{॥ ಂಉಕುನ್ದಮಾಲಾಸ್ತೋತ್ರಮ್ ಕುಲಶೇಖರವಿರಚಿತಮ್ ಸಂಸ್ಕರಣ್ ೧ ಅಥವಾ ೨ ॥}
ಸಂಸ್ಕರಣ್ - ೧ ಶ್ಲೋಕ ಸಂಖ್ಯಾ ೪೦
ಶ್ರೀವಲ್ಲಭೇತಿ ವರದೇತಿ ದಯಾಪರೇತಿ
ಭಕ್ತಪ್ರಿಯೇತಿ ಭವಲುಣ್ಠನಕೋವಿದೇತಿ ।
ನಾಥೇತಿ ನಾಗಶಯನೇತಿ ಜಗನ್ನಿವಾಸೇತ್ಯ್
ಆಲಾಪಿನಂ ಪ್ರತಿದಿನಂ ಕುರು ಮಾಂ ಮುಕುನ್ದ ॥ ೧॥

ಜಯತು ಜಯತು ದೇವೋ ದೇವಕೀನನ್ದನೋಽಯಂ
ಜಯತು ಜಯತು ಕೃಷ್ಣೋ ವೃಷ್ಣಿವಂಶಪ್ರದೀಪಃ ।
ಜಯತು ಜಯತು ಮೇಘಶ್ಯಾಮಲಃ ಕೋಮಲಾಙ್ಗೋ
ಜಯತು ಜಯತು ಪೃಥ್ವೀಭಾರನಾಶೋ ಮುಕುನ್ದಃ ॥ ೨॥ ॥ ಕಾ ೨॥

ಮುಕುನ್ದ ಮೂರ್ಧ್ನಾ ಪ್ರಣಿಪತ್ಯ ಯಾಚೇ
ಭವನ್ತಮೇಕಾನ್ತಮಿಯನ್ತಮರ್ಥಮ್ ।
ಅವಿಸ್ಮೃತಿಸ್ತ್ವಚ್ಚರಣಾರವಿನ್ದೇ
ಭವೇ ಭವೇ ಮೇಽಸ್ತು ಭವತ್ಪ್ರಸಾದಾತ್ ॥ ೩॥ ॥ ಕಾ ೩॥

ನಾಹಂ ವನ್ದೇ ತವ ಚರಣಯೋರ್ದ್ವನ್ದ್ವಮದ್ವನ್ದ್ವಹೇತೋಃ
ಕುಮ್ಭೀಪಾಕಂ ಗುರುಮಪಿ ಹರೇ ನಾರಕಂ ನಾಪನೇತುಮ್ ।
ರಮ್ಯಾರಾಮಾಮೃದುತನುಲತಾ ನನ್ದನೇ ನಾಪಿ ರನ್ತುಂ
ಭಾವೇ ಭಾವೇ ಹೃದಯಭವನೇ ಭಾವಯೇಯಂ ಭವನ್ತಮ್ ॥ ೪॥ ॥ ಕಾ ೫॥

ನಾಸ್ಥಾ ಧರ್ಮೇ ನ ವಸುನಿಚಯೇ ನೈವ ಕಾಮೋಪಭೋಗೇ
ಯದ್ ಭಾವ್ಯಂ ತದ್ ಭವತು ಭಗವನ್ಪೂರ್ವಕರ್ಮಾನುರೂಪಮ್ ।
ಏತತ್ಪ್ರಾರ್ಥ್ಯಂ ಮಮ ಬಹುಮತಂ ಜನ್ಮಜನ್ಮಾನ್ತರೇಽಪಿ
ತ್ವತ್ಪಾದಾಮ್ಭೋರುಹಯುಗಗತಾ ನಿಶ್ಚಲಾ ಭಕ್ತಿರಸ್ತು ॥ ೫॥ ॥ ಕಾ ೬॥

ದಿವಿ ವಾ ಭುವಿ ವಾ ಮಮಾಸ್ತು ವಾಸೋ
ನರಕೇ ವಾ ನರಕಾನ್ತಕ ಪ್ರಕಾಮಮ್ ।
ಅವಧೀರಿತಶಾರದಾರವಿನ್ದೌ
ಚರಣೌ ತೇ ಮರಣೇಽಪಿ ಚಿನ್ತಯಾಮಿ ॥ ೬॥ ॥ ಕಾ ೭॥

ಕೃಷ್ಣ ತ್ವದೀಯಪದಪಙ್ಕಜಪಞ್ಜರಾನ್ತಂ
ಅದ್ಯೈವ ಮೇ ವಿಶತು ಮಾನಸರಾಜಹಂಸಃ ।
ಪ್ರಾಣಪ್ರಯಾಣಸಮಯೇ ಕಫವಾತಪಿತ್ತೈಃ
ಕಣ್ಠಾವರೋಧನವಿಧೌ ಸ್ಮರಣಂ ಕುತಸ್ತೇ ॥ ೭॥

ಚಿನ್ತಯಾಮಿ ಹರಿಮೇವ ಸನ್ತತಂ
ಮನ್ದಹಾಸಮುದಿತಾನನಾಮ್ಬುಜಂ
ನನ್ದಗೋಪತನಯಂ ಪರಾತ್ ಪರಂ
ನಾರದಾದಿಮುನಿವೃನ್ದವನ್ದಿತಮ್ ॥ ೮॥

ಕರಚರಣಸರೋಜೇ ಕಾನ್ತಿಮನ್ನೇತ್ರಮೀನೇ
ಶ್ರಮಮುಷಿ ಭುಜವೀಚಿವ್ಯಾಕುಲೇಽಗಾಧಮಾರ್ಗೇ ।
ಹರಿಸರಸಿ ವಿಗಾಹ್ಯಾಪೀಯ ತೇಜೋಜಲೌಘಂ
ಭವಮರುಪರಿಖಿನ್ನಃ ಕ್ಲೇಶಮದ್ಯ ತ್ಯಜಾಮಿ ॥ ೯॥

ಸರಸಿಜನಯನೇ ಸಶಙ್ಖಚಕ್ರೇ
ಮುರಭಿದಿ ಮಾ ವಿರಮಸ್ವ ಚಿತ್ತ ರನ್ತುಮ್ । var ವಿರಮೇಹ
ಸುಖತರಮಪರಂ ನ ಜಾತು ಜಾನೇ var ಸುಖಕರ
ಹರಿಚರಣಸ್ಮರಣಾಮೃತೇನ ತುಲ್ಯಮ್ ॥ ೧೦॥ ॥ ಕಾ ೮॥

ಮಾಭೀರ್ಮನ್ದಮನೋ ವಿಚಿನ್ತ್ಯ ಬಹುಧಾ ಯಾಮೀಶ್ಚಿರಂ ಯಾತನಾಃ var ಮಾಭೈರ್ಮನ್ದಮನೋ
ನಾಮೀ ನಃ ಪ್ರಭವನ್ತಿ ಪಾಪರಿಪವಃ ಸ್ವಾಮೀ ನನು ಶ್ರೀಧರಃ ।
ಆಲಸ್ಯಂ ವ್ಯಪನೀಯ ಭಕ್ತಿಸುಲಭಂ ಧ್ಯಾಯಸ್ವ ನಾರಾಯಣಂ
ಲೋಕಸ್ಯ ವ್ಯಸನಾಪನೋದನಕರೋ ದಾಸಸ್ಯ ಕಿಂ ನ ಕ್ಷಮಃ ॥ ೧೧॥ ॥ ಕಾ ೯॥

ಭವಜಲಧಿಗತಾನಾಂ ದ್ವನ್ದ್ವವಾತಾಹತಾನಾಂ
ಸುತದುಹಿತೃಕಲತ್ರತ್ರಾಣಭಾರಾರ್ದಿತಾನಾಮ್ ।
ವಿಷಮವಿಷಯತೋಯೇ ಮಜ್ಜತಾಮಪ್ಲವಾನಾಂ
ಭವತು ಶರಣಮೇಕೋ ವಿಷ್ಣುಪೋತೋ ನರಾಣಾಮ್ ॥ ೧೨॥

ಭವಜಲಧಿಮಗಾಧಂ ದುಸ್ತರಂ ನಿಸ್ತರೇಯಂ
ಕಥಮಹಮಿತಿ ಚೇತೋ ಮಾ ಸ್ಮ ಗಾಃ ಕಾತರತ್ವಮ್ ।
ಸರಸಿಜದೃಶಿ ದೇವೇ ತಾರಕೀ ಭಕ್ತಿರೇಕಾ var ತಾವಕೀ
ನರಕಭಿದಿ ನಿಷಣ್ಣಾ ತಾರಯಿಷ್ಯತ್ಯವಶ್ಯಮ್ ॥ ೧೩॥ ॥ ಕಾ ೧೦॥

ತೃಷ್ಣಾತೋಯೇ ಮದನಪವನೋದ್ಧೂತಮೋಹೋರ್ಮಿಮಾಲೇ
ದಾರಾವರ್ತೇ ತನಯಸಹಜಗ್ರಾಹಸಙ್ಘಾಕುಲೇ ಚ ।
ಸಂಸಾರಾಖ್ಯೇ ಮಹತಿ ಜಲಧೌ ಮಜ್ಜತಾಂ ನಸ್ತ್ರಿಧಾಮನ್
ಪಾದಾಮ್ಭೋಜೇ ವರದ ಭವತೋ ಭಕ್ತಿನಾವಂ ಪ್ರಯಚ್ಛ ॥ ೧೪॥ ॥ ಕಾ ೧೧॥

ಮಾದ್ರಾಕ್ಷಂ ಕ್ಷೀಣಪುಣ್ಯಾನ್ಕ್ಷಣಮಪಿ ಭವತೋ ಭಕ್ತಿಹೀನಾನ್ಪದಾಬ್ಜೇ
ಮಾಶ್ರೌಷಂ ಶ್ರಾವ್ಯಬನ್ಧಂ ತವ ಚರಿತಮಪಾಸ್ಯಾನ್ಯದಾಖ್ಯಾನಜಾತಮ್ । var ಶ್ರಾವ್ಯಬದ್ಧಂ
ಮಾಸ್ಮಾರ್ಷಂ ಮಾಧವ ತ್ವಾಮಪಿ ಭುವನಪತೇ ಚೇತಸಾಪಹ್ನುವಾನಾನ್ var ಮಾಸ್ಪ್ರಾಕ್ಷಂ
ಮಾಭೂವಂ ತ್ವತ್ಸಪರ್ಯಾಪರಿಕರರಹಿತೋ ಜನ್ಮಜನ್ಮಾನ್ತರೇಽಪಿ ॥ ೧೫॥ ॥ ಕಾ ೨೩॥ var ತ್ವತ್ಸಪರ್ಯಾವ್ಯತಿಕರರಹಿತೋ

ಜಿಹ್ವೇ ಕೀರ್ತಯ ಕೇಶವಂ ಮುರರಿಪುಂ ಚೇತೋ ಭಜ ಶ್ರೀಧರಂ
ಪಾಣಿದ್ವನ್ದ್ವ ಸಮರ್ಚಯಾಚ್ಯುತಕಥಾಃ ಶ್ರೋತ್ರದ್ವಯ ತ್ವಂ ಶೃಣು ।
ಕೃಷ್ಣಂ ಲೋಕಯ ಲೋಚನದ್ವಯ ಹರೇರ್ಗಚ್ಛಾಙ್ಘ್ರಿಯುಗ್ಮಾಲಯಂ
ಜಿಘ್ರ ಘ್ರಾಣ ಮುಕುನ್ದಪಾದತುಲಸೀಂ ಮೂರ್ಧನ್ ನಮಾಧೋಕ್ಷಜಮ್ ॥ ೧೬॥ ॥ ಕಾ ೨೬॥

ಹೇ ಲೋಕಾಃ ಶ್ರುಣುತ ಪ್ರಸೂತಿಮರಣವ್ಯಾಧೇಶ್ಚಿಕಿತ್ಸಾಮಿಮಾಂ var ಭೋ ಲೋಕಾಃ
ಯೋಗಜ್ಞಾಃ ಸಮುದಾಹರನ್ತಿ ಮುನಯೋ ಯಾಂ ಯಾಜ್ಞವಲ್ಕ್ಯಾದಯಃ ।
ಅನ್ತರ್ಜ್ಯೋತಿರಮೇಯಮೇಕಮಮೃತಂ ಕೃಷ್ಣಾಖ್ಯಮಾಪೀಯತಾಂ
ತತ್ಪೀತಂ ಪರಮೌಷಧಂ ವಿತನುತೇ ನಿರ್ವಾನಮತ್ಯನ್ತಿಕಮ್ ॥ ೧೭॥ ॥ ಕಾ ೧೮॥ var ಯತ್ಪಿತಂ

ಹೇ ಮರ್ತ್ಯಾಃ ಪರಮಂ ಹಿತಂ ಶ್ರುಣುತ ವೋ ವಕ್ಷ್ಯಾಮಿ ಸಙ್ಕ್ಷೇಪತಃ
ಸಂಸಾರಾರ್ಣವಮಾಪದೂರ್ಮಿಬಹುಲಂ ಸಮ್ಯಕ್ ಪ್ರವಿಶ್ಯ ಸ್ಥಿತಾಃ ।
ನಾನಾಜ್ಞಾನಮಪಾಸ್ಯ ಚೇತಸಿ ನಮೋ ನಾರಾಯಣಾಯೇತ್ಯಮುಂ
ಮನ್ತ್ರಂ ಸಪ್ರಣವಂ ಪ್ರಣಾಮಸಹಿತಂ ಪ್ರಾವರ್ತಯಧ್ವಂ ಮುಹುಃ ॥ ೧೮॥

ಪೃಥ್ವೀರೇಣುರಣುಃ ಪಯಾಂಸಿ ಕಣಿಕಾಃ ಫಲ್ಗುಸ್ಫುಲಿಙ್ಗೋಽನಲ -
ಸ್ತೇಜೋ ನಿಃಶ್ವಸನಂ ಮರುತ್ ತನುತರಂ ರನ್ಧ್ರಂ ಸುಸೂಕ್ಷ್ಮಂ ನಭಃ ।
ಕ್ಷುದ್ರಾ ರುದ್ರಪಿತಾಮಹಪ್ರಭೃತಯಃ ಕೀಟಾಃ ಸಮಸ್ತಾಃ ಸುರಾ
ದೃಷ್ಟೇ ಯತ್ರ ಸ ತಾವಕೋ ವಿಜಯತೇ "ಭೂಮಾವಧೂತಾವಧಿಃ ॥ ೧೯॥ ॥ ಕಾ ೧೨॥

ಬದ್ಧೇನಾಞ್ಜಲಿನಾ ನತೇನ ಶಿರಸಾ ಗಾತ್ರೈಃ ಸರೋಮೋದ್ಗಮೈಃ
ಕಣ್ಠೇನ ಸ್ವರಗದ್ಗದೇನ ನಯನೇನೋದ್ಗೀರ್ಣಬಾಷ್ಪಾಮ್ಬುನಾ ।
ನಿತ್ಯಂ ತ್ವಚ್ಚರಣಾರವಿನ್ದಯುಗಲಧ್ಯಾನಾಮೃತಾಸ್ವಾದಿನಾಂ
ಅಸ್ಮಾಕಂ ಸರಸೀರುಹಾಕ್ಷ ಸತತಂ ಸಮ್ಪದ್ಯತಾಂ ಜೀವಿತಮ್ ॥ ೨೦॥ ॥ ಕಾ ೧೯॥

ಹೇ ಗೋಪಾಲಕ ಹೇ ಕೃಪಾಜಲನಿಧೇ ಹೇ ಸಿನ್ಧುಕನ್ಯಾಪತೇ
ಹೇ ಕಂಸಾನ್ತಕ ಹೇ ಗಜೇನ್ದ್ರಕರುಣಾಪಾರೀಣ ಹೇ ಮಾಧವ ।
ಹೇ ರಾಮಾನುಜ ಹೇ ಜಗತ್ತ್ರಯಗುರೋ ಹೇ ಪುಣ್ಡರೀಕಾಕ್ಷ ಮಾಂ
ಹೇ ಗೋಪೀಜನನಾಥ ಪಾಲಯ ಪರಂ ಜಾನಾಮಿ ನ ತ್ವಾಂ ವಿನಾ ॥ ೨೧॥

ಭಕ್ತಾಪಾಯಭುಜಙ್ಗಗಾರುಡಮಣಿಸ್ತ್ರೈಲೋಕ್ಯರಕ್ಷಾಮಣಿರ್ var ಭಕ್ತಾದ್ವೇಷಿ
ಗೋಪೀಲೋಚನಚಾತಕಾಮ್ಬುದಮಣಿಃ ಸೌನ್ದರ್ಯಮುದ್ರಾಮಣಿಃ
ಯಃ ಕಾನ್ತಾಮಣಿರುಕ್ಮಿಣೀಘನಕುಚದ್ವನ್ದ್ವೈಕಭೂಷಾಮಣಿಃ var ಶ್ರೀ ಕಾನ್ತಾ
ಶ್ರೇಯೋ ದೇವಶಿಖಾಮಣಿರ್ದಿಶತು ನೋ ಗೋಪಾಲಚೂಡಾಮಣಿಃ ॥ ೨೨॥ ॥ ಕಾ ೨೮॥ var ಶ್ರೇಯೋ ಧ್ಯೇಯ

ಶತ್ರುಚ್ಛೇದೈಕಮನ್ತ್ರಂ ಸಕಲಮುಪನಿಷದ್ವಾಕ್ಯಸಮ್ಪೂಜ್ಯಮನ್ತ್ರಂ
ಸಂಸಾರೋತ್ತಾರಮನ್ತ್ರಂ ಸಮುಚಿತತಮಸಃ ಸಙ್ಘನಿರ್ಯಾಣಮನ್ತ್ರಮ್ । var ಸಮುದಿತಮನಸಾಂ
ಸರ್ವೈಶ್ವರ್ಯೈಕಮನ್ತ್ರಂ ವ್ಯಸನಭುಜಗಸನ್ದಷ್ಟಸನ್ತ್ರಾಣಮನ್ತ್ರಂ
ಜಿಹ್ವೇ ಶ್ರೀಕೃಷ್ಣಮನ್ತ್ರಂ ಜಪ ಜಪ ಸತತಂ ಜನ್ಮಸಾಫಲ್ಯಮನ್ತ್ರಮ್ ॥ ೨೩॥ ॥ ಕಾ ೨೯ ॥

ವ್ಯಾಮೋಹಪ್ರಶಮೌಷಧಂ ಮುನಿಮನೋವೃತ್ತಿಪ್ರವೃತ್ತ್ಯೌಷಧಂ var
ವ್ಯಾಮೋಹೋದ್ದಲನೌಷಧಂ
ದೈತ್ಯೇನ್ದ್ರಾರ್ತಿಕರೌಷಧಂ ತ್ರಿಜಗತಾಂ ಸಞ್ಜೀವನೈಕೌಷಧಮ್ । var
ದೈತ್ಯಾನರ್ಥಕರೌಷಧಂ
ಭಕ್ತಾತ್ಯನ್ತಹಿತೌಷಧಂ ಭವಭಯಪ್ರಧ್ವಂಸನೈಕೌಷಧಂ var
ಭಕ್ತಾರ್ತಿಪ್ರಶಮೌಷಧಂ ಭವಭಯಪ್ರಧ್ವಂಸಿ ದಿವ್ಯೌಷಧಂ
ಶ್ರೇಯಃಪ್ರಾಪ್ತಿಕರೌಷಧಂ ಪಿಬ ಮನಃ ಶ್ರೀಕೃಷ್ಣದಿವ್ಯೌಷಧಮ್ ॥ ೨೪॥ ॥ ಕಾ ೩೦ ॥ var ಶ್ರೀಕೃಷ್ಣನಾಮೌಷಧಮ್

ಆಮ್ನಾಯಾಭ್ಯಸನಾನ್ಯರಣ್ಯರುದಿತಂ ವೇದವ್ರತಾನ್ಯನ್ವಹಂ var ಕೃಚ್ಛೂವ್ರತಾನ್ಯನ್ವಹಂ
ಮೇದಶ್ಛೇದಫಲಾನಿ ಪೂರ್ತವಿಧಯಃ ಸರ್ವಂ ಹುತಂ ಭಸ್ಮನಿ । var ಮೇದಚ್ಛೇದಪದಾನಿ
ತೀರ್ಥಾನಾಮವಗಾಹನಾನಿ ಚ ಗಜಸ್ನಾನಂ ವಿನಾ ಯತ್ಪದ -
ದ್ವನ್ದ್ವಾಮ್ಭೋರುಹಸಂಸ್ಮೃತಿಂ ವಿಜಯತೇ ದೇವಃ ಸ ನಾರಾಯಣಃ ॥ ೨೫॥ ॥ ಕಾ ೧೩॥ var ದ್ವನ್ದ್ವಾಮ್ಭೋರುಹಸಂಸ್ತುತಿಂ

ಶ್ರೀಮನ್ನಾಮ ಪ್ರೋಚ್ಯ ನಾರಾಯಣಾಖ್ಯಂ
ಕೇನ ಪ್ರಾಪುರ್ವಾಞ್ಛಿತಂ ಪಾಪಿನೋಽಪಿ । var ಯೇನ
ಹಾ ನಃ ಪೂರ್ವಂ ವಾಕ್ಪ್ರವೃತ್ತಾ ನ ತಸ್ಮಿಂ -
ಸ್ತೇನ ಪ್ರಾಪ್ತಂ ಗರ್ಭವಾಸಾದಿದುಃಖಮ್ ॥ ೨೬॥ ॥ ಕಾ ೨೨॥

ಮಜ್ಜನ್ಮನಃ ಫಲಮಿದಂ ಮಧುಕೈಟಭಾರೇ
ಮತ್ಪ್ರಾರ್ಥನೀಯಮದನುಗ್ರಹ ಏಷ ಏವ ।
ತ್ವದ್ಭೃತ್ಯಭೃತ್ಯಪರಿಚಾರಕಭೃತ್ಯಭೃತ್ಯ-
ಭೃತ್ಯಸ್ಯ ಭೃತ್ಯ ಇತಿ ಮಾಂ ಸ್ಮರ ಲೋಕನಾಥ ॥ ೨೭॥

ನಾಥೇ ನಃಪುರುಷೋತ್ತಮೇ ತ್ರಿಜಗತಾಮೇಕಾಧಿಪೇ ಚೇತಸಾ var ಶ್ರೀಪುರುಷೋತ್ತಮೇ
ಸೇವ್ಯೇ ಸ್ವಸ್ಯ ಪದಸ್ಯ ದಾತರಿ ಪರೇ ನಾರಾಯಣೇ ತಿಷ್ಠತಿ ।
ಯಂ ಕಞ್ಚಿತ್ಪುರುಷಾಧಮಂ ಕತಿಪಯಗ್ರಾಮೇಶಮಲ್ಪಾರ್ಥದಂ
ಸೇವಾಯೈ ಮೃಗಯಾಮಹೇ ನರಮಹೋ ಮೂಢಾ ವರಾಕಾ ವಯಮ್ ॥ ೨೮॥ ॥ ಕಾ ೧೭॥

ಮದನ ಪರಿಹರ ಸ್ಥಿತಿಂ ಮದೀಯೇ
ಮನಸಿ ಮುಕುನ್ದಪದಾರವಿನ್ದಧಾಮ್ನಿ ।
ಹರನಯನಕೃಶಾನುನಾ ಕೃಶೋಽಸಿ
ಸ್ಮರಸಿ ನ ಚಕ್ರಪರಾಕ್ರಮಂ ಮುರಾರೇಃ ॥ ೨೯॥ ॥ ಕಾ ೨೪॥

ತತ್ತ್ವಂ ಬ್ರುವಾಣಾನಿ ಪರಂ ಪರಸ್ತಾನ್ var ಪರಸ್ಮಾತ್
ಮಧು ಕ್ಷರನ್ತೀವ ಮುದಾವಹಾನಿ । var ಅಹೋ ಕ್ಷರನ್ತೀವ ಸುಧಾಂ ಪದಾನಿ ।
ಪ್ರವರ್ತಯ ಪ್ರಾಞ್ಜಲಿರಸ್ಮಿ ಜಿಹ್ವೇ var ಆವರ್ತಯ
ನಾಮಾನಿ ನಾರಾಯಣಗೋಚರಾಣಿ ॥ ೩೦॥ ॥ ಕಾ ೨೦॥

ಇದಂ ಶರೀರಂ ಪರಿಣಾಮಪೇಶಲಂ var ಶ್ಲಥಸನ್ಧಿಜರ್ಜರಂ
ಪತತ್ಯವಶ್ಯಂ ಪರಿಣಾಮಪೇಶಲಮ್ । var ಪತತ್ಯವಶ್ಯಂ ಶ್ಲಥಸಂಧಿ ಜರ್ಜರಮ್ ।
ಕಿಮೌಷಧೈಃ ಕ್ಲಿಶ್ಯಸಿ ಮೂಢ ದುರ್ಮತೇ
ನಿರಾಮಯಂ ಕೃಷ್ಣರಸಾಯನಂ ಪಿಬ ॥ ೩೧॥ ॥ ಕಾ ೨೧॥

ದಾರಾ ವಾರಾಕರವರಸುತಾ ತೇ ತನೂಜೋ ವಿರಿಞ್ಚಿಃ var ತೇಽಙ್ಗಜೋಽಯಂ
ಸ್ತೋತಾ ವೇದಸ್ತವ ಸುರಗಣೋ ಭೃತ್ಯವರ್ಗಃ ಪ್ರಸಾದಃ ।
ಮುಕ್ತಿರ್ಮಾಯಾ ಜಗದ್ ಅವಿಕಲಂ ತಾವಕೀ ದೇವಕೀ ತೇ var ಮುಕ್ತಿರ್ಮಧ್ಯೇ
ಮಾತಾ ಮಿತ್ರಂ ಬಲರಿಪುಸುತಸ್ತತ್ತ್ವದನ್ಯಂನ ಜಾನೇ ॥ ೩೨॥ ॥ ಕಾ ೨೫॥ var ಬಲರಿಪುಸುತಸ್ತತ್ತ್ವತೋಽನ್ಯನ್ನ

ಕೃಷ್ಣೋ ರಕ್ಷತು ನೋ ಜಗತ್ತ್ರಯಗುರುಃ ಕೃಷ್ಣಂ ನಮಧ್ವಂ ಸದಾ
ಕೃಷ್ಣೇನಾಖಿಲಶತ್ರವೋ ವಿನಿಹತಾಃ ಕೃಷ್ಣಾಯ ತಸ್ಮೈ ನಮಃ ।
ಕೃಷ್ಣಾದೇವ ಸಮುತ್ಥಿತಂ ಜಗದಿದಂ ಕೃಷ್ಣಸ್ಯ ದಾಸೋಽಸ್ಮ್ಯಹಂ
ಕೃಷ್ಣೇ ತಿಷ್ಠತಿ ವಿಶ್ವಮೇತದ್ ಅಖಿಲಂ ಹೇ! ಕೃಷ್ಣ ರಕ್ಷಸ್ವ ಮಾಮ್ ॥ ೩೩॥

ತತ್ ತ್ವಂ ಪ್ರಸೀದ ಭಗವನ್ ಕುರು ಮಯ್ಯನಾಥೇ
ವಿಷ್ಣೋ ಕೃಪಾಂ ಪರಮಕಾರುಣಿಕಃ ಖಲು ತ್ವಮ್ ।
ಸಂಸಾರಸಾಗರನಿಮಗ್ನಮನನ್ತ ದೀನಂ
ಉದ್ಧರ್ತುಮರ್ಹಸಿ ಹರೇ ಪುರುಷೋತ್ತಮೋಽಸಿ ॥ ೩೪॥

ನಮಾಮಿ ನಾರಾಯಣಪಾದಪಙ್ಕಜಂ
ಕರೋಮಿ ನಾರಾಯಣಪೂಜನಂ ಸದಾ ।
ವದಾಮಿ ನಾರಾಯಣನಾಮ ನಿರ್ಮಲಂ
ಸ್ಮರಾಮಿ ನಾರಾಯಣತತ್ತ್ವಮವ್ಯಯಮ್ ॥ ೩೫॥

ಶ್ರೀನಾಥ ನಾರಾಯಣ ವಾಸುದೇವ
ಶ್ರೀಕೃಷ್ಣ ಭಕ್ತಪ್ರಿಯ ಚಕ್ರಪಾಣೇ ।
ಶ್ರೀಪದ್ಮನಾಭಾಚ್ಯುತ ಕೈಟಭಾರೇ
ಶ್ರೀರಾಮ ಪದ್ಮಾಕ್ಷ ಹರೇ ಮುರಾರೇ ॥ ೩೬॥

ಅನನ್ತ ವೈಕುಣ್ಠ ಮುಕುನ್ದ ಕೃಷ್ಣ var ಆನನ್ದ ಗೋವಿನ್ದ ಮುಕುನ್ದ ರಾಮ
ಗೋವಿನ್ದ ದಾಮೋದರ ಮಾಧವೇತಿ । var ನಾರಾಯಣಾನನ್ತ ನಿರಾಮಯೇತಿ ।
ವಕ್ತುಂ ಸಮರ್ಥೋಽಪಿ ನ ವಕ್ತಿ ಕಶ್ಚಿತ್
ಅಹೋ ಜನಾನಾಂ ವ್ಯಸನಾಭಿಮುಖ್ಯಮ್ ॥ ೩೭॥ ॥ ಕಾ ೧೪ ॥ var ವ್ಯಸನಾನಿಮೋಕ್ಷೇ

ಧ್ಯಾಯನ್ತಿ ಯೇ ವಿಷ್ಣುಮನನ್ತಮವ್ಯಯಂ
ಹೃತ್ಪದ್ಮಮಧ್ಯೇ ಸತತಂ ವ್ಯವಸ್ಥಿತಮ್ ।
ಸಮಾಹಿತಾನಾಂ ಸತತಾಭಯಪ್ರದಂ
ತೇ ಯಾನ್ತಿ ಸಿದ್ಧಿಂ ಪರಮಾಂ ತು ವೈಷ್ಣವೀಮ್ ॥ ೩೮॥

ಕ್ಷೀರಸಾಗರತರಙ್ಗಶೀಕರಾ -
ಸಾರತಾರಕಿತಚಾರುಮೂರ್ತಯೇ ।
ಭೋಗಿಭೋಗಶಯನೀಯಶಾಯಿನೇ
ಮಾಧವಾಯ ಮಧುವಿದ್ವಿಷೇ ನಮಃ ॥ ೩೯॥ ॥ ಕಾ ೧೫॥

ಯಸ್ಯ ಪ್ರಿಯೌ ಶ್ರುತಿಧರೌ ಕವಿಲೋಕವೀರೌ var ಕವಿಲೋಕಗೀತೌ
ಮಿತ್ರೇ ದ್ವಿಜನ್ಮವರಪದ್ಮಶರಾವಭೂತಾಮ್ । var ದ್ವಿಜನ್ಮಪರಿವಾರಶಿವಾವಭೂತಾಮ್ ।
ತೇನಾಮ್ಬುಜಾಕ್ಷಚರಣಾಮ್ಬುಜಷಟ್ಪದೇನ
ರಾಜ್ಞಾ ಕೃತಾ ಕೃತಿರಿಯಂ ಕುಲಶೇಖರೇಣ ॥ ೪೦॥ ॥ ಕಾ ೩೪॥ var ಸ್ತುತಿರಿಯಂ

॥ ಇತಿ ಶ್ರೀಕುಲಶೇಖರೇಣ ವಿರಚಿತಾ ಮುಕುನ್ದಮಾಲಾ ಸಮ್ಪೂರ್ಣಾ ॥

ಸಂಸ್ಕರಣ್ - ೨ ಶ್ಲೋಕ ಸಂಖ್ಯಾ ೫೪
ವನ್ದೇ ಮುಕುನ್ದಮರವಿನ್ದದಲಾಯತಾಕ್ಷಂ
ಕುನ್ದೇನ್ದುಶಙ್ಖದಶನಂ ಶಿಶುಗೋಪವೇಷಮ್ ।
ಇನ್ದ್ರಾದಿದೇವಗಣವನ್ದಿತಪಾದಪೀಠಂ
ವೃನ್ದಾವನಾಲಯಮಹಂ ವಸುದೇವಸೂನುಮ್ ॥ ೧॥ ॥ ಕಾ ೧॥

ಶ್ರೀವಲ್ಲಭೇತಿ ವರದೇತಿ ದಯಾಪರೇತಿ
ಭಕ್ತಪ್ರಿಯೇತಿ ಭವಲುಣ್ಠನಕೋವಿದೇತಿ ।
ನಾಥೇತಿ ನಾಗಶಯನೇತಿ ಜಗನ್ನಿವಾಸೇತ್ಯ್
ಆಲಾಪಿನಂ ಪ್ರತಿದಿನಂ ಕುರು ಮಾಂ ಮುಕುನ್ದ ॥ ೨॥ ॥ ಕಾ ??॥

ಜಯತು ಜಯತು ದೇವೋ ದೇವಕೀನನ್ದನೋಽಯಂ
ಜಯತು ಜಯತು ಕೃಷ್ಣೋ ವೃಷ್ಣಿವಂಶಪ್ರದೀಪಃ ।
ಜಯತು ಜಯತು ಮೇಘಶ್ಯಾಮಲಃ ಕೋಮಲಾಙ್ಗೋ
ಜಯತು ಜಯತು ಪೃಥ್ವೀಭಾರನಾಶೋ ಮುಕುನ್ದಃ ॥ ೩॥ ॥ ಕಾ ೨॥

ಮುಕುನ್ದ ಮೂರ್ಧ್ನಾ ಪ್ರಣಿಪತ್ಯ ಯಾಚೇ
ಭವನ್ತಮೇಕಾನ್ತಮಿಯನ್ತಮರ್ಥಮ್ ।
ಅವಿಸ್ಮೃತಿಸ್ತ್ವಚ್ಚರಣಾರವಿನ್ದೇ
ಭವೇ ಭವೇ ಮೇಽಸ್ತು ಭವತ್ಪ್ರಸಾದಾತ್ ॥ ೪॥ ॥ ಕಾ ೩॥

ನಾಹಂ ವನ್ದೇ ತವ ಚರಣಯೋರ್ದ್ವನ್ದ್ವಮದ್ವನ್ದ್ವಹೇತೋಃ
ಕುಮ್ಭೀಪಾಕಂ ಗುರುಮಪಿ ಹರೇ ನಾರಕಂ ನಾಪನೇತುಮ್ ।
ರಮ್ಯಾರಾಮಾಮೃದುತನುಲತಾ ನನ್ದನೇ ನಾಪಿ ರನ್ತುಂ
ಭಾವೇ ಭಾವೇ ಹೃದಯಭವನೇ ಭಾವಯೇಯಂ ಭವನ್ತಮ್ ॥ ೫॥ ॥ ಕಾ ೫॥

ನಾಸ್ಥಾ ಧರ್ಮೇ ನ ವಸುನಿಚಯೇ ನೈವ ಕಾಮೋಪಭೋಗೇ
ಯದ್ ಭಾವ್ಯಂ ತದ್ ಭವತು ಭಗವನ್ಪೂರ್ವಕರ್ಮಾನುರೂಪಮ್ ।
ಏತತ್ಪ್ರಾರ್ಥ್ಯಂ ಮಮ ಬಹುಮತಂ ಜನ್ಮಜನ್ಮಾನ್ತರೇಽಪಿ
ತ್ವತ್ಪಾದಾಮ್ಭೋರುಹಯುಗಗತಾ ನಿಶ್ಚಲಾ ಭಕ್ತಿರಸ್ತು ॥ ೬॥ ॥ ಕಾ ೬॥

ದಿವಿ ವಾ ಭುವಿ ವಾ ಮಮಾಸ್ತು ವಾಸೋ
ನರಕೇ ವಾ ನರಕಾನ್ತಕ ಪ್ರಕಾಮಮ್ ।
ಅವಧೀರಿತಶಾರದಾರವಿನ್ದೌ
ಚರಣೌ ತೇ ಮರಣೇಽಪಿ ಚಿನ್ತಯಾಮಿ ॥ ೭॥ ॥ ಕಾ ೭॥

ಚಿನ್ತಯಾಮಿ ಹರಿಮೇವ ಸನ್ತತಂ
ಮನ್ದಹಾಸಮುದಿತಾನನಾಮ್ಬುಜಂ
ನನ್ದಗೋಪತನಯಂ ಪರಾತ್ ಪರಂ
ನಾರದಾದಿಮುನಿವೃನ್ದವನ್ದಿತಮ್ ॥ ೮॥ ॥ ಕಾ ??॥

ಕರಚರಣಸರೋಜೇ ಕಾನ್ತಿಮನ್ನೇತ್ರಮೀನೇ
ಶ್ರಮಮುಷಿ ಭುಜವೀಚಿವ್ಯಾಕುಲೇಽಗಾಧಮಾರ್ಗೇ ।
ಹರಿಸರಸಿ ವಿಗಾಹ್ಯಾಪೀಯ ತೇಜೋಜಲೌಘಂ
ಭವಮರುಪರಿಖಿನ್ನಃ ಕ್ಲೇಶಮದ್ಯ ತ್ಯಜಾಮಿ ॥ ೯॥ ॥ ಕಾ ??॥

ಸರಸಿಜನಯನೇ ಸಶಙ್ಖಚಕ್ರೇ
ಮುರಭಿದಿ ಮಾ ವಿರಮಸ್ವ ಚಿತ್ತ ರನ್ತುಮ್ । var ವಿರಮೇಹ
ಸುಖತರಮಪರಂ ನ ಜಾತು ಜಾನೇ var ಸುಖಕರ
ಹರಿಚರಣಸ್ಮರಣಾಮೃತೇನ ತುಲ್ಯಮ್ ॥ ೧೦॥ ॥ ಕಾ ೮॥

ಮಾಭೀರ್ಮನ್ದಮನೋ ವಿಚಿನ್ತ್ಯ ಬಹುಧಾ ಯಾಮೀಶ್ಚಿರಂ ಯಾತನಾಃ var ಮಾಭೈರ್ಮನ್ದಮನೋ
ನಾಮೀ ನಃ ಪ್ರಭವನ್ತಿ ಪಾಪರಿಪವಃ ಸ್ವಾಮೀ ನನು ಶ್ರೀಧರಃ ।
ಆಲಸ್ಯಂ ವ್ಯಪನೀಯ ಭಕ್ತಿಸುಲಭಂ ಧ್ಯಾಯಸ್ವ ನಾರಾಯಣಂ
ಲೋಕಸ್ಯ ವ್ಯಸನಾಪನೋದನಕರೋ ದಾಸಸ್ಯ ಕಿಂ ನ ಕ್ಷಮಃ ॥ ೧೧॥ ॥ ಕಾ ೯॥

ಭವಜಲಧಿಗತಾನಾಂ ದ್ವನ್ದ್ವವಾತಾಹತಾನಾಂ
ಸುತದುಹಿತೃಕಲತ್ರತ್ರಾಣಭಾರಾರ್ದಿತಾನಾಮ್ ।
ವಿಷಮವಿಷಯತೋಯೇ ಮಜ್ಜತಾಮಪ್ಲವಾನಾಂ
ಭವತು ಶರಣಮೇಕೋ ವಿಷ್ಣುಪೋತೋ ನರಾಣಾಮ್ ॥ ೧೨॥

ಭವಜಲಧಿಮಗಾಧಂ ದುಸ್ತರಂ ನಿಸ್ತರೇಯಂ
ಕಥಮಹಮಿತಿ ಚೇತೋ ಮಾ ಸ್ಮ ಗಾಃ ಕಾತರತ್ವಮ್ ।
ಸರಸಿಜದೃಶಿ ದೇವೇ ತಾರಕೀ ಭಕ್ತಿರೇಕಾ var ತಾವಕೀ
ನರಕಭಿದಿ ನಿಷಣ್ಣಾ ತಾರಯಿಷ್ಯತ್ಯವಶ್ಯಮ್ ॥ ೧೩॥ ॥ ಕಾ ೧೦॥

ತೃಷ್ಣಾತೋಯೇ ಮದನಪವನೋದ್ಧೂತಮೋಹೋರ್ಮಿಮಾಲೇ
ದಾರಾವರ್ತೇ ತನಯಸಹಜಗ್ರಾಹಸಙ್ಘಾಕುಲೇ ಚ ।
ಸಂಸಾರಾಖ್ಯೇ ಮಹತಿ ಜಲಧೌ ಮಜ್ಜತಾಂ ನಸ್ತ್ರಿಧಾಮನ್
ಪಾದಾಮ್ಭೋಜೇ ವರದ ಭವತೋ ಭಕ್ತಿನಾವಂ ಪ್ರಯಚ್ಛ ॥ ೧೪॥ ॥ ಕಾ ೧೧॥

ಪೃಥ್ವೀರೇಣುರಣುಃ ಪಯಾಂಸಿ ಕಣಿಕಾಃ ಫಲ್ಗುಸ್ಫುಲಿಙ್ಗೋಽನಲ -
ಸ್ತೇಜೋ ನಿಃಶ್ವಸನಂ ಮರುತ್ ತನುತರಂ ರನ್ಧ್ರಂ ಸುಸೂಕ್ಷ್ಮಂ ನಭಃ ।
ಕ್ಷುದ್ರಾ ರುದ್ರಪಿತಾಮಹಪ್ರಭೃತಯಃ ಕೀಟಾಃ ಸಮಸ್ತಾಃ ಸುರಾ
ದೃಷ್ಟೇ ಯತ್ರ ಸ ತಾವಕೋ ವಿಜಯತೇ "ಭೂಮಾವಧೂತಾವಧಿಃ ॥ ೧೫॥ ॥ ಕಾ ೧೨॥

ಹೇ ಲೋಕಾಃ ಶ್ರುಣುತ ಪ್ರಸೂತಿಮರಣವ್ಯಾಧೇಶ್ಚಿಕಿತ್ಸಾಮಿಮಾಂ var ಭೋ ಲೋಕಾಃ
ಯೋಗಜ್ಞಾಃ ಸಮುದಾಹರನ್ತಿ ಮುನಯೋ ಯಾಂ ಯಾಜ್ಞವಲ್ಕ್ಯಾದಯಃ ।
ಅನ್ತರ್ಜ್ಯೋತಿರಮೇಯಮೇಕಮಮೃತಂ ಕೃಷ್ಣಾಖ್ಯಮಾಪೀಯತಾಂ
ತತ್ಪೀತಂ ಪರಮೌಷಧಂ ವಿತನುತೇ ನಿರ್ವಾನಮತ್ಯನ್ತಿಕಮ್ ॥ ೧೬॥ ॥ ಕಾ ೧೮॥ var ಯತ್ಪಿತಂ

ಹೇ ಮರ್ತ್ಯಾಃ ಪರಮಂ ಹಿತಂ ಶ್ರುಣುತ ವೋ ವಕ್ಷ್ಯಾಮಿ ಸಙ್ಕ್ಷೇಪತಃ
ಸಂಸಾರಾರ್ಣವಮಾಪದೂರ್ಮಿಬಹುಲಂ ಸಮ್ಯಕ್ ಪ್ರವಿಶ್ಯ ಸ್ಥಿತಾಃ ।
ನಾನಾಜ್ಞಾನಮಪಾಸ್ಯ ಚೇತಸಿ ನಮೋ ನಾರಾಯಣಾಯೇತ್ಯಮುಂ
ಮನ್ತ್ರಂ ಸಪ್ರಣವಂ ಪ್ರಣಾಮಸಹಿತಂ ಪ್ರಾವರ್ತಯಧ್ವಂ ಮುಹುಃ ॥ ೧೭॥

ನಾಥೇ ನಃಪುರುಷೋತ್ತಮೇ ತ್ರಿಜಗತಾಮೇಕಾಧಿಪೇ ಚೇತಸಾ var ಶ್ರೀಪುರುಷೋತ್ತಮೇ
ಸೇವ್ಯೇ ಸ್ವಸ್ಯ ಪದಸ್ಯ ದಾತರಿ ಪರೇ ನಾರಾಯಣೇ ತಿಷ್ಠತಿ ।
ಯಂ ಕಞ್ಚಿತ್ಪುರುಷಾಧಮಂ ಕತಿಪಯಗ್ರಾಮೇಶಮಲ್ಪಾರ್ಥದಂ
ಸೇವಾಯೈ ಮೃಗಯಾಮಹೇ ನರಮಹೋ ಮೂಢಾ ವರಾಕಾ ವಯಮ್ ॥ ೧೮॥ ॥ ಕಾ ೧೭॥

ಬದ್ಧೇನಾಞ್ಜಲಿನಾ ನತೇನ ಶಿರಸಾ ಗಾತ್ರೈಃ ಸರೋಮೋದ್ಗಮೈಃ
ಕಣ್ಠೇನ ಸ್ವರಗದ್ಗದೇನ ನಯನೇನೋದ್ಗೀರ್ಣಬಾಷ್ಪಾಮ್ಬುನಾ ।
ನಿತ್ಯಂ ತ್ವಚ್ಚರಣಾರವಿನ್ದಯುಗಲಧ್ಯಾನಾಮೃತಾಸ್ವಾದಿನಾಂ
ಅಸ್ಮಾಕಂ ಸರಸೀರುಹಾಕ್ಷ ಸತತಂ ಸಮ್ಪದ್ಯತಾಂ ಜೀವಿತಮ್ ॥ ೧೯॥ ॥ ಕಾ ೧೯॥

ಯತ್ ಕೃಷ್ಣಪ್ರಣಿಪಾತಧೂಲಿಧವಲಂ ತದ್ ವರ್ಷ್ಮ ತದ್ ವೈ ಶಿರಸ್ var ತದ್ವೈ ಶಿರಃ ಸ್ಯಾಚ್ಛುಮಂ
ತೇ ನೇತ್ರೇ ತಮಸೋಜ್ಝಿತೇ ಸುರುಚಿರೇ ಯಾಭ್ಯಾಂ ಹರಿರ್ದೃಶ್ಯತೇ ।
ಸಾ ಬುದ್ಧಿರ್ವಿಮಲೇನ್ದುಶಙ್ಖಧವಲಾ ಯಾ ಮಾಧವಾಧ್ಯಾಯಿನೀ var ಬುದ್ಧಿರ್ನಿಯಮೈರ್ಯಮೈಶ್ಚ ವಿಮಲಾ
ಸಾ ಜಿಹ್ವಾಮೃತವರ್ಷಿಣೀ ಪ್ರತಿಪದಂ ಯಾ ಸ್ತೌತಿ ನಾರಾಯಣಮ್ ॥ ೨೦॥ ॥ ಕಾ ೨೭॥

ಜಿಹ್ವೇ ಕೀರ್ತಯ ಕೇಶವಂ ಮುರರಿಪುಂ ಚೇತೋ ಭಜ ಶ್ರೀಧರಂ
ಪಾಣಿದ್ವನ್ದ್ವ ಸಮರ್ಚಯಾಚ್ಯುತಕಥಾಃ ಶ್ರೋತ್ರದ್ವಯ ತ್ವಂ ಶೃಣು ।
ಕೃಷ್ಣಂ ಲೋಕಯ ಲೋಚನದ್ವಯ ಹರೇರ್ಗಚ್ಛಾಙ್ಘ್ರಿಯುಗ್ಮಾಲಯಂ
ಜಿಘ್ರ ಘ್ರಾಣ ಮುಕುನ್ದಪಾದತುಲಸೀಂ ಮೂರ್ಧನ್ ನಮಾಧೋಕ್ಷಜಮ್ ॥ ೨೧॥ ॥ ಕಾ ೨೬॥

ಆಮ್ನಾಯಾಭ್ಯಸನಾನ್ಯರಣ್ಯರುದಿತಂ ವೇದವ್ರತಾನ್ಯನ್ವಹಂ var ಕೃಚ್ಛೂವ್ರತಾನ್ಯನ್ವಹಂ
ಮೇದಶ್ಛೇದಫಲಾನಿ ಪೂರ್ತವಿಧಯಃ ಸರ್ವಂ ಹುತಂ ಭಸ್ಮನಿ । var ಮೇದಚ್ಛೇದಪದಾನಿ
ತೀರ್ಥಾನಾಮವಗಾಹನಾನಿ ಚ ಗಜಸ್ನಾನಂ ವಿನಾ ಯತ್ಪದ -
ದ್ವನ್ದ್ವಾಮ್ಭೋರುಹಸಂಸ್ಮೃತಿಂ ವಿಜಯತೇ ದೇವಃ ಸ ನಾರಾಯಣಃ ॥ ೨೨॥ ॥ ಕಾ ೧೩॥ var ದ್ವನ್ದ್ವಾಮ್ಭೋರುಹಸಂಸ್ತುತಿಂ

ಮದನ ಪರಿಹರ ಸ್ಥಿತಿಂ ಮದೀಯೇ
ಮನಸಿ ಮುಕುನ್ದಪದಾರವಿನ್ದಧಾಮ್ನಿ ।
ಹರನಯನಕೃಶಾನುನಾ ಕೃಶೋಽಸಿ
ಸ್ಮರಸಿ ನ ಚಕ್ರಪರಾಕ್ರಮಂ ಮುರಾರೇಃ ॥ ೨೩॥ ॥ ಕಾ ೨೪॥

ನಾಥೇ ಧಾತರಿ ಭೋಗಿಭೋಗಶಯನೇ ನಾರಾಯಣೇ ಮಾಧವೇ
ದೇವೇ ದೇವಕಿನನ್ದನೇ ಸುರವರೇ ಚಕ್ರಾಯುಧೇ ಶಾರ್ಙ್ಗಿಣಿ ।
ಲೀಲಾಶೇಷಜಗತ್ಪ್ರಪಞ್ಚಜಠರೇ ವಿಶ್ವೇಶ್ವರೇ ಶ್ರೀಧರೇ
ಗೋವಿನ್ದೇ ಕುರು ಚಿತ್ತವೃತ್ತಿಮಚಲಾಮನ್ಯೈಸ್ತು ಕಿಂ ವರ್ತನೈಃ ॥ ೨೪॥

ಮಾದ್ರಾಕ್ಷಂ ಕ್ಷೀಣಪುಣ್ಯಾನ್ಕ್ಷಣಮಪಿ ಭವತೋ ಭಕ್ತಿಹೀನಾನ್ಪದಾಬ್ಜೇ
ಮಾಶ್ರೌಷಂ ಶ್ರಾವ್ಯಬನ್ಧಂ ತವ ಚರಿತಮಪಾಸ್ಯಾನ್ಯದಾಖ್ಯಾನಜಾತಮ್ । var ಶ್ರಾವ್ಯಬದ್ಧಂ
ಮಾಸ್ಮಾರ್ಷಂ ಮಾಧವ ತ್ವಾಮಪಿ ಭುವನಪತೇ ಚೇತಸಾಪಹ್ನುವಾನಾನ್ var ಮಾಸ್ಪ್ರಾಕ್ಷಂ
ಮಾಭೂವಂ ತ್ವತ್ಸಪರ್ಯಾಪರಿಕರರಹಿತೋ ಜನ್ಮಜನ್ಮಾನ್ತರೇಽಪಿ ॥ ೨೫॥ ॥ ಕಾ ೨೩॥ var ತ್ವತ್ಸಪರ್ಯಾವ್ಯತಿಕರರಹಿತೋ

ಮಜ್ಜನ್ಮನಃ ಫಲಮಿದಂ ಮಧುಕೈಟಭಾರೇ
ಮತ್ಪ್ರಾರ್ಥನೀಯಮದನುಗ್ರಹ ಏಷ ಏವ ।
ತ್ವದ್ಭೃತ್ಯಭೃತ್ಯಪರಿಚಾರಕಭೃತ್ಯಭೃತ್ಯ-
ಭೃತ್ಯಸ್ಯ ಭೃತ್ಯ ಇತಿ ಮಾಂ ಸ್ಮರ ಲೋಕನಾಥ ॥ ೨೬॥

ತತ್ತ್ವಂ ಬ್ರುವಾಣಾನಿ ಪರಂ ಪರಸ್ತಾನ್ var ಪರಸ್ಮಾತ್
ಮಧು ಕ್ಷರನ್ತೀವ ಮುದಾವಹಾನಿ । var ಅಹೋ ಕ್ಷರನ್ತೀವ ಸುಧಾಂ ಪದಾನಿ ।
ಪ್ರವರ್ತಯ ಪ್ರಾಞ್ಜಲಿರಸ್ಮಿ ಜಿಹ್ವೇ var ಆವರ್ತಯ
ನಾಮಾನಿ ನಾರಾಯಣಗೋಚರಾಣಿ ॥ ೨೭॥ ॥ ಕಾ ೨೦॥

ನಮಾಮಿ ನಾರಾಯಣಪಾದಪಙ್ಕಜಂ
ಕರೋಮಿ ನಾರಾಯಣಪೂಜನಂ ಸದಾ ।
ವದಾಮಿ ನಾರಾಯಣನಾಮ ನಿರ್ಮಲಂ
ಸ್ಮರಾಮಿ ನಾರಾಯಣತತ್ತ್ವಮವ್ಯಯಮ್ ॥ ೨೮॥

ಶ್ರೀನಾಥ ನಾರಾಯಣ ವಾಸುದೇವ
ಶ್ರೀಕೃಷ್ಣ ಭಕ್ತಪ್ರಿಯ ಚಕ್ರಪಾಣೇ ।
ಶ್ರೀಪದ್ಮನಾಭಾಚ್ಯುತ ಕೈಟಭಾರೇ
ಶ್ರೀರಾಮ ಪದ್ಮಾಕ್ಷ ಹರೇ ಮುರಾರೇ ॥ ೨೯॥

ಅನನ್ತ ವೈಕುಣ್ಠ ಮುಕುನ್ದ ಕೃಷ್ಣ var ಆನನ್ದ ಗೋವಿನ್ದ ಮುಕುನ್ದ ರಾಮ
ಗೋವಿನ್ದ ದಾಮೋದರ ಮಾಧವೇತಿ । var ನಾರಾಯಣಾನನ್ತ ನಿರಾಮಯೇತಿ ।
ವಕ್ತುಂ ಸಮರ್ಥೋಽಪಿ ನ ವಕ್ತಿ ಕಶ್ಚಿತ್
ಅಹೋ ಜನಾನಾಂ ವ್ಯಸನಾಭಿಮುಖ್ಯಮ್ ॥ ೩೦॥ ॥ ಕಾ ೧೪ ॥ var ವ್ಯಸನಾನಿಮೋಕ್ಷೇ

ಭಕ್ತಾಪಾಯಭುಜಙ್ಗಗಾರುಡಮಣಿಸ್ತ್ರೈಲೋಕ್ಯರಕ್ಷಾಮಣಿರ್ var ಭಕ್ತಾದ್ವೇಷಿ
ಗೋಪೀಲೋಚನಚಾತಕಾಮ್ಬುದಮಣಿಃ ಸೌನ್ದರ್ಯಮುದ್ರಾಮಣಿಃ
ಯಃ ಕಾನ್ತಾಮಣಿರುಕ್ಮಿಣೀಘನಕುಚದ್ವನ್ದ್ವೈಕಭೂಷಾಮಣಿಃ var ಶ್ರೀ ಕಾನ್ತಾ
ಶ್ರೇಯೋ ದೇವಶಿಖಾಮಣಿರ್ದಿಶತು ನೋ ಗೋಪಾಲಚೂಡಾಮಣಿಃ ॥ ೩೧॥ ॥ ಕಾ ೨೮॥ var ಶ್ರೇಯೋ ಧ್ಯೇಯ

ಶತ್ರುಚ್ಛೇದೈಕಮನ್ತ್ರಂ ಸಕಲಮುಪನಿಷದ್ವಾಕ್ಯಸಮ್ಪೂಜ್ಯಮನ್ತ್ರಂ
ಸಂಸಾರೋತ್ತಾರಮನ್ತ್ರಂ ಸಮುಚಿತತಮಸಃ ಸಙ್ಘನಿರ್ಯಾಣಮನ್ತ್ರಮ್ । var ಸಮುದಿತಮನಸಾಂ
ಸರ್ವೈಶ್ವರ್ಯೈಕಮನ್ತ್ರಂ ವ್ಯಸನಭುಜಗಸನ್ದಷ್ಟಸನ್ತ್ರಾಣಮನ್ತ್ರಂ
ಜಿಹ್ವೇ ಶ್ರೀಕೃಷ್ಣಮನ್ತ್ರಂ ಜಪ ಜಪ ಸತತಂ ಜನ್ಮಸಾಫಲ್ಯಮನ್ತ್ರಮ್ ॥ ೩೨॥ ॥ ಕಾ ೨೯ ॥

ವ್ಯಾಮೋಹಪ್ರಶಮೌಷಧಂ ಮುನಿಮನೋವೃತ್ತಿಪ್ರವೃತ್ತ್ಯೌಷಧಂ var
ವ್ಯಾಮೋಹೋದ್ದಲನೌಷಧಂ
ದೈತ್ಯೇನ್ದ್ರಾರ್ತಿಕರೌಷಧಂ ತ್ರಿಜಗತಾಂ ಸಞ್ಜೀವನೈಕೌಷಧಮ್ । var
ದೈತ್ಯಾನರ್ಥಕರೌಷಧಂ
ಭಕ್ತಾತ್ಯನ್ತಹಿತೌಷಧಂ ಭವಭಯಪ್ರಧ್ವಂಸನೈಕೌಷಧಂ var
ಭಕ್ತಾರ್ತಿಪ್ರಶಮೌಷಧಂ ಭವಭಯಪ್ರಧ್ವಂಸಿ ದಿವ್ಯೌಷಧಂ
ಶ್ರೇಯಃಪ್ರಾಪ್ತಿಕರೌಷಧಂ ಪಿಬ ಮನಃ ಶ್ರೀಕೃಷ್ಣದಿವ್ಯೌಷಧಮ್ ॥ ೩೩॥ ॥ ಕಾ ೩೦ ॥ var ಶ್ರೀಕೃಷ್ಣನಾಮೌಷಧಮ್

ಕೃಷ್ಣ ತ್ವದೀಯಪದಪಙ್ಕಜಪಞ್ಜರಾನ್ತಂ
ಅದ್ಯೈವ ಮೇ ವಿಶತು ಮಾನಸರಾಜಹಂಸಃ ।
ಪ್ರಾಣಪ್ರಯಾಣಸಮಯೇ ಕಫವಾತಪಿತ್ತೈಃ
ಕಣ್ಠಾವರೋಧನವಿಧೌ ಸ್ಮರಣಂ ಕುತಸ್ತೇ ॥ ೩೪॥

ಚೇತಶ್ಚಿನ್ತಯ ಕೀರ್ತಯಸ್ವ ರಸನೇ ನಮ್ರೀಭವ ತ್ವಂ ಶಿರೋ
ಹಸ್ತಾವಞ್ಜಲಿಸಮ್ಪುಟಂ ರಚಯತಂ ವನ್ದಸ್ವ ದೀರ್ಘಂ ವಪುಃ ।
ಆತ್ಮನ್ ಸಂಶ್ರಯ ಪುಣ್ಡರೀಕನಯನಂ ನಾಗಾಚಲೇನ್ದ್ರಸ್ಥಿತಂ
ಧನ್ಯಂ ಪುಣ್ಯತಮಂ ತದೇವ ಪರಮಂ ದೈವಂ ಹಿ ಸಂಸಿದ್ಧಯೇ ॥ ೩೫॥

ಶೃಣ್ವನ್ ಜನಾರ್ದನಕಥಾಗುಣಕೀರ್ತನಾನಿ
ದೇಹೇ ನ ಯಸ್ಯ ಪುಲಕೋದ್ಗಮರೋಮರಾಜಿಃ ।
ನೋತ್ಪದ್ಯತೇ ನಯನಯೋರ್ವಿಮಲಾಮ್ಬುಮಾಲಾ
ಧಿಕ್ ತಸ್ಯ ಜೀವಿತಮಹೋ ಪುರುಷಾಧಮಸ್ಯ ॥ ೩೬॥

ಅನ್ಧಸ್ಯ ಮೇ ಹೃತವಿವೇಕಮಹಾಧನಸ್ಯ
ಚೌರೈಃ ಪ್ರಭೋ ಬಲಿಭಿರಿನ್ದ್ರಿಯನಾಮಧೇಯೈಃ ।
ಮೋಹಾನ್ಧಕೂಪಕುಹರೇ ವಿನಿಪಾತಿತಸ್ಯ
ದೇವೇಶ ದೇಹಿ ಕೃಪಣಸ್ಯ ಕರಾವಲಮ್ಬಮ್ ॥ ೩೭॥

ಇದಂ ಶರೀರಂ ಪರಿಣಾಮಪೇಶಲಂ var ಶ್ಲಥಸನ್ಧಿಜರ್ಜರಂ
ಪತತ್ಯವಶ್ಯಂ ಪರಿಣಾಮಪೇಶಲಮ್ । var ಪತತ್ಯವಶ್ಯಂ ಶ್ಲಥಸಂಧಿ ಜರ್ಜರಮ್ ।
ಕಿಮೌಷಧೈಃ ಕ್ಲಿಶ್ಯಸಿ ಮೂಢ ದುರ್ಮತೇ
ನಿರಾಮಯಂ ಕೃಷ್ಣರಸಾಯನಂ ಪಿಬ ॥ ೩೮॥ ॥ ಕಾ ೨೧॥

ಆಶ್ಚರ್ಯಮೇತದ್ ಧಿ ಮನುಷ್ಯಲೋಕೇ
ಸುಧಾಂ ಪರಿತ್ಯಜ್ಯ ವಿಷಂ ಪಿಬನ್ತಿ ।
ನಾಮಾನಿ ನಾರಾಯಣಗೋಚರಾಣಿ
ತ್ಯಕ್ತ್ವಾನ್ಯವಾಚಃ ಕುಹಕಾಃ ಪಠನ್ತಿ ॥ ೩೯॥ ॥ ಕಾ ೩೧ ॥

ತ್ಯಜನ್ತು ಬಾನ್ಧವಾಃ ಸರ್ವೇ
ನಿನ್ದನ್ತು ಗುರವೋ ಜನಾಃ ।
ತಥಾಪಿ ಪರಮಾನನ್ದೋ
ಗೋವಿನ್ದೋ ಮಮ ಜೀವನಮ್ಃ ॥ ೪೦॥

ಸತ್ಯಂ ಬ್ರವೀಮಿ ಮನುಜಾಃ ಸ್ವಯಮೂರ್ಧ್ವಬಾಹುರ್
ಯೋ ಯೋ ಮುಕುನ್ದ ನರಸಿಂಹ ಜನಾರ್ದನೇತಿ ।
ಜೀವೋ ಜಪತ್ಯನುದಿನಂ ಮರಣೇ ರಣೇ ವಾ
ಪಾಷಾಣಕಾಷ್ಠಸದೃಶಾಯ ದದಾತ್ಯಭೀಷ್ಟಮ್ ॥ ೪೧॥

ನಾರಾಯಣಾಯ ನಮ ಇತ್ಯಮುಮೇವ ಮನ್ತ್ರಂ
ಸಂಸಾರಘೋರವಿಷನಿರ್ಹರಣಾಯ ನಿತ್ಯಮ್ ।
ಶೃಣ್ವನ್ತು ಭವ್ಯಮತಯೋ ಯತಯೋಽನುರಾಗಾದ್
ಉಚ್ಚೈಸ್ತರಾಮುಪದಿಶಾಮ್ಯಹಮೂರ್ಧ್ವಬಾಹುಃ ॥ ೪೨॥

ಚಿತ್ತಂ ನೈವ ನಿವರ್ತತೇ ಕ್ಷಣಮಪಿ ಶ್ರೀಕೃಷ್ಣಪಾದಾಮ್ಬುಜಾ -
ನ್ನಿನ್ದನ್ತು ಪ್ರಿಯಬಾನ್ಧವಾ ಗುರುಜನಾ ಗೃಹ್ಣನ್ತು ಮುಞ್ಚನ್ತು ವಾ ।
ದುರ್ವಾದಂ ಪರಿಘೋಷಯನ್ತು ಮನುಜಾ ವಂಶೇ ಕಲಙ್ಕೋಽಸ್ತು ವಾ
ತಾದೃಕ್ಪ್ರೇಮಧರಾನುರಾಗಮಧುನಾ ಮತ್ತಾಯ ಮಾನಂ ತು ಮೇ ॥ ೪೩॥

ಕೃಷ್ಣೋ ರಕ್ಷತು ನೋ ಜಗತ್ತ್ರಯಗುರುಃ ಕೃಷ್ಣಂ ನಮಧ್ವಂ ಸದಾ
ಕೃಷ್ಣೇನಾಖಿಲಶತ್ರವೋ ವಿನಿಹತಾಃ ಕೃಷ್ಣಾಯ ತಸ್ಮೈ ನಮಃ ।
ಕೃಷ್ಣಾದೇವ ಸಮುತ್ಥಿತಂ ಜಗದಿದಂ ಕೃಷ್ಣಸ್ಯ ದಾಸೋಽಸ್ಮ್ಯಹಂ
ಕೃಷ್ಣೇ ತಿಷ್ಠತಿ ವಿಶ್ವಮೇತದ್ ಅಖಿಲಂ ಹೇ! ಕೃಷ್ಣ ರಕ್ಷಸ್ವ ಮಾಮ್ ॥ ೪೪॥

ಹೇ ಗೋಪಾಲಕ ಹೇ ಕೃಪಾಜಲನಿಧೇ ಹೇ ಸಿನ್ಧುಕನ್ಯಾಪತೇ
ಹೇ ಕಂಸಾನ್ತಕ ಹೇ ಗಜೇನ್ದ್ರಕರುಣಾಪಾರೀಣ ಹೇ ಮಾಧವ ।
ಹೇ ರಾಮಾನುಜ ಹೇ ಜಗತ್ತ್ರಯಗುರೋ ಹೇ ಪುಣ್ಡರೀಕಾಕ್ಷ ಮಾಂ
ಹೇ ಗೋಪೀಜನನಾಥ ಪಾಲಯ ಪರಂ ಜಾನಾಮಿ ನ ತ್ವಾಂ ವಿನಾ ॥ ೪೫॥

ದಾರಾ ವಾರಾಕರವರಸುತಾ ತೇ ತನೂಜೋ ವಿರಿಞ್ಚಿಃ var ತೇಽಙ್ಗಜೋಽಯಂ
ಸ್ತೋತಾ ವೇದಸ್ತವ ಸುರಗಣೋ ಭೃತ್ಯವರ್ಗಃ ಪ್ರಸಾದಃ ।
ಮುಕ್ತಿರ್ಮಾಯಾ ಜಗದ್ ಅವಿಕಲಂ ತಾವಕೀ ದೇವಕೀ ತೇ var ಮುಕ್ತಿರ್ಮಧ್ಯೇ
ಮಾತಾ ಮಿತ್ರಂ ಬಲರಿಪುಸುತಸ್ತತ್ತ್ವದನ್ಯಂನ ಜಾನೇ ॥ ೪೬॥ ॥ ಕಾ ೨೫॥ var ಬಲರಿಪುಸುತಸ್ತತ್ತ್ವತೋಽನ್ಯನ್ನ

ಪ್ರಣಾಮಮೀಶಸ್ಯ ಶಿರಃಫಲಂ ವಿದುಃ
ತದರ್ಚನಂ ಪಾಣಿಫಲಂ ದಿವೌಕಸಃ ।
ಮನಃಫಲಂ ತದ್ಗುಣತತ್ತ್ವಚಿನ್ತನಂ
ವಚಃಫಲಂ ತದ್ಗುಣಕೀರ್ತನಂ ಬುಧಾಃ ॥ ೪೭॥

ಶ್ರೀಮನ್ನಾಮ ಪ್ರೋಚ್ಯ ನಾರಾಯಣಾಖ್ಯಂ
ಕೇನ ಪ್ರಾಪುರ್ವಾಞ್ಛಿತಂ ಪಾಪಿನೋಽಪಿ । var ಯೇನ
ಹಾ ನಃ ಪೂರ್ವಂ ವಾಕ್ಪ್ರವೃತ್ತಾ ನ ತಸ್ಮಿಂ-
ಸ್ತೇನ ಪ್ರಾಪ್ತಂ ಗರ್ಭವಾಸಾದಿದುಃಖಮ್ ॥ ೪೮॥ ॥ ಕಾ ೨೨॥

ಧ್ಯಾಯನ್ತಿ ಯೇ ವಿಷ್ಣುಮನನ್ತಮವ್ಯಯಂ
ಹೃತ್ಪದ್ಮಮಧ್ಯೇ ಸತತಂ ವ್ಯವಸ್ಥಿತಮ್ ।
ಸಮಾಹಿತಾನಾಂ ಸತತಾಭಯಪ್ರದಂ
ತೇ ಯಾನ್ತಿ ಸಿದ್ಧಿಂ ಪರಮಾಂ ತು ವೈಷ್ಣವೀಮ್ ॥ ೪೯॥

ತತ್ ತ್ವಂ ಪ್ರಸೀದ ಭಗವನ್ ಕುರು ಮಯ್ಯನಾಥೇ
ವಿಷ್ಣೋ ಕೃಪಾಂ ಪರಮಕಾರುಣಿಕಃ ಖಲು ತ್ವಮ್ ।
ಸಂಸಾರಸಾಗರನಿಮಗ್ನಮನನ್ತ ದೀನಂ
ಉದ್ಧರ್ತುಮರ್ಹಸಿ ಹರೇ ಪುರುಷೋತ್ತಮೋಽಸಿ ॥ ೫೦॥

ಕ್ಷೀರಸಾಗರತರಙ್ಗಶೀಕರಾ -
ಸಾರತಾರಕಿತಚಾರುಮೂರ್ತಯೇ ।
ಭೋಗಿಭೋಗಶಯನೀಯಶಾಯಿನೇ
ಮಾಧವಾಯ ಮಧುವಿದ್ವಿಷೇ ನಮಃ ॥ ೫೧॥ ॥ ಕಾ ೧೫॥

ಅಲಮಲಮಲಮೇಕಾ ಪ್ರಾಣಿನಾಂ ಪಾತಕಾನಾಂ
ನಿರಸನವಿಷಯೇ ಯಾ ಕೃಷ್ಣ ಕೃಷ್ಣೇತಿ ವಾಣೀ ।
ಯದಿ ಭವತಿ ಮುಕುನ್ದೇ ಭಕ್ತಿರಾನನ್ದಸಾನ್ದ್ರಾ
ಕರತಲಕಲಿತಾ ಸಾ ಮೋಕ್ಷಸಮ್ರಾಜ್ಯಲಕ್ಷ್ಮೀಃ ॥ ೫೨॥

ಯಸ್ಯ ಪ್ರಿಯೌ ಶ್ರುತಿಧರೌ ಕವಿಲೋಕವೀರೌ var ಕವಿಲೋಕಗೀತೌ
ಮಿತ್ರೇ ದ್ವಿಜನ್ಮವರಪದ್ಮಶರಾವಭೂತಾಮ್ । var ದ್ವಿಜನ್ಮಪರಿವಾರಶಿವಾವಭೂತಾಮ್ ।
ತೇನಾಮ್ಬುಜಾಕ್ಷಚರಣಾಮ್ಬುಜಷಟ್ಪದೇನ
ರಾಜ್ಞಾ ಕೃತಾ ಕೃತಿರಿಯಂ ಕುಲಶೇಖರೇಣ ॥ ೫೩॥ ॥ ಕಾ ೩೪॥ var ಸ್ತುತಿರಿಯಂ

ಮುಕುನ್ದಮಾಲಾಂ ಪಠತಾಂ ನರಾಣಾಂ
ಅಶೇಷಸೌಖ್ಯಂ ಲಭತೇ ನ ಕಃ ಸ್ವಿತ್ ।
ಸಮಸ್ತಪಾಪಕ್ಷಯಮೇತ್ಯ ದೇಹೀ
ಪ್ರಯಾತಿ ವಿಷ್ಣೋಃ ಪರಮಂ ಪದಂ ತತ್ ॥ ೫೪॥

॥ ಇತಿ ಶ್ರೀಕುಲಶೇಖರೇಣ ವಿರಚಿತಾ ಮುಕುನ್ದಮಾಲಾ ಸಮ್ಪೂರ್ಣಾ ॥


Proofread by Madhavi U mupadrasta at gmail.com
Sequence based on mukundamAlA by Ravindra Seth in Hindi available at DLI.
Some pAThabehda/variations are observed in numbering of the verses.
This would offset numbers stated in the reference and above.

ಶ್ರೀಗೋವಿನ್ದಪದಾಮ್ಭೋಜಮಧುನೋ ಮಹದದ್ಭುತಮ್ । var ಶ್ರೀಮುಕುನ್ದಪದಾಮ್ಭೋಜಮಧುನಃ ಪರಮಾದ್ಭುತಮ್ ।
ಯತ್ಪಾಯಿನೋ ನ ಮುಹ್ಯನ್ತಿ ಮುಹ್ಯನ್ತಿ ಯದಪಾಯಿನಃ ॥ ೫॥ ॥ ಕಾ ೪॥ var ಮುಞ್ಚನ್ತಿ ಮುಞ್ಚನ್ತಿ

ರಜಸಿ ನಿಪತಿತಾನಾಂ ಮೋಹಜಾಲಾವೃತಾನಾಂ
ಜನನಮರಣದೋಲಾದುರ್ಗಸಂಸರ್ಗಗಾನಾಮ್ ।
ಶರಣಮಶರಣಾನಾಮೇಕ ಏವಾತುರಾಣಾಂ
ಕುಶಲಪಥನಿಯುಕ್ತಶ್ಚಕ್ರಪಾಣಿರ್ನರಾಣಾಮ್ ॥ ೧೬॥

ಅಪರಾಧಸಹಸ್ರಸಙ್ಕುಲಂ
ಪತಿತಂ ಭೀಮಭವಾರ್ಣವೋದರೇ ।
ಅಗತಿಂ ಶರಣಾಗತಂ ಹರೇ
ಕೃಪಯಾ ಕೇವಲಮಾತ್ಮಸಾತ್ ಕುರು ॥ ೧೭॥

ಮಾ ಮೇ ಸ್ತ್ರೀತ್ವಂ ಮಾ ಚ ಮೇ ಸ್ಯಾತ್ ಕುಭಾವೋ
ಮಾ ಮೂರ್ಖತ್ವಂ ಮಾ ಕುದೇಶೇಷು ಜನ್ಮ ।
ಮಿಥ್ಯಾದೃಷ್ಟಿರ್ಮಾ ಚ ಮೇ ಸ್ಯಾತ್ ಕದಾಚಿತ್
ಜಾತೌ ಜಾತೌ ವಿಷ್ಣುಭಕ್ತೋ ಭವೇಯಮ್ ॥ ೧೮॥

ಕಾಯೇನ ವಾಚಾ ಮನಸೇನ್ದ್ರಿಯೈಶ್ಚ
ಬುದ್ಧ್ಯಾತ್ಮನಾ ವಾನುಸೃತಿರ್ಸ್ವಭಾವಾತ್ ।
ಕರೋಮಿ ಯದ್ ಯತ್ ಸಕಲಂ ಪರಸ್ಮೈ
ನಾರಾಯಣಾಯೈವ ಸಮರ್ಪಯಾಮಿ ॥ ೧೯॥

ಯತ್ ಕೃತಂ ಯತ್ ಕರಿಷ್ಯಾಮಿ
ತತ್ ಸರ್ವಂ ನ ಮಯಾ ಕೃತಮ್ ।
ತವ್ಯಾ ಕೃತಂ ತು ಫಲಭುಕ್
ತ್ವಮೇವ ಮಧುಸೂದನ ॥ ೨೦॥


There are two variants to this stotra found in publications. Version 1 is
more common, and 2 appears to be expanded by the devotees.
The sequence differs and there are quite a few variations found
among different prints.

Please send corrections to sanskrit@cheerful.com
Last updated ತ್oday
http://sanskritdocuments.org

Mukunda Mala Stotram Lyrics in Kannada PDF
% File name : mukundamAlA.itx
% Location : doc\_vishhnu
% Author : kulashekhara
% Language : Sanskrit
% Subject : philosophy/hinduism/religion
% Transliterated by : GM original modified and proofread as per mukundamAlA by Ravindra Seth in Hindi available at DLI.
% Proofread by : Proofread by Madhavi U mupadrasta at gmail.com, KSR
% Description-comments : There are two variants to this stotra found in
% Latest update : December 1, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website