{॥ ంఉకున్దమాలాస్తోత్రమ్ కులశేఖరవిరచితమ్ సంస్కరణ్ ౧ అథవా ౨ ॥}
సంస్కరణ్ - ౧ శ్లోక సంఖ్యా ౪౦
శ్రీవల్లభేతి వరదేతి దయాపరేతి
భక్తప్రియేతి భవలుణ్ఠనకోవిదేతి ।
నాథేతి నాగశయనేతి జగన్నివాసేత్య్
ఆలాపినం ప్రతిదినం కురు మాం ముకున్ద ॥ ౧॥

జయతు జయతు దేవో దేవకీనన్దనోఽయం
జయతు జయతు కృష్ణో వృష్ణివంశప్రదీపః ।
జయతు జయతు మేఘశ్యామలః కోమలాఙ్గో
జయతు జయతు పృథ్వీభారనాశో ముకున్దః ॥ ౨॥ ॥ కా ౨॥

ముకున్ద మూర్ధ్నా ప్రణిపత్య యాచే
భవన్తమేకాన్తమియన్తమర్థమ్ ।
అవిస్మృతిస్త్వచ్చరణారవిన్దే
భవే భవే మేఽస్తు భవత్ప్రసాదాత్ ॥ ౩॥ ॥ కా ౩॥

నాహం వన్దే తవ చరణయోర్ద్వన్ద్వమద్వన్ద్వహేతోః
కుమ్భీపాకం గురుమపి హరే నారకం నాపనేతుమ్ ।
రమ్యారామామృదుతనులతా నన్దనే నాపి రన్తుం
భావే భావే హృదయభవనే భావయేయం భవన్తమ్ ॥ ౪॥ ॥ కా ౫॥

నాస్థా ధర్మే న వసునిచయే నైవ కామోపభోగే
యద్ భావ్యం తద్ భవతు భగవన్పూర్వకర్మానురూపమ్ ।
ఏతత్ప్రార్థ్యం మమ బహుమతం జన్మజన్మాన్తరేఽపి
త్వత్పాదామ్భోరుహయుగగతా నిశ్చలా భక్తిరస్తు ॥ ౫॥ ॥ కా ౬॥

దివి వా భువి వా మమాస్తు వాసో
నరకే వా నరకాన్తక ప్రకామమ్ ।
అవధీరితశారదారవిన్దౌ
చరణౌ తే మరణేఽపి చిన్తయామి ॥ ౬॥ ॥ కా ౭॥

కృష్ణ త్వదీయపదపఙ్కజపఞ్జరాన్తం
అద్యైవ మే విశతు మానసరాజహంసః ।
ప్రాణప్రయాణసమయే కఫవాతపిత్తైః
కణ్ఠావరోధనవిధౌ స్మరణం కుతస్తే ॥ ౭॥

చిన్తయామి హరిమేవ సన్తతం
మన్దహాసముదితాననామ్బుజం
నన్దగోపతనయం పరాత్ పరం
నారదాదిమునివృన్దవన్దితమ్ ॥ ౮॥

కరచరణసరోజే కాన్తిమన్నేత్రమీనే
శ్రమముషి భుజవీచివ్యాకులేఽగాధమార్గే ।
హరిసరసి విగాహ్యాపీయ తేజోజలౌఘం
భవమరుపరిఖిన్నః క్లేశమద్య త్యజామి ॥ ౯॥

సరసిజనయనే సశఙ్ఖచక్రే
మురభిది మా విరమస్వ చిత్త రన్తుమ్ । var విరమేహ
సుఖతరమపరం న జాతు జానే var సుఖకర
హరిచరణస్మరణామృతేన తుల్యమ్ ॥ ౧౦॥ ॥ కా ౮॥

మాభీర్మన్దమనో విచిన్త్య బహుధా యామీశ్చిరం యాతనాః var మాభైర్మన్దమనో
నామీ నః ప్రభవన్తి పాపరిపవః స్వామీ నను శ్రీధరః ।
ఆలస్యం వ్యపనీయ భక్తిసులభం ధ్యాయస్వ నారాయణం
లోకస్య వ్యసనాపనోదనకరో దాసస్య కిం న క్షమః ॥ ౧౧॥ ॥ కా ౯॥

భవజలధిగతానాం ద్వన్ద్వవాతాహతానాం
సుతదుహితృకలత్రత్రాణభారార్దితానామ్ ।
విషమవిషయతోయే మజ్జతామప్లవానాం
భవతు శరణమేకో విష్ణుపోతో నరాణామ్ ॥ ౧౨॥

భవజలధిమగాధం దుస్తరం నిస్తరేయం
కథమహమితి చేతో మా స్మ గాః కాతరత్వమ్ ।
సరసిజదృశి దేవే తారకీ భక్తిరేకా var తావకీ
నరకభిది నిషణ్ణా తారయిష్యత్యవశ్యమ్ ॥ ౧౩॥ ॥ కా ౧౦॥

తృష్ణాతోయే మదనపవనోద్ధూతమోహోర్మిమాలే
దారావర్తే తనయసహజగ్రాహసఙ్ఘాకులే చ ।
సంసారాఖ్యే మహతి జలధౌ మజ్జతాం నస్త్రిధామన్
పాదామ్భోజే వరద భవతో భక్తినావం ప్రయచ్ఛ ॥ ౧౪॥ ॥ కా ౧౧॥

మాద్రాక్షం క్షీణపుణ్యాన్క్షణమపి భవతో భక్తిహీనాన్పదాబ్జే
మాశ్రౌషం శ్రావ్యబన్ధం తవ చరితమపాస్యాన్యదాఖ్యానజాతమ్ । var శ్రావ్యబద్ధం
మాస్మార్షం మాధవ త్వామపి భువనపతే చేతసాపహ్నువానాన్ var మాస్ప్రాక్షం
మాభూవం త్వత్సపర్యాపరికరరహితో జన్మజన్మాన్తరేఽపి ॥ ౧౫॥ ॥ కా ౨౩॥ var త్వత్సపర్యావ్యతికరరహితో

జిహ్వే కీర్తయ కేశవం మురరిపుం చేతో భజ శ్రీధరం
పాణిద్వన్ద్వ సమర్చయాచ్యుతకథాః శ్రోత్రద్వయ త్వం శృణు ।
కృష్ణం లోకయ లోచనద్వయ హరేర్గచ్ఛాఙ్ఘ్రియుగ్మాలయం
జిఘ్ర ఘ్రాణ ముకున్దపాదతులసీం మూర్ధన్ నమాధోక్షజమ్ ॥ ౧౬॥ ॥ కా ౨౬॥

హే లోకాః శ్రుణుత ప్రసూతిమరణవ్యాధేశ్చికిత్సామిమాం var భో లోకాః
యోగజ్ఞాః సముదాహరన్తి మునయో యాం యాజ్ఞవల్క్యాదయః ।
అన్తర్జ్యోతిరమేయమేకమమృతం కృష్ణాఖ్యమాపీయతాం
తత్పీతం పరమౌషధం వితనుతే నిర్వానమత్యన్తికమ్ ॥ ౧౭॥ ॥ కా ౧౮॥ var యత్పితం

హే మర్త్యాః పరమం హితం శ్రుణుత వో వక్ష్యామి సఙ్క్షేపతః
సంసారార్ణవమాపదూర్మిబహులం సమ్యక్ ప్రవిశ్య స్థితాః ।
నానాజ్ఞానమపాస్య చేతసి నమో నారాయణాయేత్యముం
మన్త్రం సప్రణవం ప్రణామసహితం ప్రావర్తయధ్వం ముహుః ॥ ౧౮॥

పృథ్వీరేణురణుః పయాంసి కణికాః ఫల్గుస్ఫులిఙ్గోఽనల -
స్తేజో నిఃశ్వసనం మరుత్ తనుతరం రన్ధ్రం సుసూక్ష్మం నభః ।
క్షుద్రా రుద్రపితామహప్రభృతయః కీటాః సమస్తాః సురా
దృష్టే యత్ర స తావకో విజయతే "భూమావధూతావధిః ॥ ౧౯॥ ॥ కా ౧౨॥

బద్ధేనాఞ్జలినా నతేన శిరసా గాత్రైః సరోమోద్గమైః
కణ్ఠేన స్వరగద్గదేన నయనేనోద్గీర్ణబాష్పామ్బునా ।
నిత్యం త్వచ్చరణారవిన్దయుగలధ్యానామృతాస్వాదినాం
అస్మాకం సరసీరుహాక్ష సతతం సమ్పద్యతాం జీవితమ్ ॥ ౨౦॥ ॥ కా ౧౯॥

హే గోపాలక హే కృపాజలనిధే హే సిన్ధుకన్యాపతే
హే కంసాన్తక హే గజేన్ద్రకరుణాపారీణ హే మాధవ ।
హే రామానుజ హే జగత్త్రయగురో హే పుణ్డరీకాక్ష మాం
హే గోపీజననాథ పాలయ పరం జానామి న త్వాం వినా ॥ ౨౧॥

భక్తాపాయభుజఙ్గగారుడమణిస్త్రైలోక్యరక్షామణిర్ var భక్తాద్వేషి
గోపీలోచనచాతకామ్బుదమణిః సౌన్దర్యముద్రామణిః
యః కాన్తామణిరుక్మిణీఘనకుచద్వన్ద్వైకభూషామణిః var శ్రీ కాన్తా
శ్రేయో దేవశిఖామణిర్దిశతు నో గోపాలచూడామణిః ॥ ౨౨॥ ॥ కా ౨౮॥ var శ్రేయో ధ్యేయ

శత్రుచ్ఛేదైకమన్త్రం సకలముపనిషద్వాక్యసమ్పూజ్యమన్త్రం
సంసారోత్తారమన్త్రం సముచితతమసః సఙ్ఘనిర్యాణమన్త్రమ్ । var సముదితమనసాం
సర్వైశ్వర్యైకమన్త్రం వ్యసనభుజగసన్దష్టసన్త్రాణమన్త్రం
జిహ్వే శ్రీకృష్ణమన్త్రం జప జప సతతం జన్మసాఫల్యమన్త్రమ్ ॥ ౨౩॥ ॥ కా ౨౯ ॥

వ్యామోహప్రశమౌషధం మునిమనోవృత్తిప్రవృత్త్యౌషధం var
వ్యామోహోద్దలనౌషధం
దైత్యేన్ద్రార్తికరౌషధం త్రిజగతాం సఞ్జీవనైకౌషధమ్ । var
దైత్యానర్థకరౌషధం
భక్తాత్యన్తహితౌషధం భవభయప్రధ్వంసనైకౌషధం var
భక్తార్తిప్రశమౌషధం భవభయప్రధ్వంసి దివ్యౌషధం
శ్రేయఃప్రాప్తికరౌషధం పిబ మనః శ్రీకృష్ణదివ్యౌషధమ్ ॥ ౨౪॥ ॥ కా ౩౦ ॥ var శ్రీకృష్ణనామౌషధమ్

ఆమ్నాయాభ్యసనాన్యరణ్యరుదితం వేదవ్రతాన్యన్వహం var కృచ్ఛూవ్రతాన్యన్వహం
మేదశ్ఛేదఫలాని పూర్తవిధయః సర్వం హుతం భస్మని । var మేదచ్ఛేదపదాని
తీర్థానామవగాహనాని చ గజస్నానం వినా యత్పద -
ద్వన్ద్వామ్భోరుహసంస్మృతిం విజయతే దేవః స నారాయణః ॥ ౨౫॥ ॥ కా ౧౩॥ var ద్వన్ద్వామ్భోరుహసంస్తుతిం

శ్రీమన్నామ ప్రోచ్య నారాయణాఖ్యం
కేన ప్రాపుర్వాఞ్ఛితం పాపినోఽపి । var యేన
హా నః పూర్వం వాక్ప్రవృత్తా న తస్మిం -
స్తేన ప్రాప్తం గర్భవాసాదిదుఃఖమ్ ॥ ౨౬॥ ॥ కా ౨౨॥

మజ్జన్మనః ఫలమిదం మధుకైటభారే
మత్ప్రార్థనీయమదనుగ్రహ ఏష ఏవ ।
త్వద్భృత్యభృత్యపరిచారకభృత్యభృత్య-
భృత్యస్య భృత్య ఇతి మాం స్మర లోకనాథ ॥ ౨౭॥

నాథే నఃపురుషోత్తమే త్రిజగతామేకాధిపే చేతసా var శ్రీపురుషోత్తమే
సేవ్యే స్వస్య పదస్య దాతరి పరే నారాయణే తిష్ఠతి ।
యం కఞ్చిత్పురుషాధమం కతిపయగ్రామేశమల్పార్థదం
సేవాయై మృగయామహే నరమహో మూఢా వరాకా వయమ్ ॥ ౨౮॥ ॥ కా ౧౭॥

మదన పరిహర స్థితిం మదీయే
మనసి ముకున్దపదారవిన్దధామ్ని ।
హరనయనకృశానునా కృశోఽసి
స్మరసి న చక్రపరాక్రమం మురారేః ॥ ౨౯॥ ॥ కా ౨౪॥

తత్త్వం బ్రువాణాని పరం పరస్తాన్ var పరస్మాత్
మధు క్షరన్తీవ ముదావహాని । var అహో క్షరన్తీవ సుధాం పదాని ।
ప్రవర్తయ ప్రాఞ్జలిరస్మి జిహ్వే var ఆవర్తయ
నామాని నారాయణగోచరాణి ॥ ౩౦॥ ॥ కా ౨౦॥

ఇదం శరీరం పరిణామపేశలం var శ్లథసన్ధిజర్జరం
పతత్యవశ్యం పరిణామపేశలమ్ । var పతత్యవశ్యం శ్లథసంధి జర్జరమ్ ।
కిమౌషధైః క్లిశ్యసి మూఢ దుర్మతే
నిరామయం కృష్ణరసాయనం పిబ ॥ ౩౧॥ ॥ కా ౨౧॥

దారా వారాకరవరసుతా తే తనూజో విరిఞ్చిః var తేఽఙ్గజోఽయం
స్తోతా వేదస్తవ సురగణో భృత్యవర్గః ప్రసాదః ।
ముక్తిర్మాయా జగద్ అవికలం తావకీ దేవకీ తే var ముక్తిర్మధ్యే
మాతా మిత్రం బలరిపుసుతస్తత్త్వదన్యంన జానే ॥ ౩౨॥ ॥ కా ౨౫॥ var బలరిపుసుతస్తత్త్వతోఽన్యన్న

కృష్ణో రక్షతు నో జగత్త్రయగురుః కృష్ణం నమధ్వం సదా
కృష్ణేనాఖిలశత్రవో వినిహతాః కృష్ణాయ తస్మై నమః ।
కృష్ణాదేవ సముత్థితం జగదిదం కృష్ణస్య దాసోఽస్మ్యహం
కృష్ణే తిష్ఠతి విశ్వమేతద్ అఖిలం హే! కృష్ణ రక్షస్వ మామ్ ॥ ౩౩॥

తత్ త్వం ప్రసీద భగవన్ కురు మయ్యనాథే
విష్ణో కృపాం పరమకారుణికః ఖలు త్వమ్ ।
సంసారసాగరనిమగ్నమనన్త దీనం
ఉద్ధర్తుమర్హసి హరే పురుషోత్తమోఽసి ॥ ౩౪॥

నమామి నారాయణపాదపఙ్కజం
కరోమి నారాయణపూజనం సదా ।
వదామి నారాయణనామ నిర్మలం
స్మరామి నారాయణతత్త్వమవ్యయమ్ ॥ ౩౫॥

శ్రీనాథ నారాయణ వాసుదేవ
శ్రీకృష్ణ భక్తప్రియ చక్రపాణే ।
శ్రీపద్మనాభాచ్యుత కైటభారే
శ్రీరామ పద్మాక్ష హరే మురారే ॥ ౩౬॥

అనన్త వైకుణ్ఠ ముకున్ద కృష్ణ var ఆనన్ద గోవిన్ద ముకున్ద రామ
గోవిన్ద దామోదర మాధవేతి । var నారాయణానన్త నిరామయేతి ।
వక్తుం సమర్థోఽపి న వక్తి కశ్చిత్
అహో జనానాం వ్యసనాభిముఖ్యమ్ ॥ ౩౭॥ ॥ కా ౧౪ ॥ var వ్యసనానిమోక్షే

ధ్యాయన్తి యే విష్ణుమనన్తమవ్యయం
హృత్పద్మమధ్యే సతతం వ్యవస్థితమ్ ।
సమాహితానాం సతతాభయప్రదం
తే యాన్తి సిద్ధిం పరమాం తు వైష్ణవీమ్ ॥ ౩౮॥

క్షీరసాగరతరఙ్గశీకరా -
సారతారకితచారుమూర్తయే ।
భోగిభోగశయనీయశాయినే
మాధవాయ మధువిద్విషే నమః ॥ ౩౯॥ ॥ కా ౧౫॥

యస్య ప్రియౌ శ్రుతిధరౌ కవిలోకవీరౌ var కవిలోకగీతౌ
మిత్రే ద్విజన్మవరపద్మశరావభూతామ్ । var ద్విజన్మపరివారశివావభూతామ్ ।
తేనామ్బుజాక్షచరణామ్బుజషట్పదేన
రాజ్ఞా కృతా కృతిరియం కులశేఖరేణ ॥ ౪౦॥ ॥ కా ౩౪॥ var స్తుతిరియం

॥ ఇతి శ్రీకులశేఖరేణ విరచితా ముకున్దమాలా సమ్పూర్ణా ॥

సంస్కరణ్ - ౨ శ్లోక సంఖ్యా ౫౪
వన్దే ముకున్దమరవిన్దదలాయతాక్షం
కున్దేన్దుశఙ్ఖదశనం శిశుగోపవేషమ్ ।
ఇన్ద్రాదిదేవగణవన్దితపాదపీఠం
వృన్దావనాలయమహం వసుదేవసూనుమ్ ॥ ౧॥ ॥ కా ౧॥

శ్రీవల్లభేతి వరదేతి దయాపరేతి
భక్తప్రియేతి భవలుణ్ఠనకోవిదేతి ।
నాథేతి నాగశయనేతి జగన్నివాసేత్య్
ఆలాపినం ప్రతిదినం కురు మాం ముకున్ద ॥ ౨॥ ॥ కా ??॥

జయతు జయతు దేవో దేవకీనన్దనోఽయం
జయతు జయతు కృష్ణో వృష్ణివంశప్రదీపః ।
జయతు జయతు మేఘశ్యామలః కోమలాఙ్గో
జయతు జయతు పృథ్వీభారనాశో ముకున్దః ॥ ౩॥ ॥ కా ౨॥

ముకున్ద మూర్ధ్నా ప్రణిపత్య యాచే
భవన్తమేకాన్తమియన్తమర్థమ్ ।
అవిస్మృతిస్త్వచ్చరణారవిన్దే
భవే భవే మేఽస్తు భవత్ప్రసాదాత్ ॥ ౪॥ ॥ కా ౩॥

నాహం వన్దే తవ చరణయోర్ద్వన్ద్వమద్వన్ద్వహేతోః
కుమ్భీపాకం గురుమపి హరే నారకం నాపనేతుమ్ ।
రమ్యారామామృదుతనులతా నన్దనే నాపి రన్తుం
భావే భావే హృదయభవనే భావయేయం భవన్తమ్ ॥ ౫॥ ॥ కా ౫॥

నాస్థా ధర్మే న వసునిచయే నైవ కామోపభోగే
యద్ భావ్యం తద్ భవతు భగవన్పూర్వకర్మానురూపమ్ ।
ఏతత్ప్రార్థ్యం మమ బహుమతం జన్మజన్మాన్తరేఽపి
త్వత్పాదామ్భోరుహయుగగతా నిశ్చలా భక్తిరస్తు ॥ ౬॥ ॥ కా ౬॥

దివి వా భువి వా మమాస్తు వాసో
నరకే వా నరకాన్తక ప్రకామమ్ ।
అవధీరితశారదారవిన్దౌ
చరణౌ తే మరణేఽపి చిన్తయామి ॥ ౭॥ ॥ కా ౭॥

చిన్తయామి హరిమేవ సన్తతం
మన్దహాసముదితాననామ్బుజం
నన్దగోపతనయం పరాత్ పరం
నారదాదిమునివృన్దవన్దితమ్ ॥ ౮॥ ॥ కా ??॥

కరచరణసరోజే కాన్తిమన్నేత్రమీనే
శ్రమముషి భుజవీచివ్యాకులేఽగాధమార్గే ।
హరిసరసి విగాహ్యాపీయ తేజోజలౌఘం
భవమరుపరిఖిన్నః క్లేశమద్య త్యజామి ॥ ౯॥ ॥ కా ??॥

సరసిజనయనే సశఙ్ఖచక్రే
మురభిది మా విరమస్వ చిత్త రన్తుమ్ । var విరమేహ
సుఖతరమపరం న జాతు జానే var సుఖకర
హరిచరణస్మరణామృతేన తుల్యమ్ ॥ ౧౦॥ ॥ కా ౮॥

మాభీర్మన్దమనో విచిన్త్య బహుధా యామీశ్చిరం యాతనాః var మాభైర్మన్దమనో
నామీ నః ప్రభవన్తి పాపరిపవః స్వామీ నను శ్రీధరః ।
ఆలస్యం వ్యపనీయ భక్తిసులభం ధ్యాయస్వ నారాయణం
లోకస్య వ్యసనాపనోదనకరో దాసస్య కిం న క్షమః ॥ ౧౧॥ ॥ కా ౯॥

భవజలధిగతానాం ద్వన్ద్వవాతాహతానాం
సుతదుహితృకలత్రత్రాణభారార్దితానామ్ ।
విషమవిషయతోయే మజ్జతామప్లవానాం
భవతు శరణమేకో విష్ణుపోతో నరాణామ్ ॥ ౧౨॥

భవజలధిమగాధం దుస్తరం నిస్తరేయం
కథమహమితి చేతో మా స్మ గాః కాతరత్వమ్ ।
సరసిజదృశి దేవే తారకీ భక్తిరేకా var తావకీ
నరకభిది నిషణ్ణా తారయిష్యత్యవశ్యమ్ ॥ ౧౩॥ ॥ కా ౧౦॥

తృష్ణాతోయే మదనపవనోద్ధూతమోహోర్మిమాలే
దారావర్తే తనయసహజగ్రాహసఙ్ఘాకులే చ ।
సంసారాఖ్యే మహతి జలధౌ మజ్జతాం నస్త్రిధామన్
పాదామ్భోజే వరద భవతో భక్తినావం ప్రయచ్ఛ ॥ ౧౪॥ ॥ కా ౧౧॥

పృథ్వీరేణురణుః పయాంసి కణికాః ఫల్గుస్ఫులిఙ్గోఽనల -
స్తేజో నిఃశ్వసనం మరుత్ తనుతరం రన్ధ్రం సుసూక్ష్మం నభః ।
క్షుద్రా రుద్రపితామహప్రభృతయః కీటాః సమస్తాః సురా
దృష్టే యత్ర స తావకో విజయతే "భూమావధూతావధిః ॥ ౧౫॥ ॥ కా ౧౨॥

హే లోకాః శ్రుణుత ప్రసూతిమరణవ్యాధేశ్చికిత్సామిమాం var భో లోకాః
యోగజ్ఞాః సముదాహరన్తి మునయో యాం యాజ్ఞవల్క్యాదయః ।
అన్తర్జ్యోతిరమేయమేకమమృతం కృష్ణాఖ్యమాపీయతాం
తత్పీతం పరమౌషధం వితనుతే నిర్వానమత్యన్తికమ్ ॥ ౧౬॥ ॥ కా ౧౮॥ var యత్పితం

హే మర్త్యాః పరమం హితం శ్రుణుత వో వక్ష్యామి సఙ్క్షేపతః
సంసారార్ణవమాపదూర్మిబహులం సమ్యక్ ప్రవిశ్య స్థితాః ।
నానాజ్ఞానమపాస్య చేతసి నమో నారాయణాయేత్యముం
మన్త్రం సప్రణవం ప్రణామసహితం ప్రావర్తయధ్వం ముహుః ॥ ౧౭॥

నాథే నఃపురుషోత్తమే త్రిజగతామేకాధిపే చేతసా var శ్రీపురుషోత్తమే
సేవ్యే స్వస్య పదస్య దాతరి పరే నారాయణే తిష్ఠతి ।
యం కఞ్చిత్పురుషాధమం కతిపయగ్రామేశమల్పార్థదం
సేవాయై మృగయామహే నరమహో మూఢా వరాకా వయమ్ ॥ ౧౮॥ ॥ కా ౧౭॥

బద్ధేనాఞ్జలినా నతేన శిరసా గాత్రైః సరోమోద్గమైః
కణ్ఠేన స్వరగద్గదేన నయనేనోద్గీర్ణబాష్పామ్బునా ।
నిత్యం త్వచ్చరణారవిన్దయుగలధ్యానామృతాస్వాదినాం
అస్మాకం సరసీరుహాక్ష సతతం సమ్పద్యతాం జీవితమ్ ॥ ౧౯॥ ॥ కా ౧౯॥

యత్ కృష్ణప్రణిపాతధూలిధవలం తద్ వర్ష్మ తద్ వై శిరస్ var తద్వై శిరః స్యాచ్ఛుమం
తే నేత్రే తమసోజ్ఝితే సురుచిరే యాభ్యాం హరిర్దృశ్యతే ।
సా బుద్ధిర్విమలేన్దుశఙ్ఖధవలా యా మాధవాధ్యాయినీ var బుద్ధిర్నియమైర్యమైశ్చ విమలా
సా జిహ్వామృతవర్షిణీ ప్రతిపదం యా స్తౌతి నారాయణమ్ ॥ ౨౦॥ ॥ కా ౨౭॥

జిహ్వే కీర్తయ కేశవం మురరిపుం చేతో భజ శ్రీధరం
పాణిద్వన్ద్వ సమర్చయాచ్యుతకథాః శ్రోత్రద్వయ త్వం శృణు ।
కృష్ణం లోకయ లోచనద్వయ హరేర్గచ్ఛాఙ్ఘ్రియుగ్మాలయం
జిఘ్ర ఘ్రాణ ముకున్దపాదతులసీం మూర్ధన్ నమాధోక్షజమ్ ॥ ౨౧॥ ॥ కా ౨౬॥

ఆమ్నాయాభ్యసనాన్యరణ్యరుదితం వేదవ్రతాన్యన్వహం var కృచ్ఛూవ్రతాన్యన్వహం
మేదశ్ఛేదఫలాని పూర్తవిధయః సర్వం హుతం భస్మని । var మేదచ్ఛేదపదాని
తీర్థానామవగాహనాని చ గజస్నానం వినా యత్పద -
ద్వన్ద్వామ్భోరుహసంస్మృతిం విజయతే దేవః స నారాయణః ॥ ౨౨॥ ॥ కా ౧౩॥ var ద్వన్ద్వామ్భోరుహసంస్తుతిం

మదన పరిహర స్థితిం మదీయే
మనసి ముకున్దపదారవిన్దధామ్ని ।
హరనయనకృశానునా కృశోఽసి
స్మరసి న చక్రపరాక్రమం మురారేః ॥ ౨౩॥ ॥ కా ౨౪॥

నాథే ధాతరి భోగిభోగశయనే నారాయణే మాధవే
దేవే దేవకినన్దనే సురవరే చక్రాయుధే శార్ఙ్గిణి ।
లీలాశేషజగత్ప్రపఞ్చజఠరే విశ్వేశ్వరే శ్రీధరే
గోవిన్దే కురు చిత్తవృత్తిమచలామన్యైస్తు కిం వర్తనైః ॥ ౨౪॥

మాద్రాక్షం క్షీణపుణ్యాన్క్షణమపి భవతో భక్తిహీనాన్పదాబ్జే
మాశ్రౌషం శ్రావ్యబన్ధం తవ చరితమపాస్యాన్యదాఖ్యానజాతమ్ । var శ్రావ్యబద్ధం
మాస్మార్షం మాధవ త్వామపి భువనపతే చేతసాపహ్నువానాన్ var మాస్ప్రాక్షం
మాభూవం త్వత్సపర్యాపరికరరహితో జన్మజన్మాన్తరేఽపి ॥ ౨౫॥ ॥ కా ౨౩॥ var త్వత్సపర్యావ్యతికరరహితో

మజ్జన్మనః ఫలమిదం మధుకైటభారే
మత్ప్రార్థనీయమదనుగ్రహ ఏష ఏవ ।
త్వద్భృత్యభృత్యపరిచారకభృత్యభృత్య-
భృత్యస్య భృత్య ఇతి మాం స్మర లోకనాథ ॥ ౨౬॥

తత్త్వం బ్రువాణాని పరం పరస్తాన్ var పరస్మాత్
మధు క్షరన్తీవ ముదావహాని । var అహో క్షరన్తీవ సుధాం పదాని ।
ప్రవర్తయ ప్రాఞ్జలిరస్మి జిహ్వే var ఆవర్తయ
నామాని నారాయణగోచరాణి ॥ ౨౭॥ ॥ కా ౨౦॥

నమామి నారాయణపాదపఙ్కజం
కరోమి నారాయణపూజనం సదా ।
వదామి నారాయణనామ నిర్మలం
స్మరామి నారాయణతత్త్వమవ్యయమ్ ॥ ౨౮॥

శ్రీనాథ నారాయణ వాసుదేవ
శ్రీకృష్ణ భక్తప్రియ చక్రపాణే ।
శ్రీపద్మనాభాచ్యుత కైటభారే
శ్రీరామ పద్మాక్ష హరే మురారే ॥ ౨౯॥

అనన్త వైకుణ్ఠ ముకున్ద కృష్ణ var ఆనన్ద గోవిన్ద ముకున్ద రామ
గోవిన్ద దామోదర మాధవేతి । var నారాయణానన్త నిరామయేతి ।
వక్తుం సమర్థోఽపి న వక్తి కశ్చిత్
అహో జనానాం వ్యసనాభిముఖ్యమ్ ॥ ౩౦॥ ॥ కా ౧౪ ॥ var వ్యసనానిమోక్షే

భక్తాపాయభుజఙ్గగారుడమణిస్త్రైలోక్యరక్షామణిర్ var భక్తాద్వేషి
గోపీలోచనచాతకామ్బుదమణిః సౌన్దర్యముద్రామణిః
యః కాన్తామణిరుక్మిణీఘనకుచద్వన్ద్వైకభూషామణిః var శ్రీ కాన్తా
శ్రేయో దేవశిఖామణిర్దిశతు నో గోపాలచూడామణిః ॥ ౩౧॥ ॥ కా ౨౮॥ var శ్రేయో ధ్యేయ

శత్రుచ్ఛేదైకమన్త్రం సకలముపనిషద్వాక్యసమ్పూజ్యమన్త్రం
సంసారోత్తారమన్త్రం సముచితతమసః సఙ్ఘనిర్యాణమన్త్రమ్ । var సముదితమనసాం
సర్వైశ్వర్యైకమన్త్రం వ్యసనభుజగసన్దష్టసన్త్రాణమన్త్రం
జిహ్వే శ్రీకృష్ణమన్త్రం జప జప సతతం జన్మసాఫల్యమన్త్రమ్ ॥ ౩౨॥ ॥ కా ౨౯ ॥

వ్యామోహప్రశమౌషధం మునిమనోవృత్తిప్రవృత్త్యౌషధం var
వ్యామోహోద్దలనౌషధం
దైత్యేన్ద్రార్తికరౌషధం త్రిజగతాం సఞ్జీవనైకౌషధమ్ । var
దైత్యానర్థకరౌషధం
భక్తాత్యన్తహితౌషధం భవభయప్రధ్వంసనైకౌషధం var
భక్తార్తిప్రశమౌషధం భవభయప్రధ్వంసి దివ్యౌషధం
శ్రేయఃప్రాప్తికరౌషధం పిబ మనః శ్రీకృష్ణదివ్యౌషధమ్ ॥ ౩౩॥ ॥ కా ౩౦ ॥ var శ్రీకృష్ణనామౌషధమ్

కృష్ణ త్వదీయపదపఙ్కజపఞ్జరాన్తం
అద్యైవ మే విశతు మానసరాజహంసః ।
ప్రాణప్రయాణసమయే కఫవాతపిత్తైః
కణ్ఠావరోధనవిధౌ స్మరణం కుతస్తే ॥ ౩౪॥

చేతశ్చిన్తయ కీర్తయస్వ రసనే నమ్రీభవ త్వం శిరో
హస్తావఞ్జలిసమ్పుటం రచయతం వన్దస్వ దీర్ఘం వపుః ।
ఆత్మన్ సంశ్రయ పుణ్డరీకనయనం నాగాచలేన్ద్రస్థితం
ధన్యం పుణ్యతమం తదేవ పరమం దైవం హి సంసిద్ధయే ॥ ౩౫॥

శృణ్వన్ జనార్దనకథాగుణకీర్తనాని
దేహే న యస్య పులకోద్గమరోమరాజిః ।
నోత్పద్యతే నయనయోర్విమలామ్బుమాలా
ధిక్ తస్య జీవితమహో పురుషాధమస్య ॥ ౩౬॥

అన్ధస్య మే హృతవివేకమహాధనస్య
చౌరైః ప్రభో బలిభిరిన్ద్రియనామధేయైః ।
మోహాన్ధకూపకుహరే వినిపాతితస్య
దేవేశ దేహి కృపణస్య కరావలమ్బమ్ ॥ ౩౭॥

ఇదం శరీరం పరిణామపేశలం var శ్లథసన్ధిజర్జరం
పతత్యవశ్యం పరిణామపేశలమ్ । var పతత్యవశ్యం శ్లథసంధి జర్జరమ్ ।
కిమౌషధైః క్లిశ్యసి మూఢ దుర్మతే
నిరామయం కృష్ణరసాయనం పిబ ॥ ౩౮॥ ॥ కా ౨౧॥

ఆశ్చర్యమేతద్ ధి మనుష్యలోకే
సుధాం పరిత్యజ్య విషం పిబన్తి ।
నామాని నారాయణగోచరాణి
త్యక్త్వాన్యవాచః కుహకాః పఠన్తి ॥ ౩౯॥ ॥ కా ౩౧ ॥

త్యజన్తు బాన్ధవాః సర్వే
నిన్దన్తు గురవో జనాః ।
తథాపి పరమానన్దో
గోవిన్దో మమ జీవనమ్ః ॥ ౪౦॥

సత్యం బ్రవీమి మనుజాః స్వయమూర్ధ్వబాహుర్
యో యో ముకున్ద నరసింహ జనార్దనేతి ।
జీవో జపత్యనుదినం మరణే రణే వా
పాషాణకాష్ఠసదృశాయ దదాత్యభీష్టమ్ ॥ ౪౧॥

నారాయణాయ నమ ఇత్యముమేవ మన్త్రం
సంసారఘోరవిషనిర్హరణాయ నిత్యమ్ ।
శృణ్వన్తు భవ్యమతయో యతయోఽనురాగాద్
ఉచ్చైస్తరాముపదిశామ్యహమూర్ధ్వబాహుః ॥ ౪౨॥

చిత్తం నైవ నివర్తతే క్షణమపి శ్రీకృష్ణపాదామ్బుజా -
న్నిన్దన్తు ప్రియబాన్ధవా గురుజనా గృహ్ణన్తు ముఞ్చన్తు వా ।
దుర్వాదం పరిఘోషయన్తు మనుజా వంశే కలఙ్కోఽస్తు వా
తాదృక్ప్రేమధరానురాగమధునా మత్తాయ మానం తు మే ॥ ౪౩॥

కృష్ణో రక్షతు నో జగత్త్రయగురుః కృష్ణం నమధ్వం సదా
కృష్ణేనాఖిలశత్రవో వినిహతాః కృష్ణాయ తస్మై నమః ।
కృష్ణాదేవ సముత్థితం జగదిదం కృష్ణస్య దాసోఽస్మ్యహం
కృష్ణే తిష్ఠతి విశ్వమేతద్ అఖిలం హే! కృష్ణ రక్షస్వ మామ్ ॥ ౪౪॥

హే గోపాలక హే కృపాజలనిధే హే సిన్ధుకన్యాపతే
హే కంసాన్తక హే గజేన్ద్రకరుణాపారీణ హే మాధవ ।
హే రామానుజ హే జగత్త్రయగురో హే పుణ్డరీకాక్ష మాం
హే గోపీజననాథ పాలయ పరం జానామి న త్వాం వినా ॥ ౪౫॥

దారా వారాకరవరసుతా తే తనూజో విరిఞ్చిః var తేఽఙ్గజోఽయం
స్తోతా వేదస్తవ సురగణో భృత్యవర్గః ప్రసాదః ।
ముక్తిర్మాయా జగద్ అవికలం తావకీ దేవకీ తే var ముక్తిర్మధ్యే
మాతా మిత్రం బలరిపుసుతస్తత్త్వదన్యంన జానే ॥ ౪౬॥ ॥ కా ౨౫॥ var బలరిపుసుతస్తత్త్వతోఽన్యన్న

ప్రణామమీశస్య శిరఃఫలం విదుః
తదర్చనం పాణిఫలం దివౌకసః ।
మనఃఫలం తద్గుణతత్త్వచిన్తనం
వచఃఫలం తద్గుణకీర్తనం బుధాః ॥ ౪౭॥

శ్రీమన్నామ ప్రోచ్య నారాయణాఖ్యం
కేన ప్రాపుర్వాఞ్ఛితం పాపినోఽపి । var యేన
హా నః పూర్వం వాక్ప్రవృత్తా న తస్మిం-
స్తేన ప్రాప్తం గర్భవాసాదిదుఃఖమ్ ॥ ౪౮॥ ॥ కా ౨౨॥

ధ్యాయన్తి యే విష్ణుమనన్తమవ్యయం
హృత్పద్మమధ్యే సతతం వ్యవస్థితమ్ ।
సమాహితానాం సతతాభయప్రదం
తే యాన్తి సిద్ధిం పరమాం తు వైష్ణవీమ్ ॥ ౪౯॥

తత్ త్వం ప్రసీద భగవన్ కురు మయ్యనాథే
విష్ణో కృపాం పరమకారుణికః ఖలు త్వమ్ ।
సంసారసాగరనిమగ్నమనన్త దీనం
ఉద్ధర్తుమర్హసి హరే పురుషోత్తమోఽసి ॥ ౫౦॥

క్షీరసాగరతరఙ్గశీకరా -
సారతారకితచారుమూర్తయే ।
భోగిభోగశయనీయశాయినే
మాధవాయ మధువిద్విషే నమః ॥ ౫౧॥ ॥ కా ౧౫॥

అలమలమలమేకా ప్రాణినాం పాతకానాం
నిరసనవిషయే యా కృష్ణ కృష్ణేతి వాణీ ।
యది భవతి ముకున్దే భక్తిరానన్దసాన్ద్రా
కరతలకలితా సా మోక్షసమ్రాజ్యలక్ష్మీః ॥ ౫౨॥

యస్య ప్రియౌ శ్రుతిధరౌ కవిలోకవీరౌ var కవిలోకగీతౌ
మిత్రే ద్విజన్మవరపద్మశరావభూతామ్ । var ద్విజన్మపరివారశివావభూతామ్ ।
తేనామ్బుజాక్షచరణామ్బుజషట్పదేన
రాజ్ఞా కృతా కృతిరియం కులశేఖరేణ ॥ ౫౩॥ ॥ కా ౩౪॥ var స్తుతిరియం

ముకున్దమాలాం పఠతాం నరాణాం
అశేషసౌఖ్యం లభతే న కః స్విత్ ।
సమస్తపాపక్షయమేత్య దేహీ
ప్రయాతి విష్ణోః పరమం పదం తత్ ॥ ౫౪॥

॥ ఇతి శ్రీకులశేఖరేణ విరచితా ముకున్దమాలా సమ్పూర్ణా ॥


Proofread by Madhavi U mupadrasta at gmail.com
Sequence based on mukundamAlA by Ravindra Seth in Hindi available at DLI.
Some pAThabehda/variations are observed in numbering of the verses.
This would offset numbers stated in the reference and above.

శ్రీగోవిన్దపదామ్భోజమధునో మహదద్భుతమ్ । var శ్రీముకున్దపదామ్భోజమధునః పరమాద్భుతమ్ ।
యత్పాయినో న ముహ్యన్తి ముహ్యన్తి యదపాయినః ॥ ౫॥ ॥ కా ౪॥ var ముఞ్చన్తి ముఞ్చన్తి

రజసి నిపతితానాం మోహజాలావృతానాం
జననమరణదోలాదుర్గసంసర్గగానామ్ ।
శరణమశరణానామేక ఏవాతురాణాం
కుశలపథనియుక్తశ్చక్రపాణిర్నరాణామ్ ॥ ౧౬॥

అపరాధసహస్రసఙ్కులం
పతితం భీమభవార్ణవోదరే ।
అగతిం శరణాగతం హరే
కృపయా కేవలమాత్మసాత్ కురు ॥ ౧౭॥

మా మే స్త్రీత్వం మా చ మే స్యాత్ కుభావో
మా మూర్ఖత్వం మా కుదేశేషు జన్మ ।
మిథ్యాదృష్టిర్మా చ మే స్యాత్ కదాచిత్
జాతౌ జాతౌ విష్ణుభక్తో భవేయమ్ ॥ ౧౮॥

కాయేన వాచా మనసేన్ద్రియైశ్చ
బుద్ధ్యాత్మనా వానుసృతిర్స్వభావాత్ ।
కరోమి యద్ యత్ సకలం పరస్మై
నారాయణాయైవ సమర్పయామి ॥ ౧౯॥

యత్ కృతం యత్ కరిష్యామి
తత్ సర్వం న మయా కృతమ్ ।
తవ్యా కృతం తు ఫలభుక్
త్వమేవ మధుసూదన ॥ ౨౦॥


There are two variants to this stotra found in publications. Version 1 is
more common, and 2 appears to be expanded by the devotees.
The sequence differs and there are quite a few variations found
among different prints.

Please send corrections to sanskrit@cheerful.com
Last updated త్oday
http://sanskritdocuments.org

Mukunda Mala Stotram Lyrics in Telugu PDF
% File name : mukundamAlA.itx
% Location : doc\_vishhnu
% Author : kulashekhara
% Language : Sanskrit
% Subject : philosophy/hinduism/religion
% Transliterated by : GM original modified and proofread as per mukundamAlA by Ravindra Seth in Hindi available at DLI.
% Proofread by : Proofread by Madhavi U mupadrasta at gmail.com, KSR
% Description-comments : There are two variants to this stotra found in
% Latest update : December 1, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website