{॥ ಶ್ರೀವೇಙ್ಕಟೇಶಸಹಸ್ರನಾಮಸ್ತೋತ್ರಮ್ ॥}
ಶ್ರೀವಸಿಷ್ಠ ಉವಾಚ-
ಭಗವನ್ ಕೇನ ವಿಧಿನಾ ನಾಮಭಿರ್ವೇಙ್ಕಟೇಶ್ವರಮ್ ।
ಪೂಜಯಾಮಾಸ ತಂ ದೇವಂ ಬ್ರಹ್ಮಾ ತು ಕಮಲೈಃ ಶುಭೈಃ ॥ ೧॥

ಪೃಚ್ಛಾಮಿ ತಾನಿ ನಾಮಾನಿ ಗುಣ ಯೋಗಪರಾಣಿ ಕಿಮ್ ।
ಮುಖ್ಯವೃತ್ತೀನಿ ಕಿಂ ಬ್ರೂಹಿ ಲಕ್ಷಕಾಣ್ಯಥವಾ ಹರೇಃ ॥ ೨॥

ನಾರದ ಉವಾಚ -
ನಾಮಾನ್ಯನನ್ತಾನಿ ಹರೇಃ ಗುಣಯೋಗಾನಿ ಕಾನಿ ಚಿತ್ ।
ಮುಖ್ಯ ವೃತ್ತೀನಿ ಚಾನ್ಯಾನಿ ಲಕ್ಷಕಾಣ್ಯಪರಾಣಿ ಚ ॥ ೩॥

ಪರಮಾರ್ಥೈಃ ಸರ್ವಶಬ್ದೈರೇಕೋ ಜ್ಞೇಯಃ ಪರಃ ಪುಮಾನ್ ।
ಆದಿಮಧ್ಯಾನ್ತರಹಿತಃ ತ್ವವ್ಯಕ್ತೋಽನನ್ತರೂಪಭೃತ್ ॥ ೪॥

ಚನ್ದ್ರಾರ್ಕ ವಹ್ನಿವಾಯ್ವಾದ್ಯಾ ಗ್ರಹರ್ಕ್ಷಾಣಿ ನಭೋ ದಿಶಃ ।
ಅನ್ವಯವ್ಯತಿರೇಕಾಭ್ಯಾಂ ಸನ್ತಿ ನೋ ಸನ್ತಿ ಯನ್ಮತೇಃ ॥ ೫॥

ತಸ್ಯ ದೇವಸ್ಯ ನಾಮ್ನಾಂ ಹಿ ಪಾರಂ ಗನ್ತುಂ ಹಿ ಕಃ ಕ್ಷಮಃ ।
ತಥಾಽಪಿ ಚಾಭಿಧಾನಾನಿ ವೇಙ್ಕಟೇಶಸ್ಯ ಕಾನಿಚಿತ್ ॥ ೬॥

ಬ್ರಹ್ಮಗೀತಾನಿ ಪುಣ್ಯಾನಿ ತಾನಿ ವಕ್ಷ್ಯಾಮಿ ಸುವ್ರತ ।
ಯದುಚ್ಚಾರಣಮಾತ್ರೇಣ ವಿಮುಕ್ತಾಘಃ ಪರಂ ವ್ರಜೇತ್ ॥ ೭॥

ವೇಙ್ಕಟೇಶಸ್ಯ ನಾಮ್ನಾಂ ಹಿ ಸಹಸ್ರಸ್ಯ ಋಷಿರ್ವಿಧಿಃ ।
ಛನ್ದೋಽನುಷ್ಠುಪ್ ತಥಾ ದೇವಃ ಶ್ರೀವತ್ಸಾಙ್ಕೋ ರಮಾಪತಿಃ ॥ ೮॥

ಬೀಜಭೂತಸ್ತಥೋಂಕಾರೋ ಹ್ರೀಂ ಕ್ಲೀಂ ಶಕ್ತಿಶ್ಚ ಕೀಲಕಮ್ ।
ಓಂ ನಮೋ ವೇಙ್ಕಟೇಶಾಯೇತ್ಯಾದಿರ್ಮನ್ತ್ರೋಽತ್ರ ಕಥ್ಯತೇ ॥ ೯॥

ಬ್ರಹ್ಮಾಣ್ಡಗರ್ಭಃ ಕವಚಮಸ್ತ್ರಂ ಚಕ್ರಗದಾಧರಃ ।
ವಿನಿಯೋಗೋಽಭೀಷ್ಟಸಿದ್ಧೌ ಹೃದಯಂ ಸಾಮಗಾಯನಃ ॥

ಧ್ಯಾನಂ -
ಭಾಸ್ವಚ್ಛಂದ್ರಮಸೌ ಯದೀಯನಯನೇ ಭಾರ್ಯಾ ಯದೀಯಾ ರಮಾ
ಯಸ್ಮಾದ್ವಿಶ್ವಸೃಡಪ್ಯಭೂದ್ಯಮಿಕುಲಂ ಯದ್ಧ್ಯಾನಯುಕ್ತಂ ಸದಾ
ನಾಥೋ ಯೋ ಜಗತಾಂ ನಗೇನ್ದ್ರದುಹಿತುರ್ನಾಥೋಽಪಿ ಯದ್ಭಕ್ತಿಮಾನ್
ತಾತೋ ಯೋ ಮದನಸ್ಯ ಯೋ ದುರಿತಹಾ ತಂ ವೇಙ್ಕಟೇಶಂ ಭಜೇ ॥

ಊರ್ಧ್ವೈ ಹಸ್ತೌ ಯದೀಯೌ ಸುರರಿಪುದಳನೇ ಬಿಭ್ರತೌ ಶಙ್ಖಚಕ್ರೇ
ಸೇವ್ಯಾವಙ್ಘ್ರೀ ಸ್ವಕೀಯಾವಭಿದಧದಧರೋ ದಕ್ಷಿಣೋ ಯಸ್ಯ ಪಾಣಿಃ ।
ತಾವನ್ಮಾತ್ರಂ ಭವಾಬ್ಧಿಂ ಗಮಯತಿ ಭಜತಾಮೂರುಗೋ ವಾಮಪಾಣಿಃ
ಶ್ರೀವತ್ಸಾಙ್ಕಶ್ಚ ಲಕ್ಷ್ಮೀರ್ಯದುರಸಿ ಲಸತಸ್ತಂ ಭಜೇ ವೇಙ್ಕಟೇಶಮ್
ಇತಿ ಧ್ಯಾಯನ್ ವೇಙ್ಕಟೇಶಂ ಶ್ರೀವತ್ಸಾಙ್ಕಂ ರಮಾಪತಿಮ್ ।
ವೇಙ್ಕಟೇಶೋ ವಿರೂಪಾಕ್ಷ ಇತ್ಯಾರಭ್ಯ ಜಪೇತ್ಕ್ರಮಾತ್ ॥ ೧೦॥

ವೇಙ್ಕಟೇಶೋ ವಿರೂಪಾಕ್ಷೋ ವಿಶ್ವೇಶೋ ವಿಶ್ವಭಾವನಃ ।
ವಿಶ್ವಸೃಙ್ ವಿಶ್ವಸಂಹರ್ತಾ ವಿಶ್ವಪ್ರಾಣೋ ವಿರಾಡ್ವಪುಃ ॥ ೧೧॥

ಶೇಷಾದ್ರಿನಿಲಯೋಽಶೇಷಭಕ್ತದುಃಖಪ್ರಣಾಶನಃ ।
ಶೇಷಸ್ತುತ್ಯಃ ಶೇಷಶಾಯೀ ವಿಶೇಷಜ್ಞೋ ವಿಭುಃ ಸ್ವಭೂಃ ॥ ೧೨॥

ವಿಷ್ಣುರ್ಜಿಷ್ಣುಶ್ಚ ವರ್ಧಿಷ್ಣುರುತ್ಸವಿಷ್ಣುಃ ಸಹಿಷ್ಣುಕಃ ।
ಭ್ರಾಜಿಷ್ಣುಶ್ಚ ಗ್ರಸಿಷ್ಣುಶ್ಚ ವರ್ತಿಷ್ಣುಶ್ಚ ಭರಿಷ್ಣುಕಃ ॥ ೧೩॥

ಕಾಲಯನ್ತಾ ಕಾಲಗೋಪ್ತಾ ಕಾಲಃ ಕಾಲಾನ್ತಕೋಽಖಿಲಃ ।
ಕಾಲಗಮ್ಯಃ ಕಾಲಕಣ್ಠವನ್ದ್ಯಃ ಕಾಲಕಲೇಶ್ವರಃ ॥ ೧೪॥

ಶಮ್ಭುಃ ಸ್ವಯಮ್ಭೂರಮ್ಭೋಜನಾಭಿಸ್ತಮ್ಭಿತವಾರಿಧಿಃ ।
ಅಮ್ಭೋಧಿನನ್ದಿನೀಜಾನಿಃ ಶೋಣಾಮ್ಭೋಜಪದಪ್ರಭಃ ॥ ೧೫॥

ಕಮ್ಬುಗ್ರೀವಃ ಶಮ್ಬರಾರಿರೂಪಃ ಶಮ್ಬರಜೇಕ್ಷಣಃ ।
ಬಿಮ್ಬಾಧರೋ ಬಿಮ್ಬರೂಪೀ ಪ್ರತಿಬಿಮ್ಬಕ್ರಿಯಾತಿಗಃ ॥ ೧೬॥

ಗುಣವಾನ್ ಗುಣಗಮ್ಯಶ್ಚ ಗುಣಾತೀತೋ ಗುಣಪ್ರಿಯಃ
ದುರ್ಗುಣಧ್ವಂಸಕೃತ್ಸರ್ವಸುಗುಣೋ ಗುಣಭಾಸಕಃ ॥ ೧೭॥

ಪರೇಶಃ ಪರಮಾತ್ಮಾ ಚ ಪರಞ್ಜ್ಯೋತಿಃ ಪರಾ ಗತಿಃ ।
ಪರಂ ಪದಂ ವಿಯದ್ವಾಸಾಃ ಪಾರಮ್ಪರ್ಯಶುಭಪ್ರದಃ ॥ ೧೮॥

ಬ್ರಹ್ಮಾಣ್ಡಗರ್ಭೋ ಬ್ರಹ್ಮಣ್ಯೋ ಬ್ರಹ್ಮಸೃಢ್ಬ್ರಹ್ಮಬೋಧಿತಃ ।
ಬ್ರಹ್ಮಸ್ತುತ್ಯೋ ಬ್ರಹ್ಮವಾದೀ ಬ್ರಹ್ಮಚರ್ಯಪರಾಯಣಃ ॥ ೧೯॥

ಸತ್ಯವ್ರತಾರ್ಥಸನ್ತುಷ್ಟಸ್ಸತ್ಯರೂಪೀ ಝಷಾಙ್ಗವಾನ್ ।
ಸೋಮಕಪ್ರಾಣಹಾರೀ ಚಾನೀತಾಮ್ನಾಯೋಽಬ್ಧಿಸಞ್ಚರಃ ॥ ೨೦॥

ದೇವಾಸುರವರಸ್ತುತ್ಯಃ ಪತನ್ಮನ್ದರಧಾರಕಃ ।
ಧನ್ವನ್ತರಿಃ ಕಚ್ಛಪಾಙ್ಗಃ ಪಯೋನಿಧಿವಿಮನ್ಥಕಃ ॥ ೨೧॥

ಅಮರಾಮೃತಸನ್ಧಾತಾ ಧೃತಸಮ್ಮೋಹಿನೀವಪುಃ ।
ಹರಮೋಹಕಮಾಯಾವೀ ರಕ್ಷಃಸನ್ದೋಹಭಞ್ಜನಃ ॥ ೨೨॥

ಹಿರಣ್ಯಾಕ್ಷವಿದಾರೀ ಚ ಯಜ್ಞೋ ಯಜ್ಞ ವಿಭಾವನಃ ।
ಯಜ್ಞೀಯೋರ್ವೀಸಗುದ್ಧರ್ತಾ ಲೀಲಾಕ್ರೋಡಃ ಪ್ರತಾಪವಾನ್ ॥ ೨೩॥

ದಣ್ಡಕಾಸುರವಿಧ್ವಂಸೀ ವಕ್ರದಂಷ್ಟ್ರ ಕ್ಷಮಾಧರಃ ।
ಗನ್ಧರ್ವಶಾಪಹರಣಃ ಪುಣ್ಯಗನ್ಧೋ ವಿಚಕ್ಷಣಃ ॥ ೨೪॥

ಕರಾಲವಕ್ತ್ರಃ ಸೋಮಾರ್ಕನೇತ್ರಃ ಷಡ್ಗುಣವೈಭವಃ ।
ಶ್ವೇತಘೋಣೀ ಘೂರ್ಣಿತಭ್ರೂರ್ಘುರ್ಘುರಧ್ವನಿವಿಭ್ರಮಃ ॥ ೨೫॥

ದ್ರಾಘೀಯಾನ್ ನೀಲಕೇಶೀ ಚ ಜಾಗ್ರದಮ್ಬುಜಲೋಚನಃ ।
ಘೃಣಾವಾನ್ ಘೃಣಿಸಮ್ಮೋಹೋ ಮಹಾಕಾಲಾಗ್ನಿದೀಧಿತಿಃ ॥ ೨೬॥

ಜ್ವಾಲಾಕರಾಲವದನೋ ಮಹೋಲ್ಕಾಕುಲವೀಕ್ಷಣಃ ।
ಸಟಾನಿರ್ಭಿಣ್ಣಮೇಘೌಘೋ ದಂಷ್ಟ್ರಾರುಗ್ವ್ಯಾಪ್ತದಿಕ್ತಟಃ ॥ ೨೭॥

ಉಚ್ಛ್ವಾಸಾಕೃಷ್ಟಭೂತೇಶೋ ನಿಃಶ್ವಾಸತ್ಯಕ್ತವಿಶ್ವಸೃಟ್ ।
ಅನ್ತರ್ಭ್ರಮಜ್ಜಗದ್ಗರ್ಭೋಽನನ್ತೋ ಬ್ರಹ್ಮಕಪಾಲಹೃತ್ ॥ ೨೮॥

ಉಗ್ರೋ ವೀರೋ ಮಹಾವಿಷ್ಣುರ್ಜ್ವಲನಃ ಸರ್ವತೋಮುಖಃ ।
ನೃಸಿಂಹೋ ಭೀಷಣೋ ಭದ್ರೋ ಮೃತ್ಯುಮೃತ್ಯುಃ ಸನಾತನಃ ॥ ೨೯॥

ಸಭಾಸ್ತಮ್ಭೋದ್ಭವೋ ಭೀಮಃ ಶೀರೋಮಾಲೀ ಮಹೇಶ್ವರಃ ।
ದ್ವಾದಶಾದಿತ್ಯಚೂಡಾಲಃ ಕಲ್ಪಧೂಮಸಟಾಚ್ಛವಿಃ ॥ ೩೦॥

ಹಿರಣ್ಯಕೋರಸ್ಥಲಭಿನ್ನನಖಃ ಸಿಂಹಮುಖೋಽನಘಃ ।
ಪ್ರಹ್ಲಾದವರದೋ ಧೀಮಾನ್ ಭಕ್ತಸಙ್ಘ ಪ್ರತಿಷ್ಠಿತಃ ॥ ೩೧॥

ಬ್ರಹ್ಮರುದ್ರಾದಿಸಂಸೇವ್ಯಃ ಸಿದ್ಧಸಾಧ್ಯಪ್ರಪೂಜಿತಃ ।
ಲಕ್ಷ್ಮೀನೃಸಿಂಹೋ ದೇವೇಶೋ ಜ್ವಾಲಾಜಿಹ್ವಾನ್ತ್ರಮಾಲಿಕಃ ॥ ೩೨॥

ಖಡ್ಗೀ ಖೇಟೀ ಮಹೇಷ್ವಾಸೀ ಕಪಾಲೀ ಮುಸಲೀ ಹಲೀ ।
ಪಾಶೀ ಶೂಲೀ ಮಹಾಬಾಹುರ್ಜ್ವರಘ್ನೋ ರೋಗಲುಣ್ಠಕಃ ॥ ೩೩॥

ಮೌಞ್ಜೀಯುಕ್ ಛಾತ್ರಕೋ ದಣ್ಡೀ ಕೃಷ್ಣಾಜಿನಧರೋ ವಟುಃ ।
ಅಧೀತವೇದೋ ವೇದಾನ್ತೋದ್ಧಾರಕೋ ಬ್ರಹ್ಮನೈಷ್ಠಿಕಃ ॥ ೩೪॥

ಅಹೀನಶಯನಪ್ರೀತಃ ಆದಿತೇಯೋಽನಘೋ ಹರಿಃ ।
ಸಂವಿತ್ಪ್ರಿಯಸ್ಸಾಮವೇದ್ಯೋ ಬಲಿವೇಶ್ಮಪ್ರತಿಷ್ಠಿತಃ ॥ ೩೫॥

ಬಲಿಕ್ಷಾಲಿತಪಾದಾಬ್ಜೋ ವಿನ್ದ್ಯಾವಲಿವಿಮಾನಿತಃ ।
ತ್ರಿಪಾದಭೂಮಿಸ್ವೀಕರ್ತಾ ವಿಶ್ವರೂಪಪ್ರದರ್ಶಕಃ ॥ ೩೬॥

ಧೃತತ್ರಿವಿಕ್ರಮಃ ಸಾಙ್ಘ್ರಿನಖಭಿನ್ನಾಣ್ಡಖರ್ಪರಃ ।
ಪಜ್ಜಾತವಾಹಿನೀಧಾರಾಪವಿತ್ರಿತಜಗತ್ತ್ರಯಃ ॥ ೩೭॥

ವಿಧಿಸಮ್ಮಾನಿತಃ ಪುಣ್ಯೋ ದೈತ್ಯಯೋದ್ಧಾ ಜಯೋರ್ಜಿತಃ ।
ಸುರರಾಜ್ಯಪ್ರದಃ ಶುಕ್ರಮದಹೃತ್ ಸುಗತೀಶ್ವರಃ ॥ ೩೮॥

ಜಾಮದಗ್ನ್ಯಃ ಕುಠಾರೀ ಚ ಕಾರ್ತವೀರ್ಯವಿದಾರಣಃ ।
ರೇಣುಕಾಯಾಶ್ಶಿರೋಹಾರೀ ದುಷ್ಟಕ್ಷತ್ರಿಯಮರ್ದನಃ ॥ ೩೯॥

ವರ್ಚಸ್ವೀ ದಾನಶೀಲಶ್ಚ ಧನುಷ್ಮಾನ್ ಬ್ರಹ್ಮವಿತ್ತಮಃ ।
ಅತ್ಯುದಗ್ರಃ ಸಮಗ್ರಶ್ಚ ನ್ಯಗ್ರೋಧೋ ದುಷ್ಟನಿಗ್ರಹಃ ॥ ೪೦॥

ರವಿವಂಶಸಮುದ್ಭೂತೋ ರಾಘವೋ ಭರತಾಗ್ರಜಃ ।
ಕೌಸಲ್ಯಾತನಯೋ ರಾಮೋ ವಿಶ್ವಾಮಿತ್ರ ಪ್ರಿಯಙ್ಕರಃ ॥೪೧॥

ತಾಟಕಾರಿಃ ಸುಬಾಹುಘ್ನೋ ಬಲಾತಿಬಲಮನ್ತ್ರವಾನ್ ।
ಅಹಲ್ಯಾಶಾಪವಿಚ್ಛೇದೀ ಪ್ರವಿಷ್ಟಜನಕಾಲಯಃ ॥ ೪೨॥

ಸ್ವಯಂವರಸಭಾಸಂಸ್ಥ ಈಶಚಾಪಪ್ರಭಞ್ಜನಃ ।
ಜಾನಕೀಪರಿಣೇತಾ ಚ ಜನಕಾಧೀಶಸಂಸ್ತುತಃ ॥ ೪೩॥

ಜಮದಗ್ನಿತನೂಜಾತಯೋದ್ಧಾಽಯೋಧ್ಯಾಧಿಪಾಗ್ರಣೀಃ ।
ಪಿತೃವಾಕ್ಯಪ್ರತೀಪಾಲಸ್ತ್ಯಕ್ತರಾಜ್ಯಃ ಸಲಕ್ಷ್ಮಣಃ ॥ ೪೪॥

ಸಸೀತಶ್ಚಿತ್ರಕೂಟಸ್ಥೋ ಭರತಾಹಿತರಾಜ್ಯಕಃ ।
ಕಾಕದರ್ಪಪ್ರಹರ್ತಾ ಚ ದಣ್ಡಕಾರಣ್ಯವಾಸಕಃ ॥ ೪೫॥

ಪಞ್ಚವಟ್ಯಾಂ ವಿಹಾರೀ ಚ ಸ್ವಧರ್ಮಪರಿಪೋಷಕಃ ।
ವಿರಾಧಹಾಽಗಸ್ತ್ಯಮುಖ್ಯಮುನಿಸಮ್ಮಾನಿತಃ ॥ ೪೬॥

ಇನ್ದ್ರಚಾಪಧರಃ ಖಡ್ಗಧರಶ್ಚಾಕ್ಷಯಸಾಯಕಃ ।
ಖರಾನ್ತಕೋ ದೂಷಣಾರಿಸ್ತ್ರಿಶಿರಸ್ಕರಿಪುರ್ವೃಷಃ ॥ ೪೭॥

ತತಃ ಶೂರ್ಪಣಖಾನಾಸಾಚ್ಛೇತ್ತಾ ವಲ್ಕಲಧಾರಕಃ ।
ಜಟಾವಾನ್ ಪರ್ಣಶಾಲಾಸ್ಥೋ ಮಾರೀಚಬಲಮರ್ದಕಃ ॥ ೪೮॥

ಪಕ್ಷಿರಾಟ್ಕೃತಸಂವಾದೋ ರವಿತೇಜಾ ಮಹಾಬಲಃ ।
ಶಬರ್ಯಾನೀತಫಲಭುಗ್ಧನೂಮತ್ಪರಿತೋಷಿತಃ ॥ ೪೯॥

ಸುಗ್ರೀವಾಭಯದೋ ದೈತ್ಯಕಾಯಕ್ಷೇಪಣಭಾಸುರಃ ।
ಸಪ್ತತಾಲಸಮುಚ್ಛೇತ್ತಾ ವಾಲಿಹೃತ್ಕಪಿಸಂವೃತಃ ॥ ೫೦॥

ವಾಯುಸೂನುಕೃತಾಸೇವಸ್ತ್ಯಕ್ತಪಮ್ಪಃ ಕುಶಾಸನಃ ।
ಉದನ್ವತ್ತೀರಗಃ ಶೂರೋ ವಿಭೀಷಣವರಪ್ರದಃ ॥ ೫೧॥

ಸೇತುಕೃದ್ದೈತ್ಯಹಾ ಪ್ರಾಪ್ತಲಙ್ಕೋಽಲಙ್ಕಾರವಾನ್ ಸ್ವಯಮ್ ।
ಅತಿಕಾಯಶಿರಶ್ಛೇತ್ತಾ ಕುಮ್ಭಕರ್ಣವಿಭೇದನಃ ॥ ೫೨॥

ದಶಕಣ್ಠಶಿರೋಧ್ವಂಸೀ ಜಾಂಬವತ್ಪ್ರಮುಖಾವೃತಃ ।
ಜಾನಕೀಶಃ ಸುರಾಧ್ಯಕ್ಷಃ ಸಾಕೇತೇಶಃ ಪುರಾತನಃ ॥ ೫೩॥

ಪುಣ್ಯಶ್ಲೋಕೋ ವೇದವೇದ್ಯಃ ಸ್ವಾಮಿತೀರ್ಥನಿವಾಸಕಃ ।
ಲಕ್ಷ್ಮೀಸರಃಕೇಳಿಲೋಲೋ ಲಕ್ಷ್ಮೀಶೋ ಲೋಕರಕ್ಷಕಃ ॥ ೫೪॥

ದೇವಕೀಗರ್ಭಸಂಭೂತೋ ಯಶೋದೇಕ್ಷಣಲಾಲಿತಃ ।
ವಸುದೇವಕೃತಸ್ತೋತ್ರೋ ನನ್ದಗೋಪಮನೋಹರಃ ॥ ೫೫॥

ಚತುರ್ಭುಜಃ ಕೋಮಲಾಙ್ಗೋ ಗದಾವಾನ್ನೀಲಕುನ್ತಲಃ ।
ಪೂತನಾಪ್ರಾಣಸಂಹರ್ತಾ ತೃಣಾವರ್ತವಿನಾಶನಃ ॥ ೫೬॥

ಗರ್ಗಾರೋಪಿತನಾಮಾಙ್ಕೋ ವಾಸುದೇವೋ ಹ್ಯಾಧೋಕ್ಷಜಃ ।
ಗೋಪಿಕಾಸ್ತನ್ಯಪಾಯೀ ಚ ಬಲಭದ್ರಾನುಜೋಽಚ್ಯುತಃ ॥ ೫೭॥

ವೈಯಾಘ್ರನಖಭೂಷಶ್ಚ ವತ್ಸಜಿದ್ವತ್ಸವರ್ಧನಃ ।
ಕ್ಷೀರಸಾರಾಶನರತೋ ದಧಿಭಾಣ್ಡಪ್ರಮರ್ದನಃ ॥ ೫೮ ॥

ನವನೀತಾಪಹರ್ತಾ ಚ ನೀಲನೀರದಭಾಸುರಃ ।
ಅಭೀರದೃಷ್ಟದೌರ್ಜನ್ಯೋ ನೀಲಪದ್ಮನಿಭಾನನಃ ॥ ೫೯॥

ಮಾತೃದರ್ಶಿತವಿಶ್ವಾಸ್ಯಃ ಉಲೂಖಲನಿಬನ್ಧನಃ ।
ನಲಕೂಬರಶಾಪಾನ್ತೋ ಗೋಧೂಲಿಚ್ಛುರಿತಾಙ್ಗಕಃ ॥ ೬೦॥

ಗೋಸಙ್ಘರಕ್ಷಕಃ ಶ್ರೀಶೋ ಬೃನ್ದಾರಣ್ಯನಿವಾಸಕಃ ।
ವತ್ಸಾನ್ತಕೋ ಬಕದ್ವೇಷೀ ದೈತ್ಯಾಮ್ಬುದಮಹಾನಿಲಃ ॥ ೬೧ ॥

ಮಹಾಜಗರಚಣ್ಡಾಗ್ನಿಃ ಶಕಟಪ್ರಾಣಕಣ್ಟಕಃ ।
ಇನ್ದ್ರಸೇವ್ಯಃ ಪುಣ್ಯಗಾತ್ರಃ ಖರಜಿಞ್ವಣ್ಡದೀಧಿತಿಃ ॥ ೬೨॥

ತಾಲಪಕ್ವಫಲಾಶೀ ಚ ಕಾಳೀಯಫಣಿದರ್ಪಹಾ ।
ನಾಗಪತ್ನೀಸ್ತುತಿಪ್ರೀತಃ ಪ್ರಲಮ್ಬಾಸುರಖಣ್ಡನಃ ॥ ೬೩॥

ದಾವಾಗ್ನಿಬಲಸಂಹಾರೀ ಫಲಹಾರೀ ಗದಾಗ್ರಜಃ ।
ಗೋಪಾಙ್ಗನಾಚೇಲಚೋರಃ ಪಾಥೋಲೀಲಾವಿಶಾರದಃ ॥ ೬೪॥

ವಂಶೀಗಾನಪ್ರವೀಣಶ್ಚ ಗೋಪೀಹಸ್ತಾಮ್ಬುಜಾರ್ಚಿತಃ ।
ಮುನಿಪತ್ನ್ಯಾಹೃತಾಹಾರೋ ಮುನಿಶ್ರೇಷ್ಠೋ ಮುನಿಪ್ರಿಯಃ ॥ ೬೫॥

ಗೋವರ್ದ್ಧನಾದ್ರಿಸನ್ಧರ್ತಾ ಸಙ್ಕ್ರನ್ದನತಮೋಽಪಹಃ ।
ಸದುದ್ಯಾನವಿಲಾಸೀ ಚ ರಾಸಕ್ರೀಡಾಪರಾಯಣಃ ॥ ೬೬॥

ವರುಣಾಭ್ಯರ್ಚಿತೋ ಗೋಪೀಪ್ರಾರ್ಥಿತಃ ಪುರುಷೋತ್ತಮಃ ।
ಅಕ್ರೂರಸ್ತುತಿಸಮ್ಪ್ರೀತಃ ಕುಬ್ಜಾಯೌವನದಾಯಕಃ ॥ ೬೭॥

ಮುಷ್ಟಿಕೋರಃಪ್ರಹಾರೀ ಚ ಚಾಣೂರೋದರದಾರಣಃ ।
ಮಲ್ಲಯುದ್ಧಾಗ್ರಗಣ್ಯಶ್ಚ ಪಿತೃಬನ್ಧನಮೋಚಕಃ ॥ ೬೮॥

ಮತ್ತಮಾತಙ್ಗಪಞ್ಚಾಸ್ಯಃ ಕಂಸಗ್ರೀವಾನಿಕೃನ್ತನಃ ।
ಉಗ್ರಸೇನಪ್ರತಿಷ್ಟಾತಾ ರತ್ನಸಿಂಹಾಸನಸ್ಥಿತಃ ॥ ೬೯॥

ಕಾಲನೇಮಿಖಲದ್ವೇಷೀ ಮುಚುಕುನ್ದವರಪ್ರದಃ ।
ಸಾಲ್ವಸೇವಿತದುರ್ಧರ್ಷರಾಜಸ್ಮಯನಿವಾರಣಃ ॥ ೭೦॥

ರುಕ್ಮಗರ್ವಾಪಹಾರೀ ಚ ರುಕ್ಮಿಣೀನಯನೋತ್ಸವಃ ।
ಪ್ರದ್ಯುಮ್ನಜನಕಃ ಕಾಮೀ ಪ್ರದ್ಯುಮ್ನೋ ದ್ವಾರಕಾಧಿಪಃ ॥ ೭೧॥

ಮಣ್ಯಾಹರ್ತಾ ಮಹಾಮಾಯೋ ಜಾಮ್ಬವತ್ಕೃತಸಙ್ಗರಃ ।
ಜಾಮ್ಬೂನದಾಮ್ಬರಧರೋ ಗಮ್ಯೋ ಜಾಮ್ಬವತೀವಿಭುಃ ॥ ೭೨॥

ಕಾಲಿನ್ದೀಪ್ರಥಿತಾರಾಮಕೇಲಿರ್ಗುಞ್ಜಾವತಂಸಕಃ ।
ಮನ್ದಾರಸುಮನೋಭಾಸ್ವಾನ್ ಶಚೀಶಾಭೀಷ್ಟದಾಯಕಃ ॥ ೭೩॥

ಸತ್ರಾಜಿನ್ಮಾನಸೋಲ್ಲಾಸೀ ಸತ್ಯಾಜಾನಿಃ ಶುಭಾವಹಃ ।
ಶತಧನ್ವಹರಃ ಸಿದ್ಧಃ ಪಾಣ್ಡವಪ್ರಿಯಕೋತ್ಸವಃ ॥ ೭೪॥

ಭದ್ರಪ್ರಿಯಃ ಸುಭದ್ರಾಯಾ ಭ್ರಾತಾ ನಾಗ್ನಾಜಿತೀವಿಭುಃ ।
ಕಿರೀಟಕುಣ್ಡಲಧರಃ ಕಲ್ಪಪಲ್ಲವಲಾಲಿತಃ ॥ ೭೫॥

ಭೈಷ್ಮೀಪ್ರಣಯಭಾಷಾವಾನ್ ಮಿತ್ರವಿನ್ದಾಧಿಪೋಽಭಯಃ ।
ಸ್ವಮೂರ್ತಿಕೇಲಿಸಮ್ಪ್ರೀತೋ ಲಕ್ಷ್ಮಣೋದಾರಮಾನಸಃ ॥ ೭೬॥

ಪ್ರಾಗ್ಜ್ಯೋತಿಷಾಧಿಪಧ್ವಂಸೀ ತತ್ಸೈನ್ಯಾನ್ತಕರೋಽಮೃತಃ ।
ಭೂಮಿಸ್ತುತೋ ಭೂರಿಭೋಗೋ ಭೂಷಣಾಮ್ಬರಸಂಯುತಃ ॥ ೭೭॥

ಬಹುರಾಮಾಕೃತಾಹ್ಲಾದೋ ಗನ್ಧಮಾಲ್ಯಾನುಲೇಪನಃ ।
ನಾರದಾದೃಷ್ಟಚರಿತೋ ದೇವೇಶೋ ವಿಶ್ವರಾಡ್ ಗುರುಃ ॥ ೭೮॥

ಬಾಣಬಾಹುವಿದಾರಶ್ಚ ತಾಪಜ್ವರವಿನಾಶಕಃ ।
ಉಷೋದ್ಧರ್ಷಯಿತಾಽವ್ಯಕ್ತಃ ಶಿವವಾಕ್ತುಷ್ಟಮಾನಸಃ ॥ ೭೯॥

ಮಹೇಶಜ್ವರಸಂಸ್ತುತ್ಯಃ ಶೀತಜ್ವರಭಯಾನ್ತಕಃ ।
ನೃಗರಾಜೋದ್ಧಾರಕಶ್ಚ ಪೌಣ್ಡ್ರಕಾದಿವಧೋದ್ಯತಃ ॥ ೮೦॥

ವಿವಿಧಾರಿಚ್ಛಲೋದ್ವಿಗ್ನಬ್ರಾಹ್ಮಣೇಷು ದಯಾಪರಃ ।
ಜರಾಸನ್ಧಬಲದ್ವೇಷೀ ಕೇಶಿದೈತ್ಯಭಯಙ್ಕರಃ ॥ ೮೧॥

ಚಕ್ರೀ ಚೈದ್ಯಾನ್ತಕಃ ಸಭ್ಯೋ ರಾಜಬನ್ಧವಿಮೋಚಕಃ ।
ರಾಜಸೂಯಹವಿರ್ಭೋಕ್ತಾ ಸ್ನಿಗ್ಧಾಙ್ಗಃ ಶುಭಲಕ್ಷಣಃ ॥ ೮೨॥

ಧಾನಾಭಕ್ಷಣಸಮ್ಪ್ರೀತಃ ಕುಚೇಲಾಭೀಷ್ಟದಾಯಕಃ ।
ಸತ್ತ್ವಾದಿಗುಣಗಮ್ಭೀರೋ ದ್ರೌಪದೀಮಾನರಕ್ಷಕಃ ॥ ೮೩॥

ಭೀಷ್ಮಧ್ಯೇಯೋ ಭಕ್ತವಶ್ಯೋ ಭೀಮಪೂಜ್ಯೋ ದಯಾನಿಧಿಃ ।
ದನ್ತವಕ್ತ್ರಶಿರಶ್ಛೇತ್ತಾ ಕೃಷ್ಣಃ ಕೃಷ್ಣಾಸಖಃ ಸ್ವರಾಟ್ ॥ ೮೪॥

ವೈಜಯನ್ತೀಪ್ರಮೋದೀ ಚ ಬರ್ಹಿಬರ್ಹವಿಭೂಷಣಃ ।
ಪಾರ್ಥಕೌರವಸನ್ಧಾನಕಾರೀ ದುಃಶಾಸನಾನ್ತಕಃ ॥ ೮೫॥

ಬುದ್ದೋ ವಿಶುದ್ಧಃ ಸರ್ವಜ್ಞಃ ಕ್ರತುಹಿಂಸಾವಿನಿನ್ದಕಃ ।
ತ್ರಿಪುರಸ್ತ್ರೀಮಾನಭಙ್ಗಃ ಸರ್ವಶಾಸ್ತ್ರವಿಶಾರದಃ ॥ ೮೬॥

ನಿರ್ವಿಕಾರೋ ನಿರ್ಮಮಶ್ಚ ನಿರಾಭಾಸೋ ನಿರಾಮಯಃ ।
ಜಗನ್ಮೋಹಕಧರ್ಮೀ ಚ ದಿಗ್ವಸ್ತ್ರೋ ದಿಕ್ಪತೀಶ್ವರಃ ॥ ೮೭॥

ಕಲ್ಕೀ ಮ್ಲೇಚ್ಛಪ್ರಹರ್ತಾ ಚ ದುಷ್ಟನಿಗ್ರಹಕಾರಕಃ ।
ಧರ್ಮಪ್ರತಿಷ್ಟಾಕಾರೀ ಚ ಚಾತುರ್ವರ್ಣ್ಯವಿಭಾಗಕೃತ್ ॥ ೮೮॥

ಯುಗಾನ್ತಕೋ ಯುಗಾಕ್ರಾನ್ತೋ ಯುಗಕೃದ್ಯುಗಭಾಸಕಃ ।
ಕಾಮಾರಿಃ ಕಾಮಕಾರೀ ಚ ನಿಷ್ಕಾಮಃ ಕಾಮಿತಾರ್ಥದಃ ॥ ೮೯॥

ಭರ್ಗೋ ವರೇಣ್ಯಂ ಸವಿತುಃ ಶಾರ್ಙ್ಗೀ ವೈಕುಣ್ಠಮನ್ದಿರಃ ।
ಹಯಗ್ರೀವಃ ಕೈಟಭಾರಿಃ ಗ್ರಾಹಘ್ನೋ ಗಜರಕ್ಷಕಃ ॥ ೯೦॥

ಸರ್ವಸಂಶಯವಿಚ್ಛೇತ್ತಾ ಸರ್ವಭಕ್ತಸಮುತ್ಸುಕಃ ।
ಕಪರ್ದೀ ಕಾಮಹಾರೀ ಚ ಕಲಾ ಕಾಷ್ಟಾ ಸ್ಮೃತಿರ್ಧೃತಿಃ ॥ ೯೧॥

ಅನಾದಿರಪ್ರಮೇಯೌಜ್ಞಾಃ ಪ್ರಧಾನಃ ಸನ್ನಿರೂಪಕಃ ।
ನಿರ್ಲೋಪೋ ನಿಃಸ್ಪೃಹೋಽಸಙ್ಗೋ ನಿರ್ಭಯೋ ನೀತಿಪಾರಗಃ ॥ ೯೨॥

ನಿಷ್ಪೇಷ್ಯೋ ನಿಷ್ಕ್ರಿಯಃ ಶಾನ್ತೋ ನಿಷ್ಪ್ರಪಞ್ಚೋ ನಿಧಿರ್ನಯಃ
ಕರ್ಮ್ಯಕರ್ಮೀ ವಿಕರ್ಮೀ ಚ ಕರ್ಮೇಪ್ಸುಃ ಕರ್ಮಭಾವನಃ ॥ ೯೩॥

ಕರ್ಮಾಙ್ಗಃ ಕರ್ಮವಿನ್ಯಾಸೋ ಮಹಾಕರ್ಮೀ ಮಹಾವ್ರತೀ ।
ಕರ್ಮಭುಕ್ಕರ್ಮಫಲದಃ ಕರ್ಮೇಶಃ ಕರ್ಮನಿಗ್ರಹಃ ॥ ೯೪॥

ನರೋ ನಾರಾಯಣೋ ದಾನ್ತಃ ಕಪಿಲಃ ಕಾಮದಃ ಶುಚಿಃ ।
ತಪ್ತಾ ಜಪ್ತಾಽಕ್ಷಮಾಲಾವಾನ್ ಗನ್ತಾ ನೇತಾ ಲಯೋ ಗತಿಃ ॥ ೯೫॥

ಶಿಷ್ಟೋ ದ್ರಷ್ಟಾ ರಿಪುದ್ವೇಷ್ಟಾ ರೋಷ್ಟಾ ವೇಷ್ಟಾ ಮಹಾನಟಃ ।
ರೋದ್ಧಾ ಬೋದ್ಧಾ ಮಹಾಯೋದ್ಧಾ ಶ್ರದ್ಧಾವಾನ್ ಸತ್ಯಧೀಃ ಶುಭಃ ॥ ೯೬॥

ಮನ್ತ್ರೀ ಮನ್ತ್ರೋ ಮನ್ತ್ರಗಮ್ಯೋ ಮನ್ತ್ರಕೃತ್ ಪರಮನ್ತ್ರಹೃತ್ ।
ಮನ್ತ್ರಭೃನ್ಮನ್ತ್ರಫಲದೋ ಮನ್ತ್ರೇಶೋ ಮನ್ತ್ರವಿಗ್ರಹಃ ॥ ೯೭॥

ಮನ್ತ್ರಾಙ್ಗೋ ಮನ್ತ್ರವಿನ್ಯಾಸೋ ಮಹಾಮನ್ತ್ರೋ ಮಹಾಕ್ರಮಃ ।
ಸ್ಥಿರಧೀಃ ಸ್ಥಿರವಿಜ್ಞಾನಃ ಸ್ಥಿರಪ್ರಜ್ಞಃ ಸ್ಥಿರಾಸನಃ ॥ ೯೮॥

ಸ್ಥಿರಯೋಗಃ ಸ್ಥಿರಾಧಾರಃ ಸ್ಥಿರಮಾರ್ಗಃ ಸ್ಥಿರಾಗಮಃ।
ನಿಶ್ಶ್ರೇಯಸೋ ನಿರೀಹೋಽಗ್ನಿರ್ನಿರವದ್ಯೋ ನಿರಞ್ಜನಃ ॥ ೯೯॥

ನಿರ್ವೈರೋ ನಿರಹಙ್ಕಾರೋ ನಿರ್ದಮ್ಭೋ ನಿರಸೂಯಕಃ ।
ಅನನ್ತೋಽನನ್ತಬಾಹೂರುರನನ್ತಾಙ್ಘ್ರಿರನನ್ತದೃಕ್ ॥ ೧೦೦॥

ಅನನ್ತವಕ್ತ್ರೋಽನನ್ತಾಙ್ಗೋಽನನ್ತರೂಪೋ ಹ್ಯನನ್ತಕೃತ್ ।
ಊರ್ಧ್ವರೇತಾ ಊರ್ಧ್ವಲಿಙ್ಗೋ ಹ್ಯೂರ್ಧ್ವಮೂರ್ಧ್ವೋರ್ಧ್ವಶಾಖಕಃ ॥ ೧೦೧॥

ಊರ್ಧ್ವ ಊರ್ಧ್ವಾಧ್ವರಕ್ಷೀ ಚ ಹ್ಯೂರ್ಧ್ವಜ್ವಾಲೋ ನಿರಾಕುಲಃ ।
ಬೀಜಂ ಬೀಜಪ್ರದೋ ನಿತ್ಯೋ ನಿದಾನಂ ನಿಷ್ಕೃತಿಃ ಕೃತೀ ॥ ೧೦೨॥

ಮಹಾನಣೀಯನ್ ಗರಿಮಾ ಸುಷಮಾ ಚಿತ್ರಮಾಲಿಕಃ ।
ನಭಸ್ಸ್ಪೃಙ್ನಭಸೋ ಜ್ಯೋತಿರ್ನಭಸ್ವಾನ್ನಿರ್ನಭಾ ನಭಃ ॥ ೧೦೩॥

ಅಭುರ್ವಿಭುಃ ಪ್ರಭುಃ ಶಮ್ಭುರ್ಮಹೀಯಾನ ಭೂರ್ಭುವಾಕೃತಿಃ ।
ಮಹಾನನ್ದೋ ಮಹಾಶೂರೋ ಮಹೋರಾಶಿರ್ಮಹೋತ್ಸವಃ ॥ ೧೦೪॥

ಮಹಾಕ್ರೋಧೋ ಮಹಾಜ್ವಾಲೋ ಮಹಾಶಾನ್ತೋ ಮಹಾಗುಣಃ ।
ಸತ್ಯವ್ರತಃ ಸತ್ಯಪರಃ ಸತ್ಯಸನ್ಧಃ ಸತಾಂಗತಿಃ ॥ ೧೦೫॥

ಸತ್ಯೇಶಃ ಸತ್ಯಸಙ್ಕಲ್ಪಃ ಸತ್ಯಚಾರಿತ್ರಲಕ್ಷಣಃ ।
ಅನ್ತಶ್ಚರೋ ಹ್ಯನ್ತರಾತ್ಮಾ ಪರಮಾತ್ಮಾ ಚಿದಾತ್ಮಕಃ ॥ ೧೦೬॥

ರೋಚನೋ ರೋಚಮಾನಶ್ಚ ಸಾಕ್ಷೀ ಶೌರಿರ್ಜನಾರ್ದನಃ ।
ಮುಕುನ್ದೋ ನನ್ದನಿಷ್ಪನ್ದಃ ಸ್ವರ್ಣಬಿನ್ದುಃ ಪುರನ್ದರಃ ॥ ೧೦೭॥

ಅರಿನ್ದಮಃ ಸುಮನ್ದಶ್ಚ ಕುನ್ದಮನ್ದಾರಹಾಸವಾನ್ ।
ಸ್ಯನ್ದನಾರೂಢಚಣ್ಡಾಙ್ಗೋ ಹ್ಯಾನನ್ದೀ ನನ್ದನನ್ದನಃ ॥ ೧೦೮॥

ಅನಸೂಯಾನನ್ದನೋಽತ್ರಿನೇತ್ರಾನನ್ದಃ ಸುನನ್ದವಾನ್ ।
ಶಙ್ಖವಾನ್ಪಙ್ಕಜಕರಃ ಕುಙ್ಕುಮಾಙ್ಕೋ ಜಯಾಙ್ಕುಶಃ ॥ ೧೦೯॥

ಅಮ್ಭೋಜಮಕರನ್ದಾಢ್ಯೋ ನಿಷ್ಪಙ್ಕೋಽಗರುಪಙ್ಕಿಲಃ ।
ಇನ್ದ್ರಶ್ಚನ್ದ್ರರಥಶ್ಚನ್ದ್ರೋಽತಿಚನ್ದ್ರಶ್ಚನ್ದ್ರಭಾಸಕಃ ॥ ೧೧೦॥

ಉಪೇನ್ದ್ರ ಇನ್ದ್ರರಾಜಶ್ಚ ವಾಗಿನ್ದ್ರಶ್ಚನ್ದ್ರಲೋಚನ ।
ಪ್ರತ್ಯಕ್ ಪರಾಕ್ ಪರಂಧಾಮ ಪರಮಾರ್ಥಃ ಪರಾತ್ಪರಃ ॥ ೧೧೧॥

ಅಪಾರವಾಕ್ ಪಾರಗಾಮೀ ಪಾರಾವಾರಃ ಪರಾವರಃ ।
ಸಹಸ್ವಾನರ್ಥದಾತಾ ಚ ಸಹನಃ ಸಾಹಸೀ ಜಯೀ ॥ ೧೧೨॥

ತೇಜಸ್ವೀ ವಾಯುವಿಶಿಖೀ ತಪಸ್ವೀ ತಾಪಸೋತ್ತಮಃ ।
ಐಶ್ವರ್ಯೋದ್ಭೂತಿಕೃದ್ಭೂತಿರೈಶ್ವರ್ಯಾಙ್ಗಕಲಾಪವಾನ್ ॥ ೧೧೩॥

ಅಮ್ಭೋಧಿಶಾಯೀ ಭಗವಾನ್ ಸರ್ವಜ್ಞಸ್ಸಾಮಪಾರಗಃ ।
ಮಹಾಯೋಗೀ ಮಹಾಧೀರೋ ಮಹಾಭೋಗೀ ಮಹಾಪ್ರಭುಃ ॥ ೧೧೪॥

ಮಹಾವೀರೋ ಮಹಾತುಷ್ಟಿರ್ಮಹಾಪುಷ್ಟಿರ್ಮಹಾಗುಣಃ ।
ಮಹಾದೇವೋ ಮಹಾಬಾಹುರ್ಮಹಾಧರ್ಮೋ ಮಹೇಶ್ವರಃ ॥ ೧೧೫॥

ಸಮೀಪಗೋ ದೂರಗಾಮೀ ಸ್ವರ್ಗಮಾರ್ಗನಿರರ್ಗಲಃ ।
ನಗೋ ನಗಧರೋ ನಾಗೋ ನಾಗೇಶೋ ನಾಗಪಾಲಕಃ ॥ ೧೧೬॥

ಹಿರಣ್ಮಯಃ ಸ್ವರ್ಣರೇತಾ ಹಿರಣ್ಯಾರ್ಚಿರ್ಹಿರಣ್ಯದಃ ।
ಗುಣಗಣ್ಯಃ ಶರಣ್ಯಶ್ಚ ಪುಣ್ಯಕೀರ್ತಿಃ ಪುರಾಣಗಃ ॥ ೧೧೭॥

ಜನ್ಮಭೃಜ್ಜನ್ಯಸನ್ನದ್ಧೋ ದಿವ್ಯಪಞ್ಚಾಯುಧೋ ವಶೀ ।
ದೌರ್ಜನ್ಯಭಙ್ಗಃ ಪರ್ಜನ್ಯಃ ಸೌಜನ್ಯನಿಲಯೋಽಲಯಃ ॥ ೧೧೮॥

ಜಲನ್ಧರಾನ್ತಕೋ ಭಸ್ಮದೈತ್ಯನಾಶೀ ಮಹಾಮನಾಃ ।
ಶ್ರೇಷ್ಟಶ್ಶ್ರವಿಷ್ಠೋ ದ್ರಾಘಿಷ್ಠೋ ಗರಿಷ್ಠೋ ಗರುಡಧ್ವಜಃ ॥ ೧೧೯॥

ಜ್ಯೇಷ್ಠೋ ದ್ರಢಿಷ್ಠೋ ವರ್ಷಿಷ್ಠೋ ದ್ರಾಘಿಯಾನ್ ಪ್ರಣವಃ ಫಣೀ ।
ಸಮ್ಪ್ರದಾಯಕರಃ ಸ್ವಾಮೀ ಸುರೇಶೋ ಮಾಧವೋ ಮಧುಃ ॥ ೧೨೦॥

ನಿರ್ನಿಮೇಷೋ ವಿಧಿರ್ವೇಧಾ ಬಲವಾನ್ ಜೀವನಂ ಬಲೀ ।
ಸ್ಮರ್ತಾ ಶ್ರೋತಾ ವಿಕರ್ತಾ ಚ ಧ್ಯಾತಾ ನೇತಾ ಸಮೋಽಸಮಃ ॥ ೧೨೧॥

ಹೋತಾ ಪೋತಾ ಮಹಾವಕ್ತಾ ರನ್ತ ಮನ್ತಾ ಖಲಾನ್ತಕಃ ।
ದಾತಾ ಗ್ರಾಹಯಿತಾ ಮಾತಾ ನಿಯನ್ತಾಽನನ್ತ ವೈಭವಃ ॥ ೧೨೨॥

ಗೋಪ್ತಾ ಗೋಪಯಿತಾ ಹನ್ತಾ ಧರ್ಮಜಾಗರಿತಾ ಧವಃ ।
ಕರ್ತಾ ಕ್ಷೇತ್ರಕರಃ ಕ್ಷೇತ್ರಪ್ರದಃ ಕ್ಷೇತ್ರಜ್ಞ ಆತ್ಮವಿತ್ ॥ ೧೨೩॥

ಕ್ಷೇತ್ರೀ ಕ್ಷೇತ್ರಹರಃ ಕ್ಷೇತ್ರಪ್ರಿಯಃ ಕ್ಷೇಮಕರೋ ಮರುತ್ ।
ಭಕ್ತಿಪ್ರದೋ ಮುಕ್ತಿದಾಯೀ ಶಕ್ತಿದೋ ಯುಕ್ತಿದಾಯಕಃ ॥ ೧೨೪॥

ಶಕ್ತಿಯುಙ್ಜೌಕ್ತಿಕಸ್ರಗ್ವೀ ಸೂಕ್ತಿರಾಮ್ನಾಯಸೂಕ್ತಿಗಃ ।
ಧನಞ್ಜಯೋ ಧನಾಧ್ಯಕ್ಷೋ ಧನಿಕೋ ಧನದಾಧಿಪಃ ॥ ೧೨೫॥

ಮಹಾಧನೋ ಮಹಾಮಾನೀ ದುರ್ಯೋಧನವಿಮಾನಿತಃ ।
ರತ್ನಾಕರೋ ರತ್ನರೋಚೀ ರತ್ನಗರ್ಭಾಶ್ರಯಃ ಶುಚಿಃ ॥ ೧೨೬॥

ರತ್ನಸಾನುನಿಧಿರ್ಮೌಳಿರತ್ನಾಭಾ ರತ್ನಕಙ್ಕಣಃ ।
ಅನ್ತರ್ಲಕ್ಷ್ಯೋಽನ್ತರಮ್ಯಾಸೀ ಚಾನ್ತರ್ಧ್ಯೇಯೋ ಜಿತಾಸನಃ ॥ ೧೨೭॥

ಅನ್ತರಙ್ಗೋ ದಯಾವಾಂಶ್ಚ ಹ್ಯಾಂತರ್ಮಾಯೋ ಮಹಾರ್ಣವಃ ।
ಸರಸಸಿದ್ಧರಸಿಕಃ ಸಿದ್ಧಿಃ ಸಾಧ್ಯಃ ಸದಾಗತಿಃ ॥ ೧೨೮॥

ಆಯುಃಪ್ರದೋ ಮಹಾಯುಷ್ಮಾನರ್ಚಿಷ್ಮಾನೋಷಧೀಪತಿಃ ।
ಅಷ್ಟಶ್ರೀರಷ್ಟಭಾಗೋಽಷ್ಟಕಕುಬ್ವ್ಯಾಪ್ತಯಶೋ ತ್ರತೀ ॥ ೧೨೯॥

ಅಷ್ಟಾಪದಃ ಸುವರ್ಣಾಭೋ ಹ್ಯಷ್ಟಮೂರ್ತಿಸ್ತ್ರಿಮೂರ್ತಿಮಾನ್ ।
ಅಸ್ವಪ್ನಃ ಸ್ವಪ್ನಗಃ ಸ್ವಪ್ನಃ ಸುಸ್ವಪ್ನಫಲದಾಯಕಃ ॥ ೧೩೦॥

ದುಃಸ್ವಪ್ನಧ್ವಂಸಕೋ ಧ್ವಸ್ತದುರ್ನಿಮಿತ್ತಃ ಶಿವಙ್ಕರಃ ।
ಸುವರ್ಣವರ್ಣಸ್ಸಮ್ಭಾವ್ಯೋ ವರ್ಣಿತೋ ವರ್ಣಸಮ್ಮುಖಃ ॥ ೧೩೧॥

ಸುವರ್ಣಮುಖರೀತೀರಶಿವಧ್ಯಾತಪದಾಮ್ಬುಜಃ ।
ದಾಕ್ಷಾಯಣೀವಚಸ್ತುಷ್ಟೋ ದೂರ್ವಾಸೋದೃಷ್ಟಿಗೋಚರಃ ॥ ೧೩೨॥

ಅಮ್ಬರೀಷವ್ರತಪ್ರೀತೋ ಮಹಾಕೃತ್ತಿವಿಭಞ್ಜನಃ ।
ಮಹಾಭಿಚಾರಕಧ್ವಂಸೀ ಕಾಲಸರ್ಪಭಯಾನ್ತಕಃ ॥ ೧೩೩॥

ಸುದರ್ಶನಃ ಕಾಲಮೇಘಶ್ಯಾಮಶ್ಶ್ರೀಮನ್ತ್ರಭಾವಿತಃ ।
ಹೇಮಾಮ್ಬುಜಸರಃಸ್ನಾಯೀ ಶ್ರೀಮನೋಭಾವಿತಾಕೃತಿಃ ॥ ೧೩೪॥

ಶ್ರೀಪ್ರದತಾಮ್ಬುಜಸ್ರಗ್ವೀ ಶ್ರೀಕೇಲಿಃ ಶ್ರೀನಿಧಿರ್ಭವಃ ।
ಶ್ರೀಪ್ರದೋ ವಾಮನೋ ಲಕ್ಷ್ಮೀನಾಯಕಶ್ಚ ಚತುರ್ಭುಜಃ ॥ ೧೩೫॥

ಸಂತೃಪ್ತಸ್ತರ್ಪಿತಸ್ತೀರ್ಥಸ್ನಾತೃಸೌಖ್ಯಪ್ರದರ್ಶಕಃ ।
ಅಗಸ್ತ್ಯಸ್ತುತಿಸಂಹೃಷ್ಟೋ ದರ್ಶಿತಾವ್ಯಕ್ತಭಾವನಃ ॥ ೧೩೬॥

ಕಪಿಲಾರ್ಚಿಃ ಕಪಿಲವಾನ್ ಸುಸ್ನಾತಾಘವಿಪಾಟನಃ ।
ವೃಷಾಕಪಿಃ ಕಪಿಸ್ವಾಮಿಮನೋಽನ್ತಃಸ್ಥಿತವಿಗ್ರಹಃ ॥ ೧೩೭॥

ವಹ್ನಿಪ್ರಿಯೋಽರ್ಥಸಂಭಾವ್ಯೋ ಜನಲೋಕವಿಧಾಯಕಃ ।
ವಹ್ನಿಪ್ರಭೋ ವಹ್ನಿತೇಜಾಃ ಶುಭಾಭೀಷ್ಟಪ್ರದೋ ಯಮೀ ॥ ೧೩೮॥

ವಾರುಣಕ್ಷೇತ್ರನಿಲಯೋ ವರುಣೋ ವಾರಣಾರ್ಚಿತಃ ।
ವಾಯುಸ್ಥಾನಕೃತಾವಾಸೋ ವಾಯುಗೋ ವಾಯುಸಂಭೃತಃ ॥ ೧೩೯॥

ಯಮಾನ್ತಕೋಽಭಿಜನನೋ ಯಮಲೋಕನಿವಾರಣಃ ।
ಯಮಿನಾಮಗ್ರಗಣ್ಯಶ್ಚ ಸಂಯಮೀ ಯಮಭಾವಿತಃ ॥ ೧೪೦॥

ಇನ್ದ್ರೋದ್ಯಾನಸಮೀಪಸ್ಥ ಇನ್ದ್ರದೃಗ್ವಿಷಯಃ ಪ್ರಭುಃ ।
ಯಕ್ಷರಾಟ್ ಸರಸೀವಾಸೋ ಹ್ಯಕ್ಷಯ್ಯನಿಧಿಕೋಶಕೃತ್ ॥ ೧೪೧॥

ಸ್ವಾಮಿತೀರ್ಥಕೃತಾವಾಸಃ ಸ್ವಾಮಿಧ್ಯೇಯೋ ಹ್ಯಧೋಕ್ಷಜಃ ।
ವರಾಹಾದ್ಯಷ್ಟತೀರ್ಥಾಭಿಸೇವಿತಾಙ್ಘ್ರಿಸರೋರುಹಃ ॥ ೧೪೨॥

ಪಾಣ್ಡುತೀರ್ಥಭಿಷಿಕ್ತಾಙ್ಗೋ ಯುಧಿಷ್ಠಿರವರಪ್ರದಃ ।
ಭೀಮಾನ್ತಃಕರಣಾರೂಢಃ ಶ್ವೇತವಾಹನಸಖ್ಯವಾನ್ ॥ ೧೪೩॥

ನಕುಲಾಭಯದೋ ಮಾದ್ರೀಸಹದೇವಾಭಿವನ್ದಿತಃ ।
ಕೃಷ್ಣಾಶಪಥಸನ್ಧಾತಾ ಕುನ್ತೀಸ್ತುತಿರತೋ ದಮೀ ॥ ೧೪೪॥

ನಾರದಾದಿಮುನಿಸ್ತುತ್ಯೋ ನಿತ್ಯಕರ್ಮಪರಾಯಣಃ ।
ದರ್ಶಿತಾವ್ಯಕ್ತರೂಪಶ್ಚ ವೀಣಾನಾದಪ್ರಮೋದಿತಃ ॥ ೧೪೫॥

ಷಟ್ಕೋಟಿತೀರ್ಥಚರ್ಯಾವಾನ್ ದೇವತೀರ್ಥಕೃತಾಶ್ರಮಃ ।
ಬಿಲ್ವಾಮಲಜಲಸ್ನಾಯೀ ಸರಸ್ವತ್ಯಮ್ಬುಸೇವಿತಃ ॥ ೧೪೬॥

ತುಮ್ಬುರೂದಕ ಸಂಸ್ಪರ್ಶಜನಚಿತ್ತತಮೋಽಪಹಃ ।
ಮತ್ಸ್ಯವಾಮನಕೂರ್ಮಾದಿತೀರ್ಥರಾಜಃ ಪುರಾಣಭೃತ್ ॥ ೧೪೭॥

ಚಕ್ರಧ್ಯೇಯಪದಾಮ್ಭೋಜಃ ಶಙ್ಖಪೂಜಿತಪಾದುಕಃ ।
ರಾಮತೀರ್ಥವಿಹಾರೀ ಚ ಬಲಭದ್ರಪ್ರತಿಷ್ಟಿತಃ ॥ ೧೪೮॥

ಜಾಮದಗ್ನ್ಯಸರಸ್ತೀರ್ಥಜಲಸೇಚನತರ್ಪಿತಃ ।
ಪಾಪಾಪಹಾರಿಕೀಲಾಲಸುಸ್ನಾತಾಘವಿನಾಶನಃ ॥ ೧೪೯॥

ನಭೋಗಙ್ಗಾಭಿಷಿಕ್ತಶ್ಚ ನಾಗತೀರ್ಥಾಭಿಷೇಕವಾನ್ ।
ಕುಮಾರಧಾರಾತೀರ್ಥಸ್ಥೋ ವಟುವೇಷಃ ಸುಮೇಖಲಃ ॥ ೧೫೦॥

ವೃದ್ಧಸ್ಯ ಸುಕುಮಾರತ್ವಪ್ರದಃ ಸೌನ್ದರ್ಯವಾನ್ ಸುಖೀ ।
ಪ್ರಿಯಂವದೋ ಮಹಾಕುಕ್ಷಿರಿಕ್ಷ್ವಾಕುಕುಲನನ್ದನಃ ॥ ೧೫೧॥

ನೀಲಗೋಕ್ಷೀರಧಾರಾಭೂರ್ವರಾಹಾಚಲನಾಯಕಃ ।
ಭರದ್ವಾಜಪ್ರತಿಷ್ಠಾವಾನ್ ಬೃಹಸ್ಪತಿವಿಭಾವಿತಃ ॥ ೧೫೨॥

ಅಞ್ಜನಾಕೃತಪೂಜಾವಾನ್ ಆಞ್ಜನೇಯಕರಾರ್ಚಿತಃ ।
ಅಞ್ಜನಾದ್ರಿನಿವಾಸಶ್ಚ ಮುಞ್ಜಕೇಶಃ ಪುರನ್ದರಃ ॥ ೧೫೩॥

ಕಿನ್ನರದ್ವಯಸಮ್ಬನ್ಧಿಬನ್ಧಮೋಕ್ಷಪ್ರದಾಯಕಃ ।
ವೈಖಾನಸಮಖಾರಮ್ಭೋ ವೃಷಜ್ಞೇಯೋ ವೃಷಾಚಲಃ ॥ ೧೫೪॥

ವೃಷಕಾಯಪ್ರಭೇತ್ತಾ ಚ ಕ್ರೀಡನಾಚಾರಸಂಭ್ರಮಃ ।
ಸೌವರ್ಚಲೇಯವಿನ್ಯಸ್ತರಾಜ್ಯೋ ನಾರಾಯಣ ಪ್ರಿಯಃ ॥ ೧೫೫॥

ದುರ್ಮೇಧೋಭಞ್ಜಕಃ ಪ್ರಾಜ್ಞೋ ಬ್ರಹ್ಮೋತ್ಸವಮಹೋತ್ಸುಕಃ ।
ಭದ್ರಾಸುರಶಿರಶ್ಚೇತಾ ಭದ್ರಕ್ಷೇತ್ರೀ ಸುಭದ್ರವಾನ್ ॥ ೧೫೬॥

ಮೃಗಯಾಽಕ್ಷೀಣಸನ್ನಾಹಃ ಶಙ್ಖರಾಜನ್ಯತುಷ್ಟಿದಃ ।
ಸ್ಥಾಣುಸ್ಥೋ ವೈನತೇಯಾಙ್ಗಭಾವಿತೋ ಹ್ಯಶರೀರವಾನ್ ॥ ೧೫೭॥

ಭೋಗೀನ್ದ್ರಭೋಗಸಂಸ್ಥಾನೋ ಬ್ರಹ್ಮಾದಿಗಣಸೇವಿತಃ ।
ಸಹಸ್ರಾರ್ಕಚ್ಛಟಾಭಾಸ್ವದ್ಯಿಮಾನನ್ತಃಸ್ಥಿತೋ ಗುಣೀ ॥ ೧೫೮॥

ವಿಷ್ವಕ್ಸೇನಕೃತಸ್ತೋತ್ರಃ ಸನನ್ದನವರೀವೃತಾಃ ।
ಜಾಹ್ನವ್ಯಾದಿನದೀಸೇವ್ಯಃ ಸುರೇಶಾದ್ಯಭಿವನ್ದಿತಃ ॥ ೧೫೯॥

ಸುರಾಙ್ಗನಾನೃತ್ಯಪರೋ ಗನ್ಧರ್ವೋದ್ಗಾಯನಪ್ರಿಯಃ ।
ರಾಕೇನ್ದುಸಙ್ಕಾಶನಖಃ ಕೋಮಲಾಙ್ಘ್ರಸರೋರುಹಃ ॥ ೧೬೦॥

ಕಚ್ಛಪಪ್ರಪದಃ ಕುನ್ದಗುಲ್ಪಕಃ ಸ್ವಚ್ಛಕೂರ್ಪರಃ ।
ಮೇದುರಸ್ವರ್ಣವಸ್ತ್ರಾಢ್ಯಕಟಿದೇಶಸ್ಥಮೇಖಲಃ ॥ ೧೬೧॥

ಪ್ರೋಲ್ಲಸಚ್ಛುರಿಕಾಭಾಸ್ವತ್ಕಟಿದೇಶಃ ಶುಭಙ್ಕರಃ ।
ಅನನ್ತಪದ್ಮಜಸ್ಥಾನನಾಭಿರ್ಮೌಕ್ತಿಕಮಾಲಿಕಃ ॥ ೧೬೨॥

ಮನ್ದಾರಚಾಮ್ಪೇಯಮಾಲೀ ರತ್ನಾಭರಣಸಂಭೃತಃ ।
ಲಮ್ಬಯಜ್ಞೋಪವೀತೀ ಚ ಚನ್ದ್ರಶ್ರೀಖಣ್ಡಲೇಪವಾನ್ ॥ ೧೬೩॥

ವರದೋಽಭಯದಶ್ಚಕ್ರೀ ಶಙ್ಖೀ ಕೌಸ್ತುಭದೀಪ್ತಿಮಾನ್ ।
ಶ್ರೀವತ್ಸಾಙ್ಕಿತವಕ್ಷಸ್ಕೋ ಲಕ್ಷ್ಮೀಸಂಶ್ರಿತಹೃತ್ತಟಃ ॥ ೧೬೪॥

ನೀಲೋತ್ಪಲ ನಿಭಾಕಾರಃ ಶೋಣಾಮ್ಭೋಜಸಮಾನನಃ ।
ಕೋಟೀಮನ್ಮಥಲಾವಣ್ಯಚನ್ದ್ರಿಕಾಸ್ಮಿತಪೂರಿತಃ ॥ ೧೬೫॥

ಸುಧಾಸ್ವಚ್ಛೋರ್ಧ್ವಪುಣ್ಡ್ರಶ್ಚ ಕಸ್ತೂರೀತಿಲಕಾಞ್ಚಿತಃ ।
ಪುಣ್ಡರೀಕೇಕ್ಷಣಃ ಸ್ವಚ್ಛೋ ಮೌಲಿಶೋಭಾವಿರಾಜಿತಃ ॥ ೧೬೬॥

ಪದ್ಮಸ್ಥಃ ಪದ್ಮನಾಭಶ್ಚ ಸೋಮಮಣ್ಡಲಗೋ ಬುಧಃ ।
ವಹ್ನಿಮಂಡಲಗಃ ಸೂರ್ಯಃ ಸೂರ್ಯಮಣ್ಡಲಸಂಸ್ಥಿತಃ ॥ ೧೬೭॥

ಶ್ರೀಪತಿರ್ಭೂಮಿಜಾನಿಶ್ಚ ವಿಮಲಾದ್ಯಭಿಸಂವೃತಃ ।
ಜಗತ್ಕುಟುಮ್ಬಜನಿತಾ ರಕ್ಷಕಃ ಕಾಮಿತಪ್ರದಃ ॥ ೧೬೮॥

ಅವಸ್ಥಾತ್ರಯಯನ್ತಾ ಚ ವಿಶ್ವತೇಜಸ್ಸ್ವರೂಪವಾನ್ ।
ಜ್ಞಪ್ತಿರ್ಜ್ಞೇಯೋ ಜ್ಞಾನಗಮ್ಯೋ ಜ್ಞಾನಾತೀತಃ ಸುರಾತಿಗಃ ॥ ೧೬೯॥

ಬ್ರಹ್ಮಾಣ್ಡಾನ್ತರ್ಬಹಿರ್ವ್ಯಾಪ್ತೋ ವೇಙ್ಕಟಾದ್ರಿಗದಾಧರಃ ।
ವೇಙ್ಕಟಾದ್ರಿಗದಾಧರ ಓಂ ನಮಃ ಇತಿ ॥

ಏವಂ ಶ್ರೀವೇಙ್ಕಟೇಶಸ್ಯ ಕೀರ್ತಿತಂ ಪರಮಾದ್ಭುತಮ್ ॥ ೧೭೦॥

ನಾಮ್ನಾಂ ಸಹಸ್ರಂ ಸಂಶ್ರಾವ್ಯಂ ಪವಿತ್ರಂ ಪುಣ್ಯವರ್ದ್ಧನಮ್ ।
ಶ್ರವಣಾತ್ಸರ್ವದೋಷಘ್ನಂ ರೋಗಘ್ನಂ ಮೃತ್ಯುನಾಶನಮ್ ॥ ೧೭೧॥

ದಾರಿದ್ರ್ಯಭೇದನಂ ಧರ್ಮ್ಯಂ ಸರ್ವೈಶ್ವರ್ಯಫಲಪ್ರದಮ್ ।
ಕಾಲಾಹಿವಿಷವಿಚ್ಛೇದಿಜ್ವರಾಪಸ್ಮಾರಭಞ್ಜನಮ್ ॥ ೧೭೨॥

ಶತ್ರುಕ್ಷಯಕರಂ ರಾಜಗ್ರಹಪೀಡಾನಿವಾರಣಮ್ ।
ಬ್ರಹ್ಮರಾಕ್ಷಸಕೂಷ್ಮಾಂಡಭೇತಾಲಭಯಭಂಜನಮ್ ॥ ೧೭೩॥

ವಿದ್ಯಾಭಿಲಾಷೀ ವಿದ್ಯಾವಾನ್ ಧನಾರ್ಥೀ ಧನವಾನ್ ಭವೇತ್ ।
ಅನನ್ತಕಲ್ಪಜೀವೀ ಸ್ಯಾದಾಯುಷ್ಕಾಮೋ ಮಹಾಯಶಾಃ ॥ ೧೭೪॥

ಪುತ್ರಾರ್ಥೀ ಸುಗುಣಾನ್ಪುತ್ರಾನ್ ಲಭೇತಾಽಽಯುಷ್ಮತಸ್ತನಃ ।
ಸಙ್ಗ್ರಾಮೇ ಶತ್ರುವಿಜಯೀ ಸಭಾಯಾಂ ಪ್ರತಿವಾದಿಜಿತ್ ॥ ೧೭೫॥

ದಿವ್ಯೈರ್ನಾಮಭಿರೇಭಿಸ್ತು ತುಲಸೀಪೂಜನಾತ್ಸಕೃತ್ ।
ವೈಕುಣ್ಠವಾಸೀ ಭಗವತ್ಸದೃಶೋ ವಿಷ್ಣುಸನ್ನಿಧೌ ॥ ೧೭೬॥

ಕಹ್ಲಾರಪೂಜನಾನ್ಮಾಸಾತ್ ದ್ವಿತೀಯ ಇವ ಯಕ್ಷರಾಟ್ ।
ನೀಲೋತ್ಪಲಾರ್ಚನಾತ್ಸರ್ವರಾಜಪೂಜ್ಯಃ ಸದಾ ಭವೇತ್ ॥ ೧೭೭॥

ಹೃತ್ಸಂಸ್ಥಿತೈರ್ನಾಮಭಿಸ್ತು ಭೂಯಾದ್ದೃಗ್ವಿಷಯೋ ಹರಿಃ ।
ವಾಞ್ಛಿತಾರ್ಥ ತದಾ ದತ್ವಾ ವೈಕುಣ್ಠಂ ಚ ಪ್ರಯಚ್ಛತಿ ॥ ೧೭೮॥

ತ್ರಿಸನ್ಧ್ಯಂ ಯೋ ಜಪೇನ್ನಿತ್ಯಂ ಸಂಪೂಜ್ಯ ವಿಧಿನಾ ವಿಭುಮ್ ।
ತ್ರಿವಾರಂ ಪಞ್ಚವಾರಂ ವಾ ಪ್ರತ್ಯಹಂ ಕ್ರಮಶೋ ಯಮೀ ॥ ೧೭೯॥

ಮಾಸಾದಲಕ್ಷ್ಮೀನಾಶಃ ಸ್ಯಾತ್ ದ್ವಿಮಾಸಾತ್ ಸ್ಯಾನ್ನರೇನ್ದ್ರತಾ ।
ತ್ರಿಮಾಸಾನ್ಮಹದೈಶ್ವರ್ಯಂ ತತಸ್ಸಂಭಾಷಣಂ ಭವೇತ್ ॥ ೧೮೦॥

ಮಾಸಂ ಪಠನ್ನ್ಯೂನಕರ್ಮಮೂರ್ತಿಂ ಚ ಸಮವಾಪ್ನುಯಾತ್ ।
ಮಾರ್ಗಭ್ರಷ್ಟಶ್ಚ ಸನ್ಮಾರ್ಗಂ ಗತಸ್ವಃ ಸ್ವಂ ಸ್ವಕೀಯಕಮ್ ॥ ೧೮೧॥

ಚಾಞ್ಚಲ್ಯಚಿತ್ತೋಽಚಾಞ್ಚಲ್ಯಂ ಮನಸ್ಸ್ವಾಸ್ಥ್ಯಂ ಚ ಗಚ್ಛತಿ ।
ಆಯುರಾರೋಗ್ಯಮೈಶ್ವರ್ಯಂ ಜ್ಞಾನಂ ಮೋಕ್ಷಂ ಚ ವಿನ್ದತಿ ॥ ೧೮೨॥

ಸರ್ವಾನ್ಕಾಮಾನವಾಪ್ನೋತಿ ಶಾಶ್ವತಂ ಚ ಪದಂ ತಥಾ ।
ಸತ್ಯಂ ಸತ್ಯಂ ಪುನಸ್ಸತ್ಯಂ ಸತ್ಯಂ ಸತ್ಯಂ ನ ಸಂಶಯಃ ॥ ೧೮೩॥

ಶ್ರೀ ಭ್ರಹ್ಮಾಣ್ಡಪುರಾಣೇ ವಸಿಷ್ಠನಾರದಸಂವಾದೇ ಶ್ರೀವೇಙ್ಕಟಾಚಲಮಾಹಾತ್ಮ್ಯೇ
ಶ್ರೀ ವೇಙ್ಕಟೇಶ ಸಹಸ್ರನಾಮ ಸ್ತೋತ್ರಾಧ್ಯಾಯಃ ಸಮಾಪ್ತಃ ॥



Proofread and thoroughly revised by YV Malleswara Rao malleswararaoy@yahoo.com

Please send corrections to sanskrit@cheerful.com
Last updated ತ್oday
http://sanskritdocuments.org

Venkateshwara Sahasranama Stotram Lyrics in Kannada PDF
% File name : venkateshasahasra.itx
% Category : sahasranAma
% Location : doc\_vishhnu
% Author : Traditional
% Language : Sanskrit
% Subject : philosophy/hinduism/religion
% Transliterated by : Original http://www.mypurohith.com
% Proofread by : and Revised by Malleswara Rao Yellapragada malleswararaoy at yahoo.com
% Latest update : July 16, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website