁକୁଲାନ୍ଯାଲୋକ୍ଯ ହର୍ଷୋଦଯା-
ଦୁନ୍ମୀଲନ୍ତି କୁହୂଃ କୁହୂରିତି କଲୋତ୍ତଲାଃ ପିକାନାଂ ଗିରଃ ॥ ୧୨॥
ରାସୋଲ୍ଲାସଭରେଣଵିଭ୍ରମଭୃତାମାଭୀରଵାମଭ୍ରୁଵା-
ମଭ୍ଯର୍ଣେ ପରିରଭ୍ଯ ନିର୍ଭରମୁରଃ ପ୍ରେମାନ୍ଧଯା ରାଧଯା ।
ସାଧୁ ତ୍ଵଦ୍ଵଦନଂ ସୁଧାମଯମିତି ଵ୍ଯାହୃତ୍ଯ ଗୀତସ୍ତୁତି-
ଵ୍ଯାଜାଦୁଦ୍ଭଟଚୁମ୍ବିତସ୍ମିତମନୋହରୀ ହରିଃ ପାତୁ ଵଃ ॥ ୧୩॥
॥ ଇତି ଶ୍ରୀଗୀତଗୋଵିନ୍ଦେ ସାମୋଦଦାମୋଦରୋ ନାମ ପ୍ରଥମଃ ସର୍ଗଃ ॥
iତି
cହପ୍ତେର୍{॥ ଦ୍ଵିତୀଯଃ ସର୍ଗଃ ॥}
{॥ ଅକ୍ଲେଶକେଶଵଃ ॥}
ଵିହରତି ଵନେ ରାଧା ସାଧାରଣପ୍ରଣଯେ ହରୌ
ଵିଗଲିତନିଜୋତ୍କର୍ଷାଦୀର୍ଷ୍ଯାଵଶେନ ଗତାନ୍ଯତଃ ।
କ୍ଵଚିଦପି ଲତାକୁଞ୍ଜେ ଗୁଞ୍ଜନ୍ମଧୁଵ୍ରତମଣ୍ଡଲୀ-
ମୁଖରଶିଖରେ ଲୀନା ଦୀନାପ୍ଯୁଵାଚ ରହଃ ସଖୀମ୍ ॥ ୧୪॥
{॥ ଗୀତମ୍ ୫ ॥}
ସଂଚରଦଧରସୁଧାମଧୁରଧ୍ଵନିମୁଖରିତମୋହନଵଂଶମ୍ ।
ଚଲିତଦୃଗଞ୍ଚଲଚଞ୍ଚଲମୌଲିକପୋଲଵିଲୋଲଵତଂସମ୍ ॥
ରାସେ ହରିମିହ ଵିହିତଵିଲାସଂ
ସ୍ମରତି ମନୋ ମମ କୃତପରିହାସମ୍ ॥ ୧॥
ଚନ୍ଦ୍ରକଚାରୁମଯୂରଶିଖଣ୍ଡକମଣ୍ଡଲଵଲଯିତକେଶମ୍ ।
ପ୍ରଚୁରପୁରନ୍ଦରଧନୁରନୁରଞ୍ଜିତମେଦୁରମୁଦିରସୁଵେଶମ୍ ॥ ୨॥ ରାସେ ହରିମିହ
ଗୋପକଦମ୍ବନିତମ୍ବଵତୀମୁଖଚୁମ୍ବନଲମ୍ଭିତଲୋଭମ୍ ।
ବନ୍ଧୁଜୀଵମଧୁରାଧରପଲ୍ଲଵମୁଲ୍ଲସିତସ୍ମିତଶୋଭମ୍ ॥ ୩॥ ରାସେ ହରିମିହ
ଵିପୁଲପୁଲକଭୁଜପଲ୍ଲଵଵଲଯିତଵଲ୍ଲଵଯୁଵତିସହସ୍ରମ୍ ।
କରଚରଣୋରସି ମଣିଗଣଭୂଷଣକିରଣଵିଭିନ୍ନତମିସ୍ରମ୍ ॥ ୪॥ ରାସେ ହରିମିହ
ଜଲଦପଟଲଚଲଦିନ୍ଦୁଵିନନ୍ଦକଚନ୍ଦନତିଲକଲଲାଟମ୍ ।
ପୀନଘନସ୍ତନମଣ୍ଡଲମର୍ଦନନିର୍ଦଯହୃଦଯକପାଟମ୍ ॥ ୫॥ ରାସେ ହରିମିହ var - ପୀନପଯୋଧରପରିସର
ମଣିମଯମକରମନୋହରକୁଣ୍ଡଲମଣ୍ଡିତଗଣ୍ଡମୁଦାରମ୍ ।
ପୀତଵସନମନୁଗତମୁନିମନୁଜସୁରାସୁରଵରପରିଵାରମ୍ ॥ ୬॥ ରାସେ ହରିମିହ
ଵିଶଦକଦମ୍ବତଲେ ମିଲିତଂ କଲିକଲୁଷଭଯଂ ଶମଯନ୍ତମ୍ ।
ମାମପି କିମପି ତରଙ୍ଗଦନଙ୍ଗଦୃଶା ମନସା ରମଯନ୍ତମ୍ ॥ ୭॥ ରାସେ ହରିମିହ var - ଵପୁଷା
ଶ୍ରୀଜଯଦେଵଭଣିତମତିସୁନ୍ଦରମୋହନମଧୁରିପୁରୂପମ୍ ।
ହରିଚରଣସ୍ମରଣଂ ପ୍ରତି ସମ୍ପ୍ରତି ପୁଣ୍ଯଵତାମନୁରୂପମ୍ ॥ ୮॥ ରାସେ ହରିମିହ
ଗଣଯତି ଗୁଣଗ୍ରାମଂ ଭ୍ରାମଂ ଭ୍ରମାଦପି ନେହତେ
ଵହତି ଚ ପରିତୋଷଂ ଦୋଷଂ ଵିମୁଞ୍ଚତି ଦୂରତଃ ।
ଯୁଵତିଷୁ ଵଲସ୍ତୃଷ୍ଣେ କୃଷ୍ଣେ ଵିହାରିଣି ମାଂ ଵିନା
ପୁନରପି ମନୋ ଵାମଂ କାମଂ କରୋତି କରୋମି କିମ୍ ॥ ୧୫॥
{॥ ଗୀତମ୍ ୬ ॥}
ନିଭୃତନିକୁଞ୍ଜଗୃହଂ ଗତଯା ନିଶି ରହସି ନିଲୀଯ ଵସନ୍ତମ୍ ।
ଚକିତଵିଲୋକିତସକଲଦିଶା ରତିରଭସରସେନ ହସନ୍ତମ୍ ॥
ସଖି ହେ କେଶିମଥନମୁଦାରମ୍
ରମଯ ମଯା ସହ ମଦନମନୋରଥଭାଵିତଯା ସଵିକାରମ୍ ॥ ୧॥
ପ୍ରଥମସମାଗମଲଜ୍ଜିତଯା ପଟୁଚାଟୁଶତୈରନୁକୂଲମ୍ ।
ମୃଦୁମଧୁରସ୍ମିତଭାଷିତଯା ଶିଥିଲୀକୃତଜଧନଦୁକୂଲମ୍ ॥ ୨॥ ସଖି ହେ
କିସଲଯଶଯନନିଵେଶିତଯା ଚିରମୁରସି ମମୈଵ ଶଯାନମ୍ ।
କୃତପରିରମ୍ଭଣଚୁମ୍ବନଯା ପରିରଭ୍ଯ କୃତାଧରପାନମ୍ ॥ ୩॥ ସଖି ହେ
ଅଲସନିମୀଲିତଲୋଚନଯା ପୁଲକାଵଲିଲଲିତକପୋଲମ୍ ।
ଶ୍ରମଜଲସକଲକଲେଵରଯା ଵରମଦନମଦାଦତିଲୋଲମ୍ ॥ ୪॥ ସଖି ହେ
କୋକିଲକଲରଵକୂଜିତଯା ଜିତମନସିଜତନ୍ତ୍ରଵିଚାରମ୍ ।
ଶ୍ଲଥକୁସୁମାକୁଲକୁନ୍ତଲଯା ନଖଲିଖିତଘନସ୍ତନଭାରମ୍ ॥ ୫॥ ସଖି ହେ
ଚରଣରଣିତମଣିନୂପୁରଯା ପରିପୂରିତସୁରତଵିତାନମ୍ ।
ମୁଖରଵିଶୃଙ୍ଖଲମେଖଲଯା ସକଚଗ୍ରହଚୁମ୍ବନଦାନମ୍ ॥ ୬॥ ସଖି ହେ
ରତିସୁଖସମଯରସାଲସଯା ଦରମୁକୁଲିତନଯନସରୋଜମ୍ ।
ନିଃସହନିପତିତତନୁଲତଯା ମଧୁସୂଦନମୁଦିତମନୋଜମ୍ ॥ ୭॥ ସଖି ହେ
ଶ୍ରୀଜଯଦେଵଭଣିତମିଦମତିଶଯମଧୁରିପୁନିଧୁଵନଶୀଲମ୍ ।
ସୁଖମୁତ୍କଣ୍ଠିତଗୋପଵଧୂକଥିତଂ ଵିତନୋତୁ ସଲୀଲମ୍ ॥ ୮॥ ସଖି ହେ var - ରାଧିକଯା
ହସ୍ତସ୍ରସ୍ତଵିଲାସଵଂଶମନୃଜୁଭ୍ରୂଵଲ୍ଲିମଦ୍ବଲ୍ଲଵୀ-
ଵୃନ୍ଦୋତ୍ସାରିଦୃଗନ୍ତଵୀକ୍ଷିତମତିସ୍ଵେଦାର୍ଦ୍ରଗଣ୍ଡସ୍ଥଲମ୍ ।
ମାମୁଦ୍ଵୀକ୍ଷ୍ଯ ଵିଲକ୍ଷିତଂ ସ୍ମିତସୁଧାମୁଗ୍ଧାନନଂ କାନନେ
ଗୋଵିନ୍ଦଂ ଵ୍ରଜସୁନ୍ଦରୀଗଣଵୃତଂ ପଶ୍ଯାମି ହୃଷ୍ଯାମି ଚ ॥ ୧୬॥
ଦୁରାଲୋକସ୍ତୋକସ୍ତବକନଵକାଶୋକଲତିକା-
ଵିକାସଃ କାସାରୋପଵନପଵନୋଽପି ଵ୍ଯଥଯତି ।
ଅପି ଭ୍ରାମ୍ଯଦ୍ଭୃଙ୍ଗୀରଣିତରମଣୀଯା ନ ମୁକୁଲ-
ପ୍ରସୂତିଶ୍ଚୂତାନାଂ ସଖି ଶିଖରିଣୀଯଂ ସୁଖଯତି ॥ ୧୭॥
ସାକୂତସ୍ମିତମାକୁଲାକୁଲଗଲଦ୍ଧମ୍ମିଲ୍ଲମୁଲ୍ଲାସିତ-
ଭ୍ରୂଵଲ୍ଲୀକମଲୀକଦର୍ଶିତଭୁଜାମୂଲାର୍ଦ୍ଧପୃଷ୍ଠସ୍ତନମ୍ ।
ଗୋପୀନାଂ ନିଭୃତଂ ନିରୀକ୍ଷ୍ଯ ଗମିତାକାଙ୍କ୍ଷଶ୍ଚିରଂ ଚିନ୍ତଯ-
ନ୍ନନ୍ତର୍ମୁଗ୍ଦ୍ଧମନୋହରୋ ହରତୁ ଵଃ କ୍ଲେଶଂ ନ ଵଃ କେଶଵଃ ॥ ୧୮॥
॥ ଇତି ଗୀତଗୋଵିନ୍ଦେ ଅକ୍ଲେଶକେଶଵୋ ନାମ ଦ୍ଵିତୀଯଃ ସର୍ଗଃ ॥
iତି
cହପ୍ତେର୍{॥ ତୃତୀଯଃ ସର୍ଗଃ ॥}
{॥ ମୁଗ୍ଧମଧୁସୂଦନଃ ॥}
କଂସାରିରପି ସଂସାରଵାସନାବନ୍ଧଶୃଙ୍ଖଲାମ୍ ।
ରାଧାମାଧାଯ ହୃଦଯେ ତତ୍ଯାଜ ଵ୍ରଜସୁନ୍ଦରୀଃ ॥ ୧୯॥
ଇତସ୍ତତସ୍ତାମନୁସୃତ୍ଯ ରାଧିକା-
ମନଙ୍ଗବାଣଵ୍ରଣଖିନ୍ନମାନସଃ ।
କୃତାନୁତାପଃ ସ କଲିନ୍ଦନନ୍ଦିନୀ-
ତଟାନ୍ତକୁଞ୍ଜେ ନିଷସାଦ ମାଧଵଃ ॥ ୨୦॥
{॥ ଗୀତମ୍ ୭ ॥}
ମାମିଯଂ ଚଲିତା ଵିଲୋକ୍ଯ ଵୃତଂ ଵଧୂନିଚଯେନ ।
ସାପରାଧତଯା ମଯାପି ନ ଵାରିତାତିଭଯେନ ॥
ହରିହରି ହତାଦରତଯା ଗତା ସା ଗତା କୁପିତେଵ ॥ ୧॥
କିଂ କରିଷ୍ଯତି କିଂ ଵଦିଷ୍ଯତି ସା ଚିରଂ ଵିରହେଣ ।
କିଂ ଧନେନ ଜନେନ କିଂ ମମ ଜୀଵନେନ ଗୃହେଣ ॥ ୨॥ ହରିହରି
ଚିନ୍ତଯାମି ତଦାନନଂ କୁଟିଲଭ୍ରୁ କୋପଭରେଣ ।
ଶୋଣପଦ୍ମମିଵୋପରି ଭ୍ରମତାକୁଲଭ୍ରମରେଣ ॥ ୩॥ ହରିହରି
ତାମହଂ ହୃଦି ସଂଗତାମନିଶଂ ଭୃଶଂ ରମଯାମି ।
କିଂ ଵନେଽନୁସରାମି ତାମିହ କିଂ ଵୃଥା ଵିଲପାମି ॥ ୪॥ ହରିହରି
ତନ୍ଵି ଖିନ୍ନମସୂଯଯା ହୃଦଯଂ ତଵାକଲଯାମି ।
ତନ୍ନ ଵେଦ୍ମି କୁତୋ ଗତାସି ନ ତେନ ତେଽନୁନଯାମି ॥ ୫॥ ହରିହରି
ଦୃଶ୍ଯସେ ପୁରତୋ ଗତାଗତମେଵ ତେ ଵିଦଧାସି ।
କିଂ ପୁରେଵ ସମମ୍ଭ୍ରମଂ ପରିରମ୍ଭଣଂ ନ ଦଦାସି ॥ ୬॥ ହରିହରି
କ୍ଷମ୍ଯତାମପରଂ କଦାପି ତଵେଦୃଶଂ ନ କରୋମି ।
ଦେହି ସୁନ୍ଦରି ଦର୍ଶନଂ ମମ ମନ୍ମଥେନ ଦୁନୋମି ॥ ୭॥ ହରିହରି
ଵର୍ଣିତଂ ଜଯଦେଵକେନ ହରେରିଦଂ ପ୍ରଵଣେନ ।
କିନ୍ଦୁବିଲ୍ଵସମୁଦ୍ରସମ୍ଭଵରୋହିଣୀରମଣେନ ॥ ୮॥ ହରିହରି
କୁଵଲଯଦଲଶ୍ରେଣୀ କଣ୍ଠେ ନ ସା ଗରଲଦ୍ଯୁତିଃ
ହୃଦି ବିସଲତାହାରୋ ନାଯଂ ଭୁଜଙ୍ଗମନାଯକଃ ।
ମଲଯଜରଜୋ ନେଦଂ ଭସ୍ମ ପ୍ରିଯାରହିତେ ମଯି
ପ୍ରହର ନ ହରଭ୍ରାନ୍ତ୍ଯାନଙ୍ଗ କ୍ରୁଧା କିମୁ ଧାଵସି ॥ ୨୧॥
ପାଣୌ ମା କୁରୁ ଚୂତସାଯକମମୁଂ ମା ଚାପମାରୋପଯ
କ୍ରୀଡାନିର୍ଜିତଵିଶ୍ଵମୂର୍ଛିତଜନାଘାତେନ କିଂ ପୌରୁଷମ୍ ।
ତସ୍ଯା ଏଵ ମୃଗୀଦୃଶୋ ମନସିଜପ୍ରେଙ୍ଖତ୍କଟାକ୍ଷାଶୁଗ-
ଶ୍ରେଣୀଜର୍ଜରିତଂ ମନାଗପି ମନୋ ନାଦ୍ଯାପି ସଂଧୁକ୍ଷତେ ॥ ୨୨॥
ଭ୍ରୂଚାପେ ନିହିତଃ କଟାକ୍ଷଵିଶିଖୋ ନିର୍ମାତୁ ମର୍ମଵ୍ଯଥାଂ
ଶ୍ଯାମାତ୍ମା କୁଟିଲଃ କରୋତୁ କବରୀଭାରୋଽପି ମାରୋଦ୍ଯମମ୍ ।
ମୋହଂ ତାଵଦଯଂ ଚ ତନ୍ଵି ତନୁତାଂ ବିମ୍ବାଧରୋ ରାଗଵାନ୍
ସଦ୍ଵୃତ୍ତସ୍ତନମଣ୍ଡଲସ୍ତଵ କଥଂ ପ୍ରାଣୈର୍ମମ କ୍ରୀଡତି ॥ ୨୩॥
ତାନି ସ୍ପର୍ଶସୁଖାନି ତେ ଚ ତରଲସ୍ନିଗ୍ଧା ଦୃଶୋର୍ଵିଭ୍ରମା-
ସ୍ତଦ୍ଵକ୍ତ୍ରାମ୍ବୁଜସୌରଭଂ ସ ଚ ସୁଧାସ୍ଯନ୍ତିର୍ଗିରାଂ ଵକ୍ରିମା ।
ସା ବିମ୍ବାଧରମାଧୁରୀତି ଵିଷଯାସଙ୍ଗେଽପି ଚେନ୍ମାନସଂ
ତସ୍ଯାଂ ଲଗ୍ନସମାଧି ହନ୍ତ ଵିରହଵ୍ଯାଧିଃ କଥଂ ଵର୍ଧତେ ॥ ୨୪॥
ଭ୍ରୂପଲ୍ଲଵଂ ଧନୁରପାଙ୍ଗତରଙ୍ଗିତନି var - ଭ୍ରୂଵଲ୍ଲରିର୍ଧନୁ
ବାଣା ଗୁଣଃ ଶ୍ରଵଣପାଲିରିତି ସ୍ମରେଣ ।
ଅସ୍ଯାମନଙ୍ଗଜଯଜଙ୍ଗମଦେଵତାଯାଂ
ଅସ୍ତ୍ରାଣି ନିର୍ଜିତଜଗନ୍ତି କିମର୍ପିତାନି ॥ ୨୫॥
ତିର୍ଯକ୍କଣ୍ଠଵିଲୋଲମୌଲିତରଲୋତ୍ତଂସସ୍ଯ ଵଂଶୋଚ୍ଚଲଦ୍-
ଗୀତିସ୍ଥାନକୃତାଵଧାନଲଲନାଲକ୍ଷୈର୍ନ ସଂଲକ୍ଷିତାଃ ।
ସମ୍ମୁଗ୍ଦ୍ଧେ ମଧୁସୂଦନସ୍ଯ ମଧୁରେ ରାଧାମୁଖେନ୍ଦୌ ମୃଦୁ-
ସ୍ପନ୍ଦଂ କନ୍ଦଲିତାଶ୍ଚିରଂ ଦଦତୁ ଵଃ କ୍ଷେମଂ କଟାକ୍ଷୋର୍ମଯଃ ॥ ୨୬ ॥
॥ ଇତି ଶ୍ରୀଗିତଗୋଵିନ୍ଦେ ମୁଗ୍ଧମଧୁସୂଦନୋ ନାମ ତୃତୀଯଃ ସର୍ଗଃ ॥
iତି
cହପ୍ତେର୍{॥ ଚତୁର୍ଥଃ ସର୍ଗଃ ॥}
{॥ ସ୍ନିଗ୍ଧମଧୁସୂଦନଃ ॥}
ଯମୁନାତୀରଵାନୀରନିକୁଞ୍ଜେ ମନ୍ଦମାସ୍ଥିତମ୍ ।
ପ୍ରାହ ପ୍ରେମଭରୋଦ୍ଭ୍ରାନ୍ତଂ ମାଧଵଂ ରାଧିକାସଖୀ ॥ ୨୭॥
{॥ ଗୀତମ୍ ୮ ॥}
ନିନ୍ଦତି ଚନ୍ଦନମିନ୍ଦୁକିରଣମନୁ ଵିନ୍ଦତି ଖେଦମଧୀରମ୍ ।
ଵ୍ଯାଲନିଲଯମିଲନେନ ଗରଲମିଵ କଲଯତି ମଲଯସମୀରମ୍ ॥
ମାଧଵ ମନସିଜଵିଶିଖଭଯାଦିଵ ଭାଵନଯା ତ୍ଵଯି ଲୀନା
ସା ଵିରହେ ତଵ ଦୀନା ॥ ୧॥
ଅଵିରଲନିପତିତମଦନଶରାଦିଵ ଭଵଦଵନାଯ ଵିଶାଲମ୍ ।
ସ୍ଵହୃଦଯମର୍ମଣୀ ଵର୍ମ କରୋତି ସଜଲନଲିନୀଦଲଜାଲମ୍ ॥ ୨॥ ସା ଵିରହେ ତଵ ଦୀନା
କୁସୁମଵିଶିଖଶରତଲ୍ପମନଲ୍ପଵିଲାସକଲାକମନୀଯମ୍ ।
ଵ୍ରତମିଵ ତଵ ପରିରମ୍ଭସୁଖାଯ କରୋତି କୁସୁମଶଯନୀଯମ୍ ॥ ୩॥ ସା ଵିରହେ ତଵ ଦୀନା
ଵହତି ଚ ଗଲିତଵିଲୋଚନଜଲଭରମାନନକମଲମୁଦାରମ୍ । var - ଵିଗଲିତଲୋଚନ
ଵିଧୁମିଵ ଵିକଟଵିଧୁନ୍ତୁଦଦନ୍ତଦଲନଗଲିତାମୃତଧାରମ୍ ॥ ୪॥ ସା ଵିରହେ ତଵ ଦୀନା
ଵିଲିଖତି ରହସି କୁରଙ୍ଗମଦେନ ଭଵନ୍ତମସମଶରଭୂତମ୍ ।
ପ୍ରଣମତି ମକରମଧୋ ଵିନିଧାଯ କରେ ଚ ଶରଂ ନଵଚୂତମ୍ ॥ ୫॥ ସା ଵିରହେ ତଵ ଦୀନା
ପ୍ରତିପଦମିଦମପି ନିଗତତି ମାଧଵ ତଵ ଚରଣେ ପତିତାହମ୍ ।
ତ୍ଵଯି ଵିମୁଖେ ମଯି ସପଦି ସୁଧାନିଧିରପି ତନୁତେ ତନୁଦାହମ୍ ॥ ୬॥ ସା ଵିରହେ ତଵ ଦୀନା
ଧ୍ଯାନଲଯେନ ପୁରଃ ପରିକଲ୍ପ୍ଯ ଭଵନ୍ତମତୀଵ ଦୁରାପମ୍ ।
ଵିଲପତି ହସତି ଵିଷୀଦତି ରୋଦିତି ଚଞ୍ଚତି ମୁଞ୍ଚତି ତାପମ୍ ॥ ୭॥ ସା ଵିରହେ ତଵ ଦୀନା
ଶ୍ରୀଜଯଦେଵଭଣିତମିଦମଧିକଂ ଯଦି ମନସା ନଟନୀଯମ୍ ।
ହରିଵିରହାକୁଲବଲ୍ଲଵଯୁଵତିସଖୀଵଚନଂ ପଠନୀଯମ୍ ॥ ୮॥ ସା ଵିରହେ ତଵ ଦୀନା
ଆଵାସୋ ଵିପିନାଯତେ ପ୍ରିଯସଖୀମାଲାପି ଜାଲାଯତେ
ତାପୋଽପି ଶ୍ଵସିତେନ ଦାଵଦହନଜ୍ଵାଲାକଲାପାଯତେ ।
ସାପି ତ୍ଵଦ୍ଵିରହେଣ ହନ୍ତ ହରିଣୀରୂପାଯତେ ହା କଥଂ
କନ୍ଦର୍ପୋଽପି ଯମାଯତେ ଵିରଚଯଞ୍ଶାର୍ଦୂଲଵିକ୍ରୀଡିତମ୍ ॥ ୨୮॥
{॥ ଗୀତମ୍ ୯ ॥}
ସ୍ତନଵିନିହିତମପି ହାରମୁଦାରମ୍ ।
ସା ମନୁତେ କୃଶତନୁରତିଭାରମ୍ ॥
ରାଧିକା ଵିରହେ ତଵ କେଶଵ ॥ ୧॥
ସରସମସୃଣମପି ମଲଯଜପଙ୍କମ୍ ।
ପଶ୍ଯତି ଵିଷମିଵ ଵପୁଷି ସଶଙ୍କମ୍ ॥ ୨॥ ରାଧିକା
ଶ୍ଵସିତପଵନମନୁପମପରିଣାହମ୍ ।
ମଦନଦହନମିଵ ଵହତି ସଦାହମ୍ ॥ ୩॥ ରାଧିକା
ଦିଶି ଦିଶି କିରତି ସଜଲକଣଜାଲମ୍ ।
ନଯନନଲିନମିଵ ଵିଗଲିତନାଲମ୍ ॥ ୪॥ ରାଧିକା
ନଯନଵିଷଯମପି କିସଲଯତଲ୍ପମ୍ ।
କଲଯତି ଵିହିତହୁତାଶଵିକଲ୍ପମ୍ ॥ ୫॥ ରାଧିକା
ତ୍ଯଜତି ନ ପାଣିତଲେନ କପୋଲମ୍ ।
ବାଲଶଶିନମିଵ ସାଯମଲୋଲମ୍ ॥ ୬॥ ରାଧିକା
ହରିରିତି ହରିରିତି ଜପତି ସକାମମ୍ ।
ଵିରହଵିହିତମରଣେନ ନିକାମମ୍ ॥ ୭॥ ରାଧିକା
ଶ୍ରୀଜଯଦେଵଭଣିତମିତି ଗୀତମ୍ ।
ସୁଖଯତୁ କେଶଵପଦମୁପନୀତମ୍ ॥ ୮॥ ରାଧିକା
ସା ରୋମାଞ୍ଚତି ସୀତ୍କରୋତି ଵିଲପତ୍ଯୁତ୍କ୍ମ୍ପତେ ତାମ୍ଯତି
ଧ୍ଯାଯତ୍ଯୁଦ୍ଭ୍ରମତି ପ୍ରମୀଲତି ପତତ୍ଯୁଦ୍ଯାତି ମୂର୍ଚ୍ଛତ୍ଯପି ।
ଏତାଵତ୍ଯତନୁଜ୍ଵରେ ଵରତନୁର୍ଜୀଵେନ୍ନ କିଂ ତେ ରସାତ୍
ସ୍ଵର୍ଵୈଦ୍ଯପ୍ରତିମ ପ୍ରସୀଦସି ଯଦି ତ୍ଯକ୍ତୋଽନ୍ଯଥା ନାନ୍ତକଃ ॥ ୨୯॥ var - ତ୍ଯକ୍ତାନ୍ଯଥାନ୍ଯତ୍ପରମ୍
ସ୍ମରାତୁରାଂ ଦୈଵତଵୈଦ୍ଯହୃଦ୍ଯ
ତ୍ଵଦଙ୍ଗସଙ୍ଗାମୃତମାତ୍ରସାଧ୍ଯାମ୍ ।
ଵିମୁକ୍ତବାଧାଂ କୁରୁଷେ ନ ରାଧା-
ମୁପେନ୍ଦ୍ର ଵଜ୍ରାଦପି ଦାରୁଣୋଽସି ॥ ୩୧॥
କନ୍ଦର୍ପଜ୍ଵରସଂଜ୍ଵରସ୍ତୁରତନୋରାଶ୍ଚର୍ଯମସ୍ଯାଶ୍ଚିରଂ var - ସଜ୍ଜ୍ଵରାତୁରତନୋରଥ୍ଯର୍ଥମସ୍ଯାଶ୍ଚିରଂ
ଚେତଶ୍ଚନ୍ଦନଚନ୍ଦ୍ରମଃକମଲିନୀଚିନ୍ତାସୁ ସଂତାମ୍ଯତି ।
କିଂତୁ କ୍ଲାନ୍ତିଵଶେନ ଶୀତଲତନୁଂ ତ୍ଵାମେକମେଵ ପ୍ରିଯଂ
ଧ୍ଯାଯନ୍ତୀ ରହସି ସ୍ଥିତା କଥମପି କ୍ଷୀଣା କ୍ଷଣଂ ପ୍ରାଣିତି ॥ ୨୯॥
କ୍ଷଣମପି ଵିରହଃ ପୁରା ନ ସେହେ
ନଯନନିମୀଲନଖିନ୍ନଯା ଯଯା ତେ ।
ଶ୍ଵସିତି କଥମସୌ ରସାଲଶାଖାଂ
ଚିରଵିରହେଣ ଵିଲୋକ୍ଯ ପୁଷ୍ପିତାଗ୍ରାମ୍ ॥ ୩୨॥ var - ଵିରହେଽପି
ଵୃଷ୍ଟିଵ୍ଯାକୁଲଗୋକୁଲାଵନରସାଦୁଦ୍ଧୃତ୍ଯ ଗୋଵର୍ଧନଂ
ବିଭ୍ରଦ୍ଵଲ୍ଲଵଵଲ୍ଲଭାଭିରଧିକାନନ୍ଦାଚ୍ଚିରଂ ଚୁମ୍ବିତଃ ।
ଦର୍ପେଣେଵ ତଦର୍ପିତାଧରତଟୀସିନ୍ଦୂରମୁଦ୍ରାଙ୍ଗିତୋ
ବାହୁର୍ଗୋପପତେସ୍ତନୋତୁ ଭଵତାଂ ଶ୍ରେଯାଂସି କଂସଦ୍ଵିଷଃ ॥ ୩୩ ॥
॥ ଇତି ଗୀତଗୋଵିନ୍ଦେ ସ୍ନିଗ୍ଧମାଧଵୋ ନାମ ଚତୁର୍ଥଃ ସର୍ଗଃ ॥
iତି
cହପ୍ତେର୍{॥ ପଞ୍ଚମଃ ସର୍ଗଃ ॥}
{॥ ସାକାଂକ୍ଷପୁଣ୍ଡରୀକାକ୍ଷଃ ॥}
ଅହମିହ ନିଵସାମି ଯାହି ରାଧାମନୁନଯ ମଦ୍ଵଚନେନ ଚାନଯେଥାଃ ।
ଇତି ମଧୁରିପୁଣା ସଖୀ ନିଯୁକ୍ତା ସ୍ଵଯମିଦମେତ୍ଯ ପୁନର୍ଜଗାଦ ରାଧାମ୍ ॥ ୩୪॥
{॥ ଗୀତମ୍ ୧୦ ॥}
ଵହତି ମଲଯସମୀରେ ମଦନମୁପନିଧାଯ ।
ସ୍ଫୁଟତି କୁସୁମନିକରେ ଵିରହିହୃଦଯଦଲନାଯ ॥
ତଵ ଵିରହେ ଵନମାଲୀ ସଖି ସୀଦତି ॥ ୧॥
ଦହତି ଶିଶିରମଯୂଖେ ମରଣମନୁକରୋତି ।
ପତତି ମଦନଵିଶିଖେ ଵିଲପତି ଵିକଲତରୋଽତି ॥ ୨॥ ତଵ ଵିରହେ
ଧ୍ଵନତି ମଧୁପସମୂହେ ଶ୍ରଵଣମପି ଦଧାତି ।
ମନସି ଵଲିତଵିରହେ ନିଶି ନିଶି ରୁଜମୁପଯାତି ॥ ୩॥ ତଵ ଵିରହେ
ଵସତି ଵିପିନଵିତାନେ ତ୍ଯଜତି ଲଲିତଧାମ ।
ଲୁଠତି ଧରଣିଶଯନେ ବହୁ ଵିଲପତି ତଵ ନାମ ॥ ୪॥ ତଵ ଵିରହେ
ରଣତି ପିକସମୁଦାଯେ ପ୍ରତିଦିଶମନୁଯାତି ।
ହସତି ମନୁଜନିଚଯେ ଵିରହମପଲପତି ନେତି ॥ ୫॥ ତଵ ଵିରହେ
ସ୍ଫୁରତି କଲରଵରାଵେ ସ୍ମରତି ଭଣିତମେଵ ।
ତଵ ରତିସୁଖଵିଭଵେ ବହୁଗଣଯତି ଗୁଣମତୀଵ ॥ ୬॥ ତଵ ଵିରହେ
ତ୍ଵଦଭିଦଶୁଭଦମାସଂ ଵଦତୁ ନରି ଶୃଣୋତି ।
ତମପି ଜପତି ସରସଂ ପରଯୁଵତିଷୁ ନ ରତିମୁପୈତି ॥ ୭॥ ତଵ ଵିରହେ
ଭଣତି କଵିଜଯଦେଵେ ଵିରହିଵିଲସିତେନ ।
ମନସି ରଭସଵିଭଵେ ହରିରୁଦଯତୁ ସୁକୃତେନ ॥ ୮॥ ତଵ ଵିରହେ
ପୂର୍ଵଂ ଯତ୍ର ସମଂ ତ୍ଵଯା ରତିପତେରାସାଦିତଃ ସିଦ୍ଧଯ-
ସ୍ତସ୍ମିନ୍ନେଵ ନିକୁଞ୍ଜମନ୍ମଥମହାତୀର୍ଥେ ପୁନର୍ମାଧଵଃ ।
ଧ୍ଯାଯଂସ୍ତ୍ଵାମନିଶଂ ଜପନ୍ନପି ତଵୈଵାଲାପମନ୍ତ୍ରାଵଲୀଂ
ଭୂଯସ୍ତ୍ଵତ୍କୁଚକୁମ୍ଭନିର୍ଭରପରୀରମ୍ଭାମୃତଂ ଵାଞ୍ଛତି ॥ ୩୫॥
{॥ ଗୀତମ୍ ୧୧ ॥}
ରତିସୁଖସାରେ ଗତମଭିସାରେ ମଦନମନୋହରଵେଶମ୍ ।
ନ କୁରୁ ନିତମ୍ବିନି ଗମନଵିଲମ୍ବନମନୁସର ତଂ ହୃଦଯେଶମ୍ ॥
ଧୀରସମୀରେ ଯମୁନାତୀରେ ଵସତି ଵନେ ଵନମାଲୀ
ଗୋପୀପୀନପଯୋଧାରମର୍ଦନଚଞ୍ଚଲକରଯୁଗଶାଲୀ ॥ ୧॥
ନାମ ସମେତଂ କୃତସଂକେତଂ ଵାଦଯତେ ମୃଦୁଵେଣୁମ୍ ।
ବହୁ ମନୁତେ ନନୁ ତେ ତନୁସଂଗତପଵନଚଲିତମପି ରେଣୁମ୍ ॥ ୨॥ ଧୀରସମୀରେ var - ତନୁ
ପତତି ପତତ୍ରେ ଵିଚଲତି ପତ୍ରେ ଶଙ୍କିତଭଵଦୁପଯାନମ୍ ।
ରଚଯତି ଶଯନଂ ସଚକିତନଯନଂ ପଶ୍ଯତି ତଵ ପନ୍ଥାନମ୍ ॥ ୩॥ ଧୀରସମୀରେ
ମୁଖରମଧୀରଂ ତ୍ଯଜ ମଞ୍ଜୀରଂ ରିପୁମିଵ କେଲିସୁଲୋଲମ୍ ।
ଚଲ ସଖି କୁଞ୍ଜଂ ସତିମିରପୁଞ୍ଜଂ ଶୀଲଯ ନୀଲନିଚୋଲମ୍ ॥ ୪॥ ଧୀରସମୀରେ
ଉରସି ମୁରାରେରୁପହିତହାରେ ଘନ ଇଵ ତରଲବଲାକେ ।
ତଡିଦିଵ ପୀତେ ରତିଵିପରୀତେ ରାଜସି ସୁକୃତଵିପାକେ ॥ ୫॥ ଧୀରସମୀରେ
ଵିଗଲିତଵସନଂ ପରିହୃତରସନଂ ଘଟଯ ଜଘନମପିଧାନମ୍ ।
କିସଲଯଶଯନେ ପଙ୍କଜନଯନେ ନିଧିମିଵ ହର୍ଷନିଦାନମ୍ ॥ ୬॥ ଧୀରସମୀରେ
ହରିରଭିମାନୀ ରଜନିରିଦାନୀମିଯମପି ଯାତି ଵିରାମମ୍ ।
କୁରୁ ମମ ଵଚନଂ ସତ୍ଵରରଚନଂ ପୂରଯ ମଧୁରିପୁକାମମ୍ ॥ ୭॥ ଧୀରସମୀରେ
ଶ୍ରୀଜଯଦେଵେ କୃତହରିସେଵେ ଭଣତି ପରମରମଣୀଯମ୍ ।
ପ୍ରମୁଦିତହୃଦଯଂ ହରିମତିସଦଯଂ ନମତ ସୁକୃତକମନୀଯମ୍ ॥ ୮॥ ଧୀରସମୀରେ
ଵିକିରତି ମୁହୁଃ ଶ୍ଵାସାନାଶାଃ ପୁରୋ ମୁହୁରୀକ୍ଷତେ
ପ୍ରଵିଶତି ମୁହୁଃ କୁଞ୍ଜଂ ଗୁଞ୍ଜନ୍ମୁହୁର୍ବହୁ ତାମ୍ଯତି ।
ରଚଯତି ମୁହୁଃ ଶଯ୍ଯାଂ ପର୍ଯାକୁଲଂ ମୁହୁରୀକ୍ଷତେ
ମଦନକଦନକ୍ଲାନ୍ତଃ କାନ୍ତେ ପ୍ରିଯସ୍ତଵ ଵର୍ତତେ ॥ ୩୬॥
ତ୍ଵଦ୍ଵାମ୍ଯେନ ସମଂ ସମଗ୍ରମଧୁନା ତିଗ୍ମାଂଶୁରସ୍ତଂ ଗତୋ
ଗୋଵିନ୍ଦସ୍ଯ ମନୋରଥେନ ଚ ସମଂ ପ୍ରାପ୍ତଂ ତମଃ ସାନ୍ଦ୍ରତାମ୍ ।
କୋକାନାଂ କରୁଣସ୍ଵନେନ ସଦୃଶୀ ଦୀର୍ଘା ମଦଭ୍ଯର୍ଥନା
ତନ୍ମୁଗ୍ଧେ ଵିଫଲଂ ଵିଲମ୍ବନମସୌ ରମ୍ଯୋଽଭିସାରକ୍ଷଣଃ ॥ ୩୭॥
ଆଶ୍ଲେଷାଦନୁ ଚୁମ୍ବନାଦନୁ ନଖୋଲ୍ଲେଖାଦନୁ ସ୍ଵାନ୍ତଜ-
ପ୍ରୋଦ୍ବୋଧାଦନୁ ସମ୍ଭ୍ରମାଦନୁ ରତାରମ୍ଭାଦନୁ ପ୍ରୀତଯୋଃ ।
ଅନ୍ଯାର୍ଥଂ ଗତଯୋର୍ଭ୍ରମାନ୍ମିଲିତଯୋଃ ସମ୍ଭାଷଣୈର୍ଜାନତୋ-
ର୍ଦମ୍ପତ୍ଯୋରିହ କୋ ନ କୋ ନ ତମସି ଵ୍ରୀଡାଵିମିଶ୍ରୋ ରସଃ ॥ ୩୮।
ସଭଯଚକିତଂ ଵିନ୍ଯସ୍ଯନ୍ତୀଂ ଦୃଶୌ ତିମିରେ ପଥି
ପ୍ରତିତରୁ ମୁହୁଃ ସ୍ଥିତ୍ଵା ମନ୍ଦଂ ପଦାନି ଵିତନ୍ଵତୀମ୍ ।
କଥମପି ରହଃ ପ୍ରାପ୍ତାମଙ୍ଗୈରନଙ୍ଗତରଙ୍ଗିଭିଃ
ସୁମୁଖି ସୁଭଗଃ ପଶ୍ଯନ୍ସ ତ୍ଵାମୁପୈତୁ ଋତାର୍ଥତାମ୍ ॥ ୩୯॥
ରାଧାମୁଗ୍ଦ୍ଧମୁଖାରଵିନ୍ଦମଧୁପସ୍ତ୍ରୈଲୋକ୍ଯମୌଲିସ୍ଥଲୀ
ନେପଥ୍ଯୋଚିତନୀଲରତ୍ନମଵନୀଭାରାଵତାରକ୍ଷମଃ ।
ସ୍ଵଚ୍ଛନ୍ଦଂ ଵ୍ରଜସୁନ୍ଦରୀଜନମନସ୍ତୋଷପ୍ରଦୋଷଶ୍ଚିରଂ
କଂସଧ୍ଵଂସନଧୂମକେତୁରଵତୁ ତ୍ଵାଂ ଦେଵକୀନନ୍ଦନଃ ॥ ୪୦॥
॥ ଇତି ଶ୍ରୀଗୀତଗୋଵିନ୍ଦେଽଭିସାରିକଵର୍ଣନେ ସାକାଙ୍କ୍ଷପୁଣ୍ଡରୀକାକ୍ଷୋ ନାମ
ପଞ୍ଚମଃ ସର୍ଗଃ ॥
iତି
cହପ୍ତେର୍{॥ ଷଷ୍ଠଃ ସର୍ଗଃ ॥}
{॥ କୁଣ୍ଠଵୈକୁଣ୍ଠଃ ॥}
ଅଥ ତାଂ ଗନ୍ତୁମଶକ୍ତାଂ ଚିରମନୁରକ୍ତାଂ ଲତାଗୃହେ ଦୃଷ୍ଟ୍ଵା ।
ତଚ୍ଚରିତଂ ଗୋଵିନ୍ଦେ ମନସିଜମନ୍ଦେ ସଖୀ ପ୍ରାହ ॥ ୪୧॥
{॥ ଗୀତମ୍ ୧୨ ॥}
ପଶ୍ଯତି ଦିଶି ଦିଶି ରହସି ଭଵନ୍ତମ୍ ।
ତଦଧରମଧୁରମଧୂନି ପିବନ୍ତମ୍ ॥ var - ତ୍ଵଦଧର
ନାଥ ହରେ (ଜଯ ନାଥ ହରେ) ସୀଦତି ରାଧା ଵାସଗୃହେ ॥ ୧॥
ତ୍ଵଦଭିସରଣରଭସେନ ଵଲନ୍ତୀ ।
ପତତି ପଦାନି କିଯନ୍ତି ଚଲନ୍ତୀ ॥ ୨॥ ନାଥ ହରେ
ଵିହିତଵିଶଦବିସକିସଲଯଵଲଯା ।
ଜୀଵତି ପରମିହ ତଵ ରତିକଲଯା ॥ ୩॥ ନାଥ ହରେ
ମୁହୁରଵଲୋକିତମଣ୍ଡନଲୀଲା ।
ମଧୁରିପୁରହମିତି ଭାଵନଶୀଲା ॥ ୪॥ ନାଥ ହରେ
ତ୍ଵରିତମୁପୈତି ନ କଥମଭିସାରମ୍ ।
ହରିରିତି ଵଦତି ସଖୀମନୁଵାରମ୍ ॥ ୫॥ ନାଥ ହରେ
ଶ୍ଲିଷ୍ଯତି ଚୁମ୍ବତି ଜଲଧରକଲ୍ପମ୍ ।
ହରିରୁପଗତ ଇତି ତିମିରମନଲ୍ପମ୍ ॥ ୬॥ ନାଥ ହରେ
ଭଵତି ଵିଲମ୍ବିନି ଵିଗଲିତଲଜ୍ଜା ।
ଵିଲପତି ରୋଦିତି ଵାସକସଜ୍ଜା ॥ ୭॥ ନାଥ ହରେ
ଶ୍ରୀଜଯଦେଵକଵେରିଦମୁଦିତମ୍ ।
ରସିକଜନଂ ତନୁତାମତିମୁଦିତମ୍ ॥ ୮॥ ନାଥ ହରେ
ଵିପୁଲପୁଲକପାଲିଃ ସ୍ଫୀତସୀତ୍କାରମନ୍ତ-
ର୍ଜନିତଜଡିମକାକୁଵ୍ଯାକୁଲଂ ଵ୍ଯାହରନ୍ତୀ ।
ତଵ କିତଵ ଵିଧାଯାମନ୍ଦକନ୍ଦର୍ପଚିନ୍ତାଂ var - ଵିଧତ୍ତେ ମନ୍ଦ
ରସଜଲଧିନିମଗ୍ନା ଧ୍ଯାନଲଗ୍ନା ମୃଗାକ୍ଷୀ ॥ ୪୨॥
ଅଙ୍ଗେଷ୍ଵାଭରଣଂ କରୋତି ବହୁଶଃ ପତ୍ରେଽପି ସଂଚାରିଣି
ପ୍ରାପ୍ତଂ ତ୍ଵାଂ ପରିଶଙ୍କତେ ଵିତନୁତେ ଶଯ୍ଯାଂ ଚିରଂ ଧ୍ଯାଯତି ।
ଇତ୍ଯାକଲ୍ପଵିକଲ୍ପତଲ୍ପରଚନାସଂକଲ୍ପଲୀଲାଶତ-
ଵ୍ଯାସକ୍ତାପି ଵିନା ତ୍ଵଯା ଵରତନୁର୍ନୈଷା ନିଶାଂ ନେଷ୍ଯତି ॥ ୪୩॥
କିଂ ଵିଶ୍ରାମ୍ଯସି କୃଷ୍ଣଭୋଗିଭଵନେ ଭାଣ୍ଡୀରଭୂମୀରୁହି
ଭ୍ରାତର୍ଯାହି ନ ଦୃଷ୍ଟିଗୋଚରମିତଃ ସାନନ୍ଦନନ୍ଦାସ୍ପଦମ୍ ।
ରାଧାଯା ଵଚନଂ ତଦଧ୍ଵଗମୁଖାନ୍ନନ୍ଦାନ୍ତିକେ ଗୋପତୋ
ଗୋଵିନ୍ଦସ୍ଯ ଜଯତି ସାଯମତିଥିପ୍ରାଶସ୍ତ୍ଯଗର୍ଭା ଗିରଃ ॥ ୪୪ ॥
॥ ଇତି ଗୀତଗୋଵିନ୍ଦେ ଵାସକସଜ୍ଜାଵର୍ଣନେ କୁଣ୍ଠଵୈକୁଣ୍ଠୋ ନାମ ଷଷ୍ଟଃ ସର୍ଗଃ ॥
iତି
cହପ୍ତେର୍{॥ ସପ୍ତମଃ ସର୍ଗଃ ॥}
{॥ ନାଗରନାରାଯଣଃ ॥}
ଅତ୍ରାନ୍ତରେ ଚ କୁଲଟାକୁଲଵର୍ତ୍ମପାତ-
ସଂଜାତପାତକ ଇଵ ସ୍ଫୁଟଲାଞ୍ଛନଶ୍ରୀଃ ।
ଵୃନ୍ଦାଵନାନ୍ତରମଦୀପଯଦଂଶୁଜାଲୈ-
ର୍ଦିକ୍ସୁନ୍ଦରୀଵଦନଚନ୍ଦନବିନ୍ଦୁରିନ୍ଦୁଃ ॥ ୪୫॥
ପ୍ରସରତି ଶଶଧରବିମ୍ବେ ଵିହିତଵିଲମ୍ବେ ଚ ମାଧଵେ ଵିଧୁରା ।
ଵିରଚିତଵିଵିଧଵିଲାପଂ ସା ପରିତାପଂ ଚକାରୋଚ୍ଚୈଃ ॥ ୪୬॥
{॥ ଗୀତମ୍ ୧୩ ॥}
କଥିତସମଯେଽପି ହରିରହହ ନ ଯଯୌ ଵନମ୍ ।
ମମ ଵିଫଲମିଦମମଲରୂପମପି ଯୌଵନମ୍ ॥
ଯାମି ହେ କମିହ ଶରଣଂ ସଖୀଜନଵଚନଵଞ୍ଚିତା ॥ ୧॥
ଯଦନୁଗମନାଯ ନିଶି ଗହନମପି ଶୀଲିତମ୍ ।
ତେନ ମମ ହୃଦଯମିଦମସମଶରକୀଲିତମ୍ ॥ ୨॥ ଯାମି ହେ
ମମ ମରଣମେଵ ଵରମତିଵିତଥକେତନା ।
କିମିହ ଵିଷହାମି ଵିରହାନଲମଚେତନା ॥ ୩॥ ଯାମି ହେ
ମାମହହ ଵିଧୁରଯତି ମଧୁରମଧୁଯାମିନୀ ।
କାପି ହରିମନୁଭଵତି କୃତସୁକୃତକାମିନୀ ॥ ୪॥ ଯାମି ହେ
ଅହହ କଲଯାମି ଵଲଯାଦିମଣୀଭୂଷଣମ୍ ।
ହରିଵିରହଦହନଵହନେନ ବହୁଦୂଷଣମ୍ ॥ ୫॥ ଯାମି ହେ
କୁସୁମସୁକୁମାରତନୁମତନୁଶରଲୀଲଯା ।
ସ୍ରଗପି ହୃଦି ହନ୍ତି ମାମତିଵିଷମଶୀଲଯା ॥ ୬॥ ଯାମି ହେ
ଅହମିହ ନିଵସାମି ନ ଗଣିତଵନଵେତସା ।
ସ୍ମରତି ମଧୁସୂଦନୋ ମାମପି ନ ଚେତସା ॥ ୭॥ ଯାମି ହେ
ହରିଚରଣଶରଣଜଯଦେଵକଵିଭାରତୀ ।
ଵସତୁ ହୃଦି ଯୁଵତିରିଵ କୋମଲକଲାଵତୀ ॥ ୮॥ ଯାମି ହେ
ତତ୍କିଂ କାମପି କାମିନୀମଭିସୃତଃ କିଂ ଵା କଲାକେଲିଭି-
ର୍ବଦ୍ଧୋ ବନ୍ଧୁଭିରନ୍ଧକାରିଣି ଵନୋପାନ୍ତେ କିମୁ ଭ୍ରାମ୍ଯତି ।
କାନ୍ତଃ କ୍ଲାନ୍ତମନା ମନାଗପି ପଥି ପ୍ରସ୍ଥାତୁମେଵାକ୍ଷମଃ
ସଂକେତୀକୃତମଞ୍ଜୁଵଞ୍ଜୁଲଲତାକୁଞ୍ଜେଽପି ଯନ୍ନାଗତଃ ॥ ୪୭॥
ଅଥାଗତଂ ମାଧଵମନ୍ତରେଣ
ସଖୀମିଯଂ ଵୀକ୍ଷ୍ଯ ଵିଷାଦମୂକାମ୍ ।
ଵିଶଙ୍କମନା ରମିତଂ କଯାପି
ଜନାର୍ଦନଂ ଦୃଷ୍ଟଵଦେତଦାହ ॥ ୪୮॥
{॥ ଗୀତମ୍ ୧୪ ॥}
ସ୍ମରସମରୋଚିତଵିରଚିତଵେଶା ।
ଗଲିତକୁସୁମଦରଵିଲୁଲିତକେଶା ॥
କାପି ମଧୁରିପୁଣା ଵିଲସତି ଯୁଵତିରଧିକଗୁଣା ॥ ୧॥
ହରିପରିରମ୍ଭଣଵଲିତଵିକାରା ।
କୁଚକଲଶୋପରି ତରଲିତହାରା ॥ ୨॥ କାପି ମଧୁରିପୁଣା
ଵିଚଲଦଲକଲଲିତାନନଚନ୍ଦ୍ରା ।
ତଦଧରପାନରଭସକୃତତନ୍ଦ୍ରା ॥ ୩॥ କାପି ମଧୁରିପୁଣା
ଚଞ୍ଚଲକୁଣ୍ଡଲଦଲିତକପୋଲା ।
ମୁଖରିତରଶନଜଘନଗଲିତଲୋଲା ॥ ୪॥ କାପି ମଧୁରିପୁଣା
ଦଯିତଵିଲୋକିତଲଜ୍ଜିତହସିତା ।
ବହୁଵିଧକୂଜିତରତିରସରସିତା ॥ ୫॥ କାପି ମଧୁରିପୁଣା
ଵିପୁଲପୁଲକପୃଥୁଵେପଥୁଭଙ୍ଗା ।
ଶ୍ଵସିତନିମୀଲିତଵିକସଦନଙ୍ଗା ॥ ୬॥ କାପି ମଧୁରିପୁଣା
ଶ୍ରମଜଲକଣଭରସୁଭଗଶରୀରା ।
ପରିପତିତୋରସି ରତିରଣଧୀରା ॥ ୭॥ କାପି ମଧୁରିପୁଣା
ଶ୍ରୀଜଯଦେଵଭଣିତହରିରମିତମ୍ ।
କଲିକଲୁଷଂ ଜନଯତୁ ପରିଶମିତମ୍ ॥ ୮॥ କାପି ମଧୁରିପୁଣା
ଵିରହପାଣ୍ଡୁମୁରାରିମୁଖାମ୍ବୁଜ-
ଦ୍ଯୁତିରିଯଂ ତିରଯନ୍ନପି ଵେଦନାମ୍ । var ଚେତନାମ୍
ଵିଧୁରତୀଵ ତନୋତି ମନୋଭୁଵଃ
ସୁହୃଦଯେ ହୃଦଯେ ମଦନଵ୍ଯଥାମ୍ ॥ ୪୯।
{॥ ଗୀତମ୍ ୧୫ ॥}
ସମୁଦିତମଦନେ ରମଣୀଵଦନେ ଚୁମ୍ବନଵଲିତାଧରେ ।
ମୃଗମଦତିଲକଂ ଲିଖତି ସପୁଲକଂ ମୃଗମିଵ ରଜନୀକରେ ॥
ରମତେ ଯମୁନାପୁଲିନଵନେ ଵିଜଯୀ ମୁରାରିରଧୁନା ॥ ୧॥
ଘନଚଯରୁଚିରେ ରଚଯତି ଚିକୁରେ ତରଲିତତରୁଣାନନେ ।
କୁରବକକୁସୁମଂ ଚପଲାସୁଷମଂ ରତିପତିମୃଗକାନନେ ॥ ୨॥ ରମତେ
ଘଟଯତି ସୁଘନେ କୁଚଯୁଗଗଗନେ ମୃଗମଦରୁଚିରୂଷିତେ ।
ମଣିସରମମଲଂ ତାରକପଟଲଂ ନଖପଦଶଶିଭୂଷିତେ ॥ ୩॥ ରମତେ
ଜିତବିସଶକଲେ ମୃଦୁଭୁଜଯୁଗଲେ କରତଲନଲିନୀଦଲେ ।
ମରକତଵଲଯଂ ମଧୁକରନିଚଯଂ ଵିତରତି ହିମଶୀତଲେ ॥ ୪॥ ରମତେ
ରତିଗୃହଜଘନେ ଵିପୁଲାପଘନେ ମନସିଜକନକାସନେ ।
ମଣିମଯରସନଂ ତୋରଣହସନଂ ଵିକିରତି କୃତଵାସନେ ॥ ୫॥ ରମତେ
ଚରଣକିସଲଯେ କମଲାନିଲଯେ ନଖମଣିଗଣପୂଜିତେ ।
ବହିରପଵରଣଂ ଯାଵକଭରଣଂ ଜନଯତି ହୃଦି ଯୋଜିତେ ॥ ୬॥ ରମତେ
ରମଯତି ସୁଦୃଶଂ କାମପି ସୁଭୃଶଂ ଖଲହଲଧରସୋଦରେ ।
କିମଫଲମଵସଂ ଚିରମିହ ଵିରସଂ ଵଦ ସଖି ଵିଟପୋଦରେ ॥ ୭॥ ରମତେ
ଇହ ରସଭଣନେ କୃତହରିଗୁଣନେ ମଧୁରିପୁପଦସେଵକେ ।
କଲିଯୁଗଚରିତଂ ନ ଵସତୁ ଦୁରିତଂ କଵିନୃପଜଯଦେଵକେ ॥ ୮॥ ରମତେ
ନାଯାତଃ ସଖି ନିର୍ଦଯୋ ଯଦି ଶଠସ୍ତ୍ଵଂ ଦୂତି କିଂ ଦୂଯସେ
ସ୍ଵଚ୍ଛନ୍ଦଂ ବହୁଵଲ୍ଲଭଃ ସ ରମତେ କିଂ ତତ୍ର ତେ ଦୂଷଣମ୍ ।
ପଶ୍ଯାଦ୍ଯ ପ୍ରିଯସଙ୍ଗମାଯ ଦଯିତସ୍ଯାକୃଷ୍ଯମାଣଂ ଗୁଣୈ-
ରୁତ୍କଣ୍ଠାର୍ତିଭରାଦିଵ ସ୍ଫୁଟଦିଦଂ ଚେତଃ ସ୍ଵଯଂ ଯାସ୍ଯତି ॥ ୫୦॥
{॥ ଗୀତମ୍ ୧୬ ॥}
ଅନିଲତରଲକୁଵଲଯନଯନେନ ।
ତପତି ନ ସା କିସଲଯଶଯନେନ ॥
ସଖି ଯା ରମିତା ଵନମାଲିନା ॥ ୧॥
ଵିକସିତସରସିଜଲଲିତମୁଖେନ ।
ସ୍ଫୁଟତି ନ ସା ମନସିଜଵିଶିଖେନ ॥ ୨॥ ସଖି ଯା
ଅମୃତମଧୁରମୃଦୁତରଵଚନେନ ।
ଜ୍ଵଲତି ନ ସା ମଲଯଜପଵନେନ ॥ ୩॥ ସଖି ଯା
ସ୍ଥଲଜଲରୁହରୁଚିକରଚରଣେନ ।
ଲୁଠତି ନ ସା ହିମକରକିରଣେନ ॥ ୪॥ ସଖି ଯା
ସଜଲଜଲଦସମୁଦଯରୁଚିରେଣ ।
ଦଲତି ନ ସା ହୃଦି ଵିହରଭରେଣ ॥ ୫॥ ସଖି ଯା var - ଚିରଵିରହେଣ
କନକନିକଷରୁଚିଶୁଚିଵସନେନ ।
ଶ୍ଵସିତି ନ ସା ପରିଜନହସନେନ ॥ ୬॥ ସଖି ଯା
ସକଲଭୁଵନଜନଵରତରୁଣେନ ।
ଵହତି ନ ସା ରୁଜମତିକରୁଣେନ ॥ ୭॥ ସଖି ଯା
ଶ୍ରୀଜଯଦେଵଭଣିତଵଚନେନ ।
ପ୍ରଵିଶତୁ ହରିରପି ହୃଦଯମନେନ ॥ ୮॥ ସଖି ଯା
ମନୋଭଵାନନ୍ଦନ ଚନ୍ଦନାନିଲ
ପ୍ରସୀଦ ରେ ଦକ୍ଷିଣ ମୁଞ୍ଚ ଵାମତାମ୍ ।
କ୍ଷଣଂ ଜଗତ୍ପ୍ରାଣ ଵିଧାଯ ମାଧଵଂ
ପୁରୋ ମମ ପ୍ରାଣହରୋ ଭଵିଷ୍ଯସି ॥ ୫୧॥
ରିପୁରିଵ ସଖୀସଂଵାସୋଽଯଂ ଶିଖୀଵ ହିମାନିଲୋ
ଵିଷମିଵ ସୁଧାରଶ୍ମିର୍ଯସ୍ମିନ୍ଦୁନୋତି ମନୋଗତେ ।
ହୃଦଯମଦଯେ ତସ୍ମିନ୍ନେଵଂ ପୁନର୍ଵଲତେ ବଲାତ୍
କୁଵଲଯଦୃଶାଂ ଵାମଃ କାମୋ ନିକାମନିରଙ୍କୁଶଃ ॥ ୫୨॥
ବାଧାଂ ଵିଧେହି ମଲଯାନିଲ ପଞ୍ଚବାଣ
ପ୍ରାଣାନ୍ଗୃହାଣ ନ ଗୃହଂ ପୁନରାଶ୍ରଯିଷ୍ଯେ ।
କିଂ ତେ କୃତାନ୍ତଭଗିନି କ୍ଷମଯା ତରଙ୍ଗୈ-
ରଙ୍ଗାନି ସିଞ୍ଚ ମମ ଶାମ୍ଯତୁ ଦେହଦାହଃ ॥ ୫୩॥
ପ୍ରାତର୍ନୀଲନିଚୋଲମଚ୍ଯୁତମୁରସ୍ସଂଵୀତପୀତାମ୍ବରଂ
ରାଧାଯାଶ୍ଚକିତଂ ଵିଲୋକ୍ଯ ହସତି ସ୍ଵୈରଂ ସଖୀମଣ୍ଡଲେ ।
ଵ୍ରୀଲାଚଞ୍ଚଲମଞ୍ଚଲଂ ନଯନଯୋରାଧାଯ ରାଧାନନେ
ଗୂଢଂ ସ୍ମେରମୁଖୋଽଯମସ୍ତୁ ଜଗଦାନନ୍ଦାଯ ନନ୍ଦାତ୍ମଜଃ ॥ ୫୪॥
॥ ଇତି ଗୀତଗୋଵିନ୍ଦେ ଵିପ୍ରଲବ୍ଧାଵର୍ଣନେ ନାଗନାରାଯଣୋ ନାମ ସପ୍ତମଃ ସର୍ଗଃ ॥
iତି
cହପ୍ତେର୍{॥ ଅଷ୍ଟମଃ ସର୍ଗଃ ॥}
{॥ ଵିଲକ୍ଷ୍ଯଲକ୍ଷ୍ମୀପତିଃ ॥}
ଅଥ କଥମପି ଯାମିନୀଂ ଵିନୀଯ
ସ୍ମରଶରଜର୍ଜରିତାପି ସା ପ୍ରଭାତେ ।
ଅନୁନଯଵଚନଂ ଵଦନ୍ତମଗ୍ରେ
ପ୍ରଣତମପି ପ୍ରିଯମାହ ସାଭ୍ଯସୂଯମ୍ ॥ ୫୫॥
{॥ ଗୀତମ୍ ୧୭ ॥}
ରଜନିଜନିତଗୁରୁଜାଗରରାଗକଷାଯିତମଲସନିଵେଶମ୍ ।
ଵହତି ନଯନମନୁରାଗମିଵ ସ୍ଫୁଟମୁଦିତରସାଭିନିଵେଶମ୍ ॥
ହରିହରି ଯାହି ମାଧଵ ଯାହି କେଶଵ ମା ଵଦ କୈତଵଵାଦଂ
ତାମନୁସର ସରସୀରୁହଲୋଚନ ଯା ତଵ ହରତି ଵିଷାଦମ୍ ॥ ୧॥
କଜ୍ଜଲମଲିନଵିଲୋଚନଚୁମ୍ବନଵିରଚିତନୀଲିମରୂପମ୍ ।
ଦଶନଵସନମରୁଣଂ ତଵ କୃଷ୍ଣ ତନୋତି ତନୋରନୁରୂପମ୍ ॥ ୨॥ ଯାହି ମାଧଵ
ଵପୁରନୁହରତି ତଵ ସ୍ମରସଙ୍ଗରଖରନଖରକ୍ଷତରେଖମ୍ ।
ମରକତଶକଲକଲିତକଲଧୌତଲିପିରେଵ ରତିଜଯଲେଖମ୍ ॥ ୩॥ ଯାହି ମାଧଵ
ଚରଣକମଲଗଲଦଲକ୍ତକସିକ୍ତମିଦଂ ତଵ ହୃଦଯମୁଦାରମ୍ ।
ଦର୍ଶଯତୀଵ ବହିର୍ମଦନଦ୍ରୁମନଵକିସଲଯପରିଵାରମ୍ ॥ ୪॥ ଯାହି ମାଧଵ
ଦଶନପଦଂ ଭଵଦଧରଗତଂ ମମ ଜନଯତି ଚେତସି ଖେଦମ୍ ।
କଥଯତି କଥମଧୁନାପି ମଯା ସହ ତଵ ଵପୁରେତଦଭେଦମ୍ ॥ ୫॥ ଯାହି ମାଧଵ
ବହିରିଵ ମଲିନତରଂ ତଵ କୃଷ୍ଣ ମନୋଽପି ଭଵିଷ୍ଯତି ନୂନମ୍ ।
କଥମଥ ଵଞ୍ଚଯସେ ଜନମନୁଗତମସମଶରଜ୍ଵରଦୂନମ୍ ॥ ୬॥ ଯାହି ମାଧଵ
ଭ୍ରମତି ଭଵାନବଲାକଵଲାଯ ଵନେଷୁ କିମତ୍ର ଵିଚିତ୍ରମ୍ ।
ପ୍ରଥଯତି ପୂତନିକୈଵ ଵଧୂଵଧନିର୍ଦଯବାଲଚରିତ୍ରମ୍ ॥ ୭॥ ଯାହି ମାଧଵ
ଶ୍ରୀଜଯଦେଵଭଣିତରତିଵଞ୍ଚିତଖଣ୍ଡିତଯୁଵତିଵିଲାପମ୍ ।
ଶୃଣୁତ ସୁଧାମଧୁରଂ ଵିବୁଧା ଵିବୁଧାଲଯତୋଽପି ଦୁରାପମ୍ ॥ ୮॥ ଯାହି ମାଧଵ
ତଦେଵଂ ପଶ୍ଯନ୍ତ୍ଯାଃ ପ୍ରସରଦନୁରାଗଂ ବହିରିଵ
ପ୍ରିଯାପାଦାଲକ୍ତଚ୍ଛୁରିତମରୁଣଚ୍ଛାଯହୃଦଯମ୍ ।
ମମାଦ୍ଯ ପ୍ରଖ୍ଯାତପ୍ରଣଯଭରଭଙ୍ଗେନ କିତଵ
ତ୍ଵଦାଲୋକଃ ଶୋକାଦପି କିମପି ଲଜ୍ଜାଂ ଜନଯତି ॥ ୫୬॥
ଅନ୍ତର୍ମୋହନମୌଲିଘୂର୍ଣନଚଲନ୍ମନ୍ଦାରଵିସ୍ରଂସନଃ
ସ୍ତବ୍ଧାକର୍ଷଣଲୋଚନୋତ୍ସଵମହାମନ୍ତ୍ରଃ କୁରଙ୍ଗୀଦୃଶାମ୍ ।
ଦୃପ୍ଯଦ୍ଦାନଵଦୂଯମାନଦିଵିଷଦ୍ଦୂର୍ଵାରଦୁର୍ଵେଦନା-
ଦ୍ଧ୍ଵଂସଃ କଂସରିପୋଃ ପ୍ରରୋପଯତୁ ଵଃ ଶ୍ରେଯାଂସି ଵଂଶୀରଵଃ ॥ ୫୭॥
ଇତି ଗୀତଗୋଵିନ୍ଦେ ଖଣ୍ଡିତାଵର୍ଣନେ ଵିଲକ୍ଷ୍ଯଲକ୍ଷ୍ମୀପତିର୍ନାମ ଅଷ୍ଠମଃ ସର୍ଗଃ ॥
iତି
cହପ୍ତେର୍{॥ ନଵମଃ ସର୍ଗଃ ॥}
{॥ ମନ୍ଦମୁକୁନ୍ଦଃ ॥}
ତାମଥ ମନ୍ମଥଖିନ୍ନାଂ
ରତିରସଭିନ୍ନାଂ ଵିଷାଦସମ୍ପନ୍ନାମ୍ ।
var - ଅଥ ତାଂ ମନ୍ମଥଖିନ୍ନାଂ ରତିରସଭିନ୍ନାଂ ଵିଵାଦସମ୍ପନ୍ନାମ୍
ଅନୁଚିନ୍ତିତହରିଚରିତାଂ
କଲହାନ୍ତରିତାମୁଵାଚ ସଖୀ ॥ ୫୮॥
{॥ ଗୀତମ୍ ୧୮ ॥}
ହରିରଭିସରତି ଵହତି ମଧୁପଵନେ ।
କିମପରମଧିକସୁଖଂ ସଖି ଭୁଵନେ ॥
ମାଧଵେ ମା କୁରୁ ମାନିନି ମାନମଯେ ॥ ୧॥
ତାଲଫଲାଦପି ଗୁରୁମତିସରସମ୍ ।
କିଂ ଵିଫଲୀକୁରୁଷେ କୁଚକଲଶମ୍ ॥ ୨॥ ମାଧଵେ
କତି ନ କଥିତମିଦମନୁପଦମଚିରମ୍ ।
ମା ପରିହର ହରିମତିଶଯରୁଚିରମ୍ ॥ ୩॥ ମାଧଵେ
କିମିତି ଵିଷୀଦସି ରୋଦିଷି ଵିକଲା ।
ଵିହସତି ଯୁଵତିସଭା ତଵ ସକଲା ॥ ୪॥ ମାଧଵେ
ମୃଦୁନଲିନୀଦଲଶୀତଲଶଯନେ ।
ହରିମଵଲୋକଯ ସଫଲଯ ନଯନେ ॥ ୫॥ ମାଧଵେ
ଜନଯସି ମନସି କିମିତି ଗୁରୁଖେଦମ୍ ।
ଶୃଣୁ ମମ ଵଚନମନୀହିତଭେଦମ୍ ॥ ୬॥ ମାଧଵେ
ହରିରୁପଯାତୁ ଵଦତୁ ବହୁମଧୁରମ୍ ।
କିମିତି କରୋଷି ହୃଦଯମତିଵିଧୁରମ୍ ॥ ୭॥ ମାଧଵେ
ଶ୍ରୀଜଯଦେଵଭଣିତମତିଲଲିତମ୍ ।
ସୁଖଯତୁ ରସିକଜନଂ ହରିଚରିତମ୍ ॥ ୮॥ ମାଧଵେ
ସ୍ନିଗ୍ଧେ ଯତ୍ପରୁଷାସି ଯତ୍ପ୍ରଣମତି ସ୍ତବ୍ଧାସି ଯଦ୍ରାଗିଣି
ଦ୍ଵେଷସ୍ଥାସି ଯଦୁନ୍ମୁଖେ ଵିମୁଖତାଂ ଯାତାସି ତସ୍ମିନ୍ପ୍ରିଯେ ।
ତଦ୍ଯୁକ୍ତଂ ଵିପରୀତକାରିଣି ତଵ ଶ୍ରୀଖଣ୍ଡଚର୍ଚା ଵିଷଂ var - ଯୁକ୍ତଂ ତଦ୍
ଶୀତାଂଶୁସ୍ତପନୋ ହିମଂ ହୁତଵହଃ କ୍ରୀଡାମୁଦୋ ଯାତନାଃ ॥ ୫୯॥
ସାନ୍ଦ୍ରାନନ୍ଦପୁରନ୍ଦରାଦିଦିଵିଷଦ୍ଵୃନ୍ଦୈରମନ୍ଦାଦରା-
ଦାନମ୍ରୈର୍ମକୁଟେନ୍ଦ୍ରନୀଲମଣିଭିଃ ସନ୍ଦର୍ଶିତେନ୍ଦିନ୍ଦିରମ୍ ।
ସ୍ଵଚ୍ଛନ୍ଦଂ ମକରନ୍ଦସୁନ୍ଦରଗଲନ୍ମନ୍ଦାକିନୀମେଦୁରଂ
ଶ୍ରୀଗୋଵିନ୍ଦପଦାରଵିନ୍ଦମଶୁଭସ୍କନ୍ଦାଯ ଵନ୍ଦାମହେ ॥ ୬୦॥
॥ ଇତି ଗୀତଗୋଵିନ୍ଦେ କଲହାନ୍ତରିତାଵର୍ଣନେ ମନ୍ଦମୁକୁନ୍ଦୋ ନାମ ନଵମଃ ସର୍ଗଃ ॥
iତି
cହପ୍ତେର୍{॥ ଦଶମଃ ସର୍ଗଃ ॥}
{॥ ଚତୁରଚତୁର୍ଭୁଜଃ ॥}
ଅତ୍ରାନ୍ତରେ ମସୃଣରୋଷଵଶାମସୀମ-
ନିଃଶ୍ଵାସନିଃସହମୁଖୀଂ ସୁମୁଖୀମୁପେତ୍ଯ । var - ସମୁପେତ୍ଯ ରାଧାମ୍
ସଵ୍ରୀଡମୀକ୍ଷିତସଖୀଵଦନାଂ ଦିନାନ୍ତେ
ସାନନ୍ଦଗଦ୍ଗଦପଦଂ ହରିରିତ୍ଯୁଵାଚ ॥ ୬୧॥ var - ଵିଦଂ
{॥ ଗୀତମ୍ ୧୯ ॥}
ଵଦସି ଯଦି କିଂଚିଦପି ଦନ୍ତରୁଚିକୌମୁଦୀ
ହରତି ଦରତିମିରମତିଘୋରମ୍ ।
ସ୍ଫୁରଦଧରସୀଧଵେ ତଵ ଵଦନଚନ୍ଦ୍ରମା
ରୋଚଯତି ଲୋଚନଚକୋରମ୍ ॥
ପ୍ରିଯେ ଚାରୁଶୀଲେ ମୁଞ୍ଚ ମଯି ମାନମନିଦାନଂ
ସପଦି ମଦନାନଲୋ ଦହତି ମମ ମାନସଂ
ଦେହି ମୁଖକମଲମଧୁପାନମ୍ ॥ ୧॥
ସତ୍ଯମେଵାସି ଯଦି ସୁଦତି ମଯି କୋପିନୀ
ଦେହି ଖରନଖରଶରଘାତମ୍ ।
ଘଟଯ ଭୁଜବନ୍ଧନଂ ଜନଯ ରଦଖଣ୍ଡନଂ
ଯେନ ଵା ଭଵତି ସୁଖଜାତମ୍ ॥ ୨॥ ପ୍ରିଯେ ଚାରୁଶୀଲେ
ତ୍ଵମସି ମମ ଭୂଷଣଂ ତ୍ଵମସି ମମ ଜୀଵନଂ
ତ୍ଵମସି ମମ ଭଵଜଲଧିରତ୍ନମ୍ ।
ଭଵତୁ ଭଵତୀହ ମଯି ସତତମନୋରୋଧିନୀ
ତତ୍ର ମମ ହୃଦଯମତିଯତ୍ନମ୍ ॥ ୩॥ ପ୍ରିଯେ ଚାରୁଶୀଲେ
ନୀଲନଲିନାଭମପି ତନ୍ଵି ତଵ ଲୋଚନଂ
ଧାରଯତି କୋକନଦରୂପମ୍ ।
କୁସୁମଶରବାଣଭାଵେନ ଯଦି ରଞ୍ଜଯସି
କୃଷ୍ଣମିଦମେତଦନୁରୂପମ୍ ॥ ୪॥ ପ୍ରିଯେ ଚାରୁଶୀଲେ
ସ୍ଫୁରତୁ କୁଚକୁମ୍ଭଯୋରୁପରି ମଣିମଞ୍ଜରୀ
ରଞ୍ଜଯତୁ ତଵ ହୃଦଯଦେଶମ୍ ।
ରସତୁ ରଶନାପି ତଵ ଘନଜଘନମଣ୍ଡଲେ
ଘୋଷଯତୁ ମନ୍ମଥନିଦେଶମ୍ ॥ ୫॥ ପ୍ରିଯେ ଚାରୁଶୀଲେ
ସ୍ଥଲକମଲଗଞ୍ଜନଂ ମମ ହୃଦଯରଞ୍ଜନଂ
ଜନିତରତିରଙ୍ଗପରଭାଗମ୍ ।
ଭଣ ମସୃଣଵାଣି କରଵାଣି ପଦପଙ୍କଜଂ var - ଚରଣଦ୍ଵଯଂ
ସରସଲସଦଲକ୍ତକରାଗମ୍ ॥ ୬॥ ପ୍ରିଯେ ଚାରୁଶୀଲେ
ସ୍ମରଗରଲଖଣ୍ଡନଂ ମମ ଶିରସି ମଣ୍ଡନଂ
ଦେହି ପଦପଲ୍ଲଵମୁଦାରମ୍ ।
ଜ୍ଵଲତି ମଯି ଦାରୁଣୋ ମଦନକଦନାରୁଣୋ var - ନାନଲୋ
ହରତୁ ତଦୁପାହିତଵିକାରମ୍ ॥ ୭॥ ପ୍ରିଯେ ଚାରୁଶୀଲେ
ଇତି ଚଟୁଲଚାଟୁପଟୁଚାରୁ ମୁରଵୈରିଣୋ
ରାଧିକାମଧି ଵଚନଜାତମ୍ ।
ଜଯତି ପଦ୍ମାଵତୀରମଣଜଯଦେଵକଵି-
ଭାରତୀଭଣିତମିତିଗୀତମ୍ ॥ ୮॥ ପ୍ରିଯେ ଚାରୁଶୀଲେ
ପରିହର କୃତାତଙ୍କେ ଶଙ୍କାଂ ତ୍ଵଯା ସତତଂ ଘନ-
ସ୍ତନଜଘନଯାକ୍ରାନ୍ତେ ସ୍ଵାନ୍ତେ ପରାନଵକାଶିନି ।
ଵିଶତି ଵିତନୋରନ୍ଯୋ ଧନ୍ଯୋ ନ କୋଽପି ମମାନ୍ତରଂ
ସ୍ତନଭରପରୀରମ୍ଭାରମ୍ଭେ ଵିଧେହି ଵିଧେଯତାମ୍ ॥ ୬୨॥
ମୁଗ୍ଧେ ଵିଧେହି ମଯି ନିର୍ଦଯଦନ୍ତଦଂଶ-
ଦୋର୍ଵଲ୍ଲିବନ୍ଧନିବିଡସ୍ତନପୀଡନାନି ।
ଚଣ୍ଡି ତ୍ଵମେଵ ମୁଦମଞ୍ଚ ନ ପଞ୍ଚବାଣ-
ଚଣ୍ଡାଲକାଣ୍ଡଦଲନାଦସଵଃ ପ୍ରଯାନ୍ତୁ ॥ ୬୩॥
ଵ୍ଯଥଯତି ଵୃଥା ମୌନଂ ତନ୍ଵି ପ୍ରପଞ୍ଚଯ ପଞ୍ଚମଂ
ତରୁଣି ମଧୁରାଲାପୈସ୍ତାପଂ ଵିନୋଦଯ ଦୃଷ୍ଟିଭିଃ ।
ସୁମୁଖି ଵିମୁଖୀଭାଵଂ ତାଵଦ୍ଵିମୁଞ୍ଚ ନ ମୁଞ୍ଚ ମାଂ var - ଵଞ୍ଚଯ
ସ୍ଵଯମତିଶଯସ୍ନିଗ୍ଧୋ ମୁଗ୍ଧେ ପ୍ରିଯୋଽହମୁପସ୍ଥିତଃ ॥ ୬୪॥
ବନ୍ଧୂକଦ୍ଯୁତିବାନ୍ଧଵୋଽଯମଧରଃ ସ୍ନିଗ୍ଧୋ ମଧୂକଚ୍ଛଵି-
ର୍ଗଣ୍ଡଶ୍ଚଣ୍ଡି ଚକାସ୍ତି ନୀଲନଲିନଶ୍ରୀମୋଚନଂ ଲୋଚନମ୍ ।
ନାସାଭ୍ଯେତି ତିଲପ୍ରସୂନପଦଵୀଂ କୁନ୍ଦାଭଦାନ୍ତି ପ୍ରିଯେ
ପ୍ରାଯସ୍ତ୍ଵନ୍ମୁଖସେଵଯା ଵିଜଯତେ ଵିଶ୍ଵଂ ସ ପୁଷ୍ପାଯୁଧଃ ॥ ୬୫॥
ଦୃଶୌ ତଵ ମଦାଲସେ ଵଦନମିନ୍ଦୁସନ୍ଦୀପକଂ var - ମତ୍ଯାନ୍ଵିତଂ
ଗତିର୍ଜନମନୋରମା ଵିଧୁତରମ୍ଭମୂରୁଦ୍ଵଯମ୍ ।
ରତିସ୍ତଵ କଲାଵତୀ ରୁଚିରଚିତ୍ରଲେଖେ ଭ୍ରୁଵା-
ଵହୋ ଵିବୁଧଯୌଵନଂ ଵହସି ତନ୍ଵୀ ପୃଥ୍ଵୀଗତା ॥ ୬୬॥
ଶଶିମୁଖି ତଵ ଭାତି ଭଙ୍ଗୁରଭ୍ରୂର୍ଯୁଵଜନମୋହନକରାଲକାଲସର୍ପୀ ।
ତଦୁଦିତଵିଷଭେଷଜଂ ତ୍ଵିହୈକା ତ୍ଵଦଧରଶୀଥୁସୁଧୈଵ ଭାଗ୍ଯଭୋଗ୍ଯା ॥ ୬୭॥
ପ୍ରୀତିଂ ଵସ୍ତନୁତାଂ ହରିଃ କୁଵଲଯାପୀଡେନ ସାର୍ଧଂ ରଣେ var - ସା ପ୍ରୀତିଂ ତନୁତାଂ
ରାଧାପୀନପଯୋଧରସ୍ମରଣକୃତ୍କୁମ୍ଭେନ ସମ୍ଭେଦଵାନ୍ ।
ଯତ୍ର ସ୍ଵିଦ୍ଯତି ମୀଲତି କ୍ଷଣମଭୂତ୍କ୍ଷିପ୍ତଦ୍ଵିପେଽପି କ୍ଷଣାତ୍
କଂସସ୍ଯାଥ ବଲେ ଜିତଂ ଜିତମିତି ଵ୍ଯାମୋହକୋଲାହଲଃ ॥ ୬୮॥
var -: last 2 lines
ପତ୍ରେ ବିଭ୍ଯତି ମୀଲତି କ୍ଷଣମପି କ୍ଷିପ୍ରଂ ତଦାଲୋକନାଦ୍-
ଵ୍ଯାମୋହେନ ଜିତଂ ଜିତଂ ଜିତମିତି ଵ୍ଯାଲୋଲକୋଲାହଲଃ ॥
॥ ଇତି ଶ୍ରୀଗୀତଗୋଵିନ୍ଦେ ମାନିନୀଵର୍ଣନେ ଚତୁରଚତୁର୍ଭୁଜୋ ନାମ ଦଶମଃ ସର୍ଗଃ ॥
iତି
cହପ୍ତେର୍{॥ ଏକାଦଶଃ ସର୍ଗଃ ॥}
{॥ ସାନନ୍ଦଦାମୋଦରଃ ॥}
ସୁଚିରମନୁନଯେନ ପ୍ରୀଣଯିତ୍ଵା ମୃଗାକ୍ଷୀଂ
ଗତଵତି କୃତଵେଶେ କେଶଵେ କୁଞ୍ଜଶଯ୍ଯାମ୍ ।
ରଚିତରୁଚିରଭୂଷାଂ ଦୃଷ୍ଟିମୋଷେ ପ୍ରଦୋଷେ
ସ୍ଫୁରତି ନିରଵସାଦାଂ କାପି ରାଧାଂ ଜଗାଦ ॥ ୬୯॥
{॥ ଗୀତମ୍ ୨୦ ॥}
ଵିରଚିତଚାଟୁଵଚନରଚନଂ ଚରଣେ ରଚିତପ୍ରଣିପାତମ୍ ।
var - : ଵିରଚିତଚାଟୁଵଚନେନ ଚରଣରଚିତପ୍ରଣିପାତମ୍
ସମ୍ପ୍ରତି ମଞ୍ଜୁଲଵଞ୍ଜୁଲସୀମନି କେଲିଶଯନମନୁଯାତମ୍ ॥
ମୁଗ୍ଧେ ମଧୁମଥନମନୁଗତମନୁସର ରାଧିକେ ॥ ୧॥
ଘନଜଘନସ୍ତନଭାରଭରେ ଦରମନ୍ଥରଚରଣଵିହାରମ୍ ।
ମୁଖରିତମଣୀମଞ୍ଜୀରମୁପୈହି ଵିଧେହି ମରାଲଵିକାରମ୍ ॥ ୨॥ ମୁଗ୍ଧେ
ଶୃଣୁ ରମଣୀଯତରଂ ତରୁଣୀଜନମୋହନମଧୁରିପୁରାଵମ୍ ।
କୁସୁମଶରାସନଶାସନଵେନ୍ଦିନି ପିକନିକରେ ଭଜ ଭାଵମ୍ ॥ ୩॥ ମୁଗ୍ଧେ var - ବନ୍ଦିନି
ଅନିଲତରଲକିସଲଯନିକରେଣ କରେଣ ଲତାନିକୁରମ୍ବମ୍ ।
ପ୍ରେରଣମିଵ କରଭୋରୁ କରୋତି ଗତିଂ ପ୍ରତିମୁଞ୍ଚ ଵିଲମ୍ବମ୍ ॥ ୪॥ ମୁଗ୍ଧେ
ସ୍ଫୁରିତମନଙ୍ଗତରଙ୍ଗଵଶାଦିଵ ସୂଚିତହରିପରିରମ୍ଭମ୍ ।
ପୃଚ୍ଛ ମନୋହରହାରଵିମଲଜଲଧାରମମୁଂ କୁଚକୁମ୍ଭମ୍ ॥ ୫॥ ମୁଗ୍ଧେ
ଅଧିଗତମଖିଲସଖୀଭିରିଦଂ ତଵ ଵପୁରପି ରତିରଣସଜ୍ଜମ୍ ।
ଚଣ୍ଡି ରଣିତରଶନାରଵଡିଣ୍ଡିମମଭିସର ସରସମଲଜ୍ଜମ୍ ॥ ୬॥ ମୁଗ୍ଧେ
ସ୍ମରଶରସୁଭଗନଖେନ କରେଣ ସଖୀମଵଲମ୍ବ୍ଯ ସଲୀଲମ୍ । var - ସଖୀମଵଲମ୍ବ୍ଯ କରେଣ
ଚଲ ଵଲଯକ୍ଵଣୀତୈରଵବୋଧଯ ହରମପି ନିଜଗତିଶୀଲମ୍ ॥ ୭॥ ମୁଗ୍ଧେ
ଶ୍ରୀଜଯଦେଵଭଣିତମଧରୀକୃତହାରମୁଦାସିତଵାମମ୍ ।
ହରିଵିନିହିତମନସାମଧିତିଷ୍ଠତୁ କଣ୍ଠତଟୀମଵିରାମମ୍ ॥ ୮॥ ମୁଗ୍ଧେ
ସା ମାଂ ଦ୍ରକ୍ଷ୍ଯତି ଵକ୍ଷ୍ଯତି ସ୍ମରକଥାଂ ପ୍ରତ୍ଯଙ୍ଗମାଲିଙ୍ଗନୈଃ
ପ୍ରୀତିଂ ଯାସ୍ଯତି ରଂସ୍ଯତେ ସଖି ସମାଗତ୍ଯେତି ଚିନ୍ତାକୁଲଃ ।
ସ ତ୍ଵାଂ ପଶ୍ଯତି ଵେପତେ ପୁଲକଯତ୍ଯାନନ୍ଦତି ସ୍ଵିଦ୍ଯତି
ପ୍ରତ୍ଯୁଦ୍ଗଚ୍ଛତି ମୂର୍ଚ୍ଛତି ସ୍ଥିରତମଃପୁଞ୍ଜେ ନିକୁଞ୍ଜେ ପ୍ରିଯଃ ॥ ୭୦॥
ଅକ୍ଷ୍ଣୋର୍ନିକ୍ଷିପଦଞ୍ଜନଂ ଶ୍ରଵଣଯୋସ୍ତାପିଚ୍ଛଗୁଚ୍ଛାଵଲୀଂ
ମୂର୍ଧ୍ନି ଶ୍ଯାମସରୋଜଦାମ କୁଚଯୋଃ କସ୍ତୂରିକାପତ୍ରକମ୍ ।
ଧୂର୍ତାନାମଭିସାରସତ୍ଵରହୃଦାଂ ଵିଷ୍ଵଙ୍ନିକୁଞ୍ଜେ ସଖି
ଧ୍ଵାନ୍ତଂ ନୀଲନିଚୋଲଚାରୁ ସୁଦୃଶାଂ ପ୍ରତ୍ଯଙ୍ଗମାଲିଙ୍ଗତି ॥ ୭୧॥
କାଶ୍ମୀରଗୌରଵପୁଷାମଭିସାରିକାଣାମ୍
ଆବଦ୍ଧରେଖମଭିତୋ ରୁଚିମଞ୍ଜରୀଭିଃ ।
ଏତତ୍ତମାଲଦଲନୀଲତମଂ ତମିସ୍ରଂ
ତତ୍ପ୍ରେମହେମନିକଷୋପଲତାଂ ତନୋତି ॥ ୭୨॥
ହାରାଵଲୀତରଲକାଞ୍ଚନକାଞ୍ଚିଦାମ-
କେଯୂରକଙ୍କଣମଣିଦ୍ଯୁତିଦୀପିତସ୍ଯ ।
ଦ୍ଵାରେ ନିକୁଞ୍ଜନିଲଯସ୍ଯ ହରିଂ ନିରୀକ୍ଷ୍ଯ
ଵ୍ରୀଡାଵତୀମଥ ସଖୀ ନିଜଗାହ ରାଧାମ୍ ॥ ୭୩॥
{॥ ଗୀତମ୍ ୨୧ ॥}
ମଞ୍ଜୁତରକୁଞ୍ଜତଲକେଲିସଦନେ ।
ଵିଲସ ରତିରଭସହସିତଵଦନେ ॥
ପ୍ରଵିଶ ରାଧେ ମାଧଵସମୀପମିହ ॥ ୧॥
ନଵଭଵଦଶୋକଦଲଶଯନସାରେ ।
ଵିଲସ କୁଚକଲଶତରଲହାରେ ॥ ୨॥ ପ୍ରଵିଶ
କୁସୁମଚଯରଚିତଶୁଚିଵାସଗେହେ ।
ଵିଲସ କୁସୁମସୁକୁମାରଦେହେ ॥ ୩॥ ପ୍ରଵିଶ
ଚଲମଲଯଵନପଵନସୁରଭିଶୀତେ ।
ଵିଲସ ରସଵଲିତଲଲିତଗୀତେ ॥ ୪॥ ପ୍ରଵିଶ
ମଧୁମୁଦିତମଧୁପକୁଲକଲିତରାଵେ ।
ଵିଲସ ମଦନରସସରସଭାଵେ ॥ ୫॥ ପ୍ରଵିଶ var - ରଭସ
ମଧୁରତରପିକନିକରନିନଦମୁଖରେ ।
ଵିଲସ ଦଶନରୁଚିରୁଚିରଶିଖରେ ॥ ୬॥ ପ୍ରଵିଶ
ଵିତତ ବହୁଵଲ୍ଲିନଵପଲ୍ଲଵଘନେ ।
ଵିଲସ ଚିରମଲସପୀନଜଘନେ ॥ ୭॥ ପ୍ରଵିଶ
ଵିହିତପଦ୍ମାଵତୀସୁଖସମାଜେ ।
ଭଣତି ଜଯଦେଵକଵିରାଜେ ।
କୁରୁ ମୁରାରେ ମଙ୍ଗଲଶତାନି ॥ ୮॥ ପ୍ରଵିଶ
ତ୍ଵାଂ ଚିତ୍ତେନ ଚିରଂ ଵହନ୍ନଯମତିଶ୍ରାନ୍ତୋ ଭୃଶଂ ତାପିତଃ
କନ୍ଦର୍ପେଣ ତୁ ପାତୁମିଚ୍ଛତି ସୁଧାସମ୍ବାଧବିମ୍ବାଧରମ୍ ।
ଅସ୍ଯାଙ୍ଗଂ ତଦଲଂକୁରୁ କ୍ଷଣମିହ ଭ୍ରୂକ୍ଷେପଲକ୍ଷ୍ମୀଲଵ-
କ୍ରୀତେ ଦାସ ଇଵୋପସେଵିତପଦାମ୍ଭୋଜେ କୁତଃ ସମ୍ଭ୍ରମଃ ॥ ୭୪॥
ସା ସସାଧ୍ଵସସାନନ୍ଦଂ ଗୋଵିନ୍ଦେ ଲୋଲଲୋଚନା ।
ସିଞ୍ଜାନା ମଞ୍ଜୁମଞ୍ଜୀରଂ ପ୍ରଵିଵେଶ ନିଵେଶନମ୍ ॥ ୭୫॥
{॥ ଗୀତମ୍ ୨୨ ॥}
ରାଧାଵଦନଵିଲୋକନଵିକସିତଵିଵିଧଵିକାରଵିଭଙ୍ଗମ୍ ।
ଜଲନିଧିମିଵ ଵିଧୁମଣ୍ଡଲଦର୍ଶନତରଲିତତୁଙ୍ଗତରଙ୍ଗମ୍ ॥
ହରିମେକରସଂ ଚିରମଭିଲଷିତଵିଲାସଂ
ସା ଦଦାର୍ଶ ଗୁରୁହର୍ଷଵଶଂଵଦଵଦନମନଙ୍ଗନିଵାସମ୍ ॥ ୧॥
ହାରମମଲତରତାରମୁରସି ଦଧତଂ ପରିରଭ୍ଯ ଵିଦୂରମ୍ ।
ସ୍ଫୁଟତରଫେନକଦମ୍ବକରମ୍ବିତମିଵ ଯମୁନାଜଲପୂରମ୍ ॥ ୨॥ ହରିମେକରସଂ
ଶ୍ଯାମଲମୃଦୁଲକଲେଵରମଣ୍ଡଲମଧିଗତଗୌରଦୁକୂଲମ୍ ।
ନୀଲନଲିନମିଵ ପୀତପରାଗପଟଲଭରଵଲଯିତମୂଲମ୍ ॥ ୩॥ ହରିମେକରସଂ
ତରଲଦୃଗଞ୍ଚଲଚଲନମନୋହରଵଦନଜନିତରତିରାଗମ୍ ।
ସ୍ଫୁଟକମଲୋଦରଖେଲିତଖଞ୍ଜନଯୁଗମିଵ ଶରଦି ତଡାଗମ୍ ॥ ୪॥ ହରିମେକରସଂ
ଵଦନକମଲପରିଶୀଲନମିଲିତମିହିରସମକୁଣ୍ଡଲଶୋଭମ୍ ।
ସ୍ମିତରୁଚିରୁଚିରସମୁଲ୍ଲସିତାଧରପଲ୍ଲଵକୃତରତିଲୋଭମ୍ ॥ ୫॥ ହରିମେକରସଂ
ଶଶିକିରଣଚ୍ଛୁରିତୋଦରଜଲଧରସୁନ୍ଦରସକୁସୁମକେଶମ୍ ।
ତିମିରୋଦିତଵିଧୁମଣ୍ଦଲନିର୍ମଲମଲଯଜତିଲକନିଵେଶମ୍ ॥ ୬॥ ହରିମେକରସଂ
ଵିପୁଲପୁଲକଭରଦନ୍ତୁରିତଂ ରତିକେଲିକଲାଭିରଧୀରମ୍ ।
ମଣିଗଣକିରଣସମୂହସମୁଜ୍ଜ୍ଵଲଭୂଷଣସୁଭଗଶରୀରମ୍ ॥ ୭॥ ହରିମେକରସଂ
ଶ୍ରୀଜଯଦେଵଭଣିତଵିଭଵଦ୍ଵିଗୁଣୀକୃତଭୂଷଣଭାରମ୍ ।
ପ୍ରଣମତ ହୃଦି ସୁଚିରଂ ଵିନିଧାଯ ହରିଂ ସୁକୃତୋଦଯସାରମ୍ ॥ ୮॥ ହରିମେକରସଂ
var - ହୃଦି ସୁଚିରଂ ଵିନିଧାଯ ହରିଂ
ଅତିକ୍ରମ୍ଯାପାଙ୍ଗଂ ଶ୍ରଵଣପଥପର୍ଯନ୍ତଗମନ-
ପ୍ରଯାସେନେଵାକ୍ଷ୍ଣୋସ୍ତରଲତରତାରଂ ପତିତଯୋଃ ।
ଇଦାନୀଂ ରାଧାଯାଃ ପ୍ରିଯତମସମାଲୋକସମଯେ
ପପାତ ସ୍ଵେଦାମ୍ବୁପ୍ରସର ଇଵ ହର୍ଷାଶ୍ରୁନିକରଃ ॥ ୭୬॥
ଭଵନ୍ତ୍ଯାସ୍ତଲ୍ପାନ୍ତଂ କୃତକପଟକଣ୍ଡୂତିପିହିତ- var - ଭଜନ୍ତ୍ଯାସ୍ତଲ୍ପାନ୍ତଂ
ସ୍ମିତଂ ଯାତେ ଗେହାଦ୍ବହିରଵହିତାଲୀପରିଜନେ ।
ପ୍ରିଯାସ୍ଯଂ ପଶ୍ଯନ୍ତ୍ଯାଃ ସ୍ମରଶରସମାକୂଲସୁଭଗଂ var - ସ୍ମରପରଵଶାକୂତସୁଭଗଂ
ସଲଜ୍ଜା ଲଜ୍ଜାପି ଵ୍ଯଗମଦିଵ ଦୂରଂ ମୃଗଦୃଶଃ ॥ ୭୭॥
ଜଯଶ୍ରୀଵିନ୍ଯସ୍ତୈର୍ମହିତ ଇଵ ମନ୍ଦାରକୁସୁମୈଃ
ସ୍ଵଯଂ ସିନ୍ଦୂରେଣ ଦ୍ଵିପରଣମୁଦା ମୁଦ୍ରିତ ଇଵ ।
ଭୁଜାପୀଡକ୍ରୀଡାହତକୁଵଲଯାପୀଡକରିଣଃ
ପ୍ରକୀର୍ଣାସୃଗ୍ବିନ୍ଦୁର୍ଜଯତି ଭୁଜଦଣ୍ଡୋ ମୁରଜିତଃ ॥ ୭୮॥
ସୌନ୍ଦର୍ଯୈକନିଧେରନଙ୍ଗଲଲନାଲାଵଣ୍ଯଲୀଲାଜୁଷୋ
ରାଧାଯା ହୃଦି ପଲ୍ଵଲେ ମନସିଜକୀଡୈକରଙ୍ଗସ୍ଥଲେ ।
ରମ୍ଯୋରୋଜସରୋଜଖେଲନରସିତ୍ଵାଦାତ୍ମନଃ ଖ୍ଯାପଯନ୍
ଧ୍ଯାତୁର୍ମାନସରାଜହଂସନିଭତାଂ ଦେଯାନ୍ମୁକୁନ୍ଦୋ ମୁଦମ୍ ॥ ୭୯॥
॥ ଇତି ଶ୍ରୀଗୀତଗୋଵିନ୍ଦେ ରାଧିକାମିଲନେ ସାନନ୍ଦଦାମୋଦରୋ ନାମୈକାଦଶଃ ସର୍ଗଃ ॥
iତି
cହପ୍ତେର୍{॥ ଦ୍ଵାଦଶଃ ସର୍ଗଃ ॥}
{॥ ସୁପ୍ରୀତପୀତାମ୍ବରଃ ॥}
ଗତଵତି ସଖୀଵୃନ୍ଦେଽମନ୍ଦତ୍ରପାଭରନିର୍ଭର-
ସ୍ମରପରଵଶାକୂତସ୍ଫୀତସ୍ମିତସ୍ନପିତାଧରାମ୍ ।
ସରସମନସଂ ଦୃଷ୍ଟ୍ଵା ରାଧାଂ ମୁହୁର୍ନଵପଲ୍ଲଵ-
ପ୍ରସଵଶଯନେ ନିକ୍ଷିପ୍ତାକ୍ଷୀମୁଵାଚ ହରିଃ ପ୍ରିଯାମ୍ ॥ ୮୦॥
{॥ ଗୀତମ୍ ୨୩ ॥}
କିସଲଯଶଯନତଲେ କୁରୁ କାମିନି ଚରଣନଲିନଵିନିଵେଶମ୍ ।
ତଵ ପଦପଲ୍ଲଵଵୈରିପରାଭଵମିଦମନୁଭଵତୁ ସୁଵେଶମ୍ ॥
କ୍ଷଣମଧୁନା ନାରାଯଣମନୁଗତମନୁସର ରାଧିକେ ॥ ୧॥
କରକମଲେନ କରୋମି ଚରଣମହମାଗମିତାସି ଵିଦୂରମ୍ ।
କ୍ଷଣମୁପକୁରୁ ଶଯନୋପରି ମାମିଵ ନୂପୁରମନୁଗତିଶୂରମ୍ ॥ ୨॥ କ୍ଷଣମଧୁନା
ଵଦନସୁଧାନିଧିଗଲିତମମୃତମିଵ ରଚଯ ଵଚନମନୁକୂଲମ୍ ।
ଵିରହମିଵାପନଯାମି ପଯୋଧରରୋଧକମୁରସି ଦୁକୂଲମ୍ ॥ ୩॥ କ୍ଷଣମଧୁନା
ପ୍ରିଯପରିରମ୍ଭଣରଭସଵଲିତମିଵ ପୁଲକିତମତିଦୁରଵାପମ୍ ।
ମଦୁରସି କୁଚକଲଶଂ ଵିନିଵେଶଯ ଶୋଷଯ ମନସିଜତାପମ୍ ॥ ୪॥ କ୍ଷଣମଧୁନା
ଅଧରସୁଧାରସମୁପନଯ ଭାଵିନି ଜୀଵଯ ମୃତମିଵ ଦାସମ୍ ।
ତ୍ଵଯି ଵିନିହିତମନସଂ ଵିରହାନଲଦଗ୍ଧଵପୁଷମଵିଲାସମ୍ ॥ ୫॥ କ୍ଷଣମଧୁନା
ଶଶିମୁଖି ମୁଖରଯ ମଣିରଶନାଗୁଣମନୁଗୁଣକଣ୍ଠନିନାଦମ୍ ।
ଶ୍ରୁତିଯୁଗଲେ ପିକରୁତଵିକଲେ ମମ ଶମଯ ଚିରାଦଵସାଦମ୍ ॥ ୬॥ କ୍ଷଣମଧୁନା
ମାମତିଵିଫଲରୁଷା ଵିକଲୀକୃତମଵଲୋକିତମଧୁନେଦମ୍ ।
ମୀଲିତଲଜ୍ଜିତମିଵ ନଯନଂ ତଵ ଵିରମ ଵିସୃଜ ରତିଖେଦମ୍ ॥ ୭॥କ୍ଷଣମଧୁନା
ଶ୍ରୀଜଯଦେଵଭଣିତମିଦମନୁପଦନିଗଦିତମଧୁରିପୁମୋଦମ୍ ।
ଜନଯତୁ ରସିକଜନେଷୁ ମନୋରମତିରସଭାଵଵିନୋଦମ୍ ॥ ୮॥ କ୍ଷଣମଧୁନା
ପ୍ରତ୍ଯୂହଃପୁଲକାଙ୍କୁରେଣ ନିବିଡାଶ୍ଲେଷେ ନିମେଷେଣ ଚ
କ୍ରୀଡାକୂତଵିଲୋକିତେଽଧରସୁଧାପାନେ କଥାନର୍ମଭିଃ ।
ଆନନ୍ଦାଧିଗମେନ ମନ୍ମଥକଲାଯୁଦ୍ଧୋଽପି ଯସ୍ମିନ୍ନଭୂ-
ଦୁଦ୍ଭୂତସ୍ସ ତଯୋର୍ବଭୂଵ ସୁରତାରମ୍ଭଃ ପ୍ରିଯଂ ଭାଵୁକଃ ॥ ୮୧॥
ଦୋର୍ଭ୍ଯାଂ ସଂଯମିତଃପଯୋଧରଭରେଣାପୀଡିତଃ ପାଣିଜୈ-
ରାଵିଦ୍ଧୋ ଦଶନୈଃ କ୍ଷତାଧରପୁଟଃ ଶ୍ରୋଣୀତଟେନାହତଃ ।
ହସ୍ତେନାନମିତଃ କଚେଽଧରସୁଧାପାନେନ ସମ୍ମୋହିତଃ
କାନ୍ତଃ କାମପି ତୃପ୍ତିମାପ ତଦହୋ କାମସ୍ଯ ଵାମା ଗତିଃ ॥ ୮୨॥
ମାରାଙ୍କେ ରତିକେଲିସଂକୁଲରଣାରମ୍ଭେ ତଯା ସାହସ\-
ପ୍ରାଯଂ କାନ୍ତଜଯାଯ କିଞ୍ଚିଦୁପରି ପ୍ରାରମ୍ଭି ଯତ୍ସମ୍ଭ୍ରମାତ୍ ।
ନିଷ୍ପନ୍ଦା ଜଘନସ୍ଥଲୀ ଶିଥିଲତା ଦୋର୍ଵଲ୍ଲିରୁତ୍କମ୍ପିତଂ
ଵକ୍ଷୋ ମୀଲିତମକ୍ଷି ପୌରୁଷରସଃ ସ୍ତ୍ରୀଣାଂ କୁତଃ ସିଧ୍ଯତି ॥ ୮୩॥
ତସ୍ଯାଃ ପାଟଲପାଣିଜାଙ୍କିତମୁରୋ ନିଦ୍ରକଷାଯେ ଦୃଶୌ
ନିର୍ଧୂତାଧାରଶୋଣିମା ଵିଲୁଲିତସ୍ରସ୍ତସ୍ରଜୋ ମୂର୍ଧଜାଃ ।
କାଞ୍ଚୀଦାମଦରଶ୍ଲଥାଞ୍ଚଲମିତି ପ୍ରାତର୍ନିଖାତୈର୍ଦୃଶୋ-
ରେଭିଃ କାମଶରୈସ୍ତଦଦ୍ଭୁତମଭୂତ୍ପତ୍ଯୁର୍ମନଃ କୀଲିତମ୍ ॥ ୮୪॥
ତ୍ଵାମପ୍ରାପ୍ଯ ମଯି ସ୍ଵଯଂଵରପରାଂ କ୍ଷୀରୋଦତୀରୋଦରେ
ଶଙ୍କେ ସୁନ୍ଦରି କାଲକୂଟମପିବନ୍ମୂଢୋ ମୃଡାନୀପତିଃ ।
ଇତ୍ଥଂ ପୂର୍ଵକଥାଭିରନ୍ଯମନସା ଵିକ୍ଷିପ୍ଯ ଵାମାଞ୍ଚଲଂ
ରାଧାଯାଃ ସ୍ତନକୋରକୋପରି ଚଲନ୍ନେତ୍ରେ ହରିଃ ପାତୁ ଵଃ ॥ ୮୫॥
ଵ୍ଯାଲୋଲଃ କେଶପାଶାସ୍ତରଲିତମଲକୈଃ ସ୍ଵେଦଲୋଲୌ କପୋଲୌ
ସ୍ପଷ୍ଟା ଦଷ୍ଟାଧରଶ୍ରୀଃ କୁଚକଲଶରୁଚା ହାରିତା ହାରଯଷ୍ଟିଃ ।
କାଞ୍ଚୀକାଞ୍ଚ୍ଯୁଦ୍ଗତାଶାଂ ସ୍ତନଜଘନପଦଂ ପାଣିନାଽଽଚ୍ଛାଦ୍ଯ ସଦ୍ଯଃ
ପଶ୍ଯନ୍ତୀ ଚାତ୍ମରୂପଂ ତଦପି ଵିଲୁଲିତଂ ସ୍ରଧରେଯଂ ଧୁନୋତି ॥ ୮୬॥
ଈଷନ୍ମୀଲିତଦୃଷ୍ଟିମୁଗ୍ଧହସିତଂ ସୀତ୍କାରଧାରାଵଶା-
ଦଵ୍ଯକ୍ତାକୁଲକେଲିକାକୁଵିକସଦ୍ଦନ୍ତାଂଶୁଧୌତାଧରମ୍ ।
ଶ୍ଵାସୋତ୍କମ୍ପିପଯୋଧରୋପରି ପରିଷ୍ଵଙ୍ଗାତ୍କୁରଙ୍ଗୀଦୃଶୋ
var - : ଶାନ୍ତସ୍ତବ୍ଧପଯୋଧରଂ ଭୃଶପରି
ହର୍ଷୋତ୍କର୍ଷଵିମୁକ୍ତନିଃସ୍ସହତନୋର୍ଧନ୍ଯୋ ଧଯତ୍ଯାନନମ୍ ॥ ୮୭ ॥
ଅଥ କାନ୍ତଂ ରତିକ୍ଲାନ୍ତମପି ମଣ୍ଡନଵାଞ୍ଛଯା ।
ନିଜଗାଦ ନିରାବାଧା ରାଧା ସ୍ଵାଧୀନଭର୍ତୃକା ॥ ୮୮॥
var -
ଅଥ ସା ନିର୍ଗତବାଧା ରାଧା ସ୍ଵାଧୀନଭର୍ତୃକା ।
ନିଜଗାଦ ରତିକ୍ଲାନ୍ତାଂ କାନ୍ତାଂ ମଣ୍ଡନଵାଞ୍ଛଯା ॥
ଇତି ସହସା ସୁପ୍ରୀତଂ ସୁରତାନ୍ତେ ସା ନିତାନ୍ତଖିନ୍ନାଙ୍ଗୀ ।
ରାଧା ଜଗାଦ ସାଦରମିଦମାନନ୍ଦେନ ଗୋଵିନ୍ଦମ୍ ॥ ୮୯॥
{॥ ଗୀତମ୍ ୨୪ ॥}
କୁରୁ ଯଦୁନନ୍ଦନ ଚନ୍ଦନଶିଶିରତରେଣ କରେଣ ପଯୋଧରେ ।
ମୃଗମଦପତ୍ରକମତ୍ର ମନୋଭଵମଙ୍ଗଲକଲଶସହୋଦରେ ।
ନିଜଗାଦ ସା ଯଦୁନନ୍ଦନେ କ୍ରୀଡତି ହୃଦଯାନନ୍ଦନେ ॥ ୧॥
ଅଲିକୁଲଗଞ୍ଜନମଞ୍ଜନକଂ ରତିନାଯକସାଯକମୋଚନେ ।
ତ୍ଵଦଧରଚୁମ୍ବନଲମ୍ବିତକଜ୍ଜଲମୁଜ୍ଜ୍ଵଲଯ ପ୍ରିଯ ଲୋଚନେ ॥ ୨॥ ନିଜଗାଦ
ନଯନକୁରଙ୍ଗତରଙ୍ଗଵିଲାସନିରାସକରେ ଶ୍ରୁତିମଣ୍ଡଲେ ।
ମନସିଜପାଶଵିଲାସଧରେ ଶୁଭଵେଶ ନିଵେଶଯ କୁଣ୍ଡଲେ ॥ ୩॥ ନିଜଗାଦ
ଭ୍ରମରଚଯଂ ରଚହଯନ୍ତମୁପରି ରୁଚିରଂ ସୁଚିରଂ ମମ ସମ୍ମୁଖେ ।
ଜିତକମଲେ ଵିମଲେ ପରିକର୍ମଯ ନର୍ମଜନକମଲକଂ ମୁଖେ ॥ ୪॥ ନିଜଗାଦ
ମୃଗମଦରସଵଲିତଂ ଲଲିତଂ କୁରୁ ତିଲକମଲିକରଜନୀକରେ ।
ଵିହିତକଲଙ୍କକଲଂ କମଲାନନ ଵିଶ୍ରମିତଶ୍ରମଶୀକରେ ॥ ୫॥ ନିଜଗାଦ
ମମ ରୁଚିରେ ଚିକୁରେ କୁରୁ ମାନଦ ମନସିଜଧ୍ଵଜଚାମରେ ।
ରତିଗଲିତେ ଲଲିତେ କୁସୁମାନି ଶିଖଣ୍ଡିଶିଖଣ୍ଡକଡାମରେ ॥ ୬॥ ନିଜଗାଦ
ସରସଘନେ ଜଘନେ ମମ ଶମ୍ବରଦାରଣଵାରଣକନ୍ଦରେ ।
ମଣିରଶନାଵସନାଭରଣାନି ଶୁଭାଶଯ ଵାସଯ ସୁନ୍ଦରେ ॥ ୭॥ ନିଜଗାଦ
ଶ୍ରୀଜଯଦେଵଵଚସି ରୁଚିରେ ହୃଦଯଂ ସଦଯଂ କୁରୁ ମଣ୍ଡନେ ।
ହରିଚରଣସ୍ମରଣାମୃତନିର୍ମିତକଲିକଲୁଷଜ୍ଵରଖଣ୍ଡନେ ॥ ୮॥ ନିଜଗାଦ
ରଚଯ କୁଚଯୋଃ ପତ୍ରଂ ଚିତ୍ରଂ କୁରୁଷ୍ଵ କପୋଲଯୋ-
ର୍ଘଟଯ ଜଘନେ କାଞ୍ଚୀମଞ୍ଚ ସ୍ରଜା କବରୀଭରମ୍ ।
କଲଯ ଵଲଯଶ୍ରେଣୀଂ ପାଣୌ ପଦେ କୁରୁ ନୂପୁରା-
ଵିତି ନିଗତିତଃ ପ୍ରୀତଃ ପୀତାମ୍ବରୋଽପି ତଥାକରୋତ୍ ॥ ୯୦॥
ପର୍ଯଙ୍ଗୀକୃତନାଗନାଯକଫଣଶ୍ରେଣୀମଣୀନାଂ ଗଣେ
ସଙ୍କ୍ରାନ୍ତପ୍ରତିବିମ୍ବସଙ୍କଲନଯା ବିଭ୍ରଦ୍ଵପୁର୍ଵିକ୍ରିଯାମ୍ ।
ପାଦାମ୍ଭୋରୁହଧାରିଵାରିଧିସୁତାମକ୍ଷ୍ଣାଂ ଦିଦୃକ୍ଷୁଃ ଶତୈଃ
କାଯଵ୍ଯୂହଵିଚାରଯନ୍ନୁପଚିତାକୂତୋ ହରିଃ ପାତୁ ଵଃ ॥ ୯୧॥
ଯନ୍ନିତ୍ଯୈର୍ଵଚନୈର୍ଵିରିଞ୍ଚଗିରିଜାପ୍ରାଣେଶମୁଖ୍ଯୈର୍ମୁହୁଃ
ନାନାକାରଵିଚାରସାରଚତୁରୈର୍ନାଦ୍ଯାପି ନିଶ୍ଚୀଯତେ ।
ତତ୍ସର୍ଵୈର୍ଜଯଦେଵକାଵ୍ଯଘଟିତୈସ୍ସତ୍ସୂରିସଂଶୋଧିତୈ-
ରାଦ୍ଯଂ ଵସ୍ତୁ ଚକାସ୍ତୁ ଚେତସି ପରଂ ସାରସ୍ଯସୀମାଜୁଷାମ୍ ॥ ୯୨॥
ଯଦ୍ଗାନ୍ଧର୍ଵକଲାସୁ କୌଶଲମନୁଧ୍ଯାନଂ ଚ ଯଦ୍ଵୈଷ୍ଣଵଂ
ଯଚ୍ଛୃଙ୍ଗାରଵିଵେକତତ୍ଵରଚନାକାଵ୍ଯେଷୁ ଲୀଲାଯିତମ୍ ।
ତତ୍ସର୍ଵଂ ଜଯଦେଵପଣ୍ଡିତକଵେଃ କୃଷ୍ଣୈକତାନାତ୍ମନଃ
ସାନନ୍ଦାଃ ପରିଶୋଧଯନ୍ତୁ ସୁଧିଯଃ ଶ୍ରୀଗୀତଗୋଵିନ୍ଦତଃ ॥ ୯୩॥
ସାଧ୍ଵୀ ମାଧ୍ଵୀକଚିନ୍ତା ନ ଭଵତି ଭଵତଃ ଶର୍କରେ କର୍କଶାସି
ଦ୍ରାକ୍ଷେ ଦ୍ରକ୍ଷ୍ଯନ୍ତି କେ ତ୍ଵାମମୃତ ମୃତମସି କ୍ଷୀରନୀରଂ ରସସ୍ତେ ।
କ୍ରନ୍ଦ କାନ୍ତାଧର ଧରଣିତଲଂ ଗଚ୍ଛ ଯଚ୍ଛାନ୍ତିଭାଵଂ
ଯାଵଚ୍ଛୃଙ୍ଗାରସାରସ୍ଵତମିହ ଜଯଦେଵସ୍ଯ ଵିଷ୍ଵଗ୍ଵଚାଂସି ॥ ୯୪॥
ଶ୍ରୀଭୋଜଦେଵପ୍ରଭଵସ୍ଯ ରାଧାଦେଵୀସୁତଶ୍ରୀଜଯଦେଵକସ୍ଯ । var - ରାମାଦେଵୀ
ପରାଶରାଦିପ୍ରିଯଵର୍ଗକଣ୍ଠେ ଶ୍ରୀଗୀତଗୋଵିନ୍ଦକଵିତ୍ଵମସ୍ତୁ ॥ ୯୫॥
॥ ଇତି ଶ୍ରୀଜଯଦେଵକୃତୌ ଗୀତଗୋଵିନ୍ଦେ ସୁପ୍ରୀତପୀତାମ୍ବରୋ ନାମ ଦ୍ଵାଦଶଃ ସର୍ଗଃ ॥
॥ ଇତି ଗୀତଗୋଵିନ୍ଦଂ ସମାପ୍ତମ୍ ॥
iତି
The following additional verses are found in some editions:
at the end of Sarga 11, after gItaM 22
ସାନନ୍ଦଂ ନନ୍ଦସୂନୁର୍ଦିଶତୁ ମିତପଦଂ ସମ୍ମଦଂ ମନ୍ଦମନ୍ଦଂ
ରାଧାମାଧାଯ ବାହ୍ଵୋର୍ଵିଵରମନୁଧୃଢଂ ପୀଡଯନ୍ ପ୍ରୀତିଯୋଗାତ୍ ।
ତୁଙ୍ଗୌ ତସ୍ଯା ଉରୋଜାଵତନୁରଵତନୋର୍ନିର୍ଗତୌ ମାସ୍ମ ଭୂତାଂ
ପୃଷ୍ଠଂ ନିର୍ଭିଧ୍ଯ ତସ୍ମାଦ୍ବଲିରିତି ଵଲିତଗ୍ରୀଵମାଲୋକଯନ୍ ଵଃ ॥
at the end of Sarga 12
ସାଧୂନାଂ ସ୍ଵତ ଏଵ ସମ୍ମତିରିହ ସ୍ଯାଦେଵ ଭକ୍ତ୍ଯାର୍ଥିନାଂ
ଆଲୋଚ୍ଯ ଗ୍ରଥନଶ୍ରମଂ ଚ ଵିଦୁଷାମସ୍ମିନ୍ଭଵେଦାଦରଃ ।
ଯେ କେଚିତ୍ ପରକୃତ୍ଯୁପଶ୍ରୁତିପରାସ୍ତାନର୍ଥଯେ ମତ୍କୃତିଂ
ଭୂଯୋ ଵୀକ୍ଷ୍ଯ ଵଦନ୍ତ୍ଵଵଦ୍ଯମିତି ଚେତ୍ସା ଵାସନା ସ୍ତାସ୍ଯତି ॥
ଇତ୍ଥଂ କେଲିତଲୈର୍ଵିହୃତ୍ଯ ଯମୁନାକୂଲେ ସମଂ ରାଧଯା
ତଦ୍ରୋମାଵଲିମୌକ୍ତିକାଵଲିଯୁଗେ ଵେଣୀଭ୍ରମଂ ବିଭ୍ରତି ।
ତତ୍ରାହ୍ଲାଦିକୁଚପ୍ରଯୋଗଫଲଯୋର୍ଲିପ୍ସାଵତୋର୍ହସ୍ତଯୋର୍-
ଵ୍ଯାପାରାଃ ପୁରୁଷୋତ୍ତମସ୍ଯ ଦଦତୁ ସ୍ଫୀତାଂ ମୁଦଂ ସମ୍ପଦମ୍ ॥
Encoded and proofread by P. P. Narayanaswami swami at mun.ca
Proofread by PSA Easwaran
Please send corrections to sanskrit@cheerful.com
Last updated ତ୍oday
http://sanskritdocuments.org
Gita Govindam Lyrics in Oriya PDF
% File name : giitagovindaM.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : P. P. Narayanaswami at swami at math.mun.ca
% Proofread by : P. P. Narayanaswami at swami at math.mun.ca, PSA Easwaran
% Latest update : October 1, 2010, May 10, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : giitagovindaM.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : P. P. Narayanaswami at swami at math.mun.ca
% Proofread by : P. P. Narayanaswami at swami at math.mun.ca, PSA Easwaran
% Latest update : October 1, 2010, May 10, 2015
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website